شـوفـوا لـي حــل (( الله يجـزاكم خيــر ))

[راسي براسك]

السـلام عليـكم ورحمـة الله وبركــاتة ..


أخوانـي و خـواتي أعضـاء شبكـة الأسهـم القطـريـة المحترميـن ,,

في الحقيقـه أنا ماأدري مـن وين أبـدا كلامـي , لكـن مابعـد عسيـر الا يسيـر ..

هـاجس الشغـل صـار مسبـب لي إزمـه .. قـدمت في كـل مكـان وفي كـل زاويـة !

الوزارات المؤسسات والشركات الخاصة .. عملـت مقابلات لكـن ليـن الحين ماتوظفـت مع إني في أمس الحـاجة للوظيفـه بسبب ظروفي الخـاصه وبسبب أني وحيـدة أمي وأحتـاج للعمل لكي أقوم برعايتـها !!

أنا ماأطلب المساعـدة من أحـد لكـن اللي في إيـده شي وفي إيـده أنه يوظفنـي لايبخـل علي وربي بيجـزاه بـ ألف خيــــر ..


وتقبـلوا منـي فائـق الأحتـرام والتقـديـر ..

:weeping:

[خليفـة]

ما أملك لج اختي الا الدعاء
الله يوفقج ان شاء الله وتلاقين الوظيفة المناسبة لج

[الغانم 533]

اختي الله اوفقج والله افرج كربج
والله لو اني مب برع بجتهدلج
بس متغرب عشان الدراسه
واقترح عليج انج تكتبين المؤاهل

[راسي براسك]

تسلمون لي على الدعاء ..

[^امـ نواري^]

اختي احس انه غلط تكتبين في المنتدى بهالطريقة .......
والناس ترى مب كلهم واحد ولا كلهم نواياهم وحدة وخاصة وانج بنت !!!


انتي لا تياسين وقدمي مره ثانيه وثالثه ..
والاهم انج تتابعين الموضوع يعني تابعي طلبج وين وصل
مو تقدمين اوراقج وتنطرين في بيتكم لين هم يتصلون فيج ؟؟؟؟؟
لا لااااازم تتهمين في الطلب اكثر وتلحين على الوظيفة وتتصلين فيهم وتشوفين ليش رفضو الموضوع دام انج مقدمة على اكثر من مكان
والاهم تستعيينين بالدعاء والاستخارة والله يكتب لج اللي فيه الخير

( اسعى يا عبد وانا اسعى معاك)


اما انج تعرضين هني بالمنتدى فبصراحة كلش ما ايد هالنقطة وبتشوفين بنفسج وبتعرفين ؟؟؟؟

الله يحفظج ويحميج ويخليج لاميمتج

[كيفـي]

شنهي شهاداتج؟؟ عشان نقدر نساعدج بإذن الله..

ولا تيأسين من رحمة الله.. ان شاء الله رزقك اللى الله كاتبه لج بيجيك..

واللحي بالدعااااء قدر المستطاع.. والله يتقبل..:)

[ماريسا]

الله يرزقج ان شاءالله

[مـــــنــاف]

يا أخــتي الــكريـمه .. تُــعتبر وزاره الـداخـليه مــن أكــثر الــوزارات فــي الـدوله الــتي قامــت بــتعيين (الــقطريات) , فإن كــان لــديكم (الـثانـويه) الـعامـه , فــما عـليكم سوا تـــقديم طـلبكم بإداره الـموارد الـبشريه بـوظيفه (مـــدنــيه) .

والله يــوفقـكم ويــسهّل طــريـقكم

[راسي براسك]

أنا خليجيه وأمي قطرية ومؤهلي ثانوية عامه و icdl

للرفع

[مـــــنــاف]

أنا خليجيه وأمي قطرية ومؤهلي ثانوية عامه و icdl

للرفع

لــي عـــوده بإذن الله , والله يــقـّدرنا لفـعل الــخير

[M7ammad]

والله مادري شاقولج يا اختي الكريمة
ماقدر اقول غير الله اوفقج والله افرج كربج :(

[MP3]

الله يوفقج ويستر عليج

[MoTeC]

الله يوفقج الشيخه
جربتي تقدمين على كيوتل؟
عندج البرج مشكله ناسي اي طابق
4400400
وطلبي الموارد البشريه او وين تقدرين تقدمين
وعندج مثل ماقالولج وزاره داخليه
4330000 هذي بدالتهم
وهذي اداره الموارد البشريه للداخليه
4849444

[راسي براسك]

قدمت على كيوتل وللحين ماجاني منهم رد !

[تحداني]

.
.
لا يعرف بالحال إلا صاحب الحال
الله يرزقك الوظيفه التي تتمنينها
.. ويفرج كربتك .. ويفتح لك أبواب رزق من حيث لا تعلمين
الحاجه جدا مؤلمه


سؤال بعد إذنك .. ما جربتي المدارس المستقله
لأني يوميا أرى إعلانات في الجرائد ؟؟




جملكم الله برضى الرحمن

[سهم قطر]

شنهي الجهات اللي قدمتي فيها ؟؟

[مشتاقة لقطر]

مووووووووووووفقة يارب

[راسي براسك]

كل الجهات قدمت فيها اللي يخطر على بالكم واللي مايخطر !
والمدارس المستقله .. قدمت فيها مدرسه مدرسه ..
وصار لي سنه وشي وللحين ماتوظفت ..
اسأل الله التوفيق

[بدون]

عليك بالدعاء و صلاة القيام و الله لن يردك خائبة اختي

توكلي على الله سبحانه فهو خير من تلجأين إليه في كل وقت و ليس وقت الشدة فقط

الله يوفقج و يفرج كربتك ، آمين يا رب العالمين

[الأصيلة]

هل قدمتى على وزارة العمل
حتى يبحثوا لك عن وظيفة تناسب مؤهلاتك...
استعيني بالله وأكثري من الإستغفار
وأسعي في قضاء حوائج الناس لـ يسعى الله في حاجتك...
http://www.qatarshares.com/vb/showthread.php?t=364949

[الجبهان]

كل الجهات قدمت فيها اللي يخطر على بالكم واللي مايخطر !
والمدارس المستقله .. قدمت فيها مدرسه مدرسه ..
وصار لي سنه وشي وللحين ماتوظفت ..
اسأل الله التوفيق


كثل ماقال الاخ الاي قبلي

قدمي على وظيفه مدنيه في وزاره الداخليه ومو بالضروره تقدمين على الموارد البشريه بالذات , قدمي على اي اداره قريبه منك ويقومون برفع الاوراق وانشاء الله تتم الموافقه ..
وكل المؤهلات معك ..

بالتوفيق انشاء الله

[بوجسمه]

بالتوفيق ان شاءلله