نداء للامين العام للمجلس الاعلى للتعليم

[sh.a]

تفاجأ مدرسات واداريات في مدرسه من مدارس شبه المستقله التي تحولت الى مستقله في العام الدراسي المقبل بتسليمهن ملفاتهن والقول لهن انه في نهايه شهر 7 عليهن البحث عن اي مدرسه تقبل بهن للعمل فيها وانا مدرسه من ضمن المدرسات اللاتي استلمن ملفاتهن وملفي عندي في المنزل وانا اوجهه كلامي للمسؤلين في المجلس الاعلى للتعليم هل يعقل بعد خدمه عشرون سنه في التعليم ان اكافأ بتسليمي ملفي والقول لي ولزميلاتي ابحثن عن مدرسه تقبل بكن اليس نحن موظفات ولنا رقم وظيفي ونتبع لجهه حكوميه من مسؤليلتها ان تؤمن لنا الوظائف هناك امهات فاتحات بيوت ومسؤلات عن اسر يعيلن عليهم وعلينا التزامات ماليه وقروض للبنك في حال ما قبلت بنا اي مدرسه للعمل فيها من يدفع لنا الراتب ومن المسؤل عنا اتمنى من الاخ مجرد انسان ان يهتم بالموضوع ويطرح القضيه للمسؤلين في المجلس الاعلى

[Toomy]

أنا شققته و حذفته في المدرسه بعد ما شلت منه الشهادات كلها..حرام والله آخرتها يعاملون الكفاءات بهالصورة.

[sh.a]

ارجو من الاخوه والاخوات ضم صوتهم لصوتنا لانها قضيه تمس جميع المدرسات القطريات وبنات قطر فنحن من الناس الدين افنوا عمرهم في التدريس وعملوا بضمير وخرجوا اجيال وفي الاخير هكدا يكون وضعنا ولا نعرف اين مصيرنا

[زمان الصبا]

دعوة للانضمام لحملتنا
http://www.qatarshares.com/vb/showthread.php?t=365379



حسبنا الله و نعم الوكيل

[شموع قطريه]

حسبي الله على كل مسؤول في المجلس الاعلى راضي عن اللي يصير فينا ... انا شقيت الملف وقطيته في الزباله مانبي مدارسهم ولا مستقلاتهم والله يوفقني في ايجاد عمل في وزاره ثانيه .. والله حرام عليهم اللي يسوونه في المدرسات هذا عار على البلاد والمسؤولين عنها .. حسبي الله عليهم واحد واحد عساهم مايتوفقون لا دنيا ولا آخره .. هذي اخرتها يقطونا هالقطه ويتخلون عنا ويقولون لنا دوروا لكم مدرسه تقبلكم مالكم مكان عندنا ..
يعني من السنه الجايه نقعد ندور من مدرسه لين مدرسه ندور شغل !!!! آآآه يالقهر عليج ياقطر كل شي فيج اندمر حسبي الله على من كان السبب في هالشي ..

[ANONYMOUS]

الله يكون بعونكم جميعا

ويعوضكم بخير

[بن مفتاح]

للاسف اصبحنا ضايعين في سلك التعليم ..

طلبات لا حصر لها ..

وعود بالجملة ..

رفض للنقل لاي مكان آخر ..

عمل + دورات + ضغوط لا حصر لها

ويطلبون الابداااااع ..


شي لا اعرف اين محله من الاعراب ..


الله يعيننا على اللي جاي ...

[قطرية فذة]

للاسف اصبحنا ضايعين في سلك التعليم ..

طلبات لا حصر لها ..

وعود بالجملة ..

رفض للنقل لاي مكان آخر ..

عمل + دورات + ضغوط لا حصر لها

ويطلبون الابداااااع ..


شي لا اعرف اين محله من الاعراب ..


الله يعيننا على اللي جاي ...

نصيحه مني اطلعوا لان الهدف نفسي

سوف تحمل النفس مالاتطيق والهدف ان يجعلونها متقاعسه

[قطرية مثقفة]

حسبنا الله ونعم الوكيل ،،،،،،،،،،،،،،،

[sh.a]

انا عن نفسي شققت الملف ورميته في الزباله ليش يعطونا ملفنا اللي يحتوي على اوراق رسميه وجوابات شكر وغيره وحتى اللي عندها لفت نظر او اندار ممكن تحدف هاي الاوراق وتخلي الاشياء الزينه

[sh.a]

وتين الورد وين نطلع واي وزاره اللي بتقبل ناس تعدي عمرهم الاربعين وبعدين الالتزامات الماليه علينا والقروض اللي حق البنك من بيدفعها والا نروح السجن اخر عمارنا بسسب هدا التصرف وسوء التخطيط

[صايد السالفه]

كل الوزارات قادرة علي تصريف امورها بشكل ممتاز واهم سلك اللي هو سلك التعليم كل يوم نشوف قرارات في النهاية مالها اي داعي ولا معنى قالو يبون كل المدارس مستقلة طيب وشفنا كل واحد كان اكسل شخص في مجال عمله ودراسته الحين صارو مديرين ومديرات شلون عطوهم تراخيص ماندري لاجينا بنشتكي محد درا عنا ليش احنا محد ماعطنا وجه ياعالم احنا قاعدين ندرس هالجيل اللي جاي الله يعينه ونادي دايما نبي مخرجات تعليمية والمخرجات كلها سيئة وهم عارفين بهالشي وساكتين وزير التربية مانسمع عنه الا زار مكان فلاني ولا مكان علاني لكن معقولة مايدري شاللي حاصل صراحة احنا كلنا نطالب المسولين بايجاد حل قبل لاتتدهور الامور للاسوا اكثر من هشكل

[فرقة الصقور]

طيب وهل يقطعون رواتبكم بعد شهر سبعه

اعتقد ان اعلى سلطة في الهرم التعليمي بيراجع نفسه الف مره قبل لايقدم على هذي الخطوة

يمكن مجرد توزيعكم على مدارس اخرى

قلوبنا ودعاؤنا معكم

[عنفوان بدوية]

مساااااااااااء الخير تعليق بسيط

لقد ناديت لواسمعت حياااا ولكن لاحياة لمن تنادي

[بوطويشم]

السلام عليكم

ولازال المجلس الأعلى يسئل

أين القطريين و القطريات فالتدريس؟؟؟؟؟؟

ان عرف السبب بطل العجب

[عنفوان بدوية]

باختصار موضوع التعليم في قطر اصبح تجاري بحت لايبحثون عن الاكفأ بل الارخص

[صاحبة طموح]

خواتي جزاكم الله الف خير عن الي قدمتوه طوال السنوات الماضيه وصدقوني ماراح يضيع عند الله لكن عند المجلس وعند بلادنا بيضيع مثل ماضاعت حقوقنا احنا المعارات في المستقله
حسبي الله ونعم الوكيل على من ضيع الامانه
سؤال للمسؤلين كيف يتم نقل مدرسة الخنساء بعد تحويلها لمستقله من مدينة خليفه الى المطار ؟؟
نقلتوا الاسم فقط واستغنيتوا عن الموظفات والطالبات
تحيه للعقل المدبر
الف حمد وشكر لك يارب
كان فتحتوا مدرسه جديده بالمطار وخلاص هي جات على الاسم ؟؟اوكي اطرحوا حلول للطالبات والموظفات بالخنساء وين يروحون
هل يعقل ان الخبرات والكفاءات اللي افنوا شبابهم في التعليم يدورون على المدارس يبحثون عن وظيفه؟طيب واذا ماقبلت بهم اي صاحبة ترخيص شنو الحل؟؟ارجو تدخل طرف في القضيه وتحديد مصير طاقم الخنساء واجبار اصحاب تراخيص الفوج السابع بالقبول بالطاقم كامل

[غابت الشمس~]

أبي أعرف وين المسؤولين الكبار عن هالتخبط اللي حاصل بالمجلس الأدنى؟؟!!!:telephone:

ماقول غير الله يعينكم ومالكم الا عمل مظاهرات وإضراب عن العمل لين يعرفون ان الله حق:anger1:

[ريماس الغلا]

مســـــــــــاء الخيــــــــــــــــر

[شموخ]

الله يمهل ولا يهمل والحق ان شاء الله بيرجع لأصحابه عاجلا غيرآجل يامجلس التحطيم ..حسبي الله ونعم الوكيل..

[الأصيلة]

يجب أن يكون هناك إعادة نظر في قوانين واحكام المجلس الأعلى التعسفية
والتي هدفها الأول والأخير تطفيش القطريين والقطريات
لا التقطير كما خدعوا الناس بشعارهم المزيف هذا...
الكل قعد في البيت وسلم أمره لله وخلا لهم كل شي..
معقول ها السلبية لا تتخلون عن حقكم وطالبوا فيه ووصلوها لين اكبر راس في البلد...
ماصارت مستقله ...كلت الخضر واليابس واظلمت خلق الله..

[kitmat]

وين ست الحسن والجمال ماتشوف لنا حل صباح الهيدوس ولا بس شاطرة تصرخ على الموظفين وتطفشهم
ولا يمكن هذه التوصيات صادره من عندها أنا اقول خلونا نسوي مظاهرات يمكن الامير يسمع بالمهازل الي قاعده تستوي في بلاده وينصرنا على من ظلمنا لاني ما اعتقد ان الامير يرضى بالظلم الى صاير لنا

[الأصيلة]

ياليت الألفاظ تكون راقية هنا...
المسوؤل عن المجلس الأعلى أصبح مبهم
هل المسؤول الوزير ؟؟ أم الأخت صباح الهيدوس؟؟؟
أم باقي الأسماء المدرجة في ذيل كل تعميم وقرار يصدر عن المجلس...؟؟؟

[kitmat]

عيل صباح الهيدوس شنهو شغلتها ليكون فراشة المجلس الاعلى واحنا ماندري

[ام مناير]

الله المستعان والله على الي قاعد يصير كل ما مديرة مسكت مدرسة تفرعنت على الموجودين فيها وانت ابيك وانت برا ؟... ليكون ورثت المدرسة بس واحنا ما ندري ؟؟ الوزير طبعا ً هو المسؤول عن الامور الادارية هاذي
وانا اقول ياجماعة لا تحرقون اعصابكم غصبن عليهم يشوفون لكم مدارس ولا قعدوا في بيوتكم مرتاحين ورواتبكم ماشية وخلهم هم يدورون للناس مدارس ينقلونها لهم مو دوركم ابد ادورون بملفاتكم على المدارس احنا وين عايشين ؟؟ والموارد البشرية هي المسؤول الاول عن توزيع المعلمين على المدارس .

[monatee]

مادري اشلون تسكتون عن حقوقكم وترضون باللي يسوونه فيكم هالمسؤولين الظالمين

مب انتي مظلوومه ؟

تبين حقج ؟

تحسين ان لج حق لازم تاخذيه ؟


ارفعي قضية


اشفيها يعني ؟؟!!!

[صوت الضمير]

حسبي الله والنعم الوكيل

أنا معاكم وصوتي من صوتكم ولا أرضا باللي يصير

ماقصرتوا خرجتوا أجيال بالأخير هاذي الجزاء اللي حصلتوه من وراء المجلس الأعلى

أنا قريب بتخرج من الجامعة كنت أفكر إنني أكون مدرسة و أدرس أبناء قطر..
وأخدم بلادي الحبيبة

لكن

فكرت ليس أعذب عمري وأعور رأسي وبالأخير راتب يعادل راتب خريجة الثانوية بالوزارت الأخرى

ويتخلون عني متى مايبون؟؟؟؟؟

أقولها مره ثانيه لاتسكتون وحنا معاكم
وحسبي الله والنعم الوكيل

أبداع

[الأصيلة]

هم عارفين بـ طبيعة القطرية
تحب بيتها وعيالها وأي شيء يقربها منهم تقبل فيه
فلما يرفضون توظيفها ..وتحس بالظلم
على طول توقع على الإستقاله التقاعدية التعسفية بالدرجة الأولى ...
واللي مجهزينها لها حتى يرتاحون منها...
فيتنفسون الصعداء لما هالأعداد الكبيرة ينزل نص رواتبهم وهم المستفيديين
اسألوا بس كم وحده مقهورة قاعده في البيت ويمشي
لها نصف الراتب بـظلم واضح وهي صابرة وراضية بدلا من المذلة من الجهة اللي
أخلصت لها وأفنت نصف عمرها في تخريج جيل مثقف متعلم...

[ذيبه مزاجيه]

حسبي الله ونعم الوكيل ..

[ريماس الغلا]

الله المستعان والله على الي قاعد يصير كل ما مديرة مسكت مدرسة تفرعنت على الموجودين فيها وانت ابيك وانت برا ؟... ليكون ورثت المدرسة بس واحنا ما ندري ؟؟ الوزير طبعا ً هو المسؤول عن الامور الادارية هاذي
وانا اقول ياجماعة لا تحرقون اعصابكم غصبن عليهم يشوفون لكم مدارس ولا قعدوا في بيوتكم مرتاحين ورواتبكم ماشية وخلهم هم يدورون للناس مدارس ينقلونها لهم مو دوركم ابد ادورون بملفاتكم على المدارس احنا وين عايشين ؟؟ والموارد البشرية هي المسؤول الاول عن توزيع المعلمين على المدارس .



الموارد البشريه من ماسكها ؟

مب عيسى الحر وطارق عبد الله ؟

وانتماءهم الى اين ؟؟ مب المجلس الاعلى ؟؟

:(

[الغالي!]

الله يكون بعون اهل قطر على بعضهم

[sh.a]

الصراحه ظلم كبير لنا يا بنات قطر لا ويبونا ندرس حق الدور الثاني دروس تقويه ونمتحن البنات بعدين روحوا دورا عن مدرسه تقبل بكم اش هالمهزله

[dream~qa]

الله يعينكم ويفرج همكم .

للأسف التعليم في قطر خسر الكثيييييييييييييييييييييييييييييييير من الكفاءات والخبرات .

[ام مناير]

الموارد البشريه من ماسكها ؟

مب عيسى الحر وطارق عبد الله ؟

وانتماءهم الى اين ؟؟ مب المجلس الاعلى ؟؟

:(

عيسى الحر ولا طارق العبدالله ولا عبدالعزيز الكعبي ولا الوزير المهم انه مب شغل المعلمات انهم يدورون شغل هم اصلا موظفات وعلى راسهم عملهم سواء كانوا في المدرسة او قالو لهم دورولكم مدرسة ، هم مب في مدرسة مستقلة موقعين عقد مع المدرسة علشان تعطيهم ملفهم وتقولهم برا ، هم عقودهم موقعة مع وزارة التربية لي جاهم انهاء خدمة من الوزارة بعدين ايجوفون لهم مدرسة ،
اختي ريماس المعلمات لهم حق وموضوع انهم يشقون ملفاتهم ويقطونها هذا مب حل لو انا مكانهم اخذ ملفي واروح مكتب الوزير اعطيه اياه ،لكن القهر والضعف الي هم فيه ما راح ينفعهم ، وانا لما اقول محد بيقدر يجبرهم على اي استقالة بدون رضاهم اوكي ما رضت فيهم صاحبة الترخيص الجديدة يسلم راسها وراس المسؤلين باقعد في البيت لحد ما يشوفون لهم مدرسة ثانية لكن انهم يروحون يدورون على المدارس من يبنا ومن ما يبينا لا الصراحة .
وعلى فكرة انا متأكدة من الي اقوله لا تحاتون لان الموارد البشرية هي الي غصبن عليهم بشوفون لهم مدارس بديلة بس الظاهر بيون يفكون عمرهم وقاصين على خلق الله روحو دور لكم مدارس علشان اذا بقى عدد بسيط يعرفون وين يحطونهم .

[kitmat]

لا إله إلا أنت سبحانك إني كنت من الظالمين لا إله إلا أنت سبحانك إني كنت من الظالمين لا إله إلا أنت سبحانك إني كنت من الظالمين لا إله إلا أنت سبحانك إني كنت من الظالمين

الهم إني أسألك يارحمن يارحيم بأن تأخذ حقنا ممن ظلمنا يا أرحم الراحمين

[FAUCHON]

الموارد البشريه من ماسكها ؟

مب عيسى الحر وطارق عبد الله ؟

وانتماءهم الى اين ؟؟ مب المجلس الاعلى ؟؟

:(




الموارد البشريه ،،، عيسى الحر

الخدمات المشتركة ،، طارق العبدالله



الله المستعان :)

[صاحبة طموح]

ارجع واقول المجلس ملزم بالبحث لكم عن مدرسه ولاتشدون الظهر بفلان وعلان الي ماسكين مناصب بالمجلس ومتولين امورنا احنا المعارات ان ماكان جاهم امر من الامين العام فماراح يتعاطفون مع موقفكم الاخ الي ملتحي ومتدين لما جيت مكتبه اطالب بحقي كمعاره الي موقفته صاحبة الترخيص يكلمني بعصبيه ومن طرف خشمه وكأني انا الغبيه الي ماعرف حقي وجايه اطالب بحقوق غيري وقاعد يتفلسف ويفسر الكتاب الغلط الي طالع بتوقيعه قلت بنفسي اذا انت متدين وماتحب تتعامل مع النساء اقعد ببيتك احسن ماجين لهالمنصب الا لخدمة الجميع نساء ورجال - - سبحان الله لما جات تكلمه وحده غيري من الاخوات المقيمات شفت الاسلوب تغير والصوت هدأ سبحان الله شفوا الفرق بس ومنها وانا غاسله يدي منهم حسبي الله ونعم الوكيل يمهل ولايهمل

[noony]

حسبي الله ونعم الوكيل فيهم
الله ياخذ حقنا منهم
وين بيروحون من رب العالمين يوم الحساب
في يوم من الايام المعلمة لها قدر اما الحين مالها اي قيمة
يارب خذ حقنا منهم يارب امين

[قطرية فذة]

دعوه المظلوم مستجابه -- خاف الله يافلان عليك دعاوي الناس

[ريماس الغلا]

ارجع واقول المجلس ملزم بالبحث لكم عن مدرسه ولاتشدون الظهر بفلان وعلان الي ماسكين مناصب بالمجلس ومتولين امورنا احنا المعارات ان ماكان جاهم امر من الامين العام فماراح يتعاطفون مع موقفكم الاخ الي ملتحي ومتدين لما جيت مكتبه اطالب بحقي كمعاره الي موقفته صاحبة الترخيص يكلمني بعصبيه ومن طرف خشمه وكأني انا الغبيه الي ماعرف حقي وجايه اطالب بحقوق غيري وقاعد يتفلسف ويفسر الكتاب الغلط الي طالع بتوقيعه قلت بنفسي اذا انت متدين وماتحب تتعامل مع النساء اقعد ببيتك احسن ماجين لهالمنصب الا لخدمة الجميع نساء ورجال - - سبحان الله لما جات تكلمه وحده غيري من الاخوات المقيمات شفت الاسلوب تغير والصوت هدأ سبحان الله شفوا الفرق بس ومنها وانا غاسله يدي منهم حسبي الله ونعم الوكيل يمهل ولايهمل



يعني تقصدين اذا جاءته وحده محتشمه : صرخ بها وما عطاها ويه نفس ما سوا فيج

واذا جاته وحده مقيمه اسلوبه يتغير ويصير بو حنان !!

يعني هالمقيمه مدرسه وجايه للوزارة محتشمه ولا فاصخه الحياء وتشتغل رقاصه ؟؟

وضحي اختي معنى كلامج علشان لا يلتبس الموضوع وتأخذين ذنب نفس اشهرتي به بالسوء

بارك الله فيج :)

[دلة الرسلان]

تفاجأ مدرسات واداريات في مدرسه من مدارس شبه المستقله التي تحولت الى مستقله في العام الدراسي المقبل بتسليمهن ملفاتهن والقول لهن انه في نهايه شهر 7 عليهن البحث عن اي مدرسه تقبل بهن للعمل فيها وانا مدرسه من ضمن المدرسات اللاتي استلمن ملفاتهن وملفي عندي في المنزل وانا اوجهه كلامي للمسؤلين في المجلس الاعلى للتعليم هل يعقل بعد خدمه عشرون سنه في التعليم ان اكافأ بتسليمي ملفي والقول لي ولزميلاتي ابحثن عن مدرسه تقبل بكن اليس نحن موظفات ولنا رقم وظيفي ونتبع لجهه حكوميه من مسؤليلتها ان تؤمن لنا الوظائف هناك امهات فاتحات بيوت ومسؤلات عن اسر يعيلن عليهم وعلينا التزامات ماليه وقروض للبنك في حال ما قبلت بنا اي مدرسه للعمل فيها من يدفع لنا الراتب ومن المسؤل عنا اتمنى من الاخ مجرد انسان ان يهتم بالموضوع ويطرح القضيه للمسؤلين في المجلس الاعلى

اختي سووا اعتصام عند باب المدرسة وترفعون كم لافته فيها مطالبكم وترتبون نفسكم مع

كم صحفي من الجرايد المحلية وفي نفس الوقت تاخذون صور لأعتصامكم ( للحاجة ) وان

شاء الله تباركون على غيركم بس لازم خطوة شجاعة ونخلي الخجل على جنب واعتقد انتم

في موقف حرج ما يتقبل الخنوع ولا الحلول الفردية لفلانة فقط لازم تكاتف جميع المدرسات

ويمكن تنظم لكم المدرسات المتضررات من المدارس الأخرى وفقكم الله :)

[صاحبة طموح]

يعني تقصدين اذا جاءته وحده محتشمه : صرخ بها وما عطاها ويه نفس ما سوا فيج

واذا جاته وحده مقيمه اسلوبه يتغير ويصير بو حنان !!

يعني هالمقيمه مدرسه وجايه للوزارة محتشمه ولا فاصخه الحياء وتشتغل رقاصه ؟؟

وضحي اختي معنى كلامج علشان لا يلتبس الموضوع وتأخذين ذنب نفس اشهرتي به بالسوء

بارك الله فيج :)

ليه هل المقيمه فاصخه الحياء وشلون تشتغل رقاصه وتجي المجلس؟؟؟؟؟اختي انا تعجبت من تناقض الاخ المذكور الاعلاه كيف عاملني وكيف عامل الاخت المقيمه مع انها مو منقبه,بس يمكن كان يقصد باسلوبه يدعوها للتدين او انه نصير للمقيمات مادري لكن اللي اعرفه ان اسلوبه كان عاري من الذوق معاي رغم اني كنت لبقه جدا ومهنيه في طرح مشكلتي

[ريماس الغلا]

ليه هل المقيمه فاصخه الحياء وشلون تشتغل رقاصه وتجي المجلس؟؟؟؟؟اختي انا تعجبت من تناقض الاخ المذكور الاعلاه كيف عاملني وكيف عامل الاخت المقيمه مع انها مو منقبه,بس يمكن كان يقصد باسلوبه يدعوها للتدين او انه نصير للمقيمات مادري لكن اللي اعرفه ان اسلوبه كان عاري من الذوق معاي رغم اني كنت لبقه جدا ومهنيه في طرح مشكلتي



فديت روحج الطيبة على كلامج الراقي والجميل :)

وضحكتيني على انه يبي يهديها للتدين :) مادري هم جايين يسلمون عندنا !!!

واشلون هو نصير المقيمات وهو توه موقع على انهاء اكثر من 1000 واحد ووحده اجنبية !!

ههههههه المهم احنا ننتقد طريقه عمله وطريقه القاءه ولا ننتقد ما في نواياه

فهمتج حبيبتي ووضحت لي الصورة يا ذوق :nice:

[اطياف]

يا جماعة أرجو ما تاخذون الأمور بالعواطف ..
ترى اللي صاير معاكم في مدارسكم لا المجلس ولا أحد فيه قال به ولا يرضى به .. معلومات مؤكدة وصلت لها بطريقتي .. واعتقد انهم رايحين يجتمعون بكل مديرات الفوج السابع هالأسبوع .. وحسب علمي ان كل مديرة ملتزمة بالمدرسات ، الا اللي ما تبغي التدريس اصلا ، او رافضة العمل مع المديرة ، في هذه الحالة بتروح الموارد وهناك يرسلونها لمدرسة ثانية .. وأرجو ان نرتقي في الكلام حتى مع الظالمين ، ونبتعد عن السب والشتم واللعن والدعاوي ..
المهم ان المشكلة الحاصلة تنحل في غضون أيام بإذن الله .. *

[قطرية حنونه]

فديت روحج الطيبة على كلامج الراقي والجميل :)

وضحكتيني على انه يبي يهديها للتدين :) مادري هم جايين يسلمون عندنا !!!

واشلون هو نصير المقيمات وهو توه موقع على انهاء اكثر من 1000 واحد ووحده اجنبية !!

ههههههه المهم احنا ننتقد طريقه عمله وطريقه القاءه ولا ننتقد ما في نواياه

فهمتج حبيبتي ووضحت لي الصورة يا ذوق :nice:


اختي هو اسلوبه دفش مع الناس وكثيرات يدعون عليه وخلى الناس تكرهه من اول ما مسك الادارة

[**هـتــــــان**]

للاسف اصبحنا ضايعين في سلك التعليم ..

طلبات لا حصر لها ..

وعود بالجملة ..

رفض للنقل لاي مكان آخر ..

عمل + دورات + ضغوط لا حصر لها

ويطلبون الابداااااع ..


شي لا اعرف اين محله من الاعراب ..


الله يعيننا على اللي جاي ...


اي والله صدقت بكل كلمة انا ماقوووول غير عسى ربي يخارجني من وظيفة التدريس والاقي لي وظيفة غير عنها ....ويكتب الله فيها خير وربي التدريس صاير مهنة لاتطاق غير الطلبات والاستنزاااف لطاقة الشخص ...والتهديد والضغط والخصومات اللي بدون سبب .. والاردى من هالشي انهم مايخلون الواحد ينقل لوظيفة غير التدريس اللي صاير احتكار وبنفس الوقت مافية تقدير لاي شي ...يعني لاطايلين راحة وتقدير ولا وظيفة غير هالوظيفة ..الله المستعان .

[Ginger]

الله يعينكم ... الي يصير عباره عن فوضى

[**هـتــــــان**]

ارجع واقول المجلس ملزم بالبحث لكم عن مدرسه ولاتشدون الظهر بفلان وعلان الي ماسكين مناصب بالمجلس ومتولين امورنا احنا المعارات ان ماكان جاهم امر من الامين العام فماراح يتعاطفون مع موقفكم الاخ الي ملتحي ومتدين لما جيت مكتبه اطالب بحقي كمعاره الي موقفته صاحبة الترخيص يكلمني بعصبيه ومن طرف خشمه وكأني انا الغبيه الي ماعرف حقي وجايه اطالب بحقوق غيري وقاعد يتفلسف ويفسر الكتاب الغلط الي طالع بتوقيعه قلت بنفسي اذا انت متدين وماتحب تتعامل مع النساء اقعد ببيتك احسن ماجين لهالمنصب الا لخدمة الجميع نساء ورجال - - سبحان الله لما جات تكلمه وحده غيري من الاخوات المقيمات شفت الاسلوب تغير والصوت هدأ سبحان الله شفوا الفرق بس ومنها وانا غاسله يدي منهم حسبي الله ونعم الوكيل يمهل ولايهمل

الاخت صاحبة الطموح شكل الاخ اللي تتكلمين عنه اهو نفس الشخص اللي جيت مكتبة وربي طلعت ادعي علية يكلمني بنفس خايسة وكني اطر منة ...واستغربت من تناقض الشكل مع المحتوى ....بس لاني قلت معاد ابغى التدريس ابغى اغير الوظيفة تعبت ..قام يتفلسفس ...ويقول قدمي استقالتج اقول علي التزامات ابغى انقل بس يقول اسف عليج التزامات مب مشكلتي ...طيب اكتب كتاب بالموافقة على النقل ...طبعا الرد ماقدر .. وبعدين بنهاية الكلام قال :: على فكرة مايصير الاستقالات الحين عندج شهر سبعة بس ...وكل شي موقف الاستقالات والنقل ..حاليا :( يعني لازم واسطة قوية علشان اخلص من هالمشكلة اللي صار لي سنتين اعاني منها:weeping: :weeping:.