هل تؤيدوني في بناء بيت العمر بهذا التصميم ؟

[هذلان]

السلام عليكم ورحمه الله و بركاته



في بالي تصميم معين لبيتي الي ببنيه على قرض الاسكان .

ابي شوركم هل انا شطحت بفكري زياده عن اللزوم ولا تشوفون الفكره مقبوله ؟

اولا ما احتاج عدد غرف كثيره
ثانيا ابي ابني فله دور و نص
ثالثا الفكره هي
ان البناء كما ذكرت دور و نص

الدور العلوي عباره عن غرفه نوم بصاله بحمامين بغرفتين ملابس
الدور الارضي وهو المهم
مجلس بمطعم و صاله و ثلاث غرف نوم هذا كعدد ،
المختلف الي ناوي عليه هو اني ابي اسوي صاله مكشوفه في وسط البيت او بمعنى اخر حوش داخلي في الوسط
و من حوالين الحوش هذا تكون الغرف و الصاله و المجلس الى اخره و مطله على الحوش .

الحوش ناوي انه يكون بمساحه تقريبا ١٠ في ١٣ تقريبا . جلسه ستيره للعيله مع زراعه خفيفه .

شرايكم هل حد منكم مر عليه شي مشابه

[بوحارب]

لا لا لا

ماينفع ابدا

خل عنك هالتصاميم الكيوت

وسو حسابك انك بكرة بتاخذ الثانية والثالثة والرابع وبس

قبل لا ارد عليك بالتفصيل!!

كم مساحة الأرض ؟؟؟ :)

[هذلان]

انت وين طالع لي :waiting:

مساحه الارض للحين ما اعرف بالظبط ، بس خير من الله مش اقل من ١٢٠٠ ان شاءالله

[بوحارب]

انت وين طالع لي :waiting:

مساحه الارض للحين ما اعرف بالظبط ، بس خير من الله مش اقل من ١٢٠٠ ان شاءالله

انه قاعد اراقب ردودك :shy:


اهاااااا

1200 وتبي تسوي عليها هالمخطط التعبان :anger1:

حرام عليك


شوف عزيزي لين فكرت تبني عطني رنه وانه بعطيك تصميم فلتي هدية وقول حق الأستشاري يسوي لك نفسة


مع بعض التعديلات اللي انت تبيها

وانصحك تبني فيلا دورين مع بنت هاوس وملحق خارجي ومجلس خارجي ولا ماتكون قطري:(

وووووسع في البنيان عشان الله يوسع عليك <<< اشدخل

ولاتخلي هالفكرة في بالك دور ونص :anger1:

وأقم الصلاة :)

[MLAAS]

ههههههههههههههههه .. ماعليك من بيت بوحروووب .. خنشوش البيت كله 6 في 6 والممر 16 في 1 اشدعوه بوحروب قلنا ضعيف بس تمشي الضيوف على جنب ليش -.-


حياك عندي برسمه لك وانت قاعد .. واذا بالك طويل بعلمك على البرنامج الي يستخدمونه المهندسين وانت اقعد شخبط لين تضبط الي تبيه :shy

لانه اتخيلت مواصفات الي تبيها في ارض 1200 -.- نص البيت داخل على ارض الجيران هههههه

[بو الجوري]

والله إنسى هالفكره :.. يا خوي :.. :anger1:

ومثل ما قال بو حارب :.. وإذا تبي تشوف تصميمي :.. أنا حاضر :.. :telephone:

وسع على عمرك :.. بالمعقول طبعاً :..:shy:

و ليش منزل الغرف تحت:eek5: !!! خل غرفه وحده بس تحت والباقي فوق :.. :)

ولازم مجلس خارجي للرجال :.. عشان نتعشى فيه :secret::.. إن شاء الله :.. :shy:

ولازم ملحق أو بنت هاوس :.. أو الإثنين إذا تقدر :.. :victory:
أنا عن نفسي بنيت الملحق :.. وبخلي البنت هاوس عقب :.. على التساهيل :.. :(
ما أحتاجه حالياً :..

ومثل ما قلت لك :.. إذا ودك تشوف تصميمي أنا حااظر :..:nice:

[بويوسف]

والله يا خوي هذلان .. شوف اللي يريحك وسوه .. ليش تسوي مثل الناس ؟ وجود الحوش في وسط البيت فكرة روعة .. لكنها محتاجة مصمم مبدع يقدر يحول الفكرة الى تصميم عملي ومريح .. ومحتاجة الى مساحة كبيرة .. تقدر في هالحالة تخلي درايش الغرف على الحوش والجوانب بدون درايش عشان تستفيد من تقليل الارتدادات الى متر ونص ..

الفكرة مطبقة في السعودية وهي اما انك تعمل البيت على شكل u او على شكل l بس على داخل ..

بالتوفيق لك ..

[r07]

السلام عليكم ورحمه الله و بركاته



في بالي تصميم معين لبيتي الي ببنيه على قرض الاسكان .

ابي شوركم هل انا شطحت بفكري زياده عن اللزوم ولا تشوفون الفكره مقبوله ؟

اولا ما احتاج عدد غرف كثيره
ثانيا ابي ابني فله دور و نص
ثالثا الفكره هي
ان البناء كما ذكرت دور و نص

الدور العلوي عباره عن غرفه نوم بصاله بحمامين بغرفتين ملابس
الدور الارضي وهو المهم
مجلس بمطعم و صاله و ثلاث غرف نوم هذا كعدد ،
المختلف الي ناوي عليه هو اني ابي اسوي صاله مكشوفه في وسط البيت او بمعنى اخر حوش داخلي في الوسط
و من حوالين الحوش هذا تكون الغرف و الصاله و المجلس الى اخره و مطله على الحوش .

الحوش ناوي انه يكون بمساحه تقريبا ١٠ في ١٣ تقريبا . جلسه ستيره للعيله مع زراعه خفيفه .

شرايكم هل حد منكم مر عليه شي مشابه

يعني انت تبي تبني بيت على شكل حرف ال U ...انا اشوف انه حلو لأنه بيعطيك خصوصيه اكثر...اما بالنسبه للغرف وعددها فهذا شي راجع لك ويعتمد على ميزانيتك....يبي لك تقعد مع هلك وتتفقون على الأشياء اللي تحتاجونها في البيت ...وتحطون لكم تصور في حال بغيتو تتوسعون وتضيفون غرف زياده في المستقبل سواء فوق اوتحت...واسأل الناس اللي بنو قبلك عشان تتجنب اخطائهم ...طلعت لك بيت على شكل حرف اليو يمكن يفيدك...بالتوفيق

http://www.homekw.com/bet/showthread.php?t=6786

[عاشق الشهادة]

دخلتني جووك يـ هذلان الله يهنيك وتوكل على الله ويالييت لو تحط لنا خريطه توضح لنا المخطط الي انت ناوي عليه حتى لو على ورقة a4

[bo_hamad]

بالتوفيق

[المخفي]

شكلك تبي تبني نفس بيوت السوريين و المغاربة

الفكرة حلوة بس تكلفة البنيان ممكن تزيد عليك
تصميم البيت يعتمد عليك كم عدد العيال الآن و كم ان شاء الله في المستقبل

و لا تنسى انه القرض مليون و ميتين ممكن ينزلونه بنك التنمية و تخسر جزء من القرض الميسر من الدولة

يمكن الاستغناء عن الحوش الداخلي بفيلا طابقين مع وضع ساتر بينك و بين جارك او استغلال السطح بوضع جلسة عائلية و العاب و رفع جدار السطح الى مستوى مناسب

[هذلان]

انه قاعد اراقب ردودك :shy:


اهاااااا

1200 وتبي تسوي عليها هالمخطط التعبان :anger1:

حرام عليك


شوف عزيزي لين فكرت تبني عطني رنه وانه بعطيك تصميم فلتي هدية وقول حق الأستشاري يسوي لك نفسة


مع بعض التعديلات اللي انت تبيها

وانصحك تبني فيلا دورين مع بنت هاوس وملحق خارجي ومجلس خارجي ولا ماتكون قطري:(

وووووسع في البنيان عشان الله يوسع عليك <<< اشدخل

ولاتخلي هالفكرة في بالك دور ونص :anger1:

وأقم الصلاة :)

بو حارب يسلم لي خشمك المربع :nice:

الله يهنيك و ييسر امورك لين تسكن بيتك .
بالنسبه للمحل الخارجي شي مفروغ منه لاحظ اني ماذكرت المطبخ و غرفه الخادمه لانها في الملحق الخارجي .
بالنسبه للمجلس الخارجي موجود طال عمرك وهو مجلس مشترك في ارض مستقله لي و لخواني . هذا اذا سمح لنا الشايب و العمام من الاساس نسوي مجلس :secret:

شوف بو حارب ولا يهونون باقي الربع الي ردو .
ستاندر شباب هل قطر معروف ٥ غرف نوم ولا ٦ و الفروقات بين تصميم و الثاني شي بسيط لايذكر و اغلب التصاميم مع احترامي للي يصممونها ، اما سوداني اما مصري اما اسيوي .
مايعرفون احنا شنبي ولا نرتاح على ايش .

رسمت رسمه سريعه وهي اول مره ارسم شي للي ابيه ،، بس لتوضيح الفكره لانه بعض الشباب على بالهم ادور على حرف u

ناوي البيت يكون مثلا مربع و في وسط المربع فراغ. الي هو الحوش

http://files02.arb-up.com/i/00007/zv60z157hpgn.jpg

لاتاخذون لا على المسميات ولا التصميم ،، حتى الحوش مش لازم يكون في الوسط ممكن يكون فيه ممر حوالين الحوش مفتوح على الحوش بدرابزين يربط الغرف و الاماكن .
وايضا ممكن الا ضروري يكون فيه مدخل اخر للبيت يوصل الملحق الخارجي بالبيت اكيد بيكون مدخله على الحوش هذا

هاه وش الراي

[بوحارب]

هالمطلوب يالغالي 5 الى 6 غرف في البيت

وودنا انشوف الصورة عشان نفيدك اكثر لأنها مب طالعه !!!

وحاظرين لك طال عمرك


ملاس معليه برويك يالشرير والسموحة ماتصلتلك ترى نسييييييييت والغرض موجود لاتحاتي

[هذلان]

عساها طلعت الصوره

[roma27]

السلام عليكم فكرتك ممتازه لان البيت بيكون يوسع الصدر مو مسكر من كل النواحي وبعد تقدر يكون في وسط الحوش بركه سباحه انا شفت بيت من ربعي كان البت مقسم علي حوشين احده يطل علـى الصاله الرئسيه وفيه حمام سباحه بس يعتمد على المساحه طبعا

[هذلان]

شكلك تبي تبني نفس بيوت السوريين و المغاربة

الفكرة حلوة بس تكلفة البنيان ممكن تزيد عليك
تصميم البيت يعتمد عليك كم عدد العيال الآن و كم ان شاء الله في المستقبل

و لا تنسى انه القرض مليون و ميتين ممكن ينزلونه بنك التنمية و تخسر جزء من القرض الميسر من الدولة

يمكن الاستغناء عن الحوش الداخلي بفيلا طابقين مع وضع ساتر بينك و بين جارك او استغلال السطح بوضع جلسة عائلية و العاب و رفع جدار السطح الى مستوى مناسب

المغاربه ما اعرف كيف بيوتهم .

السوريين بيوتهم الغرف دار ما دار الحوش ،، يعني الغرف لاصقه في سور البيت و هي اساسا بيوتنا القديمه بهذا التصميم
تسلم

[dss911]

بالوفيق

[Qa10]

الفكرة حلوه بس اعتقد تصلح أكثر حق الفلل اللي ( فوق الجبل - على البحر ) أو منطقة ريفية في أحد الدول اللي كلها ربيع والجو بارد فيها


لكن قطر مااعتقد بتضبط

وانصحك صل ركعتين واستخير ، واي شي يغلق عليك فالبنيان صل هالركعتين واستخير وصدقني مب خسران <<<< اسأل مجرب

[Qa10]

ليش ماتخلي بدال الحوش فالنص بركة سباحة وحديقة

بدال حوش ترى يطلع افخم

بعدين المجلس والمطعم مكانهم غلط ، شلون بتروح حق ملاحق الغرف ؟ عن طريق الحوش ؟

ووشلون بتدخل حق الغرف الثانية ؟ بتسوي حق كل غرفة باب على الحوش الداخلي ؟
ولا بتخلي كل غرفة لها باب على الغرفة الثانية ؟


بعدين الغرف اللي على الجمب والصالة شبتخليهم ؟

طوفة ؟

ولا زجاج ؟


إذا بتسويهم طوفة ومن جهه وحدة زجاج ......خل طوفة المجلس والمدخل والمطعم كلها زجاج على الحديقة ...

إذا زجاج ....>>>>> بيصير حلو بس مافي حواجز بين الغرف كل شي بيصير مكشوف .... ويصلح حق بيت على البحر او بلاد باردة ولافوق الجبل ..

[العضو الماسي]

اخوي هذلان أذا تبغي بيت العمر صدق وتبغي تصميم خيالي لبيت العمر نصيحه ... عليك بالأمارات أو الكويت ... سولك خريطه هناك ورتبها وتعال قطر وشوف لك مكتب محترم وسلمه الخريطه ... وشوف الفن على أصوله ... ترى أغلب البيوت ألغريبه الى تشوفها في قطر تصاميم خارجيه اغلبيتها ,,, .

[naklan]

نصيحه اخوي هذلان مرعلى البيوت الي في مرحله البناء وادخل وشوف الى ان تحصل على نموذج يناسبك ولا تستعجل وانا اخوك البيت مش سياره والا سلعه عاديه بتبدل السنه الجايه او الي بعدها البيت بتعيش فيه عمر الله يعطيك ويعطينا والسامعين طوله العمر

لو حصلت على نموذج مناسب ومريح بالنسبه لك تذهب الى مكتب استشاري ويعملك اسكتش وتعدل عليه بالشكل الي تريد واعتقادي النموذج الي عملت بتحصل افضل منه

موفق اخوي العزيز :nice:

[هذلان]

الله لايهينكم كلكم الي شاركتو في الموضوع .
و اشكركم كلكم بصراحه .




نصيحه اخوي هذلان مرعلى البيوت الي في مرحله البناء وادخل وشوف الى ان تحصل على نموذج يناسبك ولا تستعجل وانا اخوك البيت مش سياره والا سلعه عاديه بتبدل السنه الجايه او الي بعدها البيت بتعيش فيه عمر الله يعطيك ويعطينا والسامعين طوله العمر

لو حصلت على نموذج مناسب ومريح بالنسبه لك تذهب الى مكتب استشاري ويعملك اسكتش وتعدل عليه بالشكل الي تريد واعتقادي النموذج الي عملت بتحصل افضل منه

موفق اخوي العزيز :nice:

هذي المشكله و انا اخوك ،، التصاميم الله مكثرها و اذا اكثرت الشخص يحتار . ولكن انا بصراحه انتقد كثير الشباب و منهم من ربعي كلهم بيوتهم متقاربه جدا .. هل هو هذا الوضع الصحيح و كل شخص يغير شوي ولا قله معرفه كل شخص ياخذ خريطه مجربه و يسوي نفسها و يتوكل على الله بدال مايدخل في متاهات و يتسبب على نفسه بقله خبرته !

بخصوص التصميم الي حطيته هي كانت فكره و السبب فيها حاليا قليل من الناس يقدر ياخذ راحته في حوش بيته بسبب تقارب الفلل وكل فله تكشف الثانيه

ولكن ممكن اخليه مثلا حوش خلفي مستور
لاني اكتشفت في الفكره الي حطيتها بعض السلبيات مثل ان الغرف مكشوفه على الجو الخارجي (حر برد غبار) حتى لو الشخص يبي يطلع من غرفته بيروح الصاله بيكون كانه طالع في الحوش و داخل الصاله

اشكركم جميعا والله انكم عجيبين و اي شي بشاوركم فيه . خصوصا انه الشخص الي قد جرب و بنا تكون عنده خبره

[naklan]

عليك بالمعاينه الميدانيه وابعد عن منطقتك لين تلقى بيت غير عن بيوت ربعك ويكون افضل من نماذجهم وبتلقى باذن الله

النموذج الي رسمته فيه اخطاء وهي كالتالي المجلس وغرفه الطعام والمطبخ يجب ان يكونو في خط واحد لسهوله الوصول من والى وموفق يالغالي

[ابيض و اسود]

لاني اكتشفت في الفكره الي حطيتها بعض السلبيات مثل ان الغرف مكشوفه على الجو الخارجي (حر برد غبار) حتى لو الشخص يبي يطلع من غرفته بيروح الصاله بيكون كانه طالع في الحوش و داخل الصاله


بخصوص هذه النقطة ما فهمت عليك لان لو كلامك صحيح فهذا يعني ان سقف البيت (سقف الحوش الى سطح البيت) سيكون مفتوح !

بالنسبة لي رغم عدم خبرتي ولكن شفت نفس فكرتك في دبي من زمان في بيت احد (الهنود) ونسيبي عنده محل ستائر فيركب لهم....المهم صاحب البيت كان مسوي نفس فكرتك بالضبط بس في المنطقة الوسطى (الحوش) مخليها منطقة محاطة بالزجاج (مكيفة) وحاط فيها زرع و قعدة و نافورة والطابق الثاني مغلق تصعده له بالدرج فبالتالي (الحوش) اصبح مكيف و جميل ومكان للجلسة الدائمة

والله يسهل لك و يوفقك يا اخوك