إقتراح مفيد للمسؤول ... بخصوص الشباب والمتزوجين .. !!

[Mr.Hamad]

السلام عليكم ورحمة الله وبركاته

أود أن أطرح اقتراحين موجهيين للمسؤولين في بلدنا الغالي عن الشباب والمتزوجين

وأعتقد أن الموضوع ليس بجديد ولكن مهم جداً لما له أثر إيجابي في المجتمع القطري


الإقتراح الأول:

لماذا لا يتم مساعدة الشباب المقبلين على الزواج ... بمنحهم مبلغ مادي يساعدهم على المصاريف

وأولها المهر .. مثل ما هو موجود بالإمارات بإعطاء الشباب مبلغ مادي...؟


الإقتراح الثاني:

لماذا لا يتم إعطاء رب الأسرة مبلغ شهري يضاف لراتبه عن كل طفل لديه

لمساعدة العائلة على التغلب على صعوبات الحياة المادية..؟

.................................................. ..........................................

أعتقد أن الأقتراحين ... سيكون لهما دور إيجابي ... والسالفة مو صعبة

بس أن حبتك عيني ما ضامك الدهر

لأن الإنسان القطري هو الي سيبني مجتمعنا و يجب الاهتمام فيه

[نعيمه علي]

الاقتراح الاول نُفذ ومازال من جهة لا اذكرها حاليا
ولكن للاسف مصاريف الزواج اصبحت خيالية وكلها من أجل المظاهر

والاقتراح الثاني
اعتقد يحتاج دراسة لانه مش منطقي كثير
ما ادري بس يبغي له دراسة كبيرة

مع اطيب تحياتي
اختكم نبض

.

[BIG-VEGA]

الله يوفقك ويخليلك شبابك :)

[Mr.Hamad]

الاقتراح الاول نُفذ ومازال من جهة لا اذكرها حاليا
ولكن للاسف مصاريف الزواج اصبحت خيالية وكلها من أجل المظاهر

والاقتراح الثاني
اعتقد يحتاج دراسة لانه مش منطقي كثير
ما ادري بس يبغي له دراسة كبيرة

مع اطيب تحياتي
اختكم نبض

.


نبض القلب يعطيج ألف عافية

منو نفذ الإقتراح الأول ... ما شفنا ولا سمعنا شي

اذا تقصدين جمعيات خيرية ... هذا شي ثاني

أنا أقصد أن كل شاب قطري يتزوج ... ياخذ مساعدة من الدولة


وبالنسبة للاقتراح الثاني

ليش مو منطقي ... وليش يبيله دارسه

لا يكون بنخترع شي في الفضاء

إذا انتي متزوجة وعندج عيال ... بتعرفين زين ما زين أنه منطقي ونص بعد

[نعيمه علي]

نبض القلب يعطيج ألف عافية
منو نفذ الإقتراح الأول ... ما شفنا ولا سمعنا شي
اذا تقصدين جمعيات خيرية ... هذا شي ثاني
أنا أقصد أن كل شاب قطري يتزوج ... ياخذ مساعدة من الدولة
وبالنسبة للاقتراح الثاني
ليش مو منطقي ... وليش يبيله دارسه
لا يكون بنخترع شي في الفضاء
إذا انتي متزوجة وعندج عيال ... بتعرفين زين ما زين أنه منطقي ونص بعد





اخي الكريم

كان في مشروع من مدة عشان يجمعون لكل شاب يبغي يتزوج 50 الف ريال
بس ما ادري خلص مشروعهم ولا لأ
وبخصوص الحكومة سمعت انه اي شاب يبغي يتزوج يقدر يطلب معونة من الديوان
بس مو متأكده

وبخصوص الاقتراح الثاني
انا عندي فعلا طفلين واربيهم بنفسي واصرف عليهم بنفسي
يعني يمكن انا اكثر واحدة المفروض تشجع هالفكرة
لكن ممكن هالفكرة تنجح لو في مجتمع فيه تحديد نسل بيكون فيه تشجيع على الانجاب
مثل الصين
لكن لو بيتم تنفيذه هنا يبقى لازم دراسة او دراسة جدوى
وترى دراسة جدوى اي اقتراح يدعم الفكرة ولا يضرها
وتقدر تسوي دراسة جدوى لهذه الفكرة وتقدمه للحكومة

والله يوفق الجميع

مع اطيب تحياتي



.

[مالي ومال الناس]

الحين بيدشون اللي مب قطريين ويقولون الاقتراحات غير معقوله , وماتدري صاحب الاقتراح قطري ولا لا :)

عالعموم الاقتراحين في محلهم وغير مكلف مقارنة بالتكاليف الباهظة المدفوعة في الرياضة والفن وغيرها

[blueZircon]

مساعدة الزواج اللي من الديوان تقدم عليها اليوم وعقب ثلاث و اربع سنين تطلع لك , وقيمتها تتراوح مابين عشر الالف لين خمسين الف على حسب اللاست نيم

[Mr.Hamad]

الحين بيدشون اللي مب قطريين ويقولون الاقتراحات غير معقوله , وماتدري صاحب الاقتراح قطري ولا لا :)

عالعموم الاقتراحين في محلهم وغير مكلف مقارنة بالتكاليف الباهظة المدفوعة في الرياضة والفن وغيرها



شدعوة شايفني كاتب الموضوع بالأوردو ولا باللغة السريانية

أبشرك أنا قطري ... على بطني وظهري

زين أنك مؤيد الاقتراحين .... يعني طلعت قطري ^_^

[Mr.Hamad]

اخي الكريم

كان في مشروع من مدة عشان يجمعون لكل شاب يبغي يتزوج 50 الف ريال
بس ما ادري خلص مشروعهم ولا لأ
وبخصوص الحكومة سمعت انه اي شاب يبغي يتزوج يقدر يطلب معونة من الديوان
بس مو متأكده

وبخصوص الاقتراح الثاني
انا عندي فعلا طفلين واربيهم بنفسي واصرف عليهم بنفسي
يعني يمكن انا اكثر واحدة المفروض تشجع هالفكرة
لكن ممكن هالفكرة تنجح لو في مجتمع فيه تحديد نسل بيكون فيه تشجيع على الانجاب
مثل الصينلكن لو بيتم تنفيذه هنا يبقى لازم دراسة او دراسة جدوى
وترى دراسة جدوى اي اقتراح يدعم الفكرة ولا يضرها
وتقدر تسوي دراسة جدوى لهذه الفكرة وتقدمه للحكومة

والله يوفق الجميع

مع اطيب تحياتي



.




أختي الفاضلة

المشروع الي تقصدينه هو .. الي قامت فيه راف الخيرية

وهو اجتهاد من مؤسسات خيرية وجزاهم الله خير

أنا أقصد مساعدة قبل الزواج .. يعني الدولة تعطي للمعرس فلوس قبل لا يرتب أمور العرس مب بعده

المساعدة الي تقصدينها من الديوان ... هي تجي بعد عقد القرآن بسنتين تقريباً

وبعض المرات بعد الواحد ما يجييه كومة عيال

وبالأخير تكون المساعدة 20 ألف ريال


ربي يخلي لج أطفالج .... ربي يعيينج

الاقتراح هو زيادة بالراتب عن كل طفل ... يعني تشجيع على الانجاب

فكرتج متناقضة ... شلون هالفكرة تنفع لتحديد نسل وبنفس الوقت تشجيع على الانجاب

وين احنا و وين الصين .... احنا لو تشخلينا شخل ما نطلع نص مليون قطري

وبالنسبة لدراسة الجدوى ... "ردد ياليل ما اطولك"

يعتبرون الاقتراح ... كنهم جايبيين لاعب أجنبي أو مدرب عالمي أو بناء ملعب

[مالي ومال الناس]

شدعوة شايفني كاتب الموضوع بالأوردو ولا باللغة السريانية

أبشرك أنا قطري ... على بطني وظهري

زين أنك مؤيد الاقتراحين .... يعني طلعت قطري ^_^



ياعزيزي ركز شوي , اقصد صاحب الاقتراح اللي بيكون كاتب وجهة نظرة وحاسد اهل قطر وفي الاخير يمكن مب قطري :nice:

[Mr.Hamad]

ياعزيزي ركز شوي , اقصد صاحب الاقتراح اللي بيكون كاتب وجهة نظرة وحاسد اهل قطر وفي الاخير يمكن مب قطري :nice:



حقك علي يا أخوي

العتب على طريقة تعليقك ... قصدي على النظر

[BO SAUD]

ياريت اخوي حمد الله يسمع منك ان شاءالله
الله يبيض وجهك

[Mr.Hamad]

ياريت اخوي حمد الله يسمع منك ان شاءالله
الله يبيض وجهك



الله كريم يا أخوي

ويبيض وجهك