اهل الخبرة ارجوا المساعده

[باربي قطر]

السلام عليكم ورحمة الله وبركاته


بغيت من هل الخبرة يساعدوني ويرتبون لي رحلة حلوة
العدد 3
انا و وزجي وبنتي الحلوة عمرها سنة ربي يخليها لي

ناوين نروح المانيا مع فيينا

من وين نبدا؟!
والحجز ؟!
الفندق ؟!
الجو ( بنروح نهاية 6 باذن الله ) ؟
ابي شامل التكاليف (بدون شوبينغ)؟!

يعني ابيكم تسوون لي ملخص حلوو اذا كان ممكن من 10 لا 15 يوم

[ابو خليفه]

عليكم السلام

اختى روحي المانيا (ميونخ) اجلسي فيها 4 ايام (السكن الفنادق كثيرة مثل سوفتيل .لي ماريوت .الكمبنسكي بس انصحج بسوفتيل من حيث المكان)

وبعدها زلامسي 3 ايام القنادق كثيرة بس انصحج لي جراند....

وبعدها احسن منطقه سالزبورغ 3 ايام الفنادق كثيرة تبعد ساعه ونص عن زلامسي....

وبعدها فيينا وانصحج بالماريوت او الميريديان ويفضل يكون التنقل عن طريق القطار

وسامحوني على القصور

[Ginger]

روحووا ميونخ ومن ميونخ لين زلامسي ممكن بالسياره وايد احلى ٣ ساعات

لي جراند آي واحد ليكون الي مقابل البحيره الي صاحبته يهوديه !!!! عيايررره

عاد انا نسيت اسم الفندق الي في زلامسي

ولا تنسون في زلامسي تروحون للجبل بالتلفريك ترا وايد حلو .. وعندج حديقة حيوانات حلوه عالحدود بين النمسا وايطاليا رهييييييييييبه واتجوفون الجبال

تقدرون تروحون من زلامسي لين فينا بالسياره ٧ ساعات .. عاد في مطاعم عالطريق وزحلاقيه كبيره اتينن

عاد فينا من زينها هههههه حق التسوق في شارع المشاه وعندج هناك فندق الماريوت قريب من الشارع وفي فندق اوبرا بعد
والله يعينكم عالحشره والحر هههه لان فينا حاره نوعا ما

ولا تنصدمون اذا شفتوا ان الفنادق مافيها مكيف لوووووول عليكم بالدرايش

وعندكم الملاهي في فينا براترر لا اطوفووووونها ومغارة هتلرررررررر

عاد التكلفه مادري بس الفنادق نوعا ما غاليه وتعلموا على التنقل فالقطارات ابرك من التكاسي

الجو على نهاية سته بيكون حلو برد نوعا ما بس سبعه حار تقريبا وخصوصا فيناااااااااااااااااا وع حاره انخيس بس بتستانسون .. والملابس نوعي مابين صيفي وشتوي وانصحج ما تطلعين مكان الا ومظلتج وجاكيتج وياج لان جوهم عباره عن الفصول الاربعه في ساعه

٥ دقايق حر عقبها برد عقبها هوا عقبها مطر سبحان الله

واهتمي بالجواتي السبورت الله يكرمج لان هناك مشي وجحيت

واي معلومه انا بالخدمه

[clouds]

ميونخ مب حلوه ماعجبتني ومافيهاا شي غير ليغو لاند روحي زيلامسي تهبل ولاتسكنين في غراند..روحي كابرن احلى لان على الجبل اجرو شقه لان غراند وكل فنادق زيلامسي مافيها مكيفات غير انها على البحيره وكله نامس

اما فوق الجبل الجو رهيييييييييب وباااارد وتلقين عائلات خليجيه حواليج والحريم يسوقون السياكل..مارحت فينا لان مالقينا منها حجز فاضطرينا نروح سويسرا وماعجبتني الصراحه..ألوحيده اللي اقول لج تستاهل النمسا وبس

[باربي قطر]

ثانكس حبايبي ماقصرتوا فديتكم



:) استانست ع جداولكم وطبعتها بتناقش مع زوجي اليوم

[Ginger]

اذا غيرتوا رايكم عن المانيا

روحوا سويسرا انترلاكن بعد حلوه احلى من النمسا بالف مره

[باربي قطر]

امممم

انتو بشو تنصحوني

سويسرا ولا المانيا ؟!


ارجوو الرد

[Ginger]

انا انصحج بسويسرا منطقة انترلاكن

المانيا حلوه بس احسكم بتمللون مادري يمكن لاني شبعت منها خلاص خخخخخخ

[باربي قطر]

ههههه

بس رفيجتي تقول المانيا ارخص من سويسرا ؟!صج ولا ؟!

[Ginger]

اي صح اغلى
بس المانيا اغلى من النمسا :)

اوروبا كلها متقاربه في الاسعار

[جوال 11]

طالما عددكم قليل السفر عن طريق القطار متعة وحجز الفنادق عن طريق النت وهذا أحد الروابط للحجز والدفع في الفندق وتقدرون تغيرون أو تلغون الحجز www.booking.com وبرنامج الرحلة مثل ما ذكروه الأعضاء طيب كل مدينة من ثلاث الى أربعة أيام وبالسلامة .

[غير البشر]

السلام عليكم اختي باربي

اختي بخصوص السفر الى المانيا وفيينا
اول شي زوري موضوعي المثبت بهذا القسم
وخذي لفه فيه ويكون افضل لو تتعلمين بحث الفنادق وموقعها عن طريق غوغل ايرث
وبعدها تدخلين على مواقع حجوزات الفنادق واتشوفين الاسعار الي تناسبج


http://www.qatarshares.com/vb/showthread.php?t=336766


بالنسبه للفنادق وفتره السفر
دوحه - ميونخ
والسكن في فندق لي مريديان
والمده 6 ايام مثلا من 25-6-2010 الى 1-7-2010
فندق حلو وراقي وكلشي قريب وسعره وايد حلوو
وهذا الفندق ورابط موقع الحجز مع الصور
سعر الليله في الوقت الي بتروحون فيه 663 ريال


http://qatar4up.com/upfiles/klc28270.png (http://qatar4up.com/)

وهذا رابط موقع الحجز والصور


الرااااااابط (http://www.hotels.com/hotel/details.html?pointName&reviewOrder=date_newest_first&children[0]=1&rooms[0].childrenAges[0]=1&roomno=1&departureDate=01-06-2010&destinationId=384011&rooms[0].numberOfAdults=2&tab=description&arrivalDate=31-05-2010&hotelId=202428&validate=false#photos)


وبعدين قطار الى زيلامسي ساعه ونص تقريبا
الفندق غراند
المده 3 ايام
من 1-7-2010 الى 4-7-2010
سعر الليله في التاريخ المقترح 855 ريال

اسعار وانواع الغرف بالفندق



http://qatar4up.com/upfiles/tVx28383.png (http://qatar4up.com/)


رابط صور الفندق من موقع الحجز

الراااابط (http://www.booking.com/hotel/at/grand-zell-am-see.html?label=gog235jc;sid=fa1c3c6fa8367712a5bdd0 53ecf7009f;checkin=2010-07-01;checkout=2010-07-04)

وبعدها ساعتين الاربع تقريبا بالقطار من زيلامسي الى فيينا
والفندق المقترح ماريوت
التاريخ من 4-7-2010 الى 10-7-2010
السعر في التاريخ المقترح تقريبا 900 ريال لليله الواحده

انواع واسعار الغرف بالفندق



http://qatar4up.com/upfiles/B8228383.png (http://qatar4up.com/)


بتلاحظين فوق في سعر مخفض وهو 159 يورو لليله الواحده
هذا اذا حجزتي قبل السفر 14 يوم وغير قابله للاسترداد

الصور من موقع ماريوت وهذا الرابط




الرااااابط (https://www.marriott.com/reservation/rateListMenu.mi)




المجموع 15 يوم سفر
اي ملاحظات انا حاضر
وسفر سعيد ان شاء الله
والله يخلي لكم البنوته :nice:


وان شاء الله بحاول انزل لج اسعار التذاكر في نفس التاريخ
بس رياريت تعطيني درجه السفر سياحيه او بزنس او اولى