؛ استشارة عن الصالون النسائي ؛

[رهج السنابك]

السلام عليكم ورحمة الله

؛


بما اني على وشك افتتاح صالوني النسائي ؛

حابة اخذ آراء البنات عن الأمور اللي حابين نضيفها ؛ أقتراحات ؛ هل اضيف قسم للمساج او الحمامات المغربية ؟


حالياً اللي شغالين عليه

ميك اب + وكل مايخص الشعر + وتجهيز العرايس

لكن افكر اضيف صالة رياضية وشيء اخر يمكن حناية ( لين الحين الموضوع طور التفكير والدراسة)

اي شي تحبون اضيفه ياليت تنوروني فيه ؛


وشاكرة لكم ؛

[دبڵـﯚمٱωـيـﮧ]

إبتعدي عن الحمـآآم المغــربي =)
لآن إختلفت الآرآء فيه .. بين أنه حلال وحرآم ..,~!

نصيحه بس =)

ولو الصـآلون كـآن في فيلآ لهـآ ملحق إستغليه حق الحنـه علشـآن يكون منفصل عن الريحـه

الحنه مـآآشي سوقهـآآ أكثر من الريـآضه =)

بالتوفيق لج يـآرب ,,

[Locale]

الله يوفقج

اخت زوجي عندها صالون وألحين بتصكره متسندره منه

يعني حطي في بالج ان الشغله بتطلع لج فيها شغلات تسندر وان شاء الله ربي يفتحها علييج

[Ginger]

الله يوفقج يارب ويرزقج من اوسع ابوابه

اهم شي اختي النظافه

انا اقتراحي ان تفتحين قسم حق القهوه والعصاير وهالسوالف .. مادري مجرد اقتراح

ممكن تسوين قسم لليوغا ... وايد مطلوبه

بديكير مناكير

تنظيف بشرة

امممم هاللي عندي من اقتراحات

والله يوفقج

[كازانوفا]

في اقبال كبير على صالات الرياضه والسباحه واليوغا لانها غير متوفره كلها بنفس الصالون
مجرد اقتراح

[shaikha ma]

اختي انا اقتراحي انج ما تفتحين كل شي بنفس الوقت

لازم تشوفين اللي يشتغلون عندج في ايش مبدعين بالضبط وتركزين عليه وتطورينه

لان في بعض الصالونات يكون الشي الوحيد اللي مربحهم المكياج مثل جاك

وبعضهم الحف مثلا مثل صالون قمر

وبعضهم الحنا نفس رحاب وبعضهم الرياضه مثل الثريا

وحاولي انج تطورين من الشغل بالتدريج

مجرد رآي

وبالتوفيق ان شاء الله

[malakmaroc]

حبوبة ابتعدي انو تسوي حمام مغربي او مساج لانو حرام
وهالشي مايمنع انو تخلي لك ركن بالصالون وممكن تخلي عليه اسم متلا الجمال او زي كدة وتحطي كل منتوجات المغربية وتطبعي بروشروات صغيرة فيها طريقة الاستعمال عشان اي وحدة تاخد منك منتج تكون عارفة كيف تسويه
ومتلا لو حطيتي منتوجات مغربية خلي ركن المخصص لها ديكوره مغربي

[رهج السنابك]

؛

شاكرة لكم جميعاً

أفكاركم حلوة واستفدت منها؛

عجبتني فكرة الكافتيريا وفكرة اليوغا < شكلي بروح الصين ادور مدربه


وفكرة الركن المغربي بعد حلوة

كل الافكار رائعه لازم ادرسها عدل

؛

[الوان]

الله يبارك لج في الصالون
اهم شي اختي انج تقرين الفتاوي اللي تخص صالونات التجميل
و طبقيها في الصالون