؛؛ شنو صاير في بنات قطـــــر ؟!! الركض وراء الماركات العالمية بشكل مجنون !!

[رهج السنابك]

السلام عليكم



هالموضوع لاحظته في السنوات الاخيرة فقط



يا بنات اشفيكم شنو صاير لكم !!! لهالدرجة الجنون والهوس وصل فيكم !!


التقيت بصديقة قديمة لي انا اعرفها زين مازين كانت انسانه عملية وجادة في الدراسة

لما شفتها انصدمت بصراحه !! كانت انسانه قمة في الرزانه والحكمة والثقة بالنفس ؛؛ بعد ماقعدت معها شوووي الا طريقة التفكير متغيرة 180% درجة ؛؛ هالانسانه كنت كل ما اسولف معها سوالفها عن الكتب والعلم والثقافه كنت استفيد من فكرها لكني انصدمت فيها لما شفت التغيير الكبير أول شيء كان الشكل

من راسها لين اخص قدمها ماركات ماركات ماركات !!! بل بل بل خفي على عمرج شوووي هارودز متنقل !
اقولها وين كنتي يا فلانه وين صرتي قبل هالامور ماتهمج والشكليات تتطنزين على اللي يبالغون فيها الحين شنو صار بالدنيا !! قالت لي أبد لازم اعطي انطباع لأي شخص يشوفني بأني هاي كلاس وذوق !!
الحمدلله والشكر على التفكير

ما علينا عطيتها محاضرة صغيرونه تذكرها هي من وكيف كانت عقليتها سابقاً
ومستوى الثقافه السطحية اللي نزلت له


انا ابي اسأل البنات شنو هالهوس اللي نازل عليكم ؛؛ قبل الله يرحم سوق الجبر والخميس والجمعه حدكم شنطة بمية ريال وفستان مخيط ب150 ريال والسلام ختام !


كانو البنات اللي يلبسون ماركات ينعدون على الاصابع وخاصة بالجامعه والمدارس

الحين حتى بنات الابتدائي لازم كل شيء ماركة ! بذمتكم مو مبالغه !

حلو الوحده تلبس شي راقي ومرتب ماقلنا شي بس عاد مو لدرجة انه حتى الشباصة ماركة :rolleyes2: والدلاغ ماركة والمنديل ماركة :rolleyes2:

والله لما اشوف وحده بهالشكل اتحمد ربي على النعمه

وانا كنت حابة استشير اخصائي نفسي بهالموضوع أكيد عنده وجهة نظر !

لان بعضهم مثلا تعاني من عقدة نقص وعلى بالها بالمظهر الخارجي راح تغطي على عيوبها
وبعضهم مع الخيل يا شقرا اشمعنى فلانه تلبس وانا لا !! يعني مستعدة تخسر 50 ألف مقابل بس انها تجاكر فلانه ولا علانه !! مو هذي قلة عقل

انا شفت اميرات ونجمات هوليوود واثرياء لكن ماعندهم هالمبالغه الموجوده الحين
حتى ان بعض المشاهير اشوفها كذا سنة على نفس الشنطة او الحزام او المعطف

اهنيه كل شهر لازم تطلع تجدد كل الاطقم اللي عندها

لدرجة مستعدة انها تخسر كل تعبها في العمل شهر كامل مقابل نظارة شمسية او ساعه ! بالذمة مو حرام؟

اوكية اشتروا مثلا شنطة اخر كوليكشن واستعمليها طول السنة والسنة اللي عقبها غيريها بس مو كل شهر هذا اسمه ابتذال واسراف ومفوشر على الفاضي

ترا الناس تدري ان كانت فلانه عندها خير او لا الناس مب غشيمه وقطر صغيره والعوايل معروفة مب لازم الترزز وكأنها تقول للناس طالعوني شوفوني من راسي لريولي عندي فلوس وخير يا طير عندج فلوس ! هل بتوزعين شرهات مثلا؟

اتقوا الله يا بنات وخافوا الله في فلوسكم وفلوس ازواجكم وفلوس اهاليكم

مدري شنو هالعقليات وليه تغير فكر البنت والمجتمع وشنو اللي فتح المجال وهل الوحده ماتحس بثقه بالنفس الا بلبس هالماركات ؟

؛

[مطيع الله]

الاستاذة الاستقراطية
كلما اهتم الإنسان بالتوافه كلما كان ذلك دليلاً على خواء عقله

لو كان هناك إحصائية لوجدنا أن النساء هم السبب في كثير من ارتفاع البضائع المقلدة
بل أصبح المقلد يوازي الأصلي
زادك الله من فضله

[فلتة زمانها]

لا وطالعين طلعه الا يا راعية التقليد ويا راعية الاصلي
الحَمدُللہِ والشكر الله يرحم ايام سوق واقف وسوق ايران «شدخل هههههه
حبوبه الحين الكل هاب عالماركات حق المفوشر والزبو والله لو اهتموا بدراستهم
مَّثٌَِلٍّ مايهتمون بالماركات جان فلحوا الله يهديهم

[محمد2]

هذا كله فسق × فسق

[STAR]

الله يرحم سوق الجبر والخميس والجمعه حدكم شنطة بمية ريال وفستان مخيط ب150 ريال والسلام ختام !


؛

:funny:

[تحداني]

.. فلوس زايده ..
وفراغ قاتل يعانون منه
وعايشين بلا هدف .. ايش تتوقعين غاليتي ؟؟


.
.
ليت يلبسون أفكارهم .. ويهذبون أخلاقهم
بأغلى الصفات .. وأثمن الأطباع

.
.
لا يوجد أحد لا يحب الجمال .. واللبس والأناقه
والبحث عن الجديد سواء كان في عالم الماركات
ولكن بحكمه وإتزان .. ورصانه


الكل يريد أن يتساوى في كل شئ
من دخله يصل مليون ريال في السنه .. يلبس ما يحلو له لن يؤثر عليه
ولكن من دخله لا يتعدى مئه ألف ريال ليه يهلك ويذبح نفسه للوصول الى الغير


.
.


أنا أعترض
على فكره مو بس البنات
حتى الإصبيان هالأيام إمصخينها :secret:
كاشخين إزياده عن اللزوم ما أعرف ايش سالفتهم :)
لاحظي عليهم أمطقمين .. احلى إزرار .. وأحلى ساعات
وأقلام .. وحالتهم حاله



جملك الله برضى الرحمن

[عالم المحيطات]

....اقتربت الساعة....

[عليان]

الشناط اللي شايلينها والساعات والعبي أحلى وأحسن منهم مليون مره , من زينهم والله اللي يقهرني الجمال كله والجز والشباب وراء الشنطه مب صاحبتها , مره شفت وحده قد النتفه يمكن طولها مايتعدى 145 سم وشايله شنطه طولها نص جسمها ولابسه كعب طويل اللي يشوفها نصها هي ونصها الكعب يعني طابقين تقريباً وهي في الطابق الأول مب الجراوند طبعاً :tease:

[سويسرا]

الحمدلله على نعمة العقل

والنعمه زواله:anger1:

[باراكودا]

أنا أويد من يشتري الماركات وأعتبره أنسان ذكي بس بشرط يتحفظ فيها ويحافظ عليها ويطلع قيمتها عدل .

[Ussop]

وياليت ذي الماركات السنعة تكون لايقه على ذي الاشكال، حلاة الشيء في بساطته...

وعلى ما قال أخوي مطيع، الاهتمام بتوافه الأمور يدل على خواء العقول...

أوكيه خذ لك أحسن ماركه ما قلنا لا، لكن طلع قيمتها، مب كل شهر مطير الراتب على شغلة جديدة... إذا علية القوم ما يسوونها... أنت وشحقه مطلع نفسك فوق مقامك.

[MoneyMaker]

هذا النوع من الناس صادتهم صدمه حضاريه.

[شموخ وبس]

الله يهديهم همهم المظهر فقط ومخوخهم فاضيه 000 احب اكشخ بحدود 0000ويكون مخي مليان ثقافه 0000 مو خرابيط:)

[kooool]

السلام عليكم



هالموضوع لاحظته في السنوات الاخيرة فقط



يا بنات اشفيكم شنو صاير لكم !!! لهالدرجة الجنون والهوس وصل فيكم !!


التقيت بصديقة قديمة لي انا اعرفها زين مازين كانت انسانه عملية وجادة في الدراسة

لما شفتها انصدمت بصراحه !! كانت انسانه قمة في الرزانه والحكمة والثقة بالنفس ؛؛ بعد ماقعدت معها شوووي الا طريقة التفكير متغيرة 180% درجة ؛؛ هالانسانه كنت كل ما اسولف معها سوالفها عن الكتب والعلم والثقافه كنت استفيد من فكرها لكني انصدمت فيها لما شفت التغيير الكبير أول شيء كان الشكل

من راسها لين اخص قدمها ماركات ماركات ماركات !!! بل بل بل خفي على عمرج شوووي هارودز متنقل !
اقولها وين كنتي يا فلانه وين صرتي قبل هالامور ماتهمج والشكليات تتطنزين على اللي يبالغون فيها الحين شنو صار بالدنيا !! قالت لي أبد لازم اعطي انطباع لأي شخص يشوفني بأني هاي كلاس وذوق !!
الحمدلله والشكر على التفكير

ما علينا عطيتها محاضرة صغيرونه تذكرها هي من وكيف كانت عقليتها سابقاً
ومستوى الثقافه السطحية اللي نزلت له


انا ابي اسأل البنات شنو هالهوس اللي نازل عليكم ؛؛ قبل الله يرحم سوق الجبر والخميس والجمعه حدكم شنطة بمية ريال وفستان مخيط ب150 ريال والسلام ختام !


كانو البنات اللي يلبسون ماركات ينعدون على الاصابع وخاصة بالجامعه والمدارس

الحين حتى بنات الابتدائي لازم كل شيء ماركة ! بذمتكم مو مبالغه !

حلو الوحده تلبس شي راقي ومرتب ماقلنا شي بس عاد مو لدرجة انه حتى الشباصة ماركة :rolleyes2: والدلاغ ماركة والمنديل ماركة :rolleyes2:

والله لما اشوف وحده بهالشكل اتحمد ربي على النعمه

وانا كنت حابة استشير اخصائي نفسي بهالموضوع أكيد عنده وجهة نظر !

لان بعضهم مثلا تعاني من عقدة نقص وعلى بالها بالمظهر الخارجي راح تغطي على عيوبها
وبعضهم مع الخيل يا شقرا اشمعنى فلانه تلبس وانا لا !! يعني مستعدة تخسر 50 ألف مقابل بس انها تجاكر فلانه ولا علانه !! مو هذي قلة عقل

انا شفت اميرات ونجمات هوليوود واثرياء لكن ماعندهم هالمبالغه الموجوده الحين
حتى ان بعض المشاهير اشوفها كذا سنة على نفس الشنطة او الحزام او المعطف

اهنيه كل شهر لازم تطلع تجدد كل الاطقم اللي عندها

لدرجة مستعدة انها تخسر كل تعبها في العمل شهر كامل مقابل نظارة شمسية او ساعه ! بالذمة مو حرام؟

اوكية اشتروا مثلا شنطة اخر كوليكشن واستعمليها طول السنة والسنة اللي عقبها غيريها بس مو كل شهر هذا اسمه ابتذال واسراف ومفوشر على الفاضي

ترا الناس تدري ان كانت فلانه عندها خير او لا الناس مب غشيمه وقطر صغيره والعوايل معروفة مب لازم الترزز وكأنها تقول للناس طالعوني شوفوني من راسي لريولي عندي فلوس وخير يا طير عندج فلوس ! هل بتوزعين شرهات مثلا؟

اتقوا الله يا بنات وخافوا الله في فلوسكم وفلوس ازواجكم وفلوس اهاليكم

مدري شنو هالعقليات وليه تغير فكر البنت والمجتمع وشنو اللي فتح المجال وهل الوحده ماتحس بثقه بالنفس الا بلبس هالماركات ؟

؛

اتفق معاك بس فيه كم نقطة لازم اوضحها ...لو شفنا باقي الشعوب من اقصى الشرق الى اقصى الغرب فيهم الاثريااء الاثريااااء يعني البطره اللي متعديه كل الخيال الانساني واقعهم يختلف تماما عن الفلوس اللي هم يملكونها شلووووون ؟؟؟ هم يمتعون انفسهم بطريقة مختلفة ..لو لاحظنا ان متعتنا في التسوق والشراء محدودة في اشياء معينة مثل ..اتكلم عن البنات ..شناط اكسسورات وفساتين وجوالااات وعطورااات وعبايات واحذيه وكل مايتعلق بمظهر المراة الخارجي ..ولكن لانجد هذا الشي في الغرب او الشرق عند البنات الاغنياااااء ..تلاقين مظهرهم مب الكشخة اللي عندنا ..طيب وين يودون فلوووووسهم ؟؟؟ كيف يستمتعون فيها ؟؟؟؟؟ السبب في النظام العائلي ..يحدد للبنت مصروف معين محسوووووب واذا كانت بطرااااانه تستخدم هذه الفلوس في خدمات المجتمع وتشرف عليه حيث يعتبر الزبو عندهم هو الظهور الاجتماعي من خلال الخدمات اللي تقدم للمجتمع من مساعدات انسانية وبرامج وحملات للنهوض بالمحتاجين وتنمية المجتمع ...فهنا مربط الفرس ان مفهوم الزبووووووو عندنا يختلف عنه عندهم ..ولو ركزنا شوي في القران الكريم في اية "..انه لايحب المسرفين" لراينا اعظم قاعدة وهي ان الاسراف هو انفاق المال في المباااااح من غير ان يستخدم او ينتفع بالحاجة اللي اشتريناها ...فالحاجة تتنوع ..هناك حاجة نفسية وحاجة بدنية ..فالانسان يحب ان يتزبن ويتجمل بس في نفس الوقت لايكون على حساب الاخرين شلوووووووون ...تخيل نفسك لابسه عباياه ب20000 ..ايش بيكون شعورك ؟؟؟؟ شعور مبطن بالاستعلااااء وحب الظهور ..وهذا الشعور منهي عنه ...لانه من صفات الشيطان الاساسية وهي الاستعلاء على الغير ...

[dss911]

كلامك مليون بالميه صح والله الواقع اللي نعيشه صعب حلو الواحد يكشخ بس باعتدال

[qtrose]

الهوس هذا مو بس عندنا ، حتى لاحظته في بنات الغرب !!

[kooool]

الهوس هذا مو بس عندنا ، حتى لاحظته في بنات الغرب !!

بعطيج معلومة تعرفين كم تستهلك دول الخليج من المكيااااج ؟؟؟؟ 2 مليار دولار سنويا ..مكياج يكفي العالم يصيرون ملكات جمال 100 سنة هههه

[جرح الزمان]

هذا مرض الاحساس بالنقص

وهو موجود عند بعض الشباب والبنات

الله يهدينا ويهديهم

[شاهيناز]

غريبه بعض الردود يعني كل وحده تشيل شنطه ماركه تحب المظاهر..
الحياه اختلفت الان في بنات يعملون في الهيئات والمؤسسات ورواتبهم اكثر من 20 الف وهي عايشه في بيت اهلها وهم المكلفيين بمعيشتها وش تسوي بالراتب؟ وفي بنات عندهم اسهم وفي بنات مشاءالله عليهم يعرفون كيف يتصرفون بلفلوس وفي بنات اهلهم مايقصرون عليهم كل الي يبونه يعطونهم اياه والبعض عنده كرددت كارد الوالد يسدده لهم ,, فمن حقهم يتمعون بالفلوس وعليهم بالعافيه ليش ننظر له بنظره انهم يحبون المظاهر
ليش مانشوف انهم ناس تحب الاناقه والكشخه
وكل شي له ثمنه

[N7eEeS]

اللي عنده معليه بس اللي ماعنده هني المشكله والمشكله الغيره الدائمه عند بنات حواء.
القناعه كنز لايفنى.
طبعا الحين الماركات كلها ماتجيب الراس الا هيرمز :)

[رجل تعليم]

رائعة رســــــــــــــــــــــالتك

اتمنى أن تصل لمن يعنيه الأمر وأن يجد فيها نفسه في عيون الآخرين

كل الشكر على النصائح الطيبة

[غزلان]

لكل شراي بضاعه وسوقي .... يازين الكشخه :)

[تحداني]

غريبه بعض الردود يعني كل وحده تشيل شنطه ماركه تحب المظاهر..
الحياه اختلفت الان في بنات يعملون في الهيئات والمؤسسات ورواتبهم اكثر من 20 الف وهي عايشه في بيت اهلها وهم المكلفيين بمعيشتها وش تسوي بالراتب؟ وفي بنات عندهم اسهم وفي بنات مشاءالله عليهم يعرفون كيف يتصرفون بلفلوس وفي بنات اهلهم مايقصرون عليهم كل الي يبونه يعطونهم اياه والبعض عنده كرددت كارد الوالد يسدده لهم ,, فمن حقهم يتمعون بالفلوس وعليهم بالعافيه ليش ننظر له بنظره انهم يحبون المظاهر
ليش مانشوف انهم ناس تحب الاناقه والكشخه
وكل شي له ثمنه






.. غاليتي شاهيناز ..

انا معاكي ان الكشخه والاناقه .. واللبس .. شئ حلو ورائع .. والمرأه سبحان الله
خلقت للجمال والجمال خلق لها .. لكن بإعتدال .. جميل ان نرتدي
كل الماركات العالميه ابتداءا من هرمز الى بوتيغا الى والى
ولكن ان يصاب الشخص بهوس هنا المشكله ..

.
.
هناك فتيات أصابوا بداء الماركات
هل يعقل اشتري شنطه بعشره الاف ريال شهر 4
واعود مجددا لاشتري حذاء اجلكم الله مع شنطه اخرى ب14 الف ريال

هل يعقل اشترى اسويره هرمز بــ 2500 ريال
واشتري حزام هرمز بــ 3000 ريال
والشنطه بــ 40 الف ريال من هرمز ستصل بعد ست شهور

هذا ما يحصل الآن ليس لدى الكل
ولكن الاغلبيه اصابهم هذا الهوس
.
.
نعم لدينا رواتب عاليه
والحمد لله الفتيات اهاليهم يصرفون عليهم
ولكن لما لا نخبأ جزء من هذا المال
لا لا نفكر في الغد ..
لا تدرين قد يحتاج احد من اهلي واساعده ..

اذكر في سنه من السنوات
أصاب خالتي ظرف من الظرف
قالت عمري ما طلبت من أحد وجيت أطلب من عندج
واعرف انج صغيره وتوج تشتغلين ..
بس ممكن مبلغ معين


لا نقصر في حق انفسنا ..
ولكن ليس من حقنا ان نلعب في هذا المال بهذه الطريقه


ما اعرف هي وجه نظر .. لا اعرف اذا تتقبلينه ولالا
بس لا تآخذين الامور بعصبيه ارجوج
لان ردودج تخوفني أحيانا وانا اعزج :)


جملك الله برضى الرحمن

[تحداني]

اللي عنده معليه بس اللي ماعنده هني المشكله والمشكله الغيره الدائمه عند بنات حواء.
القناعه كنز لايفنى.
طبعا الحين الماركات كلها ماتجيب الراس الا هيرمز :)



.
.
وانت صادق يا أخوي قبل كم شهر كانوا طايحين في شانيل
مع العلم شانيل لها عراقه كبيره .. وبضائعها من الوزن الثقيل
صحيح في المراتب العالميه لا تأتي بجانب هرمز
لكن اليوم تعال وشاهد ماذا يحصل
منافسه قويه لسوق هرمز


زمان كان هرمز لا يرتدونه الا زوجات الحكام
وممثلات السينمات العالميه .. نظرا لغلاء سعره

أذكر قرأت في مجله من المجلات
لماذا الفتيات اتجهوا الى هرمز
كانت من بين الأجوبه إذا احلام المطربه مسكت الشنطه في الفيديو كليب
واذا احد زوجات الحكام في الخليج مسكتها .. فكيق ما تبي الناس تركض وراءهذه النوعيه
من الماركات الثقيله جدا والغاليه

.
.
نعم جميل ان نشتري ونقتني ..
ولكن مدوا ارجولكم على قد إلحافكم


اما ما يحصل الآن كارثه حقيقيه
لا شئ أصبح صعب المنال لدى الفتيات
بالسلف
بالأقساط ..
بالإمحاطط
المهم يشترون يشترون

وليتهم يحلون الاشياء
البعض يشينها للأسف ..

.
.
أسمحي لي غاليتي الاستقراطيه
على المداخلات


.
.
جملك الله برضى الرحمن

[غير البشر]

والله العظيم قبل لاشوف الموضوع بعشر دقايق كنت فكر بهذي النقطه :eek5:

بصراحه حسهم استخفووووو

واحس معظم البنات ها الايام جثث بدون عقل للأسف

[N7eEeS]

.
.
وانت صادق يا أخوي قبل كم شهر كانوا طايحين في شانيل
مع العلم شانيل لها عراقه كبيره .. وبضائعها من الوزن الثقيل
صحيح في المراتب العالميه لا تأتي بجانب هرمز
لكن اليوم تعال وشاهد ماذا يحصل
منافسه قويه لسوق هرمز


زمان كان هرمز لا يرتدونه الا زوجات الحكام
وممثلات السينمات العالميه .. نظرا لغلاء سعره

أذكر قرأت في مجله من المجلات
لماذا الفتيات اتجهوا الى هرمز
كانت من بين الأجوبه إذا احلام المطربه مسكت الشنطه في الفيديو كليب
واذا احد زوجات الحكام في الخليج مسكتها .. فكيق ما تبي الناس تركض وراءهذه النوعيه
من الماركات الثقيله جدا والغاليه

.
.
نعم جميل ان نشتري ونقتني ..
ولكن مدوا ارجولكم على قد إلحافكم


اما ما يحصل الآن كارثه حقيقيه
لا شئ أصبح صعب المنال لدى الفتيات
بالسلف
بالأقساط ..
بالإمحاطط
المهم يشترون يشترون

وليتهم يحلون الاشياء
البعض يشينها للأسف ..

.
.
أسمحي لي غاليتي الاستقراطيه
على المداخلات


.
.
جملك الله برضى الرحمن


على طاري شانيل الصيف اللي طاف المدام خاطرها في شانيل الكلاسك بس الجامبو والجلد الخشن والسلسال ذهبي طبعا في لندن مافي مخلصه رحنا زيورخ مافي وصيت اخوي في باريس قال مافي اخر شي رحت ميلان بس حصلنا السلسال فضي بعد معانه شهر بين محلات شانيل!!
طبعا كان الطلب عليها غريب وعجيب!!
واخرتها شنطه عاد شتفهم.

[kooool]

والله اشوف الحل هو ملء الفرااااااااغ للبنات من خلال فتح مجالات اخرى عشان يصرفون فلوسهم فيها ..مثل اقامة دعم لمشاريع البنات واستغلال مواهبهم وبنشوف البنت لاااااهيه في مشروعها وبتحس بقيمتها في المجتمع ..لان المشاريع الخاصة تعطي للواحد قيمة تعوضها بالتالي عن ايجاد قيمة اخرى في المظااااااااهر ...احيانا النقص في الشي يعوض في شي اخر

[شاهيناز]

.
.
وانت صادق يا أخوي قبل كم شهر كانوا طايحين في شانيل
مع العلم شانيل لها عراقه كبيره .. وبضائعها من الوزن الثقيل
صحيح في المراتب العالميه لا تأتي بجانب هرمز
لكن اليوم تعال وشاهد ماذا يحصل
منافسه قويه لسوق هرمز


زمان كان هرمز لا يرتدونه الا زوجات الحكام
وممثلات السينمات العالميه .. نظرا لغلاء سعره

أذكر قرأت في مجله من المجلات
لماذا الفتيات اتجهوا الى هرمز
كانت من بين الأجوبه إذا احلام المطربه مسكت الشنطه في الفيديو كليب
واذا احد زوجات الحكام في الخليج مسكتها .. فكيق ما تبي الناس تركض وراءهذه النوعيه
من الماركات الثقيله جدا والغاليه

.
.
نعم جميل ان نشتري ونقتني ..
ولكن مدوا ارجولكم على قد إلحافكم


اما ما يحصل الآن كارثه حقيقيه
لا شئ أصبح صعب المنال لدى الفتيات
بالسلف
بالأقساط ..
بالإمحاطط
المهم يشترون يشترون

وليتهم يحلون الاشياء
البعض يشينها للأسف ..

.
.
أسمحي لي غاليتي الاستقراطيه
على المداخلات


.
.
جملك الله برضى الرحمن

اختي تحداني كلامك سليم

صحيح البعض يبالغ بس ماتعرفيين في بنات اهلهم يعطونهم الكثير البنت عندها كرددت كارد ابوها حاط لها شهريه كبيره غيرالبنات الي راتب البعض منهم وصل 30 الف واكثر وغير المداخيل الاخرى ,, من حقها تصرف وتدلع نفسها( مصطلح الكثيرات يرددونه) التفكير في المستقبل تقول لك ليش ابوي مليونير
المشكله في فئه عندنا في قطر عندها خير كثير من حقها تتهنى
الي يقلون المشكله في الي ماعنده هذي مشكلتهم كل واحد يعرف وش عنده واذا صرف وش بينقص منه وش بيتغير عليه

لكن المشكله ان في ناس تحاسب الي عندهم فلوس وتطالبهم انهم يلبسون الماركات ويكشخون وتعرفيين سوالف الحريم__ فلانه عندها ملايين لكن من البخل شنطتها مب ماركه واذا الشنطه ماركه قالو _ من العام عندها نفس الشنطه ماغيرتها

المجتمع له قوانيينه للاسف

[kooool]

والله مالعب فينا غير المطربات وسمو الاميرة فلانة وعلانة ...هذه اسميها سياسة القطيييييييييييييييع ..الله المستعان

[kooool]

اختي تحداني كلامك سليم

صحيح البعض يبالغ بس ماتعرفيين في بنات اهلهم يعطونهم الكثير البنت عندها كرددت كارد ابوها حاط لها شهريه كبيره غيرالبنات الي راتب البعض منهم وصل 30 الف واكثر وغير المداخيل الاخرى ,, من حقها تصرف وتدلع نفسها( مصطلح الكثيرات يرددونه) التفكير في المستقبل تقول لك ليش ابوي مليونير
المشكله في فئه عندنا في قطر عندها خير كثير من حقها تتهنى
الي يقلون المشكله في الي ماعنده هذي مشكلتهم كل واحد يعرف وش عنده واذا صرف وش بينقص منه وش بيتغير عليه

لكن المشكله ان في ناس تحاسب الي عندهم فلوس وتطالبهم انهم يلبسون الماركات ويكشخون وتعرفيين سوالف الحريم__ فلانه عندها ملايين لكن من البخل شنطتها مب ماركه واذا الشنطه ماركه قالو _ من العام عندها نفس الشنطه ماغيرتها

المجتمع له قوانيينه للاسف

والله ياختي شهيناز طرحتي نقطة المجتمع والناس وهذه ماراح نخلص منها لين يخلص هالمجتمع ...ترى حتى المليونير مب من حقه يلبس ويكشخ اكثر من اللازم ...لان هناك حدوووووووود مب عند غيرنا ...وبالتوفيق للريان اهم شي انه يكشخ بالكاااااااس ههههههه...جملة عرضية اقتضتها المناسبة

[شاهيناز]

والله ياختي شهيناز طرحتي نقطة المجتمع والناس وهذه ماراح نخلص منها لين يخلص هالمجتمع ...ترى حتى المليونير مب من حقه يلبس ويكشخ اكثر من اللازم ...لان هناك حدوووووووود مب عند غيرنا ...وبالتوفيق للريان اهم شي انه يكشخ بالكاااااااس ههههههه...جملة عرضية اقتضتها المناسبة

المشكله في المجتمع لان له تاثير على الكثير منا ,,, بس اهم شي نكشخ يوم السبت بالذهب حتى لو قالو عنا نحب المظاهر

[تحداني]

N7eEeS

شانيل العام سوت ضجه غريبه عجيبه .. وخاصه تلك الشنط الكلاسيك
لا بأس ان كنت تملك من المال .. وكانت ترغب في حدود المعقول ..
لامانع ان ندلل أنفسنا .. ولكن أن يصل الحال الى ما هو عليه الآن ..هاذي مصيبه

.
.
.................................
.
.
شاهيناز حبيبتي


رب العالمين لما يعطي الانسان من كرمه سواء كان مال
او ثراء فاحش ..ما يسوي فيه كذا

أنا وإنتي بنات . وفاهمين الشغله عدل
لما تجي بنت .. وتلبس لج من فوق لين تحت ماركه .. طيب لا بأس خليها تلبس عليها ابمليون عافيه ..
بعد اسبوعين تجي .. وتتبدل هذه الفتاه مجددا الى شكل آخر من صيحات الماركات
ايضا لا بأس .. عليها ابمليون عافيه


عندما تتحول تلك الفتاه من مظهر الى سلوك يؤثر حتى على طريقه كلامها
وطريقها مصطلحاتها
وطريقه تعاملها مع البشر
تصبح كلمات الفقر لا تعني لها شئ
كلمات الحاجه لا تعني لها شئ
تصبح المستحيلات لديها امر غير وارد

تصبح تلك الفتاه تنتقي حتى في علاقاتها

لا ما ابي اقعد مع هاذي ما اتعرف شئ
لا ما ابي اتزوج هالولد شكله يلوع الجبد .. خله يولي
شوفي انعالته " اجلكم الله " ليته شاريها من فارس ولا تميمه
حتى الصالون الازرق ما اعتقد يدله

.
.
كثر الانشغال في الماركات تخلق الطبقات في المجتمعات
وتخلق حتى صعوبه مجاراه الاهل في الاجيال القادمه
كل شئ يبونه يجيهم
وكل شئ يقولونه لازم يصير
وكل شئ تطلبه من خطيب المستقبل لازم يتنفذ


.
.
مو شرط تعيش البنت طول عمرها مليونيره
ما اتعرفين الزمن كيف شكله
يمكن رب العالمين يرزقها برجال على قد الحال .. لكن اخلاقه بالدنيا
تتنازل عن ايش مقابل ايش
راح تكون جدا محتاره هل تتزوجه لماله او لاخلاقه

هاذي العواقب الي ننظر لها
مو المسأله مسأله حسد ولا غبطه .. ولا ليه تلبس
ولا خلها تتهنى
المسأله اكبر من كذا


ما اعرف قدرت اوصل الفكره ولالا لا





جملك الله برضى الرحمن

[naklan]

هاذا طبع الحريم ما ترتاح وما تهدى الى اذا صرفت مافي الجيب وتنتظر ما في الغيب

وصاتي لكم وعلى قوله المثل المصري للي عنده قرش محيرو

يعطيه المدام وبتطيرو تطيرو وتطير ابوه

:eek5::eek5::eek5:

[kooool]

المشكله في المجتمع لان له تاثير على الكثير منا ,,, بس اهم شي نكشخ يوم السبت بالذهب حتى لو قالو عنا نحب المظاهر

الله كريم يوفق الاسووود اللي لازم تسوووود ويجعلها من المسرفين في ام صلاااال ..
ذكرتنيني ياشهيناز بإشكالية المجتمع وان خنا لازم ننقاد في بعض الامور ..صحيح انا معاك لكن في الامور السلبية لاااااااااااا ...بعض افكار المجتمع لاااازم تندفن وماتعيش مثل فكرة الزبو والتفااااخر ..

[فلتة زمانها]

بس عاد خلاص قطعتوا البنات خلهم يكشخون بالعافيه عليهم
ادري بتقولون كلامي متناقض بس بعض ردود الشباب تحر
م‘ـآآدرِيِْ ليش اغلب المواضيع هجوم وانتقاد على الحريم
والرياييل كلش الحٌ‘ـْينَ الملاك الطاهر

[شاهيناز]

اختي المجتمع تشعرين انه كتله لكن هناك حواجز زجاجيه بينهم,,, هناك طبقات في التعليم طبقات في الملابس حتى في لغه الحوار هناك طبقيه,,,,,,,
جذيه اصبحنا نرى فروقات كثيره وامور مستحدثه تصيب البعض بالصدمه بس هي شي واقع
لان لكل شي سبب,,
انا والحمدلله لطبيعه عملي جلست مع طبقات ثقافيه مختلفه في قطر شفت الفوارق بينهم وعرف سبب هذه الفوارق,, جذيه الصدمه اختفت من عندي

[STAR]

طبعا الحين الماركات كلها ماتجيب الراس [COLOR="Red"][SIZE="5"]الا هيرمز :)

:weeping:

[شاهيناز]

الله كريم يوفق الاسووود اللي لازم تسوووود ويجعلها من المسرفين في ام صلاااال ..
ذكرتنيني ياشهيناز بإشكالية المجتمع وان خنا لازم ننقاد في بعض الامور ..صحيح انا معاك لكن في الامور السلبية لاااااااااااا ...بعض افكار المجتمع لاااازم تندفن وماتعيش مثل فكرة الزبو والتفااااخر ..

ان شاءالله نصرف ونسرف لانها اخر مباراه خلنا نصرف كل الي عندنا على ام صلال يستاهل

[ROSE]

انا اشوف انها حرية شخصيه

الوحده تلبس ماركه ولا تقليد ولا من اي مكان عادي

لو ماركه لنفسها طبعا ومن مصروفها وين الضرر

واكيد اللي بتشتري الماركه وتحط فيه فلوسها ماراح تهمله

الماركات انواع فيها الرخيص وفيها الغالي

وكل شخص وحسب امكانياته اهم شي ان المشتري يكون ذويق ويعرف

شاللي يناسبه

[tooofy]

والله انا اشوف الي عنده خير خل يشتري

لكن الي ماعنده يروح ويحط على نفسه ديون ليش ..؟

انا عن نفسي شنطة اكثر من 5 الاف ماشتري

وفي السنه مره اشتري ماركه بس

الواحد يحط حق نفسه لمت معين ومايتعدى هالمت

والانسان يصير خاطره في هالدنيا بعد مايصير نشوف الناس ومانلبس واحنا الله منعم علينا

بس الانسان شلون يتصرف في هالمال بعتدال وان الله لا يحب المسرفين

ولا احرم نفسي واقعد لا دينا دين وسط في كل امور الحياه

.. .. ..

[شيط ويط]

وشو ذا (الهرمز) .. اخبر مرض الشيخوخه والا انا غلطان ؟؟ .. :rolleyes2:

الله يرحم جدتي (مريم) كانت كله تكشخ بدراعة (أبوتفاحه) .. و(مقرمه) ماركة (أبونقطة) .. و(خورص) فضه من العهد المملوكي .. وخاتم ذهب (أبوطير) ..وأهم شي (اللبه) ..و(كرسي جابر) حق التصوير في العيد :)

[kooool]

انا اشوف انها حرية شخصيه

الوحده تلبس ماركه ولا تقليد ولا من اي مكان عادي

لو ماركه لنفسها طبعا ومن مصروفها وين الضرر

واكيد اللي بتشتري الماركه وتحط فيه فلوسها ماراح تهمله

الماركات انواع فيها الرخيص وفيها الغالي

وكل شخص وحسب امكانياته اهم شي ان المشتري يكون ذويق ويعرف

شاللي يناسبه

المراقبة ابخص يالربع ..بس عندي وجهة نظر مختلفة لوتسمحين لي :
المسالة مب في انك تشتري ماركة وتحافظ عليها ..المسالة في انك تجمع ماااااركات وبعضها مالبستيه نهاااائيا ..

[دهــن العود]

انا اشوف انها حرية شخصيه

الوحده تلبس ماركه ولا تقليد ولا من اي مكان عادي

لو ماركه لنفسها طبعا ومن مصروفها وين الضرر

واكيد اللي بتشتري الماركه وتحط فيه فلوسها ماراح تهمله

الماركات انواع فيها الرخيص وفيها الغالي

وكل شخص وحسب امكانياته اهم شي ان المشتري يكون ذويق ويعرف

شاللي يناسبه

انا مع اختي روز كل وحد ادرى بنفسة

ومثل مايقولون كلن عقلة في راسة ويعرف خلاصة

:shy:

[شموع قطريه]

وشو ذا (الهرمز) .. اخبر مرض الشيخوخه والا انا غلطان ؟؟ .. :rolleyes2:
لا ذاك اسمه زهايمر :)
الله يرحم جدتي (مريم) كانت كله تكشخ بدراعة (أبوتفاحه) .. و(مقرمه) ماركة (أبونقطة) .. و(خورص) فضه من العهد المملوكي .. وخاتم ذهب (أبوطير) ..وأهم شي (اللبه) ..و(كرسي جابر) حق التصوير في العيد :)



اول مره اسمع بهالاشياء .. انت من اي بلاد ؟؟؟؟

[ROSE]

المراقبة ابخص يالربع ..بس عندي وجهة نظر مختلفة لوتسمحين لي :
المسالة مب في انك تشتري ماركة وتحافظ عليها ..المسالة في انك تجمع ماااااركات وبعضها مالبستيه نهاااائيا ..
صحيح فيه بعض الناس عندهم اسراف في اقتناء الماركات

بدون استخدامه بس هالناس عندهم خير وهم ابخص صح ؟

طبعا ماننسى ان المبذرين كانوا من اخوان الشياطين


هالفئة تنفع لهم النصيحه هذي

لكن اللي بين كل كم شهر تشتري ماركة ويستخدمونها

فهذول ابخص بفلوسهم ووين يصرفونها






انا مع اختي روز كل وحد ادرى بنفسة

ومثل مايقولون كلن عقلة في راسة ويعرف خلاصة

:shy:



بالضبط هذي المثل الصحيح :nice:

[شيط ويط]

اول مره اسمع بهالاشياء .. انت من اي بلاد ؟؟؟؟



ليش الإحراج ؟؟ :shy:

[شاهيناز]

وشو ذا (الهرمز) .. اخبر مرض الشيخوخه والا انا غلطان ؟؟ .. :rolleyes2:

الله يرحم جدتي (مريم) كانت كله تكشخ بدراعة (أبوتفاحه) .. و(مقرمه) ماركة (أبونقطة) .. و(خورص) فضه من العهد المملوكي .. وخاتم ذهب (أبوطير) ..وأهم شي (اللبه) ..و(كرسي جابر) حق التصوير في العيد :)



الحمدلله على السلامه خلصت الاجازه ولين الحين الباب مفتوح

الهرمز الله يسلمك الممر الي ايران واقفه عنده وكل يوم تهددنا تسكره في وجوه ربع الي حاط صورته

[لـبـيـه]

الخلل ونقص العقل صار بالشباب اكثر من البنات


ماختلفنا الواحد يكشخ بس بحدود
جالست بعض الشباب والله ماعندهم شي من راتبهم والسبب كل لبسهم ماركات×ماركات


يازين الاطقم الكشخه الي عندي بعضها كوبي وبعضها اصليه باسعار طيبه وفرنسيه وكل طقم مايتجاوز ال500 ريال من ساعه وقلم وازرار
وادخل فيلاجيو اكشخ واحد هههههههه

[شيط ويط]

الخلل ونقص العقل صار بالشباب اكثر من البنات


ماختلفنا الواحد يكشخ بس بحدود
جالست بعض الشباب والله ماعندهم شي من راتبهم والسبب كل لبسهم ماركات×ماركات


يازين الاطقم الكشخه الي عندي بعضها كوبي وبعضها اصليه باسعار طيبه وفرنسيه وكل طقم مايتجاوز ال500 ريال من ساعه وقلم وازرار
وادخل فيلاجيو اكشخ واحد هههههههه

سلامي عليك .. تذكرني برفيجي .. من زود ماهو (يبرق) من الكشخه .. أطلقنا عليه اسم ( المزركش المقرمش) :secret:

[..الاميرة..]

كل شخص فينا يحب اللبس الراقي والتهندم ويكون الواحد مرتب بس من غير مبالغه ..

على قولت الوالده الله يحفظها الغالي قيمته منه وفيه ويدوم بس كل واحد وقدرته وما يحط على نفسه تكاليف زايده ..

[• النشبهـ •]

موضوعك مهم يااختي
بس انتي هنا اتكلمين عن طبقة معينة
اللي فيهم تخلف ماركات :eek5:
اتجوع عمرها عشان تلبس اسوارة هيرمز
لكن مو كل البنات تحت هالصنف
مو عيب اذا كنت مقتدره ولله الحمد اني البس شانيل ولا هيرمز دام ربي منعم علي
وصدقيني شي قيمته خمسين الف بتحافظين عليه لان هالماركات اتم لسنين قدام مو ليوم او شهر وتنرمي >> تقصد اغراض الجبر :rolleyes2:
فكل انسان يصرف بحسب مدخوله ،،
اذا بحسابك ملايين ياعمري اشتري مناديل ديور وطقمي النظاره ع الحزام :nice:
ولاتقولون اسراف :omen2:
ياخي كل واحد يصرف ومستواه ، يعني ادرس واشتغل وافتح مشروع واخرتها اشيل شنطه بـ "150ريااال" عسى مااااشر :eek5:
اذا عجبني شي و بنظر الكل مايسوى باخذه لو بمليون


فالموضووع كله ((( بحسب الظرووف والقدره المآدية ))) لاغير:victory:

يعطيك ربي ألف عافية ع الطرح
تقبلي مروري :shy:

[بوحارب]

بعض البنات اذا صار عندهم فلوس تصير مثل الغبية وتبي تشتري اي شي سواء كان حلو ولا مب حلو وناعم ولا دفش!!!


وطبعاً هذولي اللي ينطبق عليهم ناقصات العقل

وكذلك بعض الشباب نفس الحالة اذا عنده فلوس تلاقيه يشتري اي شي مثل الخبل

الله لا يبلانا

[بـــــــنت النوخـّــــذه]

موضوعج مهم بس انا اتفق معاج اذا كنتي اتخاطبين عقليه معينه وهم :
المرضى النفسيين الي يعانون من الاتي00اعطيج امثله واقعيه من المجتمع:

* ان الشنطه الماركه تعزز الثقه لحاملتها لان مره في احدى المنتديات النسائيه انفتح باب النقاش بهذا الموضوع ووحده قالت انا اذا مالبست شنطه ماركه ماحس بثقه بنفسي <<<اعتراف غبي لشخصيتها الحقيقه :nice:

* الي بتلبس تقليد درجه اولى اتمنى ما تفوشر واتقول ياجماعه تراها ماركه اصليه وشاريتها من ارقى المحلات العالميه 0000مع اني ضد الي يهينون التقليد لان طالما انها بديل ذو تكلفه اقل وشهو المانع من الافتخار بها ؟؟؟<<< تناقض في ردود البنت يبين الحاله المرضيه

* وبعدين خلونا واقعيين من متى عرفو هل قطر وغيرهم الماركات ودخلت ديرتنا الا من كمن سنه وشي حلو اقتناء الماركات ولكن الاحلى التواضع وهي ان تكون الشنطه لج انتي مهب لعيون الناس000 قمه الغباء ان الانسانه تفتخر امام البنات بغلاء ثمن الشنطه الماركه الي شاريتها من محل الماركه العالميه الي في 0000 و00000و00000 المعرفوين بالدوحه
لو حد ملاحظ ان اغلب محلات الماركات العالميه يتعاملون مع مصانع الصين وتايلند في صناعه الشنط الماركه لانها اقل تكلفه وبنفس الجوده ومن ثم تصدر للمحل الاساسي في الدوله الفلانيه 00فليش يعني تعوي حلجها وتقول مووووووووووووووووركه ايطاليه ولا فرنسيه وباحسن مصانع فرنسا وايطاليا و000الخ :)<< اتمنى الوحده تعرف وين مكان الصنع قبل لاتفوشر واتهين واتهين صناعات الدول الاخرى :)

* احدى المحلات الراقيه لبيع الساعات والشناط محل كبير وله وزنه دخلت مره لشراء خاتم الا شفت على زاويه حاط مجموعه من الشناط قلت خليني اسئل كم ثمنهم الا قالي ثمنهم قمت اشيك على الشنطه من الداخل واقلب فيها قلت بيني وبينك هالشنطه صج تبع ماركه الساعه الفلانيه الا قالي ليك مدام نحنا بنتعامل مع الماركه العالميه للساعات في الدول الغربيه ولما نحنا بنشتري كميات او مجموعه من الساعات الفريد هيدي الشركه بتعطينا الشناط (كدعايه هديه باسم الماركه ) ونحنا بنبيعها 00<<<بعدها قلت سبحان الله والبعض يشتري يحسب انها صنعت خصيصا" للبيع والله وانا اتفحصها على طول عرفت انها ماتسوى حتى 200 ريال مع اني كنت اقدر اشتريها بالسعر المعروض بس الانسانه ماتكون غبيه ومغفله 000

الي بغيت اوصله ياجماعه لاتنغرون بالماركات في شناط ماركات ذات جوده وفيه الله بالخير للمقصه على عقول البنوتات الي يحبون يقلدون وبس فلانه لبست عيل انا بلبس علانه اكشخت انا بكشخ 000الي بتشتري تشتري لنفسها ماركه ولا غيره ترى سهالات الحين الشناط الماركات في متناول الجميع 0000يعني ياريت االجتمع يترك اشوي ظاهره المفوشر والحكم على الشخص من لبسه والله ياما شفنا ناس من اعيان البلد لابسين ماركات بس ولاعمرهم ظهرو للناس وبينو لهم انهم متخرعين 00000

وترى الشباب بعد نفس البنات 000000000 :shy: يعني الكلام لهم بعد
الي بتلبس ماركه عليها بالعافيه بس لاتخرعين وايد والي بتلبس تقليد لاطلعين صواريخ وايد لان في ناس يعرفون يميزون الشنطه من وين من وهي بعيد 000وياحلو البنت لي اكتمل جمالها باللبس بتاج التواضع والقناعه والعقل العقل العقل العقل 000 والله يكفينا شر الامراض النفسيه 00000

وعموما انا مع لبس الماركات اذا كانت على قد الحال والمستطاع او عاجبتها الشنطه ومقنعه بها وشاريتها لنفسها مهب لعيون الناس0وشغلي مخج لما تشترين الشنطه لان ليس كل مايلمع ذهبا" 00 ادري طولت وسلامتكم:)

[لـبـيـه]

سلامي عليك .. تذكرني برفيجي .. من زود ماهو (يبرق) من الكشخه .. أطلقنا عليه اسم ( المزركش المقرمش) :secret:

هههههههههه مب لهدرجه ياشيط

الكشخه بالمعقول مب يلق من بعيد
ماعندنا سوالف فريج نجمه خخخخخخخ:secret:

[العقيد]

الله يرحم جدتي

[الجني]

موضوع جدير بالدراسة أختي الأرستقراطية

في علم الإقتصاد توجد نظرية "تأثير المظاهر" (demonstration effect)

و هي ظاهرة تنشأ في حالتنا عند حدوث النعمة المفاجيء,

ماذا يحصل عندما تعطين فقير فجأءة مليون ريال و تراقبينه عن بعد

سيتصرف بتصرفات غريبة جداً تختلف عن من يمتلك الملايين .

أصحاب الملايين لا يهتمون جداً بالماركات كغيرهم.


سألت صديق لي يعمل مدير بنك عن سلوك العملاء

فقال لي مقوله عجيبة و مضحكة حول "ازعاج العملاء" .

قال المنتف و المديون طلباته على قد حاجته

و صاحب المليون حتى ثلاثة ملايين مزعج جداً

و يتشرط شروط سخيفة و يهدد انه سيسحب امواله

و هو يعتقد انه اذا سحب امواله سيفلس البنك

اما صاحب الستة ملايين فما فوق لا نشاهده و طلباته نادره .

و هذا ما وجدته عن نظرية "تأثير المظاهر"

Nurske (1957) argued that the exposure of a society to new goods or ways of living creates unhappiness with what had previously been acceptable consumption practices. He dubbed this the "international demonstration effect", arguing that in developing nations, pressure to increase access to material goods rapidly increases primarily because people "come into contact with superior goods or superior patterns of consumption, with new articles or new ways of meeting old wants". As a result, he argued, these people are "apt to feel after a while a certain restlessness and dissatisfaction. Their knowledge is extended, their imagination stimulated; new desires are aroused" (p. 112).

اللهم أصلح شأننا كله

[شهد]

والمصيبه يالغاليه اللى تشيل التقليد وتوفشر انه اصلي
على بالها خلق الله مايعرفون انه تقليد

[HAYA]

أشكرك أختي الكريمة الارستقراطية على طرح هذا الموضوع المهم ..
حيث أن البعض أصبح مصابا بداء الماركات .. وليته يستخدمه لنفسه .. لا .. للاستعراض أمام الآخرين .. فالبعض من هذه الفئة المريضة بهذا الداء نراه حريصا من خلال حديثه على تعريف الناس بسعر الماركات التي يقتنيها ، مما يدعو للاشمئزاز ! فحديثه منصب على ما اشتراه والسعر المدفوع فيه !!!
وهذه الظاهرة منتشرة بشكل أوضح لدى محدثي النعمة فهم يرون بأن قيمتهم في مجتمعهم هو من خلال قيمة الأشياء التي يستعرضون بها .. سيارة .. ساعة .. حقيبة .. إلخ
وحب المظاهر مرض تفشى في مجتمعنا في الآونة الأخيرة بشكل ملحوظ ومعظم أصحاب قضايا الديون لدى المحاكم هم ضحايا هذه المظاهر والجري خلفها .
ولو كان الشخص مقتدرا لهان الأمر ولكن أن يقترض لهذه التوافه فهذا أمر بحاجة لعلاج وتوعية .
أرجو من المهتمين الحرص على نشر الوعي بين أفراد المجتمع من خلال البرامج والمحاضرات والمقالات الهادفة لكي يسترد المسلم وعيه ويفهم أنه ما خلق ليستعرض الماركات وإنما لهدف أجل وأسمى .
نقطة أخيرة :
هؤلاء المستعرضون بما لديهم غالبا ما يبخلون بالتبرع لأهلنا المحاصرين في غزة تحت حجج واهية . أذكر إحدى زميلاتنا في الوقت الذي كانت تقصف فيه غزة بالقنابل ويقتل الشيوخ والمرضى والأطفال كان كل حديثها ممحورا حول العطور والمكياج والماركات المختلفة ولم أسمع منها كلمة واحدة بحق اخوانها المسلمين .. وكأن هذه الأحداث لا تخصها .. سبحان الله .. ألا نؤمن بما قاله رسولنا الكريم بأنه من لا يهتم بأمر المسلمين فليس منهم ؟
أكرر لك شكري أختي الكريمة فموضوعك يستحق المناقشة فعلا .

[مشتاقة لقطر]

وشو ذا (الهرمز) .. اخبر مرض الشيخوخه والا انا غلطان ؟؟ .. :rolleyes2:

الله يرحم جدتي (مريم) كانت كله تكشخ بدراعة (أبوتفاحه) .. و(مقرمه) ماركة (أبونقطة) .. و(خورص) فضه من العهد المملوكي .. وخاتم ذهب (أبوطير) ..وأهم شي (اللبه) ..و(كرسي جابر) حق التصوير في العيد :)



ههههههههههه اعجبني الرد

بخصوص مرض الشيخوخة يقولون له الزهايمر ..

ضيف على اللي ذكرته شيلة الفضة .. الثقيلة ..

والمرتعشة

[الأصيلة]

لا مش كل وحده شايله شنطه ماركة تكون تحب المظاهر...
بس قبل ماكان موجود بقطر ماركات لكن الحين بعد ما صار فيه مجال خلاص اصبح في متناول اليد
هذا بالنسبة للي شايفين خير
..
لكن المشكلة في نوعيه خاصة اللي ماتملك الثمن لكن تحاول الحصول على الشنطة حتى لو بالدين
وفعلا سمعت عن هالأصناف وشفتها..
المشكلة الثانية من خلال التجمعات وبالذات في العزا...أول تدخل الوحده كل العيون تتحول بقدرة قادر إلى الشنطة اللي بيدها...
وبعدين ما فيه داعي في العزا اشيل شنطة
وأضرب فيها خلق الله وأنا اسلم عليهم ..
عاد ولا موظة الشناط الكبيرة...
أنا عن نفسي عمري مادخلت عزا بـ شنطة يكفي التيلفون بيدي حتى أطلب السايق أول ما أطلع...
إذن القضية قضية قناعات وتربية خاطئة تربى عليها البنت من صغرها
وبالذات الغيرة من بنات العم والخال
وهالحريم اللي عقولهم فاضية ماتبغي بنت العم أحسن من بناتها
فتعطي البنت مجال انها تتمرد وتطلب كل يوم شنطة وتيلفون وأسوار وجواتي ماركات
والله ان البنت 12 سنة ولابسة جوتي بـ 3000 ريال ليش؟
لأن بنت من قرايبها لابسه ... وحتى لو البنت هذي وحيده عند اهلها وأبوها اغنى بكثير من تلك...
عقليات فارغة تتبع التوافه وتقتفي أثرها..
لكن أشوف انها فترة وتعدي مجرد طفرة والله يستر من اللي بيجي وبيغطى على جنون الماركات
ياخوفي جنون أكبر واكبر


شكرا لـ صاحبة الموضوع

[unless]

اهل المظاهر من الجنسين هم:
قليلين العقل والدين لكن السؤال
الاهم هو ..من هو المستريح؟

[ماريسا]

حرية شخصية و ربي خلق الإنسان حر في تصرفاته و له ذلك طالما ما تتعدى حرية الآخرين
و لكن رايي الشخصي بعد أنهم: مرضى نفسيين و متفرغين و أنانيين

مرض نفسي: مب قادرين يظبطون نفسهم كل شي من فوق لـ تحت لازم ماركات !! و يصيدهم توتر فضيع خصوصاً إذا حد اكتشف ان اللي لابسينه تقليد!! (طبعاً حطوا في بالكم حتى التقليد أسعارها عالية) :secret:

فراغ: ما عندهم هدف بالحياة و مب عارفين قيمة أنفسهم و غالباً أغبيا :omen2:

أنانية: صحيح إن الفلوس فلوسهم بس نسوا أن الله يسأل العبد عن ماله فيما أنفقه :anger1:

انا مب ضد الأشيا الغالية بس تكون قيمة فعلاً .. يعني مثلاً أشتري مستحضر او كريم للبشرة بـ 200 ريال بدل من اللي في السوبرماركت اللي بو 10 ريال عشان اضمن الجودة و أضمن انها ما تخرب بشرتي

أو أشتري سيارة أغلى من الرخيص عشان أضمن قوة المحرك و الراحة اثناء قيادتها .. بس مو شرط بنتلي أو رولز رويس !!

أما إني أشتري بلوزة basic و عادية جداً بـ 5000 ريال لأنها من ماركة فلانية؟؟ خير ؟؟؟ هالبلوزة بتطلعني ملكة جمال مثلاً؟؟؟ مب احسن بدل هالـ بلوزة أخذ قيمتها و أساهم في بناء مسجد أو مستشفى او أفرج كربة مؤمن أو أكفل يتامى و أسوي خير لحد ربي يجازيني عليه و هالناس اللي ساعدتهم يدعون لي و يشفعون لي يوم الحساب !!

الحمدلله على نعمة العقل

[بن رومي]

الله المستعان

اعرف شخص ميزانية بيتة حق الشهر ٥٠٠٠ ريال بالكثير

وهو مديون و علية اقصاد لين اقبل

ويوم من الايام بعد ما فتحت محلات الماركات في فيلاجو

زوجتة طقت في راسها شنطة ماركة

قالها ابشري

وهو على باله ان كثرة الشنطة بتكون في حدود ال ١٠٠٠

ومسكين ما طلع الا وهو دافع ٤٥٠٠ ريال

ويقول ان المره مب عاجبها السعر تقول ارخيصة

وخذ هوشات ومشاكل

الله المستعان






بن رومي

[Ginger]

اللي عنده فلوس الله يهنيه ولكن باعتدال

واللي ماعنده فلوس الله يعطيه عشان يكشخ

المال والبنون زينة الحياة الدنيـــــا .... كملوا اللي عقبها


تتكلمون عن اسراف المرأه في الماركات

لا تنسون الشباب الله يهداهم بعضهم ماعندهم ولا ريال ويحط على نفسه دين بالملايين عشان سياره كشخه ...!!! انا اشوف الاثنين نفس الشي

واخيراً الله يرزقكم من فضله ولا تنسوا الصدقات لان الذي يبقى من مالك هو مال الصدقه

مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ وَلَهُ أَجْرٌ كَرِيمٌ

[رهج السنابك]

الاستاذة الاستقراطية
كلما اهتم الإنسان بالتوافه كلما كان ذلك دليلاً على خواء عقله

لو كان هناك إحصائية لوجدنا أن النساء هم السبب في كثير من ارتفاع البضائع المقلدة
بل أصبح المقلد يوازي الأصلي
زادك الله من فضله

؛

صدقت أخي في هذه العبارة كل مازادت الأمور التافهه التي تشغل العقل كان ذلك دليلاً على سطحية الشخص وخواء عقله!

؛

[قطرية مثقفة]

للأسف نحن نعيش في زمن المظاهر الزائفة ،،،،،،،،،
ومايحدث في الدوحة تعدى حدود المعقول ،،،،،،،،

[رهج السنابك]

لا وطالعين طلعه الا يا راعية التقليد ويا راعية الاصلي
الحَمدُللہِ والشكر الله يرحم ايام سوق واقف وسوق ايران «شدخل هههههه
حبوبه الحين الكل هاب عالماركات حق المفوشر والزبو والله لو اهتموا بدراستهم
مَّثٌَِلٍّ مايهتمون بالماركات جان فلحوا الله يهديهم

؛

هههه اي والله ؛ الله يرحم سوق واقف لا وكانت الوحده ماتدخله الا مرتين في السنة بالكثير ؛؛ اما الحين الوضع زاد عن حده وانا اعتقد ان السبب هو يمكن كثرة المحلات اللي فتحت مع ازدياد معرفة البنت باهالاشياء من الانترنت والتلفزيون وغيره ؛؛

والمشكلة اهتمام الطالبات بعد تجي وحده في الجامعه وماسكة شنطة هيرمز بالشيء الفلاني للكتب !! انتي رايحة تدرسين ولا تستعرضين !

؛

[ParadEyes]

الصراحة في حياتي مازرت منتدى فيه هالكم الهائل من التذمر ههههههه كل سالفة سويتوها قضية

[الأصيلة]

الصراحة في حياتي مازرت منتدى فيه هالكم الهائل من التذمر ههههههه كل سالفة سويتوها قضية

لان المواضيع تعالج المشاكل الخاصة بالوطن والمواطن
وتـ تطرق لـ السلوكيات الشاذة التي تؤثر على المجتمع والناس
بالتالي شي طبيعي يكون هناك نوع من التذمر
وقد يعالج هذا التذمر المشكلة..
وهذا من حرص أفراد المجتمع على علاج المشاكل المستجده أول بأول قبل أن تستفحل...
لكن أيضا الهدوء والمدح والثناء على السلوكيات الطيبة يعززها ويزيد من ثباتها...
عزيزتي ..فقط تجدين هذا في قسم الحوار العام
لكن بـ قسم الإستراحة تجدين الفرفشة والوناسة...

[فلتة زمانها]

الصراحه محد ذابحنا غير شنطه باريس هيلتون
وجواتي فكتوريا بيكهام
وشغابات اشوريا
وجسم كيم كرديشان !!!
هاذيلان اللي البنات يقلدونهم ياعيني على التركيات جمال وبساطه«داشه عرض

[بوحارب]

الصراحة في حياتي مازرت منتدى فيه هالكم الهائل من التذمر ههههههه كل سالفة سويتوها قضية

الموضوع عن الركض خلف الماركات مب عن تذمر الأعضاء !!!

انتي شلقفج في الأعضاء خليهم يتذمرون مثل ما يبون ليش زعلانه :omen2:

وخليج على المنتديات اللي مافيها حد يتذمر :)

[بدون]

على طاري محلات الماركات اللي تبيع بضاعة مخصصة للهدايا، في وحدة شرت شنطة من محل من هالمحلات اللي الاسم أثقل من الشنطة. يوم واحد و بدت الشنطة تخترب و البنت ما شالتها ألا حق طلعة وحدة.
راجعت المحل ألا الأخت مديرة المحل تطالعها بنظرات ما لها حل ،، يعني إيش هالعالم اللي ماتعرف شنو معنى مااااركة،،، مب مهم الشنطة تتقطع و هي سعرها فوق الخمسة و لا تحترق
المهم انهم شرفوا هالعميلة و تكرموا عليها بانهم باعوا عليها هالماركة بديسكاونت هي نفسها ما طلبته؟؟؟ معقووووولة !!! (عن نفسي اعتقد ان الشنطة من طخة الهدايا)
و مديرة المحل تكلم العميلة بخياس نفس و خشمها فوق و باسلوب (يا عيني عليه ) !!!
المهم ان العميلة خذت الفلوس غصب عليهم مش لأنها ميته على الفلوس و لكن لأنها شافت ان الشنطة العادية ما تختلف عن الشنطة الماركة في أي شيء !!! تستاهل الدرس !!
و تعلمت درسها عدل!
الأجانب قاصين على هالنسوان المساكين باسم و ماركة و شعار و هي اشياء ما تكلفهم في الصنع كل هالثمن! في الآخرة النسوان بيستأثمون انهم صرفوا الأموال اللي بتروح حق أعداء الدين و بعد قاموا يتطنزون على اللي ما تشيل ماركة مثلهم: يعني الاثم مرتين!!! و الكلام للشباب بعد!:telephone:ندعو الله لهم بالهداية ، آمين يا رب العالمين

[غير البشر]

على طاري محلات الماركات اللي تبيع بضاعة مخصصة للهدايا، في وحدة شرت شنطة من محل من هالمحلات اللي الاسم أثقل من الشنطة. يوم واحد و بدت الشنطة تخترب و البنت ما شالتها ألا حق طلعة وحدة.
راجعت المحل ألا الأخت مديرة المحل تطالعها بنظرات ما لها حل ،، يعني إيش هالعالم اللي ماتعرف شنو معنى مااااركة،،، مب مهم الشنطة تتقطع و هي سعرها فوق الخمسة و لا تحترق
المهم انهم شرفوا هالعميلة و تكرموا عليها بانهم باعوا عليها هالماركة بديسكاونت هي نفسها ما طلبته؟؟؟ معقووووولة !!! (عن نفسي اعتقد ان الشنطة من طخة الهدايا)
و مديرة المحل تكلم العميلة بخياس نفس و خشمها فوق و باسلوب (يا عيني عليه ) !!!
المهم ان العميلة خذت الفلوس غصب عليهم مش لأنها ميته على الفلوس و لكن لأنها شافت ان الشنطة العادية ما تختلف عن الشنطة الماركة في أي شيء !!! تستاهل الدرس !!
و تعلمت درسها عدل!
الأجانب قاصين على هالنسوان المساكين باسم و ماركة و شعار و هي اشياء ما تكلفهم في الصنع كل هالثمن! في الآخرة النسوان بيستأثمون انهم صرفوا الأموال اللي بتروح حق أعداء الدين و بعد قاموا يتطنزون على اللي ما تشيل ماركة مثلهم: يعني الاثم مرتين!!! و الكلام للشباب بعد!:telephone:ندعو الله لهم بالهداية ، آمين يا رب العالمين



اي والله مب اهم شي السعر
ذكرتني بموضوع العقال هههههههههههههههههههههه :shy:


http://www.qatarshares.com/vb/showthread.php?t=232526

[لاجل QT]

اذا اللى يشترون ماركات يفكرون ان الشنطة هي اللى ممكن تضيف لهم شي ..او تكبرهم في عين الناس ...اسمحولى اقولهم انتو ناااس فاضين من الداخل والخارج وتافهين......خير ياطير شريتى شنطة عسى ماشر عليج بالعافية بس لاتخرعين علينا.. الكل يقدر يشتري لو بغي..شوف عينى الاسيويات في فيلاجو في قسم الماركات يشترون اكثر من هالقطريات الماركات ...وتحصلها مو مهتمة ذاك الزود انها شرت ماركة ناس طبيعية ..وبسكم عنطزة على الفاضي

يعطيج العافية راعية الموضوع

[بومحمد911]

هذا ضريبة الاختلاط

[بدون]

اي والله مب اهم شي السعر
ذكرتني بموضوع العقال هههههههههههههههههههههه :shy:


http://www.qatarshares.com/vb/showthread.php?t=232526

على طاري العقال بو 35 ،، شاخباره ؟ لي الحين عايش و لا رحت تسوي تفصيل بو 500 علشان تفوشر به على الشباب ؟؟:tease:
الله يهنيك بعقالك و عقلك آمين يارب العالمين .

[ParadEyes]

الموضوع عن الركض خلف الماركات مب عن تذمر الأعضاء !!!

انتي شلقفج في الأعضاء خليهم يتذمرون مثل ما يبون ليش زعلانه :omen2:

وخليج على المنتديات اللي مافيها حد يتذمر :)

شكلك ماتقرا عدل فانا قلت "المنتدى" وليس "ألموضوع".انا عارفة الموضوع عن شنو.. وهي خصت بنات قطر في العنوان مع انه الركض وراء الاناقة المفرطة قضية في كل دولة و موجودة منذ بداية التاريخ
لكن كمية هالنوع من المواضيع السلبية لا تجيب غير الكأبة في النفس لانها كلها على نفس المنوال التذمري.. اسلوب التوعيظ الدائم والمحاضرات عن الكمالية لا يحل اي قضية..وانما يعيشنا في مزيد من النفاق.. و كنت بانصحك بـ قراءة كتاب "وعاظ السلاطين" لـ علي الوردي حتى تفهم بالضبط شنو الي اتكلم عنه ونعاني منه فعلا في مجتمعنا..
لكن واضح من نوع ردك انه عقليتك ما تستوعب اقلام الكبار..فقط هذا النوع من الكتابة السطحية تلائم قدرات عقليتك المتواضعة

[شاهيناز]

شكلك ماتقرا عدل فانا قلت "المنتدى" وليس "ألموضوع".انا عارفة الموضوع عن شنو..
لكن كمية هالنوع من المواضيع السلبية لا تجيب غير الكأبة في النفس لانها كلها على نفس المنوال التذمري.. اسلوب التوعيظ الدائم والمحاضرات عن الكمالية لا يحل اي قضية..وانما يعيشنا في مزيد من النفاق.. و

اختي كلامك صحيح وملاحظه سمعتها من اكثر من صديقه لي كل مادعوها للمنتدى تبدي لي نفس الملاحظه
اذا الموضوع طرح قضيه من قضايا المجتمع هذا لامانع منه لكن طرق القضايا له اسلوب وهدف نطرح القضيه ونرى ماتاثيرها على المجتمع وبعد ذلك نبحث عن الحل
لكن الي صاير عكس ذلك تفريغ لمخزون الاعضاء من المشاعر واغلبها مشاعر سلبيه

اغلب الردود هي نتاج مافي النقس من مشاعر
وليس رائ

اتمنى عندما نرد على اي قضيه يكون لنا راي فيها وليس مشاعر

وفي الاخير قضيه الماركات اذا هي قضيه فانا اراه تصرف وحريه شخصيه راجعه لشخص نفسه وهو مايضر بها احد والانسان حر في ماله كيف يصرفه واذا تطرقنا لجانب الاسراف فهذا بين العبد وربه مانعرفه نحن
اوبس:)

[رهج السنابك]

؛

:)

الملكة اليزابيث قبل 40 سنة مع الرئيس الامريكي نيسكون
ودققوا بالشنطة


http://www.e-mailaat.com/infimages/myuppic/4b1cb6b0674ba.jpg


وشوفوها مع كلينتون؛؛

http://www.e-mailaat.com/infimages/myuppic/4b1cb6b07d82e.jpg


!!

هنا فقط حينما يكون الشخص على ثقة كبيرة بنفسه ومركزه ومنصبه لا يهمه ما يلبس بقدر مايهمه حياته العملية ؛؛ لكن حينما تكون الحياة العملية فارغه سطحية جوفاء لا تجد شيئاً إلا السعي وراء توافه الأمور ؛؛

[رهج السنابك]

.. فلوس زايده ..
وفراغ قاتل يعانون منه
وعايشين بلا هدف .. ايش تتوقعين غاليتي ؟؟


.
.
ليت يلبسون أفكارهم .. ويهذبون أخلاقهم
بأغلى الصفات .. وأثمن الأطباع

.
.
لا يوجد أحد لا يحب الجمال .. واللبس والأناقه
والبحث عن الجديد سواء كان في عالم الماركات
ولكن بحكمه وإتزان .. ورصانه


الكل يريد أن يتساوى في كل شئ
من دخله يصل مليون ريال في السنه .. يلبس ما يحلو له لن يؤثر عليه
ولكن من دخله لا يتعدى مئه ألف ريال ليه يهلك ويذبح نفسه للوصول الى الغير


.
.


أنا أعترض
على فكره مو بس البنات
حتى الإصبيان هالأيام إمصخينها :secret:
كاشخين إزياده عن اللزوم ما أعرف ايش سالفتهم :)
لاحظي عليهم أمطقمين .. احلى إزرار .. وأحلى ساعات
وأقلام .. وحالتهم حاله



جملك الله برضى الرحمن


؛

صحيح ما تفضلتي به ؛؛ والمشكلة حتى الاولاد صاروا ينافسون البنات ؛؛ أحد المرات شفت طالب ماسك له ملف لويس فيتون للجامعه !! للوهله الأولى استغربت لكن هالحركات البنات اللي يسوونها مو طلاب اولاد ! وشخصياً ما حبيتها ابداً وماعجبتني هالحركة كلش مو لايقة على ولد ماسك نفس الملفات اللي يمسكونها البنات ؛؛ هو صحيح الملف مو محدد لبنت او ولد بس شخصياً ماحبيتها ؛

وعلى قولتج ان كان الدخل ملايين لامانع ان يلبس اشياء بجودة عالية وتصنيع فخم لكن انا ضد المبالغه لدرجة انه من راسه لنعاله ماركة !! الزرار والقلم والساعه والغترة والبوك والميدالية والمسباح والجزمة او النعال !! بهالشكل اشوفها مبالغه زايدة عن الحد

تحياتي

؛

[ANONYMOUS]

اهم شي الاخلاق

[kooool]

الله يرحم غتر بربري ...ذاك اليوم شفت واحد في فيلاااجيو لابسها ..فعلا منظر غريب

[رهج السنابك]

الشناط اللي شايلينها والساعات والعبي أحلى وأحسن منهم مليون مره , من زينهم والله اللي يقهرني الجمال كله والجز والشباب وراء الشنطه مب صاحبتها , مره شفت وحده قد النتفه يمكن طولها مايتعدى 145 سم وشايله شنطه طولها نص جسمها ولابسه كعب طويل اللي يشوفها نصها هي ونصها الكعب يعني طابقين تقريباً وهي في الطابق الأول مب الجراوند طبعاً :tease:

؛

ههههه صج لا تعليق !!

ياشين السرج على البقر

؛

[رهج السنابك]

الله يرحم غتر بربري ...ذاك اليوم شفت واحد في فيلاااجيو لابسها ..فعلا منظر غريب

؛

ما شفت هالسيارة ؟

http://www.yabdoo.com/users/46552/gallery/3085_p84696.jpg

طافتك !

؛

[ANONYMOUS]

غريبه بعض الردود يعني كل وحده تشيل شنطه ماركه تحب المظاهر..
الحياه اختلفت الان في بنات يعملون في الهيئات والمؤسسات ورواتبهم اكثر من 20 الف وهي عايشه في بيت اهلها وهم المكلفيين بمعيشتها وش تسوي بالراتب؟ وفي بنات عندهم اسهم وفي بنات مشاءالله عليهم يعرفون كيف يتصرفون بلفلوس وفي بنات اهلهم مايقصرون عليهم كل الي يبونه يعطونهم اياه والبعض عنده كرددت كارد الوالد يسدده لهم ,, فمن حقهم يتمعون بالفلوس وعليهم بالعافيه ليش ننظر له بنظره انهم يحبون المظاهر
ليش مانشوف انهم ناس تحب الاناقه والكشخه
وكل شي له ثمنه



تخشه حق ريلها عين السيح..


:secret::victory::telephone::weeping::omg::rolleye s2::fight::eek::sneaky::oops::sorry::threaten::hap py::dance:spider::nea::whistling::Dcrazy:yawn::sto p:omen:eek2::nono::yu::app2::deal::strong3::yes::n o:escapeescapeescape

[eXpert*]

حلو الواحد يكشخ ولكن في المناسبات فقط .

لكن جيل هذه الأيام يلبس ماركات 365 يوم في السنة ،، بـ مناسبة ومن غير مناسبة ماعاد الواحد تفرق اذا هو رايح عرس ولا رايح عزاء لانه في الحالتين لابس وكاشخ.

فئة كثيرة لا تلام ،، لأنها حديثة عهد بـ النعمه .

[ماريسا]

هذا ضريبة الاختلاط

الركض ورا الماركات ضريبة الإختلاط؟ :confused:

[eXpert*]

موضوع جدير بالدراسة أختي الأرستقراطية

في علم الإقتصاد توجد نظرية "تأثير المظاهر" (demonstration effect)

و هي ظاهرة تنشأ في حالتنا عند حدوث النعمة المفاجيء,

ماذا يحصل عندما تعطين فقير فجأءة مليون ريال و تراقبينه عن بعد

سيتصرف بتصرفات غريبة جداً تختلف عن من يمتلك الملايين .

أصحاب الملايين لا يهتمون جداً بالماركات كغيرهم.


سألت صديق لي يعمل مدير بنك عن سلوك العملاء

فقال لي مقوله عجيبة و مضحكة حول "ازعاج العملاء" .

قال المنتف و المديون طلباته على قد حاجته

و صاحب المليون حتى ثلاثة ملايين مزعج جداً

و يتشرط شروط سخيفة و يهدد انه سيسحب امواله

و هو يعتقد انه اذا سحب امواله سيفلس البنك

اما صاحب الستة ملايين فما فوق لا نشاهده و طلباته نادره .

و هذا ما وجدته عن نظرية "تأثير المظاهر"

nurske (1957) argued that the exposure of a society to new goods or ways of living creates unhappiness with what had previously been acceptable consumption practices. He dubbed this the "international demonstration effect", arguing that in developing nations, pressure to increase access to material goods rapidly increases primarily because people "come into contact with superior goods or superior patterns of consumption, with new articles or new ways of meeting old wants". As a result, he argued, these people are "apt to feel after a while a certain restlessness and dissatisfaction. Their knowledge is extended, their imagination stimulated; new desires are aroused" (p. 112).

اللهم أصلح شأننا كله

أنا وأنت نتفق في النقطة اعلاه :)

أصحاب النعمة تُستدل عليهم بـ أفعالهم وشخصيتهم و ليس بـ ملابسهم واكسسواراتهم وشتّان بين الثرى والثريا .

[ParadEyes]

؛

:)

الملكة اليزابيث قبل 40 سنة مع الرئيس الامريكي نيسكون
ودققوا بالشنطة


http://www.e-mailaat.com/infimages/myuppic/4b1cb6b0674ba.jpg


وشوفوها مع كلينتون؛؛

http://www.e-mailaat.com/infimages/myuppic/4b1cb6b07d82e.jpg


!!

هنا فقط حينما يكون الشخص على ثقة كبيرة بنفسه ومركزه ومنصبه لا يهمه ما يلبس بقدر مايهمه حياته العملية ؛؛ لكن حينما تكون الحياة العملية فارغه سطحية جوفاء لا تجد شيئاً إلا السعي وراء توافه الأمور ؛؛


ههههههههههههههههههههههههههههههه
ياريت الصور فعلا تؤيد الي تناشدين فيه ولكنها توضح العكس تماما
معروف عن نساء المجتمع الراقيات انهم يتفاخرون بالشنط والاكسسوات الي مر عليها فتره طويله من الزمن ولكن بقت بنفس الجودة ....فتكون ميزتها في انها كلاسيكيه ..يعني بمفهومنا القطري: كل مازاد عمر الشنطة الي لابستها, تصير vintage وتصيرين اكشخ و اكشخ :nice: والملكة هني قاعدة تفوشر وليس العكس





اختي كلامك صحيح وملاحظه سمعتها من اكثر من صديقه لي كل مادعوها للمنتدى تبدي لي نفس الملاحظه
اذا الموضوع طرح قضيه من قضايا المجتمع هذا لامانع منه لكن طرق القضايا له اسلوب وهدف نطرح القضيه ونرى ماتاثيرها على المجتمع وبعد ذلك نبحث عن الحل
لكن الي صاير عكس ذلك تفريغ لمخزون الاعضاء من المشاعر واغلبها مشاعر سلبيه

اغلب الردود هي نتاج مافي النقس من مشاعر
وليس رائ

اتمنى عندما نرد على اي قضيه يكون لنا راي فيها وليس مشاعر

وفي الاخير قضيه الماركات اذا هي قضيه فانا اراه تصرف وحريه شخصيه راجعه لشخص نفسه وهو مايضر بها احد والانسان حر في ماله كيف يصرفه واذا تطرقنا لجانب الاسراف فهذا بين العبد وربه مانعرفه نحن
اوبس:)

صح لسانج, يعطيج العافية عالرد و يفرحني انه في ناس فاهمتني بدل ما تتهجم علي وتتهمني.
و شي يطمن انه في ناس هني تفكر بغير التفكير الافلاطوني الي لا يجيد غير الوعظ الساخط و كثرة التذمر واعلان الويلات على امل انه بهالبلبله قادر يغير النفس البشريه وينظفها كما ينظف الثوب بالصابون..و هو في النهاية اسلوب يؤدي الى النفور والسخرية
النصح التذمري والصياح الدائم بالمثل العليا يسحق الاصلاح الاجتماعي ولا ياخذ به خطوة الى الامام


وشاكره لج

[koketa]

مب بس البنات

الشباب يتنافسون على الماركات اكثر من الحريم

ولو تنصح الواحده تاخذ كورس في الجامعه او تصرف على شي مفيد تقول ما عندي فلوس

اصلا ثمن شنطه ممكن يكفل يتيم لمده سنه في اي دوله فقيره

[فارس قطر333]

هذا الشي يدل على انه عقولهم فاضيه ولا فيها اي نوع من الاهتمامات

الله يصلحهم

[حقيقه]

يعني الحين المثاليين اللي ردو برفض هالظاهره .. اكيد يلبسون شنط سوق الخميس والجمعه صح ؟


اللي عنده عليه بالعافيه لو يشتري بـ 100 الف

بدل ماشتري شنط بورخيص كل فتره اجمع هالمبلغ واشتري لي شيء سنع

[Just a Gurl]

كل واحد ينام ع الجنب اللي يريحه...
اهم شي اكفل يتيم بجزء من هالفلوس، وامورك ماااشيه:)

[المسا]

الماركات بالدنيا و الافلاس بالآخرة... لأن كل الفلوس تنصرف اول بأول المهم عليكم بالعافيه لا تنسون تخصصون جزء للصدقات و كفالة اليتيم جزاكم الله خير هذا اللي بيبقى و رصيد الآخرة

[غزلان]

يعني الحين المثاليين اللي ردو برفض هالظاهره .. اكيد يلبسون شنط سوق الخميس والجمعه صح ؟


اللي عنده عليه بالعافيه لو يشتري بـ 100 الف

بدل ماشتري شنط بورخيص كل فتره اجمع هالمبلغ واشتري لي شيء سنع


:app:

(( واما بنعمة ربك فحدث))

[STAR]

هذا ضريبة الاختلاط

اشدخل...!!!:rolleyes2:

:secret:

[ام السعف]

نقدر نقول انه هوس أكثر من انه موضة ،،

شخصيا اعتبر الجري خلف الماركات نوع من انواع البروز الإجتماعي
فاللي يحبون يشترون ماركات يحسون انهم ما يسوون من غير ماركات ،،

الكلام هذا طبعا ما يخص اصحاب القدرة على شراء الماركات بحيث
انهم ما يعفسون ميزانيتهم علشان يمتلكون ماركات ،،

بينما كلامي منصب على اللي عارفين حدود ميزانيتهم ومع هذا
يركضون خلف الماركات بأي شكل سواء كان تقليد او اصلي ،،

بشكل عام اعتقد و هذي وجهة نظري الشخصية
ان الإنسان هو من يختم على ما يحمله فالإنسان هو بحد ذاته ماركة
يطبع علامته في كل ما يرتديه عندما يحسن التعامل مع الآخرين عن طريق
ثقته بنفسه و قدراته وثقافته ،،

[حمد911]

ماشاء الله على المثالية

[ام السعف]

ماشاء الله على المثالية

في أيش المثالية بالضبط ؟

في رفض الجري خلف الماركات من قبل الأعضاء ؟

[Just a Gurl]

في أيش المثالية بالضبط ؟

في رفض الجري خلف الماركات من قبل الأعضاء ؟


اغلب اللي ردوا رافضين الفكره.... هل ذي معناته انه محد منهم يلبس ماركات؟

[ام السعف]

اغلب اللي ردوا رافضين الفكره.... هل ذي معناته انه محد منهم يلبس ماركات؟


يجوز ما يلبسون ،، ويجوز يلبسون و هم رافضين الفكرة ،،

ويجوز يلبسون لكن مب بشكل الهوس اللي صايد البعض بحيث ان
الكلمة اللي بينطقونها لازم تكون ماركة معينة ،،

[هبوب الشمال]

لو عقولهم ماركه اصليه ما تخترب ما البسوا الماركات الاصليه

فهمتي علي اختي

يعني يبون يرقعون عقولهم

الله يعينكم يا بنات بلادي على هذا المرض

الدنيا من استوت فيها ماركات وفي كل البلدان

ليش ماعرفتوها وصرتوا ( مسخ مسخر لها ) الا عقب ما زادت رواتبكم وزاد خيركم

هذي نعمة رب العالمين اللي ينطركم تحمدونه عليها تلعبون فيها ؟؟؟

في ذمتكم كل 10 الاف تقطينها على الفستان ولا الشنطه كم في المقابل تتصدقين منها ؟؟؟

مخوخ فاضيه الله لا يبلانا

[حمد911]

في أيش المثالية بالضبط ؟

في رفض الجري خلف الماركات من قبل الأعضاء ؟

تمثيل المثالية شي غريب فعلا بمعنى انة ناس وايد رافضة بس بالواقع عكس هاذا الشي

[حبر سري]

انا مااشوف استعمال ولبس الماركات عيب

اللي يلبس ماركة وهو تافه بيظل تافه
واللي يلبس ماركة وهو واعي ومحترم راح يظل واعي ومحترم

مافي تلازم

لكن اللي يشتري الماركات بالسلف مثلا
او يشتري علشان يعوض عقدة نقص عنده , فهذا الله يعينه على نفسه

ومافيها شي اذا الله منعم علي اشتري لي ماركات
مااشوفها عيب بصراحة

خلكم من بعض المجانين اللي يشترون مثلا جوال ذهب او ماشابه , لاني اشوف هذا جنون

لكن بشكل عام الماركات الاصلية حلوة والله


بالتوفيق

[هبوب الشمال]

صحيح الماركات حلوه

ومن استرخص اللحمه خانت به المرقه

بس مب بهذا الجنووووووووون اللي صاير

عنبوه

باشتري لي شنطه ماركه تعيش عندي شهور وباشتري كذا شي يكون يستحمل الاستعمال المتكرر

بس مب معا كل شنطه جوتيها الله يعزكم وميداليتها واسوارتها

الحمدلله اللي انهم لين الحين ما سووا عبي جان الوحده بتصير

لولو بنت فالنتينو

ساره بنت لوي

خلود بنت شانيل

مها بنت غوتشي

علي بن جفنشي

سند بن دي اند جي

فالح بن كريستان ديور

[الأصيلة]

انا مااشوف استعمال ولبس الماركات عيب

اللي يلبس ماركة وهو تافه بيظل تافه
واللي يلبس ماركة وهو واعي ومحترم راح يظل واعي ومحترم

مافي تلازم

لكن اللي يشتري الماركات بالسلف مثلا
او يشتري علشان يعوض عقدة نقص عنده , فهذا الله يعينه على نفسه

ومافيها شي اذا الله منعم علي اشتري لي ماركات
مااشوفها عيب بصراحة

خلكم من بعض المجانين اللي يشترون مثلا جوال ذهب او ماشابه , لاني اشوف هذا جنون

لكن بشكل عام الماركات الاصلية حلوة والله


بالتوفيق

كلام معقول وصحيح...

[لوردغاليري]

الماركات او غيرها

ماتغير الانسان

ولاتميزة

الا اخلاقه وجوهرة الداخلي وصفاته
تسوى ماركات العالم

كلها

بس مايمنع انه يلبس ماركات بس بعقل
وعلى حله

مو يلبس ماركات ومادري وشو وعرض ازياء ومفوشر حده وتقليد اعمى لفلان وفلتانه هم مواقل مني وماري شنو
لا لا لا
اهنيه

باقول ياشين شي ماشبه اهله
ب

[بوحارب]

شكلك ماتقرا عدل فانا قلت "المنتدى" وليس "ألموضوع".انا عارفة الموضوع عن شنو.. وهي خصت بنات قطر في العنوان مع انه الركض وراء الاناقة المفرطة قضية في كل دولة و موجودة منذ بداية التاريخ
لكن كمية هالنوع من المواضيع السلبية لا تجيب غير الكأبة في النفس لانها كلها على نفس المنوال التذمري.. اسلوب التوعيظ الدائم والمحاضرات عن الكمالية لا يحل اي قضية..وانما يعيشنا في مزيد من النفاق.. و كنت بانصحك بـ قراءة كتاب "وعاظ السلاطين" لـ علي الوردي حتى تفهم بالضبط شنو الي اتكلم عنه ونعاني منه فعلا في مجتمعنا..
لكن واضح من نوع ردك انه عقليتك ما تستوعب اقلام الكبار..فقط هذا النوع من الكتابة السطحية تلائم قدرات عقليتك المتواضعة


اشعندها خليفة المتنبي :eek5:


زين علميني اشلون اقرى عدل يا ام عقلية كبيره انتي :unsure::eek2::p

[خفوق]

شوفي للامانه انا لو عندي فلوس زايده بشتري مو عشان ماركه لا لان في بعض شناطهم واغراضهم حلوه بصراحه بس اني اوصل مرحله احط فلوس كلها عشان شنطه بالقيمه الفلانيه وانا عندي اشيا اهم مو قادره ادفعها لا والله بسوي الاهم لاني احب استغل المبلغ عدل
:D ولو شريت بحلل قيمه الشنطه عدل خخخخخ
وصدق في شناط اسعارها مو طبيعيه يعني فوق ال 22 الف انا والله يوم اشوف السعر اقرا اكثر من مره مو متخيله >> بنت فقر لا صدق يعني مادري من الهبله اللي بتشتريهم >> محتره :shy:
يعني هالمبلغ اسافر ولا اشتري فيه ذهب اصرف لي :secret:
وسالفه الماركات ترى مو بس البنات الشباب الحمدلله والشكر بعد سيااييرهم من داخل والملابس

وعلى فكره انا ماعندي الا شنطه وحده ماركه شريتها عقب ترررددد لانها طاحت في خاطري من قلب بس مستخسره ادفع المبلغ خخخخخ والحمدلله ربي كاتبها لي شريتها وقت التنزيلات بنص القيمه :shy::shy:

وحق كل شخص امكانياته تسمح له خل يشتري عليه بالف عافيه
واللي ماعنده الله يرزقه ويتمتع بكل شي خاطره فيه

تشكرات

[ام السعف]

تمثيل المثالية شي غريب فعلا بمعنى انة ناس وايد رافضة بس بالواقع عكس هاذا الشي

بعد ما نقدر نقول اللي رافضين اهنيه كلهم يركضون خلف الماركات
بالشكل اللي تتكلم عنه صاحبة الموضوع ،،

قد يلجأ البعض الى شراء حاجة ماركة عالمية اصلية ،، لكن يكتفي
بحيث انه ما عنده مشاكل ان كانت اموره الثانية مب ماركات ،،

مع انه يتمنى انه يشتري ،، لكن ما ذبح عمره و غلغصها في الماركات


حتى في ناس صج يشترون ماركات سواء كانت اصلية او تقليد حتى
ما انشوف منهم ذلك الزهو اللي تلقاه في تصرفات البعض اللي
يحاول يبين انه ما استوى انسان الا عقب ما تلبس من كل انواع الماركات
العالمية ،،


فشراء الماركات بحد ذاته مب غلط ،، لكن الغلط حسب فهمي
لموضوع الأخت الاستقراطية الهوس اللي تمكن من كثيريين بحيث
انهم ما يشعرون بقيمتهم في هالحياة الا عن طريق اقتناء الماركات العالمية ،،

[black_day0]

كلام جميييل وايد
بس لي تعليق بسييييط و معبر

السبب في الفلوس الموجودة و متوفرة بكثرة , و الفراغ العلمي و الادبي
لو الفلوس الي جاي على اد الي رايح مثل ما يقولون ما راح تفكر في شي مثل ذي بس اهيا نعمة و زيادة
فيه فلوس ازين ليش ماشتري
المشكلة ان النعيم صار بزيادة و كلنا هنتسأل عنه انشاء الله يوم القيامة
ربنا يعافينا و يعافيكم و يرشدنا صحيح الطريق

[tulepq]

أختي الكريمه ..
موضوعك يعد رساله ( لبعض ) من يعدون على الأصابع في شراء الماركات الأصليه لنقل كل شهر إن لم تكن هناك مبالغه ..

ولكن لنعترف بوجود الأغلبيه التي تتعامل مع التقليد بإكتسااااااااح ..

ولا داعي لأن نر من تدعي أنها تستطيع التفريق بين الشنطه الماركه مثلا ( هيرمز ) والشنطه المقلده بدرجه فوووووووووق الممتاز وبإتقان .. :)

وأهديكم هذا المثال الحي .. فأنا أعرف إحدى الأخوات التي ولله الحمد لا ينقصها أي شي ْ .. بل وليست موظفه .. تنتظر الراتب .. قد أدلت بنصيحه بسيطه بالقول : بإمكان الوحده تلبس شنطه أصليه .. والباقي تقليد .. :victory:

تدرون ليش ؟؟ لأن محد يقدر يتجرأ ويشكك في قيمتها .. :secret:

وأنا اقولج أختي هدي بالج وريحيه عالأخير .. ترا اللي تشوفينه مب شرط يكون أصلي .. :)

بس ما فيها شي إذا شرت شنطه تقليد .. ومب معنى أنها لابسه ماركه أنها تفوشر ..

ترا هذي النظره للأسف ( أشوفها ما تتناسب مع تفكير الناس في هالوقت ):rolleyes2:


والحمدلله الكل بخير ونعمه ...

وعاش التقليد عااااااش:secret::secret::secret:

[ريم المدينة]

لان الحين الحمدلله والشكر صارت قيمتج بقيمة شنطتج (استغفر الله)

يعني اذا شنطتج ماركة انتي ماركة واذا شنطتج تقليد انتي تقليد(الحمدلله والشكر)

[Mr.ahmad]

لكل شراي بضاعه وسوقي .... يازين الكشخه :)




اي والله ,, يازين الكشخه ,,,

[moon_night]

الصراحة في حياتي مازرت منتدى فيه هالكم الهائل من التذمر ههههههه كل سالفة سويتوها قضية

هههههههههههه قلتي الي ابي اقوله




لان المواضيع تعالج المشاكل الخاصة بالوطن والمواطن
وتـ تطرق لـ السلوكيات الشاذة التي تؤثر على المجتمع والناس
بالتالي شي طبيعي يكون هناك نوع من التذمر
وقد يعالج هذا التذمر المشكلة..
وهذا من حرص أفراد المجتمع على علاج المشاكل المستجده أول بأول قبل أن تستفحل...
لكن أيضا الهدوء والمدح والثناء على السلوكيات الطيبة يعززها ويزيد من ثباتها...
عزيزتي ..فقط تجدين هذا في قسم الحوار العام
لكن بـ قسم الإستراحة تجدين الفرفشة والوناسة...

عمره ماكان التذمر علاج حق المشكله

....

رايي في الموضوع

ليش دوم الناس تدور الاخطاء السبعه في الناس الي حولهم

ليش مانركز على الجوانب الحلوه في الحياه

الا هذا شرى سياره بهالقيمه
وهذي تشيل شنطه ارمز

مالنا دخل بفلوس الناس ولا بطريقة صرفهم

[moon_night]

شكلك ماتقرا عدل فانا قلت "المنتدى" وليس "ألموضوع".انا عارفة الموضوع عن شنو.. وهي خصت بنات قطر في العنوان مع انه الركض وراء الاناقة المفرطة قضية في كل دولة و موجودة منذ بداية التاريخ
لكن كمية هالنوع من المواضيع السلبية لا تجيب غير الكأبة في النفس لانها كلها على نفس المنوال التذمري.. اسلوب التوعيظ الدائم والمحاضرات عن الكمالية لا يحل اي قضية..وانما يعيشنا في مزيد من النفاق.. و كنت بانصحك بـ قراءة كتاب "وعاظ السلاطين" لـ علي الوردي حتى تفهم بالضبط شنو الي اتكلم عنه ونعاني منه فعلا في مجتمعنا..
لكن واضح من نوع ردك انه عقليتك ما تستوعب اقلام الكبار..فقط هذا النوع من الكتابة السطحية تلائم قدرات عقليتك المتواضعة

واي ردج عجبني

احسج مثقفه
وين احصل الكتاب ؟؟؟
كلامج ذكرني بكلام صلاح الراشد وعن الناس الي يحاولون يصلحون الكون

نصيحه لكل الاعضاء شوفوا حلقات برنامج رساله من الكون

وايد وايد مفيد وان شاء الله بيغير حياتكم للاحسن

[w.qatar]

اللي يقدر خلوه يشتري وش حاركم انتوو

البلا في اللي مب محصل ويتسلف عشان يفوشر !!

[روح الاطلس]

اوكيه يا توحه يشتري بس عاد مو يشتري عشان الناس تشوفه !! وعشان يقولون والله مريش وعنده فلوس قمة التخلف لو كان يفكر بهالطريقة

وبعدين اللي يشتري يشتري بعقل مو لازم كل شي يكون طقم ماركة اوكيه شي واحد ماركة معقولة بس المبالغه تخلي الناس تشمئز من الاشكال الحمدلله والشكر معرض متنقل مو ادمي

[بن رومي]

انا احترم اللي يحط فلوسة في الذهب الاصفر فقط

لانها بتكشخ فية وبتحلله وقيمتة فيه
الا واتزيد

مثال اللي شرا ذهب من ١٠ سنوات تقريبا كان جرام ال ٢١ مع المصنعية ٤٠ ريال

والحين اذا بتبيعة الجرام خالي اب١١٨ ربااااااااااال

يعني كشخة ١٠ سنوات وربح صافي من غير تعب ٧٩ ريااااال




يا حريم خلكم في الذهب لانة ذهب

يفيدكم وقت العوزة

مب الكسوارات الماركة تشترونها ابذيچ الحچاية

ولبسة كم مرة

الا راح الموديل او محد بيشتريها الا برخييييييييص



بن رومي*

[بوخالد911]

خدعووكم فقالوا : موووضة





رحم الله امرؤ عرف قدر نفسه


ومد ارجوولك ع قد الحافك

[تحداني]

.. من قال اننا نستغرب من من ينكرون الماركات
.. ويدعون انها اسراف وغير هذا ..

الامر ليس هكذا .. انما نقطه الاعتراض على المبالغه فقط ..
اي شئ زاد عن حده اتصور يطلع ماصخ وماله طعم .
. ألبسوا وتعدلوا .. وإشتروا وإكشخوا .. ويازينهم البنات ..

.
.
لكن كل شئ ابعقل .. وابرزانه وإبحكمه
مو ليل نهار امطيحين في الاسواق
الا فندي ايش جابوا اكسسوا ..
والا تودز ما نزلوا الجوتي الكحلي " اعزكم الله "
والا بوتيجا ما يغيرون استايلهم

.
.
ترى في بنات وعليه عليهم .. يجبرون أهاليهم على أشيا
وعلى ماركات والسبب ان باقي ربعهم عندهم آخر الماركات ويستحون يقعدون معاهم
وهم ما لابسين شئ ماركه .. أرأفوا بحالهم


ساعات تطلع مبالغات مالها طعم بين الاوساط النسائيه تكرهنا بالمناسبات
وتكهرنا بالتوجيب
وتكرهنا بالطلعه
وتكرهنا حتى بالزيارات

الا لازمين اتودين معاج جوكليت من فوشون
الا لازم تلبسين احلى لبس من بولغري
الا لازم اتكون الشنطه من اللؤلؤه

.
.
بس تتكلم كلمتين اطيح من العين ومن الخشم ومن الراس



.
.
الارستقراطيه
:)

[رحال]

:nice:قرأت الموضوع بالكامل ...

بصراحة شدني ومميز لأنه يدخل في نفسيات أكثر الناس

لما فيه طرح وحالة أجتماعية وواقعية نعيشها ونتعايشها !!!

كما أعجبتني ردود ومداخلات " تحداني الزمن "

وسأضل متابع وبصمت :nice:

[شعنونة قطر]

لقد رايت فتاه مرتديه عباءة الرأس . . . ولم يغطي جمالها ابدن :(
جميله جميله جميله . . . هنا اقتنعت بالفعل . . . ان لا الماركات ولا بطيخ سوف تجمللك كجمالها

الجميل جميل :(
والقبيح قبيح :(


حبيتها اكثر لانها بعباية راس :(


عقبـــآآآلي وان شاء الله قريب . . .
يارب تمم علي نعمة العقل آمين

[Al- noor]

الصراحة ترددت قبل ماكتب الرد وحتى هاللحظه وانا اكتبه
ببساطة قبل ماكان فيه شي اسمه مجمعات فخمة وكانوا الناس طبقات بعد.. ناس تشترى بو 50 ريال وناس بو 200 ريال ..
الحين حسيتوا فيه اكثر لان بو 50 صار ب500 ريال
وبو 200 صار ب 5000 وطالع ..
مافيها شي بالعكس اشترى ماركة وانا شخصيا كلش ماحب البس تقليد يالبس اصلي او اصبر ليما اكمل المبلغ واقدر اشترى اللي في خاطرى .. ومقيوله أكل اللي يعجبك والبس اللي يعجب الناس ..مب غلط ..
واللي يقول الوحده تحرم نفسها وماتاكل عشان تشترى شنطه ماركة .. انا مع هالنقطة خلها تاكل في بيتهم وتجمع فلوسها على شي يبين مب تصرفها في مطعم

[asadfg]

اقسم بالله انه لاحظت شي ببنات قطر والله العظيم انك لو تقولها شنطتج تقليد تتنرفز وتقولك لا اصليه وتكذب وحاله وتسويلك فلم هندي عشان تقنعك انه شنطتها اصليه الشي الي استغرب منه شالمشكله يعني لو تقليد مرض مرض نفسي استغفر الله خاصه ترى بذات في بنات قطر ها الشي فيهم مرض نفسي مع الماركات فيهم حب المفوشر والحجي الفاضي يا ريال ادخل انت الفلكر ولا الفيس بوك نص الصور مصوره لك مغطاه بيبسي قوتشي تقولك انا اشرب بيبسي قوتشي يعني كشخه يابلفيت اونها برستيج فيهم حاله نفسيه والله المفروض نوديهم لدكتور فل يعالجهم

[بوسلمان 2010]

الله يعينا على مابلنا والله يستر من قضب الله علينا لان الشر يعم والخير يخص الله يستر بستره

[بو خليفه 123]

:nice:قرأت الموضوع بالكامل ...

بصراحة شدني ومميز لأنه يدخل في نفسيات أكثر الناس

لما فيه طرح وحالة أجتماعية وواقعية نعيشها ونتعايشها !!!

كما أعجبتني ردود ومداخلات " تحداني الزمن "

وسأضل متابع وبصمت :nice:


و أنا كذلك :)

[Doha Sun]

على قولة المثل : ( ماعنده جدر يطبخ ثوبه زري يرطخ )

[الصريحه]

الله يهدينا جميعا

[مضاربه]

لبس الماركات مب توه منتشر من زمان على ايام ماكنا طالبات في الجامعه في الثمانينات ومعروفين بنات قطر بالذوق وبالاناقه والشباب بعد يلبسون ماركات من قال بس البنات

[موضي قطر]

اقسم بالله انه لاحظت شي ببنات قطر والله العظيم انك لو تقولها شنطتج تقليد تتنرفز وتقولك لا اصليه وتكذب وحاله وتسويلك فلم هندي عشان تقنعك انه شنطتها اصليه الشي الي استغرب منه شالمشكله يعني لو تقليد مرض مرض نفسي استغفر الله خاصه ترى بذات في بنات قطر ها الشي فيهم مرض نفسي مع الماركات فيهم حب المفوشر والحجي الفاضي يا ريال ادخل انت الفلكر ولا الفيس بوك نص الصور مصوره لك مغطاه بيبسي قوتشي تقولك انا اشرب بيبسي قوتشي يعني كشخه يابلفيت اونها برستيج فيهم حاله نفسيه والله المفروض نوديهم لدكتور فل يعالجهم


ياخوي لا تعمم شكثر عندي أشياء تقليد ووالله اني مستانسة عليها ماقولك ماعندي ماركات

عندي بس مستحيل اشتري ماركة علشان الناس اذا بشتريها اشتريها حقي وبس

[غيمة مطر]

الموضوع يضحك

ماله هدف ...


اللي عندها خلها تبطر وتزابي وتفوشر شالمشكله ؟؟؟!!!

ترى اعرف بنات مثقفات وماسكين مناصب عاليه والله منعم عليهم ويتمتعون برواتبهم وخيرهم

( واما بنعمة ربك فحدث)

واللي عندها ومبخله على عمرها شحادها ؟!!! مردها بتموت وتخلي فلوسها

واللي ماعندها لاتشتري ماركات غاليه ... محد جبرها

ولاتقعد تذم بنات الماركات

كل يمد ريوله على قد لحافه

وهذا مب مرض الحين الا لان العيشه تغيرت والبنت تغيرت

قبل بنات قطر مغمضين ولايدرون شنو الماركات الحين غير

قبل بنات قطر رواتبهم ضعيفه الحين البنت راتبها يكفي ويزيد بعد

خلهم يستانسوووون


يستاهلون بنات قطر فديتهم


ومب كل من لبسة ماركات صار عقلها فاضي شالحكم الغريبه

[روح الاطلس]

ماشاء الله غيمة مطر تقول موضوع ماله هدف وترد نص صفحه !!


وما ننكر ان عقول البنات فاضية رضيتوا ولا مارضيتو

اللي ماشفت بنات مثقفات على المستوى او اعلاميات او سياسيات او سيدات اعمال مشهورات
كل هم الوحده شلون تزابي قدام البنات بالماركات قمة التخلف والله ! ولا يحوسون في فيلاجيو واللؤلؤة على أمل يرقعون الفراغ الموجود بالمخ بالشكليات السامجة

[خوي الشوق]

الي عمره ماتبخر تبخر واحترق هذا الي عندي واسمحو لي

[asadfg]

الموضوع يضحك

ماله هدف ...


اللي عندها خلها تبطر وتزابي وتفوشر شالمشكله ؟؟؟!!!

ترى اعرف بنات مثقفات وماسكين مناصب عاليه والله منعم عليهم ويتمتعون برواتبهم وخيرهم

( واما بنعمة ربك فحدث)

واللي عندها ومبخله على عمرها شحادها ؟!!! مردها بتموت وتخلي فلوسها

واللي ماعندها لاتشتري ماركات غاليه ... محد جبرها

ولاتقعد تذم بنات الماركات

كل يمد ريوله على قد لحافه

وهذا مب مرض الحين الا لان العيشه تغيرت والبنت تغيرت

قبل بنات قطر مغمضين ولايدرون شنو الماركات الحين غير

قبل بنات قطر رواتبهم ضعيفه الحين البنت راتبها يكفي ويزيد بعد

خلهم يستانسوووون


يستاهلون بنات قطر فديتهم


ومب كل من لبسة ماركات صار عقلها فاضي شالحكم الغريبه



طبعن هاي وحده من الطخه الي اتكلم عنها جوف شلون تفكر مردها بتموت وتخلي فلوسها تقول ههههه واحلى مصطلح عطتني لاتذم في بنات الماركات نيك نيم معطتهم بعد !! واحلى منطق العيشه تغيرت واالبنت تغيرت وقبل بنات قطر مغمضين مايعرفون الماركات واحين يعرفون الماركات شدخل العيشه قبل بالماركات احين ههههههه !!! واحلى شي الاستدلال بالايه(( واما بنعمه ربك فحدث)) استدلت بالايه عشان تتكلم عن الماركات والمفوشر ههههههههه على كيفها تفسر الايات يلا اخذو انتو جوفو مستوى التفكير بس تعالو فججو عاد الله يعين الي بيتزوجج والله

[روح الاطلس]

طبعن هاي وحده من الطخه الي اتكلم عنها جوف شلون تفكر مردها بتموت وتخلي فلوسها تقول ههههه واحلى مصطلح عطتني لاتذم في بنات الماركات نيك نيم معطتهم بعد !! واحلى منطق العيشه تغيرت واالبنت تغيرت وقبل بنات قطر مغمضين مايعرفون الماركات واحين يعرفون الماركات شدخل العيشه قبل بالماركات احين ههههههه !!! واحلى شي الاستدلال بالايه(( واما بنعمه ربك فحدث)) استدلت بالايه عشان تتكلم عن الماركات والمفوشر ههههههههه على كيفها تفسر الايات يلا اخذو انتو جوفو مستوى التفكير بس تعالو فججو عاد الله يعين الي بيتزوجج والله

شفت شلون التفكير !

صدق ان مستوى العقليات في انحدار كبير :)

الله يهدي البنات يارب

[@فهد@]

كل يمد رجوله علي قد لحافه
ومن لبس ثوب اطول منه يعته

وكلن محاسب علي افعاله وماله فيما افناه

والغلط ان كان في بعض المظاهر ليست في الفاعل بنت ولا ولد ولكن في ولي الامر الي سامح بهالشي لانه محاسب امام رب العالمين وامام الكل

والفوشره موجوده من زمااان لكن مع زيادة الترف زادت هالظاهره نسئل الله الهدايه للجميع .. والواحد يصرف ولكن بتعقل وتروي

[سهم المراقيب]

ذبحتي ال D&G في الكاجول ,,

والHUGO BOSS في البدلات ,,

والكريستيان ديور (ما أعرف أكتبها بالإنجليزي:shy:) في الأزرة ,,

والChanel في العطور ,,

الجنس الخشن أيضاً لهم صولات وجولات في الماركات :D ,,

على العموم الماركة لا تزيد ولا تنقص من يلبسها ,,

[بيتي بوب 23]

ههههههههههههههههههههههههههههههههه وانتو شحاركم
الفلوس افلوسنا نحرقها انسوي الي نبي كل واحد وله اهتماماته
شين اللقافه بس

[بيتي بوب 23]

اختي غيمة مطر طنشي الردود الملقوفه الي مالها معنى

[روح الاطلس]

اختي غيمة مطر طنشي الردود الملقوفه الي مالها معنى

ترا هذي غيمة مطر قاعدة ترد من نك ثاني وتكلم روحها :tease:

[moon_night]

ماشاء الله غيمة مطر تقول موضوع ماله هدف وترد نص صفحه !!


وما ننكر ان عقول البنات فاضية رضيتوا ولا مارضيتو

اللي ماشفت بنات مثقفات على المستوى او اعلاميات او سياسيات او سيدات اعمال مشهورات
كل هم الوحده شلون تزابي قدام البنات بالماركات قمة التخلف والله ! ولا يحوسون في فيلاجيو واللؤلؤة على أمل يرقعون الفراغ الموجود بالمخ بالشكليات السامجة

لا صراحه عيب
شنو كل وحده تزابي شنو هالمنطق
ماشاء الله الحين اغلب الناس تقدر تشتري ماركات يعني ترى مب شي غريب
وثاني شي الي على قولتج يحوسون في فيلاجيو قسم الماركات عقولهم فاضيه ؟؟
شنو هالمنطق؟؟؟
بالله اذا الوحده تبي تشتري من ديور مثلا تروح القسم الثاني ولا شنو؟؟ طبعا الي يبي محل ماركه بيروح قسم الماركات اوكي ترى مافيها شي غلط
مش العيب بالناس الي تشتري بالعكس العيب من نظرات الناس الي بس تراقب وتحلل على كيفها وكأن هم الي بحاسبون الناس على تصرفاتهم او هم مسؤلين عن اموالهم
اول شي الماركات فيها جوده وجمال وشي طبيعي ان الانسان ينجذب حق الاشياء الحلوه
زين يالسياسيه او يالاعلاميه او ياسيدة الاعمال



طبعن هاي وحده من الطخه الي اتكلم عنها جوف شلون تفكر مردها بتموت وتخلي فلوسها تقول ههههه واحلى مصطلح عطتني لاتذم في بنات الماركات نيك نيم معطتهم بعد !! واحلى منطق العيشه تغيرت واالبنت تغيرت وقبل بنات قطر مغمضين مايعرفون الماركات واحين يعرفون الماركات شدخل العيشه قبل بالماركات احين ههههههه !!! واحلى شي الاستدلال بالايه(( واما بنعمه ربك فحدث)) استدلت بالايه عشان تتكلم عن الماركات والمفوشر ههههههههه على كيفها تفسر الايات يلا اخذو انتو جوفو مستوى التفكير بس تعالو فججو عاد الله يعين الي بيتزوجج والله

بصراحه رد استغربت منه
يعني وحده قالت رايها تقوم ترد هذي وحده من هالطخه؟؟؟ وتعيب على مستوى تفكيرها
لا وتقول الله يعين الي بيتزوجج
بصراحه انت الي مستوى تفكيرك ماعرف شلون

[MaRuKoO]

اي والله صدقتي
اللهم ادم علينا نعمتك واحفظها من الزوال

[asadfg]

لحد الحين كل وحده تبي تزابي قدام الثانيه بالردود ههههههههههههههههههههههههههههههه هاي احراج عندهم ترى اذا بنت اعترضت على ردودهم واخرتها تحصل كل وحده فيهم تبيع شنط تقليد بقسم السوق خخخخخخخخخخخخخخخ بس لازم كل وحده تزابي شوي وتفوشر انها ماتلبس تقليد

[راسي براسك]

فراغ في المـخ ،
عندهم فلوس زايـده !
يعتبرون أن بالماركات بيبين أن أنتي بنت عز ولا ولد عز !
اللي معروف أسمه ومعروف أصله وفصله مايحتاج ماركه يتزين فيها عشان يثبت هالشي ..

[Al- noor]

:weeping:فيه ردود قريتها وانكسر خاطرى على اصحابها مساكين
وبعدين خاطرى افهم ش حاركم اللي يبي يلبس كيفه واللي مايبي بعد كيفه حريه شخصيه واذواق ...
للاسف .. :secret:

[asadfg]

فراغ في المـخ ،
عندهم فلوس زايـده !
يعتبرون أن بالماركات بيبين أن أنتي بنت عز ولا ولد عز !
اللي معروف أسمه ومعروف أصله وفصله مايحتاج ماركه يتزين فيها عشان يثبت هالشي ..

:nice:

[AL.GOLD]

والله مب شرط لي يكشخ ويلبس ماركة عقله فاضي وتفكيرة سطحي
يمكن يكون مثقف وغيرة وربي منعم عليه ..

[بيتي بوب 23]

ترا هذي غيمة مطر قاعدة ترد من نك ثاني وتكلم روحها :tease:

لا والله من الفراغه يعني ادخل بنكيين والله ما اعرفها ولا اتعرفني وحركات البزران ام نكيين ماتمشي في هالمنتدى وانتي اعرف من طريقه التسجيل
الحمدلله والشكر بس

[وتبقى الدنيا حلوه]

على انسان يلبس براحته

و اللي عنده يشتري ليش لا بس بشرط يشتري عشان نفسه مب عشان الناس و الا عشان يحر فلان

[نعيمه علي]

انا اشوف اللي عنده يشتري بكيفه
طالما ما يتسلف ولا يقصر مع اهله
واللي ماعنده يشتري ماركات تقليد

وهذه حرية شخصية

اطيب تحياتي
اختك نبض


.

[qtr35]

لحد الحين كل وحده تبي تزابي قدام الثانيه بالردود ههههههههههههههههههههههههههههههه هاي احراج عندهم ترى اذا بنت اعترضت على ردودهم واخرتها تحصل كل وحده فيهم تبيع شنط تقليد بقسم السوق خخخخخخخخخخخخخخخ بس لازم كل وحده تزابي شوي وتفوشر انها ماتلبس تقليد

ههههههههههههههه قصه لا نهايه لها

[qtr35]

الله يرحم غتر بربري ...ذاك اليوم شفت واحد في فيلاااجيو لابسها ..فعلا منظر غريب

لا نروح بعيد ... كلامك صح .. اشباب قاموا يخورونها !