موقف حصل امامي يشيب له الرأس

[الكاسر99]

http://www.stocksvip.net/p/ps/(48).gif


أمس تقريباً الساعة الحادية عشر والنصف ليلاً عند إشارات إستاد خليفة بأتجاه شارع الوعب


شاهدت موقفاً لم أكن أتوقع أن أشاهده في (( قـــطـــر ))


كنت مع أخوي في السيارة وكانت الإشاره حمراء والسيارات واقفه وكانت أمامنا ثلاث سيارات صوالين


وسيارتين بجنب بعض ويخرج شاب من زجاج السيارة اللي على اليسار ويكلم سائق

السيارة اللي على اليمين وبعد قليل تنزل بنت أعتقد من جنسية عربية من السيارة اللي


على اليسار وتركب في السيارة اللي على اليمين وكل هذا والناس تشاهد هذا الموقف


وهم لا يستحون من الناس وأعتقد الشباب من الجنسية الفلسطينة أو المصرية


وسألت أخوي وقلت له وش اللي قاعد يصير في بلادنا (( قطر ))


قال لي أنا مالي شغل لو أحتكيت فيهم أو كلمتهم وراحوا أشتكوا راح أطلع أن الغلطان


إلى هذه الدرجة وصل بنا الحل أن الأجانب يفعلون ما يحلوا لهم في بلادنا من غير أن نستطيع


أن نفعل لهم أي شي وهل لو أخذت رقم السيارتين وبلغت عنهم سيفعلون لهم شي


أم سيقولون أن البنت ما دام أنها لم تشتكي وهي راضية لا نقدر أن نفعل لها شي



لو كنت أنت مكاني ماذا ستفعل .............؟؟؟؟

[ودي أكون]

متأكد انهم مو أهل !! او قرايب !! أو أو ..


عني أنا بحسن الظن ..


مامداهم يتكلمون من الدرايش وتنزل البنت !! .. احسه شي بالعقل

[بنت سيف]

أخي الفاضل ..

هل ممكن يكونون أسرة واحدة ؟؟

كثيرا .. ما يحدث .. أن اخرج الأسرة في أكثر من سيارة ..

وكثيرا ما يحدث .. أن أحد السيارات تغير مساراها .. فيضطر ركابها لركوب سيارات الأسرة الأخرى؟؟

أنا أحب أحسن الظن ..

بصرف النظر عن مظهرهم ..

بنت سيف

[s o s o]

احسنو الظن ياجماعة الخير

مايجوز قذف المسلمين جُزافا

[al-sadd]

إن بعض الظن إثم
اخوي تدري ان هاي اخوها ولا لأ؟
اخوي انا معاك ان غلط لاكن لازم الواحد يتأكد قبل لايحط شي فذمته
وهي لو جات على واحد نزل من سياره فلان وراح لسيارة فلانه كان معليه
فيه اشد وأعضم ناس يتحرشون عيني عينك ومحد قايل شي
ع العموم اشكرك الشيخ

[جرح الزمان]

متأكد انهم مو أهل !! او قرايب !! أو أو ..


عني أنا بحسن الظن ..


مامداهم يتكلمون من الدرايش وتنزل البنت !! .. احسه شي بالعقل


أخي الفاضل ..

هل ممكن يكونون أسرة واحدة ؟؟

كثيرا .. ما يحدث .. أن اخرج الأسرة في أكثر من سيارة ..

وكثيرا ما يحدث .. أن أحد السيارات تغير مساراها .. فيضطر ركابها لركوب سيارات الأسرة الأخرى؟؟

أنا أحب أحسن الظن ..

بصرف النظر عن مظهرهم ..

بنت سيف

:victory: :victory: :victory:

[ام سلطون]

أخي الفاضل ..

هل ممكن يكونون أسرة واحدة ؟؟

كثيرا .. ما يحدث .. أن اخرج الأسرة في أكثر من سيارة ..

وكثيرا ما يحدث .. أن أحد السيارات تغير مساراها .. فيضطر ركابها لركوب سيارات الأسرة الأخرى؟؟

أنا أحب أحسن الظن ..

بصرف النظر عن مظهرهم ..

بنت سيف

نفس كلامي

[HIGHNESS]

للأسف وايد مناظر في الفترة الاخيرة تكررت بشكل لافت ومقرف ... اخاف يجي يوم وتصير اشيا عاديه ... انا شخصياً اعتبره اللي شفته شي عادي مقابل اللي شفته ... شخصين يتبادلون القبل بحرارة في السيارة عند الاشارات و جدام الناس بدون اي اعتبار .. منظر شكل لنا صدمة .. و نفس الموقف في احد المجمعات بداخل كوفي شوب وامام العديد من الناس والعائلات ... في هذا الموقف اخوي ماسكت وراح تكلم معاهم وفهمهم ان الي يسوونه غلط ومنبوذ في ديننا و بلادنا .. فتأسفوا له وغادرو فوراً وعلى استحياء ...
اتمنى الي يشوف هالاشياء مايسكت ... لو حس ان شكواه مامنها فايده . يروح ويتكلم معاهم مباشرة ويفهمهم بأن هذا عيب وغلط ومرفوض .. بعض الاجانب واقصد الغربين.. يتفهم ويستحي ويكون مب عارف شي عن العيب .. لكن لما يجيك مسلم عربي بغض النظر عن الجنسية وحتى لو مب مسلم .. ويقوم بهالاشياء اللي يعرف انها عيب وحرام في مجتمعنا فهاذي المصيبة ..

[Doha Sun]

صفو النية ..
اذا كان شي ثاني ( من امن العقوبة اساء الادب )

[HIGHNESS]

انا بعد اؤيد الي قالوا يمكن اهل ويمكن ويمكن .. لكن هذا مو معناته ان هالشي مو موجود ومتكرر وايد ... الله يهدي شباب المسلمين ....

[بوخالد911]

الله يستررر

[حراير قطر]

الحدث صار يوم الاربعاء

كنا عند اشارات السد وبنأخذ الاشاره وبنرجع

جنب سيارتنا بطبطه والشارع الثاني اللي يوديك سيده

راعي البطبطه يكلم السيارة اللي ذاك الصوب ...

صرنا جذيه :omg: :secret:

طلع يكلم ويرقم البنت اللي في الشارع الثاني

والكل مبقق عينه ...

الله يستر علينا وعلى المسلمين

بلادنا تغيرت واااايد والله يعينا على اللي جاي :(

[Gh2o]

مب فاهم شنو الشي الي يشيب الراس ؟ شلي صار مافهمت ؟
احسن الظن الله يسلمك

[الكاسب]

لا تعليق!!!!!!

[كازانوفا]

بس منظر واحد حكمت عليهم واستنكرت الموضوع
يا زينك والله

[black_day0]

انا من راي انه شيئ عادي جدا
و حتى لو افترضنا انهم مش من اهل واحد او قرايب
هم يا اخي اصدقاء و صحاب و حرين مع بعض ليش نفترض انها ممكن تكون بنت سوء او راح يسوون شي سيء

[الأستاذ]

اخوي الكاسر .. أولاً أحسن الظن بالناس ( وأنت شفت شيء أحنا ماشفناه وتقدر تحكم على صلاح الأمر من فساده ، يعني شكل البنت وطريقة نزولها والشباب إللي في السيارة الثانية ..
ثانياً : يالكاسر .. أنت الظاهر ما تطلع من البيت واجد .. عشان كذا مستغرب !!
ثالثاً : أرجو ان يكون عمرك فوق الخمسين ،، لأانك إذا بتطول(ولك طولة العمر بالطاعة إنشاءالله) بتضحك على نفسك لما تقرأ إللي كتبته اليوم .. بعد كم سنة
رابعاً: يا كاسر .. في حديث عن رسول الله (صلى الله عليه وسلم ) يقول بما معناه أن بيجي يوم يكون فيه باطن الأرض خير لنا من ظاهرها .. صحيح أنه ما جاء للحين لكنه ... قرب
خامساً : تصور لو أنكرت عليها هذا المنكر(على فرض أنها طالعة) وسبتك وسبة هلك وركبت .. ما غير تموت قهر .. عيل لا تقول قطري ولا أجنبي .. إذا أمنت العقوبة أسئ الأدب ..
نصيحة من أخ .. لا تكثر الطلعات .. وإذا كان ولا بدّ روح صوب البر وخلك بعيد عن المجمعات والأماكن المشبوهة .. تراها تعور القلب .. من كل صوب . . ولا حول ولا قوة إلا بالله .

[فرانسـ كوفي]

إن بعض الظن إثم

[الكاسر99]

اللي صار جدامي مصخخخخخخخخخخخخخخخخخخخخره

وتقولون أحسن الظن

[حنان الدنيا]

اوكي ما اختلفنا وبنحسن الظن ماقلنا شئ

بس كان من الاولى انهم يصفون على جنب ويسون اللى يسونه

مو عند الاشارات وقدام الناس

وهذا رايي ومابي اسيئ او احسن الظن

[الصريحه]

أخي الفاضل ..

هل ممكن يكونون أسرة واحدة ؟؟

كثيرا .. ما يحدث .. أن اخرج الأسرة في أكثر من سيارة ..

وكثيرا ما يحدث .. أن أحد السيارات تغير مساراها .. فيضطر ركابها لركوب سيارات الأسرة الأخرى؟؟

أنا أحب أحسن الظن ..

بصرف النظر عن مظهرهم ..

بنت سيف

معاكي اختي

[الكاسر99]

المشكله أن في ناس ما عندهم غيره على أي شي كل شي عندهم عادي

ويقولون لك أنفتاح ووووووو

ونسوا أنهم مسلمين ومرتبطين بأمور فرضها الله عليهم

[شبح الصمت]

يالغالي انت ذكرت انهم من نفس الجنسـية

يمكن أهل

أحسن الظن

ارحم الله والديك

[حراير قطر]

اوكيه بنحسن الظن

بس الموقف اللي صار ما يوحي انه نحسن الظن فيه

اوكيه لو وقفوا مكان وراحت معاهم بنحسن بس

بيطلع من الدريشه وبيكلمها لو اهل ما عندهم تلفون

يتكلمون فيه ويخلونها تركب معاهم ؟؟

او انهم من بدايه الطلعه متفقين على مكان عشان تركب معاهم

والله يستر عليهم ...

[almx]

الافضل ان تحسن الظن علشان ما تتعب وانت تراقب

[بوسلمان 2010]

ياريت ان بعض الضن اثم ولا يكون قلة الاحترام هي الي وصلتهم الي هذي الدرجه والله العالم

[الأستاذ]

يالربع جهزوا نفسكم للأسواء .. أنتوا ما تدرون أنه بيجي وقت أعزكم الله (بيمر الرجل على الرجل وهو يجامع المراءة في الشارع .. بيقول له .. وخرها شوي عن الطريق ..) هذا جاي بس قولوا إنشاءالله ما نلحق عليه ..
أنت عند الاشارات ووحدة راكبة من سيارة لسيارة شذي ,,
الله يعينك .. ما قلت لك .. كم عمرك ؟؟ تلاحق نفسك ودور لك عزبة في البر من الحين .

[الأستاذ]

يالربع جهزوا نفسكم للأسواء .. أنتوا ما تدرون أنه بيجي وقت أعزكم الله (بيمر الرجل على الرجل وهو يجامع المرأة في الشارع .. بيقول لهم .. وخروا شوي عن الطريق ..) هذا جاي.. لا ريب فيه.. بس قولوا إن شاءالله ما نلحق عليه ..
أنت عند الاشارات ووحدة راكبة من سيارة لسيارة شذي ,,
الله يعينك .. ما قلت لك .. كم عمرك ؟؟ أذا أنك صغير تلاحق نفسك ودور لك عزبة في البر من الحين ..وشوف لي وحدة معاك(عزبة)

[بـــــــنت النوخـّــــذه]

صاحب الموضوع يتكلم بحسن نيه واحتمال يكون احسن الظن او اساء الظن بهم 00000000

اولا :لا ننكر هذي الظاهره وخلونا من سالفته خلونا نناقشها كقضيه او مشكله واعتبرو القصه ما انطرحت 000
ترى انا لاحظت كذا مواقف وماشاء الله الله مكثر الي من الجنسيات الاسيويه كل وحده بخريطتها الي بها ملابسها وتمشي والله شوف عيني ينزلون من سياره بوسط الشارع وتبدأ تمشي على الرصيف من شارع عام والرجال لا اسيوي ولا غبره يعني استغرب اقول خريطه بها ملابسها وتمشي تركض من السياره 000

وموقف اخر سوق الجبر والله العظيم كمن وحده وقف لها واحد من جنسيه عربيه ويهرن لهم يبغيهم يركبون ويأشر بيده مادري عاد يساومهم على المبلغ ولا شسالفه والامثله كثير 0000000

ومره كنت بصالون نسائي كله اجنبيات (اسويويات واوروبيات ) كل وحده داخله واتعدل ومسويه شعرها بف استغربت قلت مهب عوايدهم يدخلون صالون ويسون شعورهم وكالعاده سويت نفسي غبيه ما افهم عنقليزي(انجليزي) الا اسمعهم يتشاورون بخطتهم وطلعت السالفه ان كل وحده تتوزع بالمجمع الي داخلينه وتصيد فريستها من الشباب الاغبيه خلف الله عليهم000

وسبب هذا كله انتشار العماله الوافده بشكل كبير بهدف وبدون هدف لاحسيب ولا رقيب لي صارو يدورون على رزقهم بطرق محرمه والعياذ بالله 0000

ولكن اذا عن موقف صاحب الموضوع الله اعلم ولا نستعجل بالحكم على الاخرين000 ولكن كقضيه عامه ما انكر وجودها نهائيا"

[جنوب الدوحه]

ونزلت البنت .. ما اشوف ان الموضوع يشيب له الراس .. مع احترامي وتقديري لك اخوي !!

[المشتاقه الى الجنه]

يمكن اهل أنا لي أيناء أخوات ما شاء الله ممكن يحصل أكون بالسياره مع زوجي وأنزل واركب مع أخوي او ابناء أخواتي
حرام عليكم صفوا النيه
مره كنت في الستي سنتر والتقيت بأربع من أولاد أخواتي وأخوي وكلهم سلموا علي وكل واحد شكل واحد أبيض وواحد اسمر ------
إلي يشوفنا إش يقول !!!!
يا جماعه إن بعض الظن إثم

[رمــش الغلا]

﴿يا أيها الذين آمنوا اجتنبوا كثيراً من الظن أن بعض الظن إثم﴾

صدق الله العظيم

[الكاسر99]

بنت متبرجه وتنزل من السيارة وأمام الناس تركب سيارة ثانية كلها شباب وضحك في الشارع ولا مستحى

من رب الناس ولا من الناس وتقولون حسن ظن هم أصلاً ماخلو شي عشان الناس تحسن الظن بالله

لو كانت بنت محتشمه والشاب محترم نقول خل نحسن الظن بالله


لكن في هذا الوقت من الزمن صار كل شي حلال ولا حول ولا قوة إلا بالله العلي العظيم