ابي موشورتكم بخصوص مقابلات الشخصية يرجى الدخول

[نبض الخفوق]

انا ابي افتح شركة جديدة وابي موشورتكم بخصوص مقابلات الشخصية وين يمكن اسوي مقابلات للموظفين الجدد يعني انتر فيو يكون مكان مناسب في الدوحة في احد الفنادق
ولا مكان ثاني تشوفنه مناسب للمقابلات الشخصية ارجو انكم تفيدوني

[@فهد@]

بالتوفيق اخوي .اذا عندك مقر للشركه .. في المكتب عادي .. اهم شي تدرس الملفات الخاصه وبنا عليها تقرر من تختار قبل المقابله والمقابله تعطيك صورة اوضح عن الشخص والله يوفقك

[نبض الخفوق]

بالتوفيق اخوي .اذا عندك مقر للشركه .. في المكتب عادي .. اهم شي تدرس الملفات الخاصه وبنا عليها تقرر من تختار قبل المقابله والمقابله تعطيك صورة اوضح عن الشخص والله يوفقك


تسلم اخوي على الرد
بخصوص مقر الشركة قيد الانشاء الحين وسيتم تدشين قريبا وابي مكان مناسب يكون يصلح للمقبلات الشخصية
على سبيل المثال الفنادق وغيرها

[طموحي عالي]

الله يوفقك ماعندي فكره

[الريـــاني 1]

فندق الماريوت عندهم جلسات هادئة في اللوبي

بالتوفيق اخوي

[لاجئ عاطفي]

في فنادق عندها قاعات اجتماعات تصلح لمثل هالمقابلات مثل الشيراتون ( البزنس كلوب )

[ROSE]

السلام عليكم ورحمة الله وبركاته


مثل ماذكروا الاخوان الفنادق فيها قاعات هاديه ممكن تختار منهم اي مكان

افضل من الكوفي شوب عشان اللي جاي للانترفيو مايتشتت


وقبل المقابلات لازم يكون عندك فكره عن وظيفه كل شخص راح تقابله

شنهي مهام الوظيفيه له لان فيه ناس شاطرين في الكلام بس تحصلهم مايسوون

اللي يقولونه او ناس ينقلون النقاط في السيره الذاتيه نقل من النت

وهم مايسوون والنقطه المهمه بعد المقابله

انك تتصل في مكان شغل كل واحد قابلتهم وتسال عنهم وعن تقييمهم

وشنهي مهامهم وحضورهم

وبالتوفيق

[باراكودا]

مقهى (ذ ون) في اللاندمارك .
وبالتوفيق ياخوي

[روح الاطلس]

الفنادق مكان حلو
بس هالله هالله في اهل قطر

[الدوحة 2010]

انا اشوف فندق الانتر او الشيراتون زين
والله يوفقك

[ذيب الغداري]

انا من وجهة نظري ان الموظفين يرسلون لك السي في ..

ولين فتحت الشركة .. تجيبهم عندكم وتسويلهم الانتر فيو ..

والله يوفقك .. ويرزقك الموظفيين الطيبيين ..

[*¤ بن قطر¤*]

يرجى الدقه في اختيار المكان و الزمان ليعكس صورة الشركه ... فعند اختيار مكان 5 نجوم فأنه له انعكاس ايجابي للشخص المراد مقابلته سواء كان لمنصب مدير أو موظف استقبال.

[نبض الخفوق]

مشكورين على الردود بس مافي مكان يكون غير الفنادق مثل

[ALHAJAJI]

انا اقول سو المقابلات في الشركة عشان الموظف المستقبلي يشوف الشركة على الواقع , وبلاش خساير من البداية في فنادق وغيره

[فواز1976]

معليش اسمح لي اخوي اشاركك بخبرتي المتواضعه في مجال التوظيف ....... انا فتحت مكتب هندسي وكان عندي مجموعه من الوظائف الشاغره قابلت على اثرها ناس من داخل السعوديه وناس من بره

راح عطيك بعض النقاط علها تفيدك:
1. حدد رواتب كل وظيفه بناء على خصائص معينه ( مثل سنسن الخبره - الشهادات وخلافه ) لانه راح يجيك متقدمين كثير من مستويات مختلفه
2. اعمل لك نموذج توظيف يملأ من قبل المتقدم محدد فيه مجموعه من الاسئله والي يكون فيها بعض الاسئله الي ماودك تسألها مباشره ..... مثل الراتب الحال -الراتب المتوقع - سبب ترك العمل الحالي - هل تعاني من مشاكل صحيه - الوظع الاجتماعي وخلافه
3. جمع ومراجعه السير الذاتيه فيها مشقه اذا ما كنت منظمها صح ...... لهذا عليك التفكير بنظام لفرز وتصنيف السير الذاتيه وتقييمها
4. مكان المقابله ما اقدر افيدك لاني ماني من قطر ..... لكن مثل ما افادوا الاخوان الفنادق عندها غرف اجتماعات صغيره ممكن تحجزها ..... او تعقدها باحد مكاتب التوظيف ومنها يساعدك بتنظيم السير الذاتيه وتحديد المواعيد ....... او اذا في احد الاقارب او الاصحاب عنده شركه استخدم غرفه الاجتماعات حقتهم

بالتوفيق بهذي المهمه الصعبه خصوصاً اذا كانوا مهندسين او فنيين

[ماريسا]

بالتوفيق ان شالله

[نورهان88]

للرفع
للرفع
للرفع
يمكن أحد يدور وظيفة

[نبض الخفوق]

للرفع
للرفع
للرفع
يمكن أحد يدور وظيفة

للرفع للرفع للرفع