مشروع مطعم للأكلات البحريه

[البسطة]

السلام عليكم ورحمة الله وبركاته

انا حاب استفسر عن مشروع مطعم للأكلات البحريه في سوق اقف !!!

هل المشروع من وجهة نظركم ناجح ؟

:telephone:

[الدوحة قطر]

لحد الان ما دخلت مطعم يبيع اكل بحري في قطر وهم طبعا معدودين على الاصابع وطلعت منه وانا راضي عن اكله كل الرضى

اتمنى اني اشوف في المستقبل مطعم بحري يرضي ذوقي

[البسطة]

لحد الان ما دخلت مطعم يبيع اكل بحري في قطر وهم طبعا معدودين على الاصابع وطلعت منه وانا راضي عن اكله كل الرضى

اتمنى اني اشوف في المستقبل مطعم بحري يرضي ذوقي

وهذا يعتمد على طباخين المهرة ،، واللي موجودين بالصراحة مستواهم ،، مب ذات المستوى

وان شاء الله ،، الله يسر دربنا وجزاك الله خير ،،
:nice:

[الكتاروني]

الفكرة ممتازة و المشروع ناجح و مطلوب جدا

[jajassim]

يوجد مطعم المحارة تحت فندق سوق واقف

والله يوفقك ،

[البسطة]

يوجد مطعم المحارة تحت فندق سوق واقف

والله يوفقك ،

تسلم اخوى :nice:

[بـن عدوان]

لو بتفتح كشك حق الكرك بتربح فما بالك مطعم بحري ؟

بس اهم شي مايكون مبالغ في السعر وعلى مستوى

والله يوفقك

[ممنوع اللمس]

المطعم الي تحت فندق سوق واقف اسعاره جدا جدا جدا جدا جدا مبالغ فيها
لو فكرت تفتح هالمشروع فنصيحه خله لجميع الاكلات مو بس البحريه
وفي نفس الوقت كثر ودقق فالدعايه على الاكلات البحريه
والاسعار خلها مقبوله وانت عارف اوضاع الناس
والله يوفقك ويرزقك ان شاء الله
وبنحضر الافتتاح كح
بالتوفيــق

[كاشف الغطاء]

الله يوفقك الحين اللي يبيع براغي يربح

[البسطة]

جزاكم الله خير ،،

[بزنس وبس]

مشروع ناجح ميه بالميه والنصايح اللي قدموها الاخوان تنجحه اكثر خصوصا انه في بسوق واقف

[البسطة]

مشروع ناجح ميه بالميه والنصايح اللي قدموها الاخوان تنجحه اكثر خصوصا انه في بسوق واقف

تسلم :nice:

[اهل قطر]

اهم شيء التخصص
وتجيب طباخين متخصصين
لا تنزل مستواه علشان تنزل الاسعار
الناس يهمها الجوده

[البسطة]

اهم شيء التخصص
وتجيب طباخين متخصصين
لا تنزل مستواه علشان تنزل الاسعار
الناس يهمها الجوده

تسلمين يالغالية :nice:

[SomeOne]

موفق بس لا يكون السعر غالي ،

[الخير كله]

الجوده وحط السعر اللي تبيه الكل بيجيك
لا تقلل من النوعيه والتميز نصيحه

[SomeOne]

الجوده وحط السعر اللي تبيه الكل بيجيك
لا تقلل من النوعيه والتميز نصيحه

تسلمين :nice:

[<اضرب واشرد>]

والله أسعار مطاعم الأكلات البحرية غالية يمكن لأن سعر السمك غالي ، لكن بما أنك تستورد سمك ممكن تنزل من الأسعار ، وإذا لقيت محل ايجارة قليل ممكن تنزل الأسعار أكثر وأكثر .. فتكسب الزباين.

ونصيحة مثل ماقالوا الاخوان لا تخليه بحري بحري ..

وإذا تبيه بحري كامل لازم يكون منوع بشكل كبير ، ويبي له ديكور حلو وتميز عن باقي المطاعم .. اللي يصفون لك السمك في الثلج قدامك ! وتحصل المطعم فاضي مافيه حد. يعني مافي داعي تسوي نفس هالحركات التقليدية خله مطعم راقي شوي ( والناس مظاهر لا تنسى )

مثل ماقلت لك يالغالي خله منوع بشكل كبير وممكن تسوي بوفية طول عرض كله أكل بحري مع.

الخوف أن الزباين يملون من البحري لأنه نفس الطعم فممكن تخليه نص بحري ونص أمور ثانية.

انزل السوق وراقب المطاعم البحرية وراقب اقبال الزباين وسو دراسة جدوى والله يوفقك

[ع.م]

بالتوفيق يارب..

هذي مجموعة مطاعم بحرية في قطر مع آراء بعض الأجانب فيها..
http://qatarliving.com/reviews/restaurants/Seafood

برايي إنك بعد تشوف راي غير القطريين لأنهم يمثلون شريحة كبيررررة من الزباين.. وممكن تحط نفس هالموضوع في الموقع اللي حطيت لك لنكه فوق..

وأعتقد في ناس شغلتهم يدرسون لك أي مشروع قبل تسويه فلاتنسى تستعين بهم.. و تتعرف على أصحاب المطاعم أو المشاريع الثانية وتاخذ من خبرتهم بالذات إذا لك علاقة بحد ناجح في تجارته..

[Chambray]

ياريت اشوف مطعم نفس مطعم غدوره الي في القاهره والاسكندريه
صراحة مطعم سمك صح

[Just Smile]

الله يوفقك اخوي البحري عليه طلب بس خلك مميز و نوع بالمنيو و انا مع الجماعه لاتخليه بحري ١٠٠%

لاااااا تنسى السوشي الي العالم هابه فيه الحين

ممكن تجرب الاطباق على جماعتك وربعك فالبدايه عشان تشوف ايش رايهم و مقترحاتهم

والله يوفقك مرة ثانيه

[البسطة]

الله يوفقك اخوي البحري عليه طلب بس خلك مميز و نوع بالمنيو و انا مع الجماعه لاتخليه بحري ١٠٠%

لاااااا تنسى السوشي الي العالم هابه فيه الحين

ممكن تجرب الاطباق على جماعتك وربعك فالبدايه عشان تشوف ايش رايهم و مقترحاتهم

والله يوفقك مرة ثانيه

مشكورة :yu:

[حياة]

ممكن التفاصبل؟

[البسطة]

ممكن التفاصبل؟

تم الرد