قصتي مع شركة تويوتا ( قطر - اليابان ) والإجتماع المثير وختامها مسك!

[واحد ثقة]

في البداية أتقدم بالشكر الجزيل للأخ الدكتور / ناصر العبدالغني
المدير التنفيذي لشركة عبدالله عبدالغني واخوانه ( تويوتا )

وذلك لاستقباله الطيب لي وحلّه لمشكلتي بكل صدر رحب ، وهو بحق نَعم المسؤول القطري الذي يستحق أن يكون في منصب قيادي مثل هذا وهو فعلاً صاحب قرار ، وقمة في الأخلاق والإحترافية في العمل ،،


كما أود أن أبدي استيائي الكبير والبالغ من المدير العام الدوراني والذي لايستحق حتى ذكر اسمه فهو بئس المسؤول الذي لا يقدر العملاء ولايحترمهم ولايحمل من الأخلاق ذرة ، ومن أول نظرة له تعرف سيماه في وجهه سبحان الله ، وقد حاول قدر الإمكان أن يمنعني من حقي ولم يستطع حتى طرده الدكتور ناصر من الإجتماع ، وعقبال مايطرده من الشركة ،،


ولا أعلم كيف لشخص مثل هذا أن يكون في منصب مدير عام لشركة مثل التويوتا ، مع أنه في نظام المؤسسات والشركات الكبيرة لايوجد مدير عام ولكن مدير تنفيذي ويتبع له مدراء تنفيذيين لكافة القطاعات ،،





= = = = = =





لعل البعض يذكر قصتي مع شركة تويوتا ومشكلة ماكينة السيارة والتي كانت بدايتها في هذا المنتدى على هذا الرابط :

http://www.qatarshares.com/vb/showthread.php?t=273795



وقد حصلت بطريقتي الخاصة على إيميل مدير علاقات العملاء في تويوتا العالمية وراسلته في هذا الموضوع :

http://www.qatarshares.com/vb/showthread.php?t=278008


وهذا إيميلي له :



Dear Sir

My name is ************, I am from Qatar and my family have been buying Toyota since the sixty and I am too.

Less than a year ago I bought a land cruiser GXR V8 from Qatar main dealer and all the services been done by the dealer , after only 30.000 km the car started to make a big noise from the engine I brought the car to the dealer , after two days I went to see my car and they told me that they can’t define the problem and the engine must be opened !

Then , I went to the Manager of the maintenance but unfortunately he forced me to agree for opening the engine and he said that this is my only choice !

Dear sir, the car still under warranty and I am asking you to change my car engine with a new one because the car is not as same as before and the problem was a manufactures fault and I’m not sure that the problem will not happen again , so could you please look at the matter very seriously and let me know your answer.





وقد استهان بهذه الخطوة بعض الأخوة وقالوا بأنني لن أحصل على شي ولكنني كنت عازماً على أخذ حقي مهما حصل ، وفعلاً وصل الرد على إيميلي هنا على هذا الرابط :

http://qatarshares.com/vb///showthread.php?t=278825




وهذا رده وكان كلام فاضي طبعاً :




Our Ref. NCR-0038888-01-M


July 7, 2009

To: Mr. ***********

cc: ABDULLAH ABDULGHANI & BROS. CO. W.L.L.

From: Shinichiro Matsuoka, Customer Relations Div., TOYOTA MOTOR CORPORATION

Dear Mr. Al ********:

Thank you for your email of July 5, 2009 concerning your Land Cruiser.

We are sorry to learn of the situation you have encountered.

In order to ensure a thorough review of the situation as described, your
message has been referred to:

ABDULLAH ABDULGHANI & BROS. CO. W.L.L.
Doha Toyota main service center
Street No 6, Industrial area. Doha,
QATAR

Phone: 4604524

They are responsible for resolving customer concerns. Please be advised
that for resolution of your matter, they are not able to repair the problem
without necessary investigation. We appreciate your kind understanding.
You will be contacted by that office in the near future.

We regret that you have had a problem and are hopeful it can be resolved in
a timely manner.

Best regards,

TOYOTA MOTOR CORPORATION

Shinichiro Matsuoka
Group Manager
Overseas Operations Department
Customer Relations Division




الترجمة :


إشارتنا. المقاومة - 0038888 - 01 - ميم
7 يوليو 2009

الى : السيد *******

ج ج : عبد الله عبد & بروس. شركة W.L.L.

من : شينيتشيرو ماتسوكا شعبة علاقات العملاء ، شركة تويوتا

عزيزي السيد ************* :

شكرا لك على البريد الإلكتروني من 5 يوليو 2009 لكم لاند كروزر.

ونحن نأسف لمعرفة الوضع الذي صادفتموه.

من أجل ضمان إجراء استعراض شامل للوضع على النحو المبين ، والخاص بك
وقد أشارت الرسالة إلى ما يلي :

عبد الله عبد & بروس. شركة W.L.L.
الدوحة الرئيسي لمركز خدمة تويوتا
شارع رقم (6) ، ومنطقة صناعية. الدوحة ،
قطر

هاتف : 4604524

وهي مسؤولة عن حل للعملاء. نرجو الإحاطة
إن القرار الخاص بك لهذه المسألة ، وأنهم غير قادرين على اصلاح هذه المشكلة
ما يلزم من دون تحقيق. ونحن نقدر التكرم التفاهم.
هل سيكون هذا المكتب الذي اتصلت به في المستقبل القريب.

ونأسف لأنه كان لديك مشكلة ونأمل ان يتم تسوية في
الوقت المناسب.

مع أطيب التحيات ،

شركة تويوتا

شينيتشيرو ماتسوكا
مدير المجموعة
قسم العمليات في الخارج
قسم علاقات العملاء





وثاني يوم اتصل بي مدير علاقات العملاء في عبدالغني واستمر يتكلم مايقارب الساعة وهو يحاول أن يقنعني بأن اليابانيين هم من يرفض تغيير مكينة السيارة ، ويتكلم كلام كثير بدون ما يتعب وانا أقوله بأنني سأستمر في مراسلة اليابان ، واستمر هذا الوضع شهور طويلة ، انا أرسل لليابان وأزعجهم وثاني يوم يكلمني مدير علاقات العملاء في تويوتا ويبيع علي من هالكلام الفاضي وهكذا ،،


بصراحة كنت احياناً أنسى الموضوع شهر أو شهرين ولكن أول ماتذكر أرسل إيميل للياباني واشتكي ، وكان الياباني يرد على كل إيميل ولايهمل أي رسالة ،،

ولكن عندما رأيت بأن المسألة طالت ، أرسلت رسالة قوية جداً وهددت بأن ألجأ للقضاء والصحافة وأنني سأقوم بفضحهم في كل مكان ،،


وبعدها بيوم وردني اتصال من سكرتيرة سيئ الذكر مدير عام تويوتا وأخبرتني بأن لي موعد معه في التاريخ الفلاني ، فأخبرتها بأنني لم أطلب مقابلته أصلاً كي يحدد لي موعداً وأغلقت الهاتف في وجهها ، واتصلت مرة اخرى ولم أرد ،،

بعدها بفترة أتصلت هي نفسها وقالت بأن المدير يسلم علي ويقول : ماهو الوقت المناسب لي :)
قلت بفكر وبرد عليكم ، وبصراحة انشغلت ونسيت ،،

بعدها بأسبوع اتصلت بي وقالت بأن المدير التنفيذي يريد مقابلتي وسألتها هل هو قطري فقالت نعم هو الدكتور ناصر العبدالغني ، هنا وافقت على المقابلة وحددنا الموعد والتاريخ والوقت ،،



حضرت في اليوم المحدد واستقبلني الدكتور عند باب المكتب وأجلسني في مكاني وكان هنالك اثنان آخران هما ( سيئ الذكر المدير العام ومدير آخر هو المدير المالي ) وبدأ الإجتماع وتكلمنا في الموضوع فأخذ المدير العام يهاجمني وانا لا أتكلم ، وأخذ يقول بأنني تعديت على الشركة واخطأت في حقها ومن هذا الكلام وانا أنتظر حتى يتنهي من حديثه ، ولكن فجأة قال بالعامية بأنني ( ماوزن كلامي ) عندها قاطعته وقلت له : من أنت أنا لا اعرفك ؟

قال : بل تعرفني أنا المدير العام وأنا على علم بتفاصيل موضوعك !
فقلت له : ولماذا لم تقم بحل موضوعي قبل أن يصل إلى اليابانيين ؟
فاستشاط وقال : انت متناقض وتقول كلام غير موجود في الإيميل و و و و و
عندئذ قاطعته وقلت : لوسمحت انا ماسمح لك تغلط علي وانا أعرف اوزن كلامي وأعطي الرجال حقها والدكتور دعاني للإجتماع وانا قبلت ، ولم آت لهذا الإجتماع لأجل أن اجتمع معك فلو سمحت لاتغلط بأي كلمة والزم حدودك قبل أن تندم !

عندها قاطعنا الدكتور ناصر عبدالغني وطلب من المدير الذهاب إلى مكتبه ، يعني طرده ،،

وقال لي الدكتور : ماهو طلبك يابومحمد ؟
قلت له : استبدال المكينة فقط !
قال : أبشر الآن سأوقع على أوراق استبدالها
قلت له : شكراً لك وانا لا أطلب إلا حقي فقط ،،

انتهى الإجتماع وذهب بالسيارة للشركة وأعطوني سيارة لكي استخدمها خلال فترة استبدال المكينة ، وتم استبدال الماكينة اليوم وكانت خدمتهم لي 7 نجوم :victory:





وهذي صورتها :





http://i436.photobucket.com/albums/qq86/qataree/12052010056.jpg


ماشاء الله تبارك الله لحد يعطيها بعين :discuss:






انتهت القصة :)

[هدهد سليمان]

مبروك .. على قولة المثل .. ما يضيع حق وراه مطالب .. يعطيك خيرها ويكفيك شرها

[جاسم22]

كفو ماشاء الله عليك ياليت كل شبابنا مثلك

بس لك رد غريب في اول رابط حطيته ((( الوكالة صلحوا العطل والإستلام اليوم إن شاء الله ،،)))

يعني العطل تصلح ومعطينك سياره تستخدمها .

[qatari 111]

مبروك تستاهل على المجهود اللي تعبت عليه لأخذ حقك ولابنا مايضيع حق المظلوم

[كركم]

بصراحة من اقوى المواضيع اللي قريتها في المنتدى احييك على شجاعتك واصرارك على المطالبة بحقك...وياليت كل الأعضاء اللي عندهم مشاكل او شكاوي يحذون حذوك ويستنفذون كل الطرق قبل لا يكتبونها في المنتدى ...ومبروك على الماكينة الجديدة وشوي شوي عليها لين تتعود على البدي..ترى هي مثل زراعة القلب يبيلها فترة نقاهه

[الخفي]

بيض الله وجهه وهذا الفرق بين القطري والاجنبي

الاجنبي يماطل معاك ويبي يطلعك غلطان

والقطري في اجتماع واحد استقبلك وسمع منك وعطاك طلبك

صدقني لو كل مسئول سمع من الشاكي مباشره لحلت اغلب مشاكل الناس

مبروك المكينه وكان ودي انك وانت طالع مريت على المدير المطرود وقلت له كلمه وحده كان قلت له انا اللي ابغيه حصلت عليه بس انت ايش حصلت عليه غير

الطرده

[ليث العرين]

كفووووو

[العقل الحر]

كفو رجال ابن رجال

نعم خذيت حقك وناصر عبدالغني ماقصر

ولكن لا تسكت عن المدير العام وحاول باي طريقة تخليه يندم على محادثتك بهذي الطريقة

او ارسل ايميل الى اليابان واشكرهم على مساعدتك ووقفتهم معك وحط لهم ملاحظة عن المدير العام وتصرفة وتنفيرة للعملاء

وصدقني بيكون ملفه اسود وسوف يتم تغييره عما قريب

وشكرا

[Ussop]

مبرووك، ألف مبروك يالشنب، بموضوعك هذا راح تحمس غيرك بالمطالبة بحقوقهم أكثر.

وأنا أؤيد العقل الحر، لازم تخلي هالمدير التبن يعرف قدره وتخليه يندم على معاملته لك بهالطريقة، والله ما قالت، لو إني مكانك رحت ورفعت عليه قضية وبهدلته تبهدل على كلامه.

وبصراحة ولد عبدالغني لو إنه محترم ما كان خلاه يتجرأ على عميله قدامه...

راسل اليابانيين يبوي، واشتك على سوء المعاملة الي واجهتها...

بالتوفيق على كل حال، وبارك الله فيك على الموضوع السنع :)

[auto body]

مبروك وتستاهل ولاتنسى ا ن تبعث رساله الى اليابانيين بالنسبة الى المدير العام وطريقة استقباله عملاء تويوتا
ولو انا مكانك طالبت سيارة جديدة

[خفوق]

سلامي عليك صدق من قال مايضيع حق وراه مطالب

بس اللي عور قلبي تعامل اليابانيين :weeping:
اتمنى لو اخلاقيات الناس في العمل تصير مثل اليابانيييين
كل مره يزداد اعجابي في هالشعب

[موضي قطر]

صدق من قال ماضاع حق وراه مطالب الله يعطيك خير المكينة ويكفيك شرها

بس لازم ترسل ايميل لليابانيين وتشكرهم على اسهامهم في حل مشكلتك

[برشلوني قطر]

تستااااهل الله يعطيك خيرها ويكفيك شرهاا..

والله تستاااهل..وماقصر الدكتور ناصر..

وعجبني اصرارك لاخذ حقك...ومشروع نخليك محامي لنا << ماعرف انجليزي خخخخ

[حمد بن خالد]

قهرتني الله يسامحك

يصارخ عليك هالحيوان وانته ترد عليه بهدوء

كان خاطري اكون مكانك لدقيقه بس وازنطه من هالكرفته واعلقه في اقرب عمود

قهرني قهرني الكلب

لكن ..

احيك على ماصنعت

فأنت حقاً مثال للجميع في تعاملك مع المشكلة

اخوك
بوخالد
:)

[أ التميمي]

هاي المفروض الوكالات يبيلهم الي يدش عليهم جامد

هاي الله يسلمك سارت مع واحد من الربع بس كان عنده جمس فكان يروح الوكاله محد يعطيه وجه

لين عرف رقم الوكيل الرئيسي بدبي واتصل لهم وشرح الموضوع وكيف كانت معامله الوكاله معاه

ثاني يوم من الصباح جاه يالربع اتصال من الوكاله والله وعلى السانه يرحبون فيه ويقولوله ايش المشكله

ودخل سيارته وهم يضحكون وعطوه بديل لين اتخلص سيارته من الوكاله

والله كفو

الله يوفق جميع المسلمين

[ANONYMOUS]

يالله تستاهل

مع ان كان ودي تطلب لكزز فورويل كتعويض معنوي

وتطلب من ناصر يخلي الدوراني يطرش لك ايميل يحب خشمك فيه ( شلون ماعرف.. بس يتصرف ) :)

بس يالله.. الحمدلله على كل حال

[ALHAJAJI]

مبروك الف مبروك

واعتقد ما حلو مشكلتك الا عقب مشاكل التويوتا اللي غزت العالم واخرتها دفعوا تعويضات حق الامريكان وعقب ما بكى رئيس تويوتا في مقر مجلس النواب الامريكي.

على كل اتمنى من ناصر عبدالغني حل مشاكل جميع اصحاب سيارات تويوتا وبالتوفيق للجميع

[Al-Kuwari]

كفوووووو كفووووووو
والله انك ذيب

وانا اتفق مع الاخوان المفروض ترسل ايميل للشركة فاليابان بخصوص المدير العام وتصرفاته معاك

[alkuwari55]

بداية كلامي الف مبروك على المكينه الجديده وتستاهل يابومحمد
معنا موضوع جدا عادي مكينه واختربت وهيه على الظمان وش يسير ابسط شي تصليح واذا ماتنفع تغييييييييير
قطر كلها تويوتا للاسف واكررها للاسف التويوتا في كل بيت عندنا
اتمنى واحد منا يتبنى موضوع تعامل تويوتا وتعامل الكراج معنا ويسوي استبيان حتى لو عن طريق النت ويرفع تقرير حق التويوتا اليابان ونشوف ردهم :telephone:
طبعا كلنا نعرف تعامل موظفين تيوتا وشولون يقهرونك في التعامل وووووووووووووووو والله يطول الكلام في الشركه عندنا اه اه اه اه يالقهر
كل واحد منا عنده قصه مع الشركه
:rolleyes2:

[q321]

الله يبارك لك في المكينة الجديدة
واتمني من كل قطري بان يتمسك في حقة وأنت خير دليل


والله يطعمك من خيرة ويكفيك شرها

[qqaattaarr]

ياليت كلنا نسوي مثلك
كان ماتمادوا علينا شركه التيوتا
ولو انا منك اشتكيت على المدير سيء الذكر وشهدت عليه الموجودين واخليه يندم
بالمبارررك

[صليب الراي]

ليت كل الناس انت
كان والله تسنعوا هالوكالة وعرفوا ان الله حق
وعاملوا اهل قطر والعملاء معاملة زينة

لكن ان شاءالله احنا ماراح نسكت في اي حالة تصير لنا بالمستقبل وبنتبع خطواتك نفسها

يعني بالعربي تبون الوكالة تتم عندكم عاملونا زي الناس يا شركة عبدالغني !

[حليتان*]

هههه عدل شغلك بس مايسوى عليك تقريبا سنة







كفو رجال ابن رجال

نعم خذيت حقك وناصر عبدالغني ماقصر

ولكن لا تسكت عن المدير العام وحاول باي طريقة تخليه يندم على محادثتك بهذي الطريقة

او ارسل ايميل الى اليابان واشكرهم على مساعدتك ووقفتهم معك وحط لهم ملاحظة عن المدير العام وتصرفة وتنفيرة للعملاء

وصدقني بيكون ملفه اسود وسوف يتم تغييره عما قريب

وشكرا

المدير العام هني في الوكيل اعتقد ماله دخل في الشركة الام

[][ الوحيد ][]

ترى في فئه معينه من اللي يشتغلون فالشركه مخربين كل شي !!
لكن لو وصل الامر لأحــد عيال ال عبدالغني صدقني راح يتم حله بسرعه

:)

ومبرووك عليك

[B7r_QTR]

تستاهل اخوي

كافحت لين ماخذيت حقك

[Gentleman]

ناس بتخاف مابتختشيش

[واحد ثقة]

مبروك .. على قولة المثل .. ما يضيع حق وراه مطالب .. يعطيك خيرها ويكفيك شرها


الله يبارك فيك أخوي ،،



كفو ماشاء الله عليك ياليت كل شبابنا مثلك

بس لك رد غريب في اول رابط حطيته ((( الوكالة صلحوا العطل والإستلام اليوم إن شاء الله ،،)))

يعني العطل تصلح ومعطينك سياره تستخدمها .


نعم هم فتحوا المكينة وصلحوا العطل ولكن وش يضمن لي ماتتعطل مرة ثانية وانا مسافر مع عيالي مثلاً ؟

صدقني مارتحت نفسياً مع المكينة القديمة أبد وكنت أحاول ماسافر بالسيارة قدر الإمكان ،،




مبروك تستاهل على المجهود اللي تعبت عليه لأخذ حقك ولابنا مايضيع حق المظلوم


الله يبارك فيك ،،

[lawyer]

كفو عليك وتساهل المكينه الجديده

بس لا تنسى اتمرنها .....

الله يبارك لك ويكثرمن امثالك

[الحبتور]

والله انك كفو ..

[BURBERRY]

كفو عليك و مبروووك عليك المكينه الجديده ..الله يعطيك خيرها و يكفيك شرها

اما المدير العام يبيلك تزنطه من الكرفته ..

[سوق واقف]

والله أنك كفو وربي يبارك لك في الماكينه

يستاهلووون

[almaf1a]

كفو والله
ياريت كل القطرين مثلك

[SULTAN1]

زين سويت ، ومب غلط الواحد يخاطب الشركة الام في مثل هذي المواضيع، بس وين حمايه المستهلك في الموضع ، والا بس كلام في الصحف

[QATAR-2006]

زين سويت فيهم يالذيب
تستاهل المكينه الجديده الله يعطيك خيرها ويكفيك شرها
حبيت استفسر مالك تعويض مادي لان الموضوع له سنه تقريبا؟

[واحد ثقة]

بصراحة من اقوى المواضيع اللي قريتها في المنتدى احييك على شجاعتك واصرارك على المطالبة بحقك...وياليت كل الأعضاء اللي عندهم مشاكل او شكاوي يحذون حذوك ويستنفذون كل الطرق قبل لا يكتبونها في المنتدى ...ومبروك على الماكينة الجديدة وشوي شوي عليها لين تتعود على البدي..ترى هي مثل زراعة القلب يبيلها فترة نقاهه


كلامك صحيح ، المفروض مادام فيه قناة تواصل مع الشركة الأم ان الواحد مايخلي حقه ،،



بيض الله وجهه وهذا الفرق بين القطري والاجنبي

الاجنبي يماطل معاك ويبي يطلعك غلطان

والقطري في اجتماع واحد استقبلك وسمع منك وعطاك طلبك

صدقني لو كل مسئول سمع من الشاكي مباشره لحلت اغلب مشاكل الناس

مبروك المكينه وكان ودي انك وانت طالع مريت على المدير المطرود وقلت له كلمه وحده كان قلت له انا اللي ابغيه حصلت عليه بس انت ايش حصلت عليه غير

الطرده


مايستاهل أعطيه أكبر من حجمه ، وحقي حصلت عليه ولله الحمد وهذا هو مطلبي من البداية ،،



كفووووو


تسلم ،،



كفو رجال ابن رجال

نعم خذيت حقك وناصر عبدالغني ماقصر

ولكن لا تسكت عن المدير العام وحاول باي طريقة تخليه يندم على محادثتك بهذي الطريقة

او ارسل ايميل الى اليابان واشكرهم على مساعدتك ووقفتهم معك وحط لهم ملاحظة عن المدير العام وتصرفة وتنفيرة للعملاء

وصدقني بيكون ملفه اسود وسوف يتم تغييره عما قريب

وشكرا



ماعليك زود ،،

انا بجهز إيميل للشركة أشكر فيه الأخ ناصر وأفضح المدير الرافضي بإذن الله ،،

[barod]

مبروك وتستاهل وناصر عبدالغني ما قصر

[فلتة زمانها]

مبرووووووك يالثقه تستاهل كل خير
والله انك صبور وقوي ماشاءالله عليك

[h9466]

والله انك حر من ظهر حر....كلها مكينة ايش بتكلفهم لو غيروها من البداية وقبل ما توصل للحد هذا,,وعلى فكرة لو غيروها بيغيروها من جيب الشركة الام مو من جيبهم الخاص,,,,

[هذلان]

مبروك مبروك

لازم المسئله توصل لليابان يعني


اعتقد في احد المواضيع الي طرحتها سابقا ذكرت لك قصه صديقي صاحب اللكسز و الايميل الي بعثه للشركه في اليابان بعد ما لعبو فيه و دخل سيارته صاحيه للتشييك و طلعت خربانه .
و الكثيرر من الاكاذيب الي انا بنفسي كنت عنصر في كشفها .

بعد المراسله قابل نفس الشخص الدكتور ناصر العبدالغني ،، و كانت نتيجه المقابله اقاله مدير كراج تيوتا (عبدالله من جنسيه اردنيه)

و لكن الحق يقال الدكتور ناصر العبدالغني رجل محترم و من الاساس الموضوع مش لازم يوصل له و اذا وصل له فهو تاكد انا مجرد اقام الوضح الصحيح (يعني صحح الخطا) بمعنى اخر انه قام مشكورا بحل المشكله بالشكل الصحيح ولم يتكرم علي بشيء استثنائي

[الـخـالـدي]

كفو .. الله يعطيك خير موترك ويكفيك شره

والله يعينك على عبدالغني

الشي اللي مانعني اخذ التيوتا الوكيل .. على هذا الموديل الجديد في مشكلة البريك

اخوك الخالدي

[bu abdulla]

اعيال عبدالغنى:victory: ما يرضون بالغلط

[salman_qtr]

يعني السالفه على كلامك خذت مب اقل من 5 شهور .. وبعد قاعد تمدح فيهم ... والله لو انها صايره في امريكا الموضوع كله ما ياخذ شهرين ..وبعدها يعطونك موتر جديد او يردون فلوسك..( عن تجربه شخصيه ))... انت دفعت ما يقارب ال 200000 عشان يعطونك سياره ستوك بمعنى ان مافيها اي ضرر في المكينه او القير كحد ادنا .. انا اشوف انهم اوهموك ان مالك مجال الا انك تغير المكينه و انت صدقت .. مع ان المفروض لك حق تاخذ موتر جديد او ترد فلوسك .. واضح من كلامك انك خذت الموتر من عندهم وهو فيه عله .. او يوم جيكته في الوكاله احد العمال لعب في الموتر .. عقب الخمس شهور المفروض انك تاخذ موتر جديد وتعويض عن الوقت الي ضيعته

هذا الي انا اعتقده ولا شرايك ؟؟؟

[باراكودا]

تسلم يابومحمد دليتنا على المكان الصحيح لتقديم الشكاوي على وكالة عبدالغني .

[لـبـيـه]

صدق من قال ماضاع حق وراه مطالب الله يعطيك خير المكينة ويكفيك شرها

بس لازم ترسل ايميل لليابانيين وتشكرهم على اسهامهم في حل مشكلتك

صحيح السطر الثاني
يستاهلون الشكر والتقدير دام كانو يتجاوبون معاك اول باول


ومبروك المكينه الجديده ويعطيك خيرها ويكفيك شرها يا بومحمد

[حبر سري]

الحقوق يبي لها حلوق

كفو عليك

[البهتري]

كففففففففففففففففففففففففففففففففو

[واحد ثقة]

مبرووك، ألف مبروك يالشنب، بموضوعك هذا راح تحمس غيرك بالمطالبة بحقوقهم أكثر.

وأنا أؤيد العقل الحر، لازم تخلي هالمدير التبن يعرف قدره وتخليه يندم على معاملته لك بهالطريقة، والله ما قالت، لو إني مكانك رحت ورفعت عليه قضية وبهدلته تبهدل على كلامه.

وبصراحة ولد عبدالغني لو إنه محترم ما كان خلاه يتجرأ على عميله قدامه...

راسل اليابانيين يبوي، واشتك على سوء المعاملة الي واجهتها...

بالتوفيق على كل حال، وبارك الله فيك على الموضوع السنع :)



الله يبارك فيك ،،

وانا أصلاً عاملته بما يستحق وتجاهلته وعطيته ظهري ، وماحبيت أقول أي كلمة تُحسب علي ،،




مبروك وتستاهل ولاتنسى ا ن تبعث رساله الى اليابانيين بالنسبة الى المدير العام وطريقة استقباله عملاء تويوتا
ولو انا مكانك طالبت سيارة جديدة



بالطبع انا مجهز إيميل لليابان وسأذكر فيه كل الوقائع ،،




سلامي عليك صدق من قال مايضيع حق وراه مطالب

بس اللي عور قلبي تعامل اليابانيين :weeping:
اتمنى لو اخلاقيات الناس في العمل تصير مثل اليابانيييين
كل مره يزداد اعجابي في هالشعب


صحيح ، والمدير الياباني ماكان يتجاهل أي إيميل أرسلته له ،،



صدق من قال ماضاع حق وراه مطالب الله يعطيك خير المكينة ويكفيك شرها

بس لازم ترسل ايميل لليابانيين وتشكرهم على اسهامهم في حل مشكلتك


أكيد اختي برسل إيميل لليابانيين والموضوع ماراح يمر مرور الكرام ،،




تستااااهل الله يعطيك خيرها ويكفيك شرهاا..

والله تستاااهل..وماقصر الدكتور ناصر..

وعجبني اصرارك لاخذ حقك...ومشروع نخليك محامي لنا << ماعرف انجليزي خخخخ


اي والله أخيراً حصلت حقي ولكن بعد جهد ومعاناة مع الإثنين ،،

[ولد النواخذه]

ابعدي والله

[مشتاقة لقطر]

ونعم والله قدها

[الريـــاني 1]

مبروك .. على قولة المثل .. ما يضيع حق وراه مطالب .. يعطيك خيرها ويكفيك شرها

[Rayane]

مبروووووووك يا اخوي وتستاهل كل الخير....

وبيض الله وجهك في المدير سيئ السمعه... هالاشكال ما ينفع معاها الا كذا...

وشكلك تتحكم في اعصابك ما شاء الله عليك... لو اني مكانك اكيد كان زل لساني على المصخره هذا...

والله يجزى د. ناصر على الاستقبال الطيب لك واخذ حقك وهذي شيمة اهل قطر...

وتستاهل كل خير على الجامك لفم الحقير...

ياخي فيني حره والله عليه مع اني ماعرفه خخخخخخخ

في امان الله

[king fish]

بالللللللللللللللللللللللللللللللللللللللللللللللل للللل كل هاي الموضوع علشان مكينه سياره يعني بتخسر الشركه بو غيرت مكينة سيارتك !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!

[جمال اليافعي]

انا سويت نفسك في وكاله ال سكودا " بن عجيان " جبت لهم مهندس من التشيك وهددهم بسحب الوكاله منهم ههههههههههههههه سنه 2002

[CH Engineer]

اخوي عطنا تفاصيل اكثر شلون يطلع صوت من المكينه ؟؟

انا عندي نفس الشي المكينه يطلع منها صوت عالي واحس ان الموتر مايمشي..
يعني لو ادعس الريس كامل يوصل 120 بعد 17 الف دقيقه والموتر ثقيل من قلب..

ومرات ماتصير معاي على حسب مزاج الموتر..

للعلم مكينة موتري 8 سلندر نفسك..

وصارت معاي قبل وصلحت الموتر قبل لينتهي التأمين وردت المشكله يوم انتهى التأمين وكلمتهم وبعد صلحوا لي المكينه ومادفعوني ولا ريال مع انه التأمين خلص..
بعدها بعت الموتر..
وخذيت لي واحد ثاني والحين نفس المشكله صوت عالي والموتر مايمشي...

[واحد ثقة]

قهرتني الله يسامحك

يصارخ عليك هالحيوان وانته ترد عليه بهدوء

كان خاطري اكون مكانك لدقيقه بس وازنطه من هالكرفته واعلقه في اقرب عمود

قهرني قهرني الكلب

لكن ..

احيك على ماصنعت

فأنت حقاً مثال للجميع في تعاملك مع المشكلة

اخوك
بوخالد
:)


للأسف هو لايلبس كرفتة ولكن ثوب وغترة وعقال ملخبطة فهو من دولة خليجية أخرى ،،

وبصراحة انا كنت على أعصابي ولكني صابر احتراماً لنفسي أولاً ولصاحب الدعوة ،،




هاي المفروض الوكالات يبيلهم الي يدش عليهم جامد

هاي الله يسلمك سارت مع واحد من الربع بس كان عنده جمس فكان يروح الوكاله محد يعطيه وجه

لين عرف رقم الوكيل الرئيسي بدبي واتصل لهم وشرح الموضوع وكيف كانت معامله الوكاله معاه

ثاني يوم من الصباح جاه يالربع اتصال من الوكاله والله وعلى السانه يرحبون فيه ويقولوله ايش المشكله

ودخل سيارته وهم يضحكون وعطوه بديل لين اتخلص سيارته من الوكاله

والله كفو

الله يوفق جميع المسلمين


لاينفع مع هؤلاء إلا منطق القوة !





يالله تستاهل

مع ان كان ودي تطلب لكزز فورويل كتعويض معنوي

وتطلب من ناصر يخلي الدوراني يطرش لك ايميل يحب خشمك فيه ( شلون ماعرف.. بس يتصرف ) :)

بس يالله.. الحمدلله على كل حال


مافي أمل يعطوني لكزس ، تبي مديرهم يدخل الإنعاش !




مبروك الف مبروك

واعتقد ما حلو مشكلتك الا عقب مشاكل التويوتا اللي غزت العالم واخرتها دفعوا تعويضات حق الامريكان وعقب ما بكى رئيس تويوتا في مقر مجلس النواب الامريكي.

على كل اتمنى من ناصر عبدالغني حل مشاكل جميع اصحاب سيارات تويوتا وبالتوفيق للجميع


الله يبارك فيك ،،

كلامك منطقي ،، وقد يكون للفضيحة العالمية للتويوتا أثرها في موضوعي ،،

ومصائب قوم عند قوم فوائد ،،

[بدون]

كفو عليك و مبروووك عليك المكينه الجديده ..الله يعطيك خيرها و يكفيك شرها

اما المدير العام يبيلك تزنطه من الكرفته ..

هههههههههههههههههه :nice::nice::nice:
أنا من المؤيدين لهالحل

عليك بالعافية المحرك الجديد

و أجديت فيهم. يبيلهم عملاء جذي.

[واحد ثقة]

كفوووووو كفووووووو
والله انك ذيب

وانا اتفق مع الاخوان المفروض ترسل ايميل للشركة فاليابان بخصوص المدير العام وتصرفاته معاك



ماعليك زود يالغالي ،،

والإيميل بيروح لهم قريب إن شاء الله ،،

[واحد ثقة]

بداية كلامي الف مبروك على المكينه الجديده وتستاهل يابومحمد
معنا موضوع جدا عادي مكينه واختربت وهيه على الظمان وش يسير ابسط شي تصليح واذا ماتنفع تغييييييييير
قطر كلها تويوتا للاسف واكررها للاسف التويوتا في كل بيت عندنا
اتمنى واحد منا يتبنى موضوع تعامل تويوتا وتعامل الكراج معنا ويسوي استبيان حتى لو عن طريق النت ويرفع تقرير حق التويوتا اليابان ونشوف ردهم :telephone:
طبعا كلنا نعرف تعامل موظفين تيوتا وشولون يقهرونك في التعامل وووووووووووووووو والله يطول الكلام في الشركه عندنا اه اه اه اه يالقهر
كل واحد منا عنده قصه مع الشركه
:rolleyes2:




كلامك صحيح ولو كل قطري يتعرض لمعاملة سيئة من الشركة يراسل اليابان كان تغيرت أمور كثيرة في الوكالة عندنا ،،




الله يبارك لك في المكينة الجديدة
واتمني من كل قطري بان يتمسك في حقة وأنت خير دليل


والله يطعمك من خيرة ويكفيك شرها



الله يبارك فيك ،،

وأضم صوتي لصوتك فالإيميل موجود وماحد له عذر بعدين يقول الشركة ظلموني ،،

[واحد ثقة]

ياليت كلنا نسوي مثلك
كان ماتمادوا علينا شركه التيوتا
ولو انا منك اشتكيت على المدير سيء الذكر وشهدت عليه الموجودين واخليه يندم
بالمبارررك




ليت كل الناس انت
كان والله تسنعوا هالوكالة وعرفوا ان الله حق
وعاملوا اهل قطر والعملاء معاملة زينة

لكن ان شاءالله احنا ماراح نسكت في اي حالة تصير لنا بالمستقبل وبنتبع خطواتك نفسها

يعني بالعربي تبون الوكالة تتم عندكم عاملونا زي الناس يا شركة عبدالغني !



الله يبارك فيكم ،،

وأنا هنا أدعو الجميع أن لايسكت عن حقه أبداً ، ومن أراد الإيميل فهو موجود في مواضيعي التي وضعت روابطها ، ومن لم يجده سأعطيه إياه هنا في هذا الموضوع ،،





هههه عدل شغلك بس مايسوى عليك تقريبا سنة








المدير العام هني في الوكيل اعتقد ماله دخل في الشركة الام



نعم سنة ولكن حصلت على حقي فالأخير ،،

وهم في الأساس أرادوا أن يماطلون معي كي أمل منهم وأتعب ، ولكنني لم اتركهم وأزعجتهم وملأت صندوق الوارد عند مديرهم بالإيميلات ،،

وهذا هو المطلوب سواءاً كان بعد سنة أو سنتين ،،

[@فهد@]

الف مبروك اخوي .. اولا عليك بشكر الاخ ناصر عبدالغني في موضوع في الجريده مثلا بطريقه ترد له التقدير وهو عمله من مبدا خدمة العملاء

ايضا عليك مراسلة الشركه في اليابان وتعلمهم بالي صار وياك سوا مع الاخ ناصر او المدير الثاني

لانهم في اجتماعتهم مع الوكلاء يتطرقون لمثل هالاشياء عشان هالزفت يعرف قدره زين انت شاري السياره بفلوسك ممب ببلاش

[واحد ثقة]

[ الوحيد ][;5851165']ترى في فئه معينه من اللي يشتغلون فالشركه مخربين كل شي !!
لكن لو وصل الامر لأحــد عيال ال عبدالغني صدقني راح يتم حله بسرعه

:)

ومبرووك عليك



تقصد فئة الجنسية اللي بالي بالك ؟





تستاهل اخوي

كافحت لين ماخذيت حقك



تستاهل الخير ،،




ناس بتخاف مابتختشيش


شفت شلون !




كفو عليك وتساهل المكينه الجديده

بس لا تنسى اتمرنها .....

الله يبارك لك ويكثرمن امثالك



تستاهل الخير ،،

وانا أول ماطلعت السيارة أسرعت شوي ونسيت أن المكينة جديدة ،،

مشكور على النصيحة ،،




والله انك كفو ..



ماعليك زود ،،

وصدقني أي واحد بسوي مثلي بيحصل حقة لأن المسألة مسألة مبدأ ،،





كفو عليك و مبروووك عليك المكينه الجديده ..الله يعطيك خيرها و يكفيك شرها

اما المدير العام يبيلك تزنطه من الكرفته ..



للأسف مايلبس كرفتة :( لابس ثوب وغترة وعقال ،،

[بوخالد911]

مشالله علييك

خلك مثابر
ومكافح

ولا تعرف معنى لليأس


والله يقوويك


لا هنت

ما شاء الله عليك

[بلوتنيوم]

اسمح لي اهنيك
على طوله بالك :d

[الفيصل]

فعلا مايضيع حق ووراه مطالب

وهذه رساله للكل ولكل البضائع التي يحصل فيها عطل فني او مصنعي

من حقك مراسلة مدراء الشركه الأم اذا لم تلقى أي تجاوب من الوكيل في البلد

وكنت أتمنى بأن تحل قبل وصولها بتغيير أجباري من اليابان ولكن في هالوضع

لايوجد أي فضل لشركه في قطر بعد حلها بتدخل مدراء اليابان مباشره ولابد أن نعي هذا الأمر

[بوسلمان 2010]

الله يعطيك العافيه انت سويت العدل لاكن لاسف غيرك يرضى بالامر الواقع ويدفع ومحمد الدري مو معاك بس يسوي هل الحركات والله يسمع منك وينقشع بلا رجعه من الشركه ومبروك عليك المكينه

[واحد ثقة]

والله أنك كفو وربي يبارك لك في الماكينه

يستاهلووون


كفو والله
ياريت كل القطرين مثلك



ماعليكم زود ،،

ومادامت قناة التواصل مع الشركة الأم موجود ماعتقد حد له عذر ،،





زين سويت ، ومب غلط الواحد يخاطب الشركة الام في مثل هذي المواضيع، بس وين حمايه المستهلك في الموضع ، والا بس كلام في الصحف


من حق أي واحد يوصل لأكبر رأس في أي شركة ، ولا يحق لأحد إيقافه ،،

وأرجوك لاتطري لي الإدارة المستهلكة المسماة ( حماية المستهلك ) لأننا هلكنا وماحد فزع لنا ،،




زين سويت فيهم يالذيب
تستاهل المكينه الجديده الله يعطيك خيرها ويكفيك شرها
حبيت استفسر مالك تعويض مادي لان الموضوع له سنه تقريبا؟


تستاهل الخير ،،

مافكرت في هذا الموضوع لأنه حتى لوكان لي تعويض فأنا ماعندي استعداد أرفع قضايا أخرى لامادياً ولامعنوياً ،،

ولاتنسى بأن علاقتي مع المدير التنفيذي أصبحت ممتازة ، وأنا عطيته كلمة بأن طلبي هو المكينة الجديدة فقط ويجب أن أكون عند كلمتي مع الرجل ،،

[الياقوت99]

تستاهل الخير -- بالتوفيق يارب،،،،،،،،،

[واحد ثقة]

مبروك وتستاهل وناصر عبدالغني ما قصر


مبرووووووك يالثقه تستاهل كل خير
والله انك صبور وقوي ماشاءالله عليك


تستاهلون الخير ،،




والله انك حر من ظهر حر....كلها مكينة ايش بتكلفهم لو غيروها من البداية وقبل ما توصل للحد هذا,,وعلى فكرة لو غيروها بيغيروها من جيب الشركة الام مو من جيبهم الخاص,,,,


ماعليك زود يالغالي ،،

وهذي هي المشكلة اللي انا استغربت وتعجبت منها ، لأن العطل من المصنع ولايتحمله أحد منا بل يتحمله المصنع ، ولكن الأخوان في الوكالة أخذوا يماطلون ويحاولون أن يقنعوني بأن المصنع لن يقوم باستبدال المكينة وكأن التكلفة ستكون من جيوبهم ، وحتى لو كانت على حسابهم فهو حقي وأخذته رغماً عن أنوفهم ،،




مبروك مبروك

لازم المسئله توصل لليابان يعني


اعتقد في احد المواضيع الي طرحتها سابقا ذكرت لك قصه صديقي صاحب اللكسز و الايميل الي بعثه للشركه في اليابان بعد ما لعبو فيه و دخل سيارته صاحيه للتشييك و طلعت خربانه .
و الكثيرر من الاكاذيب الي انا بنفسي كنت عنصر في كشفها .

بعد المراسله قابل نفس الشخص الدكتور ناصر العبدالغني ،، و كانت نتيجه المقابله اقاله مدير كراج تيوتا (عبدالله من جنسيه اردنيه)

و لكن الحق يقال الدكتور ناصر العبدالغني رجل محترم و من الاساس الموضوع مش لازم يوصل له و اذا وصل له فهو تاكد انا مجرد اقام الوضح الصحيح (يعني صحح الخطا) بمعنى اخر انه قام مشكورا بحل المشكله بالشكل الصحيح ولم يتكرم علي بشيء استثنائي


الله يبارك فيك ،،

أتفق معك بأنه قام بواجبه وليس في الأمر منّة أو تفضّل ، ولكن الشكر واجب أيضاً ،،





كفو .. الله يعطيك خير موترك ويكفيك شره

والله يعينك على عبدالغني

الشي اللي مانعني اخذ التيوتا الوكيل .. على هذا الموديل الجديد في مشكلة البريك

اخوك الخالدي



الله يعين الجميع ، ويجب أن لايسكت أحد عن حقه وهو يرى الطريق الصحيح للوصول إليه ،،

[واحد ثقة]

اعيال عبدالغنى:victory: ما يرضون بالغلط


صحيح ،،




يعني السالفه على كلامك خذت مب اقل من 5 شهور .. وبعد قاعد تمدح فيهم ... والله لو انها صايره في امريكا الموضوع كله ما ياخذ شهرين ..وبعدها يعطونك موتر جديد او يردون فلوسك..( عن تجربه شخصيه ))... انت دفعت ما يقارب ال 200000 عشان يعطونك سياره ستوك بمعنى ان مافيها اي ضرر في المكينه او القير كحد ادنا .. انا اشوف انهم اوهموك ان مالك مجال الا انك تغير المكينه و انت صدقت .. مع ان المفروض لك حق تاخذ موتر جديد او ترد فلوسك .. واضح من كلامك انك خذت الموتر من عندهم وهو فيه عله .. او يوم جيكته في الوكاله احد العمال لعب في الموتر .. عقب الخمس شهور المفروض انك تاخذ موتر جديد وتعويض عن الوقت الي ضيعته

هذا الي انا اعتقده ولا شرايك ؟؟؟


انا مامدحتهم يا أخي الفاضل ،،

أثنيت فقط على الأخ ناصر عبدالغني وعلى استقباله في وحلّه لمشكلتي ،،

أما مسألة رفع قضية للتعويض فلا أعتقد بأن لها جدوى هنا في قطر وستكون مضيعة للوقت والجهد والمال ،،




تسلم يابومحمد دليتنا على المكان الصحيح لتقديم الشكاوي على وكالة عبدالغني .


الله يسلمك ،،




صحيح السطر الثاني
يستاهلون الشكر والتقدير دام كانو يتجاوبون معاك اول باول


ومبروك المكينه الجديده ويعطيك خيرها ويكفيك شرها يا بومحمد



الحقوق يبي لها حلوق

كفو عليك


كففففففففففففففففففففففففففففففففو




الله يسلمكم جميعاً ،،

[مستوى الدعم]

الحمدلله انه سخر لنا الانترنت

لاننا تعلمنا نراسل الوكيل الأصلي ويهددهم بسحب الوكالة

والا قبل .. كان الوكيل ملك زمانه .. تشتري الشي بفلوسك ويطيح بجبدك والوكيل ما يحرك ساكن .. هذا أذا ما هزأك وطردك.. وحماية المستهلك نايمة بالعسل.. والمحاكم حبالها طويلة..

قصتك ذكرتني بسالفة صارت لنا مع مكيفات إل جي.. فجأة المكيف اخترب وما يشتغل في عز الصيف مع انه ما كمل سنتين.. واتصلنا على الوكالة.. وقالوا بيطرشون لنا حد يشيله.. وكل يوم نتصل ومحد يشله... كمل شهر خربان ومحد طل من الوكالة..واذا تتصل يعطونك كلام زين وان شاء الله جايين...

اخر شي طرشنا ايميل للمقر الرئيسي في دبي وشكينا من المعاملة.. وثاني يوم اتصلوا علينا وعلى طول خذوا المكيف وصلحوه...

[الرادار]

للرفع
وكفو ياراعي الموضوع
اهنيك على صبرك والحاحك في طلب حقك .

[brent]

لله درك يا راعي الموضوع
ما ضاع حق وراءه مطالب

[fa6ma]

مشاء الله تبارك الله

هاي السنع المفروظ الواحد مايسكت عن حقه مهما كاان

يعطيك خيرها ويكفيك شرها

[][ الوحيد ][]

انا ما اقصد جنسيه معينه ,,
انا اقصد كل الجنسيات اللي هناك :)

[واحد ثقة]

ابعدي والله


ونعم والله قدها


مبروك .. على قولة المثل .. ما يضيع حق وراه مطالب .. يعطيك خيرها ويكفيك شرها

الله يبارك فيكم جميعاً ،،




مبروووووووك يا اخوي وتستاهل كل الخير....

وبيض الله وجهك في المدير سيئ السمعه... هالاشكال ما ينفع معاها الا كذا...

وشكلك تتحكم في اعصابك ما شاء الله عليك... لو اني مكانك اكيد كان زل لساني على المصخره هذا...

والله يجزى د. ناصر على الاستقبال الطيب لك واخذ حقك وهذي شيمة اهل قطر...

وتستاهل كل خير على الجامك لفم الحقير...

ياخي فيني حره والله عليه مع اني ماعرفه خخخخخخخ

في امان الله


بالعكس أنا كنت على أعصابي وانتظر الدكتور يتصرف معاه لأن هذا اجتماع رسمي وكل شي أقوله محسوب علي ،،

والدكتور ماقصر جزاه الله خير ،،



بالللللللللللللللللللللللللللللللللللللللللللللللل للللل كل هاي الموضوع علشان مكينه سياره يعني بتخسر الشركه بو غيرت مكينة سيارتك !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!


اي والله شلون لو طلبت سيارة جديدة !

[ناصر30]

كفوووووو والله

[واحد ثقة]

انا سويت نفسك في وكاله ال سكودا " بن عجيان " جبت لهم مهندس من التشيك وهددهم بسحب الوكاله منهم ههههههههههههههه سنه 2002


زين سويت ،،





اخوي عطنا تفاصيل اكثر شلون يطلع صوت من المكينه ؟؟

انا عندي نفس الشي المكينه يطلع منها صوت عالي واحس ان الموتر مايمشي..
يعني لو ادعس الريس كامل يوصل 120 بعد 17 الف دقيقه والموتر ثقيل من قلب..

ومرات ماتصير معاي على حسب مزاج الموتر..

للعلم مكينة موتري 8 سلندر نفسك..

وصارت معاي قبل وصلحت الموتر قبل لينتهي التأمين وردت المشكله يوم انتهى التأمين وكلمتهم وبعد صلحوا لي المكينه ومادفعوني ولا ريال مع انه التأمين خلص..
بعدها بعت الموتر..
وخذيت لي واحد ثاني والحين نفس المشكله صوت عالي والموتر مايمشي...



مشكلة سيارتي كان صوت مزعج في المكينة مثل صوت الصبابات ، وكان واضح وقوي ،،
ولكن ماذكر انه كان يأثر على عزم المكينة ،،


عموماً إذا كنت غير مقتنع بتصليح الوكالة وتشوف بأن سيارتك فيها مشكلة لاتستكت والإيميل موجود إذا بغيته ،،

[واحد ثقة]

هههههههههههههههههه :nice::nice::nice:
أنا من المؤيدين لهالحل

عليك بالعافية المحرك الجديد

و أجديت فيهم. يبيلهم عملاء جذي.



الله يعافيك ،،

وانا طالبت بحقي فقط ولم أتبلى عليهم أو أطالب بأكثر من محرك جديد ،،





الف مبروك اخوي .. اولا عليك بشكر الاخ ناصر عبدالغني في موضوع في الجريده مثلا بطريقه ترد له التقدير وهو عمله من مبدا خدمة العملاء

ايضا عليك مراسلة الشركه في اليابان وتعلمهم بالي صار وياك سوا مع الاخ ناصر او المدير الثاني

لانهم في اجتماعتهم مع الوكلاء يتطرقون لمثل هالاشياء عشان هالزفت يعرف قدره زين انت شاري السياره بفلوسك ممب ببلاش



كلامك صحيح ،،

وأنا للحين ماتفرغت وقريب بإذن الله برسل إيميل لليابان وبقول فيه كل شي ،،

[واحد ثقة]

مشالله علييك

خلك مثابر
ومكافح

ولا تعرف معنى لليأس


والله يقوويك


لا هنت

ما شاء الله عليك

الله يسلمك ،،



اسمح لي اهنيك
على طوله بالك :d

شكراً بارك الله فيك ،،



فعلا مايضيع حق ووراه مطالب

وهذه رساله للكل ولكل البضائع التي يحصل فيها عطل فني او مصنعي

من حقك مراسلة مدراء الشركه الأم اذا لم تلقى أي تجاوب من الوكيل في البلد

وكنت أتمنى بأن تحل قبل وصولها بتغيير أجباري من اليابان ولكن في هالوضع

لايوجد أي فضل لشركه في قطر بعد حلها بتدخل مدراء اليابان مباشره ولابد أن نعي هذا الأمر

نعم ليس لهم فضل علي إطلاقاً وهذا حقي ، ولو لم يردوا لي حقي لاستمرت الإيميلات لليابان بدون توقف ،،




الله يعطيك العافيه انت سويت العدل لاكن لاسف غيرك يرضى بالامر الواقع ويدفع ومحمد الدري مو معاك بس يسوي هل الحركات والله يسمع منك وينقشع بلا رجعه من الشركه ومبروك عليك المكينه

الله يبارك فيك ،،

ولو أن الجميع يفعل نفس الشيء لتغيرت أمور كثيرة في هذه الشركة ،،



تستاهل الخير -- بالتوفيق يارب،،،،،،،،،

تسلم ،،

[عبـد الله]

بيض الله وجه وهذا شي يحسب للدكتور



بخصوص المدير العام هذا الاجانب معاد لهم


خووف من قوانين الدوله ولا من شعبه


اصبر ياخووك مالك الا الصبر

[AL_MUTAEM]

موضوع شيق ومبروك انتهاءه للاخ صاحب القصه مع الوكاله المهترئه ..

بصدق عندما نفكر نرى ان هذه الوكاله من اكبر الوكالات عندنا واكثرها شهره وانتشارا ..

ولكن يعيبها خدمة مابعد البيع .

[واحد ثقة]

الحمدلله انه سخر لنا الانترنت

لاننا تعلمنا نراسل الوكيل الأصلي ويهددهم بسحب الوكالة

والا قبل .. كان الوكيل ملك زمانه .. تشتري الشي بفلوسك ويطيح بجبدك والوكيل ما يحرك ساكن .. هذا أذا ما هزأك وطردك.. وحماية المستهلك نايمة بالعسل.. والمحاكم حبالها طويلة..

قصتك ذكرتني بسالفة صارت لنا مع مكيفات إل جي.. فجأة المكيف اخترب وما يشتغل في عز الصيف مع انه ما كمل سنتين.. واتصلنا على الوكالة.. وقالوا بيطرشون لنا حد يشيله.. وكل يوم نتصل ومحد يشله... كمل شهر خربان ومحد طل من الوكالة..واذا تتصل يعطونك كلام زين وان شاء الله جايين...

اخر شي طرشنا ايميل للمقر الرئيسي في دبي وشكينا من المعاملة.. وثاني يوم اتصلوا علينا وعلى طول خذوا المكيف وصلحوه...


صدقت يا أخي الكريم ،،

فالإنترنت وسيلة تواصل سريعة ورخيصة ومضمونة ، ولكن يبقى الوعي بهذه الوسيلة الفعّالة هو الأهم ،،

فالكثير مازال لايعلم عنها أو يجهلها ،،




للرفع
وكفو ياراعي الموضوع
اهنيك على صبرك والحاحك في طلب حقك .


لله درك يا راعي الموضوع
ما ضاع حق وراءه مطالب


مشاء الله تبارك الله

هاي السنع المفروظ الواحد مايسكت عن حقه مهما كاان

يعطيك خيرها ويكفيك شرها

ماعليكم زود جميعاً ،،




[ الوحيد ][;5869955']انا ما اقصد جنسيه معينه ,,
انا اقصد كل الجنسيات اللي هناك :)


أختلف معك :)

هنالك بعض الجنسيات لاغبار عليها ماعدى بعض الأشخاص الذي لايمثلون إلا أنفسهم ،،