رد غرررررررريب من المذيع محمد العمري على احد المتصلين بخصوص تقديم الخمر في القطرية!!!

[مستثمر رشيد]

الان استمعت الى اتصال في وطني الحبيب من شخص قطري موجود في لندن ويقدم شكوى على القطرية بسبب قيام احد الركاب باثارة الشغب تحت تأثير السكر وذلك اثناء الرحلة من الدوحة الى لندن مما سبب ازعاج لجميع من كانوا على الرحلة ....
واضاف المتصل في شكواه هل من كرم القطريين والطيران القطري تقديم الخمور ؟؟؟؟

ولكن تفاجأة برد المذيع محمد العمري الله يهديه لما قال : هذا امر عادي ويحدث في اغلب الرحلات الجوية ..... !!!

وبعدها تم قطع الاتصال ...

[برشلوني قطر]

صج رد ينرفز...ودايمااا ردوووده باااااارده وترفع الضغط...:anger1::anger1:

[Doha Sun]

قهرني المذيع كان ودي اتصل وارد عليه ..
وكله كون يوم يبي السكران يفتح باب الطيارة ..
حسبي الله ونعم الوكيل

[ودي أكون]

مثل مايمنعون التدخين فالطياره .. ليش مايمنعون الشراب حسبي الله عليهم ..

[ALI5566]

اكبر الله اكبر عليه

[جغرافي قطر]

مع انه عندي ريحة الزقاير اهون بمليون مره من ريحة الخمر

مع اني ما ادخن

لكن اخبر مره كنت رايح لندن وكان فيه واحد جنبي يلكها طول الطريج

قسم بالله لاعت جبدي وما صدقت على الله نوصل

[شبح الصمت]

قهرني المذيع كان ودي اتصل وارد عليه ..
وكله كون يوم يبي السكران يفتح باب الطيارة ..
حسبي الله ونعم الوكيل



صراحة انا ما سمعـت بس رده كان ايجابي اشوفه

لأنه هذه الحقيــقة

لا توهمون نفسـكم أنه هالشيء غير موجود

واشدعوه يبي يفتح باب الطيارة يمكن مسكين مافي هواء

اللهم استر علينا فوق الارض وتحت الارض ويوم العرض

[الياقوت99]

استغفر الله العظيم،،،،،،،،،،،

[الـقـاسـي]

انا اصلا مايعجبني هالمذيع بكبره حرام يكون فالبرنامج

[الحبتور]

موقفه غريب .. ورده اغرب ..!!!

وينرفز .. مافيه غيره ..!!!!

[المرحب]

مثل مايمنعون التدخين فالطياره .. ليش مايمنعون الشراب حسبي الله عليهم ..

رأي وفكره ممتـــــــازه

:nice:

[سوق واقف]

أخاف من الطائرة والسبب وجود الخمر فيه ولا أحب أركب طيارة

[qatar-2022]

حسبي الله ونعم الوكيل... ...استغفر الله العظيم...

[Gentleman]

الخمر هو أكبر الكبائر وطالما هو كذلك لن تتوقف القطرية عن تقديمه.

[بوخالد911]

الله يعيين

قال المصطفى عليه أفضل الصلاة والسلام ( :"لعن الله الخمر شاربها، وساقيها، وبائعها، وبمتاعها، وعاصرها، ومعتصرها، وحاملها، والمحمولة إليه، وآكل ثمنها"[أبو داود[.

[ضوى]

صراحة انا ما سمعـت بس رده كان ايجابي اشوفه

لأنه هذه الحقيــقة

لا توهمون نفسـكم أنه هالشيء غير موجود

واشدعوه يبي يفتح باب الطيارة يمكن مسكين مافي هواء

اللهم استر علينا فوق الارض وتحت الارض ويوم العرض


اي رد ايجابي ياخوي؟؟؟؟

نعم هالشئ غير موجود على الخطوط السعودية ولا على الخطوط الكويتية لماذا يكون عالقطرية ؟؟؟؟؟ واقل شئ يسويه المذيع انه يستنكر ويقول لا حول ولا قوة الا بالله مب يصور الشئ عادي كانه شربة ماي !!!!!!

[شبح الصمت]

اي رد ايجابي ياخوي؟؟؟؟

نعم هالشئ غير موجود على الخطوط السعودية ولا على الخطوط الكويتية لماذا يكون عالقطرية ؟؟؟؟؟ واقل شئ يسويه المذيع انه يستنكر ويقول لا حول ولا قوة الا بالله مب يصور الشئ عادي كانه شربة ماي !!!!!!



ليش تكلمون عن الطيارة روحو السوق الحـره وشوفو جاءت على الطيارة الرجال كان سلس وقال الي على لسانه ..
يمكن اهو صريح اكثر من اللازم
انا ضد الخمـر وضد المسكرات وكل شيء حرمه رب العالمين
:weeping:

[نبـــــراس]

الخمر هو أكبر الكبائر وطالما هو كذلك لن تتوقف القطرية عن تقديمه.


:nice:
:secret: اي والله من اكبر الكبائر
الله المستعان ..

[وطن]

تعرفون متى بيمنعونه ؟؟

لين امريكا والدول الاوروبيه منعته ..
اذا صارت حادثة جوية بسبب سكران في امريكا او غيرها وصدر قانون هناك

ربعنا هني بيطبقونه

:secret:


مادري ليش ما نكون احنا السباقين في هالأمور
خصوصا انها حرام في ديننا اصلا

[ضوى]

ليش تكلمون عن الطيارة روحو السوق الحـره وشوفو جاءت على الطيارة الرجال كان سلس وقال الي على لسانه ..
يمكن اهو صريح اكثر من اللازم
انا ضد الخمـر وضد المسكرات وكل شيء حرمه رب العالمين
:weeping:



اخوي الكلام بشكل عام مو طيارة بس ، المذيع خانه التعبير ولازم يوصل له هالشئ المفروض ينكر المنكر بلسانه وهذا ابسط شئ يقوم به ، بس هو صور الشئ كانه عادي طبعا خانه التعبير بس لازم احد ينبهه
اخوي كلنا ضد الخمر ولازم ننكره لو بكتابة سطور بهالمنتدى

[شبح الصمت]

اخوي الكلام بشكل عام مو طيارة بس ، المذيع خانه التعبير ولازم يوصل له هالشئ المفروض ينكر المنكر بلسانه وهذا ابسط شئ يقوم به ، بس هو صور الشئ كانه عادي طبعا خانه التعبير بس لازم احد ينبهه
اخوي كلنا ضد الخمر ولازم ننكره لو بكتابة سطور بهالمنتدى

اللهم استر علينا فوق الارض وتحت الارض ويوم العرض

[الغالي!]

الله يرحم الساعي البرنامج عقبه لاريحه لاطعم لاذوق والصراحه البرنامج اول اسمه برنامج الحين!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!

[سهم متردد]

اصلا هل المذيع مايصلح يقدم مبارة لان يحقق مع المتصلين يوم يتصلون يشتكووون
وبااالاد برووود مب طبيعي تحسه مخدر

[Sharshooooor]

مثل مايمنعون التدخين فالطياره .. ليش مايمنعون الشراب حسبي الله عليهم ..

ردك ولا اروع الصراحة

وفعلا مثل ما التدخين يضر بالاخرين الخمر بعد ممكن يهدد سلامة الاخرين

انا صارت لي سالفة تهجم علي سكران في احد الدول العربية

وكانت النتيجة كسر في صبعي من كثر مالكمت له :nice:

بعدها لحقني بساطور

فشردت :shy:

[النائب]

الحمد لله إني مقاطع القطرية أنا وعائلتي من أول ماسمحوا فيها بتقديم الخمر لأني إعتقد والله أعلم بأني مادمت أسافر عليها وأدفع قيمة التذاكر فأنا من الداعمين لصمودها إلى الآن .

طبعا القطرية ماراح تخسر شي إذا ماحجزت عليها ولكن أنا كسبت الراحه النفسية وعلى الأقل أحس إني سويت شي عملي بمقاطعتي لها ولو كل شخص ينكر على القطرية هذا الشي من قلبه قاطعها وبحث عن بديل فممكن يكون قد تبرأ لدينه وجعل القطرية تحيد عن قرارها وتعيد النظر في تقديم الخمور .

[GPC]

اي رد ايجابي ياخوي؟؟؟؟

نعم هالشئ غير موجود على الخطوط السعودية ولا على الخطوط الكويتية لماذا يكون عالقطرية ؟؟؟؟؟ واقل شئ يسويه المذيع انه يستنكر ويقول لا حول ولا قوة الا بالله مب يصور الشئ عادي كانه شربة ماي !!!!!!

ولهذا السبب فالخطوط السعودية والكويتية لا تصنف في طيران الخمس نجوم

[النائب]

الخمر هو أكبر الكبائر وطالما هو كذلك لن تتوقف القطرية عن تقديمه.

ورئيس القطرية هو أكبر الباكر

سبحان الله على هالصدف

اكبر الباكر
أكبر الكبائر

[بوخالد911]

صح

ذكرتووني بموقف
العام الماضي
كنت راجع من بانكوك
وجالس بجنب 1 وكاس الخمر بيده

وطاااايح لت فيه

كاااس ورى كاااس


ادور كرسي فاضي
ولا لقيت

تمنيت ان مسافة الرحلة وهي حوالي 6 ساعات ؛ تمنيت أن تكون 6 دقايق

!!!!!!!!!!!!!
:(

[بن جعران]

لا حول ولا قوة الا بالله..

اشفيكم خلونا نطور ونواكب الامم المتحضرة!!!

ليش عندنا ديمقراطية!!

[بن درويش]

هذا المذيع غير لائق بالاذاعة ياريت يحطونة محامي للوزارات والشركات والمؤسسات يصلح لهشغلة كان المضروض علية ان يقول كرم اهل قطر مكرم من هذا الشي ونتمنى ان يسمعونا المسؤلين في القطرية ويجدون حل وهو بمنع الشراب مثل مايمنعون التدخين مب يقول اشوف هذا الشي عادي لايكون بعد

[المرونة]

الله يذكرك بالخير يا شايل هموم القطريين الاخ حسن الساعي كان يعرف يدير البرنامج وما يخاف ولله الحمد نشوفه مبدع كالعادة في برنامج الدار هذا نفتخر فيه كاعلامي قطري ..

اما المذيع العمري البرنامج اكبر منه بكثير وردود استفزازية وسمعته اليوم بجملة (( عادي تصير )) بالله عليك هذا رد .. يفتقر لسرعه البديهه وحسن الرد بعكس الساعي الي تعايش مع هموم القطريين

[القلم الصريح]

الله يرحم ايام حسن الساعي لمه يتكلم يتكلم بحرقة قلبببببببببببب ،

[ابوالعز]

شتتوقعون من شخص
ماعنده غيره على سمعه ديرته
الله يصلح الحال ويهديه

[MoHaMmEd114]

يستقيل ابرك له

[PARIS]

المذيع ايش يقدر يسوي ينتقد القطريه اكيد مايقدر ففضل ان يرد بهالطريقه

[سطح القمر]

مذيع فاشل ولا يحاول يحل المشكله يبي يتركها فقط على طمام المرحوم .

[بويعقوب]

الله لايحيه ولايحيي اشكاله عديمين الاحساس والغيره

هذا واحد مهمش ولادور له في المجتمع


واقسم بالله ان حده يقول مواقيت الساعه وبس

[بن جلبان]

المذيع ،،، دايما ردود سطحيــه ،، واكثر عبارة يقولها (راح نرفع موضوعك للجهات المعنيه والمختصه) طل ،،،، لو يتم نقله مستقبل مكالمات أبــرك ،، ويعطي غيره مجال ،، الله يذكرك بالخير يا حسن الســاعي ،، عمله نادره في إذاعة قطر ..

[بويعقوب]

المذيع ايش يقدر يسوي ينتقد القطريه اكيد مايقدر ففضل ان يرد بهالطريقه



ليش مايقدر لايكون القطريه بيفنشونه ولابيقطعون راتبه

اقول والله لو يخلوني اقدم البرنامج لا اعلمهم سنع الله

وياريت يسمع استديو واحد على اذاعة امارات اف ام

ويتعلم منهم طريقة الحوار الهادف

[::.Silent.::]

المذيع يخاف يتحمس شوي

و يكون مصيره مثل المذيع اللامع: عبدالعزيز محمد

[كبير المجلس]

الأخطر من ذلك لماذا لم يعامل المواطن الإنجليزي مثلما تعاملت الولايات المتحدة مع الدبلوماسي القطري ، ويلقي الضبض عليه بتهمه اثارة الزعر بين ركاب الطائرة وتهديد أمن الركاب ، وذلك لمحالوته فتح باب الطائرة أثناء الرحلة!!!!!!!!!!!!!!!؟

[ولدالمنتدي]

انا اقول هوما يحس اللى يحس فيه المواطنين وبعدين اسلوبه بليد مع العالم ما يعجبنى كلش خرب البرنامج وين ايامك ياحسن الساعي والمذعين اللى قلبه ياخذون حق المواطن واتحسن انه معاه بس ذيه عديم احساس حتى كلمه طيبه مافيه ولاكن الواحد مايقول ألا الله كريم

[برشلوني قطر]

ليش مايقدر لايكون القطريه بيفنشونه ولابيقطعون راتبه

اقول والله لو يخلوني اقدم البرنامج لا اعلمهم سنع الله

وياريت يسمع استديو واحد على اذاعة امارات اف ام

ويتعلم منهم طريقة الحوار الهادف


كفووووو والله..

رشح نفسك وان شاءالله كلنا معاااك :nice:

بس اخاااف اتقول حريه شخصيه :eek5:

[بويعقوب]

كفووووو والله..

رشح نفسك وان شاءالله كلنا معاااك :nice:

بس اخاااف اتقول حريه شخصيه :eek5:

مهب انا اللي اقول (( حريه شخصيه )):anger1:

باحاول اتصل بــ أكبر الباكر واقوله على المهزله اللي صايره في صنادقهم وابغيه يرد رد مقنع (( اذا قدر ))

صدقني ياخوي لو يعطوني البرنامج ومع صلاحيات ان شاء الله مشاكل اهل قطر بتنحل وخاصه المرور وكيوتل والبنوك :victory:

[الكواري]

ياليت تكونون انتوا مكانه في البرنامج
بكل أمانه شنو بيكون ردكم؟؟؟؟

لكم المايك
:polling:
:polling:

[@فهد@]

رد المذيع رد الي مابيده شي .. حتي لو انتقد وش بيصير

[بوحارب]

مثل مايمنعون التدخين فالطياره .. ليش مايمنعون الشراب حسبي الله عليهم ..

كلام صحيح :)

اول مرة تكتبين شي عدل :(

[زايدي]

صراحة انا ما سمعـت بس رده كان ايجابي اشوفه

لأنه هذه الحقيــقة



؟!؟!؟!؟!؟!؟!؟!

[بوفصول]

مذيع مايصلـح

يبربر وايد

[هجمة مرتدة]

حسبي الله ونعم الوكيل ..

حسبي الله ونعم الوكيل ..

هذا رد يا محمد العمري ؟؟ نسيت من رأى منكم منكرا !!

لكن للأسف طلعت عبد المأمور .. مب كفو الكرسي اللي جالس عليه ..

الله يذكر جابر عبيد بالخير .. كان شايل ستوديو 1 وهموم الإمارات كلها على راسه ..

ياريت يكون عند مقدم برنامج وطني الحبيب غيرة على دينه وبلاده ..

واعلم يا محمد العمري أنها لو دامت لغيرك ما وصلت لك ..

فالأفضل أنك تبني لك سمعة جيدة دامك موجود بالكرسي !!

الله يهديك

[برشلوني قطر]

مهب انا اللي اقول (( حريه شخصيه )):anger1:

باحاول اتصل بــ أكبر الباكر واقوله على المهزله اللي صايره في صنادقهم وابغيه يرد رد مقنع (( اذا قدر ))

صدقني ياخوي لو يعطوني البرنامج ومع صلاحيات ان شاء الله مشاكل اهل قطر بتنحل وخاصه المرور وكيوتل والبنوك :victory:

تعجبني:nice:

بس ابتدي بأول نقطه وقدم ع وظيفه فالاذاعه..وانك طالب تكون مذيع..

وان شاءالله الامور الثنيه تتسهل...<<سمعت انهم يبون مذيعين..<<احس مب تام اكثر من اسبوع :weeping:

[أ التميمي]

اللهم اهدي امة محمد ( صلى الله عليه وسلم )

[تميم بن خالد]

لعن الله بايعه وشاربه وجالسه ... والعياذ بالله .. الناس صار كل شيء عادي

[الكواري]

مذيع مايصلـح

يبربر وايد

ههههههههههه
هل يوجد في ظنك مذيع مايبربر:omen2:

[خليفـة]

مع كامل احترامي للمذيع الغير ناجح
محمد العمري
من الخطأ الفادح ان يكون مقدم برنامج على الهواء

والله انه يفتقر لأبسط الأمور الي ممكن تخليه مذيع

والأسوأ من ذلك ان غشيم في كثير من الأمور

[BoFahed]

شباب المذيع خانه التعبير قصده عادي تصير هذي المشاكل(المساطيل ) في اي شركة طيران بالعالم بس لانه ما يعرف يعبر ولا يعرف يدير الحوار وكله يشتط يدافع عن الجهات المسئولة مع الخيل يا شقرا الناس فهموه غلط وعلى فكره اكثر من مره خبط في الدورات الماضية لما استلم مكان المذيعة الدكتورة

نطالب الاذاعة بعودة حسن الساعي للبرنامج لانه انسان لبق في الحوار سواء مع المتصلين او المسئولين وجرئ في الحق اسلوبه بسيط و محايد لا يجامل احد ولا يدافع عن الجهات الحكومية ضد المواطنين يسمع من الطرفين ولا يتفلسلف والبرنامج له قاعدة شعبية كبيرة المفروض المسئولين عليه ما يسكتون على هذه المهزلة اللي صايره الحين

[ارين]

الان استمعت الى اتصال في وطني الحبيب من شخص قطري موجود في لندن ويقدم شكوى على القطرية بسبب قيام احد الركاب باثارة الشغب تحت تأثير السكر وذلك اثناء الرحلة من الدوحة الى لندن مما سبب ازعاج لجميع من كانوا على الرحلة ....
واضاف المتصل في شكواه هل من كرم القطريين والطيران القطري تقديم الخمور ؟؟؟؟

ولكن تفاجأة برد المذيع محمد العمري الله يهديه لما قال : هذا امر عادي ويحدث في اغلب الرحلات الجوية ..... !!!

وبعدها تم قطع الاتصال ...


أخي الفاضل .. وماذا بوسع المذيع المسكين أن يجيب المتصل بغير هذه الإجابة ؟
هذه هي الحقيقة فالطيران القطري يقدم الخمور مثله مثل أي شركة طيران غير مسلمة ..وطبعا آثار شرب الخمر على شاربه والمشاكل النتائج عنه لا يخفى على أي أحد وهذا مايحصل في أي مكان فيه خمر وليس فقط على الطائرة .. والمتصل
لم يقل هذه الجملة إلا من الحرة والغيرة التي فيه على بلده وعلى طيران بلده ..
وأما الدافع من تقديم الخمور للمسافرين
هل هو من الكرم أو غيره فهذه مسألة أخرى وأعتقد الإجابة عن هذا السؤال هي من اختصاصات
الطيران القطري والإدارة المسؤولة عنه ومن سمح لهم بذلك .. ما رأيك تسألهم هالسؤال ؟
وبعدين إنت لو كنت في مكان المذيع ماذا سيكون ردك ؟

وشــــــــكرا لك ..



.

[qtr.wolf]

ليش مذيع وطني الحبيب .. محمد العمري هل هو قطري و لا حصل الجواز القطري من فتره هذا اذا كان عنده جواز قطري من الاصل شلون تبغون واحد مب قطري يغار على قطر الغاليه .. عشان كذا اشوف رده عادي واجه اعتذاري للمذيع عشان ما يقول اني انتقده بس هذا اللي حاصل ياجماعه

[الكواري]

ياليت تكونون انتوا مكانه في البرنامج
بكل أمانه شنو بيكون ردكم؟؟؟؟

لكم المايك
:polling:
:polling:

وينك ياصاحب الموضوع

[مبرمج QA]

أنا نفس الشي تفاجاة بالرد...!
كأن الموضوع عادي مب كأنه منكر ويجب الانكار.....

والله قهر .. وآخر شي قطع الاتصال وكان الموضوع افيه اي مشكله ..

انا اشوف يجب على الجهات المختصة محاسبة العمري على الرد البارد وكأن الموضوع لا يعينية ثم ومن خلال رده البارد موافق للمنكر ...

الله يهديك بس

[PARIS]

ليش مايقدر لايكون القطريه بيفنشونه ولابيقطعون راتبه

اقول والله لو يخلوني اقدم البرنامج لا اعلمهم سنع الله

وياريت يسمع استديو واحد على اذاعة امارات اف ام

ويتعلم منهم طريقة الحوار الهادف

انا اقصد القطريه لا تاخذ براي حد اوحتى تسمع النقد الموجه لها .. اصلا القطريه تتبع سياسة الحقران يقطع المصران .. هذا الكلام اكتبه من واقع ماقرأت وتابعت من انتقادات من قبل من جهة المواطن طبعا ولكن لاحياة لمن تنادي اذن من طين واذن من عجين حتى في واحد كان كاتب من قبل اذا تبي تنتقد القطريه اصلا مايطلعونك على الهوا .....

[العضو الماسي]

انا اصلا مايعجبني هالمذيع بكبره حرام يكون فالبرنامج

:victory::victory::victory:

:nice::nice::nice:

فديتك ياحسن الساعي وفديت صوت القطري الأصيل ... :discuss:

[نشميّه]

:rolleyes2:

الصراحه غريب الموقف .. بس بين ان المذيع مب كفو اصلا يكون مذيع
ويستقبل شكاوي الناس بـ قطع الخطوط في وجيهم :)

وحده كانت على هذي الطياره ، تقول: هذي المره كرم القطريه كان غير
عن كل مره .. تقول دخلنا وعلى طول جاووهم بالخمور ويقدمونها لهم
بكل سعاده ! تقول خاصة السياحيه على طول عطوهم ..

لدرجه من كثر ماشربوا بعضهم انترست كابينة البزنس والفرست بالناس
اللي رايحين راجعين على التواليت ( وانتوا بكرامه ) وريحة الطياره كلها كحول
كانه قاعدين في بار مب طياره !
والريحه اللي جايه من الدرجه السياحيه حاشره المكان كله ..
الا انا واحد من كثر ماشرب راح يبي يفتح باب الطياره ومسكوه
المضيفات ورجعوه بذوق .. ( مادري شالفايده يخلونهم يسكرون ويعاملونهم بذوق ) !
قام ومره ثانيه وسوا دوشه يبي يفتح باب الطياره وهي فـ الجو !

ويوم وصلوا .. أخروا الناس 45 دقيقه في الطياره .. ودخلوا الشرطه بأسلحتهم
وخذوا الرجال اللي يبي يفتح باب الطياره ومرته ..


أبي أعرف ليش هذي كله ؟ انا ماعمري سافرت على القطريه
وماحتشرت الطياره بريحة الكحول والأصوات العاليه واللي يفتحون
ستاير الكباين ويروحون ويرجعون .. ندفع فلوس وأكثر من الأجنبي بعد
ولا انتهنى في الخطوط الجويه التابعه لبلادنا ؟
الشرهه على اللي حط إدارة القطرية التعبانه ! صج لي قالوا" دهنا في مكبتنا"
أشوف رئيس القطريه مطبق المثل صح
وأشوف ستين الف طياره يوميه رايحه الهند وسبعين وجهه في الهند بس
وأحلى تخفضيات للهنود :)
وانتوا ياهل قطر دوروا لكم طيران محترم تسافرون عليه
بدل الناقل الرسمي لحثالة المجتمع :)
تعبنا واحنا نقول القطريه والقطريه .. ذالين القطريين كانه القطري هو الغريب
مايجون الا بالتسنع وبالهواش في المطارات

[كبير المجلس]

محمد العمري لم يخطأ ، ولو انت مكانه لشل لسانك ،،، والسبب انت عارفه!!!!

[فلتة زمانها]

رده منطقي لانه هالكلام ماخوذ خيره !!!

[فرقة الصقور]

وين حسن السياعي أفضل منه مليون مره

[بومحمد]

مذيع فاشل بكل ماتحمل الكلمة من معنى

وللأسف على الرغم من اللإخفاقات اليوميه مع الناس لازال موجود

[" فـارس قـطر "]

هذي المذيع غثيث وينرفز ويبط الجبد
حرام حاطينه في هالبرنامج والله

الله يرحم ايامك يالساعي

[فرانسـ كوفي]

الحق مايزعل هو صادق عندما قال
هذا امر عادي ويحدث في اغلب الرحلات الجوية ..... !!!

[" فـارس قـطر "]

:rolleyes2:

الصراحه غريب الموقف .. بس بين ان المذيع مب كفو اصلا يكون مذيع
ويستقبل شكاوي الناس بـ قطع الخطوط في وجيهم :)

وحده كانت على هذي الطياره ، تقول: هذي المره كرم القطريه كان غير
عن كل مره .. تقول دخلنا وعلى طول جاووهم بالخمور ويقدمونها لهم
بكل سعاده ! تقول خاصة السياحيه على طول عطوهم ..

لدرجه من كثر ماشربوا بعضهم انترست كابينة البزنس والفرست بالناس
اللي رايحين راجعين على التواليت ( وانتوا بكرامه ) وريحة الطياره كلها كحول
كانه قاعدين في بار مب طياره !
والريحه اللي جايه من الدرجه السياحيه حاشره المكان كله ..
الا انا واحد من كثر ماشرب راح يبي يفتح باب الطياره ومسكوه
المضيفات ورجعوه بذوق .. ( مادري شالفايده يخلونهم يسكرون ويعاملونهم بذوق ) !
قام ومره ثانيه وسوا دوشه يبي يفتح باب الطياره وهي فـ الجو !

ويوم وصلوا .. أخروا الناس 45 دقيقه في الطياره .. ودخلوا الشرطه بأسلحتهم
وخذوا الرجال اللي يبي يفتح باب الطياره ومرته ..


أبي أعرف ليش هذي كله ؟ انا ماعمري سافرت على القطريه
وماحتشرت الطياره بريحة الكحول والأصوات العاليه واللي يفتحون
ستاير الكباين ويروحون ويرجعون .. ندفع فلوس وأكثر من الأجنبي بعد
ولا انتهنى في الخطوط الجويه التابعه لبلادنا ؟
الشرهه على اللي حط إدارة القطرية التعبانه ! صج لي قالوا" دهنا في مكبتنا"
أشوف رئيس القطريه مطبق المثل صح
وأشوف ستين الف طياره يوميه رايحه الهند وسبعين وجهه في الهند بس
وأحلى تخفضيات للهنود :)
وانتوا ياهل قطر دوروا لكم طيران محترم تسافرون عليه
بدل الناقل الرسمي لحثالة المجتمع :)
تعبنا واحنا نقول القطريه والقطريه .. ذالين القطريين كانه القطري هو الغريب
مايجون الا بالتسنع وبالهواش في المطارات



على فكره اخوي اكبر الباكر امه هنديه الاصل :victory:
فلا تستغرب من الي قاعد تشوفه

[هذلان]

طيب سؤال : القطريه و كثير من شركات الطيران تمنع وجود اكثر من 100 ملي من العطور او السوائل لدواعي امنيه (لانها قابله للاشتعال و ممكن تستخدم لاغراض خطره)

الخمر كحول يعني يولع مثله مثل البترول !

ماردهم ؟

[نشميّه]

على فكره اخوي اكبر الباكر امه هنديه الاصل :victory:
فلا تستغرب من الي قاعد تشوفه

هو هندي .. مب بس امه هنديه ..

[خالد القطري]

مادري اشدخل اصله وفصله في الموضوع

هو عبد مأمور

خاطبو رئيس مجلس الاداره

اللى اعطاه الضوء الاخضر

لو تقدرون :)

[ابن الذيب]

قام مواطن غيور على قطر بالاتصال إلى وطني الحبيب صباح الخير اليوم .. مقدماً شكواه على تقديم الخمور على متن طيارننا الوطني ..
بدأ المواطن سرد قصته وقال في منتصف الرحلة بدأت آثار السكر على الركاب الآسيوين مما دفعهم إلى التزاحم على حمامات الطائرة واقتحامهم درجة الأعمال لاستخدام الحمامات الخاصة لهذه الدرجة , بدون محاولة المضيفين لايقافهم أو ردّهم .
ومما زاد الطين بلّة محاولة أحد الركاب فتح باب الطائرة , وبعد هذه العناء كله و الفوضى التي قام بها السكارى وعلى رأسهم من قام بمحاولة فتح الباب , وصلت الطائرة إلى مطار هيثرو , وقاموا بالانتظار لمدة تجاوزت النصف ساعة داخل الطائرة بانتظار دخول رجال الأمن البريطانيين إلى الطائرة واعتقال الذي قام بمحاولة فتح باب الطائرة وزوجته .

وأكد المواطن مطالبته للخطوط الجوية القطرية بمنع الخمور على متن رحلاتها وقال : " ليس من كرم أهل قطر تقديم الخمور "

ولم يتركه مقدّم البرنامح إكمال شكواه وقام بقطع الاتصال عليه ..