ارجوكم..ارجوكم..عاملونا بانسانية

[هتـان قطر]

رسالة اوجهها لبعض المقيمين المتفرعنين...:(

ارجوكم عطونا بعض من حقوقنا الانسانية فقط..ما نبي شي الا انكم تعاملونا

معاملة تليق بنا كبشر.. يقااال ان هذه البلد بلدنا

راجو..بابو..كومار..نسرين..كاثي..سالي..سوسن..

ارجوكم ارجوكم..تحسنون معاملتنا وما تحرجونا وتصارخون علينا..ترانا بشر

وعندنا احاسيس ومشاعر..:weeping:


آآآآآآخ يالقهر...مر على موقفين حسيت فيهم بالقهر وانا في بلادي

الموقف الاول كان من مقيمة عربية ..

قبل مباراة الريان اخذت جولة انا وعيالي علشان نعيش اجواء المباراة

ونرجع قبل الوقت وحنا مستعدين نفسيا للمتابعة والتشجيع..

لكن عكر مزاجي موقف هذي المتفرعنه وتمنيت ابوالعيال معي في ذيك الساعة


المهم ..واحنا ننتظر الاشارة وواقفين في سيدنا ..الا بذيك السيارة الكشخة

تخرب السيد وتحاول تغير مسارها من اقصي اليسار الى اقصى اليمين :eek5:

في هاللحظة ولعت الاشارة الخضرا ومشت السيارات ..جات قدام سيارتنا

ولولا ستر الله وحفظه والا صار التصادم ..طبعا الدريول ارتبك وقعد يهرن عليها

التفت عليها اشوف شالسالفة الا هي تصارخ وتتحنطم ومعالم وجهها متكهربة :anger1:

فتحت الدريشه وقعدت ااشر لها ..خير وشبلاك..الا يوم زادت في الصراخ..:anger1:


متحسفه قد شعر راسي ما انتبهت اني اسجل رقمها ..آآآآآخخخخ



الموقف الثاني ..خياط يتعامل بخياس نفس ..واخرتها لما سجل الفاتورة ..بدل ما يعطيني

اياها يد بيد.. رماها رمي قدامي..:omg: وقفت وقلت له شيل الورقة وسلمني اياها في يدي

اللي واقفه قدامك..انسان والا حيوان..الله يعزني ويعز الجميع :anger1:

قال سوري سوري مدام..انا وين اصرفها سوري ..خاطري برد اعتبار معتبر




المواقف راح تزيد وتزيد..مثل ما هم قاعدين يتزايدون على حسابنا

هل اصبحنا تحت امرتهم..والا نظرتهم تغيرت لنا واصبحوا ينظرون

لنا كأقلية مستضعفة..؟؟؟

شاللي حاصل...؟؟

هل مريتوا بمواقف مشابهه لهذه المواقف..؟

[شبح الصمت]

أخــتي لا تحرقين قلبــج

يا كـثر هالمواقــف

الله كــريم

[GRNAS2002]

دام الحكومه كل قوانينها مع ألأجنبي
والي يحط القوانين اجنبي
لا تلومين هل ألأشكال لما يتفرعنون
هههههههههههههههه
واخر شي عقود عمل سنويه للقطريين

[لاجئ عاطفي]

فعلا هناك مواقف كثيرة يتطاول فيها الاجانب على المواطنين واحيانا يستحقرون اهل البلاد بكل وقاحة وقواة عين .. لازم يتعلمون يحترمون اهل الدار ولازم هالاجنبي يعرف تمام المعرفه ( يا غريب كون اديب ) .!!!

[هتـان قطر]

أخــتي لا تحرقين قلبــج

يا كـثر هالمواقــف

الله كــريم


والله يا خوي لما تعيش الموقف غصب بيحترق قلبك..لكن الله كريم

[هتـان قطر]

دام الحكومه كل قوانينها مع ألأجنبي
والي يحط القوانين اجنبي
لا تلومين هل ألأشكال لما يتفرعنون
هههههههههههههههه
واخر شي عقود عمل سنويه للقطريين


بس انا مستغربه من احساسهم بانهم في مركز قوة وعندهم حصانة..

عكس قبل تحس الكل عارف حدوده اللي ما يتعداها..لنا الله

[هتـان قطر]

فعلا هناك مواقف كثيرة يتطاول فيها الاجانب على المواطنين واحيانا يستحقرون اهل البلاد بكل وقاحة وقواة عين .. لازم يتعلمون يحترمون اهل الدار ولازم هالاجنبي يعرف تمام المعرفه ( يا غريب كون اديب ) .!!!


على الاقل يحترمون البلد اللي ياكلون من خيرها ..

[BIG-VEGA]

مادري ايش صارلكم يالحريم

بدون زعل تخديتوا

المفروض في الموقف الاول ...تنزلين وتفركين كشتها في الارض ..ولول فيها خير اترد او الي معاها يردون (الجمهور الي حضر المباراه كله بيفزعلك)

والموقف الثاني ..بس رفعي صوتج وصارخي عليه ونادي اي واحد لابس غتره... بيزحف فيه الارض جدامج

بس

هي سهله بس يبيلها قلب

[نعيمه علي]

فعلا بدينا نلاحظ هالشيء
واعتقد ما يسوي جذي الا اللي فعلا راتبه اكثر من راتبي
وسيارتي مثل سيارتي او افضل من سيارتي

بس انا بديت اتعامل مع هالموضوع وكأنه أمر واقع
لكني اتضايق كثيرا


مع اطيب تحياتي
اختكم نبض

.

[هتـان قطر]

مادري ايش صارلكم يالحريم

بدون زعل تخديتوا

المفروض في الموقف الاول ...تنزلين وتفركين كشتها في الارض ..ولول فيها خير اترد او الي معاها يردون (الجمهور الي حضر المباراه كله بيفزعلك)

والموقف الثاني ..بس رفعي صوتج وصارخي عليه ونادي اي واحد لابس غتره... بيزحف فيه الارض جدامج

بس

هي سهله بس يبيلها قلب



هذا اللي مفروض كان يصير :secret: لكن الواقع يقول غير ذلك

الموقف الاول احنا في شارع عام والسيارات تحركت بعد الاشارة الخضرا

واحنا رايحين سيده وهي ماخذه يمين بعد ماكانت يسارنا..وراحت اختفت

وكان بودي على الاقل اسجل رقمها لكن..فعلا تخديت في هالموقف

الموقف الثاني ..زوجي قالي دليني عليه باروح اسنعه ..بس ما بغيت المشاكل

كفاية انه حس انه مخطي..ولي عودة للمحل وابتصيدله ان صار شي على طول :telephone:

[دلة الرسلان]

ارجوكم ارجوكم..تحسنون معاملتنا وما تحرجونا وتصارخون علينا..ترانا بشر

وعندنا احاسيس ومشاعر..:weeping:

ياهتان اعتقد خانك التعبير في العبارة السابقة :shy:

[هتـان قطر]

فعلا بدينا نلاحظ هالشيء
واعتقد ما يسوي جذي الا اللي فعلا راتبه اكثر من راتبي
وسيارتي مثل سيارتي او افضل من سيارتي

بس انا بديت اتعامل مع هالموضوع وكأنه أمر واقع
لكني اتضايق كثيرا


تحياتي لاختيارك
اختكم نبض

,


انا ملاحظه هالشي.. ماكانوا قبل بهالجرأة والقوة..

شكرا نبض على المرور

[هتـان قطر]

ارجوكم ارجوكم..تحسنون معاملتنا وما تحرجونا وتصارخون علينا..ترانا بشر

وعندنا احاسيس ومشاعر..:weeping:

ياهتان اعتقد خانك التعبير في العبارة السابقة :shy:



ههههههه ..تكفين يا دلة وش الصيغة المناسبة دليني :omen2:

[ماريسا]

كثيــــــــــــــــــــــــــر
بس أي حد يقل أدبه أعطيه كلام يخلّيه يعرف قيمته صح

[hemoud123]

مادري ايش صارلكم يالحريم

بدون زعل تخديتوا

المفروض في الموقف الاول ...تنزلين وتفركين كشتها في الارض ..ولول فيها خير اترد او الي معاها يردون (الجمهور الي حضر المباراه كله بيفزعلك)

والموقف الثاني ..بس رفعي صوتج وصارخي عليه ونادي اي واحد لابس غتره... بيزحف فيه الارض جدامج

بس

هي سهله بس يبيلها قلب

يا خوي لا تورط بنت الناس بنصيحتك هذي اللي تودي النيابه العامه وهناك صج تنفرك الكشه:secret:
وحتى مساله الفزعه والله اني اشك فيها , احسن شي طنشي طنشي
الحين بتكلم بجد في الموضوع
القوانين تشعر الاجنبي انه صاحب فضل على البلد واهلها , فلازم يتعامل بتعالي شوي , وانا هنا اعني كل الاجانب كل الجنسيات
وصدقيني القادم سيكون امر وادهى
وليالي العيد تبين من عصاريها

[Mr.Hamad]

الله يعيين بس

شنو هالبلاوي الي زادت بالمجتمع

أنا صارلي موقف بس ما سكت

مرة واقف أنا وأخوي بطابور في مكان ... شوي وأنا أسولف مع أخوي

عشان السيد يمشي ... إلا بهذاك الأشقر ناقز جدامنا بدون إستذان ولا شي

والله لا شعورياً صرخت عليه وطارت عيوني صوبه وقلت له بصوت مرتفع جدام الناس

Are you blind
You did not see the line
Respect the rules

قهرني والله ... ولا تحجى ولا قال شي ... تفشل ورجع وار بآخر الطابور

ما دام الواحد على حق ويعرف نفسه أنه ما سوى خطأ ... ما يخلي حقه

[دلة الرسلان]

ههههههه ..تكفين يا دلة وش الصيغة المناسبة دليني :omen2:

يعني يا هتان من متى حن نقول للأجانب ارجوكم تحسنون معاملتنا لا تصرخون علينا ترانا بشر!!

انا خابرة الخدم يقولون ماما انا فيه أنسان اذا نطرنا عليهم هل حن في نفس الوضعية ؟؟

اختي المنتدى هاذا يقرأه العديد من العرب مقيميين وغيرهم وبعضهم يحبونا وبعضهم قاعد

يتشفى ويدعي علينا ومصدق ويمكن بكره يحاول يتطاول دام صرنا نطالب بالمعاملة الحسنة

من الأجانب .

[hemoud123]

اعتقد ان الاخت هتان طرحت الموضوع بصوره كاريكاتيريه اكثر من كونها واقعيه وهذا اسلوب قوي لشحذ الافكار

[naklan]

اختي هتـان قطر مالومك السنين الاخيره صار فيها مصايب كثيره اتصدقين هندي موقف سيارته في كراج خاص بي 3 ايام وبلغت عليه المرور واتصلو فيه اليوم الصبح وقال بشيل السياره العصر لي فضيت قلت حق الضابط اعمل له مخالفه اعتداء على املاك الغير

وما سواله مخالفه شاطرين علينا بالدفاتر في نص الشارع والهنود يسوي الي يبيه ولي اسئلوه يقول مافيه معلوم ماقول الى يافرعون وش فرعنك قال ما لقيت حد يردني

تحياتي اختي الكريمه

[كــرت احمــر]

الله يسلم حقوق الحيوان أقصد حقوق الانسان اللي خلت المترديه والنطيحه لها راس .

[naklan]

الله يسلم حقوق الحيوان أقصد حقوق الانسان اللي خلت المترديه والنطيحه لها راس .

هههههههههههههههههههههههههههههههههههههههههه

ههههههههههههههههههههههه ههههههههههههههههههه

:nice:

[رهج السنابك]

؛

يا كثر المواقف والله ؛؛ وهذا الشيء معروف " اضطهاد الأقليات :) "


؛

[موضي قطر]

؛

يا كثر المواقف والله ؛؛ وهذا الشيء معروف " اضطهاد الأقليات :) "


؛


:eek5::eek5::(:(:eek5::eek5:

[شجرة الدر]

لاتلومينهم ياهتان في بلاادهم ولاشي ويجون هني يرزونهم على اهل البلاد لازم ايصيدهم جنون العظمه ،،

[غابت الشمس~]

ههههههههه حلوه(( ارجوكم عاملونا بإنسانيه )) !!

فما بالج بالجاليات اللي قاعدين يتحكمون ويصدرون اوامر علينا احنا القطريات بالمدارس المستقله
لدرجة ان وحده مسؤولة من جنسية عربية تقول حق مسؤلتنا المباشره من جنسية عربية بعد اكرررررفيهم كرف لا تخلينهم فاضيين قصدها انا وزميلتي لأننا قطريات !!

لا تحاتون بنعيش ونشوف اكثر واكثر

فعلا صرنا شعب مغلوب على أمره وقطر ماعادت لنا
بعد الاستعمار اللي حصل في قطرنا من كل حدب وصوب..

[بوخليفة3]

المنطق يقول او المنطق اللي انا اعرفه يقول

العين بالعين والسن بالسن والبادي اظلم
واللي يغلط نحط عليه النار والحديد وانتهى الموضوع

[سوق واقف]

يجب على الأنسان أن يكون حليما على الناس

من كتابتك وأسلوبك عصبي ...والعصبية ما منها فايدة سوى السكر والضغط

خلك رياضي ودع الخلق للخالق

[مستر بن]

الله كــريم

[هاب ريح]

يعني يا هتان من متى حن نقول للأجانب ارجوكم تحسنون معاملتنا لا تصرخون علينا ترانا بشر!!

انا خابرة الخدم يقولون ماما انا فيه أنسان اذا نطرنا عليهم هل حن في نفس الوضعية ؟؟

اختي المنتدى هاذا يقرأه العديد من العرب مقيميين وغيرهم وبعضهم يحبونا وبعضهم قاعد

يتشفى ويدعي علينا ومصدق ويمكن بكره يحاول يتطاول دام صرنا نطالب بالمعاملة الحسنة
من الأجانب .


يا جماعة الخير
يا سيدتي الفاضلة هتان قطر
لست اقلل من مشاعر الايذاء التي احسست بها ولكن دعونا نتحلى بعقلية ما بعد الغضب والتاذي
يعني الغاضب تحكمه المشاعر وبعدها يتروى في اتخاذ القرار والحكم على ما مر به
المعاملة الحسنة هي القاعدة
ونحن والاجانب عربا وغير عرب ملزمين وحق علينا ان ننصاع بطواعية لتلك القاعدة
لا تقولي خادمة ولا خياط ولا عامل ولا موظف ولا كبير الا الله وكلنا سواسية امام القاعدة الذهبية التي سنها وكفلها ديننا الحنيف
يبدو ان اصل المشكلة هو :
ان المواطن صار يحس نفسه غريبا ومستضعفا في بلاده
وهذا وضع غير طبيعي
وغير انساني
ولكن لا تجعلي احكامك مسبقة وثابتة
عاملي كل فرد اجنبي على حدة
ولا تزر وازرة وزر اخرى

[هاب ريح]

؛

يا كثر المواقف والله ؛؛ وهذا الشيء معروف " اضطهاد الأقليات :) "


؛


ربما شعورنا باننا اقلية ولسنا مواطنين كاملي الاهلية يسهم في مشاعر التاذي السريعة وتكبير المواقف الصغيرة . كلنا مر بموقف او اثنين ولكن هل نجحد اننا مررنا بمواقف اخرى لتعامل انساني جميل او عادي مع اجانب (غير عرب ) اما العرب فليسوا اجانب بل هم منا وفينا ! درسنا معهم وعلى ايديهم وجاورناهم وتعارفنا وتصادقنا وتزاملنا وهم منا وفينا ( وعيوبهم تشبه عيوبنا وعقلياتنا)
اما الاجانب ففيهم ايضا (اجاويد ):)

[فرحة ايامي]

رسالة اوجهها لبعض المقيمين المتفرعنين...:(

ارجوكم عطونا بعض من حقوقنا الانسانية فقط..ما نبي شي الا انكم تعاملونا

معاملة تليق بنا كبشر.. يقااال ان هذه البلد بلدنا

راجو..بابو..كومار..نسرين..كاثي..سالي..سوسن..

ارجوكم ارجوكم..تحسنون معاملتنا وما تحرجونا وتصارخون علينا..ترانا بشر

وعندنا احاسيس ومشاعر..:weeping:


آآآآآآخ يالقهر...مر على موقفين حسيت فيهم بالقهر وانا في بلادي

الموقف الاول كان من مقيمة عربية ..

قبل مباراة الريان اخذت جولة انا وعيالي علشان نعيش اجواء المباراة

ونرجع قبل الوقت وحنا مستعدين نفسيا للمتابعة والتشجيع..

لكن عكر مزاجي موقف هذي المتفرعنه وتمنيت ابوالعيال معي في ذيك الساعة


المهم ..واحنا ننتظر الاشارة وواقفين في سيدنا ..الا بذيك السيارة الكشخة

تخرب السيد وتحاول تغير مسارها من اقصي اليسار الى اقصى اليمين :eek5:

في هاللحظة ولعت الاشارة الخضرا ومشت السيارات ..جات قدام سيارتنا

ولولا ستر الله وحفظه والا صار التصادم ..طبعا الدريول ارتبك وقعد يهرن عليها

التفت عليها اشوف شالسالفة الا هي تصارخ وتتحنطم ومعالم وجهها متكهربة :anger1:

فتحت الدريشه وقعدت ااشر لها ..خير وشبلاك..الا يوم زادت في الصراخ..:anger1:


متحسفه قد شعر راسي ما انتبهت اني اسجل رقمها ..آآآآآخخخخ



الموقف الثاني ..خياط يتعامل بخياس نفس ..واخرتها لما سجل الفاتورة ..بدل ما يعطيني

اياها يد بيد.. رماها رمي قدامي..:omg: وقفت وقلت له شيل الورقة وسلمني اياها في يدي

اللي واقفه قدامك..انسان والا حيوان..الله يعزني ويعز الجميع :anger1:

قال سوري سوري مدام..انا وين اصرفها سوري ..خاطري برد اعتبار معتبر




المواقف راح تزيد وتزيد..مثل ما هم قاعدين يتزايدون على حسابنا

هل اصبحنا تحت امرتهم..والا نظرتهم تغيرت لنا واصبحوا ينظرون

لنا كأقلية مستضعفة..؟؟؟

شاللي حاصل...؟؟

هل مريتوا بمواقف مشابهه لهذه المواقف..؟

مرينا يا هتان قطر
باذكر أكثر من موقف
الموقف الأول:
في مطار الدوحه مقعده بنتي طفله صغيره عمرها ثلاث سنوات في احد المطاعم وانا التفت عليها رايحه اجيب لها عصير الا وبنت قطرية شابة في العشرين تصرخ على أحد العاملين في المطعم - جنسته آسيوية - وتصيح ولا أحد معبرها لما سألتها ايش فيك ؟
قالت هذا ....................؟ واشارت على العامل مواصلة البكاء :
- ضربني بكتفه ولما التفت عليه اصرخ مستغرب ليش اصرخ وقعدت تصيح.
ولما ناديته استفسر منه قال انها كذابه وهو ما قام بالفعل اللي قالت عنه ولما طلبت منها تبلغ الشرطة في المطار قالت ما تبغي فضايح.
الموقف الثاني حصل لي:
كنت اسوق سيارتي بعد هالوقت تقريبا طالعه من العمل وانا كنت في الوسط ماعطه اشارة باخذ يمين الا باص كروه مليان ركاب بشكل هستيري لف من اقصى اليسار لين اقصى اليمين في نفس الوقت اللي بالف فيه ..الله ستر علي.. والا كان بشيلني آنا والسيارة .. لو ما رجعت للوسط بسرعة .. حتى اتحاشى الضربة .. تبعته وسبقته واشرت عليه بما معناه ليش اتسوق بهذي الطريقة ؟
تعتقدين ايش كانت ردة فعله :
أشر لي بيده يالله يالله روحي.
وما في مجال آخذ رقم الباص ابلغ الشرطة ولو بلغت الشرطة ايش كنت باقول؟؟
ويمكن أنا نفس البنت اللي قالت ما تبي فضايح وكنت تعبانه وطالعه من العمل وافكر في بنتوتاتي في البيت.. واصلت راجعه بدون ما اقول حق أحد اللي حصل حتى هذي اللحظة اللي قلت لج الكلام.

[الخفي]

عندما يرى الاجنبي انه يعطى راتب وسياره وتذاكر وتعليم وصحه على حساب المواطن

في الوقت اللي القطري محروم من اغلب المميزات اللي اعطيت له فكيف يحترمك

عندما يشاهد الاجنبي قانون الموارد البشريه وقد طبق على القطري وخفض راتبه وترك الاجنبي

مثل ماحصل مع القطريين اللي في كهرماء عندما خفضت رواتبهم ولم تحرك رواتب الاجانب

فكيف يحترمك

عندما يشاهد الاجنبي القطري وهو يوقع عقد عمل مثله كيف يتعامل معك باحترام كمواطن

وحكومتك لم تفرق بينكم وبينه

عندما يشاهد الاجنبي الموظف في الجزيره وقد اعفي من رسوم الكهرباء والماء واصبح مثل

المواطن يتمتع بمجانيه الكهرباء كيف يحترمك

عندما يشاهد الاجنبي وقد سكن فيلا وركب سياره لايحلم بها واعطي تذكره درجه اولى واعطي

تامين صحي وراتب خيالي يفوق راتب القطري بكثير كيف يحترمك

عندما يشاهد الاجنبي وقد سكن في الفلل في الوقت اللي اغلب القطريين مازال يسكن في ملحق

او في بيوت شعبيه كيف يحترمك

عندما يسمح للاجنبي ان يمارس جميع عاداته وتقاليده ويلبس مثل ماراد ويتسكع ويشرب الخمر

وهو يعلم انه في بلد مسلم ويسمح له ويعلم ان تصرفاته ضد عادات وتقاليد البلد ولكن النضام يحميه

فلا تنتضر منه ان يحترمك طالما دولتك لم تراعي عاداتها ولا تقاليدها ولا دينها ولم تراعي مشاعر

مواطنيها فلا تنتضر من الاجنبي ان يحترمك

عندما يشاهد الاجنبي وقد بنيت له كنيسه ليمارس عباداته التي تتنافى مع دين البلد ويعلم ان

الكنيسه لم تنشئ الا من اجله لا من اجل المواطن لانه لايوجد مواطن مسيحي فلا تنتضر الاحترام

عندما يشاهد الاجنبي انه مقدم على المواطن في اغلب المؤسسات سواء في التوضيف او في

الدورات فلا تنتضر ان يحترم المواطن

عندما يشاهد الاجنبي ان المواطنيين اصبحوا لايشكلون الا 15% من سكان الدوله فلا تنتضر ان

يحترمك كيف والمواطن اصبح يكاد لايذكر بل لايعبئ به

والكثيير الكثير من الاسباب اللي جعلت الاجنبي لا يفتكر في القطري لانه لايشاهد احترام للمواطن

من بلده في الكثير من الامور فلا ننتضر نضره احترام من الاجانب مالم يحترمنا بلدنا في عدم

تفضيل الاجنبي على القطري وعندما يقدم القطري على الاجنبي ويكون القطري الاول في كل شي

والاميز هناك سيحترمنا الاجنبي غصبا عنه

[بنت سيف]

مواقف تحر ..

لكن تمالكي أعصابج ..

لأن مثل هالأمور تعصب وترفع الضغط

بجد اتكلم .. ممكن تسبب ارتفاع في الضغط .. وتجلط ..

اليوم احنا في قطر معرضين لكثير من هالمواقف ..

لازم الواحد يكون مستعد نفسيا .. للطلعة ..

يعني

مأهل نفسه .. لاحتمال حدوث مواقف سخيفة ..

وكيف راح .. يتمالك أعصابه لحدوث أي طاريء ..

تدرين .. لو اكتشفت إن راعية السيارة عندها جواز قطري .. بيكون وضعي أكثر حرة ..

الله يعيننا جميعاً ..

ولا حول ولا قوة إلا بالله

بنت سيف

[LOLOO]

اختي هتان...انت عكر مزاجك هالموقفين ...وانا عكر مزاجي نداء الاستغاثة الي عنونتي به الموضوع...تترجينهم يعاملونا بانسانية؟؟؟؟؟؟؟؟؟

لاتعليق بصراحة؟؟؟؟

لان هالمواقف تحصل دايم سواء من اجنبي او مواطن...وكل بيحصل الرد الي يستاهله حسب الموقف وحسب المكان ...

[ناصر30]

اعتقد هذى مسأله اخلاقيات قبل ماتكون اي شي ثاني

لانقعد نهول الامور ونطبق نظرية المؤامره على كل

شي يصير وان احنا مستهدفين من كائنات فضائيه



الله يهدينا ويهديكم


..آمين

[شموع قطريه]

بسئلج سؤال اختي ..
ياترى وشو اللي خلاهم يستقوون علينا بهالطريقه ؟؟؟؟

تعرفين وشو ؟؟ احنا وكلامنا في المنتديات وتحلطمنا بأن احنا صرنا اقليه .. الاجانب كلونا .. كل دقيقه نتظلم .. نتحندى.. كأنا دجاج بايقين عشاهم .. هم سمعونا نقول جذيه وصدقوا .. حسسناهم انا ضعاف .. مالنا والي .. مساكين .. مغلوب على أمرنا .. فبالتالي استقووا وتفرعنوا ..

خلاص لازم نخلي عنا اسلوب التحلطم والتظلم وخلنا نحسسهم ان احنا في مركز قوه .. احنا هل البلد .. نشد ظهر بعض .. معززين مكرمين في بلادنا .. وهم الغرب اللي لازم يحترمون نفسهم ويحشمون البلد واهلها غصبن عنهم مب بطيب ..مب كل شي نقطه على الدوله عيل احنا وين شخصيتنا .. وين اعتزازنا بوطنيتنا ..

ولازم نعلمهم حدودهم في نفس الموقف مب ننطر حد يفزع لنا .. هم يموتون اذا شافونا في مركز قوه .. يموتون اذا شافوا المواطن ماخذ حقه كامل ومكمل ..ليش مانقهرهم ونعلمهم يعني شنو مواطن قطري .. انا عن نفسي اذا تعرضت لمثل موقفج بنزلها من سيارتها وبعلمها هي من وانا من بخليها تتحسف انها حطت راسها براس قطريه .. بعلمها يعني شنو قطريه مب اقول لها ارجوج احترميني وعامليني بانسانيه !! من تكون هي ..؟؟

من كثر مانتظلم ونتحندى حتى جرايد امريكا كتبوا عن هالشي .. حسسوا العالم ان احنا مب عارفين قيمة نفوسنا واننا شعب مستضعف مغلوب على امره فقير محروم مع ان العكس صحيح ..

الله يهدي الجميع ..

[الجني]

عندما يرى الاجنبي انه يعطى راتب وسياره وتذاكر وتعليم وصحه على حساب المواطن

في الوقت اللي القطري محروم من اغلب المميزات اللي اعطيت له فكيف يحترمك

عندما يشاهد الاجنبي قانون الموارد البشريه وقد طبق على القطري وخفض راتبه وترك الاجنبي

مثل ماحصل مع القطريين اللي في كهرماء عندما خفضت رواتبهم ولم تحرك رواتب الاجانب

فكيف يحترمك

عندما يشاهد الاجنبي القطري وهو يوقع عقد عمل مثله كيف يتعامل معك باحترام كمواطن

وحكومتك لم تفرق بينكم وبينه

عندما يشاهد الاجنبي الموظف في الجزيره وقد اعفي من رسوم الكهرباء والماء واصبح مثل

المواطن يتمتع بمجانيه الكهرباء كيف يحترمك

عندما يشاهد الاجنبي وقد سكن فيلا وركب سياره لايحلم بها واعطي تذكره درجه اولى واعطي

تامين صحي وراتب خيالي يفوق راتب القطري بكثير كيف يحترمك

عندما يشاهد الاجنبي وقد سكن في الفلل في الوقت اللي اغلب القطريين مازال يسكن في ملحق

او في بيوت شعبيه كيف يحترمك

عندما يسمح للاجنبي ان يمارس جميع عاداته وتقاليده ويلبس مثل ماراد ويتسكع ويشرب الخمر

وهو يعلم انه في بلد مسلم ويسمح له ويعلم ان تصرفاته ضد عادات وتقاليد البلد ولكن النضام يحميه

فلا تنتضر منه ان يحترمك طالما دولتك لم تراعي عاداتها ولا تقاليدها ولا دينها ولم تراعي مشاعر

مواطنيها فلا تنتضر من الاجنبي ان يحترمك

عندما يشاهد الاجنبي وقد بنيت له كنيسه ليمارس عباداته التي تتنافى مع دين البلد ويعلم ان

الكنيسه لم تنشئ الا من اجله لا من اجل المواطن لانه لايوجد مواطن مسيحي فلا تنتضر الاحترام

عندما يشاهد الاجنبي انه مقدم على المواطن في اغلب المؤسسات سواء في التوضيف او في

الدورات فلا تنتضر ان يحترم المواطن

عندما يشاهد الاجنبي ان المواطنيين اصبحوا لايشكلون الا 15% من سكان الدوله فلا تنتضر ان

يحترمك كيف والمواطن اصبح يكاد لايذكر بل لايعبئ به

والكثيير الكثير من الاسباب اللي جعلت الاجنبي لا يفتكر في القطري لانه لايشاهد احترام للمواطن

من بلده في الكثير من الامور فلا ننتضر نضره احترام من الاجانب مالم يحترمنا بلدنا في عدم

تفضيل الاجنبي على القطري وعندما يقدم القطري على الاجنبي ويكون القطري الاول في كل شي

والاميز هناك سيحترمنا الاجنبي غصبا عنه


كنت سأرد و لكن عندما قرأت هذه المشاركة وجدتها تعبر عني

تسلم يالمختفي

[هتـان قطر]

كثيــــــــــــــــــــــــــر
بس أي حد يقل أدبه أعطيه كلام يخلّيه يعرف قيمته صح

:):)





يا خوي لا تورط بنت الناس بنصيحتك هذي اللي تودي النيابه العامه وهناك صج تنفرك الكشه:secret:
وحتى مساله الفزعه والله اني اشك فيها , احسن شي طنشي طنشي
الحين بتكلم بجد في الموضوع
القوانين تشعر الاجنبي انه صاحب فضل على البلد واهلها , فلازم يتعامل بتعالي شوي , وانا هنا اعني كل الاجانب كل الجنسيات
وصدقيني القادم سيكون امر وادهى
وليالي العيد تبين من عصاريها


هذا اللي حاصل..اللي لاحظته ان الاجنبي والهندي بالذات كان ما يهش ولا ينش

الحين طال لسانه وبكرة يمكن اتطول يده ..ما يندرى





الله يعيين بس

شنو هالبلاوي الي زادت بالمجتمع

أنا صارلي موقف بس ما سكت

مرة واقف أنا وأخوي بطابور في مكان ... شوي وأنا أسولف مع أخوي

عشان السيد يمشي ... إلا بهذاك الأشقر ناقز جدامنا بدون إستذان ولا شي

والله لا شعورياً صرخت عليه وطارت عيوني صوبه وقلت له بصوت مرتفع جدام الناس

are you blind
you did not see the line
respect the rules

قهرني والله ... ولا تحجى ولا قال شي ... تفشل ورجع وار بآخر الطابور

ما دام الواحد على حق ويعرف نفسه أنه ما سوى خطأ ... ما يخلي حقه



الله يعينك..هنا يجب ان نذكر نقطه ان احنا لابد ناخذ حقنا من دون سلب الاخرين حقوقهم

يعني اذا كان حقي ما اسمح له الا اذا كنت راضي..وايضا ما نتعدى على دوره بحجة انه اجنبي

اهم شي ناخذ حقنا بدون ما نظلم احد..




يعني يا هتان من متى حن نقول للأجانب ارجوكم تحسنون معاملتنا لا تصرخون علينا ترانا بشر!!

انا خابرة الخدم يقولون ماما انا فيه أنسان اذا نطرنا عليهم هل حن في نفس الوضعية ؟؟

اختي المنتدى هاذا يقرأه العديد من العرب مقيميين وغيرهم وبعضهم يحبونا وبعضهم قاعد

يتشفى ويدعي علينا ومصدق ويمكن بكره يحاول يتطاول دام صرنا نطالب بالمعاملة الحسنة

من الأجانب .


غريبة يا دلة ما فهمتي المغزى..الاسلوب كان تهكمي للفت النظر الى القضية

انا بغيت اوضح مدى الاهانة اللي نتعرض لها في بلدنا ..وعدم احترام الاجانب لنا

بالفعل زادوا عن حدهم ومحتاجين رادع يردعهم


اعتقد ان الاخت هتان طرحت الموضوع بصوره كاريكاتيريه اكثر من كونها واقعيه وهذا اسلوب قوي لشحذ الافكار

جزاك الله خيراخوي حمود على المتابعة والتوضيح ..وهذا هو اللي قصدته :)

[هتـان قطر]

اختي هتـان قطر مالومك السنين الاخيره صار فيها مصايب كثيره اتصدقين هندي موقف سيارته في كراج خاص بي 3 ايام وبلغت عليه المرور واتصلو فيه اليوم الصبح وقال بشيل السياره العصر لي فضيت قلت حق الضابط اعمل له مخالفه اعتداء على املاك الغير

وما سواله مخالفه شاطرين علينا بالدفاتر في نص الشارع والهنود يسوي الي يبيه ولي اسئلوه يقول مافيه معلوم ماقول الى يافرعون وش فرعنك قال ما لقيت حد يردنيتحياتي اختي الكريمه

للاسف اصبحوا يتمادون بدون رادع..

الله يكون في العون




الله يسلم حقوق الحيوان أقصد حقوق الانسان اللي خلت المترديه والنطيحه لها راس .

الله يكرم الجميع ..:(


هههههههههههههههههههههههههههههههههههههههههه

ههههههههههههههههههههههه ههههههههههههههههههه

:nice:

:):)


؛

يا كثر المواقف والله ؛؛ وهذا الشيء معروف " اضطهاد الأقليات :) "

كنت اتمنى لو تذكرين موقف مر بك..علشان نوضح للمعاضين ان الامر بالفعل

اصبح ملاحظ من الاغلبية..


؛





:eek5::eek5::(:(:eek5::eek5:

:omen2::omen2::omen2:


لاتلومينهم ياهتان في بلاادهم ولاشي ويجون هني يرزونهم على اهل البلاد لازم ايصيدهم جنون العظمه ،،


المشكلة ان كل شي يطيح على راس المواطن..

[المها قطر]

اختي اخذي حقج بذراعج والله مالة داعي تنزلين موضوع وتحرقين اعصابج واعصابنا وتبينين ضعفج
الدنيا الحين مع القوي ...كان صرختي في وجهها
واي حد مرة ثانية يغلط عليج لا تنتظرين او تتوقعين ان حد بياخذ حقج
هذا اللي يحدث في قطر همجية وفوضى من الاجانب والشكوى لله

[اعمال]

لحد يقعد يلوم حد أول شي لومو نفسكم وقولو لأنفسكم شنو الشي الخلاهم يوصلون لهذا الحد

كل ما صار شي قلتو حرام انشوف الغلط ونسكت

>>> راحت هيبت القطري وهيبه الغتره والعقال لو نرجع ورى كم سنه شلون لقطري هيبه وهذا حق من حقوقه في بلاده الحين من هب ودب رفع صوته >> يحسسونك انت الغريب في البلاد

انا نظامي اخذ حقي بنفسي ولا احرق اعصابي مثلج اختي لو صادني مثل ما صادك في الحرمه الطلعت بوجهج وعصبت وربي ان ما اوقف ادخل بيبنها عليها وهي الغلطانه وموضوع الهندي في تصرف ثاني

ولا تقولين ارجوكم عاملونا بأنسانيه انتي انسانه وغصب عنهم

وهم اليحترمون نفسهم لأن البلاد هذي اللى لامتهم ونظفتهم

ولحد يتفلسف ويجيني الحين ويقول لا البلاد فيها قانون ندري ان البلاد فيها قانون لان قي هذا الوقت
تدخل مركز ألف اتصال واسطه حق لأجنبي وانت خايس حلجك
بالعربي خذ حقك بعدين روح المركز

>>>>معصب

[ولد النواخذه]

افا افا افا يا ذا العلم

الشيخه استغربت من عنوان موضوعج الي فيه استرجاء للي ضفيناهم عندنا باختيارنا بعضهم لحاجتنا لهم وبعضهم لحاجتهم لنا ولكن كل شئ بحدوده وانتي تذكري مليون مرة انج في بلادج معززة مكرمة وراسج دوم مرفوع ولازم يظل مرفوع, نعم أحنا نحترم ونقدر الضيف بس الضيف المحترم لان الي غير محترم ماله احترام من بيناتنا أيا كان اذا حشم نفسه حشمناه واذا مايعرف يحشم نفسه لازم نعلمه الحشيمه....
الله يحفظج

[هدهد سليمان]

اختي كبرتي الموضوع وما له اي داعي .. هالأخطاء وارده سواء من اجنبي ولا قطري بخصوص اشارة المرور اتكلم .. والسواقه فن وذوق وادب واخلاق وهالشي اكيد يمثل الشخص نفسه مب ديرته ..

بخصوص الخياط اختي يمكن ما يقصد وكنتِ حساسه زياده عن اللزوم .. اكيد ما يقصد صدقيني ..

لا تزيدون الطين بله .. كلنا لآدم وآدم من تراب ..

[زمان الصبا]

مادري ايش صارلكم يالحريم

بدون زعل تخديتوا

المفروض في الموقف الاول ...تنزلين وتفركين كشتها في الارض ..ولول فيها خير اترد او الي معاها يردون (الجمهور الي حضر المباراه كله بيفزعلك)

والموقف الثاني ..بس رفعي صوتج وصارخي عليه ونادي اي واحد لابس غتره... بيزحف فيه الارض جدامج

بس

هي سهله بس يبيلها قلب

ههههههههههههههههههههه
ايه و الله تخديوا .... و الا مثل ذول كفو يرفعون روسهم
و الله لو انا مكانك كان علمتها ان الله حق
لكن مثل ما قال اخوي

تخديتوا يالحريم هههههههههههه
و من حط نفسه سبوس إلعبت به الدجاج

[هتـان قطر]

للاسف يبدو ان البعض ما فهم الموضوع كما اردت ..

يا اخوان انا عنونت الموضوع برجاء كاسلوب تهكمي لا اكثر ولا اقل

ودليل على مدى استفحال الامر في البلاد وان الاجنبي قوت شوكته

وما عاد فيه اي احترام للقطري صاحب المكان ..

وصدق راعي المثل يوم قال الدار دار ابونا والقوم حاربونا...

انا ابدا ما اتكلم عن ضعف وقادرة اني اخذ حقي لو بغيت ولكن انا اتكلم عن ظاهرة

اصبحت ظاهرة للعيان .. وهل هذه الظاهرة لاحظتوها مثل ما انا لاحظتها..؟

للمرة الثانية اكرر انا لا اتكلم من ضعف ولكن هذا اسلوب ساخر وتهكمي فقط

[هدهد سليمان]

للاسف يبدو ان البعض ما فهم الموضوع كما اردت ..

يا اخوان انا عنونت الموضوع برجاء كاسلوب تهكمي لا اكثر ولا اقل

ودليل على مدى استفحال الامر في البلاد وان الاجنبي قوت شوكته

وما عاد فيه اي احترام للقطري صاحب المكان ..

وصدق راعي المثل يوم قال الدار دار ابونا والقوم حاربونا...

انا ابدا ما اتكلم عن ضعف وقادرة اني اخذ حقي لو بغيت ولكن انا اتكلم عن ظاهرة

اصبحت ظاهرة للعيان .. وهل هذه الظاهرة لاحظتوها مثل ما انا لاحظتها..؟

للمرة الثانية اكرر انا لا اتكلم من ضعف ولكن هذا اسلوب ساخر وتهكمي فقط

شلون اختي اسلوب تهكمي وساخر وشالمطلوب من القطري حتى تثبت شوكته ونفسه .. اختي مب كفو اللي يهين قطري او قطريه دامه في ديرته او خارج ديرته والاحترام مفروض على الكل اجنبي او قطري .. يعني موضوعك مجرد تحريض فقط .. المطلوب من القطري يمشي بشوزن وعجره والموقف اللي مايعجبه من اي اجنبي يثور فيه او يعطيه بالعجره على راسه .. اختي اصابع اليد ماهي سوى وطالما الموضوع ما حدث ولا حصل معاك من الافضل عدم الكتابه لانه من وحي الخيال فقط وعلى ما قلتي موضوع ساخر ..

قال النبي محمد صلى الله عليه وسلم:

"يا أيها الناس ألا ‏إن ربكم واحد، وإن أباكم واحد، ألا لا فضل لعربي على أعجمي، ولا ‏لعجمي على عربي، ولا لأحمر على أسود، ولا أسود على أحمر إلا بالتقوى، أبلّغت؟ قالوا: بلّغ رسول الله ‏‏صلى الله عليه وسلم".

[كاتم الاسرار]

الله يعيييييينج يالغاليه هتان وللحين بعد الله يستر من الي جاي والله قطر تغيرت وين قبل والحين


الله المستعان

[Sari]

نعم اخذي حقك بذراعك

من فترة فيه شباب قطريين اثنيين واقفيين عند محل تلفونات
وراهم لبناني تشوفه تقول مصارع عملاق علق الهرن فتحو له الطريق
مر عليهم وطلع يدة من سيارتة الفخمة وضرب سيارتهم بقو وهو يسب
نزلو لة بصراحه اول ما نزلو قلت ما فيه امل يقدرون عليه
ارتفع الصوت وعلق واحد منهم العقال في رقبتة
وفرك خشمة في الارض والثاني مشتغل علية ضرب
لين عرف ان الله حق
الغريب ماحد تدخل من القطريين
ياترى ليش ماحد تدخل ؟؟!

[al-sadd]

آآآآآآآآآآآخ على ايام قبل
محد فيه خير يكلمنا ولا يرفع صوته على احد
من متى الهندي وكان يرفع صوته علينا
من يوم طلعونا "حقوق العماله الوافده"
"حقوق الانسان " "حقوق مادري من"
انزين وحقوق القطري الي ببلاده !؟!

لاتعليق صراحه

[هتـان قطر]

شلون اختي اسلوب تهكمي وساخر وشالمطلوب من القطري حتى تثبت شوكته ونفسه .. اختي مب كفو اللي يهين قطري او قطريه دامه في ديرته او خارج ديرته والاحترام مفروض على الكل اجنبي او قطري .. يعني موضوعك مجرد تحريض فقط .. المطلوب من القطري يمشي بشوزن وعجره والموقف اللي مايعجبه من اي اجنبي يثور فيه او يعطيه بالعجره على راسه .. اختي اصابع اليد ماهي سوى وطالما الموضوع ما حدث ولا حصل معاك من الافضل عدم الكتابه لانه من وحي الخيال فقط وعلى ما قلتي موضوع ساخر .. قال النبي محمد صلى الله عليه وسلم:

"يا أيها الناس ألا ‏إن ربكم واحد، وإن أباكم واحد، ألا لا فضل لعربي على أعجمي، ولا ‏لعجمي على عربي، ولا لأحمر على أسود، ولا أسود على أحمر إلا بالتقوى، أبلّغت؟ قالوا: بلّغ رسول الله ‏‏صلى الله عليه وسلم".

اخوي هدهد سليمان الموضوع ما هو تحريض ولا تكبر على خلق الله

الموضوع ان احنا قل احترام الاخرين لنا مع انهم عايشين من خير هالبلد

ومع ذلك صاروا يتنكرون للبلد والشعب وكبرت روسهم وما عاد يشوفونا الا بطرف عين


وللعلم لو يلفون العالم كله ماراح يلاقون طيبة ولا احترام مثل طيبة القطري اللي البعض

استغلها وحولها الى سذاجة..

وبعدين الموقفين اللي ذكرتهم حصلوا معي شخصيا ومهب من نسج الخيال

وهذا اللي خلاني اكتب هالموضوع .. وتقدر تقرا ردود اغلب الاعضاء اللي

مروا بمواقف مماثلة..وتشوف معاي حق او لا

ومثل ما بديت الموضوع انا ذكرت بعض المقيمين المتفرعنين وما قلت كلهم..

للامانة عندي صديقات من جنسيات عربية مختلفة واكن لهم كل احترام

وابدا ما اتكبر او اتعالى عليهم ..اخلاقيات القطري واحترامه واضح وما فيه شك

ولكن اعتقد آن الاوان ان احنا نتخلى عن طيبتنا وسذاجتنا ..

[احساس غريب]

ياجماعه انا والله دايما اقرى مثل هالمواضيع بس ماتصير معاي مواقف مثل مااقرى الا مره صوب فيلاجيو كان واحد قدامي من جنسيه عربيه دقيتله هرن لانه موقف السيد وانا وراه علطول رفع يده وياشرلي بمامعناه شعندك ماسويتله شي بس دعمه من ورا ركبت موتره الرصيف غصب مع ان موتره صالون ونزلت سفلت فيه عشان يعرف قيمته وركبت موتري وحركت عنه وثاني يوم كلموني المرور وحليت الموضوع بواسطه وغير هذي انا اشتغل ف وزاره حكوميه وف الاستقبال واقولها الاجنبي مهما كانت جنسيته اذا ماتكلم بس ماتكلم باحترام او ماسلم اخليه يتحسف قد شعر راسه على اسلوبه لكن القطري مهما كان حتى لو ماسلم اخلص موضوعه واحاول باللي اقدر عليه اساعده خصوصا الشيبه والعجوز..
يعني والله العظيم اني شغال خمس سنين ف الاستقبال استنتجت باخر شهور لي ان ماينفع معاهم الا هالاسلوب تخيلوا والله ان القطري يجي محترم نفسه وياخذ رقم وينطر اما الاجنبي يجي على عجله يبي يخلص شغله كني اشتغل عنده لا ومايضحكوني الا اللي يلبسون غتره وعقال على انهم قطريين وانا ادريبهم ..
والله ياختي هتان خليتيني افتح النار عالاجانب واتمنى اطلع الحين ويلف علي اجنبي صدقيني هو يبات ف المستشفى وانا ف المركز هههههههههههههه
واسمحولي انا ماشوف نفسي عنصري بالعكس انا اعطي القطري حقه في بلاده وهذا اقل واجب اسويه لعيال بلادي واحنا زرنا كذا دوله عربيه تعاملنا على اننا اغراب فيها وشفنا مضايقات منهم ف مافيها شي لو عاملناهم بالمثل..

[هتـان قطر]

الله يعيييييينج يالغاليه هتان وللحين بعد الله يستر من الي جاي والله قطر تغيرت وين قبل والحين


الله المستعان


اي والله الله يستر..



نعم اخذي حقك بذراعك

من فترة فيه شباب قطريين اثنيين واقفيين عند محل تلفونات
وراهم لبناني تشوفه تقول مصارع عملاق علق الهرن فتحو له الطريق
مر عليهم وطلع يدة من سيارتة الفخمة وضرب سيارتهم بقو وهو يسب
نزلو لة بصراحه اول ما نزلو قلت ما فيه امل يقدرون عليه
ارتفع الصوت وعلق واحد منهم العقال في رقبتة
وفرك خشمة في الارض والثاني مشتغل علية ضرب
لين عرف ان الله حق
الغريب ماحد تدخل من القطريين
ياترى ليش ماحد تدخل ؟؟!


" من سيارته الفخمة " ياليت يطبقون قانون "من اين لك هذا"

يا هي بلاوي بتطلع


آآآآآآآآآآآخ على ايام قبل
محد فيه خير يكلمنا ولا يرفع صوته على احد
من متى الهندي وكان يرفع صوته علينا
من يوم طلعونا "حقوق العماله الوافده"
"حقوق الانسان " "حقوق مادري من"
انزين وحقوق القطري الي ببلاده !؟!

لاتعليق صراحه


الله المستعان..الايام جاية ويا ما بنشوف..لك الله يا مواطن

[هتـان قطر]

ياجماعه انا والله دايما اقرى مثل هالمواضيع بس ماتصير معاي مواقف مثل مااقرى الا مره صوب فيلاجيو كان واحد قدامي من جنسيه عربيه دقيتله هرن لانه موقف السيد وانا وراه علطول رفع يده وياشرلي بمامعناه شعندك ماسويتله شي بس دعمه من ورا ركبت موتره الرصيف غصب مع ان موتره صالون ونزلت سفلت فيه عشان يعرف قيمته وركبت موتري وحركت عنه وثاني يوم كلموني المرور وحليت الموضوع بواسطه وغير هذي انا اشتغل ف وزاره حكوميه وف الاستقبال واقولها الاجنبي مهما كانت جنسيته اذا ماتكلم بس ماتكلم باحترام او ماسلم اخليه يتحسف قد شعر راسه على اسلوبه لكن القطري مهما كان حتى لو ماسلم اخلص موضوعه واحاول باللي اقدر عليه اساعده خصوصا الشيبه والعجوز..
يعني والله العظيم اني شغال خمس سنين ف الاستقبال استنتجت باخر شهور لي ان ماينفع معاهم هالاسلوب تخيلوا والله ان القطري يجي محترم نفسه وياخذ رقم وينطر اما الاجنبي يجي على عجله يبي يخلص شغله كني اشتغل عنده لا ومايضحكوني الا اللي يلبسون غتره وعقال على انهم قطريين وانا ادريبهم ..
والله ياختي هتان خليتيني افتح النار عالاجانب واتمنى اطلع الحين ويلف علي اجنبي صدقيني هو يبات ف المستشفى وانا ف المركز هههههههههههههه


شوف اخوي احساس غريب حط في بالك انك تاخذ حقك قدر الامكان حتى لو بكلمة اعتذار

ولكن لا تهضم حق الاخرين سواء اجانب او غير اجانب..

لا تروح تتمشكل مع احد منهم وتقول هتان هي السبب :secret:

[هتـان قطر]

لحد يقعد يلوم حد أول شي لومو نفسكم وقولو لأنفسكم شنو الشي الخلاهم يوصلون لهذا الحد

كل ما صار شي قلتو حرام انشوف الغلط ونسكت

>>> راحت هيبت القطري وهيبه الغتره والعقال لو نرجع ورى كم سنه شلون لقطري هيبه وهذا حق من حقوقه في بلاده الحين من هب ودب رفع صوته >> يحسسونك انت الغريب في البلاد

انا نظامي اخذ حقي بنفسي ولا احرق اعصابي مثلج اختي لو صادني مثل ما صادك في الحرمه الطلعت بوجهج وعصبت وربي ان ما اوقف ادخل بيبنها عليها وهي الغلطانه وموضوع الهندي في تصرف ثاني

ولا تقولين ارجوكم عاملونا بأنسانيه انتي انسانه وغصب عنهم

وهم اليحترمون نفسهم لأن البلاد هذي اللى لامتهم ونظفتهم

ولحد يتفلسف ويجيني الحين ويقول لا البلاد فيها قانون ندري ان البلاد فيها قانون لان قي هذا الوقت
تدخل مركز ألف اتصال واسطه حق لأجنبي وانت خايس حلجك
بالعربي خذ حقك بعدين روح المركز

>>>>معصب

لا تعصب ولا شي وانا اختك.. بس يبيلنا نعرف قدر انفسنا ونخلى الاخرين يحترمونا غصب

وسالفة المرة اللي لفت علي .. مستحيل كنت اقدر اوقف الشارع كله والاشارة خضرا

وخصوصا انها كانت في طريق وانا في طريق اخر..الغلط كله اني ما اخذت رقم سيارتها

[هتـان قطر]

افا افا افا يا ذا العلم

الشيخه استغربت من عنوان موضوعج الي فيه استرجاء للي ضفيناهم عندنا باختيارنا بعضهم لحاجتنا لهم وبعضهم لحاجتهم لنا ولكن كل شئ بحدوده وانتي تذكري مليون مرة انج في بلادج معززة مكرمة وراسج دوم مرفوع ولازم يظل مرفوع, نعم أحنا نحترم ونقدر الضيف بس الضيف المحترم لان الي غير محترم ماله احترام من بيناتنا أيا كان اذا حشم نفسه حشمناه واذا مايعرف يحشم نفسه لازم نعلمه الحشيمه....
الله يحفظج


اخوي ولد النوخذه اسلوب الترجي كان فقط للتهكم وكان وراه مغزي ولكن غاب عن البعض

وافهموا الموضوع على غير ما اردت..:(

[هتـان قطر]

اختي كبرتي الموضوع وما له اي داعي .. هالأخطاء وارده سواء من اجنبي ولا قطري بخصوص اشارة المرور اتكلم .. والسواقه فن وذوق وادب واخلاق وهالشي اكيد يمثل الشخص نفسه مب ديرته ..

بخصوص الخياط اختي يمكن ما يقصد وكنتِ حساسه زياده عن اللزوم .. اكيد ما يقصد صدقيني ..

لا تزيدون الطين بله .. كلنا لآدم وآدم من تراب ..


الاخطاء الواردة اصحابها على الاقل يعتذرون او يطنشون.. اما الاخت قامت تصارخ

بقمة راسها وتأشر على السايق كأنه هو الغلطان مع انها هي الغلطانة ويوم فتحت

الدريشة بشوف وش عندها زادت في الصراخ وما همها من اللي يكلمها.. صج متفرعنه

وسالفة الخياط يوم وقفته عند حده رجع اخذ الفاتورة وعطاني اياها في ايدي وتأسف

وهالموقفين دليل كافي على ان الوضع تغير ونظرة الغريب تغيرت لنا

[احساس غريب]

شوف اخوي احساس غريب حط في بالك انك تاخذ حقك قدر الامكان حتى لو بكلمة اعتذار

ولكن لا تهضم حق الاخرين سواء اجانب او غير اجانب..

لا تروح تتمشكل مع احد منهم وتقول هتان هي السبب :secret:

اختي هتان انا ماعرف شي اسمه اعتذار الا اذا انا كنت غلطان لكن لو هو الغلطان والله لو يعتذر من الحين لين باجر لي فات الفوت ماينفع الصوت وانا اساسا اتغشمر معاج بخصوص اذا تمشكلت بسبتج لاني ماطلع وايد للدوحه الا للضروره ..

[..الاميرة..]

ياااااااااكثر هالمواقف ..

لكن شوفي ياهتان هذيلا مساكين ماعليه .. غلابه ماعليه .. فقارى ماعليه .. ناس ضعيفه ماعليه .. موقف بسيط صار ممكن نعديه نعديها ..

لكن يوم السالفه تجي للأساءه اهنيه اقولج لا وألف لا ..

لاتسكتين وقفي اي حد يفكر حتى يتطاول او يغلط لانه غصبن عن ورى خشمه يحترم إلي قدامه دام ان إلي يتعامل معاه ما بدر منه شي ..

انا كل شي اتغااااااضى عنه لكن سالفة الغلط القرون وأم القرون تطلع .. :tease:

ولا يوم اشوف عجوز ولا شيبه حد يغلط عليهم في مكان او يعاملهم معامله شينه ياسواااد ليله .. :telephone:

[مضاد]

إن أكرمتَ الكريم ملكتهُ … وإن أكرمت اللئيم تمردا

[بلوتنيوم]

صعب
لان الكثرة تغلب الشجاعة :secret:

[ولد النواخذه]

اخوي ولد النوخذه اسلوب الترجي كان فقط للتهكم وكان وراه مغزي ولكن غاب عن البعض

وافهموا الموضوع على غير ما اردت..:(

أي اوضحت الي الصورة من قصدج عزيزتي وعودة للموضوع وتأكدي ان في مقيميين محترمين وأخلاق عاليه ومقدرينا كل التقدير ولكن الواحد بطبيعة الحال ينتقد الي غير محترمين والي دخلو الديرة بدون ما يكون في وسيلة لاختبار اخلاقياتهم...
نسأل الله العفو والعافية والصلاح للجميع

[نفسي عزيزه]

والله انك صادقه يبيلهم ترويض عيزونا حسبي الله ونعم الوكيل

[بدون]

اللي يتفرعن يبيله بالعجرة على راسه لأنه كبر واااايد
و اللي محترم نفسه ماله ألا الاحترام

هذا اسلوبي في التعامل سواء مع الأجنبي أو القطري !

يعني عندي المعاملة بالمثل للكل.

و شكراً للموضوع

[وحش قطر]

اختي اخذي حقج بذراعج والله مالة داعي تنزلين موضوع وتحرقين اعصابج واعصابنا وتبينين ضعفج
الدنيا الحين مع القوي ...كان صرختي في وجهها
واي حد مرة ثانية يغلط عليج لا تنتظرين او تتوقعين ان حد بياخذ حقج
هذا اللي يحدث في قطر همجية وفوضى من الاجانب والشكوى لله


احسن شي الواحد ياخذ حقة بذراعة مرة سويتها في الجمعية الحين من ادش الجمعية حتى مال الكاشير يقوم يسلم علي

[كاريرا]

http://www.deactivated-guns.co.uk/images/Terrys%20AK/IMG_0015_1.jpg
الي يفقع كبدج

افدعي وجهه:secret:

[اخر العنقود]

اييييييييي والله - وانتي الصادقه

اذكر مر علي موقف الله لايعيده
كنت في احدى المحلات وابي الموظف (هندي) يرخص لي
ماووعيت الا قالي يبي يشيل مايبي روووه>> روح
وعصبت وسبيته سب بس ادري مافهمني

[خالد1]

دام الحكومه كل قوانينها مع ألأجنبي
والي يحط القوانين اجنبي
لا تلومين هل ألأشكال لما يتفرعنون
هههههههههههههههه
واخر شي عقود عمل سنويه للقطريين



صدقت ياخووووووووووووووي

[قطري !]

أصبري شوي عليهم بس



التطاول بعد القانون الجديد اللي يقولون طبقته البحرين



والقانون يقول ماعاد فيه كفيل للاجنبي , يعني اذا يبي يخليك ويروح حق واحد ثاني عادي


يعني اي كلمه حق الدريول بيقول لج ... انا يحصل كفيل جديد ..باي باي

[بنت ابوها 19]

عادي تعودنا على هل الاشكال اذا على موقف الشارع

امس لبنانيه انا بالموقف تضرب لي هرن وديم فول وطلعي وانا اصلن مب طالعه لانه خواتي نازلين وبيرجعون انا طنشت لها تمت تاشر انه قومي طلعي من الموقف عبالها انه بسكت عنها قمت قتلها شفيج مب طالعه انا تمت تعيد الحركه مره ثانيه قمت انا بالعماله سكرت السياره شفتها للحين مصره لما نزلت لها قالت لا مب لج للي جمبج خافت وراحت


يعني قلت الادب عبالهم الشارع لهم بس الي يسوي فيكم اختي هل الحركه مره ثانيه خلي الدريول يمشي جدامهم ويخفف عشان لو استلعنت ودعمت من ورا بتكون هي غلطانه حرقي قلبها شوي