طلب استفسار لاصحاب الخبرة [الأرشيف] - منتديات شبكة الأسهم القطرية

بحر الكرم

15-05-2010, 07:04 PM

يوجد بيت شعبي معدل فيه صالتين كبار والمجلس خارجي 11في 12 ويوجد مطبخ خارجي وغرفه صغيرة ومساحه الارض 1120 والغرف الداخليه 5 واربع حمامات يقع في ام صلال علي عمر البيت 5 سنوات المطلوب من اصحاب الخبرة كم يسوى البيت على مواصفاته تقريبا ولكم من جزيل الشكر

شموخ دائم

16-05-2010, 12:59 PM

,

,

مرحبا اخوي

اخوي انا ما اعرفك وارد عليك

والجميع ان شاء الله يردون عليك

اخوي الكريم تقييم العقار بدون ما نشوفه صعب جدا وهذا سبب عدم الرد

يحتاج ناس متخصصه

غلط نسعر عقار ويمكن نبخسه حقه ويمكن نزيد بسعره ونظلمك

ولذلك الاخوان يتجنبون تقييم العقار لانه في امور كثيره تدخل بالسعر

منها حاله البيت ومنها الموقع والخدمات

لذلك لو شفنا العقار يسهل علينا الحكم بصوره اكثر واقعيه

وهناك معلومه ناقصه مساحه البناء كم؟

سعر الارض تقريبا في ام صلال 110 بالفوت

تطلع المساحه تقريبا 12 الف فوت وهي مساحه زينه مو صغيره

12000× 110 = مليون وثلاث مئه وعشرين الف

وعندك تقييم البناء

لازم تعرف مساحه البناء واضربها في 1800 تقريبا

راح توصل للسعر بشكل تقريبي

واكرر بشكل تقريبي

ولكن ليس سعره الاصلي يحتاج معاينه والحكم على السعر

وتقدر اخوي تشوف شركه تقيم لك المنزل مقابل تدفع ( الف وخمسمئه ريال )

ان شاء الله اكون قربت الحسبه لك بطريقه سهله

ولم اقيم العقار ولكن عطيتك طريقه التقييم

,

,

اخوكم

شموخ دائم