][ مـسـاعـده فـي الـراوتـر الأفـضـل تـغـطـيـه ][

[مريش]

السلام عليكم ورحمه الله وبركاته

شخباركم شباب

حاب تحلون لي هالمشكله الي معوره راسي والله :(

عندي راوتر كيوتل :nice: والله أحسن منه مافيه لي شخصياً :shy:
لكن أخوي العزيز في ملحق خارجي والبعد بيني وبينه ماعرف احسبها بالضبط
لكن منطقياً أنا تقريباً ورى البيت من جهه وهو بعد من الجهه الاخرى ورى البيت
هههه عليكم الحسبه لو الارض 1200 ولاتنسون المبني الحلو

شلون يشبك عالنت والراوتر بغرفتي !!

بحثت الكثير وسمعت وقريت عن لنكسيس وبيلكن
الصراحه بيلكن لقيته بـ 1000 وشيء اعتقد في محل قطر اون لاين بالخريطيات
اندهشت من سعره قلت اكيد مواصفاته خياليه وفعلاً لما قالي الرجال
عن تغطيه شبكته وشلون يخلي اتصال النت ثابت وقوي وغيره
والكل يتكلم عنه لكن محد جربه هني المشكله !!

الحين شنو الحل ياجماعه في راوتر قوي وتغطيته قويه بحيث يوصل
للشخص الي في الملحق :nice:

للعلم عندي ايضاً جهاز راوتر لكيوتل اخر وجهاز مقوي ارسال للنكسيس
لو حد عنده خلطه سحريه
المقوي لو شبكته مع المودم بينقطع لان لازم الراوتر لنكسيس عشان
يكون متطابق ويكون افضل ويفضل

[كلامك صح]

مرحبا اخوي
باعطيك حل يريح راسك ويفكك ويوفر عليك
لو شريت ربيتر مقوي ارسال ممكن مايلقط الاشاره تمام وسعره غالي وممكن يقطع
ولو شريت راوتر الي تقول عنه ب 1000 سعره غالي وتقريبا ماراح يفرق في الاشاره لان بتكون حواجز
انا اشور عليك تركب الراوتر الثاني الي تقول عندك من كيوتل تخليه عن اخوك
وتمد واير وادري هذي المشكله لكن احسن حل
تمد واير النتوورك من راوترك الى الراوتر الثاني
وبيتصل الثاني بالنت اوتوماتك او اعمل له ريست
على طو بيتعرف مايحتاج برمجه
وبهالطريقه بتكون عندك الاشاره ممتازة وسعر كيبل الشبكه رخيص نسبيا ممكن المتر بريال
واتمنى تناسبك الطريقه

[مريش]

مرحبا اخوي

المشكله في الكيبل عفيسه انا غرفتي كلها وايرات وسالفه

لو في حل ثاني بنظرك قول

الواير حلو لكن مسوي بلبله بالغرفه

[المبرمج صلاح]

مرحبا اخوي

المشكله في الكيبل عفيسه انا غرفتي كلها وايرات وسالفه

لو في حل ثاني بنظرك قول

الواير حلو لكن مسوي بلبله بالغرفه

اية المشكلة اخوي كلها واير واخد من رواترك الي الرواتر الاخر مجرد واير ولا هياخر ولا هيقدم في الوايرات اللي عندك
هههههههههههههههههههههههههههههههههههههههههههههههههه هههههههههههه

[SRT 8]

اخوي في مقوي تقدر تشتريه

وهو يكون جي

الراوتر >>>>>>>>>>>> المقوي >>>>>>>>>>>>> مكان اخوك

[honey_uk]

بحكم خبرتي في هالاشياء انا اقولك مافي احسن من الواير لعدة اسباب
١- ثبات اداء الشبكه والانترنت
٢- سهولة التركيب
٣- اداء يفوق اداء المقوي او معيد الاشاره (الربيتر)
٤- افضل حل خاصة للعب اونلاين عن طريق الكمبيوتر(اكس بوكس او سوني ٣)

جيب لك اي شخص متخصص بتمديد وايرات التلفون داخل الطوفه بتلاقيهم وايد ياريال

مابتشوف الواير وبيمده لك بطريقة يكون مخفي بس يوصل للراوتر اللي عندك من راوتر اخوك ...

نصيحتي ابتعد عن الربيتر او مقوي الاشاره لان اقل جهاز بيأثر على الشاره وبيفصل وايد وبيمللك

واي استفسار انا حاظر وفالشوفة :)

[مريش]

مشكورين اخواني كلكم والكل اجتمع على الواير
بنتم على هالواير لين يركبون نت بالملحق :weeping:

لان النت عندي لاب توب + هلي + سوني 3

قسم بالله كرهت سوني 3 والسبه اللاق :rolleyes2:
وكلمتهم يحولون 1 ميجا الى 2 ميجا عسى تنحل المشكله :weeping:

وشاكرين حسن تعاونكم
:(

[قطراوي للأبد]

والله ياخوي نفس المشكله كانت عندي

بكل سهوله

طلعت واير من الراوتر وحذفته برى البيت p=

ووصلته الملحق من الحوش !! عشان ماتاذيني الوايرات

وشبكته فالراوتر فالملحق

وانتهى الموضوع