بليز الكل يدخل

[ali16163]

اخواني اللي عنده خلفيه عن الطلب من مواقع اجنبيه
ايفيدني ضروري

انا طالب من هالموقع
http://www.mybabyshowerfavors.com/unique.html
تاريخ 2\5 يوم الاحد
بمبلغ كبير ..
وانسحب المبلغ من البطاقه
وصلني ايميل في نفس اليوم بالاوردر اللي طلبته

بـــــــــــــــــــــــــــــس

ثاني يوم ارسلوا لي من الموقع نفسه ان الاوردر تكنسل

والسبب البطاقه .. علما ان المبلغ مسحوب من البطاقه

قلت بنتظر عل وعسى الايميل بالغلط وكل يوم اتصل البنك واياكدون ان المبلغ بيندنغ

صار على هالاكلام اسبوع .. وفي نفس اليوم كنت طالب من موقع غيره وتمت العمليه والاغراض انشحنوا

يعني البطاقه سليمه ..

اللحــــــــين

ابي اللي عنده خبره من الشرى بالنت يتاكد لي

هل الموقع مضمون؟؟؟؟؟؟

اقدر ارجع المبلغ في الاحساب ؟؟؟؟؟ ولا راحت علي ؟؟؟؟

في احد جرب يطلب من هالموقع ؟؟؟؟


لا تبخلون علي فالمساعده

[ماريسا]

اخوي الافضل تحط لنا ع العام نص الرسالة اللي وصلت لك وتفيد ان الطلب تكنسل عشان نشوف هل ذكروا شي بخصوص المبلغ المسحوب أم لا
و هل فعلاً تكنسل بسبب نقص المبلغ ام بسبب عدم وجود البضاعة المطلوبة؟

[ash_sh10]

الله يعينك اخوي و ان شاء الله ترجع لك فلوسك

[توزيعات]

أخوي طرش إيميل حق الموقع وشوف شنو السبب

[ali16163]

هذا الايميل اللي مطرشينه لي
علما بان البطاقه فيها فلوس والاوردر موجود عندهم مش (OUT OF STOCK)


Hi:Unfortunately, we are unable to process international credit cards. This order has been cancelled - your card has not been charged.Brian

امس كلمت الموقع وهم نفسهم ما ايعرفون السبب قالوا بيشون شنو السبب وان الخلل من البطاقه
بس انا طلبت من موقع غيره ومشى الحال ..اشمعنه هالموقع

[بنت المزن]

السبب ان الموقع ما يقبل بطاقة فيزا من خارج امريكا... ومرت علي مجموعة مواقع بهالطريقة... لانهم للحين ما توسعوا overseas...
المبلغ بيرجع ان شالله ولا تخاف.. عطه فترة... مرة وقف لي مبلغ من موقع مدة اربعين يوم.. وبعدين رجع والسبب ان الموقع حفظ المبلغ لكن ما قدر يستلمه لانه من بنك غير امريكي...
نصيحة: لأي موقع جديد تجربونه... لازم تراسلون ادارته بطريقة الدفع وهل يقبلون بطاقة فيزا issued outside the states?
في حالة انك تكون مضطر تشتري من موقع ما يقبل بطاقتك فيه حلين:
الاول: عن طريق paypal.
الثاني: عن طريق مواقع ترعى الزباين اللي عندهم نفس المشكلة... تحط المبلغ عندهم في الحساب مع معلومات المنتج اللي تبيه وهم بدورهم يشترونه ببطاقتهم.. ويشحنونه لك في قطر....
هذا الموقع يستخدم هالطريقة...(للأمانة ما جربته لكن شفت مجموعة في السعودية تمدحه وشروا تلفزيونات بلازما كبيرة ودفعوا للشحن ١٠٠٠ ريال بس)
http://www.myamericanshopper.com/

[ali16163]

مشكورة اختي عـ التوضيح