استفسار بخصوص مطار الدوحه )( الفيرست و البزنس)

[ثرية]

السلام عليكم

الله يسلمكم ويعافيكم عندي سؤال ااتمنى القى اجابه شافيه

ان شاءالله احنا ناوين انسافر

وامي واختي بيكونون فيرست كلاس

وانا وابوي بنكون سياحيه

السؤال اللحين انا وابوي نقدر ندخل مع امي واختي المطار الجديد او يمنعونا

[A.L.I]

مايصير اختي

[ثرية]

مايصير اختي

انزين شالحل امي من ذوي الاحتياجات الخاصه

[SULTAN1]

حتى في صاله المغادرة العاديه فيها قاعه رجال اعمال ،ممكن تدخلون فيها

[مسافي]

اختي ما تقدرين تدخلين معاها ..

لكن بقول لج انا شنو اسوي

بحكم ان الوالدة ما تقدر تمشي مسافات .. في السفر دوم ناخذ لها كرسي ونحجز لها على الفيرست كلاس مع شخص والباقي على السياحية

يوم ندخل المطار ندخل كلنا من مطار الدرجة السياحية .. وهناك ممكن تدخل مع الشخص اللي بالدرجة الاولى اللاونش .. او يتمون برع معاكم على هواكم عقب

[ثرية]

باركم الله فيكم

[M!$s ĀŁ!eN]

تروحون وترودون بسلامه يارب

[ثرية]

تروحون وترودون بسلامه يارب

الله يسلمج

[غير البشر]

اختي يصير مافي مشكله
بس ماتدخلون معاهم صاله الجلوس المخصصه للدرجه الاولى
في مكان مخصص تحت عند السوق الحره عند كاونتر بوابه الباص

يعني تدخلون من مبنى صاله الفيرست والبنزنس معاهم
لكن ماتدخلون معاهم الصاله المخصصه لهم
وانما اتكونون في الانتظار تحت

بالسلامه اختي

[GENIUS]

اذا كان الحجز على الخطوط القطرية الوضع بيختلف لأن صالة البيزنس والاولى منفصلة ومستقلة عن مبنى المغادرين الذي يشتمل على باقي شركات الطيران.

[أجودية]

سفره موفقة وبالسلامة ....ان شاء الله .

[ســـهم]

صالة رجال الاعمال في الطابق الاول لمطار الدوحه بجانب الكافتيريا اذا كانت لديك بطاقة فضيه على القطريه

يمكن الدخول فيها حتى لو كان الحجز على السياحيه ..

[الطيبة كلها]

ولو ان ردي متاخر بس يمكن حد ثاني يستفيد يصير تروحين معاهم حتى فوق صوب الاكل والمصلى عادي

[Qa6ar]

اختي يصير مافي مشكله
بس ماتدخلون معاهم صاله الجلوس المخصصه للدرجه الاولى
في مكان مخصص تحت عند السوق الحره عند كاونتر بوابه الباص

يعني تدخلون من مبنى صاله الفيرست والبنزنس معاهم
لكن ماتدخلون معاهم الصاله المخصصه لهم
وانما اتكونون في الانتظار تحت

بالسلامه اختي


صح اخوي

[sulai6i]

انا مرة من المرات شفت نفس الموقف
كنت مسافر على الفيرست
وعند الكاونتر كان في شخص تذكرته وتذكرة زوجته فيرست كلاس
وعياله ( ولد وبنت ) تذاكرهم على السياحية ..
وكنت اسمعه يقول لهم العيال صغار ما يقدر يخليهم بروحهم
في الأخير دخلوا ويانا كلهم صالة الفيرست
لكن في الطيارة العيال راحوا كراسيهم في السياحية

[ثرية]

بارك الله فيكم جميعااااااا

[qatar1111]

مثل مقال اخوي غيررر البشررر

يصير عادي

وتردووون بالسلامه

[داااانة]

عادي تطلعون معاهم فوق بس ما تدخلون اللاونج

[Gentleman]

على حسب علمي كل شخص عنده تذكرة درجة أولى أو بطاقة ذهبية من القطرية يقدر يدخّل شخص ثاني معاه قاعة الفيرست.
الرجاء الاتصال في مطار الدوحة للتأكد 4656666

[Gentleman]

من موقع القطرية:

Unlimited lounge access
As a Gold member you can enjoy the facilities of the Gold lounge in Doha and First Class or Business Class lounges at selected airports, regardless of your class of travel*. You are also entitled to bring one guest into the lounge as long as your guest is travelling on the same Qatar Airways flight.


http://www.qatarairways.com/privilegeclub/en/gold-benefits.html

[بو خليفه 123]

السلام عليكم

الله يسلمكم ويعافيكم عندي سؤال ااتمنى القى اجابه شافيه

ان شاءالله احنا ناوين انسافر

وامي واختي بيكونون فيرست كلاس

وانا وابوي بنكون سياحيه

السؤال اللحين انا وابوي نقدر ندخل مع امي واختي المطار الجديد او يمنعونا



الحل بسيط ..

قاعة البزنس كلاس والفيرست يفصل بينهم بارتيشن او عامود رقيق ..


بأمكان ركاب الفيرست كلاس يدخلون قاعة البزنس .. لكن العكس ممنوع ..


فـ بالتالي بأمكان الوالده تدخل معاكم قاعة البزنس كلاس ..

الفرس بسيط جداً بين القاعتين اللهم الاكل يختلف و تصميم القاعة غير نوعاً ما ..

و علماً .. اذا كان موسم غير موسم سفر ممكن يتعانون معاكم و يدخلونكم الفيرست مع الوالده بحكم انها من ذوي الاحتياجات الخاصه ..


رحله موفقه ان شاء الله