المساعد الشخصي الرقمي

مشاهدة النسخة كاملة : حد عنده فكره كيف يتم تسعير الكهرباء ؟


المزن الرياني
19-05-2010, 11:14 AM
السلام عليكم

سؤال للخبراء
كيف يتم تسعير تمديدات الكهرباء , اذا كانت المواد علي وعليه فقط شغل اليد ؟
وكيف يمكن مقارنه الاسعار ؟
يعني هل لكل نقطه كهرباء سعر ( مثال نقطه المكيف او نقطه الاضاءه )والا السالفه سالفه اتفاق ؟

وماهي افضل مواد الكهرباء من حيت الاسلاك و مقاساتها و المحول الرئيسي الداخلي
وغيره من المواد
خالد_
19-05-2010, 08:30 PM
موضوع جيد في وقته اتمنى حد يفيدنا
المزن الرياني
20-05-2010, 12:48 PM
موضوع جيد في وقته اتمنى حد يفيدنا


الظاهر محد عنده خلفيه عن أمور الكهرباااء
رغم انها من أهم الامور بالبيت
المعنى88
20-05-2010, 01:26 PM
مسألة الكهرباء بالبيت ندري مهمة بس ماتقدر تحسبها بالضبط ........... اللي بيركب لك الكهربه
خله يحسبلك المواد والويرات والديبي .......... وأهم شي الكيبل المدود من برع لين داخل البيت
وأذا عندك ملاحق وبنتهاوس والدور الأول وكهربة المكيفات والسخان المركزي والبريسر برع وفوق البيت
نوعية الويرات يعتمد على اللي تلاقيه في السوق روح دور تلقى عماني أمراتي سعودي ماليزي
طبعا أحسن نوعية للبوكس أنجليزي والويرات كذلك والسويتشات كله حسب نوعيته وسعره
لاتنسى كهربة السور باب الكراج الأنتركم الجرس للباب ....... ترى بيفتر راسك وانت تقرأ الرد
نصيحة ..... عط الخبز خبازه وتابع لين شلون أستوت الخبزة .
المخباط
21-05-2010, 01:03 PM
تعاقد مع فني تمديد كهربائي
ويكون عقدك واضح اذا بدون مواد بكم سعرة
واذا المواد هو اللي يوفرها بكم شغل يدة
ومواصفات المواد بتكون كيف صناعتها ووين
طبعا كل هذا تحت اشراف الاستشاري لمراجعه كافة التمديدات وفق الخرائط

قبل لا تتعاقد وزع نسخ من خرائط الكهرباء على اكثر من مقاول حتى تشوف سعر السوق
وبالتوفيق
خليفـة
21-05-2010, 06:12 PM
قواك الله اخوي المزن الرياني
شوف اخوي
مبدأ العمل والاعتماد على النفس مبدأ راقي وسامي وجميل
ولكن
هذا المبدأ للأسف لا يتوافق مع كل مانواجهة في الحياة

فهناك أمور نستطيع ان نقوم بأنفسنا بها .. بدلا من الاعتماد على الغير
وفتح المجال للغير بأخذ اموالنا مقابل جهد بسيط نستطيع نحن ان نقوم به .

وهناك امور .. تحتاج للدراية الكاملة .. والخبرة الكافية .. والتجربة السابقة حتى نستطيع ان نقوم بها بأنفسنا .. منها أعمال الكهرباء وتمديداتها اللازمة .


نصيحتي لك يالغالي تتعاقد مع احد شركات المقاولات المشهود لها بالأمانه والاخلاص في عملها .. ووضع جميع الشروط اللازمة في العقد والتي تضمن لك الجودة والسعر المناسب .


في الرابط أدنا .. ستجد صورة للعقد الذي قمت بأبرامة مع احد الشركات .. وستشاهد جميع التفاصيل اللازمة لطبيعة ونوعية المواد الخاصة بأعمال الكهرباء والماء للمنزل .

http://208.43.66.217/vb/showthread.php?t=367215

بالتوفيق ان شاء الله
:)
المهندس عبدالعزيز
23-05-2010, 02:20 PM
السلام عليكم

سؤال للخبراء
كيف يتم تسعير تمديدات الكهرباء , اذا كانت المواد علي وعليه فقط شغل اليد ؟
وكيف يمكن مقارنه الاسعار ؟
يعني هل لكل نقطه كهرباء سعر ( مثال نقطه المكيف او نقطه الاضاءه )والا السالفه سالفه اتفاق ؟

وماهي افضل مواد الكهرباء من حيت الاسلاك و مقاساتها و المحول الرئيسي الداخلي
وغيره من المواد

عليكم السلام

بالنسبة للتسعير يعتمد على المواد إذا كانت مثلاً من بريطانيا لها سعر وإذا من الصين :weeping: لها سعر ثاني

وبالنسبة لنقاط الكهرباء على حسب خرايط التصميم الموجودة عندك

وأنا افضل أن المقاول هو اللي يشتري وهو اللي يركب ، لأن احتمال في المستقبل تخترب الكهرباء ويقول لك ان هذي من موادك اللي شريتها تعبانة و وغالبا بيكون شغله مشي حالك وصعب تثبت ان شغله التركيب مشي حالك

وافضل ان هو يتحمل المسؤولية كاملة التوريد والتركيب