صديقتي ومشكلة العمل الاضافي

[موضي قطر]

السلام عليكم

صديقتي موظفة في احدى الوزارات في الدولة مسكينة مدير ادارتها منزل تعميم للموظفين

بخصوص العمل الاضافي ان الموظف او الموظفة ان تأخروا دقيقة 3 مرات متتابعة او مقطعة

ينشال عنهم العمل الاضافي طول الشهر وهي تسأل هل من حقة يخصم اليوم يعني باليومية

ولا عادي عنده الصلاحية يشيل العمل الاضافي للشهر كامل :(


خاصة انها مقهورة تقول مطبقه على ناس وناس لاااااااااااا :anger1:

[ودي أكون]

ماله حق القطري له 48 ساعه ماتتعدى .. وع حسب ساعات العمل الفعليه له العمل الاضافي ..

[سوق واقف]

للأسف اليوم في أحد الوزارات يقولون الإجازات المرضية أن زادت عن عشر مرات في السنة راح يتم نقله الى اماكن بعيده عن بيته ...

حتى على المرأة الحامل ليش والله حرام

[سوق واقف]

والصباح أذا الموظف أو الموظفه تأخرت عن سبع ونص أكثر من ثلاث مرات راح يكون في جزاء

والله هذا الشي خطا

[برشلوني قطر]

ماله حق القطري له 48 ساعه ماتتعدى .. وع حسب ساعات العمل الفعليه له العمل الاضافي ..


قصدج 84 ساعه :victory:

يقدر يقطعه داام ماتداوم بعد الدوام الرسمي....

لاكن اذا ع كلامج لناس وناس..عاد هذي ف ذمته..:(

[موضي قطر]

مشكورة اختي ودي اكون على الرد

اخوي سوق واقف كل القرارات هدفها ان الموظف ( المواطن ) يموت ( بسكته قلبية )

[kooool]

ماعليها من هالمديرة فيه قاااانون وتقدر تاخذ حقها ..اذا لم يذكر شي في القانون بهذا الخصوص ..انصحها تكتب كتاب وترسلها للموارد البشرية الحكومية في الامانة العامة لمجلس الوزراء لانها الجهة اللي تشرف على تطبيق قانون الموارد البشرية للدولة ..

[الخفي]

اعتقد انه وضح بجلاء ان هناك حرب شعواء على الموضف القطري من جميع النواحي

1- قانون الموارد البشريه وخصم الرواتب

2- 15% فقط تقييم ممتاز والباقين بالطقاق

3- تأخير صدور دليل تصنيف الوضائف اللي قد يخدم الكثيير

4- تحويل الكثير للتقاعد والبند المركزي

5- الغاء وزاره التربيه والتعليم وتحويل التربيوين الى مدرسين جدد يتم تدريبهم وكأنهم جدد

6- عمل عقود للموضفين القطريين وكأنهم اجانب

والكثييير ياجماعه قولوها بصراحه ماتبغون موضفين قطريين قولوها وريحونا بدال الحرب النفسيه

[الساهر 17]

مافي قانون هذا الامر اكتبواااااا لمجلس الوزارء لا تخلونهم يسون القانون على هوائهم

[kooool]

بسم الله الواحد الاحد ..شوف ترى الاجانب بيصير لهم درجات نفس القطريين ..احسن لان المقطوع مافيه حدود للزيادة والاجانب استفادوا من هذا الشي والحين لا مافيه زيادة الا وفق الدرجات

[موضي قطر]

قصدج 84 ساعه :victory:

يقدر يقطعه داام ماتداوم بعد الدوام الرسمي....

لاكن اذا ع كلامج لناس وناس..عاد هذي ف ذمته..:(

اخوي مب مطلوب ان البنات عندهم يداومون بعد الدوام الرسمي بس هو على حضورهم الصبح

ان تأخروا دقيقة يحسب عليهم اذا تكررت 3 مرات ورى بعض او مقطعة فا ماينزل اسمائهم في

الكشف حق العمل الاضافي

[موضي قطر]

ممكن احد يفيدنا هل هالشي من حق المدير اتمنى تكونون قريتوا الموضوع عدل علشان يكون الرد

مناسب للمشكلة وشكراً

[ضوى]

اشلون يعني ينزل لها العمل الاضافي وهي ماتداوم خارج اوقات الدوام الرسمي ؟؟؟

[ضوى]

اختي موضي تراه مجرد استفسار

[انسان]

اكيد الاداره فيها استهتار وعدم انضباط من الموظفين في اوقات الدوام .فالمدير مخلي العمل الاضافي كنوع من الحافز للموظفين للحظور و الانصراف و لرفع كفاءت الموظفين .

** طبعا من حقه يخصم يوم او يخصم الشهر كامل

يعني العمل الاضافي ينصرف للموظفين وهم ما يداومون بعد ساعات العمل . وبعد منقهره ... ههه...

صديقتك المفروض تحمد ربها على النعمه اللي هي فيها .و تعدل دوامها عشان محد يكلمها ولا يجي عليها خصم

[حليتان*]

شسالفه!!!


كل الموضفين مظلومين ولا ان يتهيأ لي !!


الله يعينها :)

[موضي قطر]

اكيد الاداره فيها استهتار وعدم انضباط من الموظفين في اوقات الدوام .فالمدير مخلي العمل الاضافي كنوع من الحافز للموظفين للحظور و الانصراف و لرفع كفاءت الموظفين .

** طبعا من حقه يخصم يوم او يخصم الشهر كامل

يعني العمل الاضافي ينصرف للموظفين وهم ما يداومون بعد ساعات العمل . وبعد منقهره ... ههه...

صديقتك المفروض تحمد ربها على النعمه اللي هي فيها .و تعدل دوامها عشان محد يكلمها ولا يجي عليها خصم


اخوي انت قريت الموضوع عدل :anger1:

البنت ما تتأخر الا ضرورة وانا اعرف بنات معاها هي تقول لو صدف انها تأخرت 10 دقايق
:و حتى أقل يخصم عليهم طول الشهر بالمقابل بنات وياها في الدوام يتأخرون وبدون

عذر بالساعة وأكثر يجيبون لهم كشف الحضور يوقوعون الساعة 7 او 7 ونص ؟؟؟؟؟؟؟؟؟

وتقول اذا وصل كشف العمل الاضافي اسمائهم موجودة :( وبصراحة البنت كلمت رئيس قسمها

قالها ادري بكل شي بس ماقدر اتتدخل في الموضوع مع المدير :rolleyes2:

[موضي قطر]

شسالفه!!!


كل الموضفين مظلومين ولا ان يتهيأ لي !!


الله يعينها :)


لاااااااا ياخوي ماينظلم الا الموظف ( المواطن )

[La Bella]

صج مدير فاضي ماعنده شغل
عيل قاعد يحسب بالدقيقة كل وحدة كم دقيقة تاخرت:tease:
عيل الوحدة الي تجي قبل الدوام ب نص ساعة وش يعطيها كيتكات ولا سنيكرز :tease:

[بدون]

كنا نجي قبل الدوام ما حد شافنا و لا التفت علينا و لا شكرنا
لما تأخرنا يوم بسبب ظروف قاهرة قاموا علينا
لله درك أيها الموظف المسكين

حسبنا أن هذا سيكون في ميزان عملنا
و الله يعين المظلومين

[برشلوني قطر]

اخوي مب مطلوب ان البنات عندهم يداومون بعد الدوام الرسمي بس هو على حضورهم الصبح

ان تأخروا دقيقة يحسب عليهم اذا تكررت 3 مرات ورى بعض او مقطعة فا ماينزل اسمائهم في

الكشف حق العمل الاضافي


اختي دام انها ماتداوم بعد الدوام الرسمي يقدر المدير يوقفه..لان المدير هو

الي بيحط الاسم ف كشف العمل الاضافي ..وماتقدر تحاججه لانها فالاساس ماتداوم بعد الدوام..

بس اذا ف ناس ع قولتج نفس وضعها وياخذون عاد ذي ف ذمته..

عندنا نفس الشي...المدير يصرف العمل الاضافي للموظف الي ملتزم ويشتغل..

بس الي متسيب ومب منتج يوقفه عنه..بس اسمحيلي اقولج ان مديركم متعقد..

يحااااسب ع الدقيقه:rolleyes2::rolleyes2:

[موضي قطر]

اختي دام انها ماتداوم بعد الدوام الرسمي يقدر المدير يوقفه..لان المدير هو

الي بيحط الاسم ف كشف العمل الاضافي ..وماتقدر تحاججه لانها فالاساس ماتداوم بعد الدوام..

بس اذا ف ناس ع قولتج نفس وضعها وياخذون عاد ذي ف ذمته..

عندنا نفس الشي...المدير يصرف العمل الاضافي للموظف الي ملتزم ويشتغل..

بس الي متسيب ومب منتج يوقفه عنه..بس اسمحيلي اقولج ان مديركم متعقد..

يحااااسب ع الدقيقه:rolleyes2::rolleyes2:

المشكلة بعض المدراء ذمتهم ( سترتش ) :rolleyes2:

[شيخ القبيلة]

هذي سوالف المدراء الجهله المتخلفين اللي ماعندهم غير التصيد للموظفين على الدقيقة والدقيقتين وطبعا الانذارات وغيره .
وهالنوعية من المسؤولين ينسون اجتهاد هالموظف وانه ممكن يكون موظف كفئ ومجتهد في عمله .

وحتى لو كان الموظف كسول او مايشتغل عدل المفروض المسؤول يمشي معاه بالتدريج بالكلام في البداية مع الموظف اكثر من مرة والنصح وبعدها التحذير وفي النهاية اذا الموظف ماطاع يتخذ الاجراء القانوني ضده....... وبالعدل .

المسؤول أو المدير المفروض يتعامل مع ادارته كرب الأسرة لهم ، ويحسسهم انهم مهمين في الادارة حتى يقدر يوصل لثقتهم فيه ......

[b][size="5"]أما كثرة الانذارات والتصيد للموظف او الموظفة دليل على ان هذا المسؤول فاااااشل في ادارته والله يعين الموظفين عليه .