....... أنا اشك ان الخطوط القطرية فيها عفاريت ! ...........

[روح الاطلس]

السلام عليكم


انا ابي اناقش موضوع الخطوط القطرية




ورجاء حااااااااااار لاحد ينقل الموضوع لقسم السياحه لأن هالقسم اي موضوع يروح له يموت :shy: لاتزعلون من الصراحه


ابي افتح هالموضوع للنقاش في الحوار العام حتى نتحاور في هالقضية المتأزمة


انا من فترة وانا كل يوم اشيك على اسعار تذاكر الخطوط القطرية


مدري فيها عفاريت ولا اش سالفتها

كل يوم اشيك على نفس البلد ونفس التاريخ

قبل اسبوعين كان سعرها منخفض
وبعدين ارتفع
رجع انخفض
وبعدها ارتفع
وقعد على نفس السعر فترة طويلة
واليوم اشيك الا منخفض وانا كنت على وشك اني اشتري بالسعر المرتفع اللي شفته قاعد عليه فترة طويلة بعد مافقدت الامل في الانخفاض واشوا اني ماشريت
لانه اليوم رد انخفض

الغريب ان الارتفاع والانخفاض هو بنفس السعر بالضبط
يعني مثلا كانت التذكرة 2000
ارتفعت الى 2300
نزلت الى 2000
ارتفعت الى 2300 يعني الارتفاع والانخفاض محدد بنفس القيمة ( انا فكرت مثلا انها على اسعار الوقود بس لو كانت على اسعار الوقود او على اي سبب اخر ماكان صار الارتفاع والانخفاض بنفس القيمة !!! هذا شي محير وماقدرت افهمه )

المشكلة مانقدر نتنبأ بالسعر .. صايرة اسعار التذاكر مثل البورصة صعب الواحد يتنبأ فيها لاني احس انها اعتباطاً وبدون اساس على الاقل البورصة مع الدراسة والتحليل نقدر شوي نتخذ قرار سليم لكن التذاكر صارت لغز محير !!!!

الواحد يخاف يشتري اليوم بكرة تنزل ويخاف مايشتري بكرة تطلع والله احترنا

اش العمل يعني ؟ نجيب مطوع يقرأ عليهم :rolleyes2:

[معيذر جنوب]

لا تشترين

[Gh2o]

اختي التسعيره غيروها من زمااان والطريقه متعبه في كل شركات الطيران مب القطريه بس
السعر يختلف بحسب مستوى الطياره يعني السياحيه لها اكثر من سعر بحسب نوع التذكره وتاريخ شرائها والضغط على الطياره لو وايد يرفعون السعر ولو ماعليها ضغط ينزل السعر وتعرفين ممكن اثنين يسافرون مع بعض نفس الوقت ونفس الجهه بس الفرق ممكن يكون الدبل لذلك انصح الي مايعرفون لسستم الحالي ( وهو سستم مب جديد ) انهم يحجزون عن طريق مكتب القطريه ويطلب من الموظف ارخص تذكره

[eXpert*]

يعتمد على العرض والطلب !
اذا في ضغط على وجهة السفر حطوا السعر الاعلى واذا مافي اقبال نزلوا السعر .

[روح الاطلس]

طيب وهالسعر يتغير كل يوم !! بهالشكل ؟!!

وشنو هو السيستم الجديد اللي مانعرفه؟

[القلب المؤمن]

يالله سكنهم مساكنهم هههههههههه
والله صج ضحكتيني مطوع يقرا عليهم ..ترى يبيلهم :nice:

[بوحارب]

اذا تبون مطوع يقرى عليهم انه حاظر :eek2:

بس يعطوني تذكرة لبيروت بلاااااش:yawn:

وياريت لو على درجة رجال ألأعمال :D:oops:

[الخفي]

(( الخطوط القطريه مافيها عفاريت الخطوط القطريه فيها اداره ضد القطريين بشكل واضح وجلي ))

[STAR]

ماتشوف شر الخطوط القهرية

[moojq6r]

ذبحو العالم ب أسعارهم

[ابو محمد7]

انا صارت لي هالمشكلة واتصلت واستفسرت منهم واللي انا فهمته كالتالي

درجات الطيارة مثل السياحية ورجال الاعمال والاولى في مستويات اللي يسمونه كلاس

يعني مثلا التذكرة على الدرجة السياحية الى وجهة معينة ممكن تلاقي سعرها ب 4000 و 5000 و 6000 اذا دخلت موقعهم الحين بتلاحظ ان في اكثر من سعر المهم لما احد يحجز ويكون انتظار للحين ما دفع بتلاقي مثلا ان سعر ال 4000 مب موجود وطبعا اذا مادفع واكد حجزه بينلغي حجزه وبتدخل انت ثاني يوم وتشوف ان سعر ال 4000 موجود مره ثانية وهكذا ,

عالعموم للتأكد ممكن تتصل لهم وتستفسر منهم بيفهمونك السالفة

ملاحظة : انا ما ادافع عنهم بس انا كان عندي نفس التساؤل

[roma27]

"]صدق اولا تصدق تم زياده سعر تذكره الدرجه الاولى بالقطريه دوحه ،،لندن الي 24000ريال قطري فقط لا غير، اعتقد ان الجني العود هو اللي مرفعها[/size]

[الوجبه]

اختي رووح .ز شوفي وانا اخوج واخذي بطريقتي ..

انا الله يسلمج احجز من النت وامشى على التواريخ .. يعني مثلا لبغيت اسافرالخميس دوله س مثلا

شيكت على النت حصلتها 3000 مثلا .. وانا طالع للجمعه والسبت احصلها مختلفه 2000 وهكذا

الاسعار تختلف على حسب الضغط اولا والمواسم السياحيه وهكذا .. يعني هم لهم حسبه خاصه وعارفين

وقت المسافر وعارفين الشخص اي وقت يسافر واي وقت يكون فيه ضغط رحلات او الكراسي تكون

مليانه ..

فانتي شيكي على النت واتبعي التاريخ لين تشوفين سعر مناسب ..

سواء لج او للخدم

خذي هذي النصيحه لاني مش كل يوم اعطي نصايح ابلاش

[مشتاقة لقطر]

صح غريبة .. والله على المزاج يعطون السعراختي استلمت تذكرتها 3700 تايلاند (مارس )جيت ابي احجز لي لقيتها ارخص عنها 2800 ؟؟ عصبت اختي .. هههه

مانعرف وين السر ؟؟ والا وش هي التعويذة ؟؟

[ام السعف]

اذا تبون مطوع يقرى عليهم انه حاظر :eek2:

بس يعطوني تذكرة لبيروت بلاااااش:yawn:

وياريت لو على درجة رجال ألأعمال :D:oops:

اعترض:anger1:

[روح الاطلس]

صح غريبة .. والله على المزاج يعطون السعراختي استلمت تذكرتها 3700 تايلاند (مارس )جيت ابي احجز لي لقيتها ارخص عنها 2800 ؟؟ عصبت اختي .. هههه

مانعرف وين السر ؟؟ والا وش هي التعويذة ؟؟

قايلة لكم من زمان عفاريت:secret:

قل اعوذ برب الفلق

[روح الاطلس]

انا صارت لي هالمشكلة واتصلت واستفسرت منهم واللي انا فهمته كالتالي

درجات الطيارة مثل السياحية ورجال الاعمال والاولى في مستويات اللي يسمونه كلاس

يعني مثلا التذكرة على الدرجة السياحية الى وجهة معينة ممكن تلاقي سعرها ب 4000 و 5000 و 6000 اذا دخلت موقعهم الحين بتلاحظ ان في اكثر من سعر المهم لما احد يحجز ويكون انتظار للحين ما دفع بتلاقي مثلا ان سعر ال 4000 مب موجود وطبعا اذا مادفع واكد حجزه بينلغي حجزه وبتدخل انت ثاني يوم وتشوف ان سعر ال 4000 موجود مره ثانية وهكذا ,

عالعموم للتأكد ممكن تتصل لهم وتستفسر منهم بيفهمونك السالفة

ملاحظة : انا ما ادافع عنهم بس انا كان عندي نفس التساؤل


يعني قصدك ان في الموقع مايطلعون ارخص سعر ؟؟


اشرايك أمس اتصلت على ريجنسي اسألهم عن السعر

قالوا لي السعر اعلى من سعر الموقع بحدود 80 ريال
وسكرت منهم واتصلت على الخطوط القطرية !!! قالوا لي السعر مضاف عليه 300 ريال!! شوف الشطحه

يعني مكتب القطرية اسعاره اعلى من المكاتب السياحية

لاحد يقرب صوب مكتب القطرية ابدااااااا
والشراء بالانترنت ارخص على ما اعتقد ب 5%

لكن في الانترنت مثل ماقلت لكم تابعوهم يوم بيوم كل يوم مرة طالع ومره نازل ياتصيد يا ماتصيد

[بوخالد911]

غالبا الاسعار تطلع فوووق بعد 1 أبريل

وقبل هالتاريخ يكون السعر دااااون

الله يعيين

يبووونك تحجزز بدرري

بس لو الغيت الحجزز بيكون عليك رسووم

والله حالة
:(

[روح الاطلس]

"]صدق اولا تصدق تم زياده سعر تذكره الدرجه الاولى بالقطريه دوحه ،،لندن الي 24000ريال قطري فقط لا غير، اعتقد ان الجني العود هو اللي مرفعها[/size]

الجني العود مهب هين هههههه


تذكرة لندن الدرجة الاولى قبل شهرين شفتها بـ 16900 وشوي من 1/6/2010 الى 5/7/2010

حرام راحت عليكم:tease:

[روح الاطلس]

اختي رووح .ز شوفي وانا اخوج واخذي بطريقتي ..

انا الله يسلمج احجز من النت وامشى على التواريخ .. يعني مثلا لبغيت اسافرالخميس دوله س مثلا

شيكت على النت حصلتها 3000 مثلا .. وانا طالع للجمعه والسبت احصلها مختلفه 2000 وهكذا

الاسعار تختلف على حسب الضغط اولا والمواسم السياحيه وهكذا .. يعني هم لهم حسبه خاصه وعارفين

وقت المسافر وعارفين الشخص اي وقت يسافر واي وقت يكون فيه ضغط رحلات او الكراسي تكون

مليانه ..

فانتي شيكي على النت واتبعي التاريخ لين تشوفين سعر مناسب ..

سواء لج او للخدم

خذي هذي النصيحه لاني مش كل يوم اعطي نصايح ابلاش


مشكوور على النصايح الثمينه كثر منهاا


بس صعبه جداً اني اصيد ارخص سعر وانا وراهم وراهم لين اخذ السعر اللي براسي:nice:

[روح الاطلس]

غالبا الاسعار تطلع فوووق بعد 1 أبريل

وقبل هالتاريخ يكون السعر دااااون

الله يعيين

يبووونك تحجزز بدرري

بس لو الغيت الحجزز بيكون عليك رسووم

والله حالة
:(



بعد مو كل التذاكر ممكن تلغيها

ارخص سعر على السياحيه لا يمكن الغاؤه ولا تغيير موعد الحجز ! مصيبه لو حجزت من شهر مارس على الصيف مثلا وعقب صادك ظرف !


بس الحقوو على تذاكر لندن يا بلاااااااااااااش على السياحيه اول مرة اشوفها بهالرخص

سعرها 2100 ريال بسسسسسسسسسس وفي هالوقت تعتبر لؤؤؤطه

ولما سألتهم شهر 2 على ما اذكر عن سعر التذكرة لشهر 6 قالوا لي 2500 ريال !!

يعني الحين سعرها فوق الحلووووو

[مضاربه]

يروحون ويردون على القطريه والله انا اشوفها افضل طيران وشفيها الاداره الا خلت سمعه القطريه في السماء لكن ناس تبون كل شي على مزاجكم والاسعار تتغير في كل طيران العالم بعطيك مثال انا حاجزه من فيينا الى لندن على الخطوط البريطانيه طلع لي جدول السعر يختلف على حسب االوقت واختلاف كبير مب قليل والله المستعان

[خوي الشوق]

اسعار التذاكر للقطريه في قطر اغلى من انه الواحد ياخذها خارج البلاد وبفرق كثير معناته مراعات الي في الخارج والقطري صاحب حقول البترول والغاز فلوسه وايد لانه الي ماسك اجنبي على هيئة قطري وهذي نظرة المرتزقه

[@north_star@]

انا من فترة بسيطه شيكت وقارنت الاسعار وفعلا الاسعار يوم تنزل ويوم ترتفع وطبعا على حسب الموسم وهذا الشي موجود فى معظم خطوط الطيران

[بنت سيف]

في كل شركات الطيران في العالم هناك تقسيمة لأسعار التذاكر في الدرجات المختلفة .. وليس فقط في الخطوط القطرية ..

هناك السعر الكامل للدرجة ..
وهناك المخفض ..
وهناك المخفض لفترة معينة ..

لنفترض أن درجة رجال الأعمال بها .. 48 مقعد ..
ستكون أسعار التذاكرلنصف هذه المقاعد .. كاملة ..
وعدد من المتبقي سيكون مخفض ..
والباقي بالسعر المخفض لفترة محددة ..

أما عن كيف تحصل على المقعد المخفض ..
فهو يعتمد .. على أسبقية الحجز ..
لذلك كلما تم الحجز مبكرا .. كلما زادت الفرصة في الحصول على مقعد مخفض في الدرجة التي السفر عليها الشخص ..

وفيما يلي .. رموز الحجز العادية والمخفضة لكل درجة والمستخدمة في أغلب .. شركات الطيران في العالم ..

تقسيمات الدرجة الأولى ::

F = Full Fare Unrestricted First Class
التذكرة الكاملة غير المخفضة ..

A = Discounted Fare First Class
التذكرة الكاملة المخفضة .

P = Premium USA Transcon First Class on 3 classers
مستخدمة في الولايات المتحدة .. إذا تواجد 3 تقسيمات على الدرجة الأولى .. ويكون سعرها الأغلى ..

R = First Class AWARD TICKET
التذكرة على النقاط

X = First Class UPGRADE AWARD from paid Business
التذكرة المرفعة من درجة رجال الأعمال إلى الدرجة الأولى

درجة رجال الأعمال ::

C/J = Full Fare Unrestricted Business Class
التذكرة الكاملة غير المخفضة ..

D = Discounted Fare Business
التذكرة الكاملة المخفضة .

I = Business Class Upgrade class from Economy (Better known as 'NC' class)
التذكرة المرفعة من الدرجة السياحية إلى درجة رجال الأعمال ..

O = Business Class AWARD TICKET
التذكرة على النقاط ..

Z = Heavily discounted Business Class - generally NOT "legally" upgradeable
التذكرة مخفضة جداً وغير قابلة للترفيع إلى درجة أخرى

الدرجة السياحية ::

هناك عدة تفسيمات .. تتبع تخفيضات بسبب المواسم .. أو موقع المقعد في الطائرة .. نظرا لأن الدرجة السياحية .. تحمل عادة أكبر ععد من المقاعد على الطائرة ..

B = Almost Full Fare Economy with minimal restrictions
تذكرة تقريبا كاملة مع بعض القيود

E = 'Ted' and some low web/discount fares from early 2005.
تذكرة مخفضة مشتراه من النت ..

H = Higher level Economy Class with few restrictions.
تذكرة مخفضة قليلا .. مع بعض القيود

K = Seasonal Economy heavy discount Promotional Fares/Reduced Fare Gov’t contract etc
تذكرة مخفضة كثيرا .. بسبب موسم أو تعاقد حكومي

L = Discount Fare Economy often with a
lot of restrictions
تذكرة مخفضة مع الكثير من القيود ..

M = Almost Full Fare Economy with very few restrictions
تذكرة تقريبا كاملة السعر مع قليل من القيود .

N = Economy Class AWARD TICKET
تذكرة على النقاط

Q = Discount Economy with moderate restrictions.
تذكرة مخفضة .. مع قيود معتدلة ..

T = Heavy discount Fare Economy - often with a lot of restrictions
تذكرة مخفضة كثيرا .. مع الكثير من القيود ..

V = "Mid level" Discount Fare Economy, often with quite a few restrictions
تذكرة مخفضة مع قليل من القيود .. تأتي في مكان محدد من الطائرة بين درجة رجال الأعمال والدرجة السياحية

W = "Mid level" Discount Fare Economy, often with some restrictions
تذكرة مخفضة مع بعض القيود .. تأتي في مكان محدد من الطائرة بين درجة رجال الأعمال والدرجة السياحية

Y = Full Fare unrestricted Economy class - generally fully refundable
تذكرة كاملة السعر غير مخفضة .. يمكن استرجاع ثمنها كاملا ..


مصدر البحث :: FlyerTalk Forums

أرجو الاستفادة للجميع

بنت سيف

[روح الاطلس]

طيب كيف نحجز على k

[بنت سيف]

طيب كيف نحجز على k

عن طريق السؤال ..

تسألين .. كيف يمكنني الحجز على درجة كذا .. في الفترة كذا .. وإذا تم الحجز .. سيطلب منك الدفع فورا ..

المشكلة أن الحجوزات على الدرجات المخفضة .. تحتاج أن تقام بفترات طويلة قبل السفر ..

السفر المفاجيء والسريع .. لا يحظى بهذه الخاصية ..

بنت سيف

[roma27]

[QUOTE=روح الاطلس;5860853]الجني العود مهب هين هههههه


تذكرة لندن الدرجة الاولى قبل شهرين شفتها بـ 16900وشوي من 1/6/2010 الى 5/7/2010

حرام راحت عليكم:tease:[/QUOT* معقوله ب16900 وين هذا السعر سعر خيالي:tease: للجويه القطريه،

[القلم الصريح]

السعر التذكره يعتمد على فأة الدرجه

مثلا : الدرجة السياحية فيها 3 فئات وكل فأة يختلف سعرها عن الثاني

وانا صارت معاي كنت مسافر لاحد الدول العربيه فتذكرتي اخذتها 2200 واللي جالس جنبي ماخذها ب 4000

وهاذي الفكره طلعها اكبر الكبائر كانت مش موجوده فالسابق

[شاهيناز]

"]صدق اولا تصدق تم زياده سعر تذكره الدرجه الاولى بالقطريه دوحه ،،لندن الي 24000ريال قطري فقط لا غير، اعتقد ان الجني العود هو اللي مرفعها[/size]

من شهر كانت التذكره 23 الف
مسكين الي لين الحين ماشرى تذكره
كل يوم بترتفع

[جوال 11]

أكيد يحسبون خسائرهم يوم أنفجار بركان أيسلندا ومكتب المحاسبة في الهند ولما يغلطون في الحسبة يزيدون الأسعار ولما يعرفون الصج يخفضون الأسعار

[roma27]

السعر التذكره يعتمد على فأة الدرجه

مثلا : الدرجة السياحية فيها 3 فئات وكل فأة يختلف سعرها عن الثاني

وانا صارت معاي كنت مسافر لاحد الدول العربيه فتذكرتي اخذتها 2200 واللي جالس جنبي ماخذها ب 4000

وهاذي الفكره طلعها اكبر الكبائر كانت مش موجوده فالسابق

اللهم عافنا عما ابتلوا.

[روح الاطلس]

[QUOTE=روح الاطلس;5860853]الجني العود مهب هين هههههه


تذكرة لندن الدرجة الاولى قبل شهرين شفتها بـ 16900وشوي من 1/6/2010 الى 5/7/2010

حرام راحت عليكم:tease:[/QUOT* معقوله ب16900 وين هذا السعر سعر خيالي:tease: للجويه القطريه،



Look at this
http://dl104.herosh.com/a16a28655e23eeaf73e8860355ea8094/_______.bmp

http://dl104.herosh.com/a16a28655e23eeaf73e8860355ea8094/_______.bmp

انا خذت الصورة من زمان حوالي شهرين !! بس فرررررررررررق كبير راحت عليهم اللي ماحجزو

[£عبدالعزيز£]

يعتمد على تاريخ الحجز .. اذا كان موسم (نفس الاعياد مثلا) الاسعار ترتفع

اما لو مب في موسم معين السعر يكون اقل .. ونفس الشي بالنسبة لوقت الحجز

اللي يحجز قبل شهرين يمكن يكون غير عن اللي يحجز قبل ساعتين

..

وفي اختلاف في اسعار التذاكر .. مثلا التذكرة المرنة اللي تكون مفتوحة

وممكن تغيير موعد العودة اكثر من مرة .. وفي التذكرة شبه المرنة وتسمح بتغيير

الحجز مرة وحدة مجانا .. واظن فيه التذكرة اللي ما تتغير