هل يعقل غصب عنك تشجع السد

[المليونير الفقير]

السلام عليكم ورحمة الله وبركاته


عندي واحد من الربع جندي فالجيش متزوج وعنده اعيال يقول مسؤله فالدوام حجز شفت كامل عشان ماشجعو السد قالهم اليوم مباراة السد ومطلوب منكم التشجيع والي مراح يشجع بينحجز وفعلا حجز الي مراح من ضمنهم رفيجي فذمتكم هاذا شي يعقل وين المسؤلين عن هالاشكال:anger1:

قلتله اشتكي عليه فوطني الحبيب قال احنا ممنوعين من المشاركة فالبرنامج واي حد يشارك يتعاقب :eek5:

معقوله:omg:

[الأصيلة]

والله عيال الذيب يستاهلون من يشجعهم...
مرة ثانية الله يهديه يشيل العلم
ويروح يشجع عاد الا الزعيم...

[ممنوع اللمس]

صحيح اخوي انا سمعت هالكلام وما صدقت
وفعلا احنا العسآكر ممنوع نشتكي في وطني الحبيب صبآح الخير ولو اشتكيت راحت عليك يالغآلي
مشآكل العسآكر واجد خاصه مع الضبآط واداراتهم بس الشكوى لغير الله مذله...

[حمد 2002]

بالتوفيق اخوي ، والله ايكون في عون رفيجك

[عاشق الشهادة]

العسكري بقطر وخاصه بعد تحرير الكويت يعتبر منسي من قبل الجهات المعنيه ؟ والله يكون بعون صاحبك خله ينقل عند ابومحمد ناصر الهتمي بالسيلية وهو بيضبط اموره بس لاينسى يشجع نادي القرن بقطر في الموسم الجاي :victory:

[المليونير الفقير]

بغض النظر عن النادي بس كل واحد حر يشجع الي يبيه انشالله يشجع السودان بس توصل انك تستغل منصبك لاجبار الافراد بتشجيع ناديك هاذي مالها حل والمشكله ماعطاهم اجازه قالهم بعد ماتطلعون من الدوام تروحون تشجعون والمشكله بعضهم عنده مشاغل ومسؤليات مب فاضي حق مباريات والله قهر الله يعينه بس الي يسكت عن حقه ماعنده سالفه مفروض يشتكون ويوصلونها فوق فوق لان محد يرضا بالظلم

[clouds]

والله عيال الذيب يستاهلون من يشجعهم...
مرة ثانية الله يهديه يشيل العلم
ويروح يشجع عاد الا الزعيم...

:strong
:dance

[المليونير الفقير]

:strong
:dance

واخرتها فاز الريااان:nice:

[BIG-VEGA]

اتمنى انكم ماتبالغون في السالفه

خصوصا انه فيه ناس لو لاعبهم نسى دلاغه في البيت بيتهمون السد وبيقولون ليش السد مدعوم وليش عنده فلوس وليش ....وليش.....

شكلها السالفه شخصيه....مسؤول او قائد وحده طلب من الافراد يسون شي معين (بعضهم عندهم اوامر اغرب من تشجيع نادي معين بالف مره)
ماعتقد جاء كتاب رسمي للجيش كله
بعدين اذا القرار مش عاجب الافراد كلهم... يروحون يقدمون شكوا عن الي ارفع منه

وسلامتكم

[هذلان]

سلم لي على العسكريه


مابي احلف او اقول كلمه لو .

لكن لو كلنت في محل هذا الشخص،،، اذا بنحجز بنحجز على شي يسوى اكثر من رفضي لتشجيع السد . اعتقد بيكون لهوشه خشنه بيني و بين هالظابط و اتحداه يرفعها فوق و لانه هو الغلطان

[المليونير الفقير]

لاهالدرجة السد ماعنده جمهور يدورون حد يشجعه:rolleyes2:

[المليونير الفقير]

والله الموضوع اسكتو عنه الافراد ومحد اشتكى وهاذا الي قاهرني ينحجزون يوم كامل عشام ماشجعو نادي


والله
هذا هو الظلم بعينه

[المليونير الفقير]

سلم لي على العسكريه


مابي احلف او اقول كلمه لو .

لكن لو كلن في محل هذا الشخص اذا بنحجز بنحجز على شي يسوى اكثر من رفضي لتشجيع السد . اعتقد بيكون لهوشه خشنه بيني و بين هالظابط و اتحداه يرفعها فوق و لانه هو الغلطان

:victory::victory::victory:

[s o s o]

صحيح اخوي انا سمعت هالكلام وما صدقت
وفعلا احنا العسآكر ممنوع نشتكي في وطني الحبيب صبآح الخير ولو اشتكيت راحت عليك يالغآلي
مشآكل العسآكر واجد خاصه مع الضبآط واداراتهم بس الشكوى لغير الله مذله...


اي دولة في العالم يكون عادي جدا عندها وطبيعي ان يشتكي الشعب من اي قطاع من قطاعاتها
يعني عادي نسمع شكاوي
عن الصحة ومن من موظفي الصحه
عن التعليم ومن موظفي التعليم
عن الرواتب
عن لاسعار
عن الخمور
عن الديون

لكن من غير المقبول في اي بلد ان تُسمع في العلن مشاكل عن فساد الجهات العسكرية كبر حجم هذا الفساد او صغر لان اختيار المنضمين لهذه لجهات يكون على اسس معينه والاعلان عن مشاكلها سيعري الواقع ويظهر ان الاختيارات غير موفقة او ان الاسس التي تم على اساسها الاختيار يشوبها خلل وتنعدم ثقة المواطن في هذه الجهات وافرادها
والاهم من هذا لان هذه الجهات تكون واجهة الدول ويفترض انها مشرفه وخالية من اي خطأ وان شاب هذه الواجه خلل اختلت هذه الصوره ..



لهذا انا مع منع العسكريين من عرض مشاكلهم علنا
وانا لو منك ومنعا ان يتسبب صديقك للضرر اطلب حذف الموضوع
وكان الله في عونه

[عبدالمحسن]

الدوله فيها قانون


يرفع كتاب او يرسل فاكس للقياده

[bus3od]

الحين الموضوع عن السد والا عن العسكريه ؟

عادي جدا وانا اعرف ضباط يكرفون الافراد اذا الريان و نفس الحاله للعربي وغيره ياخي حسستني انه شي غريب السالفه مب في تشجيع السد السالفه انهم يعلمونهم اشلون يتبعون اوامر الضباط سواء قال لهم شجعوا او قال لهم لا تاكلون اوغيره رفيجك شكله مستجد فالعسكريه
مب كل شي نكتب عنه موضوع رفيجك عنده ناس فوق هالضابط يقدر يشتكي عليه عندهم يعني موضوعك بيرفع الحجزعنهم؟
وترى عادي ينحجزون بعد كم يوم اذا الضابط قرا الموضوع :)

[الخفي]

(( لاحول ولا قوه الا بالله ايش بيكتبون في التهمه : الامتناع عن تشجيع السد ياخي الرجال مايبي

يروح ملعب ولا يبي يشجع لازم بالغصب ))

[المليونير الفقير]

(( لاحول ولا قوه الا بالله ايش بيكتبون في التهمه : الامتناع عن تشجيع السد ياخي الرجال مايبي

يروح ملعب ولا يبي يشجع لازم بالغصب ))

هههههههههههههههههههههههه:nice:

[هذلان]

الحين الموضوع عن السد والا عن العسكريه ؟

عادي جدا وانا اعرف ضباط يكرفون الافراد اذا الريان و نفس الحاله للعربي وغيره ياخي حسستني انه شي غريب السالفه مب في تشجيع السد السالفه انهم يعلمونهم اشلون يتبعون اوامر الضباط سواء قال لهم شجعوا او قال لهم لا تاكلون اوغيره رفيجك شكله مستجد فالعسكريه
مب كل شي نكتب عنه موضوع رفيجك عنده ناس فوق هالضابط يقدر يشتكي عليه عندهم يعني موضوعك بيرفع الحجزعنهم؟
وترى عادي ينحجزون بعد كم يوم اذا الضابط قرا الموضوع :)

السموحه منك .. انا مالي في العسكريه . بس ترى الي انت قاعد تكلم عنه هذا عبوديه مش عسكريه .
اخبر يطلعون عيون المجندين في الدورات العسكريه و يجازونهم بانواع الجزا
ولكن اني امشي على هواك تشجع السد ولا الريان ولا غيره و تبيني اشجعه . اسمحلي انا ما امشي على هواك انا اخدم البلد و ادافع عنها .

اسمحلي على الكلمه هذي

يعني لو الظابط يحب النسوان الشقر و انا احب السمر ،، بنحجز ؟

و اذا الموضوع هذا صار له صدى ترى مطلوب منك تعلمهم بالظباط الي يعاقبون المجندين لنفس السبب الي قلت عنهم

[bus3od]

السموحه منك .. انا مالي في العسكريه . بس ترى الي انت قاعد تكلم عنه هذا عبوديه مش عسكريه .
اخبر يطلعون عيون المجندين في الدورات العسكريه و يجازونهم بانواع الجزا
ولكن اني امشي على هواك تشجع السد ولا الريان ولا غيره و تبيني اشجعه . اسمحلي انا ما امشي على هواك انا اخدم البلد و ادافع عنها .

اسمحلي على الكلمه هذي

يعني لو الظابط يحب النسوان الشقر و انا احب السمر ،، بنحجز ؟

و اذا الموضوع هذا صار له صدى ترى مطلوب منك تعلمهم بالظباط الي يعاقبون المجندين لنفس السبب الي قلت عنهم

ياخوك ادري انه شي غلط

بس هالشي من زمان موجود الي هو حجز العساكر على اي سبب ليش محد تكلم عنها من قبل ؟و ليش ما تاخذها من ناحيه ايجابيه ؟انهم يسون هالشي عشان يعلمون العساكر الصبر والتحمل لان هاذي عسكريه ومثل ماقلت تدافع عن بلادك يعني الله لا يقول لو صار شي هالاشياء الي تقول عنها عبوديه هي الي بتخليهم يستحملون حزتها ادري انه شي ينرفز انك تنحجز بسبة تشجيع بس الي يبي الدح مايقول اح

[بن موسى]

(( لاحول ولا قوه الا بالله ايش بيكتبون في التهمه : الامتناع عن تشجيع السد ياخي الرجال مايبي

يروح ملعب ولا يبي يشجع لازم بالغصب ))

التهمة تكون مخالفة الاوامر والتعليمات
السبب ان اتحاد الكرة يرسل كتب لقيادة الشرطة و الجيش يدعوهم فيه لتوفير عدد من الجمهور لمل المدرجات وهذا يشمل جميع المعسكرات لمعرفة الاتحاد بعدم ذهاب الجماهير للملاعب0
ومن يتخلف يقدم للمحاكمة 0 لذا بلغ صديقك يحمد ربة انها جات على الحجز بدون محاكمة

[MaRuKoO]

اتمنى انكم ماتبالغون في السالفه

خصوصا انه فيه ناس لو لاعبهم نسى دلاغه في البيت بيتهمون السد وبيقولون ليش السد مدعوم وليش عنده فلوس وليش ....وليش.....



اي والله بهاذي صدقت :nice:

:tease:

[عاشق الشهادة]

التهمة تكون مخالفة الاوامر والتعليمات
السبب ان اتحاد الكرة يرسل كتب لقيادة الشرطة و الجيش يدعوهم فيه لتوفير عدد من الجمهور لمل المدرجات وهذا يشمل جميع المعسكرات لمعرفة الاتحاد بعدم ذهاب الجماهير للملاعب0
ومن يتخلف يقدم للمحاكمة 0 لذا بلغ صديقك يحمد ربة انها جات على الحجز بدون محاكمة




الحين انا ابي اعرف من الي كلمته اكبر واعلى اتحاد الكرة او قيادة الشرطة او الجيش :telephone:

[هذلان]

التهمة تكون مخالفة الاوامر والتعليمات
السبب ان اتحاد الكرة يرسل كتب لقيادة الشرطة و الجيش يدعوهم فيه لتوفير عدد من الجمهور لمل المدرجات وهذا يشمل جميع المعسكرات لمعرفة الاتحاد بعدم ذهاب الجماهير للملاعب0
ومن يتخلف يقدم للمحاكمة 0 لذا بلغ صديقك يحمد ربة انها جات على الحجز بدون محاكمة

اذا كلامك صحيح هذي والله المصيبه

ولي الامر يأمر بانشاء جيش للدفاع عن البلد
و الاوامر هذي تمسخ شخصيه و رغبه الفرد .

يا اخي انا اشجع مثلا الريان توديني غصب عني اقعد في مدرجات السد ؟

وين رغبتي وين شخصيتي .. هل المطلوب اكون شخص روح روح تعال تعال ؟

يجب ان تكون كرامه الشخص و احترام رأيه اهم من كونه جندي مميز في اداء عمله .

[بن موسى]

الحين انا ابي اعرف من الي كلمته اكبر واعلى اتحاد الكرة او قيادة الشرطة او الجيش :telephone:

الجيش والشرطة في خدمة الدولة 0 والدولة توجهها رياضي والشعب مايحب الكورة ولايحضر للملاعب على شان يبين للعالم انة شعب رياضي ويستحق انة ينظم اغلب بطولات العالم 0 وبما ان الجيوش الصديقة تحمي الامة ومقدارتها ومقدساتها 0 فلا تستغرب من كون الاتحاد كلمتة اعلى منهم مجتمعين 0

[bus3od]

اذا كلامك صحيح هذي والله المصيبه

ولي الامر يأمر بانشاء جيش للدفاع عن البلد
و الاوامر هذي تمسخ شخصيه و رغبه الفرد .

يا اخي انا اشجع مثلا الريان توديني غصب عني اقعد في مدرجات السد ؟

وين رغبتي وين شخصيتي .. هل المطلوب اكون شخص روح روح تعال تعال ؟

يجب ان تكون كرامه الشخص و احترام رأيه اهم من كونه جندي مميز في اداء عمله .


اخوي اسمح لي بس اذا جي العسكريه بتصير دلع لازم تنكرف وتنجحت عشان تصير عسكري مب شخصيتي ورايي الحين وين مسخ الشخصيه اذا الضابط عطاك امر بغض النظر عن هالامر؟ و انت تخالف اوامر عسكريه السالفه مب لعبه الصراحه الي داش العسكريه عباله دلع غلطان

[هاب الريح]

:omg:
من جعل نفسة عظمآ أكلته الكلاب

ومن لم يكن ذئبآ أكلته الذئاب

:omg:

[عاشق الشهادة]

الجيش والشرطة في خدمة الدولة 0 والدولة توجهها رياضي والشعب مايحب الكورة ولايحضر للملاعب على شان يبين للعالم انة شعب رياضي ويستحق انة ينظم اغلب بطولات العالم 0 وبما ان الجيوش الصديقة تحمي الامة ومقدارتها ومقدساتها 0 فلا تستغرب من كون الاتحاد كلمتة اعلى منهم مجتمعين 0





الله يكون بالعون مدام اتحاد الكرة كلمته اقوى من وزارة الدفاع

[غزلان]

ماصدق!

[barod]

الاتحاد جايته اوامر :)

[الخفي]

(( اذا كان غصبا يروح جمهور من الجيش بالقوه لتشجيع السد في بطوله محليه او اسيويه ومحاكمه ا

اذا امتنع كيف لو فزنا بكأس العالم 2022 بيشنقون اللي مايروح الملعب ))

[طلعة الروح]

الحمدلله والشكر وصل الامر الى من يذهب للتشجيع ومن لا يذهب
ماهذه العقول المريضة والمتخلفة...؟
مايجوز لهم بأي حال من الاحوال التدخل في حياة الافراد الشخصية وقراراتهم الخاصه
الله خلقنا احرار ولله الحمد والشكر...

[PARIS]

لاحول ولا قوة الا بالله ....

[المليونير الفقير]

المشكلة الريال متزوج وعنده اعيال وعنده اولويات اهم من المباريات وهواصلا ماعمره راح لمباراة ومايحب يروح مب فاضي كلش ودوامه من الساعه 5 الصبح لين 2 الظهر وبيته بعيد عن الدوام واهله لهم حق عليه من غير مشاغله بذمتكم هاذا فاضي يروح مباراه وهو اصلا مايشجع النادي هل احد فيكم يرضاها

[المليونير الفقير]

اظن بان تشجيع النادي حرية شخصيه محد له الحق فالتدخل فيها

[Arab!an]

يجب على الجندي طاعه الضابط فيما يخص العمل او اثناء الدوام الرسمي .. وبعدها يشتكي لو كان في ظلم

اما ان الضابط يأمر الجندي بعمل بعد الدوام الرسمي هذي ما للضابط الحق فيها .. ولا يجوز له ان يجازي الجندي على ذلك

الا اذا كان هناك امر رسمي

[alsenator]

هذة هي العسكرية نفذ ثم لا تناقش

[عاشق الشهادة]

يجب على الجندي طاعه الضابط فيما يخص العمل او اثناء الدوام الرسمي .. وبعدها يشتكي لو كان في ظلم

اما ان الضابط يأمر الجندي بعمل بعد الدوام الرسمي هذي ما للضابط الحق فيها .. ولا يجوز له ان يجازي الجندي على ذلك

الا اذا كان هناك امر رسمي




للتوضيح : الراتب الي يستلمه آخر الشهر ان كان شرطي او عسكري حق 24 ساعه ×30 يوم = 720 ساعة بالشهر على اهبه الاستعداد :rolleyes2:

[theeb_qatar]

ألله يعينه من قاله يدش العسكريه
الاشغال وايد برع :nice:

[بوحارب]

والله لو انه مكان الجندي ماشجعت السد لو شنو

ضابط قليل خبرة في العسكرية ومايعرف التصرف ولازم ياخذون اجراء معاه

[FHN]

صج مب صاحي ..
الله يكون في عونا اذا الرؤساء صاروا بهالانحطاط

[موضي قطر]

مابي اعلـــــــــــق :anger1:

[sh50]

قصة مادش العقل

[ALHAJAJI]

هل هو تعميم للجيش كلهم, والا امر من رئيسهم المباشر ؟

اللي اعرفة انه زمان اذا المنتخب عنده مبارة يسوون تعميم لجميع الوحدات بضرورة الحضور وتشجيع العنابي , بس اللحين اذا سوو نفس الشئ مع السد على اعتبار انه يمثل قطر , فليش ما سوو هالشئ مع الاندية الاخرى؟

[الأصيلة]

اتمنى انكم ماتبالغون في السالفه

خصوصا انه فيه ناس لو لاعبهم نسى دلاغه في البيت بيتهمون السد وبيقولون ليش السد مدعوم وليش عنده فلوس وليش ....وليش.....
وسلامتكم
والحسد وصل خلاص وشاف شغله مع عيال الذيب
موسمين مافيه ولا بطولة...
الله يعوضهم خير في الموسم القادم...

[ALHAJAJI]

والحسد وصل خلاص وشاف شغله مع عيال الذيب
موسمين مافيه ولا بطولة...
الله يعوضهم خير في الموسم القادم...

في هذي معاج حق :weeping:

[..الاميرة..]

هههههههههههههههههههههههههههههههههههههههههههههههههه ههههههههههههههههه :happy:

شر البليه ما يضحك .. من صجه هذا !!

[زلامسي]

لاحول ولاقوة الا بالله

[خفوق]

انا ارتفع ضغطي الحين اسرائيل وايران شغالين عدل بالاسحله والقنابل الذريه ومادري وشو
والعرب دول مسوين حرب عشان كوره وسالفه وصجه ولجه
والحين انت تقولي ضابط حاجزهم عشان تشجيع فريق شهالسخااااااافه حسبي الله ونعم الوكيل فيه
هذا لو هي محاضره دينيه ماسوا هالشكل ياعزتي لنا اذا هذا تفكير ضابط شخلا حق المراهقين
مايصصيييير المفروض فيه لجنه في قطر حق المظلومين في كل وظيفه والله مب حاله كل من صار مدير ولا ضابط ولا مسك منصب قام يستلعن
لاحول ولا قوه الا بالله

[إينشتاين]

ياخي لو انا من رفيجك اشل عليه اروح البيت وبعدين اسأل عن الي صار في المباراة واليوم الثاني سوالفي كلها عن المباراة عشان يقولون اني رحت ،،، يعني باختصار ماعند الضابط شي يثبت انا رحت ولا مارحت..........

بس الشي الي استفدناه من هالقصة معرفة عقليات الضباط القمعية وتكبرهم على الإفراد ......

[Doha Sun]

موضوع عادي شجع السد اذا كنت عنده واذا طلعت شجع ناديك...
يمكن هو يطبق المثل : كل شي يجي بالخناق الا الزواج بالاتفاق

[برشلوني قطر]

سلم لي على العسكريه


مابي احلف او اقول كلمه لو .

لكن لو كلنت في محل هذا الشخص،،، اذا بنحجز بنحجز على شي يسوى اكثر من رفضي لتشجيع السد . اعتقد بيكون لهوشه خشنه بيني و بين هالظابط و اتحداه يرفعها فوق و لانه هو الغلطان



الله يهداك ياهذلان...تلقى الضااابط هو مجبور بعد يروح يشجع مع افراده:nice:

[khalid.qtr]

يعني الواحد ماعنده شغله إلا يشجع ويحضر مباريات مو كفاية دوامهم طويل وتعبانيين ويجبرونهم والله حرام عليهم ، آنا سمعت من قبل بعد إن يجبرونهم يروحون المباريات أو الاحتفالات الرياضية عشان الملعب يمتلي، على الأقل جمعوهم في المساجد للصلاة الجمعه مب لحضور المباريات.

[سوق واقف]

يا أخوان لاتبالغون الأمور أوقات الأمور تكون مجرد مزاح فقط

[ابـو مــحــــمـــــد]

اذكر في مباراة السد الاسيويه كانت ضد نادي الهلال السعودي
ولد اخوي كان في دوره تاسيسيه في الدروع
يقول الضابط طلعنا الساعه 9 الصباح يقول
عندنا اوامر من القياده ان جميع افراد الدوره الساعه 5 المغرب
يكونون في ملعب السد لحضور مباراة السد والهلال للتشجيع
وفيه كشف تحضير للي يتخلف عن الحضور
يعني الحضور الي شفناه في الملعب لو قربو الكايمره عليهم كان شفتهم كلهم قرعان ...

زين السنه الجايه نادي لخويا تاهل للدرجه الاولى يعني وقت مباراة نادي لخويا
مافيه حد يوقف على الدواوير

[حليتان*]

ههههههه شي يضحك

على فكرة اذا انه حجزه عشان المبارة اعتقد لانه رخصوهم بدري ...

[الحبتور]

ههههههههههههههه

شر البلية مايضحك

[شاهيناز]

نادي لخويا السد وهذي حقيقه الكل يعرفها اي لاعب من لخويا اذا يبي ينتقل لنادي ثاني لازم ياخذ الاذن من نادي السد

قبل مباراه الريان مع السد في كاس الامير
اتصل واحد من السعوديه قال لخالد جاسم ليش جماهير السد من الجيش
عصب خالد جاسم وقطع الاتصال

بس الضابط ماله حق
الحمدلله الريان فاز وكسر قلب الضابط
والله يوفق الريان

[الأصيلة]

نادي لخويا السد وهذي حقيقه الكل يعرفها اي لاعب من لخويا اذا يبي ينتقل لنادي ثاني لازم ياخذ الاذن من نادي السد

قبل مباراه الريان مع السد في كاس الامير
اتصل واحد من السعوديه قال لخالد جاسم ليش جماهير السد من الجيش
عصب خالد جاسم وقطع الاتصال

بس الضابط ماله حق
الحمدلله الريان فاز وكسر قلب الضابط
والله يوفق الريان

على الأقل مشجعين من الجيش
ولا من العمال...

[شاهيناز]

على الأقل مشجعين من الجيش
ولا من العمال...

من داس لك على طرف انا ارد على الي كاتب الموضوع

[الأصيلة]

من داس لك على طرف انا ارد على الي كاتب الموضوع
إذا الرد خاص فـ يكون على الخاص
أو يذيل بممنوع المشاركة بالردود
أعتقد هذا قسم الحوار العام ...
ولا يمنع أحد من المشاركة والإقتباس...

[شاهيناز]

بعد مب من حقك تقتبسين كلامي وتردين عليه

[الأصيلة]

بعد مب من حقك تقتبسين كلامي وتردين عليه

عزيزتي
احنا بمنتدى مب في برنامج المجلس بـ قناة الدوري
هدي أعصابج...
تحياتي...

[بوخالد2]

والله هذا مصخر بعمره و لعوز الناس معاه اعيال الناس مب لعبه عنده

[شاهيناز]

عزيزتي
احنا بمنتدى مب في برنامج المجلس بـ قناة الدوري
هدي أعصابج...
تحياتي...

انتي الي هدي اعصابك انا دوم كول بس انتي من تشوفين رد اقبستيه وغيرتي مسار الموضوع ردي على صاحب الموضوع من حقائق اعرفها
مب كلام عامي ماعرف وش فيك كل موضوع لك رد مغير مسار الموضوع
اعتذر عن الاستمرار بالنقاش معك
لان النقاش اسلوبك غير صالح لنقاش

[الأصيلة]

انتي الي هدي اعصابك انا دوم كول بس انتي من تشوفين رد اقبستيه وغيرتي مسار الموضوع ردي على صاحب الموضوع من حقائق اعرفها
مب كلام عامي ماعرف وش فيك كل موضوع لك رد مغير مسار الموضوع
اعتذر عن الاستمرار بالنقاش معك
لان النقاش اسلوبك غير صالح لنقاش

شكرا جزيلا

[حليتان*]

على الأقل مشجعين من الجيش
ولا من العمال...

عمال !!

هاي اي نادي ؟

النوادي الي يحملون باصات من الصناعيه معروووفه

واذا تتكلمين عن الريان المبارة عقب باجر ...اذا تبين اصور لج المدرجات من عيوني :nice:

[الأصيلة]

عمال !!

هاي اي نادي ؟
النوادي الي يحملون باصات من الصناعيه معروووفه
واذا تتكلمين عن الريان المبارة عقب باجر ...اذا تبين اصور لج المدرجات من عيوني :nice:

من جاب طاري الريان الله يهديك
بالعكس نادي الريان الوحيد اللي قاعدة مشجعينه صافيين مافيهم شوائب
وسالفة عمال والله ما اعرفها الا من كم يوم سمعتها...
وهذي مجرد دعابة لا أكثر
والله يوفق الريان وياخذ كاس الأمير يليق له صراحة...