شرطي الوحيد هو بيت بروحي

[كركم]

ساعات لما يلجئ لك صديق بمشكلة وتكون عاجز عن ابداء رأيك اومتخوف من انك تنصحه نصيحه ماتكون في محلها من الأفضل انك تأخذ رأي اهل الخبرة...وانا اعتبر كل رواد هالصرح الكريم أهل خبرة والرأي السديد .....النعم فيكم ..

المشكلة ومافيها طال عمركم ان بو فلان ملج على وحده تصيرله الصيف اللي طاف على اساس انه يتزوج الصيف الجاي...وكان الشرط الوحيد انه يوفر لها سكن عقب العرس مع انه ممكن يسكن في بيت هله لين يحصل على القرض ويبني وعلى العموم هو وافق...ولكن هبت الرياح بما لا تشتهي السفن والمشروع البسيط اللي كان معتمد عليه شبه انهار مع الركود اللي حصل خلال السنة اللي طافت وخذ معاه جزء من راتبه على شكل قرض...يعني تقريبا قبل سنة كان دخله الشهري(راتب+ دخل المشروع ) 25الحين دخله حروة 10...وعرض على خطيبته انه يسكن مع هله بشكل مؤقت .... ورغم الموده اللي بينهم تغيرت عليه فجأة وقالت له ان ارفض هالشي ..يابنت الحلال يهديج يرضيج...الملحق منفصل تماما عن البيت قالت له no way ...وانا ماقدر اتأجر بيت في الوقت الحالي ما يبقى شي من الراتب يخلني اوقف على رجولي مرة ثانية..وهي.وأبد..أذن من طين وأذن من عجين
وطبعا تدرون اقل ايجار لبيت مستقل هو 7000 ...وهذي ظروفه وهي متمسكه برايها...وهو ماتوقع منها هالموقف..وهو يقول : اذا ما وقفت معاي بمثل هالموقف اللي انفرض علي..تهقى بتتحمل معاي صعوبات الحياة الزوجية في المستقبل ؟؟...حسيت من كلامه ان المشاعر المتبادله كانت مجرد سراب تبخر مع اول تجربة..هذا والله اعلم..
انا أفضل الصمت اذا مب متأكد من الأجابه احسن من اني اتفلسف وانصحه وانا ماعندي الخبرة واضره اكثر ما انفعه...!!!....ولكم المايك

[Ginger]

والله اخوي ماعندي خبره الصراحه

واذا هذي اولها الله يعين على تاليها !

نتمنى لصديقك حياه موفقه

[Ginger]

رجعت عشان اقولك خل يحاول معاها اكثر ويقنعها اكثر

اذا ماقدر يحاول يكلم امها او ابوها ويفهمهم

وان شاء الله تحصل ردود من اهل الخبره افضل من ردي

[صمت 1]

رجعت عشان اقولك خل يحاول معاها اكثر ويقنعها اكثر

اذا ماقدر يحاول يكلم امها او ابوها ويفهمهم

وان شاء الله تحصل ردود من اهل الخبره افضل من ردي

انا مع هذا الراي

او يصبر بعد اشوي يمكن تمل وتوافق على الملحق

قوله يصبر

[technical]

الأفضل انه ينسحب , لأن اغلب حالات الطلاق تحصل بسبب عدم وجود مسكن منفصل . وخله يكثر من الصوم !

[فلتة زمانها]

الصراحه البنت معاها حق لانه تصير مشاكل عقب الزواج
مع ام الزوج وخواته وبيتوهق معاهم يصدق مِنْ والا مِنْ
الله يسهل عَلَيْهِ ويوفقهم

[الغانم 533]

الصبر مفتاح الفرج
ويقول جمال الدين الافغاني عن الازمات وصعوبه الحياه :
" إن الازمه تلد الهمه ولا يتسع الامر الا اذا ضاق ولا يظهر نور الفجر الابعد الظلام الحالك "
والله يصلحهم ورجعهم لبعض

[معيذر جنوب]

يتركها والله يوفقك بغيرها

[الأصيلة]

اللي هذا أولها ينعاف تاليها....
المرأة إذا ما صمدت مع زوجها في المواقف الصعبة اللي يمر بها.
معناها انها بـ تكون في السراء معاه وفي الضراء بيكون وحيد ما معاه أحد...
تحتاج هذه البنت أحد اكبر منها يفهمها ويشرح لها حقيقة الحياة الزوجية والرباط المقدس...
تفهمت الوضع وارضخت لشروط زوجها بدل ماهو يرضخ لشروطها ..كان بها
وإلا بنات العرب اللي يعرفون السنع وماعندهم أي شروط واجد...
لكن خل هالشباب يخفون شوي من شروطهم التعجيزية في شكل وعرض وطول البنت..
وبيلقون الزوجة الطيبة التي تعين زوجها ما تعين عليه...
الله يهديهم هالبنات ويصلح حالهم ويستر عليهم...

[ROSE]

ياجماعه لا تتوقعون من بنت توها بتدخل الحياة الزوجيه انها راح تتفهم معاناة زوجها


هي تبي راحتها اكيد سمعت وايد عن اهل الزوج وسوالفهم او يمكن حد مأثر عليها

وهو ابتدى معاها الموضوع بشكل خاطئ

لو انه بدى يلمح لها ويزين الكلام افضل وعطاها اياها على دفعات

بس دامه صارحها بهالشي خلها فتره شوي وتهدى الامور

وبعد فتره يشوف من من اهلها رايه ياثر عليها وفي نفس الوقت يكون فاهم

وانا اقترح الاب لان الام في هالحالات توقف مع بنتها

او ابوها او اخوها خل يكلمهم ويشرح لهم ظروفه وهم يأثرون عليها

شوي شوي وان شاء الله بعد الزواج راح تتفهم الوضع لو هي تحبه

مثل مايقول

طبعا رفضها للموضوع ماله خص في انها تحبه ولا ماتحبه

هي اكيد ياهل وتفكر في مصلحتها وللحين ماعاشت الحياة الزوجيه

معاه وماعرفت اطباعه عدل يمكن تتغير البنت مع الايام

وهذي رايي

[غزلان]

الصبر يمدحونه بكل الأمور

صح فيه امور ماتقدر تحكم وتعطي نصايح اذا تسمع لطرف واحد.

يصبر يمكن الله يفرجها عليه وتتحسن اوضاعه .

ومع الرأي الى يقول يكلم حد من أهلها ويشرح له وضعه المالي ويطلب منه يقنع البنت واذا له نصيب بتنحل المشكله.

[جنوب الدوحه]

والله اخوي اذا بيقعد يقنعها عشان تعيش وياه وعقب العرس تغير رايها .. لا

الريال كانت حالته زينه .. لكن يوم دارت الدنيا عليه هي تغيرت بعد عليه .. ربما هذا سبب من الله ان يبين له هذا الشيء في البنت هذي .. يعني اذا شاريته بتحب تعيش معاه في الحلوه والمره ..

وعلى فكره صح ان بعض البنات ينشرون بالذهب بس م اعتقد ان هذي البنت منهم ..

والله يوفقه ببنت الحلال الي تحبه وتصونه وتحطه تاج على راسه .. وتسكن وياه لو في خيمه ..

وتقبل مروري

[كركم]

رجعت عشان اقولك خل يحاول معاها اكثر ويقنعها اكثر

اذا ماقدر يحاول يكلم امها او ابوها ويفهمهم

وان شاء الله تحصل ردود من اهل الخبره افضل من ردي

والله اخوي رفيجي من النوع الكتوم وما طلب شوري في الموضوع الا انه صبر ونفذ صبره ومثل ماقلت مابقى شي لعرسه.
يعطيك العافيه

[كركم]

انا مع هذا الراي

او يصبر بعد اشوي يمكن تمل وتوافق على الملحق

قوله يصبر

يعني تهقى/ين اذا وافقت مغصوبة وهي مب مقتنعه ..بتستقر حياتهم؟

[بـــــــنت النوخـّــــذه]

ساعات لما يلجئ لك صديق بمشكلة وتكون عاجز عن ابداء رأيك اومتخوف من انك تنصحه نصيحه ماتكون في محلها من الأفضل انك تأخذ رأي اهل الخبرة...وانا اعتبر كل رواد هالصرح الكريم أهل خبرة والرأي السديد .....النعم فيكم ..

المشكلة ومافيها طال عمركم ان بو فلان ملج على وحده تصيرله الصيف اللي طاف على اساس انه يتزوج الصيف الجاي...وكان الشرط الوحيد انه يوفر لها سكن عقب العرس مع انه ممكن يسكن في بيت هله لين يحصل على القرض ويبني وعلى العموم هو وافق...ولكن هبت الرياح بما لا تشتهي السفن والمشروع البسيط اللي كان معتمد عليه شبه انهار مع الركود اللي حصل خلال السنة اللي طافت وخذ معاه جزء من راتبه على شكل قرض...يعني تقريبا قبل سنة كان دخله الشهري(راتب+ دخل المشروع ) 25الحين دخله حروة 10...وعرض على خطيبته انه يسكن مع هله بشكل مؤقت .... ورغم الموده اللي بينهم تغيرت عليه فجأة وقالت له ان ارفض هالشي ..يابنت الحلال يهديج يرضيج...الملحق منفصل تماما عن البيت قالت له no way ...وانا ماقدر اتأجر بيت في الوقت الحالي ما يبقى شي من الراتب يخلني اوقف على رجولي مرة ثانية..وهي.وأبد..أذن من طين وأذن من عجين
وطبعا تدرون اقل ايجار لبيت مستقل هو 7000 ...وهذي ظروفه وهي متمسكه برايها...وهو ماتوقع منها هالموقف..وهو يقول : اذا ما وقفت معاي بمثل هالموقف اللي انفرض علي..تهقى بتتحمل معاي صعوبات الحياة الزوجية في المستقبل ؟؟...حسيت من كلامه ان المشاعر المتبادله كانت مجرد سراب تبخر مع اول تجربة..هذا والله اعلم..
انا أفضل الصمت اذا مب متأكد من الأجابه احسن من اني اتفلسف وانصحه وانا ماعندي الخبرة واضره اكثر ما انفعه...!!!....ولكم المايك

اولا : انا اشكرك على اخر جمل كتبتها بكلامك انك فضلت الصمت 00على نصيحه يمكن تسبب الطلاق 000عموما اخوي كركم :

لاستكمال عقد الزواج البنت اشرطت من كلامك وقالت شرطي بيت مستقل والزوج وافق وتمت الملجه 00000


طيب سؤال بارك الله فيك ممكن تسئل صاحبك لان الفضول شدني في هالنقطه :

ليش البنت شرطت بيت مستقل ؟؟؟؟؟؟
هل تعاني من تفكك اسري؟؟؟ او هل تعاني من عقده في حياتها او تجربه عشان تضع هذا الشرط وتصر في البدايه والنهايه عليه على الرغم من تطور الظروف للاسوء؟؟؟


ترى اصرارها يا وراه تجربه قاسيه ونظره تشائميه للمستقبل عن اهل الزوج او وراه موضه البنات بيت مستقل لجل صديقاتي ونظره المجتمع 00000:) احنا حريم وانعرف التفكير كيف يكون 0000

اما لو بنت عايشه بجو اسري طبيعي والريال كفو مايعيبه شي وغير انك ذكرت ان علاقتها طيبه مع اهل زوجها وبعد تقربله 000 وتعرض لظروف قاهره قصبن عنه وقام بنا ملحق مستقل صراحه بيكون تصرفها طبيعي مثل تربيتها الاسريه الطبيعيه وبتقوله الله بيوسع علينا ما بعد العسر الا اليسر يابوفلان 000
اما بالنسبه للمستقبل انها هل بتراعي ظروفه وبتستحمله ولا بيكون همها نفسها بس؟؟

هذا السؤال صعب ولا نقدر نجاوب عليه لانه اهو من عاشرها وادرى بطبعها واهو من يحدد ؟؟والله يصلح حالهم ويكبر عقل زوجته 000000

[تحداني]

.. الله يصلح من حال الطرفين يارب ..
والخيره فيما اختاره الله


وعسى الله يهدي سرهم .. وينور طريقهم ..
لا أستطيع أن أدلو بدلوي .. فهناك جوانب كثيره غامضه وغير واضحه
ولا يعلمها سوى الاثنان


.
.
جملك الله برضى الرحمن

[وطن]

اولا : انا اشكرك على اخر جمل كتبتها بكلامك انك فضلت الصمت 00على نصيحه يمكن تسبب الطلاق 000عموما اخوي كركم :

لاستكمال عقد الزواج البنت اشرطت من كلامك وقالت شرطي بيت مستقل والزوج وافق وتمت الملجه 00000


طيب سؤال بارك الله فيك ممكن تسئل صاحبك لان الفضول شدني في هالنقطه :

ليش البنت شرطت بيت مستقل ؟؟؟؟؟؟
هل تعاني من تفكك اسري؟؟؟ او هل تعاني من عقده في حياتها او تجربه عشان تضع هذا الشرط وتصر في البدايه والنهايه عليه على الرغم من تطور الظروف للاسوء؟؟؟


ترى اصرارها يا وراه تجربه قاسيه ونظره تشائميه للمستقبل عن اهل الزوج او وراه موضه البنات بيت مستقل لجل صديقاتي ونظره المجتمع 00000:) احنا حريم وانعرف التفكير كيف يكون 0000

اما لو بنت عايشه بجو اسري طبيعي والريال كفو مايعيبه شي وغير انك ذكرت ان علاقتها طيبه مع اهل زوجها وبعد تقربله 000 وتعرض لظروف قاهره قصبن عنه وقام بنا ملحق مستقل صراحه بيكون تصرفها طبيعي مثل تربيتها الاسريه الطبيعيه وبتقوله الله بيوسع علينا ما بعد العسر الا اليسر يابوفلان 000
اما بالنسبه للمستقبل انها هل بتراعي ظروفه وبتستحمله ولا بيكون همها نفسها بس؟؟

هذا السؤال صعب ولا نقدر نجاوب عليه لانه اهو من عاشرها وادرى بطبعها واهو من يحدد ؟؟والله يصلح حالهم ويكبر عقل زوجته 000000

اختي حتى لو علاقتها طيبه مع اهل زوجها وتحبهم وتموت فيهم
البنت لين جات تتزوج تبي مملكتها الخاصه وتبي تبني حياتها بروحها
ما تبي تتزوج وتنتقل من بيت اهلها وتسكن مع ناس ثانيين
بعدين يمكن الأطباع تفرق
مو شرط انج متوالفه مع حد انج ممكن تعيشين معاه في بيت واحد

واللي أوله شرط اخره نووور مثل ما يقولون اخواننا المصريين
هي شرطت بيت مستقل وهو وافق

الظروف الحين تغيرت لا حول ولا قوة الا بالله
الله يعينه

لكن العتب ع البنت في نقطة وحده انها مو مراعية ظروف زوجها
ومن اول شده ومحنه ... بينت ردة فعها السلبية

اخوي كركم

نصيحتي لصديقك صلاة الاستخاره
والله ييسر له اللي فيه الخير

هذا احسن شي ممكن يسويه في موقف مثل هذا

[king fish]

أخوي كلمتين
لو راحت اشتكت القاضي بيحكم لك طالماان في السكن حاجز منفصل عن الاهل فهذا يعتبر حجاب شرعي

[بنت سيف]

أخوي كركم ..

السكن مع أهل الزوج .. ممكن يسوي مشاكل تؤدي للانفصال ..

ويجوز هذا تخوف البنت ..

وهي من حقها مسكن مستقل ..

ودام الظروف حكمت عليه .. بهالوضع

يخيرها ..

بين إمكانياته المتاحة الحين ..
أو
تصبر .. لحد ما إمكانياته تتحسن .. يصير لها بيت منفصل ..
أو
يتركون بعض .. لا يعلقها .. ولا تعلقه

بنت سيف

[باظلوف]

اخوي دام اهي شرطت لازم اهو ينفذ الشرط هذي شرعا

خل يقولها انا ماقدر استأجر بيت مستقل.. اذا شقه توافق؟

شوف باقولك انا لاحظت ان اغلب المشاكل بسبب عدم مصارحة الزوج لزوجته بأموره الماليه

خل يكسر لها الحساب ويقولها هذي اللي عندي

تبين تعيشين معاي اعزج وادللج باللي اقدر اعليه والا تبين ادفع كل معاشي على الاجار!

[barod]

نصيحتي يكلم ابوها واخوانها ويشرح لهم الظروف وان هل وضع مؤقت لين تتعدل الظروف ويوصل لها رساله ان ما عنده حل ثاني نسبه لوضعه المادي وافقت زين او ياجل العرس لين ربك يفرجها

[كــرت احمــر]

طال عمرك وعمره مايبيلها فركة اذن ، يخلي والدته الله لايهينه تكلم ام العروس وتعلمها بظروف ومحنة المعرس اللي يمر فيها بالكلام الطيب .... الخ واذا ما كان لها وقفه ( العمه ) مع زوج بنتها وقدرت اظروفه ، بيعرف عقب وين؟ تكمن المشكله في حينها اللي هي ( العمه ) ، عندها يصر على رأي واحد مافيه زواج الا عقب مايتوفر المسكن للعروس استسلام منه لطلبهم ، بدون ذكر انه بيسكن عند اهله وعقب هنا بيعرف معدن نسباه اللي ناسبهم ياقولون طلق ( بنتنا ) ولا بيصبرون عليه لين ربي يسهل اموره وفي حالة انهم اصروا على الطلاق ، يطلق واللي هذا اوله ينعاف تاليه والزواج قسمه ونصيب . و تحياتي لك ياكركم .

[بـــــــنت النوخـّــــذه]

اختي حتى لو علاقتها طيبه مع اهل زوجها وتحبهم وتموت فيهم
البنت لين جات تتزوج تبي مملكتها الخاصه وتبي تبني حياتها بروحها
ما تبي تتزوج وتنتقل من بيت اهلها وتسكن مع ناس ثانيين
بعدين يمكن الأطباع تفرق
مو شرط انج متوالفه مع حد انج ممكن تعيشين معاه في بيت واحد

واللي أوله شرط اخره نووور مثل ما يقولون اخواننا المصريين
هي شرطت بيت مستقل وهو وافق

الظروف الحين تغيرت لا حول ولا قوة الا بالله
الله يعينه

لكن العتب ع البنت في نقطة وحده انها مو مراعية ظروف زوجها
ومن اول شده ومحنه ... بينت ردة فعها السلبية

اخوي كركم

نصيحتي لصديقك صلاة الاستخاره
والله ييسر له اللي فيه الخير

هذا احسن شي ممكن يسويه في موقف مثل هذا

انا معاج شوفي انتي قلتي شي طبيعي في البنت تبغي بيت وطيب هل من الطبيعي عدم الالتفات لظروف الزوج 0000وبعدين شنهو الفرق بين الملحق والبيت الخاص ؟؟؟ماهو جذي جذاك بتفارقهم 00 اهي اساسا" مهب متقبله الفكره مع ان ملحق في نظري = بيت مستقل 00ومثل ماقالت الاخت تحداني الزمن اكيد فيه شي في بالها وشي غامض يخليها تصر على بيت مستقل 00والمملكه لاحقه عليها ^_^ كلنا لحقنا على مملكاتنا ^_^

اعتقد اهي محتاجه حد كبير (تقتنع بكلامه وله تأثير عليها) كأمها وخواتها ^_^
والله يصلح حالهم 00

[بوحارب]

الصراحة شرط سخيف

وش لها في بيت بروحها من كثر العيال يعني !!!

الله يعينه الرجال المسكين

[كركم]

الأفضل انه ينسحب , لأن اغلب حالات الطلاق تحصل بسبب عدم وجود مسكن منفصل . وخله يكثر من الصوم !

نصحته انه يخله آخر حل

[الأصيلة]

والله شرط البيت المستقل انا أشوفه دلع من البنت الا إذا هي تعرف أهله ولهم سوابق من نسوان عيالهم من قبل
لكن إذا الرجال طيب وأهله طيبين ليش تقعد في بيت من اولها
عاد من زين احساس بنات هالجيل بالمسؤولية
أغلبهم ينامون للظهر والخدامة تقوم بكل شي...
والله أن فيه عوائل من اغنى الناس ويقدرون
يفتحون لعيالهم بدل البيت قصر
لكن اول ما يتزوج الولد يقعد في غرفتين وصاله
أو ملحق مع اهله من 3-5 سنوات وتجيب
طفلين او ثلاثه...
بالعكس هذي الفترة تتعود على اهله وعليه وعلى المسؤولية...وتصير ألفة ومحبة بينهم...
لكن هو استعراض عضلات من البنت على الزوج
في بداية الزواج وألاحظ بنات تحت العشرين
ياخذون مشورة صديقاتهم اللي بسنهم ويجبرون حتى اهلهم على شروطهم...
وأقول بعض البنات يطلعون على أمهاتهم
فإذا عاشت أمها مع اهل ابوها وعاملتهم معاملة طيبة
البنت بتطلع عليها ...
وهذا هو مربط الفرس
قبل لاتاخذ البنت اسأل عن امها
وكذلك الولد قبل لا توافقين عليه اسالي عن أمه...

[كركم]

الصراحه البنت معاها حق لانه تصير مشاكل عقب الزواج
مع ام الزوج وخواته وبيتوهق معاهم يصدق مِنْ والا مِنْ
الله يسهل عَلَيْهِ ويوفقهم

حقها الشرعي ماقلنا شي...والرجال ادري به مابيقعد عند هله اكثر من سنة بالكثير.لين يرتب اموره.( على حسب كلامه)..بس النقطة الجوهرية اللي شاغله باله هي: هل بعد هالموقف اللي يعتبر اختبارللزوجة ولمعاهدة المحبه الابدية في السراء والضراء ممكن حياتهم تستقر وتتحمل الزوجة المدللــه في بيت ابوها صعوبات الحياة؟

[كركم]

الصبر مفتاح الفرج
ويقول جمال الدين الافغاني عن الازمات وصعوبه الحياه :
" إن الازمه تلد الهمه ولا يتسع الامر الا اذا ضاق ولا يظهر نور الفجر الابعد الظلام الحالك "
والله يصلحهم ورجعهم لبعض

بارك الله فيك يالغانم

[كركم]

يتركها والله يوفقك بغيرها

خيار وارد..تسلم يالشيخ

[كركم]

اللي هذا أولها ينعاف تاليها....
المرأة إذا ما صمدت مع زوجها في المواقف الصعبة اللي يمر بها.
معناها انها بـ تكون في السراء معاه وفي الضراء بيكون وحيد ما معاه أحد...
تحتاج هذه البنت أحد اكبر منها يفهمها ويشرح لها حقيقة الحياة الزوجية والرباط المقدس...
تفهمت الوضع وارضخت لشروط زوجها بدل ماهو يرضخ لشروطها ..كان بها
وإلا بنات العرب اللي يعرفون السنع وماعندهم أي شروط واجد...
لكن خل هالشباب يخفون شوي من شروطهم التعجيزية في شكل وعرض وطول البنت..
وبيلقون الزوجة الطيبة التي تعين زوجها ما تعين عليه...
الله يهديهم هالبنات ويصلح حالهم ويستر عليهم...


أعتقد انه ما لجئ لي الا بعد ما استنفذ كل الوسائل..يعني اكيد تدخلوا الأهل وما اتفقوا..وياليت كل البنات يفكرون مثلج

[كركم]

ياجماعه لا تتوقعون من بنت توها بتدخل الحياة الزوجيه انها راح تتفهم معاناة زوجها


هي تبي راحتها اكيد سمعت وايد عن اهل الزوج وسوالفهم او يمكن حد مأثر عليها

وهو ابتدى معاها الموضوع بشكل خاطئ

لو انه بدى يلمح لها ويزين الكلام افضل وعطاها اياها على دفعات

بس دامه صارحها بهالشي خلها فتره شوي وتهدى الامور

وبعد فتره يشوف من من اهلها رايه ياثر عليها وفي نفس الوقت يكون فاهم

وانا اقترح الاب لان الام في هالحالات توقف مع بنتها

او ابوها او اخوها خل يكلمهم ويشرح لهم ظروفه وهم يأثرون عليها

شوي شوي وان شاء الله بعد الزواج راح تتفهم الوضع لو هي تحبه

مثل مايقول

طبعا رفضها للموضوع ماله خص في انها تحبه ولا ماتحبه

هي اكيد ياهل وتفكر في مصلحتها وللحين ماعاشت الحياة الزوجيه

معاه وماعرفت اطباعه عدل يمكن تتغير البنت مع الايام

وهذي رايي

هلا بمراقبتنا شرفتي الموضوع

يمكن تغيرين رايج لو عرفتي ان هالياهل عمرها فوق الـ 24 تقريبا..ومثل ما ذكرت البنت متمسكه برأيها وهو ظروفه صعبه..وهالموقف خلاه يوسوس ..ويشك بأن اختياره كان صحيح من البداية...!!!

[كركم]

الصبر يمدحونه بكل الأمور

صح فيه امور ماتقدر تحكم وتعطي نصايح اذا تسمع لطرف واحد.

يصبر يمكن الله يفرجها عليه وتتحسن اوضاعه .

ومع الرأي الى يقول يكلم حد من أهلها ويشرح له وضعه المالي ويطلب منه يقنع البنت واذا له نصيب بتنحل المشكله.



صحيح وأنا بعد أيد الصبر بس للأسف هو صبر وايد...

[مشغولة البال]

لاتحكمون ع البنت ان شرطها سخيف اخواني ولله العظيم انتوا ماتعرفون ان المشاكل عقب الزواج 99% منها تصير بسبب الاهل حتى لو مايقصدون بس ترى في اشياء واااااااااايد تصير ومايدري عنها الا اللي جربها حتى لو بملحق في بيت اهله بيقولون وينها ليش ماجات اليوم تسلم وليش كل شوي طالعين وليش مادري شنو وولدنا ماقام يقعد ويانا من خذاها ومن هالكلام لااحد يقول انا اعرف اهلي وامي وابوي طيبين ومايتدخلون ولله العظيم لو كانوا اهلك من؟!!! ووطيبة قلوبهم ماتنوصف ترى البعد أفضل لك ولهم والمحبه والاحترام تكون اكبر انا اتكلم عن تجربه عشتها انا مع ام زوجي كنت في طابق بروحي وتصير مشاكل على اسخف الامور والغيره تذبحهم وياليتني اشوفه بعد وهذا احد اسباب انفصالي وبعد امي وحده طيبه موووووووووت ماقدر اوصف طيبتها بس حساسه يعني ولله اليوم تاخروا في الرقده الصبح وينها ليش ماشفناها ؟؟!!! واحنا مانبي منها غير الكلمه الطيبه ومن هالكلام الواحد توه معرس او ان شاء الله عقب عشر سنين يعيش مع مرته حياتهم بكيفهم المره تعرف واجباتها والريال يعرف واجباته وخلاص الباقي محد له خص فيه والبنت كانت صريحه قبل الملجه انها تبي بيت منفصل تماما تعرفون ليش؟؟!! من كثر ماتشوف البنات اللي فالمحاكم واللي في بيت ابوها وعندها ولد او تكون توها متزوجه بسبب الاهل اشيااء واااااااايد واااااااااايد محد يعرفها ولايتوقعها من الاهل ممكن تصير فالبعد افضل واسفه اني تفلسفت واايد انا من طبعي مااأرد ع المواضيع اللي فيها نقاش بس من واقع تجربه نصحتكم ولله يوفق الجميع:)

[كركم]

والله اخوي اذا بيقعد يقنعها عشان تعيش وياه وعقب العرس تغير رايها .. لا

الريال كانت حالته زينه .. لكن يوم دارت الدنيا عليه هي تغيرت بعد عليه .. ربما هذا سبب من الله ان يبين له هذا الشيء في البنت هذي .. يعني اذا شاريته بتحب تعيش معاه في الحلوه والمره ..

وعلى فكره صح ان بعض البنات ينشرون بالذهب بس م اعتقد ان هذي البنت منهم ..

والله يوفقه ببنت الحلال الي تحبه وتصونه وتحطه تاج على راسه .. وتسكن وياه لو في خيمه ..

وتقبل مروري

هذا الكلام اللي فكرت فيه اول ماعرفت السالفة..بس قبضت لساني وقلت ياولد..خلك محضر خير على قولة المصريين...يعطيك العافية

[كركم]

اولا : انا اشكرك على اخر جمل كتبتها بكلامك انك فضلت الصمت 00على نصيحه يمكن تسبب الطلاق 000عموما اخوي كركم :

لاستكمال عقد الزواج البنت اشرطت من كلامك وقالت شرطي بيت مستقل والزوج وافق وتمت الملجه 00000


طيب سؤال بارك الله فيك ممكن تسئل صاحبك لان الفضول شدني في هالنقطه :

ليش البنت شرطت بيت مستقل ؟؟؟؟؟؟
هل تعاني من تفكك اسري؟؟؟ او هل تعاني من عقده في حياتها او تجربه عشان تضع هذا الشرط وتصر في البدايه والنهايه عليه على الرغم من تطور الظروف للاسوء؟؟؟


ترى اصرارها يا وراه تجربه قاسيه ونظره تشائميه للمستقبل عن اهل الزوج او وراه موضه البنات بيت مستقل لجل صديقاتي ونظره المجتمع 00000:) احنا حريم وانعرف التفكير كيف يكون 0000

اما لو بنت عايشه بجو اسري طبيعي والريال كفو مايعيبه شي وغير انك ذكرت ان علاقتها طيبه مع اهل زوجها وبعد تقربله 000 وتعرض لظروف قاهره قصبن عنه وقام بنا ملحق مستقل صراحه بيكون تصرفها طبيعي مثل تربيتها الاسريه الطبيعيه وبتقوله الله بيوسع علينا ما بعد العسر الا اليسر يابوفلان 000
اما بالنسبه للمستقبل انها هل بتراعي ظروفه وبتستحمله ولا بيكون همها نفسها بس؟؟

هذا السؤال صعب ولا نقدر نجاوب عليه لانه اهو من عاشرها وادرى بطبعها واهو من يحدد ؟؟والله يصلح حالهم ويكبر عقل زوجته 000000

هلا بنت النوخذة... الله يسلمج انا سألت نفس السؤال..وقال البنت عندها أختين والأختين ماخذين خوان وأقعدوا في بيت واحد مب ملحق بيت عباره عن غرف وملحقاتها يعني اذا دشوا او اطلعوا بيمرون على الصالة مشتركة مع باقي اخوان وخوات المعاريس...ولا صارت بينهم مشاكل ولا شي وهم اللي رشحوا اختهم حق فلان..يعني هي من بيت مستقر..بس العقل الله بالخير

[cobra]

والله مافي احلا من العيشة في بيت واحد يلم الاسرة

الخطأ في البداية من الزوج اللي وافق يتزوج بهالشرط

شلون يترك ابوه وامة ويعيش في بيت بروحه

انا اشوف اللي يقولون خل يكلم ابوها وامها

هذا ابد مب حل ابوها وامها مب دايمين لها اي مشكله يرجع يكلمهم عشان يتوسطون

بعدين السؤال الاهم

كم عمر الزوج ؟ كم عمر الزوجة؟

اذا الزوجة قريب الـ 25 يعني وحده كبيرة وفاهمة المفروض او من الواجب عليها تتفهم حالة زوجها المادية

مانقول الا الله يوفقهم ويصلح فيما بينهم ويجمعهم على مايحبه ويرضاه

[نور اعيوني]

اذا هاي اولها عيل ينعرف تاليها بعدين ليش واااافقهم على سالفة بيت بروحها والله شي جديد بعد يطلبون بيت بروحها وين احنا بمصر كل انسان وامكانياته انا اختي كان زوجها قايل لها احجزي تجهيزات العرس من اي مكان عادي عندي وصارت له ظروف وقال لها ان ميزانيته مب لذالك الزود وراحت اختي وحجزت اشياء بسيطه ومب مكلفه كلشش وعدى كل شي على خير ..البنت اللي تفكر بكلام الناس ما راح تخلص اما اللي بتفكر بعقل بتمشي حياتها ..بس ما نقول الا الله يهدي زوجته ويصلحها...

[بنت^البحرين1]

انا سؤال واحد بسأله .. ليش البنات دايما يفكرون أن أهل الزوج راعين مشاكل وبينكدون عليها عيشتها لو سكنت معاهم ؟؟ ليش ماتتعامل معاهم على انهم امها وخواتها وتشوف شلون ؟؟
اللي اذكروا تجاربهم .. انا اقولهم تجربتي مع حريم اخواني الثنتين .. وحده منهم معانا فالبيت لها الحين 11 سنة وكلمها اخوي وحتى ابوي ان بيبنون لها بيت بروحها بس هي رافضة تماما هالفكرة وتقول مرتاحة معانا،، لا نسألها وين راحت ولا من وين يايية .. ان يات قعدت معانا حياها الله على العين والراس وان مايات لها حريتها.. اليهال عندنا 24 ساعة ومايحلى البيت الا فيهم الله يحفظهم.. والله ان الكل ملاحظ علاقتنا فيهم شلون قوية.. ولاشيلة ولاحطة ولاعزيمة ولاعرس الا هم معانا وأمي مافي لسانهم غير حريم فلان وفلان.. لا مأذينهم ولا مأذينا ..صدقوني هالحريم لو شافوا معاملة جافة من حتى هم مايبونا ولايبون قربنا .. بس بالطيب والمعاملة الزينة الواحد يحترم ويقدر اللي جدامه


اخوي كركم .. يهال ومافي .. والريال على قد حاله لظروف حصلت له مب بيده .. ليش ماقدر ظرف هالزوج المسكين ؟؟ والله لو أنا منها بقوله تامر امر يافلان حتى لو قعدنا بغرفة مع حمامها وانتوا بكرامة ماعندي مانع لحد مالله يوسع علينا ونغير .. يعني بالعربي تبي تقول وافقت يوم كان عنده فلوس على اساس فلوسه والحين يوم انكسر لا مابي روح دبر نفسك ومالي شغل؟؟ عيل شخانتها اذا هالحزة ماوقفت معاه ؟؟ أختي الكبيرة كانت على اساس سكن بروحها وصارت له ظروف وماقدر وقالت له مب مشكلة وقعدت معاه بغرفتين وحمام وانتوا بكرامة 7 سنوات لين طلعت بيت بروحها ، لكن شوف شكثر يحبها ويغليها ويعز مقدارها الحين ؟؟ ليش ؟؟ ترى وقفة المرة مع زوجها في ظروفه الصعبة مستحيل ينساها لها ان كان أيودي وولد ناس


انا اشوف المعااااااااااااملة الطيبة والله انها الاساس.. اهل الزوج مب دايما عقارب وثعابين ويبون الشر .. هذي مرت ولدهم وأكيد هم يبون ويتمنون الخير حق ولدهم .. يعني لاتحطون في بالكم ان كله شياطين ..

.. والله يا جماعة مافي احلى من الجمعة وشوفة الناس.. اقلها لي تمللت وريلها محد تقعد مع امه خواته توسع خاطرها معاهم.. حبيهم بيحبونج ولو كانوا مب زينيين بالطيب والمعاملة الزينة بتكسرين عينهم غصبا عليهم


الله يهديها ان شاءالله وتغير رايها وييسر امر رفيجك

[ضوى]

دامها اشرطت هالشرط من البداية عليه وهو وافق ماله داعي يتنصل الحين ، يوفي بالوعد على الاقل كم شهر واكيد هي بتحس عقب بالتزاماته المادية لانه بتكون معاه بمركب واحد وبتحاول اكيد تحل المشكلة معاه وتعيش معاه ببيت اهله لين يتعدل وضعه هذا هو الحل المتاح حالياً ، تنفيذ الشروط قانونيا وشرعا واجب دامه انذكر بالعقد

[أم وضحى]

اذا جيت للحق : هو قبل بالشرط .. والمفروض يكون عند كلمته .. مب من أولها يوعد و يخلف .( يمكن هي خافت من هالنقطه ) انه يكون من النوع اللي مب قد كلمته .. يسكنها في ملحق على اساس انه مؤقت ولمدة 15 سنه وفوق ..
وهذي مشكلة بعض الشباب الله يهديهم اللي يحط الشمس في يد والقمر في يد للبنت ..
المفروض يكونون واقعيين .. عشان ماتواجههم هالنوعيه من المشاكل في بداية حياتهم ..


وانا من راي اختي ضوى الواجب عليه كرجل ينفذ الشرط ويقلل من مصاريف العرس
بمعنى يعمل توازن من الناحيه الماديه ويبلغها بكل صغيرة وكبيرة وبواقعيه ..
مب يوعدها بأحلام عقب يقول ظروفي ماساعدتني ..عشان يتفادى المشاكل مستقبلا ..

والله يوفقهم ..

[الأصيلة]

المشكلة مب في وعدها واخلف
المشكلة المفروض البنت العاقل ما تطلب واتشرط إلا إذا فيه أسباب مقنعة...
وطبعا احنا مانعرف البنت ولا الولد ولا ندري بحقيقة ظروفهم
الله يساعدهم ويجمع بينهم على خير...

[alrheeb2020]

الصراحه اذا هاي اولها معاها الله يستر من تاليها ..


والله يوفق رفيجك ويكتب له كل خير ان شاء الله ..

[وهم قطر]

اذا عني ماخذها حتى لو كانت بنت عمي مادامها تشرط واذا المسكين ماعنده فلوس

ولا اعطته فرصه

كيف اتزوجها وهي ماتحب اهلي وشبيبها

[بنت ذياب]

مممممممممم

والله مادري ..

اخوي انت قلت يصيرلها

يمكن في touch بينها وبين هله .. من جي تبي بيت مستقل عنهم !!

واذا مافي بينهم شي.. والعلاقات طيبه ليش تشترط من البدايه انها تبتعد عنهم وهم اهلها!

والله لو مافي سبب ولا هله فيهم شي.. وحتتتتتى لوفرضا فيهم شي..

هي اولا واخيرا.. بتستقل عنهم .. لانها بتكون ف ملحق بروحها.. ف بيت اهل ريلها

مع احترامي لها /... سخيفه !

شهالحب ؟! .. عادي تهدم كل شي عشان بيت .. راح اييها جاهز بعدين

زين البيت مب طاير.. قالوا لج حل مؤقت يابنت الناس!!!:anger1:

والله لو تحبه .. وشاريته.. بترضى تعيش معاه باي مكان.. حتى لو بقرقور:omen2:


الله يكون بعونه .. ويهديها.. ويصلح حالها ..

[شعنونة قطر]

ياابن الحلال . . . اسمعهــــآآآ مني انــآ وبس


خليوعدها . . ويطمنها . . . ان محد يدخل في خصوصياتها . . .
وان بتكون كانها منعزله . . . ويوعدها ويطمنها ويكون قد الوعد

وصدقني بيرضى

الا اذا كانوا اهله نار

فيووخرر الناار عن الزيت

ولا ياجل العررس لين يخلص البيت يأجله سنتين شالمشكله يعني . . . .

[شعنونة قطر]

مممممممممم

والله مادري ..

اخوي انت قلت يصيرلها

يمكن في touch بينها وبين هله .. من جي تبي بيت مستقل عنهم !!

واذا مافي بينهم شي.. والعلاقات طيبه ليش تشترط من البدايه انها تبتعد عنهم وهم اهلها!

والله لو مافي سبب ولا هله فيهم شي.. وحتتتتتى لوفرضا فيهم شي..

هي اولا واخيرا.. بتستقل عنهم .. لانها بتكون ف ملحق بروحها.. ف بيت اهل ريلها

مع احترامي لها /... سخيفه !

شهالحب ؟! .. عادي تهدم كل شي عشان بيت .. راح اييها جاهز بعدين

زين البيت مب طاير.. قالوا لج حل مؤقت يابنت الناس!!!:anger1:

والله لو تحبه .. وشاريته.. بترضى تعيش معاه باي مكان.. حتى لو بقرقور:omen2:


الله يكون بعونه .. ويهديها.. ويصلح حالها ..

الجمره ماتحرق غير واطيها :(


انا متأكده انها سامعه قصص عن اهل الزوج . . . .
والنفووس تتغير حتى لو يعرفون بعض
وبلانا يالحريم الغيره :(


يعني معها حق كل الحق ومن حقها بعد . . .

يعني اذا صارت مشكله بينها وبين اهل ريلها عن الخصوصيه او التطفل او الميانه اللي مالها داعي الزوج المحترم بيدافع عنها :omen2:
ولا بينحاش من البيت :omen2:

ولا بيخانق اهله :omen2:

فخلهم بعيد ورسميين ابرك . . . ماعاد به ميانه وعلاقات حلوه
خلاص . . . .

[مشغولة البال]

الجمره ماتحرق غير واطيها :(


انا متأكده انها سامعه قصص عن اهل الزوج . . . .
والنفووس تتغير حتى لو يعرفون بعض
وبلانا يالحريم الغيره :(


يعني معها حق كل الحق ومن حقها بعد . . .

يعني اذا صارت مشكله بينها وبين اهل ريلها عن الخصوصيه او التطفل او الميانه اللي مالها داعي الزوج المحترم بيدافع عنها :omen2:
ولا بينحاش من البيت :omen2:

ولا بيخانق اهله :omen2:

فخلهم بعيد ورسميين ابرك . . . ماعاد به ميانه وعلاقات حلوه
خلاص . . . .

ههههههههههههههههههههههههههههههههه :nice::nice::nice:

[المخفي]

الشاب و الفتاة يدخلون حياة جديدة و لا يملكون الخبرة فيها و لذلك يحتاجون من ينصحهم في بداية حياتهم الزوجية

المفروض الزوج يقول لزوجته عن وضعه الحالي و يكون صريح معاها و بتتفهم وضعه و يمكن انها ترضى

اذا صارحها و ما اقتنعت في رايه يحاول انه يكلم حد عاقل من اهلها و يحاول يقنعها

او يحاول يقدم على السكن الحكومي

[كركم]

.. الله يصلح من حال الطرفين يارب ..
والخيره فيما اختاره الله


وعسى الله يهدي سرهم .. وينور طريقهم ..
لا أستطيع أن أدلو بدلوي .. فهناك جوانب كثيره غامضه وغير واضحه
ولا يعلمها سوى الاثنان


.
.
جملك الله برضى الرحمن


يمكن ردة فعل البنت هو اللي يعطي انطباع غامض لكل اللي عرفوا القصة..اكيد كل واحد بيقول بينه وبين نفسه ان السالفه فيها أن...بس صدقوني ان البنت من بيت طيب والريال من بيت طيب..ونادر جدا جدا جدا تصير عندهم حالات طلاق ...بس الظاهر ان البنت مدللـه وعنيده*

[كركم]

اختي حتى لو علاقتها طيبه مع اهل زوجها وتحبهم وتموت فيهم
البنت لين جات تتزوج تبي مملكتها الخاصه وتبي تبني حياتها بروحها
ما تبي تتزوج وتنتقل من بيت اهلها وتسكن مع ناس ثانيين
بعدين يمكن الأطباع تفرق
مو شرط انج متوالفه مع حد انج ممكن تعيشين معاه في بيت واحد

واللي أوله شرط اخره نووور مثل ما يقولون اخواننا المصريين
هي شرطت بيت مستقل وهو وافق

الظروف الحين تغيرت لا حول ولا قوة الا بالله
الله يعينه

لكن العتب ع البنت في نقطة وحده انها مو مراعية ظروف زوجها
ومن اول شده ومحنه ... بينت ردة فعها السلبية

اخوي كركم

نصيحتي لصديقك صلاة الاستخاره
والله ييسر له اللي فيه الخير

هذا احسن شي ممكن يسويه في موقف مثل هذا

صدقتي..اي والله احسن شي واذا له فيها خير الله بييسر اموره

[كركم]

أخوي كلمتين
لو راحت اشتكت القاضي بيحكم لك طالماان في السكن حاجز منفصل عن الاهل فهذا يعتبر حجاب شرعي

والله ياخوي هو كله يردد كلمة ماابي اظلمها ماابي اذا صار انفصال تكون ماسكه علي غلطة..وسالفة البيت هذي مب غلطه..ظروف قاهره وصارت لي ولغيري ولكل العالم..واكيد القاضي بيحكم لصالحه..لانهم مثلا ماحددوا في العقد ان يكون بيت منفصل..مادام ملحق وفي بينها وبين اهل ريلها حاجز اكيد القاضي بيوقف معاه

[كركم]

أخوي كركم ..

السكن مع أهل الزوج .. ممكن يسوي مشاكل تؤدي للانفصال ..

ويجوز هذا تخوف البنت ..

وهي من حقها مسكن مستقل ..

ودام الظروف حكمت عليه .. بهالوضع

يخيرها ..

بين إمكانياته المتاحة الحين ..
أو
تصبر .. لحد ما إمكانياته تتحسن .. يصير لها بيت منفصل ..
أو
يتركون بعض .. لا يعلقها .. ولا تعلقه

بنت سيف

وفعلا هذي هي الخيارات اللي حطها ما عدا الخيار الثاني...موضوع التأجيل غير وارد ابدا

[كركم]

اخوي دام اهي شرطت لازم اهو ينفذ الشرط هذي شرعا

خل يقولها انا ماقدر استأجر بيت مستقل.. اذا شقه توافق؟

شوف باقولك انا لاحظت ان اغلب المشاكل بسبب عدم مصارحة الزوج لزوجته بأموره الماليه

خل يكسر لها الحساب ويقولها هذي اللي عندي

تبين تعيشين معاي اعزج وادللج باللي اقدر اعليه والا تبين ادفع كل معاشي على الاجار!

كسر لها الحساب ووضح لها الصورة الحالية...ورغم هالشي ماقدرت ظروفه

[الياقوت99]

بس اللي اوله شرط اخره نور ---- يعني هذا شرطها من البداية وهو لازم يلتزم فيه

[ROSE]

هلا بمراقبتنا شرفتي الموضوع

يمكن تغيرين رايج لو عرفتي ان هالياهل عمرها فوق الـ 24 تقريبا..ومثل ما ذكرت البنت متمسكه برأيها وهو ظروفه صعبه..وهالموقف خلاه يوسوس ..ويشك بأن اختياره كان صحيح من البداية...!!!

انا من رايي لو الامر جذي

انه من الحين يكون له كلمه ويوقف موقف رجال وحازم

لا يتردد عشان سواد عيونها ولا خضارهم :secret:


هو عارف بظروفه بكره لو طاوعها

وقعد معاها في بيت منفصل بتقعد تتشكى الحال


ماعندي وماعندي

اما بتقول له خلني اشتغل او طلقني

وفي الحالتين راح يعاني

فاشوف انه لو وقف وقفته الحازمه وقال لها الملحق ومارضت

خلاص الانفصال بالمعروف وهي بتحصل لها اللي يوفر لها البيت

وهو ان شاء الله بيحصل بنت الحلال اللي ترضى بظروفه وتعيش معاه


وبعد ارجع واقول


الافضل انه يستخير مره ومرتين وثلاث

ورب العالمين بيهديه ان شاء الله للصح

[ام سلطون]

هو ريال وعقله فراسه وادرى من الكل بوضعه
الموضوع انطرح ان قصة شخص واكيد فالسلفة امور وايد احنا مب ملمين فيها
فالاحسن ان هو يدرس وضعه ويقرر بروحه

[حنان الدنيا]

اشوف انه يحاول مره ومرتين بعد خاصه انه ملحق بروحه يعني مافيها شئ

واذا مارضت خلاص كل واحد يروح بطريق والناس ظروف وهي الخسرانه صدقيني

[حاملة المسك]

اشوف الشرط عاااادي وهذا حقها واقول من حقها

لو صج مايقدر يأجر بسبعه ولا سته على قولتك ياخذ بيت اسكان وينخصم منه اربعة الاف بس لين تتعدل

ظروفه وهالحل اللي يصير هالايام كل الشباب اللي مابنوا للحين عايشين في فلل الاسكان

ومن حقها تفضل الخصوصية بطلبها بيت مستقل


واللي قاموا عليها وقالوا فيها شي ولا اسرة مفككة ضحكتوني والله على ردودكم هي اشتطرطت وهو وافق


خلاص انتهينا ماقدر او مايبي حتى يلقى حل وسط يرضى الطرفين خلاص مع السلامه الله بيعوضها وبيعوضه

خير :)


وترى الحب وتحمل ظروف الاخر مالها اي خص بالمسألة هذه


والله يوفقهم جميع

[موظف بالبورصه]

الي تبي زوجها بتعيش معاه لو في عشه ..

الله يرحم ايام قبل غرفه وحمام الله يعزكم راضيين ومتهنين والحين الملحق مايبونه يبون بيت كامل !!

اخوي كركم دامها من البدايه هاشكل ومافهمت ظروف زوجها وماهمها الا نفسها الانفصال الحل الوحيد ..

دامه شرح لها وهي وماتفهمت خلها تقعد فالبيت وتنتضر يجيها واحد عنده بيت :)

[ماريسا]

برايي الشخصي البنت ما أخطات بشي ’’ هي اشترطت البيت و هو وافق
و لما تغيرت ظروفه من حقها تغير رايها ..

صديقك الطيب زعلان لأن البنت يهمها البيت أكثر من زواجهم .. بس من حقها و هالشي ما يزعّل أبد

خصوصاً بعد ما سمعنا قصص الرعب اللي تصير في اكثر البيوت بسبب أهل الزوج
البنت تبي تضمن الأمان و الاستقرار .. تبي تتزوج عشان تعيش بسعادة مب بتعاسة!!

لكن,,,,,,,,,!!

لو أنا أحب خطيبي راح اوافق أسكن معاه ان شالله بكوخ و رح أراعي كل ظروفه مو مشكلة!!

بس لو ما حبّه مش معناته إني وحدة سيئة و مب قد المسؤولية و من حقي أقبل أو أرفض و مش مجبورة أفتح على نفسي باب يجيب لي مشاكل انا في غنى عنها !!
و اللي يقول شرط السكن دلع من البنت أقولّه البنت ما تطلع من بيت أبوها عشان تسكن في بيت مابتاخذ راحتها فيه!!
و في شي اسمه قبول و رفض !! في ناس تقبل السكن مع اهل الزوج و في ناس ماتقبل .. مش معناه اللي بتقبل يعني خلاص ملاك من السما و بتراعي زوجها في السراء و الضراء و مش معناة اللي ما تقبل يعني مش ناضجة و ماتفهم في الزواج!!

و آخراً و ليس أخيرأً...........الناس أراء و عقليات!!

و بالتوفيق لصاحب المشكلة
وشكراً لك كركم

[almaf1a]

انا اشوف الغلط على الرجال
دامه مايقدر يوفر بيت لها ليش يوافق من البداية
حتى لو كانت الظروف ضده

[NEMO]

في ردود وايد استغربت منها يعني كل شي على راس اهل الزوج امه وخواته ......والمرأه ماتسوي شي ملاك بس امه وخواته اللي يسون مشاكل .......

[شعنونة قطر]

ميمو . . .
المره يمكن تكون او يمكن تغلط السالفه ومافيها

كل ماابتعدوا عن بعض وصاروا رسميين تصير العلاقه جدا جميله وطيبه وتبقى النفوس نظيفه


يعني لو عاشت معه فمللحق وصارت مشاكل
وبعدين راحت لبيت بروحها شالفايده دام النفوس صارت خايسه . . .

[كركم]

أشكر كل اللي علقوا على الموضوع وارائكم تستحق كل الأحترام والتقدير...وكل واحد كتب رأيه بناء على تجربة حصلت له شخصيا او سمع عنها ومن الطبيعي يكون في اختلاف في الردود...

وانا رأي الشخصي...يحاول لآخر مرة يوصل الفكرة لأقرب الناس لها اخوها او ابوها...انا ظروفي كذا وهذا اللي اقدر عليه..ولها مني وعد ان هلي ما يدخلون بحياتنا لا من قريب او بعيد....عندها استعداد تتحمل معاي بشكل مؤقت لين الله يوفقني كان بها..ماعندها استعداد الله يوفقها باللي احسن مني والله يوفقني باللي احسن منها...ويصبر عليها اسبوع ...اذا ماغيرت رايها عقب ما عرفت ان الموضوع بيوصل للأنفصال...فالأنفصال هو الحل....خصوصا اني ملاحظ ان السالفة حزت بخاطره والظاهر ان علاقتهم قوية وماتوقع انها تبيعه في اول عقبة في حياتهم...

ملاحظة نسيت اذكرها ..الملحق اللي فيبيتهم مخلينه للضيوف يعني مفصول تماما عن البيت

[M!$s ĀŁ!eN]

شفيها .. البنت ..

والله انا من راي انه يطلقها وطقها على راسها ..
لان اهي شايفه عمرها عليه ..
اذا جافته تزوج على وحده ثانيه ورضت انها تكون مع اهله ..
بتحسف على عمرها .. انها اهي الي عمت عينها بنفسها
ابي اعرف انا البيت اهي واهو بروحهم وش تبي فيه ..
ملل وهدوووء ماافي حس

احلي شي يكون فيه حركه وحس ناس تروح وتنادي
يعني يمعه اهل ..
والله انا لو مكانه ماا اخلي العناد يخرب علي ..

[أبو لجـيـــن]

أخوي ارجو ان تتقبل رأيي المتواضع....

اولا دام انه الملحق منفصل تماما عن الفيلا فباعتقادي انها تستطيع الصبر قليلا على زوج المستقبل لين الله يفرجها عليه لانه حسب كلامك اذا راتبه 10 الاف ما رح يقدر يصرف عليها هي شخصيا!!! الا اذا كانت تشتغل وناوية انها تريح زوجها من مصروفها بس يبقى مصروف البيت وحتى المتبقي من راتبه ما اعتقد يقدر يغطيه

الحل الله يسلمك اذا كانت علاقة اهل الزوج طيبة وجيدة مع خطيبة ولدهم فالافضل انها تقبل السكن مؤقتا لغاية ربنا يفرجها وخل يرجع صديقك يحاول معها مرة اخيرة بالحسنى...

اذا ما وافقت وتم رأيها مثل ماهو فانا انصحه انه يقطع الطريق من البداية قبل لا تصير زوجته وفي بيته وبعدها يصعب عليه اخذ مثل هذا القرار.

و السبب انه الحرمة اللي ما تقدر ظروف زوجها وقت الشدايد ماله حاجة فيها... طيب شلون لو طلب منها مساعدته ماديا؟؟؟ كان الله العالم شبيصير

اسف عالاطالة وهذه تبقى وجهة نظري وبالنهاية لرفيجك القرار

[بدوي]

كسر لها الحساب ووضح لها الصورة الحالية...ورغم هالشي ماقدرت ظروفه


اللي جابها ، جاب غيرها

اذا على كذا وماقدّرت ظروفه ، اشوف الانفصال ارحم

ولا يقعد معها طول العمر ..

بكره اذا جا عليه عيال وعلى ادنى زله بتزعل

بشيل همها وهم عياله اللي مالهم ذنب


رأي شخصي :

اللي من بدايتها ماقدّرتني ولا قدّرت هلي

والله تبطي عظم ما احط لها أي اعتبار

[بوغانم995]

ساعات لما يلجئ لك صديق بمشكلة وتكون عاجز عن ابداء رأيك اومتخوف من انك تنصحه نصيحه ماتكون في محلها من الأفضل انك تأخذ رأي اهل الخبرة...وانا اعتبر كل رواد هالصرح الكريم أهل خبرة والرأي السديد .....النعم فيكم ..

المشكلة ومافيها طال عمركم ان بو فلان ملج على وحده تصيرله الصيف اللي طاف على اساس انه يتزوج الصيف الجاي...وكان الشرط الوحيد انه يوفر لها سكن عقب العرس مع انه ممكن يسكن في بيت هله لين يحصل على القرض ويبني وعلى العموم هو وافق...ولكن هبت الرياح بما لا تشتهي السفن والمشروع البسيط اللي كان معتمد عليه شبه انهار مع الركود اللي حصل خلال السنة اللي طافت وخذ معاه جزء من راتبه على شكل قرض...يعني تقريبا قبل سنة كان دخله الشهري(راتب+ دخل المشروع ) 25الحين دخله حروة 10...وعرض على خطيبته انه يسكن مع هله بشكل مؤقت .... ورغم الموده اللي بينهم تغيرت عليه فجأة وقالت له ان ارفض هالشي ..يابنت الحلال يهديج يرضيج...الملحق منفصل تماما عن البيت قالت له no way ...وانا ماقدر اتأجر بيت في الوقت الحالي ما يبقى شي من الراتب يخلني اوقف على رجولي مرة ثانية..وهي.وأبد..أذن من طين وأذن من عجين
وطبعا تدرون اقل ايجار لبيت مستقل هو 7000 ...وهذي ظروفه وهي متمسكه برايها...وهو ماتوقع منها هالموقف..وهو يقول : اذا ما وقفت معاي بمثل هالموقف اللي انفرض علي..تهقى بتتحمل معاي صعوبات الحياة الزوجية في المستقبل ؟؟...حسيت من كلامه ان المشاعر المتبادله كانت مجرد سراب تبخر مع اول تجربة..هذا والله اعلم..
انا أفضل الصمت اذا مب متأكد من الأجابه احسن من اني اتفلسف وانصحه وانا ماعندي الخبرة واضره اكثر ما انفعه...!!!....ولكم المايك

مما لا شك فيه أن احسن الكلام دلاله على الموضوع ما تقدمت به الأخت أصيله من تعريف الحياه التي هي مد الحافك......وانا مع البنت في الأستقلاليه بالزوج والمسكن وهذا من الحق الشرعي اذا كان الرجل مقتدر على توفير سبل العيش الكريم بدون تكلف مرهق لعصب الحياه اي الراتب الوحيد بدون دخل ثابة آخر ...وضد البنت في الألحاح والتعجيزوالمغالاه في ارهاق الزوج ....كابداية زوج افضل ان تسكن البنت مع اهل الزوج ان كان في الأمر فسحه في السكن ...اي ملحق لا يتصل بالمنزل مباشره مع مطبخ صغير وهذا للخصوصيه ....كا عرسان جدد ...فابسكن البنت مع اهل المعرس تكون صداقه طبيعيه وتكون ملاحظات يمكن تجاوزها ..وتكسب ود ام المعرس لحاجتها ولزوم الحاجه في المهمات المستقبليه .....ناهيك عن قتل الوحده في منزل اذا ما خرج الزوج خارج المنزل ....ومن خلال الطرح لأسلوب البنت فأنا أعتقد انها لم تصب عين الحياه الزوجيه واحترام الظروف او الظرف الذي يمر به شريك حياتها ......وبس ...كما اعرف ان الذي يحب بنية صدق يضحي ويصبر ويحتسب ....والله يعين اذا كانت الزوجه غير متعلمه ....لا تستطيع مساعدة الزوج في اعباء الحياه .....ولا يتشرط ..الا الذي لا يريدك ...ومغصوب عليك ....والله يوفق كل الذي يحب باخلاص ونيه صافيه ...وبسسسسسسس

[حقيقه]

هذا شرطها وقت العقد ومن حقها انه يتنفذ لصالحها

ودامه مب قادر على تنفيذه خله يصبر لين مايصير عنده وعقب يعرس

دايم يبون البنت هي اللي تصبر وتحمل عشان خاطر الزوج العزيز

الله يعلم يمكن الاهل فيهم بلا وهي داريه
الله يبلى بعض العرب لانه فيه كثير من هالحالات انتهت بالطلاق والسبب الاهل

[nono80]

هلا اخوي قريت الموضوع وقلت اكتب تجربتي الشخصيه ساعات الواحد يقول ليش هي مصرة علي البيت يمكن في شي لانه البيوت اسرار اذا سبب ماتنلام واذا عناد كلا يروح في نصيبه
انا الصراحه عايشه مع اهل زوجي وللامانه ملحقي صغير بس اللي مصبرني انه هو يحاول يوفر لي كل شي ابيه والحين يفكر نطلع من البيت ياناجر او نشتري وكلمه الحق تنقال هله ناس والنعم فيهم بس لابد تصير حساسيات مهما كانت الوحدة بعيدة يمكن هي خايفه تبي تبتدي حياتها بهدوء وتكون ظيفه ماندري شنو سبب اصرارها خله يكلمها بوجود امها وابوها ويستقرون علي حل يرضي الجميع وبحضور الجميع علشان لوصار عقب شي محد يتبرء من كلامه واذا لهم نصيب بيعومون واذا مالله كاتب الله يغوضه خير

[وضحى قطر]

ياجماعه لا تتوقعون من بنت توها بتدخل الحياة الزوجيه انها راح تتفهم معاناة زوجها


هي تبي راحتها اكيد سمعت وايد عن اهل الزوج وسوالفهم او يمكن حد مأثر عليها

وهو ابتدى معاها الموضوع بشكل خاطئ

لو انه بدى يلمح لها ويزين الكلام افضل وعطاها اياها على دفعات

بس دامه صارحها بهالشي خلها فتره شوي وتهدى الامور

وبعد فتره يشوف من من اهلها رايه ياثر عليها وفي نفس الوقت يكون فاهم

وانا اقترح الاب لان الام في هالحالات توقف مع بنتها

او ابوها او اخوها خل يكلمهم ويشرح لهم ظروفه وهم يأثرون عليها

شوي شوي وان شاء الله بعد الزواج راح تتفهم الوضع لو هي تحبه

مثل مايقول

طبعا رفضها للموضوع ماله خص في انها تحبه ولا ماتحبه

هي اكيد ياهل وتفكر في مصلحتها وللحين ماعاشت الحياة الزوجيه

معاه وماعرفت اطباعه عدل يمكن تتغير البنت مع الايام

وهذي رايي

الله عليج يا روز والله دووم مبدعه تسلمين


باقي الاعضاء وشو اتركها ومادري ايش ((فل تقل خيرا او لتصمت ))

[وطن]

شفيها .. البنت ..

والله انا من راي انه يطلقها وطقها على راسها ..
لان اهي شايفه عمرها عليه ..
اذا جافته تزوج على وحده ثانيه ورضت انها تكون مع اهله ..
بتحسف على عمرها .. انها اهي الي عمت عينها بنفسها
ابي اعرف انا البيت اهي واهو بروحهم وش تبي فيه ..
ملل وهدوووء ماافي حس

احلي شي يكون فيه حركه وحس ناس تروح وتنادي
يعني يمعه اهل .. والله انا لو مكانه ماا اخلي العناد يخرب علي ..

مو كل الناس تحب الحشره والازعاج والسنداره

اختي انتي تحبين هالجمعات
غيرج ما يحبها كل يوم ولا كل وقت

انا وحده متعتي اقعد في البيت في هدووووووووووء وسكينة
تعودنا ان بيتنا يكون هدووء واذا شوي صار ازعاج يهال اتسندر واعصابي تتلف
مع العلم اهلي يستمتعون بهالجمعة والازعاج ماعندم مشاكل بس أنا لا
أحب الهدووووء القاتل :shy:

يعني اللي يرحني يمكن ما يريحج ولا يريح العروس المذكورة بالموضوع