تطبيق قانون الشيكات الجديد الخميس 13/5/2010

[كونكورد]

تطبيق قانون الشيكات الجديد الخميس 13/5/2010
:omg::omg::omg::omg:

تفاجأت بهذا الخبر .. اللي كنت اسمع عنه واقول ماراح يطبقونه

:telephone:

الله يستر ... ياهي بتزيد المشاكل

يعني لو عندي شيكات شهرية ( اقساط ) يقدرون يسحبونها مرة وحده
ولو عندي شيك ( ضمان ) بعد نفس الشي

والله هالقانونيين واللي مشرع هالقانون .. الظاهر امسويها لصالحه

أنا ضد هذا القانون :anger1:

والا اشرايكم

[قطر دزاين]

ما يقدر دامك متواصل على الدفع كل اخر شهر حسب العقد الموقع

[كونكورد]

ما يقدر دامك متواصل على الدفع كل اخر شهر حسب العقد الموقع

والله العظيم اني قاعد ومتواكل

افكر اسحب كل افلوسي اللي في البنك واحولها على بنك ثاني

واقول لو سحبتها .. ورجع الشيك .. البنك راح يخصم علي ويحطني في قائمة البلاك ليست

وممكن يسونها ويشتكون

:con2: والله يستر ..

[رجل الجزيرة]

ما يقدر دامك متواصل على الدفع كل اخر شهر حسب العقد الموقع

أي عقد بارك الله فيك وخاصة إذا القانون من مجلس الوزراء وأعلى.

[مطيع الله]

هذا يسمونه قانون شيلوك

متى نرى قانوناً لصالح المواطن
أو على الأقل لا يخدم مصلحة التاجر على مصلحة المواطن؟

[جاسم22]

والله العظيم اني قاعد ومتواكل

افكر اسحب كل افلوسي اللي في البنك واحولها على بنك ثاني

واقول لو سحبتها .. ورجع الشيك .. البنك راح يخصم علي ويحطني في قائمة البلاك ليست

وممكن يسونها ويشتكون

:con2: والله يستر ..

هذا اللي هم يبونه البنوك يبون كل شخص عنده ست او سبع حسابات وبالتالي هم المستفيدين

[قطر دزاين]

ماهو الله يسلمكم البعض حتى ما يقرا العقد يوقع وخلاص المفروض تقرى العقد اللي بينك وبينهم وتعرف اللي يضرك منه
البعض على طول يوقع

اذا شفت بند بيضرك لا توقع

[حمد]

للاسف القانون غير واضح بتاتا

وخاصة في موضوع العقود وطريقة استحقاق الايجارات الشهرية لاصحاب العقارات .... بالنسبة للمؤجر والمستاجر

[Doha Sun]

سؤال :
هل المستفيد يرقد ويحلم بالقاانون ويطبقه اليوم الثاني على الناس ..

[كونكورد]

ماهو الله يسلمكم البعض حتى ما يقرا العقد يوقع وخلاص المفروض تقرى العقد اللي بينك وبينهم وتعرف اللي يضرك منه
البعض على طول يوقع

اذا شفت بند بيضرك لا توقع

بس اخوي الله يسلمك مهب الكل يفهم في المصطلحات القانونية اللي في العقد

ولما يجيبولك العقد .. وتستفسر من الموظف ممكن يفسرها لك بطريقة أخرى

واعتقد أن اكثر الناس عندهم الثقة في العقود اللي تصدر من البنوك أو الوكالات الكبيرة

بس هذا طبعا ما يمنع انهم يقدمون الشيكات .... صح

هل في شي يمنع بعد هذا القانون ... يعني مافي اعتراف للتاريخ اللي فيه الشيك

وهذا اكبر غلط .. أنا امسوي ترتيباتي على هذا التاريخ علشان ادفع

يجيني قبل التاريخ ويقول عطني والقانون الجديد مهب في صالحي

وأنا اعتقد ان في قاعدة في القانون اتقول ( القانون الأصلح للمتهم ) وهذا القانون ليس في صالحه ... اذن لن يطبق .. هاذي اعتقد ثغرة في القانون

[بو خليفه 123]

هذا القانون تم استحداثه منذ مبطي

و لكن سوف يتم تفعيل هذا القانون و يتم تطبيقه قريباً .

[بنت ابوها 19]

والله مب على كيفهم

العميل وقع العقد وابرمه على اساس تاريخ معين لتسديد القرض
بيجي البنك يستنزل على العميل ويقوله والله ادفعلي قبل
شنو هاي ظلم بعينه وعلمه


بس ماعتقد في بنوك تسويها لانه تظل هاي سمعه للبنك
يعني تقدم العميل ولا تاخر كله واحد جي ولا جي بيدفع

[HIGHNESS]

مافهمت شي ممكن احد يتكرم ويشرح .. :)

[بو خليفه 123]

الخوف ليس الضرر من البنوك مثل ماتفضلت بنت ابوها كل بنك راح يخاف على سمعته .

الخوف من الضرر من الافراد اللي نوقع لهم الشيكات .

يجب ابرام عقد خطي بين الطرفين لتفادي مشاكل تقديم الشيكات قبل اوانها . و اذا كانت بنود العقد واضحه فـ أنت شاطر و تفاديت مشكلة الشيكات :)

[بو خليفه 123]

مافهمت شي ممكن احد يتكرم ويشرح .. :)

سمّوكم توقعون شيكات ؟ :p

بأختصار .. سوف يتم الغاء فعالية تاريخ الشيك .

يعني بالعربي العام : اذا غنتي وقعتي لي شيك بمبلغ 5000 ريال بتاريخ 29 مايو , بأمكاني اخذ الشيك الحين و اقدمه بتاريخ 10 مايو ... يعني تواريخ الشيكات ليس لها اي معنى , عشان كذا في مشاركتي السابقه اقترحت ابرام عقد بين الطرفين حتى يتم الالتزام .

واضح ؟

[bo_hamad]

إذا الشيك رجع بدون رصيد واشتكي في المركز هل سيتم تحويل القضية للمحكمة المدنية ولا جنائية لحل الخلاف ؟

[رجل الجزيرة]

طيب وإلي عنده شيكات أقساط سيارة شهريا فهل هذا القانون يطبق علي مثلا مثلا مثلا مع العمل إني لين الحين ما تأخرت ولا قسط والحمد لله؟

[مطيع الله]

يعني لو قدمت استقالتي وتحولت لي نهاية الخدمة 2 مليون فهل يستطيع بنك التنمية سحب كل شيكاته في يوم واحد من رصيدي؟
أين حساب الفائدة في هذه الحالة؟
وأين رضا الطرفين؟

[كونكورد]

سمّوكم توقعون شيكات ؟ :p

بأختصار .. سوف يتم الغاء فعالية تاريخ الشيك .

يعني بالعربي العام : اذا غنتي وقعتي لي شيك بمبلغ 5000 ريال بتاريخ 29 مايو , بأمكاني اخذ الشيك الحين و اقدمه بتاريخ 10 مايو ... يعني تواريخ الشيكات ليس لها اي معنى , عشان كذا في مشاركتي السابقه اقترحت ابرام عقد بين الطرفين حتى يتم الالتزام .

واضح ؟

طيب واللي قبل ما ابرم عقد .. شيسوي .. ما اعتقد الطرف الثاني يرضى انه يسوي عقد


إذا الشيك رجع بدون رصيد واشتكي في المركز هل سيتم تحويل القضية للمحكمة المدنية ولا جنائية لحل الخلاف ؟

الخوف من هذا الشيء .. وربعنا في قسم الشيكات ما يكذبون خبر


طيب وإلي عنده شيكات أقساط سيارة شهريا فهل هذا القانون يطبق علي مثلا مثلا مثلا مع العمل إني لين الحين ما تأخرت ولا قسط والحمد لله؟

اهني اعتقد انه في عقد .. فالاستفسار منهم افضل

[كونكورد]

يعني لو قدمت استقالتي وتحولت لي نهاية الخدمة 2 مليون فهل يستطيع بنك التنمية سحب كل شيكاته في يوم واحد من رصيدي؟
أين حساب الفائدة في هذه الحالة؟
وأين رضا الطرفين؟

ول انا اعتقد في هاذي الحالة راح يصير عليك هجوم غير متوقع:eek5:

[HIGHNESS]

سمّوكم توقعون شيكات ؟ :p

بأختصار .. سوف يتم الغاء فعالية تاريخ الشيك .

يعني بالعربي العام : اذا غنتي وقعتي لي شيك بمبلغ 5000 ريال بتاريخ 29 مايو , بأمكاني اخذ الشيك الحين و اقدمه بتاريخ 10 مايو ... يعني تواريخ الشيكات ليس لها اي معنى , عشان كذا في مشاركتي السابقه اقترحت ابرام عقد بين الطرفين حتى يتم الالتزام .

واضح ؟

شكراً اخوي للتوضيح ... اذا جذي بروح اوهق ناس ههههههه:deal:

[hamadt]

ابشركم :app: ماراح يطبقونه
خبر أكيد تم تأجيله للمره الثانية

[بوحارب]

اكره شي عندي سوالف الشيكات !!