مخالفــه سرعه !

[بن جلبان]

السلام عليكم ورحمة الله وبركــاته ..

ياجماعه الخير عندي إستفســار عن مخالفه الرادار المتحرك ..


صادني رادار متحرك على خط سلاح الجـــو وأنت متجه صوب الدوحــــه ..

وكانت السرعه 185 والشارع 80 ، وعلى خبري انهم امنعو الردارات المتحركـــه ..

فمادري متوهق لان واحد من الربع عطوه مخالفه 800 ريال وفيه ناس تقولي راح يحولونك محكمه .. عاد أبي اتأكد تكفون أفيدونـــــي .. !

وشنهو الحل ؟

[بنت سيف]

الله يهديك ..

185كم سرعة مب بسيطة ..

ترى أهلك يحبونك ..

لا تقهرهم ..

ودام إنك خايف من المخالفة .. ليش تخالف

آسفة .. على التعبير .. بس الصراحة مذهولة

[ابن مانع]

الله يكون في عونك
اعتقد تتحول نيابه
بس مافي شي اسمه امنعو الرادار المتحرك كل يوم نشوفه في مكان مايطري على بال اي احد
يعني توقع تشوفه في وسط فريج ولاتستغرب

[انا مب انا]

الله يهديك 185

فيه محكمه

خط سلاح الجو 100 مب 80


عن السرعه الزايده

الله يحفظك اخوي

[MoTeC]

مخالفه 900 ريال تقريباً
و على ماعتقد 9~6 نقاط
لأن انا على شارع بو 120 صادني والسرعه 160
800 ريال و 4 نقاط
وممكن نيابه او محاكمه فـ الله يعينك

[بوحارب]

السلام عليكم ورحمة الله وبركــاته ..

ياجماعه الخير عندي إستفســار عن مخالفه الرادار المتحرك ..


صادني رادار متحرك على خط سلاح الجـــو وأنت متجه صوب الدوحــــه ..

وكانت السرعه 185 والشارع 80 ، وعلى خبري انهم امنعو الردارات المتحركـــه ..

فمادري متوهق لان واحد من الربع عطوه مخالفه 800 ريال وفيه ناس تقولي راح يحولونك محكمه .. عاد أبي اتأكد تكفون أفيدونـــــي .. !

وشنهو الحل ؟

لاتخاف ولا شي :)

ان شاء الله ما يصير الا كل خير

وفي حالتك تصير اشيا كثيره خبرك الربع في المرور ماعندهم قرار واحد

يمكن يعطونك مخالفة 1000 مع كم نقطة في الرصيد :) والمرة تتحول نيابة وحجز الموتر

والله اعلم

وشوف ردي تحت على موتك


مخالفه 900 ريال تقريباً
و على ماعتقد 9~6 نقاط
لأن انا على شارع بو 120 صادني والسرعه 160
800 ريال و 4 نقاط
وممكن نيابه او محاكمه فـ الله يعينك

هلا موتك ماتبي مترلا هههههههههههه

اسمعني يالحبيب

انه صايدني الرادار على 160 وعطوني مخالفة 900 مع 4 نقاط

انت ليش 800 ؟؟؟؟

واسطة ولا شنو ؟؟

المهم

يوم رحت الفلم ماطلع الفيديو ويارب ما يطلع :)

اما بالنسبة ل6 - 8 نقاط ماظن تراك بالغت شوي :(

والله يحفظنا من السرعة الزايدة

[تحداني]

بس سرعتك كانت 185 .. ما تحس ان هالسرعه جدا بسيطه لخط سلاح الجو
حسبي الله ونعم الوكيل على جنون السرعه ... وعلى هوس السرعه
.
.
لا فائده طالما الإنسان رفض ان يحترم الطريق من أجله
لن يستطيع أن يحترم القانون


الله يكون في عون أهلك وأحبابك
ومن يقترب منك


جملك الله برضى الرحمن

[هجمة مرتدة]

شفتهم اليوم وهم يركبونه ..

كنا بالأول نشوف لافتات تقول "انتبه الطريق مراقب بالرادار"

الظاهر ما عندهم فلوس يحطون لافتات تنبيهية للسائقين ..

حسبي الله ونعم الوكيل !!

[واحد ثقة]

الله يهديك هذه سرعة جنونية فعلاً ولا أظن بأن هنالك أمر يتطلب سرعة كهذه ،،

وانا بصراحة مع المرور في مخالفات السرعات العالية لأن الشخص يعرض نفسه والآخرين للخطر ، ولا أظن بأن أحداً يستطيع أن يتحكم بالسيارة إذا تدهورت وهي على سرعة 180 كم !



اعرف أخ كريم وصله نبأ أن ابنه عمل حادث وهو في الطوارئ ، واتجه نحو المستشفى وكان يمشي على مهل ، وكان هنالك رادار ثابت على سرعة 80 كم وهو سرعته 100 كم ، فعندما وصل إلى الرادار خفض من سرعته حتى وصل إلى 80 ومن بعدها اكمل إلى المستشفى ،،

الشاهد من هذه القصة هو أن السرعة لن تمنع قدراً ولن تجلب حظاً ولن تقدم أو تؤخر ،،،

[جنوب الدوحه]

في مقابله مع مدير المرور / الخرجي .. يقول لا توجد رادارات متحركه ..


واعتقد هذا الرادار خاص بـ الخويا .. وفي اعتقادي على حسب الشخص الي يحط الرادار اذا كتب فيك تقرير بالسرعه طبعا راح تحول الى محكمه ..واذا كتب فيك تقرير عادي ممكن مخالفه ..

في كلا الحالتين الله يعينك .. ويصلح حالك وكلنا نحب السرعه بس يقولون الموت اسرع ..

تقبل مروري :)

[Sharshooooor]

راح تفتح ملف ويرحلونه على النيابة العامة وهم يقررون

بالنسبة للمرة الاولى مافيها عقوبات كبيره

بس المرة الثانية ممكن توصل للحبس :rolleyes2:

[كازانوفا]

انت رايح تنتحر وجاي تطمن على مستقبلك والا ايش الحكايه ؟؟؟؟

[جرح الزمان]

الله يهدينا ويهديك

الشباب ما قصروا في ردودهم

واضافتي بسيطه انصحك تروح زياره لمستشفى الرميله وتشوف بعيونك شباب في عمر الزهور مشلولين او في غيبوبه الله يشفيهم ... وشوف حال اهلهم وهم يزورونهم الله يصبرهم .... وما اعتقد في عاقل يتمنى هالحال حق نفسه

الله يحفظنا واياك من شر السرعه

[jajassim]

في مقابله مع مدير المرور / الخرجي .. يقول لا توجد رادارات متحركه ..

واعتقد هذا الرادار خاص بـ الخويا .. وفي اعتقادي على حسب الشخص الي يحط الرادار اذا كتب فيك تقرير بالسرعه طبعا راح تحول الى محكمه ..واذا كتب فيك تقرير عادي ممكن مخالفه ..

في كلا الحالتين الله يعينك .. ويصلح حالك وكلنا نحب السرعه بس يقولون الموت اسرع ..

تقبل مروري :)

الله يحييك اخوى جنوب الدوحة ،، للعلم جميع الرادارات تتبع لادارة المرور وحتى لدى لخويا ، ، واذا كانت السرعة 180 فما فوق ، يتم ادخال المخالفة على النظام بس بدون ذكر قيمة المخالفة ، ويتم رفع التقرير لنيابة المرور ، وبانتظار ردهم والله يعينك :nice:

[رجل الجزيرة]

السلام عليكم ورحمة الله وبركــاته ..

ياجماعه الخير عندي إستفســار عن مخالفه الرادار المتحرك ..


صادني رادار متحرك على خط سلاح الجـــو وأنت متجه صوب الدوحــــه ..

وكانت السرعه 185 والشارع 80 ، وعلى خبري انهم امنعو الردارات المتحركـــه ..

فمادري متوهق لان واحد من الربع عطوه مخالفه 800 ريال وفيه ناس تقولي راح يحولونك محكمه .. عاد أبي اتأكد تكفون أفيدونـــــي .. !

وشنهو الحل ؟

يا سلام تخاف من المحكمة ولا تخاف من الله سبحانه وتعالى، أتنمى إن القاضي يسجنك.

[الصحراء]

الي ما يسدد المخالفة او يتاخر في التسديد يحسبون عليه نقاط او .....!!!!!!!

[Ginger]

الله يحفظك اخوي .. تحمل .. سرعتك مب طبيعيه احس الخط ما يحتاج هالسرعه

والحمدالله مخالفه .. ولا ان يصيدك شي وتروح وطي

الله يحفظ الجميع

[بوشهاب]

وين يبه وين ..... شدعوه 185 على خط سلاح الجو ؟؟؟؟؟؟ !!!!!!!!

مافي عوايل حولك

افرض بنجر عليك التاير وشاح الموتر ودعمت سياره فيها يهال وعدمتهم كلهم

لا صار الشارع باسمك .... سوق 220 وفوق انت حر والله بيحاسبك

لكن تعرض حياة الناس للخطر ... وين العقل اخوي

لو انا مكان القاضي اسجنك ولا في اذني ماي

خاصه للي يسرع داخل شوارع الدوحه ... يستحق اقصى عقوبه

[رذاذ]

حجز الموتر وغرامه ماليه ونقاط .

الله يعينك

[بن جلبان]

أعتقد أنــي يوم طرحت الموضوع كنت أبي اعرف إجراءات القانونيـــه للمخالفه ،،


هل غرامه وبس أو محكمه وحبــس موتر ،، وبعض الأعضاء ما قصروو أفادوني لان المرور قالوو ما نقدر نفيدك الا يوم الأحد ،،،


وبعض الأعضاء حسسوني اني في مؤتمر أسبوع المرور .. وإجاباتهم النموذجيه ..

- لاتسرع الموت أسرع
- عد لأهلك سالم
- اهلك يبونك .. خخخخ

وشكل البعض ما فهم الشارع اللي اقصده ،، اقصد الشارع الموازي لفندق شرق والماريوت ..

وسرعته 80 مو 100 ع فكــره ...


ع العموم لاهنتوووو .. !

[محمد2]

ليش زعلت ؟؟؟؟؟؟؟؟؟؟

انا ردديت على الرجال اللي قال اعدام . وقلت اذا مب اعدام يجلدون(ما قلت يجلدونه. حتى اقصدك انت)
رجاء قبل لا تغلط علي اقرأ الرد عدل
انا محترم نفسي قبل ؟؟؟؟؟؟(الله يسامحك)

[al3nabi79]

لا حول ولا قوة الا بالله

[أ التميمي]

والله خرعتو الريال غلطه خلاص بل لا تخاف ياخوي عادي السجن لرجال


الله يحفظج يالغالي


عادي يالغالي بس بتدفع غرامه ويمكن اتوقع على تعهد بعدم تكرار الموضوع ونتهة السالفه

[بوحارب]

يا سلام تخاف من المحكمة ولا تخاف من الله سبحانه وتعالى، أتنمى إن القاضي يسجنك.

ليش تتمنى حق اخوك هالشي

ادعوا له بالهداية :)

[موظف بالبورصه]

اغلب الردود سطحيه ومالها داعي وادل على قلة العقل !! ..

الرجال اولا يستفسر عن الموضوع وهو غلط وانا معاكم ...

لكن الي بينصح مش بهالأسلوب الي يقول اعدام والي يقول سجن والي يقول مادري ايش ....

لو ولدك ولا اخوك فمكانه قلت ان شاء الله اعدام ولا سجن كان ماخليت واحد تكلمه يتوسط لك عشان يطلع ..

كبروا عقولكم وتعلموا النصيحه شلون تكون ...

الله يستر عليك ياراعي الموضوع ..

[BIG-VEGA]

السلام عليكم ورحمة الله وبركــاته ..

ياجماعه الخير عندي إستفســار عن مخالفه الرادار المتحرك ..


صادني رادار متحرك على خط سلاح الجـــو وأنت متجه صوب الدوحــــه ..

وكانت السرعه 185 والشارع 80 ، وعلى خبري انهم امنعو الردارات المتحركـــه ..

فمادري متوهق لان واحد من الربع عطوه مخالفه 800 ريال وفيه ناس تقولي راح يحولونك محكمه .. عاد أبي اتأكد تكفون أفيدونـــــي .. !

وشنهو الحل ؟

الحل: انك على طول اتدور واسطه علشان تخف عليك المخالفه :)

مخالفتك على قد واسطتك


الله لايهينك قولنا شلي يصير معاك

[محمد2]

اغلب الردود سطحيه ومالها داعي وادل على قلة العقل !! ..

الرجال اولا يستفسر عن الموضوع وهو غلط وانا معاكم ...

لكن الي بينصح مش بهالأسلوب الي يقول اعدام والي يقول سجن والي يقول مادري ايش ....

لو ولدك ولا اخوك فمكانه قلت ان شاء الله اعدام ولا سجن كان ماخليت واحد تكلمه يتوسط لك عشان يطلع ..
كبروا عقولكم وتعلموا النصيحه شلون تكون ...

الله يستر عليك ياراعي الموضوع ..


اي نعم اخوي انا واحد معلم عيالي (اللي ابوة وامة ما قدروا يربونة . الزمن يربية . فخلة الزمن يصفق فيه ويربية)اسمحوا لي يا اخوان كلامي مش موجة لأي شخص مع احترامي للكل .علشان محد يزعل مني

[موظف بالبورصه]

اي نعم اخوي انا واحد معلم عيالي (اللي ابوة وامة ما قدروا يربونة . الزمن يربية . فخلة الزمن يصفق فيه ويربية)اسمحوا لي يا اخوان كلامي مش موجة لأي شخص مع احترامي للكل .علشان محد يزعل مني

وهل اي شخص جاهل ومايفقه في امور ممكن تؤذيه اتركه واقول خل الزمن يربيه !!! ..

او اخذه على جنب وانصحه باسلوب ممكن اقنعه بالي يسويه هذا غلط ..

عيل ليش ادارة المرور فاتحين قسم التوعيه المروريه ومنتشرين فالمنتديات وخارج المنتديات

وينصحون الشباب ويعلمونهم باخطار السرعه وهوايلها ...

اقترح عليهم يسكرون القسم وقولهم خل الزمن يربيهم !!!

الله يهديك بس ..

[رجل الجزيرة]

ليش تتمنى حق اخوك هالشي

ادعوا له بالهداية :)

مرحبتين يا أخونا العزيز/ أبو حارب.

هذا الشخص عصى ولد الأمر وإلي يعصى ولي الأمر فكأنما عصى الرسول صلى الله عليه وسلم وإذا عصى الرسول صلى الله عليه وسلم كأنما عصى الله سبحانه وتعالى والدليل على ذلك قوله تعالى: " أيها الذين آمنوا أطيعوا الله وأطيعوا الرسول وأولي الأمر منكم فإن تنازعتم في شيء فردوه إلى والرسل إن كنتم تؤمنون بالله واليوم الآخر" بالله عليك هو ما يستاهل السجن؟