الله يجزاكم خير مساعدة بخصوص الجمارك والشحن

[دمي قطري]

السلام عليكم

عندي استفسار بخصوص الشحن لو ابي اطلب اغراض عن طريق الصين والشحن يكون بحري يعني عن طريق جمارك المينا لازم يكون عندي سجل تجاري وشنو الاجراءات اتمنى الافادة

الله يعطيكم العافية

[الجبهان]

هلا اخوي

اقدر اساعدك على اللي تبي من شحن وخط ملاحي وتخليص ..

ابشر ..

ارسلي رقمك ع الخاص

[مشتاقة لقطر]

ماعندي خبرة

بس اذا كانت الاغراض ممكن تنشحن بالبريد اشحنها

احسن ولا تحتاج سجل ولاغيره

[nokia30]

اخوي ادا الاغراض شخصية مافي داعي للسجل التجاري ورسومك رمزية بس حساب من المخلصين لانهم حرامية اما ادا الاغراض بكمية تجارية يعني بضاعه لازم يكون عندك سجل تجاري وسلامتك

[tajirqatari]

اذا شخضيه مايحتاج سجل تجاري واذا تجارية يحتاج سجل تجاري

والرسوم اللي اعرفه اذا شخصيه بتكون رمزيه وبسيطه واذا تجارية بيكون 5% من قيمة الفاتوره للبظاعة واذا شافوو قيمة الفاتورة ماتناسب قيمة البظاعه هم بيقيمون لك البظاعه وتدفع الرسوم بعدها

المخلص الجمركي تكون عمولته 150 ريال على ماظن

[سهم طايح]

اذا محتاجة مخلص يخلص لج البضاعة راسليني على الخاص

[الساهر 17]

اذا كانت للتجارة لابد من دفع رسوم واذا اول مره ممكن الشخص يخليها شخصية وتكون رسوم رمزية اما اذا كانت تجارية فلابد من الدفع والله يعينكم والرسوم بتكون 14% على حسب خبرتي المتواضعه 18 سنه مع الجمارك
اولا : تدفع فلوس للشركة في الدوحة
2/ تدفع للمخلص
3/تدفع للسيارة النقل
4/ تدفع للجمارك المبغ المستحق لهم
5/ تدفع رسوم للخارجية
اللللللللخخخخخخخخخ والله المستعان وكله يقولون رسوم بيسطه لو الواحد يحسبها بتكون عاليه جدااا
واي استفسار لا تترددوا في السوال وانشاء الله بكون في الشوفه