صاحبة الامتياز للعبـــــــــــــــــــــــــايات والفســـــــــاتـيـن

[miow1243]

السلام عليكم ورحمة الله وبركاته

الحمدلله رب العالمين والصلاه والسلام على اشرف الخلق سيدنا محمد

أحب ابلغكم حبايبي عن افتتاح فرع لمحل "صــــــــــــــــــــــــــــــــاحبة الامتياز" في احد ارقى فنادق قطر " فندق شرق"

المحل مختص بتصميم جميع انواع العبايات المناسبة للافراح والدوام

هذي بعض الصور تعرض لكم نوعية التصاميم الفريدة عندنا

http://up3.al-qatarya.org//uploads/images/al-qatarya-bd6355342b.jpg

http://up3.al-qatarya.org//uploads/images/al-qatarya-813b7623d5.jpg

http://up3.al-qatarya.org//uploads/images/al-qatarya-2d9e04cf06.jpg

http://up3.al-qatarya.org//uploads/images/al-qatarya-b3dfb475c8.jpg

http://up3.al-qatarya.org//uploads/images/al-qatarya-77b2734457.jpg


بانتظار تشجيعكم وردودكم الحلوه يا بنات بلادي الحبيبة


:telephone:

[miow]

سلام

احب اضيف ان هالمحل يستاهل الزياره لانه متميز و فريد في خدمته...
والعبايه فيه تستاهل القيمه من حيث جودة المواد المستعمله ونظافة الخياطه الداخليه ... هذا غير القياس المضبوط والمرتب واللذي يعطي حتى العبايه الساده رقي

احلى مافيه ان بامكانك اختيار اي موديل وتفصيله على ذوقك من ناحية الالون او الشكل وحتى تخفيفه بيحث يتناسب السعر معاك ..

الاروع من هذا كله انهم يضمنون لك العبايه مابعد البيع ... بمعنى انه لو اختربت او سقطت بعض المواد مثل الكريستال ممكن يبدلونها لك ببلاش ...

كل التوفيق للجميع :victory:

[miow1243]

اشكرج عالتشجيع الدائم الي اشوفه منج يالغالية

[Ginger]

ما شاء الله بالتوفيق

بس عندي ملاحظه اثنينكم نفس النك ؟ والملاحظه الثانيه النك الثاني ميو مشاركاته واحد وانتي تقولين تشجيع دائم !!!!!:stop:

[عذايب قطر]

يالتوفيق بس ملاحظه فنانه من Ginger


تحياتي لكم

[miow1243]

احب اوضح ....miow اختي ..ودوم اشوف منها تشجيع ......للاعلان فقط

[زهرة الربيع]

بالتوفيق أن شاء الله

[miow]

اشجع قوة ملاحظه والفزعه لدى مساهين المنتدى (الجدد) في التركيز على تشابه النك والتعليق...

التعليق واضح انه يتكلم عن طرف حاب (يضيف) للاعلان وليس طرف (يشجع) او يبدي راي ....

على العموم اللي عنده شك في مصداقية كلامي او تشجيعي للمحل ( الميدان لك ياحميدان) تفضل وادلي بتجربتك الشخصيه بزياره للمحل ...والباب مفتوح للجميع والله كريم ...

صاحبة الامتياز اسم بدا من 4 سنين وله قاعدة جمهور عريضه امتدت للخليج يعني غني عن التعريف..

تمنياتي للتوفيق لكل التاجرات القطريات ...

[Ginger]

عزيزاتي ميو وميوو

هذي مجرد ملاحظه فقط انا ما وجهت اتهام او اسأت لكم ولا تكلمت عن بضاعتكم ولا ذميت ولا مدحت

بالعكس تمنيت لكم التوفيق

واللي على راسه بطحه يحسس عليها

تحياتي

[miow1243]

اشكر الجميع عالمرور

[نجمة سهيل]

موووووووووفقين

وحلوه حركة الظمان

[سدرة قطر]

بالتوفيق حبيبتي

[miow1243]

تسلمون

تحياتي للجميع

[doha70999]

العبي ممتازة والخياطة روعة ونظيفة والتعامل جدا راقي

انا احب افصل عند هالمحل واسعاره تستاهل لان موديلاته مميزة دوووووووم


بالتوووووووووووفيق

[miow1243]

شهادة اعتز فيها

مشكوره

[شعنونة قطر]

الله يرزقج . . بس اختي اوفر لو تكتبين عبايات للمناسبات احسن . . لكن انتي تبيعين وبعضهم يلبسونها في المجمعات والشوارع

زود على قباحة المنظر اثم بعد

الله يعين

[VIPLady]

المحل ماعليه كلام
حتى قبل الافتتاح بشرق
راقي
الفنشق عجيب و ومرتب

الله يوفقج

واليوم بمركم بالمحل النيوو زين خليتوه بشررق ..

[miow1243]

هلا اختي مشكوره من ذوقج الحلو ...
المحل الاول في السد ما زال موجود وهذا الفرع الثاني لمحل صاحبة الامتياز

حياج في اي واحد منهم

[أم شيوخ]

ماطلعت الصور:(

[Fairee]

بالتوفيق ان شاء الله

[رمــش الغلا]

بالتوفــــــــــيق

[miow1243]

ماطلعت الصور:(

هلا اختي ....جربي ادخلي على فلكر المحل
her_majesty

حياج

[doha70999]

اختي هذي على كم :

http://www.flickr.com/photos/h_majesty/4614148303/

[شموع قطريه]

بالتوفيق اختي بس ياريت تسوون موديلات شوي انعم من الموجود عندكم انا بصراحه رحت محلكم اللي بالسد كم مره بس ماعمري شفت شي يعجبني اكثر موديلاتكم دفشه وثقيله والموضه الحين الناعم والتطاريز الفخمه راحت موضة الاكسسوارات التركيب والسلاسل النازله والكريستالات الكبار .. عموما الله يوفقكم اختي

[findi]

من أفضل محلات العبي الي تعاملت معاهم الصراحه

مثل ماقالت vip lady الفنشنق رهييب

وشغلهم دوم نظيف وراقي

بس يعيبهم ماعندهم موديلات خفيفه وناعمه حق دوام او طلعات

اكثر العبي الي فصلتها عندهم كانت عبي مناسبات

ياليت اختي تراعون هالنقطه

والله يوووفقكم يامبدعاااات

[miow1243]

هلا حبايبي ...
اشكركم على رايكم وبالعكس هالشي يعلمني شنو الناس محتاجه اكثر ...
بخوص موديل العبايات , احب اوضح نقطه
اول شي الاسم يعكس الشغل ونوعه يعني اكيد يعكس الفخامه مش البساطه
وثاني شيء الموديلات عندنا تعرض بالدرجه المتوسطه من الشغل مع ترك حرية القرار للزبونه بالتخفيف منه او زيادته وحتى تغيير الوانه مراعاة لجميع الاذواق ..
رغم ان جميع المحلات على نفس المستوى ماتطرح هالحرية في التفصيل والاختيار

ولولا اختلاف الاذواق لبارت السلع ... يعني عمره ماكان حكم زبونه واحده من ضمن المئات هو الحكم ، فلكل واحد منا ذوق وتجربه شخصيه

وبالنسبه لموديلات العمل ، فلا يحتاج ان اوضح ان محلات العبي في الدوحه صارت اكثر من عدد المحلات الاخرى وكلها تعرض العبايات العاديه والتي (حسب كلامج تناسب اجواء العمل والسوق)

اما بالنسبه لتصميم العبايات الراقيه في المحل لدي فنحب نعرض كل انواع الموضه والشغل اليدوي سواء كان خفيف او للمناسبات فليست كل زيونه تحب ان تلبس شي مكرر او عادي ...

الموديلات المعروضه في المحل تتغير باستمرار وكل كوليكشن له مسمى وتوقيت .. فياريت ان تسال الزبونه عما هو جديد ان احبت ان تواكب موضتنا ...

[نور الكون]

بالتوفيق

[اعلامي]

تسجيـــــــل مرور واعجــاب ..!


طبعا انا ماراح اتكلم عن الموديلات او ماشابه ..
لكن بصراحه لفتني المحل من اسمــه .. ديكوره .. واقبال الناس عليه .. واولهم زوجتـي ..

الحلو فالمحل انه جامع بين الــرقى والفخامه مــع تناسب الاسعـار مقارنه فالمحلات الأخرى
عالعموم اختي الله يوفقكم .. وفكره افتتاحكم المحل في فنـدق مثل شـرق .. شي يحسب لكم ولمحلكم

وان دل على شي بيدل على ثقه الفنــدق نفسه بحجم وثقل ومكانه محلكم فالسـوق القطري ..


تمنيــاتي لكم بالتوفيق والا الامام دائما ان شاء الله

[miow1243]

تسلم اخوي اعلامي على هالكلام

[نجود]

الله يوفقك يالغاليه

[miow1243]

thanks all

[أللووولي]

ههههههههه ضحكتوني يا مياو ومياوو اختها

خلونا من هالموضوع
ابي اعرف الاسعار قببل لا اروح المحل ممكن؟
^___^
وشكرا

[miow1243]

هلا اخت لولي
ان شا الله دوم تضحكين :)

بخصوص الاسعار من 1000 لحد 4000 ريال حسب كمية الشغل ومدة تنفيذ التصميم والمتيريال المستخدم

حياج الله

[أللووولي]

اهاااا اووكي حلو حلو

^__^
عيل لي زياره قريبه لاني عطشااانه عبايات الصراحه
تسلمييين حبوبه

[Noora.]

بالتوفيق

[miow1243]

اللهم ان كان رزقي في السماء فانزله
وان كان في الارض فاخرجه
وان كان قريبا فيسره
وان كان قليلا فكثره
وان كان كثيرا فبارك لي فيه

[miow1243]

حياكم جميعا