القوي يأكل الضعيف ( كشــــــــف حســـــــــاب )..........!!!!

[مستجدة]

بصراحه انا فقدت الامل كل شئ صار ضد اهل قطر
من فترة كنت متعاطفه مع فئة الارامل والمطلقات والمتقاعدين اليوم انا متعاطفه مع كل اهل قطر غلاء معيشه ديون وكل ماطالبنا بشئ للمواطن سكروا في وجهه ألف باب
والمواطن مسكين كل يوم يقراء خبر عن تبرعات وشراء صفقات بالمليارات وكل ماحلم تتبخرت احلامه ويجلس يمني نفسه في مناسبه يتم فيها منحه مكرمة او يقف على ابواب صندوق الزكاه ويطلب من مال الله وياكثر اللي بالسجن بسبب الديون وكل يوم حملة غارمين من أهل الخير والجمعيات الخيريه عشان المواطن القطري
او نقراء عن مواطنه اتنام بالمسجد او ارمله انهد بيتها او رب اسره انقط بالسجن

انا كتب من حره ومن تعاطفي الكبير مع اخواني واخوتي اللي وين ماطقوها عوجا على قولة المثل

اللي دفعني اكتب هالموضوع هو تصرف احد البنوك واصداره قرار غريب بخصوص كشف الحساب
وحده من امهاتنا ارمله تحت مظلة الشوؤن الاجتماعي وهالمسكينه عندها عيال وبيت وعايشه على الله وعلى راتب الشؤون اللي مايجي قيمة مؤنة البيت اضطرت اتروح احد الجمعيات الخيريه لعلها تجد مساعده وعون لها على هالحياه الصعبه وهالجمعيه طلبت عليها بعض الاوراق ومن ضمن هالاوراق كشف حساب عن 6 اشهر وراحت هالمسكينه بعد خمس ايام فقط من استلام راتبها للبنك حتى تستخرج كشف الحساب اللي طلب عليها وتتفأجاء المسكينه انه الموظفه تطلب منها مبلغ 60 ريال
سألتها ليه 60 ريال قبل تعطوني مجاني قالت هذا اجراءات جديده قالت لها طيب انا غير موظفه وحسابي توفير من الشوؤن الاجتماعي ردت عليها الموظفه شنسوي يمه عاد هاذي القوانين الجديده !!!!!
اتقول الحرمه مكان عندي الا 200 ريال الباقي من راتب الشوؤن والمسكينه دفعوها رسوم خياليه مع انه الخدمه كانت مجانيه
البنوك مصارت اتفرق بين غني وفقير

الى متى المواطن المسكين يدفع برغم ظروفه وديونه
المرور يدفع
البنوك يدفع
البلديه يدفع

الى متى ياناس هالبنوك اتمص دم الغني والفقير ......؟!!!!!!!!!!!

[الخفي]

(( القطري لذيذ حتى اخر قطره ))

[بوحارب]

الله المستعان اختي

[بو فهد]

(( القطري لذيذ حتى اخر قطره ))

هذي الحكمة شعار يرددة القائمين على ضرائب الدولة مثل المرور والهجرة والجوازات

والبلدية وتجار.

[الـقـاسـي]

من كثر مايقولون اعلى دخل واغنى دولة .. البنوك والمؤسسات صدقت ..
مثل مايقولون كذب الكذبه وصدقها ..

[مشتاقة لقطر]

ايه والله كذب الكذبة وصدقها اعلى دخل قال ؟؟؟

[مستجدة]

(( القطري لذيذ حتى اخر قطره ))


اكيد تقصد ينزف حتى أخر قطره :secret:

[مستجدة]

الله المستعان اختي


والنعم بالله الله يعين الجميع ويفرج كربهم

[طلعة الروح]

والله البنك ماله حق بالحركه هذي
بس المشكله ربعنا يخافون من الهامور لي
قام قاصصهم على الريال والريالين...
تخلف في تخلف

[تحداني]

.. الله يعينها يارب ..
الحاجه مؤلمه .. وضيق اليد شعور محزن
يادوب الواحد قادر يعيش ابعزه نفس
.. تجي ضغوطات والتزامات الحياه من حيث لا نعلم ..


.
.


أنا سمعت من فتره ان هذه النوعيه من المبالغ والإجراءات يفرضها المصرف المركزي
وتعمم على كل البنوك في الدوله ... اي أن الاجراء ليس مقتصر على بنك
ومستثناه من بنك آخر



جملك الله برضى الرحمن

[مستجدة]

هذي الحكمة شعار يرددة القائمين على ضرائب الدولة مثل المرور والهجرة والجوازات

والبلدية وتجار.


اي والله خوش مسمى فعلا ضرائب خاصه المرور والبنوك استنزفت جيوب الفقراء

[N7eEeS]

اختي هم خذوا عشر ريال عن كل شهر وبما انها 6 شهور فطلع المبلغ 60 ريال وهذا منطبق مع الضوابط اللي وضعها المصرف المركزي للبنوك.
ووالبنك يقدر ماياخذ لان التعليمات قالت الحد الاقصى عشر ريال للكشف الواحد(شهر واحد).

[PARIS]

الله يفرج عليها ان شاء الله امين ... هو ارحم الراحمين على عباده .......

[مستجدة]

اختي هم خذوا عشر ريال عن كل شهر وبما انها 6 شهور فطلع المبلغ 60 ريال وهذا منطبق مع الضوابط اللي وضعها المصرف المركزي للبنوك.
ووالبنك يقدر ماياخذ لان التعليمات قالت الحد الاقصى عشر ريال للكشف الواحد(شهر واحد).


ليه مايكون هالقانون مطبق على الحسابات الجاريه وبسعر رمزي
الجماعه يعرفون انه اقل كشف حساب 6 اشهر

وليه مايكون هالفقارى اللي حساباتهم توفير من الشوؤن لهم استثناء

والله العظيم يكسرون الخاطر
المفروض تكون رواتبهم تسد حاجتهم وتتناسب مع غلاء المعيشه وماتخليهم يطقون ابواب الجمعيات الخيرية
ويكون عندهم تآمين صحي وضع خاص ورعايه وحفظ كرامه مالهم الا الله وهالمساعده


الله يعينهم على هالحياه ويرزقهم من فضله ويغنيهم عن الحاجه وذل السؤال

[النهار]

الله المستعان اختي

[بو خليفه 123]

اسأل الله سبحانه أن يعين هذي المرأه و يعين جميع "أهل قطر" على غلاء المعيشه .

و لكن استغرب من البعض عندما يقول تخلف او نصب او عبارات مشابهه ..

كشف الحساب للشهر الواحد سابقاً كانت رسومه 25رق للشهر الواحد يعني لو تبي 6 شهور بتدفع 150رق .

بناءً عليه تم توحيد جميع رسوم التعرفه البنكيه لجميع البنوك من خلال مصرف قطر المركزي و ذلك حمايةً للعملاء و عدم تفاوت الاسعار بين البنوك .