مشكله مع كيوتل هل من منقذ ؟

[Gh2o]

السلام عليكم
المشكله وبكل بساطه انا ببريطانيا من شهر واحد وعندي تلفون بطاقته مقطوطه بالبوك , المشكله التلفون قبل لا ابنده شغااااال وانا حاط له لمت 2000 ريال , الي صار مادفعت له واول امس قطعوا تلفوناتي كلها بالدوحه منها رقم ام العيال رقمين للبيت , واكتشفت الفاتوره وصلت 5700 !!! سألتهم قالوا من الباقات انا عندي باقه 575 , طيب مبببب مشكله انا عندي فيزا بريطانيه وماعندي فيزا قطريه ! وماقدر ادفع لهم الا بفيزا قطريه شسوي شالحل وليش لازم فيزا قطريه !!! دقيت على كيوتل مافادوني بشي الموظف يقول خل حد يدفع لك بالدوحه وانا صراحه مابي حد يدفع لي شي عندي فلوس وابي ادفع من فلوسي !! او على الاقل اشلون يفتحون لي التلفونات المقطوعه وينطرون علي لين ارد ! لان على قولته القطع اداري وماقدر اقتح التلفون الا عقب دفع الفاتوره !

[عزوز]

الله يكون بعونك وانشاء الله الاخوان الي عندهم فكره يفيدونك

[alrheeb2020]

خل ام العيال تدفع يالغالي ..


والله يوفقكم ويكتب لكم كل خير ان شاء الله

[واحد في حاله]

والله ياخوي اول شي الله يعينك على كيوتل

هذي مشكلة الشهري يحسب عليك سواء استعملت ولا لا

مافيه الا تطرش الفلوس لاحد في الدوحه يدفع لك

او تشوف فرع بنك قطر الوطني عندك يمكن يفيدك

[MoTeC]

شوف انا مالي دخل بـ 111 يعني بفيدك من اللي اعرفه
اللي اعرفه اذا مابتستخدم كرتك وهذي نصيحه مني للكل مب لك وبس
بالذات اذا بتسافر مكان وماراح تستعمله ابد كلمهم وقولهم اقطعوه مؤقت ومدري اذا يصير بدون ماتدفع اللي عليك ولا لااء لكن هذا افضل حل
اما مشكلتك طال عمرك الكرت انت مطلعه وموقع على العقد (آجل الدفع) وهي اساسن خدمه كل اول شهر تنزل 575 يعني حتى لو تكلمت مكالمه وحده هية هية الفاتوره فاهم علي فراح تنحسب عليك
لأن قبل خدمه الشهري كانت العاديه وهي لو ماتكلمت كانت بتنحسب بس 50 ريال اللي هي سعر الكرت الفاتوره
اما بخصوص اللمت مدري انا حاط 1000 طالع لي 2000 خخخخخ لكني والحمدلله ادفع الفواتير اول بأول إلا هالشهر :(
فـ الله يعينك اخوي واذا فيه حل بخصوص انك حاط اللمت 2000 ووصلت لل5000 ان شاءالله الشباب يفيدونك
هذي خبرتي البسيطه بكيوتل واذا فيه شي غلط بكلامي قولولي عشان اعدل المعلومات اللي عندي

[Gh2o]

انزين وشله كيوتل ماتفتح الخدمه باي فيزه ليش هاللفه الطويله !! الفيزا شركه عالميه مب قطريه

[جوال 11]

هذا موقع كيوتل الألكتروني ممكن تدفع عن طريقة بالفيزا
https://webcare.qtel.com.qa/qwsc/controller/processSiteEntry
بس لازم تسجيل

[saad1125]

اسهل طريقة تسجل في خدمة نجوم ونفس اسم المستخدم وكلمة المرور تعمل على بوابة الدفع التابعه لكيوتل على فكرة تعتبر افضل بوابة دفع الكتروني في قطر - إذا تحاول تسجل مباشرة راح يطلبون حضورك احد الفروع

[رجل الجزيرة]

هذا موقع كيوتل الألكتروني ممكن تدفع عن طريقة بالفيزا
https://webcare.qtel.com.qa/qwsc/controller/processsiteentry
بس لازم تسجيل

بس لازم أخونا - الله يحفظه - يروح لكيوتل ويسجل هناك عندهم مع بطاقته الشخصية في خلال دقائق وهم بيعطونه ظرف صغير مكتوب في داخله بالكمبيوتر إسم المستخدم جديد ورقم السري جديد نفس الظروف الخاصة ببطاقات البنك.

[Gh2o]

هذا موقع كيوتل الألكتروني ممكن تدفع عن طريقة بالفيزا
https://webcare.qtel.com.qa/qwsc/controller/processsiteentry
بس لازم تسجيل

انا مسجل اخوي وقالوا مايصير لازم الفيزا تكون طالعه من بنك بقطر

[BIG-VEGA]

السلام عليكم
المشكله وبكل بساطه انا ببريطانيا من شهر واحد وعندي تلفون بطاقته مقطوطه بالبوك , المشكله التلفون قبل لا ابنده شغااااال وانا حاط له لمت 2000 ريال , الي صار مادفعت له واول امس قطعوا تلفوناتي كلها بالدوحه منها رقم ام العيال رقمين للبيت , واكتشفت الفاتوره وصلت 5700 !!! سألتهم قالوا من الباقات انا عندي باقه 575 , طيب مبببب مشكله انا عندي فيزا بريطانيه وماعندي فيزا قطريه ! وماقدر ادفع لهم الا بفيزا قطريه شسوي شالحل وليش لازم فيزا قطريه !!! دقيت على كيوتل مافادوني بشي الموظف يقول خل حد يدفع لك بالدوحه وانا صراحه مابي حد يدفع لي شي عندي فلوس وابي ادفع من فلوسي !! او على الاقل اشلون يفتحون لي التلفونات المقطوعه وينطرون علي لين ارد ! لان على قولته القطع اداري وماقدر اقتح التلفون الا عقب دفع الفاتوره !


طرش حواله حق اي حد وهو يدفعلك
او خل اي حد يدفع وعقب اذا رديت ادفعله

[بوخالد911]

هلا

لا بد من سداد كامل المبلغ
وبعدها الفتح بيكون تلقائيا

طررش افلوس لزوجتك وهي تدفع وبس

سهالات تررى

وتأكد دووم قبل السفر ان ما علييك متاخررات

مووفق

[الـمـحـنـك]

اقول الله يكون بعونك

وتبينا نساعدك ماعندك مشكله نروح لكيوتل ونرضيك امر بس

ووسع خاطرك

وكيوتل الله يعينا عليها مايقدرون ظروف احد همهم الفلوس وبس

[Qtrstyle]

أخوي صحيح كلامهم .. لازم فيزا من بنك قطري ..
لان كانت تصير مشاكل على الفيزا اللي بري .. تقدر تقول حمايه p=

مالك الا تخلي احد فالدوحه يدفعها ..
وثاني شي بخصوص الباقه ..
لازم تكلمهم .. المفروض من اول ماينقطع التلفون .. كل 575 تنزل عقب ماينقطع التلفون .. تتكنسل
وراجعهم .. لان مره صارت مع واحد .. وشالوها .. (( لان يعني مقطوع التلفون ووماتستعمله !! تدفع ليش؟

[نعيمه علي]

اخوي برسل لك على الخاص رقم شخص ممكن يساعدك بكيوتل
وضح له ظروفك ويمكن يقدر يساعدك

مع اطيب تحياتي
اختك نبض


.

[Gh2o]

مشكورين اخواني الحمد لله دبرت الموضوع وحولت حق واحد جزاه الله خير بالويسترن يونين وتم فتح التلفونات

[احب قطر]

اذا ماتحوا التلفونات عطني خبر ومايصير خاطرك الا طيب ، في مذل هالحالات تطلب منهم يزيدون اللمت مالك وبعده راح يفتح الخط.