عندي مشكله في الدوام

[أنت]

انا موظف في احد الجهات الحكومية
امممم تقريبا توظفت سنة 2006
انا من النوع الي يحب عن الشغل
يعني شلون سوي هذي المعامله وشلون وشلون
كنت اقعد مع الموظفين الاهم (( هنوووود )) وكنت اتعلم معنى هم مايعطوني المعلومه كامله عشا ماخذ مكانهم
سمرة الحاله لمد 4 شهور حتى وقت اخبا التثبيت وبعد التثبيت
تفاجاءة برئيس القسم يسالني فلان بن فلان افلاني ماعلمك شي قتله وله انا صارلي 4 شهور
وداوم صبر وسبوع عصر وسبوع ليل لك ماجفته واول مره اسمع سمه
جيت المكتب سالة عنه قالو سكت ولاتجيب حق احد طاريه والمسؤال يخاف منه قتلهم ليش قالو هذااااا قطري سكت وقلت انا مالي خص
بعد سنه جه التقيم السنوي وكان شغلي فوق الممتاز عطاني المسؤول 1.2 يعني جيد جدا
وتميت على هذا المستوى 3 سنين لكن هذي السنه تفوجات بان معطيني 2.8 يعني مابين الجيد والمقبول قتله ليش تقيمي نازل انت جايف مني قصور وقولي وانا من عيوني
قال ولله انا قارنتك بين الهنود انت ضعيف والهنود احسن منك قتله قارني مع القطري الي ماجفته من يوم ماتوظفت وهو يستلم راتب كامل مع بدلات مع الاوفر تايم قالي انت مالك خص فيه قتله هو ما يداوم ومعطيه جيد ليش تظلم ياااخي قالي فوقي ربي هو بحاسبني
قوووولووولي شسووووي
انا اذا تاخرت دقيقه حشر تلفوني

[طموحي عالي]

الله يعينك هذا الكلام في كل مكان


ناس غفور رحيم
وناس شديد العقاب

الله يعينك
ويصبرك
ويرزقك من حيث لاتحتسب

خذ رايي الاعضاء ماعرف شنو اقولك

[الخفي]

للأسف هذا حال اغلب القطريين مظلومين من على شاكله مديرك والسبب معروف

من امن العقوبه اساء الادب ولو كان عارف انه فيه احد بيحاسبه مارد عليك هالرد

وللأسف مافيه محكمه اداره يلجأ له الموظف للتظلم ولكن الله موجود فوق وسيأتي يوم

على المدير وسيقف امام الله وتقتص منه وتقتص من كل من ظلمك لذلك سمى الله نفسه العدل

فهود العدل وسينصفك من كل ظالم

[ودي أكون]

غير شغلك يبا دور لك ع مكان ثاني :(

[طموحي عالي]

^^^^

ودي اكون

الله يهديج من كثر الوظائف

الحين الوظائف واسطه ويمين ويسار والواحد يالله يلقى


الله المستعان

[كركم]

والمقبول قتله ليش تقيمي نازل انت جايف مني قصور وقولي وانا من عيوني
قال ولله انا قارنتك بين الهنود انت ضعيف والهنود احسن منك قتله قارني مع القطري الي ماجفته من يوم ماتوظفت وهو يستلم راتب كامل مع بدلات مع الاوفر تايم قالي انت مالك خص فيه قتله هو ما يداوم ومعطيه جيد ليش تظلم ياااخي قالي فوقي ربي هو بحاسبني
قوووولووولي شسووووي
انا اذا تاخرت دقيقه حشر تلفوني

الظاهر اخوي ماعندك فيتامين O
بس تبي الصج ماكان له داعي تقارن نفسك بفلان وعلان اللي ماشيين بالواسطه..يعني عقب هالكلمة ما استفدت شي ويمكن بعد المدير يحطك براسه...بس عجبني رده عيل يقولك ربي فوق وبيحاسبني..الرجال مؤمن ماشاء الله عليه
وعندك حلين لا ثالث لهما :victory:
الأول ترفع كتاب تظلم للأكبر مسؤؤل في شغلك.
الثاني تقتنع بسلبيات الشغل من محسوبيه وغيره وتحمد ربك .

وانا ارجح الحل الأول على الاقل ربك بينصرك اذا كنت مظلوم

[قطرية مثقفة]

ترا هذي الشي عادي ولا تزعل روحك ،،،،،،،،،، أنه عن نفسي كرفت كراف وماتمر سنه وإلا انه ماسكه نصاب 18 حصة اسبوعياً والسنه ماسكه التنسيق مع 12 حصه (غيرنه جاه الإمتياز وللعلم مش قطريات ) ولله الحمد ماجاني الممتاز معني ترقيت وماظليت في مرحلة بس بعد ماأقول إلا الحمد لله صدقني يحز في النفس بس بعد في النهاية ارجع وأقول أرزاق وأحمد ربي وعمري ماتحسفت على الشغل اللي اشتغلته وماشفت تقدير لأن في النهاية الواحد مايبي إلا الصحة والتوفيق له ولعياله ،،،،،،،،،،، وموفق بإذن الله * معلمة 13 سنة خبرة :o

[ماريسا]

حسبي الله و نعم الوكيل

[طلعة الروح]

الله يعينك انشالله
مالك الا الصبر على هالحاسد
وامثاله وايد بكل مكان وزمان..
فالصبر والمعامله بالمثل مش غلط في هالحاله...
وثقتك بنفسك وبشغلك الجيد اهم من كل هذا..
اخوي ما اتوقع انه في انسان ناجح بعمله ما مر
بهالمشكله في وقت من الاوقات..
واللي يقولون استقيل ولا غير شغلك بصراحه
انا مب معاهم بهالراي ابدا لانه الشغل بحد
ذاته معركه ومب حل هاي ومن ما يكون لازم
تحط في بالك انك تغلب اللي يوقف بطريقك وتوقف
بويهه طول ما انت علىحق اش راح تخسر لو انك
واجهته وغلبته فيالنهايه والله احسها حياة مليئة
بالمسرحيات حياة العمل هههه والذكي اللي يوظف ادواته صح
..فانا نفسي احاول امشي على هالاساس عشان اريح مخي بصراحه..

[ريماس الغلا]

الله يعيــــــــــن

[ام الجوري]

قول حسبي الله ونعم الوكيل بس
تكفي وتوفي

[HIGHNESS]

نعم نعم ... موظف مايداوم وياخذ راتب ؟؟؟؟؟؟؟ ويخافون منه ليش ان شاء الله من هو يعني .. والله لو انا ماسكت واسوي سالفة واحشرهم عيل انا اداوم واكرف وغيري ياخذ راتب وتقييم مايداوم ...

[qatari 111]

الله يعيينك
اقترح عليك اذا في أقسام في وزارتكم تنتقل من القسم الحالي الى قسم يكون فييه مسؤول ياخاف الله وعنده ذمه وضمير

[فيصل الشمري]

أرفع كتاب للوزير وأثبت كلامك وشوف وش بيصير عقبها
بس أهم شي تقدر تثبت كلامك عن طريق الحضور والأنصراف وغيره شف واحد من شؤون الموظفين يقدر يساعدك بهالشيء أهم شي لا تسكت ترا اذا سكت هالمره بيزيد عليك كل مره ومابتاخذ لا حق ولا باطل
بس اوزن الأمور صح

[Ginger]

حسبي الله ونعم الوكيل

حلول الاخوان جيده .. ولكن لا تنسى اللجوء الى ولي ونصير المظلومين .. انت مظلوم ودعوة المظلوم مستجابة ليس بينها وبين الله حجاب وان كان كافرا! فما حال دعوة المسلم المظلوم اذا !!!

اكثر لنفسك من الدعاء في اوقات الاستجابة وخصوصا الثلث الاخير من الليل ورب العالمين ما يخلف وعده

بالتوفيق اخوي

[خالد_قطر]

ثلاث سنوات ولا شي احنا صار لنا اناضل اكثر من 10 سنوات مع الهنود.

بس يوم ذكرت هنود توقعت تكون تشتغل معانا بالمؤسسة ؟؟؟
بس عن تجربة لا تسكت عن حقك وبتاخذه والله معاك ومعا كل مظلوم

[أنت]

ايييييييييييييييييييييييييييييييه الله كريم ياربع

[Doha Sun]

الله المستعان ان شاء الله

[@north_star@]

خلك بشغلك واثبتله العكس ولا تقلل من جهودك وان شاء الله بيجي اليوم اللي بتتحسن فيه امورك والله يوفقك