المخلب
07-03-2006, 02:57 PM
السلام عليكم ورحمه الله وبركاته ..
هذه قصه لزميل لي اعتدنا ان نراه بوجهه البشوش .. ولكن هذه المره لم يكن كما احببنا واعتدنا عليه ..
اليوم : الخميس ..
الساعه : الرابعه عصرا ..
المكان : مجلس رجال ..
المدينه : الدوحه ..
دوله : قطر ..
محمد : هلا والله بالشباب ..
سالم : هلا يالغالي عاش من شاف الوجه البشوش ذا ..
محمد : يااهلا بك .. اقول وش الاخبار ..
سالم : والله بخير وانت بشرني عنك ..
محمد : والله تمام نحمد الله ونشكره .. ودام انت بخير حنا بخير ..
سالم : الا وينه بوعلي .. ؟ مايبين صارله كذا يوم ..؟؟
محمد : والله ياخوك مادري شقصته .. يقولون زعل منه المدير وتناجر معه .. !
سالم : بو علي يسويها ..!!! والله غريبه .. تصدق الرجال ذا ماعمره غلط على حد الا وله سبب بس دام يسامح قلبه كبير .. !
محمد : والله صحيح .. رجال طيب عمره مابدى المشاكل .. ! زين كيف فنشوه يعني وله لا ..؟
سالم : لا ماتوقع تفنيش بس نزلوا درجته كانت درجه عاليه فنزله المدير .. الله يكون بعونه والله ..
محمد: زين خلنا نتصل عليه .. ونعرف السالفه .. وله نعزمه على مطعم خاطري اشوفه بعد القطعه ذي ..
سالم : والله فكره خلاص ندق عليه ونقوله عازمينك ..
محمد : الووو .. السلام عليكم يا الحبيب ..
بوعلي : الو وعليكم السلام ورحمه الله وبركاته .. هلا هلا محمد (( بصوت حزين )) .
محمد : شالصوت وشذا صاير صوت عجيزه مخرفه .. بلاك وين الفرفشه وين الصوت الخلاب ..
بو علي : والله الدنيا وماتسوي ..
محمد : لالالا انا وسالم حبينا نشوفك .. نبيك تجي معنا مطعم ..
بو علي: لا تسلمون والله مااقدر .. احس مالي بالطلعات ...
محمد : شف عاد ان ماجيت مانعرفك ولا تعرفنا .. واعتبرها اخر مره نكلمك
بو علي : خلاص بعد امري لله .. كل شئ ولا زعلكم يالحبايب .. متى بتمرون ..؟
محمد : اليوم الساعه 8 عندك اوكي زهب حالك ..
بو علي : خلاص بعون الله ..
الوقت : الساعه 7.5 مساء.
محمد : سالم يالله نحرك لخوينا ..
سالم : يالله قدام ...
محمد : الو سالم اطلع بره انا قدام باب بيتكم ..
بو علي : اوكي ..
سالم , محمد : هلا هلا هلا .. ارحب والله بالنشمي حياك حياك .
بو علي : ههههه ضحكتوني يالغاليين .. بلاكم كذا ..
سالم : الحين حنا بلانا .. قاطع عنا اسبوع وتقول بلانا ..
بو علي: يالله .. اسبوع كلها يوميين والله .. لهدرجه اشتقتوا لي ..
سالم : في حد ينسى حبايبه ..
بو علي: تسلم يالغالي ..
سالم : الا وش اخبارك ..؟؟
بو علي: والله بخير (( قالها بلهجه مرض )) ..
محمد : تمزح مع اخونا سالم .. ؟؟ شكل وراك شئ ماابالعاده صوتك كذا ..
بوعلي : لا .. ولا شئ صدقوني ..
سالم , محمد : لالالالالا نبي نعرف قلنا .. ! وله نقولك بالمطعم .. اي بالمطعم ..
ذهبوا الى المطعم ..
محمد : الا صحيح سمعنا عنك اخبار .. !
بو علي : وش سمعت .. !
محمد : يقولون انك متزاعل مع مديرك .. صحيح الحكي ذا .. ؟
بو علي : يااخوي اسكت عن السالفه يرحم والديك ..
محمد : الا بتقولها .. واذا مانت بقايل لك علي امشي الحين واتركك مع سالم ..
سالم : وانا امشي ليه تتركني ..
بو علي: خلاص بقول بس تكفون خلوها بيناتنا .. ماابيها تنتشر ...
سالم , محمد : سرك كبير تفضل ..
بو علي:
سمعونا يا شباب .. انا لاني اعتبركم مثل اخواني قلتها لكم ..
انتوا عارفين اني موظف عادي حالي حال اي واحد .. تعينت بالشركه و الحمد لله كانت الامور سليمه ..
تميت شهر شهرين ثلاثه .. وانا ملتزم وما الي بالخرابيط والشردات الي شردونا الموظفين او الحركات الي يسوونها ..
اعجب فيني المدير .. قال الرجال ذا ولا مره شفته الا وملتزم .. يعني انسان كفو .. وقرر انه يرقيني ..
ماشوف الا جيت الصبح وجالي السكرتير يقول .. ترى المدير رقاك .. الف الف مبروك ..
انا هنا حمد ربي واستانست مثل اي موظف ... مترقي ومستانس بالدرجه الي حصلها ..
لكن الي معاي .. صادهم الغيره علي .. صاروا يطالعوني بنظره حقد .. مع اني اقل منهم في الدرجه .. وترقيتي مارفعتني عنهم .. لكنهم حقدوا علي ..
انا هنا كنت مااحب اني استفسر سبب حقدهم لي ... مرت الايام .. وقربت اكون من الاشخاص الي انهوا سنه كامله .. قبل ماتنتهي السنه جاني السكرتير ..
بو علي .. هلا عادل <<< اسم السكرتير .. اقول المدير طالبك .. انشاء الله .. طبعا الله يستر الواحد قالها بقلبه .. مع اني مااسويت لا شئ يزعل ولا حاجه ..
دخلت على المدير ..
بو علي : السلام طال عمرك ..
المدير : وعليكم السلام .. اتفضل استرح ..
بوعلي : مشكور وماااقصرت ..
المدير : ها وش تشرب .. ؟؟
بو علي : لا والله مشكور ..
المدير : لا لازم تشرب شئ خلاص كبتشينوا اوكي .. ؟
بو علي : الي ريحك طال عمرك كل شئ من يدك حلو ..
المدير : راجوا 2 كابتشينوا اوكي ..
راجوا : انشاء الله شيخ ..
المدير : بو علي ..
بو علي: نعم طال عمرك ..
المدير : يااخوي انا سمعت عليك كلام من نااس .. !
بو علي : انشاء الله خير طال عمرك .. ! ؟؟
المدير : لا خير خير .. فعلشان كذا حبيت ارقيك واخليك بنصب حلو .. منها تصير شخص مثالي لانك ملتزم ومواظب واثبت انك من الاشخاص المميزين بالشركه ذي ..
بو علي : والله طال عمرك انت .. انت ماتركتلي شئ اعبرلك فيه عن سعادتي .. ماتقصر هذا اقل شئ اقدر اقولك عليه .. وانشاء الله بكون عند حسن ظنك فيني ..
المدير : عزيز وغالي يا بو علي .. وانت تستحق الترقيه الجديده والمنصب الحلو ذا ..
وذهب بو علي .. الى القسم ليرتب اوراقه ويجهز مكتبه الجديد ..
عابس : هاااااااااا ماشاء الله رقوك ..
بو علي : اي والله يا زميلي .. شفت شلون الحمد لله على كل حال ..
عابس : اي والله هذا انت مااصارلك سنه وانت مترقي .. واحنا خلف الله علينا .. ولا شفنه ريحه الترقيه .. المدير يحبك ويكرهنا ..
بو علي : شالكلام يالغالي .. كلنا ربع وزملاء والقرار ماهو بيدي .. القرار قرار المدير .. والحمد لله انا كنت قد المهم الي امني عليها الرجال والحمد لله استحقيت ترقيتي وله شتقول ..
عابس : (( سكـت .. ولكن بقلبه حقد وحسد .. )) وقال بقلبه .. لازم اوريه واعلمه شلون بيكون يااخذ منصبي ذا الجديد !! ..
مرت الايام .. وصار المدير يعتمد علي بكل شئ .. بالاجتماعات يقولي احظر .. بالسفرات كله وياه .. وين مايحس انه زهقان وله متملل يجيني ونطلع مع بعض .. لدرجه اني كنت مريض .. ( ازكام ) وطلب مني اخلصله بعض الامور
لكن ماترددت .. نسيت المرض علشانه ..
الين ان جاء الاسبوع الماضي .. جاء عابس ومسك علي غلطه بسيطه ..
محمد : وش هي الغلطه ذي .. الي مسكها عليك الي مايتسممى ذا ..؟
بو علي: صدقني لو تسمعها تضحك .. كان عندنا بالمكتب زبون واختلفنا بالسعر .. لكن شف كيف الصدفه كان عابس موجود بالغرفه معنا .. وصور بالجوال فيديو لي مع الرجال وكيف اني اتفاهم معه بس بشكل عصبي لانه نرفزني شوي ..
وخذ الفلم ووداه للمدير ..
محمد : زين وكيف خليته يصور .. ؟
بو علي: والله مادريت اصلا .. بعدين الخطا موجود .. كل موظف يجيله ناس ينرفزونه لو بنجلس نحاسب الكلام الي بيصير ما تقدر شركتنا تعين موظف واحد .. ! وتدري وش الي قاهرني ان الزبون نفسه بالاخير مدح فيني وقال والله عشانك ..
وعشان سمعه الشركه نقبل بعرضكم .. ولو اختلفنا بنقطه بسيطه مااراح تاثر .. وكلنا بالاخير حبايب وربع ..
سالم : زين كمل وش صار .. ؟
بو علي: زين اسمعوا ..
راح عابس للمدير وهو يضحك كانه الي مسويه انجاز .. وانه حقق شئ ماقدر يحققه بحياته ..
عابس : حظره المدير .. ممكن ادخل لو تكرمت .؟
المدير : هلا هلا عابس حياك تفضل ..
عابس : هلا يا مديرنا .. تسلم ..
المدير : علامك كذا كانك جاري من مرثون .. ؟؟ اكيد وراك شئ .. انشاء الله مو مصايب .. تراني مو ناقص ..!ّ
عابس : صحيح ياامدير انك كذا .. ذكي وتفهمها وهي طايره ..!
المدير : وش عندك وضح !
عابس : شف الفلم طال عمرك واحكم بنفسك .. !
المدير شاف الفلم .. واستغرب .. وصار وجهه احمر وزعل .. وتحفظ على الموضوع ..
المدير : عااادل (( السكرتير )) ناد بو علي هنا .. !
وناداني السكرتير .. !
المدير : بو علي .. تفضل ..
بو علي : هلا طال عمرك .. يقولي السكرتير انك طالبني ..؟
المدير : اي نعم !!
بو علي : هلا آ مر يالغالي ..
المدير : بو علي .. شف يااخوي وش وصلني ..
ووراني الفلم .. انا هنا حز في نفسي .. ! لان التسجيل كان مااخذ الفقره الي انا قلتها بس .. وتارك باقي الموضوع ..
بوعلي : طال عمرك هذا انا .. وهذا زبون كان عندي اليوم بس الــ...
المدير : بلا بس بلا حاجه .. بو علي ان تكرر منك هل الامر راح ننزلك من مرتبتك ..
بو علي : بس ياطويل العمر .. انا مااسويت شئ .. انت افهم السالفه بالاول ..
المدير : ماابي افهم شئ كل شئ انفهم .. ارجوك رح لمكتبك ولا تكررها ..
كان غاضب .. والغضب مفتاح ابليس .. وانا هنا قلت اسكت على الموضوع واترك الشغل يوميين اجازه ..
بعد يوميين رجعت الشغل .. ماشوف الا عابس بوجهي .. ولكن مثل مااقلتكم خبيث طلع .. ! يبي يمسك علي اي شئ علشان يصغرني قدام المدير ويطردني ..!
عابس : ههههههه (( ضحك بسخريه )) اجل غبتلك يوميين .. صحيح فقري .. غلطان من حطك بهل المكان .. انت اصلا مكانك هناك .. (( واشر على الزباله .. ))
بو علي : انا طبعا ماارديت عليه .. ! لاني خذت بالاسوه الحسنه .. ومشيت على كلام الله .. ( واذا خاطبهم الجاهلون قالوا سلاما ) .. لكن هو زودها .. وانا ماحبيت اني انهان قدام الموظفين .. يعني لو انا وياه بمكتب لحالنا كان ولا يهزني ..
لكن قدام الناس .. الي يسوى والي ماايسوى يشوف وياخذها قصه .. ! فقلت مالي الا المدير ..
للاسف رحتله كان مشغول .. اظاهر باجتماع وله شغله ..
فكتبتله رساله .. وعطيتها السكرتير يوصلها ..
توقعت الرد بيكون ايجابي .. لاني طلبت من المدير ان يوقف ذاك عند حده .. ! او ينقلني لقسم ثاني .. !
لكن المدير .. كانت صورته للحين مشووها عني ..
نسى الايام الي راحت .. نسى الي كان يقولي اياه .. نسى الشهور الماضيه .. وذكر اسوء شئ صدر مني .. ! وبالغلط بعد .. !!
صحيح رسول الله (( صلى الله عليه واله وسلم تسليما كثيرا )) قال : " اذكروا محاسن موتاكم " .. لان النبي يعرف ان الناس مااتذكر الا الصوره الشينه .. والشئ الزين الي تسويه ماحد يذكره الا بالهدوء
وانا للحين مامت وهو ذكرني بالشر ونسى الخير الي سويته ....
تصدقون وطلب من السكرتير يكتب فيني اكتاب .. ونزلني من درجتي وزود على ذا خصم مني راتب اسبوعين !! (( قال عشان اليومين الي طلبتهم اجازه .. وللاسف اني مااكنت اخذ يوم اجازه كله علشان اطلع امشي شغله .. ))
وزود على كل ذا .. حط على اسمي اكس .. يعني لو صارت علي اقل مشكله طرد بدون اي اعتذار او غيره ..
وانتوا عارفيين يااالربع .. الحين اهم شئ للموظف في بلادنا انه ماايكون مطرود من مهنته الي قبل !
وانا فكرت اقدم استقالتي واطلع ادور وظيفه ثانيه .. يمكن ربي يفرجها ..
سالم : بس يا بوعلي .. انت كنت قدها حرام تروح كل هل الي سويته ذا برمش عين ..
بو علي : والله اهونلي .. ياخوك انت مااتدري كيف يناظرونلي بالقسم .. كاني انسان فاشل .. لان المدير نزلني ..
محمد : اسمع نصيحتي واستقيل كرامتك ولا شماتت الي مايتسمى ذا عابس ..
بو علي : الاستقاله اقدر عليها .. ومااتخوفني بس مديرنا .. على الاقل ابيه يفهم السالفه من اولها لين اخرها قبل مايحكم علي .. وبعدها الله كريم ..
والحمد لله انا اهم شئ ان الي انجزته في الشركه ذي خلى ناس ماتعرف الشركه تجي وتوقع عقود معانا علشان اني خليت الشركه توضح في اجمل صوره .. بعد مااكان مخرب عليها كلام الي مايتسمى عابس ومشوه صورتها عن الزباين لان يوقع معهم مع على بضايع ماانقدر نوفرها بالقريبا العاجل .. واذا طافت المده طاحت براس الشركه .. والمدير ماكن يدري من وين الخلل .. الله يكون بالعون ..
ياجماعه جوعتونا .. وله مانتوا بطالبين العشاء الحين ..
ونحن بانتظار باقي قصه بوعلي .. ومديره .. وكيف راح تنتهي القصه .. وانشاء الله خير ..
تحياتي المخلب ..
هذه قصه لزميل لي اعتدنا ان نراه بوجهه البشوش .. ولكن هذه المره لم يكن كما احببنا واعتدنا عليه ..
اليوم : الخميس ..
الساعه : الرابعه عصرا ..
المكان : مجلس رجال ..
المدينه : الدوحه ..
دوله : قطر ..
محمد : هلا والله بالشباب ..
سالم : هلا يالغالي عاش من شاف الوجه البشوش ذا ..
محمد : يااهلا بك .. اقول وش الاخبار ..
سالم : والله بخير وانت بشرني عنك ..
محمد : والله تمام نحمد الله ونشكره .. ودام انت بخير حنا بخير ..
سالم : الا وينه بوعلي .. ؟ مايبين صارله كذا يوم ..؟؟
محمد : والله ياخوك مادري شقصته .. يقولون زعل منه المدير وتناجر معه .. !
سالم : بو علي يسويها ..!!! والله غريبه .. تصدق الرجال ذا ماعمره غلط على حد الا وله سبب بس دام يسامح قلبه كبير .. !
محمد : والله صحيح .. رجال طيب عمره مابدى المشاكل .. ! زين كيف فنشوه يعني وله لا ..؟
سالم : لا ماتوقع تفنيش بس نزلوا درجته كانت درجه عاليه فنزله المدير .. الله يكون بعونه والله ..
محمد: زين خلنا نتصل عليه .. ونعرف السالفه .. وله نعزمه على مطعم خاطري اشوفه بعد القطعه ذي ..
سالم : والله فكره خلاص ندق عليه ونقوله عازمينك ..
محمد : الووو .. السلام عليكم يا الحبيب ..
بوعلي : الو وعليكم السلام ورحمه الله وبركاته .. هلا هلا محمد (( بصوت حزين )) .
محمد : شالصوت وشذا صاير صوت عجيزه مخرفه .. بلاك وين الفرفشه وين الصوت الخلاب ..
بو علي : والله الدنيا وماتسوي ..
محمد : لالالا انا وسالم حبينا نشوفك .. نبيك تجي معنا مطعم ..
بو علي: لا تسلمون والله مااقدر .. احس مالي بالطلعات ...
محمد : شف عاد ان ماجيت مانعرفك ولا تعرفنا .. واعتبرها اخر مره نكلمك
بو علي : خلاص بعد امري لله .. كل شئ ولا زعلكم يالحبايب .. متى بتمرون ..؟
محمد : اليوم الساعه 8 عندك اوكي زهب حالك ..
بو علي : خلاص بعون الله ..
الوقت : الساعه 7.5 مساء.
محمد : سالم يالله نحرك لخوينا ..
سالم : يالله قدام ...
محمد : الو سالم اطلع بره انا قدام باب بيتكم ..
بو علي : اوكي ..
سالم , محمد : هلا هلا هلا .. ارحب والله بالنشمي حياك حياك .
بو علي : ههههه ضحكتوني يالغاليين .. بلاكم كذا ..
سالم : الحين حنا بلانا .. قاطع عنا اسبوع وتقول بلانا ..
بو علي: يالله .. اسبوع كلها يوميين والله .. لهدرجه اشتقتوا لي ..
سالم : في حد ينسى حبايبه ..
بو علي: تسلم يالغالي ..
سالم : الا وش اخبارك ..؟؟
بو علي: والله بخير (( قالها بلهجه مرض )) ..
محمد : تمزح مع اخونا سالم .. ؟؟ شكل وراك شئ ماابالعاده صوتك كذا ..
بوعلي : لا .. ولا شئ صدقوني ..
سالم , محمد : لالالالالا نبي نعرف قلنا .. ! وله نقولك بالمطعم .. اي بالمطعم ..
ذهبوا الى المطعم ..
محمد : الا صحيح سمعنا عنك اخبار .. !
بو علي : وش سمعت .. !
محمد : يقولون انك متزاعل مع مديرك .. صحيح الحكي ذا .. ؟
بو علي : يااخوي اسكت عن السالفه يرحم والديك ..
محمد : الا بتقولها .. واذا مانت بقايل لك علي امشي الحين واتركك مع سالم ..
سالم : وانا امشي ليه تتركني ..
بو علي: خلاص بقول بس تكفون خلوها بيناتنا .. ماابيها تنتشر ...
سالم , محمد : سرك كبير تفضل ..
بو علي:
سمعونا يا شباب .. انا لاني اعتبركم مثل اخواني قلتها لكم ..
انتوا عارفين اني موظف عادي حالي حال اي واحد .. تعينت بالشركه و الحمد لله كانت الامور سليمه ..
تميت شهر شهرين ثلاثه .. وانا ملتزم وما الي بالخرابيط والشردات الي شردونا الموظفين او الحركات الي يسوونها ..
اعجب فيني المدير .. قال الرجال ذا ولا مره شفته الا وملتزم .. يعني انسان كفو .. وقرر انه يرقيني ..
ماشوف الا جيت الصبح وجالي السكرتير يقول .. ترى المدير رقاك .. الف الف مبروك ..
انا هنا حمد ربي واستانست مثل اي موظف ... مترقي ومستانس بالدرجه الي حصلها ..
لكن الي معاي .. صادهم الغيره علي .. صاروا يطالعوني بنظره حقد .. مع اني اقل منهم في الدرجه .. وترقيتي مارفعتني عنهم .. لكنهم حقدوا علي ..
انا هنا كنت مااحب اني استفسر سبب حقدهم لي ... مرت الايام .. وقربت اكون من الاشخاص الي انهوا سنه كامله .. قبل ماتنتهي السنه جاني السكرتير ..
بو علي .. هلا عادل <<< اسم السكرتير .. اقول المدير طالبك .. انشاء الله .. طبعا الله يستر الواحد قالها بقلبه .. مع اني مااسويت لا شئ يزعل ولا حاجه ..
دخلت على المدير ..
بو علي : السلام طال عمرك ..
المدير : وعليكم السلام .. اتفضل استرح ..
بوعلي : مشكور وماااقصرت ..
المدير : ها وش تشرب .. ؟؟
بو علي : لا والله مشكور ..
المدير : لا لازم تشرب شئ خلاص كبتشينوا اوكي .. ؟
بو علي : الي ريحك طال عمرك كل شئ من يدك حلو ..
المدير : راجوا 2 كابتشينوا اوكي ..
راجوا : انشاء الله شيخ ..
المدير : بو علي ..
بو علي: نعم طال عمرك ..
المدير : يااخوي انا سمعت عليك كلام من نااس .. !
بو علي : انشاء الله خير طال عمرك .. ! ؟؟
المدير : لا خير خير .. فعلشان كذا حبيت ارقيك واخليك بنصب حلو .. منها تصير شخص مثالي لانك ملتزم ومواظب واثبت انك من الاشخاص المميزين بالشركه ذي ..
بو علي : والله طال عمرك انت .. انت ماتركتلي شئ اعبرلك فيه عن سعادتي .. ماتقصر هذا اقل شئ اقدر اقولك عليه .. وانشاء الله بكون عند حسن ظنك فيني ..
المدير : عزيز وغالي يا بو علي .. وانت تستحق الترقيه الجديده والمنصب الحلو ذا ..
وذهب بو علي .. الى القسم ليرتب اوراقه ويجهز مكتبه الجديد ..
عابس : هاااااااااا ماشاء الله رقوك ..
بو علي : اي والله يا زميلي .. شفت شلون الحمد لله على كل حال ..
عابس : اي والله هذا انت مااصارلك سنه وانت مترقي .. واحنا خلف الله علينا .. ولا شفنه ريحه الترقيه .. المدير يحبك ويكرهنا ..
بو علي : شالكلام يالغالي .. كلنا ربع وزملاء والقرار ماهو بيدي .. القرار قرار المدير .. والحمد لله انا كنت قد المهم الي امني عليها الرجال والحمد لله استحقيت ترقيتي وله شتقول ..
عابس : (( سكـت .. ولكن بقلبه حقد وحسد .. )) وقال بقلبه .. لازم اوريه واعلمه شلون بيكون يااخذ منصبي ذا الجديد !! ..
مرت الايام .. وصار المدير يعتمد علي بكل شئ .. بالاجتماعات يقولي احظر .. بالسفرات كله وياه .. وين مايحس انه زهقان وله متملل يجيني ونطلع مع بعض .. لدرجه اني كنت مريض .. ( ازكام ) وطلب مني اخلصله بعض الامور
لكن ماترددت .. نسيت المرض علشانه ..
الين ان جاء الاسبوع الماضي .. جاء عابس ومسك علي غلطه بسيطه ..
محمد : وش هي الغلطه ذي .. الي مسكها عليك الي مايتسممى ذا ..؟
بو علي: صدقني لو تسمعها تضحك .. كان عندنا بالمكتب زبون واختلفنا بالسعر .. لكن شف كيف الصدفه كان عابس موجود بالغرفه معنا .. وصور بالجوال فيديو لي مع الرجال وكيف اني اتفاهم معه بس بشكل عصبي لانه نرفزني شوي ..
وخذ الفلم ووداه للمدير ..
محمد : زين وكيف خليته يصور .. ؟
بو علي: والله مادريت اصلا .. بعدين الخطا موجود .. كل موظف يجيله ناس ينرفزونه لو بنجلس نحاسب الكلام الي بيصير ما تقدر شركتنا تعين موظف واحد .. ! وتدري وش الي قاهرني ان الزبون نفسه بالاخير مدح فيني وقال والله عشانك ..
وعشان سمعه الشركه نقبل بعرضكم .. ولو اختلفنا بنقطه بسيطه مااراح تاثر .. وكلنا بالاخير حبايب وربع ..
سالم : زين كمل وش صار .. ؟
بو علي: زين اسمعوا ..
راح عابس للمدير وهو يضحك كانه الي مسويه انجاز .. وانه حقق شئ ماقدر يحققه بحياته ..
عابس : حظره المدير .. ممكن ادخل لو تكرمت .؟
المدير : هلا هلا عابس حياك تفضل ..
عابس : هلا يا مديرنا .. تسلم ..
المدير : علامك كذا كانك جاري من مرثون .. ؟؟ اكيد وراك شئ .. انشاء الله مو مصايب .. تراني مو ناقص ..!ّ
عابس : صحيح ياامدير انك كذا .. ذكي وتفهمها وهي طايره ..!
المدير : وش عندك وضح !
عابس : شف الفلم طال عمرك واحكم بنفسك .. !
المدير شاف الفلم .. واستغرب .. وصار وجهه احمر وزعل .. وتحفظ على الموضوع ..
المدير : عااادل (( السكرتير )) ناد بو علي هنا .. !
وناداني السكرتير .. !
المدير : بو علي .. تفضل ..
بو علي : هلا طال عمرك .. يقولي السكرتير انك طالبني ..؟
المدير : اي نعم !!
بو علي : هلا آ مر يالغالي ..
المدير : بو علي .. شف يااخوي وش وصلني ..
ووراني الفلم .. انا هنا حز في نفسي .. ! لان التسجيل كان مااخذ الفقره الي انا قلتها بس .. وتارك باقي الموضوع ..
بوعلي : طال عمرك هذا انا .. وهذا زبون كان عندي اليوم بس الــ...
المدير : بلا بس بلا حاجه .. بو علي ان تكرر منك هل الامر راح ننزلك من مرتبتك ..
بو علي : بس ياطويل العمر .. انا مااسويت شئ .. انت افهم السالفه بالاول ..
المدير : ماابي افهم شئ كل شئ انفهم .. ارجوك رح لمكتبك ولا تكررها ..
كان غاضب .. والغضب مفتاح ابليس .. وانا هنا قلت اسكت على الموضوع واترك الشغل يوميين اجازه ..
بعد يوميين رجعت الشغل .. ماشوف الا عابس بوجهي .. ولكن مثل مااقلتكم خبيث طلع .. ! يبي يمسك علي اي شئ علشان يصغرني قدام المدير ويطردني ..!
عابس : ههههههه (( ضحك بسخريه )) اجل غبتلك يوميين .. صحيح فقري .. غلطان من حطك بهل المكان .. انت اصلا مكانك هناك .. (( واشر على الزباله .. ))
بو علي : انا طبعا ماارديت عليه .. ! لاني خذت بالاسوه الحسنه .. ومشيت على كلام الله .. ( واذا خاطبهم الجاهلون قالوا سلاما ) .. لكن هو زودها .. وانا ماحبيت اني انهان قدام الموظفين .. يعني لو انا وياه بمكتب لحالنا كان ولا يهزني ..
لكن قدام الناس .. الي يسوى والي ماايسوى يشوف وياخذها قصه .. ! فقلت مالي الا المدير ..
للاسف رحتله كان مشغول .. اظاهر باجتماع وله شغله ..
فكتبتله رساله .. وعطيتها السكرتير يوصلها ..
توقعت الرد بيكون ايجابي .. لاني طلبت من المدير ان يوقف ذاك عند حده .. ! او ينقلني لقسم ثاني .. !
لكن المدير .. كانت صورته للحين مشووها عني ..
نسى الايام الي راحت .. نسى الي كان يقولي اياه .. نسى الشهور الماضيه .. وذكر اسوء شئ صدر مني .. ! وبالغلط بعد .. !!
صحيح رسول الله (( صلى الله عليه واله وسلم تسليما كثيرا )) قال : " اذكروا محاسن موتاكم " .. لان النبي يعرف ان الناس مااتذكر الا الصوره الشينه .. والشئ الزين الي تسويه ماحد يذكره الا بالهدوء
وانا للحين مامت وهو ذكرني بالشر ونسى الخير الي سويته ....
تصدقون وطلب من السكرتير يكتب فيني اكتاب .. ونزلني من درجتي وزود على ذا خصم مني راتب اسبوعين !! (( قال عشان اليومين الي طلبتهم اجازه .. وللاسف اني مااكنت اخذ يوم اجازه كله علشان اطلع امشي شغله .. ))
وزود على كل ذا .. حط على اسمي اكس .. يعني لو صارت علي اقل مشكله طرد بدون اي اعتذار او غيره ..
وانتوا عارفيين يااالربع .. الحين اهم شئ للموظف في بلادنا انه ماايكون مطرود من مهنته الي قبل !
وانا فكرت اقدم استقالتي واطلع ادور وظيفه ثانيه .. يمكن ربي يفرجها ..
سالم : بس يا بوعلي .. انت كنت قدها حرام تروح كل هل الي سويته ذا برمش عين ..
بو علي : والله اهونلي .. ياخوك انت مااتدري كيف يناظرونلي بالقسم .. كاني انسان فاشل .. لان المدير نزلني ..
محمد : اسمع نصيحتي واستقيل كرامتك ولا شماتت الي مايتسمى ذا عابس ..
بو علي : الاستقاله اقدر عليها .. ومااتخوفني بس مديرنا .. على الاقل ابيه يفهم السالفه من اولها لين اخرها قبل مايحكم علي .. وبعدها الله كريم ..
والحمد لله انا اهم شئ ان الي انجزته في الشركه ذي خلى ناس ماتعرف الشركه تجي وتوقع عقود معانا علشان اني خليت الشركه توضح في اجمل صوره .. بعد مااكان مخرب عليها كلام الي مايتسمى عابس ومشوه صورتها عن الزباين لان يوقع معهم مع على بضايع ماانقدر نوفرها بالقريبا العاجل .. واذا طافت المده طاحت براس الشركه .. والمدير ماكن يدري من وين الخلل .. الله يكون بالعون ..
ياجماعه جوعتونا .. وله مانتوا بطالبين العشاء الحين ..
ونحن بانتظار باقي قصه بوعلي .. ومديره .. وكيف راح تنتهي القصه .. وانشاء الله خير ..
تحياتي المخلب ..