"لا"... ما تـــزوج الا من الجمـاعــــــــــــة!!!!

[ورقــة أمــل]

السلام عليكم ورحمة الله وبركاته،،



هالأيام مواضيع الزواج هابه في المنتدى :tease: ومن ضمن مواضيع الزواج اللي مرت علي في الفترة الأخيرة الموضوع التالي: :)


عندما يرغب أحد الأبناء بالزواج من فتاة ليست من القبيلة او من "الجماعة" مثل ما يقولون..

تأتي الأم أو الأب ويغلق جميع الطرق في وجه الشاب ليقول له " لا.. ماتاخذ الا من جماعتنا"

مع أن البنت ممكن تكون فيها جميع المواصفات اللي يرغب بها الرجل لشريكة العمر ومستعده تعيش معاه على الحلوة والمره

فيضطر اللأبن أن يبر بوالديه ويتزوج بمن يختارونها رغما عن رغبته... والنتيجة مشاكل، طلاق، أبناء مشتتين...الخ


سؤالي هو: انزين لــــــــــــيش؟


والاجابات اللي لقيتها من البعض واللي تعرضوا لنفس المواقف هي:

هم أقل منا مستوى :anger1:

هم فقارى احنا اغنى منهم :anger1:

امها من جنسية اخرى :eek5:

ابوها من مذهب واحنا من مذهب "انتو فاهمين" :rolleyes2:

أحنا ما نتزوج من هالعايلة لان علاقتنا معاهم مب اوكي :rolleyes2:

مب قطريين اصل او يمكن متجنسين :eek5:

مب اتيكيت :secret:

احنا ما ناخذ الا من جماعتنا :omen2:

اول مرة نسمع بهالعايلة!.......... وغيرها من أسباب :weeping:


هل ترون هذه الاسباب مقنعة لدرجة اجبار الإبن على الزواج من أخرى و ما يترتب عليه من حياة زوجية قد تكون فاشلة!


وشنو رايكم لو مر عليكم نفس الموقف يوم من الأيام؟


وما رأي الشــرع في هكذا موضوع؟




ولكـــم المايـــك http://t3.gstatic.com/images?q=tbn:sxn3tjx-owHa0M:http://karenclong.com/images/mic.gif

[@فهد@]

حلاة الثوب رقعته منه وفيه :) وبالتوفيق

[كركم]

اذا هذا رأي البنت من حقها تختار المواصفات.. محد يقدر يغير قناعتها الا الزمن ..يعني عقب ما يفوتها القطار؟
اما اذا البنت موافقه على كسر هذا العرف والرجال كفو بس اهلها رافضين هنا الغلط<<<
والكلام ينطبق على الرجل بعد

[مشتاقة لقطر]

والله هو صار انفتاح وتغيرت النظرة..

بس فيه عوايل للحين عندهم نظرة الاستحالة للزواج من برع العايلة..

لان على قولة اخونا الفهد حلاة الثوب رقعته منه وفيه ..

وبصراحة اللي شفته حولناوحوالينا .. من امور .. تطري على الرجل ما توقف معاه وتقدره الا بنت عمه ..

اما لو خذ من برع .. من يصير له ما صار فلس والا صار له شي على طول تنسحب بنت الناس ..

ما ابي اعمم بس هذا اللي شفته .. بعيني على اكثر من حالة ..

[Ginger]

من برع العايله ولا من داخل العايله

اللي تخاف الله تخاف الله والي ماتخاف ما تخاف

وبنات العايله مب احسن من العوايل الثانيه

والحمدالله كل عايله في الزين والشين

ولو هالشيء في جوانب ايجابيه ولا سلبيه كان وضحه لنا رسول الله صلى الله عليه وسلم

الرسول عليه الصلاة والسلام زوجاته واجد ومتنوعين والحمدالله

والعاداات والتقاليد ما تهمني دامها ما ترجع للاسلام في شيء

اذا البنت الاسلام كرمها وجعل لها راي في اختيار الزوج فما بال الولد عيل !!!!!!!!!!!!!!!!!!

وانا من رايي الشخصي مب من حق الام والابو يغصبون الولد بالزواج من وحده هو ما يبيها ( من اللي بيعيش) ولحد يتفلسف ويقول الولد ما يعرف مصلحته وامه وابوه يعرفون ... اذا للحين ما يعرف مصلحته عيل ليش يتزوج !!!!!!!!!!!!!!


واخيرا احب اقول كلام رسول الله صلى الله عليه وسلم

"تنكح المرأة لأربع : لمالها ولحسبها ولجمالها ولدينها فاظفر بذات الدين تربت يداك"

ما قال تنكح لانها من العايله او بنت عم او بنت خال


محد ودانا في داهيه الا العادات والتقاليد التي لا تمت للاسلام بصله

[طموحي عالي]

اممممم

انا من واقع تجربه

القصه الاولى / اخذ من نفس العايله وتصير له بنت خالته بالنهايه محد منهم يقدر الثاني والمشاكل وايد وتوصل للاهل

القصه الثانيه/ اخذ من برع احترام التزام احساس بالمسؤوليه


بالنهايه على نوع البنت والرجل

في بنات الله محليهم بالصبر وحب الزوج والستر وعندهم فكر وبديهه وحسن تصرف

وفي بنات الله بالخير لو الريال قال لها كلمه طارت بيت اهلها <<< وانا ضد ان البنت ترو بيت اهلها عشان ماتكبر المشكله وعشان يكون الحل اسرع ومابينكم وماتترك له مجال ان يكبر الزعل

في رياييل صبورين وماشاء الله يقدر البنت واهلها

وفي رياييل على اتفه الاسباب راح لامه ومسوي امه جنها وحده معاهم بالبيت او بالاحرى بالغرفه
او قال لها روح بيت اهلج



اما كلامك اخوي اللي كتبته فوق


والاجابات اللي لقيتها من البعض واللي تعرضوا لنفس المواقف هي:

هم أقل منا مستوى

هم فقارى احنا اغنى منهم

امها من جنسية اخرى

ابوها من مذهب واحنا من مذهب "انتو فاهمين"

أحنا ما نتزوج من هالعايلة لان علاقتنا معاهم مب اوكي

مب قطريين اصل او يمكن متجنسين

مب اتيكيت

احنا ما ناخذ الا من جماعتنا

اول مرة نسمع بهالعايلة!.......... وغيرها من أسباب


اعتقد ياخوي لو كل واحد من الهنا يفهم بالدين والحديث اللي يقول

من ترضونه خلقه ودينه <<< للرجل ماقال ماله ولا عايلته ولا ولا ولا

ومافي حديث او ايه بالدين تقول لازم تاخذون من نفس العايله

واصلا هذا الامر يسبب امراض

واعرف ناااااااس واااااااااااايد تطلقوا لان لما جابوا اول طفل يكون مريض ويموت


هذا رايي وبانتظار البقيه

[طموحي عالي]

من برع العايله ولا من داخل العايله

اللي تخاف الله تخاف الله والي ماتخاف ما تخاف

وبنات العايله مب احسن من العوايل الثانيه

والحمدالله كل عايله في الزين والشين

ولو هالشيء في جوانب ايجابيه ولا سلبيه كان وضحه لنا رسول الله صلى الله عليه وسلم

الرسول عليه الصلاة والسلام زوجاته واجد ومتنوعين والحمدالله

والعاداات والتقاليد ما تهمني دامها ما ترجع للاسلام في شيء

اذا البنت الاسلام كرمها وجعل لها راي في اختيار الزوج فما بال الولد عيل !!!!!!!!!!!!!!!!!!

وانا من رايي الشخصي مب من حق الام والابو يغصبون الولد بالزواج من وحده هو ما يبيها ( من اللي بيعيش) ولحد يتفلسف ويقول الولد ما يعرف مصلحته وامه وابوه يعرفون ... اذا للحين ما يعرف مصلحته عيل ليش يتزوج !!!!!!!!!!!!!!


واخيرا احب اقول كلام رسول الله صلى الله عليه وسلم

"تنكح المرأة لأربع : لمالها ولحسبها ولجمالها ولدينها فاظفر بذات الدين تربت يداك"

ما قال تنكح لانها من العايله او بنت عم او بنت خال


محد ودانا في داهيه الا العادات والتقاليد التي لا تمت للاسلام بصله


صح كلامج

[شاهيناز]

مافيها شي الواحد يتزوج من غير العائله
بس من الخطئ ان البنت او الولد يتزوجون من دون موافقه الاهل واقتناعهم
لان الانسان في الاخير مرجعه لهله وخاصه البنت
سبحان الله ماتتوفق لما تتزوج بدون رضى الاهل

المشكله مب في هم احسن ولا اقل
المشكله في رضى الاهل
المفروض يكون عندهم قناعه بزواج ابنهم او بنتهم
والعناد مايضر الا الابناء
لكن ها المروث الثقافي مع الايام بدا يقل ويفقد مفعوله وصار في تداخل بين العوائل

وتسلمين اختي احب المواضيع الاجتماعيه موضوعك وموضوع الاخ ماستر مسوين جو حلو

[هبة ريح]

لازواج ولا هم الوحده اتم بدون زواج احسن لها من المشاكل وعوار الراس

[حاسوبيان]

يازين الزواج
الله يرزق كل وحيد

من اي ناس ما يهم
المهم زوجه تطبخ وترتب الفراش وتغسل الملابس وتسوي جو عائلي

[متداول عالمي]

نسيت القرعي

يعني يحجر على البنت حتى توافق انه يتزوجها وممكن تصل الى قتل اي شخص يتقدم لها :)

[بن رومي]

يازين الزواج
الله يرزق كل وحيد

من اي ناس ما يهم
المهم زوجه تطبخ وترتب الفراش وتغسل الملابس وتسوي جو عائلي

احسن شي


ههههههههههههه

[الـقـاسـي]

نسيت القرعي

يعني يحجر على البنت حتى توافق انه يتزوجها وممكن تصل الى قتل اي شخص يتقدم لها :)

يارجال حتى القرعي ماصاروا يعترفون فيه البعض هالايام ..

انا عن نفسي افضل الزواج من الاقارب لانه اضمن وافضل ..
وفالنهايه كلها قسمة ونصيب وبيد رب العالمين

[شمعة الدوحه]

موضوع حلووو والله اختي كيووو

وقاعده أمر بنفس الموضوع هالايام

لان اخوي يبغي يتزوج باختياره هو

اللي بقوله

ان من حق الرجل اختيار شريكة حياته لانه لو صار مشاكل لاسمح الله هو اللي بيتحمل نتيجة اخطائه واختياره وماراح يندم كثر لو كانوا الاهل هم اللي مختارينها لانه راح يلومهم طول عمره

وموب معناته خذ وحده من قرايبه انها بتتحمله وبيكون سعيد معاها

ويعطيج الف عافيه

[w.qatar]

ما لهم حق يجبرون الولد

اصلا هالزمن خلاص محد ينجبر لا البنت و لا الولد زمان اول تحول

[STAR]

من ناحيتي ماتفرق عندي... من العايلة والا من بره العايلة... اهم شي محترم و خايف ربه..

[العقل المدمر]

من ناحيتي ماتفرق عندي... من العايلة والا من بره العايلة... اهم شي محترم و خايف ربه..


نفس الشي :shy:

[هاب ريح]

يا ريت تكون هناك دراسات اجتماعية لقطريين او غير قطريين بخصوص هذه القضايا والمسائل الاجتماعية ونطلع من خلالها على حجم المشكلة او الظاهرة بشكل علمي وواضح يعني بارقام ونسب !!
الحين المجلس الاعلى للاسرة وينه ؟؟ ما اخباره ؟؟ وين دراساته ؟؟
كنت اتمنى معرفة الحقيقة قي مسالة الميل الى زواج الاقارب ! على العموم المسالة شوي حساسة في مجتمعنا لكن هذا ما يمنع ان تكون هناك دراسات وارقام معلنة
الشفافية زينة !!

[Ussop]

أسباب زواج الأقارب عادة ما تكون، بسبب معرفة الشاب لقريبته، ومن خلال هذي المعرفة يقوم يعجب فيها ويحطها فباله للزواج ... وهي غالباً تكون أول خيار يكون قدام عينه إذا ما عزم على الزواج.

وأيضاً لأن سجل بنت الأقارب معروف، وكذلك أهلها، فما فيه حاجة للتعب والسؤال (والمخاطرة) بالارتباط كما في بنت الأغراب.

أما موضوع إني أتزوجها فقط لأنها بنت عمي أو قريبتي فهذا كلام زمانه ولى بعتقادي،،،

عن نفسي، لم يعجبني أحد من الأهل ... لذلك إن كان فيه نصيب راح يكون من برى...

شكراً :)

[الأصيلة]

مافيها شي الواحد يتزوج من غير العائله
بس من الخطئ ان البنت او الولد يتزوجون من دون موافقه الاهل واقتناعهم
لان الانسان في الاخير مرجعه لهله وخاصه البنت
سبحان الله ماتتوفق لما تتزوج بدون رضى الاهل

المشكله مب في هم احسن ولا اقل
المشكله في رضى الاهل
المفروض يكون عندهم قناعه بزواج ابنهم او بنتهم
والعناد مايضر الا الابناء
لكن ها المروث الثقافي مع الايام بدا يقل ويفقد مفعوله وصار في تداخل بين العوائل

وتسلمين اختي احب المواضيع الاجتماعيه موضوعك وموضوع الاخ ماستر مسوين جو حلو

كلامك اختي شهيناز عين العقل..
نعم لم نجحت أي حياة قامت على العناد وتهميش أراء الأبوين وخاصة عناد البنت..
الا إذا كان الأب او الإخوان ظالمينها وهذه حالة نادرة...
وانا أعرف والله إحدى الأخوات والتي وصل سنها إلى مابعد الـ 40
عاندت اخوانها لـ تتزوج من رجل ليس من جنسيتها
ولكن هي الآن نادمة أشد الندم ولا تستطيع الإفصاح عن هذا الندم
فـ خسرت أخوانها من اجل من لا يستحقها...
وفي رأي الخاص التوافق الإجتماعي من اهم أسباب نجاح الزواج ...
والتفاوت في المستوى العلمي والمادي والأصل
والبيئة قد يعرقل مسيرة الحياة الأسرية بعض الاحيان
حسب مفاهيم الزوجين ومدى ثقافتهم الأسرية...

[ورقــة أمــل]

حلاة الثوب رقعته منه وفيه :) وبالتوفيق

يزاك الله خيرر ولكني لست من المؤيدين :rolleyes2:

[ورقــة أمــل]

اذا هذا رأي البنت من حقها تختار المواصفات.. محد يقدر يغير قناعتها الا الزمن ..يعني عقب ما يفوتها القطار؟
اما اذا البنت موافقه على كسر هذا العرف والرجال كفو بس اهلها رافضين هنا الغلط<<<
والكلام ينطبق على الرجل بعد

الله يعين البنات والشباب

وشكرا لك اخووي

[ورقــة أمــل]

والله هو صار انفتاح وتغيرت النظرة..

بس فيه عوايل للحين عندهم نظرة الاستحالة للزواج من برع العايلة..

لان على قولة اخونا الفهد حلاة الثوب رقعته منه وفيه ..

وبصراحة اللي شفته حولناوحوالينا .. من امور .. تطري على الرجل ما توقف معاه وتقدره الا بنت عمه ..

اما لو خذ من برع .. من يصير له ما صار فلس والا صار له شي على طول تنسحب بنت الناس ..

ما ابي اعمم بس هذا اللي شفته .. بعيني على اكثر من حالة ..

اختي لا اوافقك الرأي

المرأة اللي تحب زوجها وتصونه مستعده تعيش معاه طول العمر سوا كانت بنت عمه ولا من برع العيلة ومهما كانت حالته المادية

و الحب مب شي ينوجد بين العائلة وبس

هو شي ينوجد بالعشرة والتفاهم

اغلب الأحيان زواج الآقارب بيخلي الزوج والزوجة مرتبطين صحيح لانهم مجبورين على هالترابط

لكن مب معناته انهم يحبون بعض وراضين بترابطهم

[ورقــة أمــل]

من برع العايله ولا من داخل العايله

اللي تخاف الله تخاف الله والي ماتخاف ما تخاف

وبنات العايله مب احسن من العوايل الثانيه

والحمدالله كل عايله في الزين والشين

ولو هالشيء في جوانب ايجابيه ولا سلبيه كان وضحه لنا رسول الله صلى الله عليه وسلم

الرسول عليه الصلاة والسلام زوجاته واجد ومتنوعين والحمدالله

والعاداات والتقاليد ما تهمني دامها ما ترجع للاسلام في شيء

اذا البنت الاسلام كرمها وجعل لها راي في اختيار الزوج فما بال الولد عيل !!!!!!!!!!!!!!!!!!

وانا من رايي الشخصي مب من حق الام والابو يغصبون الولد بالزواج من وحده هو ما يبيها ( من اللي بيعيش) ولحد يتفلسف ويقول الولد ما يعرف مصلحته وامه وابوه يعرفون ... اذا للحين ما يعرف مصلحته عيل ليش يتزوج !!!!!!!!!!!!!!


واخيرا احب اقول كلام رسول الله صلى الله عليه وسلم

"تنكح المرأة لأربع : لمالها ولحسبها ولجمالها ولدينها فاظفر بذات الدين تربت يداك"

ما قال تنكح لانها من العايله او بنت عم او بنت خال


محد ودانا في داهيه الا العادات والتقاليد التي لا تمت للاسلام بصله


أؤيد رايك وبشده لكن بعد راي الوالدين مهم,, عشان جي كنت ابي اعرف راي الشرع في هالموضوع وهل في هالموضوع عقوق للوالدين او لا

شكرا عالتواصل الطيب

[كاريرا]

يعني لازم يتزوجون:con2:

اذا مافيه نصيب خلاص يتمون ربع شالمشكله

[ورقــة أمــل]

اممممم

انا من واقع تجربه

القصه الاولى / اخذ من نفس العايله وتصير له بنت خالته بالنهايه محد منهم يقدر الثاني والمشاكل وايد وتوصل للاهل

القصه الثانيه/ اخذ من برع احترام التزام احساس بالمسؤوليه


بالنهايه على نوع البنت والرجل

في بنات الله محليهم بالصبر وحب الزوج والستر وعندهم فكر وبديهه وحسن تصرف

وفي بنات الله بالخير لو الريال قال لها كلمه طارت بيت اهلها <<< وانا ضد ان البنت ترو بيت اهلها عشان ماتكبر المشكله وعشان يكون الحل اسرع ومابينكم وماتترك له مجال ان يكبر الزعل

في رياييل صبورين وماشاء الله يقدر البنت واهلها

وفي رياييل على اتفه الاسباب راح لامه ومسوي امه جنها وحده معاهم بالبيت او بالاحرى بالغرفه
او قال لها روح بيت اهلج



اما كلامك اخوي اللي كتبته فوق


والاجابات اللي لقيتها من البعض واللي تعرضوا لنفس المواقف هي:

هم أقل منا مستوى

هم فقارى احنا اغنى منهم

امها من جنسية اخرى

ابوها من مذهب واحنا من مذهب "انتو فاهمين"

أحنا ما نتزوج من هالعايلة لان علاقتنا معاهم مب اوكي

مب قطريين اصل او يمكن متجنسين

مب اتيكيت

احنا ما ناخذ الا من جماعتنا

اول مرة نسمع بهالعايلة!.......... وغيرها من أسباب


اعتقد ياخوي لو كل واحد من الهنا يفهم بالدين والحديث اللي يقول

من ترضونه خلقه ودينه <<< للرجل ماقال ماله ولا عايلته ولا ولا ولا

ومافي حديث او ايه بالدين تقول لازم تاخذون من نفس العايله

واصلا هذا الامر يسبب امراض

واعرف ناااااااس واااااااااااايد تطلقوا لان لما جابوا اول طفل يكون مريض ويموت


هذا رايي وبانتظار البقيه

والله اختى كلامج عين العقل وهاي اللي بغيت اقوله حق اختي مشتاقة لقطر فووق

ان الترابط بين الرجل والزوجة ما يتحدد بالعيلة لان هاي يعتمد على الاثنين وعلى طريقتهم في تقدر الحياة الزوجية والتفاهم والحب والعشرة

وياريت لو كل الناس يفهمون حديث الرسول صلى الله عليه وسلم لكن البعض ياخذ الحسب والنسب من الحديث وينسى الدين واللي هو أهم شي..

يعطيج العافية

[ورقــة أمــل]

مافيها شي الواحد يتزوج من غير العائله
بس من الخطئ ان البنت او الولد يتزوجون من دون موافقه الاهل واقتناعهم
لان الانسان في الاخير مرجعه لهله وخاصه البنت
سبحان الله ماتتوفق لما تتزوج بدون رضى الاهل

المشكله مب في هم احسن ولا اقل
المشكله في رضى الاهل
المفروض يكون عندهم قناعه بزواج ابنهم او بنتهم
والعناد مايضر الا الابناء
لكن ها المروث الثقافي مع الايام بدا يقل ويفقد مفعوله وصار في تداخل بين العوائل

وتسلمين اختي احب المواضيع الاجتماعيه موضوعك وموضوع الاخ ماستر مسوين جو حلو


شاكرة لج مرورج اللي اسعدني

و أكيد موافقة الأهل مهمة وعنادهم ممكن يسبب تعاسة ابنهم او بنتهم لكن بعض الأهل للاسف ما يتعظون الا لما يشوفون عيالهم مبتلشين ولا بناتهم قاعدين على جبودهم وضاعت اعمارهم على الفاضي..

الفكرة اللي ابي اوصلها ان الأهل دورهم مهم جدا انهم يشوفون الزوجة المناسبة لولدهم او الزوج المناسب لبنتهم لكن في الوقت نفسه لو الولد في خاطره وحده معينة يقعدون معاه ويسمعون له وياخذون برايه بغض النظر عن المستوى المعيشي ولا العايلة ولا غيرها بس مب معناته انهم يوافقون على أي وحده لكن ياخذوه براي ولدهم ويشوفن البنت اللي اختارها تناسب له ولا لا وعقب يرفضون..

واشكرج على الرد

[ورقــة أمــل]

لازواج ولا هم الوحده اتم بدون زواج احسن لها من المشاكل وعوار الراس

الزواج شي أساسي في حياة كل انسان و حق من حقوقه وطاعة لرب العالمين في تأديه واجبه وفي نفس الوقت هو وسيلة لتحقيق رغبة الامومة والابوة

[ورقــة أمــل]

يازين الزواج
الله يرزق كل وحيد

من اي ناس ما يهم
المهم زوجه تطبخ وترتب الفراش وتغسل الملابس وتسوي جو عائلي

والله انت على قد نياتك اخووي هههه

الله يفرحك ويزوجك بنت الحلال اللي تسوي لك جو عائلي

[ورقــة أمــل]

نسيت القرعي

يعني يحجر على البنت حتى توافق انه يتزوجها وممكن تصل الى قتل اي شخص يتقدم لها :)

مجرمين :rolleyes2:

[بوحارب]

بالنسبة لي مااااااااااااااااااااااااااااااااااحب شي اسمة زواج اقارب ولا افكر فيه بعد

مع ان وايد من الجماعة يتمنوني,,,,<<<< خف علينا يا توم كروز ههههههههههههههههههههه


لا لزواج الأقارب

[ورقــة أمــل]

يارجال حتى القرعي ماصاروا يعترفون فيه البعض هالايام ..

انا عن نفسي افضل الزواج من الاقارب لانه اضمن وافضل ..
وفالنهايه كلها قسمة ونصيب وبيد رب العالمين

الله يوفقك وينولك اللي في بالك

يسلموو

[ورقــة أمــل]

موضوع حلووو والله اختي كيووو

وقاعده أمر بنفس الموضوع هالايام

لان اخوي يبغي يتزوج باختياره هو

اللي بقوله

ان من حق الرجل اختيار شريكة حياته لانه لو صار مشاكل لاسمح الله هو اللي بيتحمل نتيجة اخطائه واختياره وماراح يندم كثر لو كانوا الاهل هم اللي مختارينها لانه راح يلومهم طول عمره

وموب معناته خذ وحده من قرايبه انها بتتحمله وبيكون سعيد معاها

ويعطيج الف عافيه

الله يعافيج

صح كلامج هو بيتحمل نتيجة قراره بس بعد احيانا بعض الشباب يستعيلون في اختيار الزوجة ومفروض عليكم كأهل تسالون عن طبعها واخلاقها وتناقشونه في الموضوع عشان لا يقع اللوم عليكم عقب انكم ما نبهتوه او ما سالتو عن البنية عدل

اله يوفقج انتي واخوج فديتج

[ورقــة أمــل]

ما لهم حق يجبرون الولد

اصلا هالزمن خلاص محد ينجبر لا البنت و لا الولد زمان اول تحول

لا والله صدقني هالشي مازال موجود بشكل كبير مع التطور والانفتاح يمكن قل شوي لكنه لازال موجود

[ورقــة أمــل]

من ناحيتي ماتفرق عندي... من العايلة والا من بره العايلة... اهم شي محترم و خايف ربه..





نفس الشي :shy:


الله يوفقكم :nice:

[فويرط]

روح بعيد وتعال سالم

[Ginger]

وقد سئل الشيخ عبد الله بن حميد- عضو هيئة كبار العلماء بالسعودية:- رحمه الله- عن زواج الرجل من امرأة يحبها بدون موافقة الأهل فقال :-

لا بأس ، إذا كانت المرأة مستقيمة في دينها وعرضها . وكذلك مكافئة لك في النسب . فلا مانع من تزوجها . وإن لم يرض والداك إذا كان امتناعهما بغير حق ، وكانوا يكرهونها بغير حق ، وأنت راغب فيها ، وهي عفيفة في دينها وعرضها وسمعتها ونسبها فلا بأس بذلك ، ولا يعتبر ذلك عقوقاً فيما لو خالفت والديك في تزوجها ، ما دام أنهم لم يكرهوها بحق ، وإنما كُرههم لها مجرّد هوى ، وأمور نفسية . أما إذا كانوا يكرهونها لحق فلا ينبغي أن تتقدم إلى الزواج منها .انتهى.

وجاء في فتاوى شيخ الإسلام ابن تيمية:-

ليس لأحد الأبوين أن يلزم الولد بنكاح من لا يريد، وأنه إذا امتنع لا يكون عاقا، وإذا لم يكن لأحد أن يلزمه بأكل ما ينفر عنه مع قدرته على أكل ما تشتهيه نفسه كان النكاح كذلك وأولى ؛ فإن أكل المكروه غايته مرارة ساعة، وعشرة المكروه من الزوجين على طول يؤذي صاحبه كذلك ولا يمكن فراقه .انتهى مع التصرف.

والله أعلم .

مقتبس من
http://www.elshabab.com/docs/general/index.php?eh=newhit&subjectid=5918&subcategoryid=157&categoryid=15

[koketa]

اهم شي موافقه الأهل والاتفاق والتفاهم بين الطرفين

[بيتي بوب 23]

يا اختي العزيزة انا مؤيده بشده ان الواحد ماياخذ الا من جماعته
جماعته يعني اهله وقبيلته بشكل اوسع لان مجتمعنا مجتمع قبلي ومتحفظ من ناحيه هالامور
وفي قطر عندنا مافي واحد يتزوج وحده وخلاص لا لالالالالالا
عايلة تتزوج عايله

[تحداني]

.. ان وجد إبن الحلال ..
ووجد الشاب بنت الحلال

ما المانع ؟؟

الحمد لله رب العالمين كلنا في قطر نعرف بعضنا البعض وان تعددت العوائل
فمساحتنا الجغرافيه جعلت تقاربنا ان لم يكن من ناحيه الارحام على الاقل من ناحيه
علاقات العمل اليوميه .. ومجالس الرجال .. وقعدات النساء


صعب جدا جدا ان يطرق شاب باب فتاه لا يعرف احداً فيه
على الاقل سيعرف اخته على احد من قريبات الفتاه
او سيطلب من امه أن تتعرف عليهم بأي طريقه كانت


ضاعت الكثير من فرص الزواج الناجحه .. ومقياس النجاح هو مدى ملائمه صفات الطرفين
ولكن كلمه " لا يسمح لكم الاقتراب الا لابواب الجماعه
" حطمت الكثير من المشاريع الموفقه
لماذا ؟؟


اي نسل هذا الذي يخافونه عليه وكلنا نعيش على هذه الارض الطيبه
واي عار تحمله العائله التي سيرتبط الطرف الآخر به ويخافون على تشويه


فتيات بعمر الورد البعض منهم يذوق الحسره على اختيار ليس لهم يد فيه
واما الرجل فبإمكانه تغير الأولى بالثانيه والثالثه ويعيش حياته


عادات وتقاليد صعبه للغايه
لا ادري متى سنتحرر منها .. وتعبنا من معارضتها ومناقشتها


.
.
عسى الله يزوج كل الشباب مو اي زواج لا
" فتيات صالحات ناضجات واعيات " يقدرون معنى الزواج ..

وعسى الله يرزق البنات برجل طيب خلوق صالح يخاف الله ..


اللهم آمين

.
.

واهم شئ رضى الوالدين
فهم بركه اي تجربه يمر بها الابناء


جملك الله برضى الرحمن

[المبرمج صلاح]

من برع العايله ولا من داخل العايله

اللي تخاف الله تخاف الله والي ماتخاف ما تخاف

وبنات العايله مب احسن من العوايل الثانيه

والحمدالله كل عايله في الزين والشين

ولو هالشيء في جوانب ايجابيه ولا سلبيه كان وضحه لنا رسول الله صلى الله عليه وسلم

الرسول عليه الصلاة والسلام زوجاته واجد ومتنوعين والحمدالله

والعاداات والتقاليد ما تهمني دامها ما ترجع للاسلام في شيء

اذا البنت الاسلام كرمها وجعل لها راي في اختيار الزوج فما بال الولد عيل !!!!!!!!!!!!!!!!!!

وانا من رايي الشخصي مب من حق الام والابو يغصبون الولد بالزواج من وحده هو ما يبيها ( من اللي بيعيش) ولحد يتفلسف ويقول الولد ما يعرف مصلحته وامه وابوه يعرفون ... اذا للحين ما يعرف مصلحته عيل ليش يتزوج !!!!!!!!!!!!!!


واخيرا احب اقول كلام رسول الله صلى الله عليه وسلم

"تنكح المرأة لأربع : لمالها ولحسبها ولجمالها ولدينها فاظفر بذات الدين تربت يداك"

ما قال تنكح لانها من العايله او بنت عم او بنت خال


محد ودانا في داهيه الا العادات والتقاليد التي لا تمت للاسلام بصله

ما شاء الله عليك وفقت اخوي

[القلم الصريح]

قول الله تعالى: ( يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ )

لو كل منا يتأمل ويطبق كل كلمه من الاية القرانيه كنا اليوم احنا بخير

[Ginger]

.. ان وجد إبن الحلال ..
ووجد الشاب بنت الحلال

ما المانع ؟؟

الحمد لله رب العالمين كلنا في قطر نعرف بعضنا البعض وان تعددت العوائل
فمساحتنا الجغرافيه جعلت تقاربنا ان لم يكن من ناحيه الارحام على الاقل من ناحيه
علاقات العمل اليوميه .. ومجالس الرجال .. وقعدات النساء


صعب جدا جدا ان يطرق شاب باب فتاه لا يعرف احداً فيه
على الاقل سيعرف اخته على احد من قريبات الفتاه
او سيطلب من امه أن تتعرف عليهم بأي طريقه كانت


ضاعت الكثير من فرص الزواج الناجحه .. ومقياس النجاح هو مدى ملائمه صفات الطرفين
ولكن كلمه " لا يسمح لكم الاقتراب الا لابواب الجماعه
" حطمت الكثير من المشاريع الموفقه
لماذا ؟؟


اي نسل هذا الذي يخافونه عليه وكلنا نعيش على هذه الارض الطيبه
واي عار تحمله العائله التي سيرتبط الطرف الآخر به ويخافون على تشويه


فتيات بعمر الورد البعض منهم يذوق الحسره على اختيار ليس لهم يد فيه
واما الرجل فبإمكانه تغير الأولى بالثانيه والثالثه ويعيش حياته


عادات وتقاليد صعبه للغايه
لا ادري متى سنتحرر منها .. وتعبنا من معارضتها ومناقشتها


.
.
عسى الله يزوج كل الشباب مو اي زواج لا
" فتيات صالحات ناضجات واعيات " يقدرون معنى الزواج ..

وعسى الله يرزق البنات برجل طيب خلوق صالح يخاف الله ..


اللهم آمين

.
.

واهم شئ رضى الوالدين
فهم بركه اي تجربه يمر بها الابناء


جملك الله برضى الرحمن

عزيزتي تحداني الزمن

كلامك منطقي جدا جدا

الاغلب يجاوب على سؤال ما المانع بالجواب التالي

" لانها مب من العايله" كن الا عايلتهم منحدره من السماء أو مافيها عيوب او كامله والكمال لله ... كل هذه الامور هي نصيب وقضاء وقدر ورزق من الله تعالى

نسوا التفكير بالجانب الثاني .. نسو التفكير خارج الصندوق ... دينها ؟ اخلاقها ؟

للاسف كثير من القبائل لحد الان تفكيرهم مغلق جدا

كيف يرا الوالدين سعادة ابنهم بالزواج من فتاه هو لا يريدها .. نسوا ان الزواج مبنى على تراضي ... انا من رأي بأن هالنوع من الاباء انانيين جدا حرموا ابنهم من حق قد شرعه الله تعالى به ... الزواج عمر مب يوم ولا يومين والتوافق والرضا جانب مهم في نجاح هالزواج

ولنا في رسول الله قدوة لما جاه رجل خطب امراْة وقال له : انظر اليها فانه احرى ان يؤدم بينكما
وهذا الكلام يشير الى التوافق النفسي بين الطرفين ولو ركزنا على كلمة يؤدم بينكما فهي تعنى تآلف القلوب

سبحان الله اذا كان رسول الله يفهم في تآلف القلوب ... شلون احنا مانفهم !!!!!

[شيخ القبيلة]

والله أني أعرف ناس مثل مايقولون (من روس العرب) مزوجين بنتهم رجال من عايلة أقل منهم مكانة،،، لكن ماشاء الله مستانسين وعندهم عيال والله يوفقهم .

[شخص ما]

مساكم الله بالخير
اسمحوا لي ابدي رايي المتواضع حول هذا الموضوع..
انا بصراااحه مع الزواج من العايله او القبيله ومثل ماقالوا حلاة الثوب الخ الخ... وافضل عدم التفصيل في الموضوع لان اهنااك بعض الاموووور اللي غير قابله للطرح*والمناقشه:secret: حول هذا الموضووع وذلك منعا لحدوث اعمال شغب فالمنتدى!!! ودمتم بود:)