شفت بعيني أمس

[الرسام القطري]

أخواني الأعزاء أمس رحت المجموعه كنت مضارب شوي عشان الأسمنت ورحت خذيت شيك

تدرون مفلسين

في مستثمر سعودي كان قدامي تدرون كم ساحب

والله ساحب رصيده كامل 2مليون ونص

يوم طلع سلمت عليه وقلت له أخوي ممكن سؤال
قلت له الله يبارك لك إن شاء الله

هذي ارباح قالي لا والله سحبت رصيدي وطالع من السوق
قلت له ليش حرام اصبر السوق صار زين
قالي المؤشر ما يدل على الصعود قالي السوق راح ينزل أكثر وتذكرني وعطاني رقم تليفونه
وقالي انه أخوه بعد بايع تقريبا قريب من نفس المبلغ وبكره بيسحبهم

ايش رايكم
وامس سألت واحد قالي أطلع من السوق
والله خايف يالربع
كفاية خساير
ابيع الي شريته امس او

والله تعبت أنا الصراحة العدد الي كانو في المجموعه ينعدون على الأصابع والله

ابي رد من أصحاب الخبرة :court: :court:

[ابو الاسهم]

الله يعين اللي يطلع وقت الدخول

ويقولون ليش نخسر !

[bo_hamad]

التفاؤل هو الأمل والتوكل على الله جل شأنه.

الرسول الكريم ( ص ) يقول تفاؤلوا بالخير تجدوه... والرسول (ص) ما ينطق عن الهوى أن هو الا وحي يوحى .

دلالة على ذلك عندما قال الرسول ( ص ) لصاحبة " أبا بكر الصديق " وهم في غار حراء عندما كانوا قريش يبحثون

عن النبي ( ص ) وهو المطلوب وليس أبا بكر وعندما لاحظه الرسول ( ص ) شدة خوف أبا بكر على النبي ( ص )

والنبي يتبسم بتفاؤل ويقول لأبا بكر " لا تحزن أن الله معنا " تمعنوا جيدا في هذه الكلمتان وأنظروا مدى التفاؤل والتوكل

على الله وكيف يؤكد كلمتة" تفاؤلوا بالخير تجدو " وكيف نجا الله تعالى محمد ( ص ) ومن معه من الغار من جنود قريش ؟ وكيف كانت نفسية كل من الرسول الامي ( ص ) وصاحبه " أبا بكر ".

أي أنه اذا أصابك أمر توكل على الله فهو حسبك وقل : " أنا أعرف أنني سوف أفعل كذا وكذا ان شاء الله" ولا تنسى كلمة

ان شاء الله لأنه هو الذي يشاء سبحانه ومن يتوكل على الله فهو حسبه .. هذا كلام الله

وكن متيقنا بأن الله سوف يكون في عونك ما دمت قد وكلت أمرك اليه سبحانه ولا تنسى بأن النزول ليس فقط بدولة قطر أنما في البورصات العالمية بعد وعليكم بالصبر وأن الله مع الصابرين

[سهم طايش]

أخواني الأعزاء أمس رحت المجموعه كنت مضارب شوي عشان الأسمنت ورحت خذيت شيك

تدرون مفلسين

في مستثمر سعودي كان قدامي تدرون كم ساحب

والله ساحب رصيده كامل 2مليون ونص

يوم طلع سلمت عليه وقلت له أخوي ممكن سؤال
قلت له الله يبارك لك إن شاء الله

هذي ارباح قالي لا والله سحبت رصيدي وطالع من السوق
قلت له ليش حرام اصبر السوق صار زين
قالي المؤشر ما يدل على الصعود قالي السوق راح ينزل أكثر وتذكرني وعطاني رقم تليفونه
وقالي انه أخوه بعد بايع تقريبا قريب من نفس المبلغ وبكره بيسحبهم

ايش رايكم
وامس سألت واحد قالي أطلع من السوق
والله خايف يالربع
كفاية خساير
ابيع الي شريته امس او

والله تعبت أنا الصراحة العدد الي كانو في المجموعه ينعدون على الأصابع والله

ابي رد من أصحاب الخبرة :court: :court:

تدري ليش سحب رصيده ؟

لان السوق السعودي نزل نزول كبير و اغلب المستثمرين سحبوا فلوسهم كذلك من بورصة دبي لتغطية خسائرهم في السوق السعودي و تعديل معدل الاسعار لاسهمهم

[الرسام القطري]

\وليش ما في أحد في المجموعه

هذي الشيء الي مخليني أصدق

قبل ما تقدر تدخل والحين مافي أحد

[خاربه خاربه]

التفاؤل هو الأمل والتوكل على الله جل شأنه.

هذه الكلام الصحيح التفائل ياناس تفائلوا بلخير تجدوه والصبر جميل

وياما سمعنا ان في ناس وايد اربحت واستفادت من الاسهم

[الرسام القطري]

ايش رايكم في الرعاية
ينفع أو


لأصحاب الخبرة سعره عجيب

[Alemadi]

\وليش ما في أحد في المجموعه

هذي الشيء الي مخليني أصدق

قبل ما تقدر تدخل والحين مافي أحد

اكثر المستثمرين متعلقين بااسعار عاليه والسيوله كلها في السوق .. تبي نصيحتي عليك بصلاه الاستخاره وشوف شلون راح تتوفق بأذن الله (نصيحه مجرب)

الله يوفق الجميع

العمادي :nice:

[الدوحة]

أخواني الأعزاء أمس رحت المجموعه كنت مضارب شوي عشان الأسمنت ورحت خذيت شيك

تدرون مفلسين

في مستثمر سعودي كان قدامي تدرون كم ساحب

والله ساحب رصيده كامل 2مليون ونص

يوم طلع سلمت عليه وقلت له أخوي ممكن سؤال
قلت له الله يبارك لك إن شاء الله

هذي ارباح قالي لا والله سحبت رصيدي وطالع من السوق
قلت له ليش حرام اصبر السوق صار زين
قالي المؤشر ما يدل على الصعود قالي السوق راح ينزل أكثر وتذكرني وعطاني رقم تليفونه
وقالي انه أخوه بعد بايع تقريبا قريب من نفس المبلغ وبكره بيسحبهم

ايش رايكم
وامس سألت واحد قالي أطلع من السوق
والله خايف يالربع
كفاية خساير
ابيع الي شريته امس او

والله تعبت أنا الصراحة العدد الي كانو في المجموعه ينعدون على الأصابع والله

ابي رد من أصحاب الخبرة :court: :court:
الله كريم

[حمد خالد]

ابشرك السوق ابتدى يسترجع عااااااااافيته ومافيه شي يخوف

[بوتميم]

[ابي رد من أصحاب الخبرة :court: :court:[/QUOTE].............................
======================
أخــــوي أعذرني ماني بصاحب الخبره ...لكنى سئلت بعض الناس الأ لهم خبره بسوق وقلت لهم هل صحيح أن السوق راح ينهار.....؟؟؟؟
قالو لى ســـــــــــــآآآآآآآآآآآآآآآآآآآآآآبع المستحيل يخسر السوق .....ودولة قطر تطلع على أن تكون دوله صناعيه من كل النواحي.....وأيظا قطر تطلع على أن يكون دخل قطر والفرد القطري..من الاقتصاد.....قبل الثروه النفطيه ....تعتقد فى الوقت الحالى العالم كله باكمله وأسره...ينظر نظره ثانيه لقطر...والنمو الاقتصادي بها......تعتقد بورصتها تنهار .!!!!......والحكومه ثابته وما تتحرك ...؟؟؟

[الرسام القطري]

بعت كل ما أملك من أسهم الي شريتهم أمس

وبكره الصبح أذا أحد باعلي بشتري هاهاهاهاها
طلعت غبي :eek3: :eek3: :eek3: :eek3:

طلعت اليوم خمسين الف ارباح بس
:eek3: :eek3: :eek3:

[roadrunner]

\وليش ما في أحد في المجموعه

هذي الشيء الي مخليني أصدق

قبل ما تقدر تدخل والحين مافي أحد

لآن موعد استلام الشيك هو دقيقة واحده بعد ما تطلبه بالتلفون .. وتقدر تستلم الشيك من الفرع الرئيسي او فرع السوق او فرع سلوى .. والزحمة قبل كانت لأن استلام الشيكات كان عقب الساعة 6 المغرب من الفرع الرئيسي فقط

:deal:

عرفت ليش مافي زحمة عندهم...


بعدين اسمح لي .. الي بيطلع من السوق وبهالوقت يا انه مديون ووقت السداد قرب .. او انه فقد الثقة بالسوق ...

على فكره .. السوق مغري للشراء .. وانا اتكلم للإستثمار وليس للمضاربة .. لأن حط ببالك الاسعار الي نشوفها اليوم لا تحلم انك تشوفها مرة ثانية .. وهذا مو كلامي .. هذي البيانات المالية للشركات هي الي تتكلم

[القناص الخليجي]

السعوديون يتوجهون للأسواق المجاورة (قطر /الامارات ) بعد تحقيق ارباح هائلة في السوق السعودي

أما هذا المسكين الذي سحب فليساته (يسبح ضد التيار) ويبشر بالفلس إنى دخلها في السوق السعودي الآن[b]

[قطر]

بعت كل ما أملك من أسهم الي شريتهم أمس

وبكره الصبح أذا أحد باعلي بشتري هاهاهاهاها
طلعت غبي :eek3: :eek3: :eek3: :eek3:

طلعت اليوم خمسين الف ارباح بس
:eek3: :eek3: :eek3:

مبروك ،، ارتحت من متابع السوق

بس ماشاء الله 50 الف ربح في يوم واحد واليوم السوق كله في العلالي

تعتبر مضارب جيد مااعتقد انك بتطلع من السوق ولا انا غلطان :con2:

[الشرقية]

الله يعين اللي يطلع وقت الدخول
ويقولون ليش نخسر !



نعم هو وقت دخول وللمرة الثانية السوق يعطي فرصة العمر على هذا الاسعار

[الراكد]

السوووووووووووووووووووووووق دخوووووووووووووووووووووووووووووووووووووووووووووووو ووووووووووول

[الرسام القطري]

توني حطيت ايداع 700 الف ريال
وبكره بشتري على اللمت آب

يا رب وفق أمة محمد

[قطر]

ماشاء الله عليك في ظرف ساعه سحبت اللي بعته

واودعت ؟؟

بس ليش تشتري على اللمت اب ؟؟ وانت بايع اليوم ؟

لا تستعجل وشوف السوق بعد اول 10 دقائق ثم حدد اذا تدخل او لا :)

والله ايوفقك .

[أخلاق]

هنا مشكلة التخبط .. بيع على انخفاض وشراء على ارتفاع !!!... انا معبي المحفظة بأسعار من القاع وبالي رايق يرتفع فرحان مافيه داعي ازيد الكمية ينخفض فرحان لأني باستمرار ازيد الكمية مع الانخفاض
القنص يبي ركادة

[خبير البورصه]

اليوم السوق يرد على كل هؤلاء

[أخلاق]

اكثر المستثمرين متعلقين بااسعار عاليه والسيوله كلها في السوق .. تبي نصيحتي عليك بصلاه الاستخاره وشوف شلون راح تتوفق بأذن الله (نصيحه مجرب)

الله يوفق الجميع

العمادي :nice:
كلامك غير صحيح السيولة موجودة ومتحركة باستمرار بالسوق هم يشترون من تحت ويرفعون فوق ويصرفون جزء من الاسهم للضغط على السوق من جديد لأسعار اقل فيشترون ويرتفعون ويصرفون جزء ... يعني هكذا

1-----بداية التضخم بيع (100%) مثال محفظة فيها 10 مليون سهم = نزول قوي =



3 -----== ارتفاع ==بيع جزء (80%) بربح من جمع 1 أي بيع مليون 600 سهم
تبقى 400 الف سهم يتم الاحتفاظ بها كدفعة اولى للجمع الغير مخصص للبيع

2----جمع 1 (20%) 2 مليون سهم == السهم أحمر ==


5---== ارتفاع === بيع جزء(70%) بربح من جمع2 أي بيع 2مليون و100 الف
تبقى 900 ألف سهم يتم الاحتفاظ بها كدفعة ثانية للجمع الغير مخصص للبيع


4-----جمع 2(30%) 3 مليون سهم == السهم أحمر ==

7-----== ارتفاع ===بيع جزء(50%) بربح من جمع3 أي بيع 2.5 مليون سهم


8----== ارتفاع == بيع جزء (20%)بربح من جمع 3 أي بيع مليون سهم
تبقى 1.5 مليون سهم يتم الاحتفاظ بها كدفعة استثمارية ثالثة غير مخصصة للبيع

6-----جمع3(50%) 5 مليون سهم == السهم أحمر ===


9---- جمع 4(60%)== السهم أحمر == اي جمع 6 مليون سهم فيصبح اجمالي ما تم جمعه (400+900+1.5+6 )= 8 مليون سهم و 900 ألف ....
ويترك مليون و 100 ألف سهم لاشعال شرارة الارتفاع الاول بالشراء ماركت من المعروض ومن ثم يساعده الصغار على رفع السهم من بعده وفي حالة توقع أو خمول الشراء من قبل الصغار يبيع جزء بربح لتوفير سيولة جديدة لمنح السهم الشرارة الاولى لأنطلاقته الثانية التي سيساهم الصغار باستمرار مسيرتها

هذا رسم تقريبي لااتجاه سيولة الكبار في حالة الموجة الهابطة
والعكس في حالة الموجة الصاعدة
فهي سيولة موجودة ومتحركة باستمرار تحقق ربح وفي القاع تزداد كمية الاحتفاط بلا بيع سوى كميات صغيرة لبث الرماد في عيون الصغار وتجميع كميات اكبر.. وفي قمة الاتفاع كما كان سابقا وقت التضخم تزداد كمية التصريف وتقل كمية الاحتفاظ .

[أحزان قطر]

الله يعين اللي يطلع وقت الدخول

ويقولون ليش نخسر !





ماشالله عليك أختصرت كل الكلام الي عندي :app: :app: :app: :app: :app: :app: :app: :app: :app: :app: :app:

[المستثمر]

:court: :deal: اذا احنا القطريين ماوثقنا في سوقنا واقتصادنا وسياسات حكومتنا الرشيده ودعمنا توجهات الدوله ما نلوم الغرب يوم يسيلون ويشردون , لاتخافون على دوله قايدها بومشعل طال عمره , وترى اللي طلع بكره يندم وسجلو كلامي. :funny:

[hamoor4ever]

ماشاء الله شكلكم ماصدقتوا انه ارتفع .. اول كنتوا متشائمين وايد لدرجه البيع بخساره والحين
كل واحد متفائل علشان يومين ارتفاع

.. الله يوفق الجميع

[البندر]

خلك ذيب ولاتبيع شي ماتدري يمكن هذا واحد من الناس اللي كانوا مأثرين بنزول السوق
ونصيحتي لك خلك ذيب ولا تبيع ولا شي والرزق بيد الخالق مب بيد اللي عطاك رقمة او غيره
(( عسا ان تكرهوا شيء وهو خير لكم ))
تحلى بالصبر ثره زين

[المستثمر]

ماشاء الله شكلكم ماصدقتوا انه ارتفع .. اول كنتوا متشائمين وايد لدرجه البيع بخساره والحين
كل واحد متفائل علشان يومين ارتفاع

.. الله يوفق الجميع

كنا متشائمين صحيح لان السوق كان بدال ماالمفروض يرتفع كان ينخفض وخصوصا بعد اعادة فائض الريان واحنا الحين مستانسين لانه السوق بدا يرجع بالتدريج وبدينا نعوض جزء من الخساير اللي خسرناها