المساعد الشخصي الرقمي

مشاهدة النسخة كاملة : :::...وش تسوي لما تسكر صفحة المنتدى؟؟!!...:::...بحث...احم


The Master
10-05-2010, 05:30 PM
احم احم...ثم احم

بعد غياب استمر ل اسبوعين تقريبا...
نعود اليكم...

اولا...

اشكر كل من سأل عني وارسل لي عالخاص...(ولا حد...:weeping: )

اشكر كل من اشتاق لي ...( ولا حد... :cry2: )

اشكر كل من بين لي معزته لي...(ولا حد :eek3: )


ايييييييه شاقول ولا شاقول...دنيا دنيا...خلت الردي الحب...وخلت الزين الخب...


من خلال هالمقدمه...ومن عالم المنتديات...والانترنت...والشاتينق...Chatting
والمسنجر...وغيره من الابواب اللي تفتح لك مجال تتصل ب ناس...كانوا في بلادك...او بره...في العالم اللي حواليك...كانوا نفس الجنس...او مختلف...او متوازي...احم


ابغي اطرح عليكم سؤال...وودي اعرف وجهة نظركم...
خلنا نقول انها دراسه او بحث انا ناوي اسويه...وانتوا شريحه منه...وطبعا انتوا على العين والراس...ورايكم يهمني كثير...


السؤال هو...

طبعا انت في النت...منتدى...شات...مسنجر...فيس بوك...اللي هو...

لما تكون اون لاين...وتكون عايش جو باللي انت تسويه...تكتب تطرح تجادل تسولف...
لما تسكر الصفحه...وتسكر اللاب توب او الكمبيوتر...

هل تكون لازلت مرتبط في هالعالم...وتفكر فيه...ويكون له اهتمامات عندك...
او من تسكر الصفحه والنت...خلاص تنسى...وتعيش عالمك الحقيقي...؟؟!!
الجواب...
اي
او
لا
يعني اذا ماقدرت تقول اي او لا ...
ابغي نسبة بالميه...
مثلا تقول اي افكر فيه بنسبة 60%


طبعا انا اتكلم عن علاقتك بالناس اللي في النت...وانت ماتعرفهم ولا قد شفتهم في حياتك...اللهم في النت...
مش ربعك وخوياك وهلك...


انتظر منكم الردود...
وانتظر الصراحه ولا غير...
مهم عندي هالبحث...فا همه ولاتهونون...


وكا عادتي مافي موضوع ينطرح الا وكان له هدف...
والبحث بيجيكم ان شاء الله ونتايجه...بطريقه راح تعجبكم ان شاء ربي...
مثل ماعودناكم...
ويامرحبا الساع...
موضي قطر
10-05-2010, 06:00 PM
لما اسكر صفحة المنتدى افكر مرات بردود بعض الأعضاء اللي تكون مرات ( لمجرد الاعتراض )
صمت القلوب
10-05-2010, 06:13 PM
ويلكم باك :)
موضوع جميل ... وانشالله لي رجعه ...
العقل المدمر
10-05-2010, 06:25 PM
اكيد افكر فهالعالم ماستغني عنه وعن اللي فيه :shy:
شويهينــه
10-05-2010, 06:46 PM
وانا بعد افكر فيه

الصراحه هالمنتدى احسه عالم خاص وحتى اللي فيه مع اني ماتقابلت معاهم بس احس اني تعودت عليهم
The Master
10-05-2010, 06:54 PM
لما اسكر صفحة المنتدى افكر مرات بردود بعض الأعضاء اللي تكون مرات ( لمجرد الاعتراض )

تشكرين اختي موضي قطر
يعني ذكرى وتفكير سلبي لدرجه انها اتدخل في حياتج الواقعيه والحقيقيه؟
The Master
10-05-2010, 06:55 PM
ويلكم باك :)
موضوع جميل ... وانشالله لي رجعه ...

احم...تانك يو تانك يو

في انتظارك اختي...رايك يهمنا
The Master
10-05-2010, 06:57 PM
اكيد افكر فهالعالم ماستغني عنه وعن اللي فيه :shy:



اوش اوش
اخجلتني الله يسلمك...احم

طيب ماقلت لي من اي ناحيه ماتستغني
مواضيع اعلوم سوالف اهواش مناقشات اسهم؟
حدد ...ولا يكون انا احم...احراج ياولد
The Master
10-05-2010, 07:00 PM
وانا بعد افكر فيه

الصراحه هالمنتدى احسه عالم خاص وحتى اللي فيه مع اني ماتقابلت معاهم بس احس اني تعودت عليهم

شي طيب وجميل...مع اني اجزم ان اغلب اللي كنتي تعرفينهم تغيروا او قصدي او غيرهم...
ممكن اعرف وش اللي رابطك بهالمنتدى
يعني وش اللي يتداخل في حياتك
وياخذ من وقت تفكيرك الواقعي
حبيت تحددين عشان تكون عندنا نقاط ولاتهونين اختي المريشه...احم
العقل المدمر
10-05-2010, 07:29 PM
اوش اوش
اخجلتني الله يسلمك...احم

طيب ماقلت لي من اي ناحيه ماتستغني
مواضيع اعلوم سوالف اهواش مناقشات اسهم؟
حدد ...ولا يكون انا احم...احراج ياولد


هههههه
اول شي انا بنوته :shy:
<< ان شا الله ماكون صدمتك :unsure:
انا دايما ادخل هني من قبل لاشترك حتى
وماخذه فكره عن بعض الاعضاء :shy:
وبعد الناس اللي اتواصل معاهم عالنت يهموني
لاني ادخل وايد مواقع واحتك فناس وايد
فاحسهم شاغلين لي نص حياتي :shy:
كاريرا
10-05-2010, 08:18 PM
:rolleyes2:

امم مافي فايده تتغلى القلوب قاسيه ولا حد بينشد عنك بعد

نصيحتي لك خلهم يولون وروح شوفلك قاع جديده واقنص ابها


وبالجواب على سؤالك شي طبيعي انسى كل شي واعود لهوايتي المفضله بالتكوت وطرح بنات السبيت بمقابل ولد الباش:secret:

يعني بذمتك من هالطرطنقي الي حياته منتدى:secret:

يعني اوكي الواحد تجيه حزات يتغلا ومايبي يكلم حد فلازم ايظيع وقته شوي
فيدخل يوسع عن صدره
بس مهب لدرجة اطيح الميانه مع العالم وانصير ربع!!

عسا ماشر
شويهينــه
10-05-2010, 09:26 PM
شي طيب وجميل...مع اني اجزم ان اغلب اللي كنتي تعرفينهم تغيروا او قصدي او غيرهم...
ممكن اعرف وش اللي رابطك بهالمنتدى
يعني وش اللي يتداخل في حياتك
وياخذ من وقت تفكيرك الواقعي
حبيت تحددين عشان تكون عندنا نقاط ولاتهونين اختي المريشه...احم

مممممم انا اقولك شلون :telephone:

مثل مانت شايف بعد الترقيه صرت كل يوم الصبح ادخل المنتدى وعلى طول على قسم جلسات التداول افتح الموضوع وانزل الاخبار هذا صار شي اساسي في حياتي اليوميه

والاعضاء اللي يشاركون في الجلسات تعودت عليهم حتى لو ماعرفهم

يعني مثلا اليوم قناصه ماكانت موجوده قاعده افكر فيها وينها؟؟ليش مادخلت اليوم؟؟وان شاء الله بكره بتدخل:telephone:

قدرت اوصل فكرتي :rolleyes2:
شموخ وبس
10-05-2010, 10:17 PM
لا بالعكس اشتقنا لكتاباتك 0000 بس اساسا انت مشغول في الامتحان لا؟
واكيد خلصت انشالله درجاتك في التوب
جوف انا من طبعي اذا ادمنت عالنت ادمنت عليه
وهالشي يضايقني 000 بس الحمدلله تجاوزت هالشغلات لانو مش واقعنا
عندنا ريل او مره وعيال 0000 اما اني اشتاق ومادري وشو
هاي مافيها واقعيه
ونصيحه اللي فيه عالعقده يتعالج منها 0000 ترا من صجي
وعندي نصيحه خلكم من هالخرابيط 00000 وعيشوا الواقع وابدعوا :nice:
شموخ وبس
10-05-2010, 10:21 PM
:rolleyes2:

امم مافي فايده تتغلى القلوب قاسيه ولا حد بينشد عنك بعد

نصيحتي لك خلهم يولون وروح شوفلك قاع جديده واقنص ابها


وبالجواب على سؤالك شي طبيعي انسى كل شي واعود لهوايتي المفضله بالتكوت وطرح بنات السبيت بمقابل ولد الباش:secret:

يعني بذمتك من هالطرطنقي الي حياته منتدى:secret:

يعني اوكي الواحد تجيه حزات يتغلا ومايبي يكلم حد فلازم ايظيع وقته شوي
فيدخل ي
كل عن صدره
بس مهب لدرجة اطيح الميانه مع العالم وانصير ربع!!

عسا ماشر





كل موضوع ادشه القاك عايف المنتدى والناس ومتشائم 0000 ليش هالنظره والكابه
حلاه الانسان يكون بشوش 0000 مو يتحلطم 24 ساعه
مشتاقة لقطر
11-05-2010, 07:11 AM
بحكم شغلتي تجارة الكترونية فضرووري يكون شاغل اغلب وقتي حتى لو طلعت مشوار اتم افكر باللي ممكن يصير بغيابي عن الجهاز بغض النظر عن البيع او غيره

لان من اخلص اموري وردودي ادخل لبعض الاقسام بمنتديات مختلفة القى راحتي ووناستي فيها

بس ببداية ماتعرفت بالنت صار لي صديقات كلووووز ومع الايام وشغلي خفت العلاقة ولكن يبقى بالمناسبات لازم انعايد بعض ونراسل بعض .. من 5 سنين ..

ومومعناته ماعندي صداقات خارجية الا عندي عالم متوسع من الصداقات بس غالبا اكتفيت بخواتي كصديقات امينات .. واستمتع معاهم ..

اتمنى افادتك اجابتي
موضي قطر
11-05-2010, 08:05 AM
تشكرين اختي موضي قطر
يعني ذكرى وتفكير سلبي لدرجه انها اتدخل في حياتج الواقعيه والحقيقيه؟

لااا مو لدرجة اني انشغل على طول بس بصراحة افكر بهالموضوع لأني احس فيه ناس

مسجلين علشان يرفعون ضغط ( المواطن ) وبس
The Master
11-05-2010, 04:52 PM
هههههه
اول شي انا بنوته :shy:
<< ان شا الله ماكون صدمتك :unsure:
انا دايما ادخل هني من قبل لاشترك حتى
وماخذه فكره عن بعض الاعضاء :shy:
وبعد الناس اللي اتواصل معاهم عالنت يهموني
لاني ادخل وايد مواقع واحتك فناس وايد
فاحسهم شاغلين لي نص حياتي :shy:

نعم يختي؟؟؟ :omg: :eek5:
العقل المدمر وحده؟؟؟ :rolleyes2:
اجل وش خليتي حق طولان الشوارب...احم
خلهم يسمون عذروب قلبي :secret: احم

نمزح معاك...واسمك من حقك...اهم شي المدمر...الله يستر....احم

اها شي جميل وطيب اختي...معرفة الناس وخاصه اللي فيها خير...

لكن لحد الحين ماوضحتوا لي...
خلني اقولها واوضحها اكثر...
اللي كنت اقصده...

هل تتشره على الاعضاء ولا لا؟؟؟
يعني لما تغيب...ولا يصير لك شي...ومحد سال عنك...
او لما حد يغلط ومايعتذر لك...

من هالقبيل...

انتظر ردك اختي...المدمره...احم
The Master
11-05-2010, 04:56 PM
:rolleyes2:

امم مافي فايده تتغلى القلوب قاسيه ولا حد بينشد عنك بعد

نصيحتي لك خلهم يولون وروح شوفلك قاع جديده واقنص ابها


وبالجواب على سؤالك شي طبيعي انسى كل شي واعود لهوايتي المفضله بالتكوت وطرح بنات السبيت بمقابل ولد الباش:secret:

يعني بذمتك من هالطرطنقي الي حياته منتدى:secret:

يعني اوكي الواحد تجيه حزات يتغلا ومايبي يكلم حد فلازم ايظيع وقته شوي
فيدخل يوسع عن صدره
بس مهب لدرجة اطيح الميانه مع العالم وانصير ربع!!

عسا ماشر

فطين فطيييييييين...منت بهين سنيور...احم

اهم شي ولد السبيت...
ياخوي يا اكون خال السبيت ولا ما ارضى...احم
واترك عنك بنات السبيت...يمدحون بنت الهاس :shy:


بخصوص طرطنقي...احم

اشكرك على وجهة نظرك...
وبصراحه هي تعبر عن شخصيتك في المنتدى...الله ينور...
The Master
11-05-2010, 04:58 PM
مممممم انا اقولك شلون :telephone:

مثل مانت شايف بعد الترقيه صرت كل يوم الصبح ادخل المنتدى وعلى طول على قسم جلسات التداول افتح الموضوع وانزل الاخبار هذا صار شي اساسي في حياتي اليوميه

والاعضاء اللي يشاركون في الجلسات تعودت عليهم حتى لو ماعرفهم

يعني مثلا اليوم قناصه ماكانت موجوده قاعده افكر فيها وينها؟؟ليش مادخلت اليوم؟؟وان شاء الله بكره بتدخل:telephone:

قدرت اوصل فكرتي :rolleyes2:

اخر جملتين هي اللي بغيت اعرفه...
تشكرين صراحه...وافدتيني اختي...
الله ينور...
The Master
11-05-2010, 05:02 PM
لا بالعكس اشتقنا لكتاباتك 0000 بس اساسا انت مشغول في الامتحان لا؟
واكيد خلصت انشالله درجاتك في التوب
جوف انا من طبعي اذا ادمنت عالنت ادمنت عليه
وهالشي يضايقني 000 بس الحمدلله تجاوزت هالشغلات لانو مش واقعنا
عندنا ريل او مره وعيال 0000 اما اني اشتاق ومادري وشو
هاي مافيها واقعيه
ونصيحه اللي فيه عالعقده يتعالج منها 0000 ترا من صجي
وعندي نصيحه خلكم من هالخرابيط 00000 وعيشوا الواقع وابدعوا :nice:

الله يسلمك...اشتاقت لك الجنه يارب...
اي هي توب توب...احم:secret:
الله يسلم الغرفه الصغيره...احم

ماعلينا...

كلامك طيب...ووجهة نظر جميله...تشكرين عليها...
والنصيحه كذلك طيبه...الله ينور اختي...

كلامك نفعني اختي...*
The Master
11-05-2010, 05:04 PM
كل موضوع ادشه القاك عايف المنتدى والناس ومتشائم 0000 ليش هالنظره والكابه
حلاه الانسان يكون بشوش 0000 مو يتحلطم 24 ساعه

اشدعوه عرفتيه؟؟؟ مع انه مغير النك؟؟؟ :eek5:

اذا هو ماراح يتحلطم...من اللي راح يتحلطم...احم

سنيور كاريرا...بوثري...
The Master
11-05-2010, 05:07 PM
بحكم شغلتي تجارة الكترونية فضرووري يكون شاغل اغلب وقتي حتى لو طلعت مشوار اتم افكر باللي ممكن يصير بغيابي عن الجهاز بغض النظر عن البيع او غيره

لان من اخلص اموري وردودي ادخل لبعض الاقسام بمنتديات مختلفة القى راحتي ووناستي فيها

بس ببداية ماتعرفت بالنت صار لي صديقات كلووووز ومع الايام وشغلي خفت العلاقة ولكن يبقى بالمناسبات لازم انعايد بعض ونراسل بعض .. من 5 سنين ..

ومومعناته ماعندي صداقات خارجية الا عندي عالم متوسع من الصداقات بس غالبا اكتفيت بخواتي كصديقات امينات .. واستمتع معاهم ..

اتمنى افادتك اجابتي

شي طيب...اختي
عالم ثاني في المنتديات وهو التجاره..البزنس...
ومنها دخول لعالم الصداقات...شي طيب...

اكيد افادتني...الله ينور اختي...
تشكرين...
صمت القلوب
11-05-2010, 06:43 PM
we r BACK

هل تكون لازلت مرتبط في هالعالم...وتفكر فيه...ويكون له اهتمامات عندك...
او من تسكر الصفحه والنت...خلاص تنسى...وتعيش عالمك الحقيقي...؟؟!!

انا بالنسبه لي على حسب حالتي ... يعني اذا مأجزه ومريحه في البيت تتقوى علاقتي باصحابي في النت ..
اما وظيفه او دراسه ... اصبح مقله جدا بالدخول والمشاركات ... لكن مااخبي ان في ناس صارو جزء من حديثي واهتمامي ... وفي كثير اعضاء افكر فيهم وبكلامهم وردودهم ... سواء في المنتديات او الايميل او مواقع ثانيه .... احيانا يشغلني غياب بعض الاعضاء ... احيانا اسال عليهم ... اطرش رسايل (للبنات فقط ) :)...
حتى احيانا ادردش باللي يخص المواضيع وردود الاعضاء ... :)
ممكن مواضيع رقيه ... او تفاسير الاحلام ... مشاكل عامه .... الخ
يعني ممكن تقول يشكل لي 70%
وفي حالات الرخاء 80%
انشالله تكون اجابتي واضحه .. ^^
العقل المدمر
11-05-2010, 07:07 PM
نعم يختي؟؟؟ :omg: :eek5:
العقل المدمر وحده؟؟؟ :rolleyes2:
اجل وش خليتي حق طولان الشوارب...احم
خلهم يسمون عذروب قلبي :secret: احم

نمزح معاك...واسمك من حقك...اهم شي المدمر...الله يستر....احم

اها شي جميل وطيب اختي...معرفة الناس وخاصه اللي فيها خير...

لكن لحد الحين ماوضحتوا لي...
خلني اقولها واوضحها اكثر...
اللي كنت اقصده...

هل تتشره على الاعضاء ولا لا؟؟؟
يعني لما تغيب...ولا يصير لك شي...ومحد سال عنك...
او لما حد يغلط ومايعتذر لك...

من هالقبيل...

انتظر ردك اختي...المدمره...احم


ههههه ايه ترى عندي عصابات سريه حاسب مني :shy:

اكييييد اتشره ويعورني قلبي
لان صج فيه ناس وايد يكونون قراب مني
ماعرف ليش احس الاغلبيه نظرتهم غير عني
بس يعني ترى هم اوادم حالهم حال اللي اعيش معاهم
حتى لو بدون صوره وصوت
خلاص اقضي معاهم اغلب وقتي لازم بهتم فيهم :shy:
The Master
12-05-2010, 08:27 AM
لااا مو لدرجة اني انشغل على طول بس بصراحة افكر بهالموضوع لأني احس فيه ناس

مسجلين علشان يرفعون ضغط ( المواطن ) وبس

اها...شي طيب وجميل...
طبعا مب شرط اعلق محتوى الرد
لكن افادتني مشاركتك اختي...
الله ينور اختي...
The Master
12-05-2010, 05:50 PM
we r back

هل تكون لازلت مرتبط في هالعالم...وتفكر فيه...ويكون له اهتمامات عندك...
او من تسكر الصفحه والنت...خلاص تنسى...وتعيش عالمك الحقيقي...؟؟!!

انا بالنسبه لي على حسب حالتي ... يعني اذا مأجزه ومريحه في البيت تتقوى علاقتي باصحابي في النت ..
اما وظيفه او دراسه ... اصبح مقله جدا بالدخول والمشاركات ... لكن مااخبي ان في ناس صارو جزء من حديثي واهتمامي ... وفي كثير اعضاء افكر فيهم وبكلامهم وردودهم ... سواء في المنتديات او الايميل او مواقع ثانيه .... احيانا يشغلني غياب بعض الاعضاء ... احيانا اسال عليهم ... اطرش رسايل (للبنات فقط ) :)...
حتى احيانا ادردش باللي يخص المواضيع وردود الاعضاء ... :)
ممكن مواضيع رقيه ... او تفاسير الاحلام ... مشاكل عامه .... الخ
يعني ممكن تقول يشكل لي 70%
وفي حالات الرخاء 80%
انشالله تكون اجابتي واضحه .. ^^

اووووه...ماشاء الله جواب وافي وكافي صراحه...الله ينور اختي...

وضحتي لي الاشيا اللي انا حاط عليها رؤوس الاقلام...وذكرتيها في ردك...شي جميل...

واستفدت من ردك طبعا...تشكرين ولاهنتي...
والنسب وضحت لي اكثر...فا استعانه ذكيه...احم
The Master
12-05-2010, 05:52 PM
ههههه ايه ترى عندي عصابات سريه حاسب مني :shy:

اكييييد اتشره ويعورني قلبي
لان صج فيه ناس وايد يكونون قراب مني
ماعرف ليش احس الاغلبيه نظرتهم غير عني
بس يعني ترى هم اوادم حالهم حال اللي اعيش معاهم
حتى لو بدون صوره وصوت
خلاص اقضي معاهم اغلب وقتي لازم بهتم فيهم :shy:

اها...الحين اوضحت لي الصوره اختي...
تشكرين على ردك الطيب...وردك اللي فتح لي نظره ثانيه...شي جميل...

لاهنتي اختي...