استحوا على دمكم ياكيوتل .... في جي اس ام بالعالم مايظهر رقم المتصل؟؟؟

[Sharshooooor]

موضوعي لكم اليوم ممكن اعضاء يشوفونه شي لايذكر او اننا نتكلم عن بهانس

لكن انا اقصد من ورى هالموضوع العقلية التجارية والترويجية القديمة لدى كيوتل

والتي لاتتغير مهما تطورت ولبست الثياب الجديدة نحو التطور

عروضهم دايما يخصون فيها المشترك الجديد والقديم راحت عليه ليس له نصيب في الاستفادة من هذه العروض وذنبه فقط انه اشترك بالخدمة قبل العرض بيوم

ومن ناحية ثانية تتفاجأة بالعروض القديمة اللي اكل عليها الدهر في خط نصوص تدشينها او عرضها وتبقى ابد الآبدين من غير تجديد او تطوير

منها رسوم اظهار رقم المتصل من اول تدشين خدمة الجي اس ام
ياعالم في جي اس ام بالعالم مايظهر الرقم؟؟؟

وتعتبر خدمة لازم تدفع رسوم مقابل هالخدمة

ياكيوتل صححوا من خدماتهم وارتقوا الى الافضل وخلوا عنكم شفط دم المشترك مثل الباعوض دون ان يشعر

لكم التعليق على الموضوع

[احب قطر]

اول شي كنت اتمنى انك كاتب شي مفيد او باسلوب افضل لتوجيه نقد بناء الى اي جهة تبغي توصل لها اي رسالة ، وبعدين انصحك انك قبل لاتكتب اي موضوع تتأكد منه قبل لاتكتب فيه وانك شوي تكون ملم بالموضوع ، لان كيوتل الغت رسوم اظهار رقم المتصل مع طرح الشهري.

[Sharshooooor]

اول شي كنت اتمنى انك كاتب شي مفيد او باسلوب افضل لتوجيه نقد بناء الى اي جهة تبغي توصل لها اي رسالة ، وبعدين انصحك انك قبل لاتكتب اي موضوع تتأكد منه قبل لاتكتب فيه وانك شوي تكون ملم بالموضوع ، لان كيوتل الغت رسوم اظهار رقم المتصل مع طرح الشهري.

انت بنفسك قلت

الغت الرسوم مع طرح الشهري

يعني انت ماعندك نظرة الا اللي تستخدمها وغير ملم بالخدمات الثانية

اللي ماحول للشهري اللي اول مابدى وهم يشتكون منه الناس مظطر ان يدفع رسوم هالخدمة

اقرى موضوعي مرة ثانية وتأكد من معلوماتك اخوي

واسلوبي احاول ارتقي فيه يوم احصل ردود راقية

[السامـي]

تلفوني فاتورة،وسوف أدفع خدمة إظهار رقم المتصل في الفاتورة القادمة.:anger1:

[مستر بن]

:)

للأسف فودافون احسن من كيوتل

[Sharshooooor]

تلفوني فاتورة،وسوف أدفع خدمة إظهار رقم المتصل في الفاتورة القادمة.:anger1:


:)

للأسف فودافون احسن من كيوتل

اللي تليفونه فاتورة راحت علية

لازم يحول لاي عرض عشان ينصاد برسوم او سوالف ثانية

روح شوف فورمة طلب الخدمات للفاتورة

اظهار رقم المتصل
تجوال دولي برقم سري او بدون
تحويل المكالمات
بريد صوتي
...... الخ.

كم رسوم كل الخدمات آخرتها بتوصل مليون :nice:

عسى ماشر ياكيوتل وين قاعدين احنا

كل الفاسيليتيز في فودافون ممكن تستخدمها وبدون رسوم اضافية او تعقيدات

[السامـي]

عوداً على بدء.
عن إذنك يا Sharshooooor .

سؤال لأخوي "أحب قطر"،ليش لم أجري مكالمة للخارج
ويرد الـ voice mail،تحتسب مكالمة وتندفع فلوس..؟!.
وسؤال ثاني لو سمحت:

ليش خدمة تحويل المكالمات لرقم ثاني يوم يتصل المتصل ينحسب على المتصل وصاحب رقم المحول الية

يعني يخصمون من الصوبين..؟.

[م. عبدالعزيز]

انتو متأكدين انه خدمه اظهار رقم المتصل تنحسب ؟؟؟

http://www.qtel.qa/ProductServicesLinks.do?trans=ar&prodtype=1&prodId=452

ظهار رقم المتصل تمكنك من معرفة رقم المتصل . هذه الخدمة مسبقة التشغيل ضمن خدمة الشهري وهي مجانية.

[Sharshooooor]

انتو متأكدين انه خدمه اظهار رقم المتصل تنحسب ؟؟؟

http://www.qtel.qa/ProductServicesLinks.do?trans=ar&prodtype=1&prodId=452

ظهار رقم المتصل تمكنك من معرفة رقم المتصل . هذه الخدمة مسبقة التشغيل ضمن خدمة الشهري وهي مجانية.

انت عندك رقم فاتورة؟؟؟؟

قبل لاينزل الشهري؟

كنسل الشهري وبتشوف الخصم في فاتورتك :nice:

بس مو الخدمة السنوية بعد

يعني كيوتل عندها الف عرض وعرض لدرجة موظفين كيوتل مايعرفون تفاصيلها

[بوعلي-Qtr]

والله انك صادق

ياخي انا مب مجبور احول على الشهري
ياخي ماقتنعت بالخدمة
يعني لازم احول
والله مب محول



والله يعينا على كيوتل

[احب قطر]

انت بنفسك قلت

الغت الرسوم مع طرح الشهري

يعني انت ماعندك نظرة الا اللي تستخدمها وغير ملم بالخدمات الثانية

اللي ماحول للشهري اللي اول مابدى وهم يشتكون منه الناس مظطر ان يدفع رسوم هالخدمة

اقرى موضوعي مرة ثانية وتأكد من معلوماتك اخوي

واسلوبي احاول ارتقي فيه يوم احصل ردود راقية

ارجع واقول لك راجع معلوماتك قبل لاتطرح اي موضوع حتى لو عالاقل لو دخلت موقع كيوتل، نظام الفاتورة اصبح اسمه شهري ، في الباقة الاساسية وهي اشتراك 50 ريال شهريا وتشمل خدمة اظهار الرقم (اللي تم الغاء رسومها) ونظام التحويل (اللي تم الغاء رسومها) وفي باقات الشهري القيمة الاخرى.

[Sharshooooor]

ارجع واقول لك راجع معلوماتك قبل لاتطرح اي موضوع حتى لو عالاقل لو دخلت موقع كيوتل، نظام الفاتورة اصبح اسمه شهري ، في الباقة الاساسية وهي اشتراك 50 ريال شهريا وتشمل خدمة اظهار الرقم (اللي تم الغاء رسومها) ونظام التحويل (اللي تم الغاء رسومها) وفي باقات الشهري القيمة الاخرى.

لم يصبح شهري بدون طلب

هنالك 3 انواع للفاتورة

1- جي اس ام الفاتورة القديم اول نظام

2- جي اس ام تدفع باكيج سنوي يعني تدفع الاشتراك مرة بالسنه لايظهر فيمة اشتراك خدمة اظهار الرقم

3- جي اس ام الشهري اللي انت تستخدمة :nice:

انا من مشتركين كيوتل من سنه 1994 ولست مشترك جديد

[غزلان]

كيوتل وما ادراك ماكيوتل

الله يعينك اخوي عليهم

[Sharshooooor]

كيوتل وما ادراك ماكيوتل

الله يعينك اخوي عليهم



هي المشكلة مو على هالرسوم بس

هي في اختيار وابتكار العروض والخدمات

ياليت فعلا يكونون شركة منافسة ومايعتمدون على اقدميتهم بالسوق

[بوخالد911]

بغض النظر

لا بد من انتقاء الاسلوب الأمثل للنقد

ولكم وافر التحية

:)

[Sharshooooor]

بغض النظر

لا بد من انتقاء الاسلوب الأمثل للنقد

ولكم وافر التحية

:)

نسمية دفاع عن عضو مميز والا هاي رأيك الشخصي؟؟؟

ذكرتني بموضوع اصحاب القمصان الحمر واصحاب القمصان الصفر :nice:

تحياتي لك ولك الاحترام والتقدير يابوخالد عزيز وغالي

[جوال 11]

كيوتل ستبقى الشركة الوطنية مهما طال الزمان

[Sharshooooor]

كيوتل ستبقى الشركة الوطنية مهما طال الزمان

الوطنية مالها شركة اخوي

وهذي الشعارات خاطئة وقديمة اسمع بعض الاعضاء يرددها دون علم ماتعني

دايما الخطأ اللي دايما نطيح فيه ان نتبع كلمة او جملة دون التحقق منها :nice:

وحتى لو كانت وطنية او خلنا نقول حكومية ... مايشفع لها اننا ماننتقدها

على فكرة كيوتل تعتبر شركة خاصة ( ايش دخل الوطنية فيها؟)

[ودي أكون]

مافي احسن من هلا :)

[saad1125]

انا استخدم كلاً من كيوتل وفودفون والصراحة فودفون صحيح اقل سعراً بس من غير اي فايده فلا استخدم فودفون بسسبب سواء الارسال اتصل اكثر من عشر مرات دون فائده ارد استخدم شريحة كيوتل.
كيوتل بنيتها التحتية للأتصلات ممتازه ولكن تحتاج لتطوير عروضها لتتناسب مع المنافسة واستغلالها بالشكل الامثل. للعلم كيوتل تدير جميع الاتصال داخل الدولة ( البنوك والوزارات والاجهزة الحكومية ) توقف هذه الخدمة يعني حدوث شلل لجميع البلد توقف الخدمات المصرفية وجميع الانظمة في جميع الجهات الحكومية للعلم.
فودفون اسمحول اقول انها فاشلة من وجهة نظري لانهم ثاني اكبر شركة في العالم وارسالها طايح في كل مناطق الدولة وطول الوقت خدمة الكول سنتر تعبانه عادة يردون من مصر ولايعرفون الدوحة من السد

[Sharshooooor]

مافي احسن من هلا :)

صاروا مشتركين خدمة هلا ممييزين في بعض الخدمات عن الفاتورة

ولو نشوف الاشتراك الفاتورة ونقارنها بتعرفة الهلا راح نحصلها نفس الشي ماتفرق كثير

شاكر لك مرورك

[Sharshooooor]

انا استخدم كلاً من كيوتل وفودفون والصراحة فودفون صحيح اقل سعراً بس من غير اي فايده فلا استخدم فودفون بسسبب سواء الارسال اتصل اكثر من عشر مرات دون فائده ارد استخدم شريحة كيوتل.
كيوتل بنيتها التحتية للأتصلات ممتازه ولكن تحتاج لتطوير عروضها لتتناسب مع المنافسة واستغلالها بالشكل الامثل. للعلم كيوتل تدير جميع الاتصال داخل الدولة ( البنوك والوزارات والاجهزة الحكومية ) توقف هذه الخدمة يعني حدوث شلل لجميع البلد توقف الخدمات المصرفية وجميع الانظمة في جميع الجهات الحكومية للعلم.فودفون اسمحول اقول انها فاشلة من وجهة نظري لانهم ثاني اكبر شركة في العالم وارسالها طايح في كل مناطق الدولة وطول الوقت خدمة الكول سنتر تعبانه عادة يردون من مصر ولايعرفون الدوحة من السد

هاي اللي اقصده اخوي

يعني كيوتل تقريبا خلنا نقول خدماتها بالدولة تصل الى اكثر من 80% وعروضها تعبانه وعروضها ربحية بحته؟

ارباحهم خيالية ولازم يراعونا ويريحونا مقابل هالشي

يعني ربحهم مو من جوده خدمتهم او عروضهم اللي يتسابق له كل من

هي للاسف فقط شركة قديمة وكانت محتكرة السوق

[احب قطر]

لم يصبح شهري بدون طلب

هنالك 3 انواع للفاتورة

1- جي اس ام الفاتورة القديم اول نظام

2- جي اس ام تدفع باكيج سنوي يعني تدفع الاشتراك مرة بالسنه لايظهر فيمة اشتراك خدمة اظهار الرقم

3- جي اس ام الشهري اللي انت تستخدمة :nice:

انا من مشتركين كيوتل من سنه 1994 ولست مشترك جديد

اخي الكريم ، بالنسبة للنقاط اللي ذاكرها فوق وخاصة النقطة رقم 1. واللي هي جي اس ام الفاتورة القديم اول نظام . أصبح اسمه الشهري الباقة الأساسية واللي هي اشتراكها 50 ريال واللي انت مشترك فيها ، معناة كلامي انه لايوجد اي اشتراك لخدمة اظهار الرقم للجوال او اشتراك لتحويل المكالمات او اشتراك لخدمة البريد الصوتي.

وممكن تراجع فاتورتك وتشوفها من خلال الانترنت عالموقع https://webcare.qtel.com.qa/qwsc/controller/processSiteEntry

[م. عبدالعزيز]

Sharshooooor

اول انا اذكر كان يحسبون علي 15 ريال.. بس بشهر 12 - 2008 شلوا هالرسوم وعندي من eqtel فاتوره شهر 1-2009 محطوط 15 بالسالب... يعني تكنسلت ورجعوها لي.. والفواتير اللي بعدها الى اليوم مافيه رسم 15 ريال.. وانا حولت رقمي للشهري كنترول ورجعته فاتوره عاديه وماشفت 15 ريال :) اعتقد معلوماتك قديمه او انه فيه مشكله بالفاتوره عندك

[الصريحه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Sharshooooor]

Sharshooooor

اول انا اذكر كان يحسبون علي 15 ريال.. بس بشهر 12 - 2008 شلوا هالرسوم وعندي من eqtel فاتوره شهر 1-2009 محطوط 15 بالسالب... يعني تكنسلت ورجعوها لي.. والفواتير اللي بعدها الى اليوم مافيه رسم 15 ريال.. وانا حولت رقمي للشهري كنترول ورجعته فاتوره عاديه وماشفت 15 ريال :) اعتقد معلوماتك قديمه او انه فيه مشكله بالفاتوره عندك

الاعضاء المميزين ماشالله يدافعون عن بعض :nice:

انا محول من زمان على السنوي
وانا ماتكلم بالتحديد عن خدمة وحده
اتكلم عن اسلوب كيوتل في تدشين العروض ورسومهم

وصدقني لو لا دخول شركة منافسة لكنت تدفع بلاوي لكيوتل وانت تعرف الرسوم القديمة عدل

[السامـي]

تلفوني فاتورة،وسوف أدفع خدمة إظهار رقم المتصل في الفاتورة القادمة.:anger1:

عند التدقيق مرة أخرى،وجدت رسوم الـ 15 ريال تختص بالهاتف
الأرضي،لأن أشتراكي في package (الجوال، الهاتف الأرضي
والأنترنت).
تبقىمعك حق يا "أحب قطر" .:shy:

[م. عبدالعزيز]

Sharshooooor

الحمد الله اني ما اشتغل في كيوتل.. ولا في فودافون.. ولا في شركه اتصالات ثانيه

^_*

[Sharshooooor]

عند التدقيق مرة أخرى،وجدت رسوم الـ 15 ريال تختص بالهاتف
الأرضي،لأن أشتراكي في package (الجوال، الهاتف الأرضي
والأنترنت).
تبقىمعك حق يا "أحب قطر" .:shy:

وانا اايد كلام اخوي السامي واقول معاك حق يا اخوي أحب قطر

انا اشتراكي السنوي ولازم اغير العنوان للتليفون الارضي مو الموبايل


http://www9.0zz0.com/2010/05/20/08/878571187.jpg


عالعموم موضوعي هو عن كيوتل وخدماتها موخدمة وحده :nice:

[almaf1a]

انت عندك لبس في المسميات
مافي شئ اسمه جوال فاتوره
جوال الفاتورة اسمه الشهري
وهناك الباقات الشهريه
وخدمة اظهار الرقم وتحويل المكالمات مجانيه سواء بجوال الشهري (الفاتوره) او الباقه الشهريه

مع تحفظي على موضوع الباقه الشهريه خصوصا في ترحيل الدقائق الزائده للشهر الي بعده

نصيحه اخويه الي ما يخلص دقائق الباقه الشهريه يتم على الشهري العادي

[Sharshooooor]

Sharshooooor

الحمد الله اني ما اشتغل في كيوتل.. ولا في فودافون.. ولا في شركه اتصالات ثانيه

^_*

بالعكس انا اتمنى اشتغل عندهم واتمنى يكون في مجال تطوير الخدمات وتحسينها

لان جد عندي وايد افكار وعندي علاقات مع شركات برى قطر ممكن يعملون اي سفتوير يحل مشاكل الشركات والمؤسسات الحكومية

شاكر لك مرورك يالعضو المميز :shy:

مادري متى يرقوني لعضو مميز وتدافعون عني :nice:

[احب قطر]

بالعكس انا اتمنى اشتغل عندهم واتمنى يكون في مجال تطوير الخدمات وتحسينها

لان جد عندي وايد افكار وعندي علاقات مع شركات برى قطر ممكن يعملون اي سفتوير يحل مشاكل الشركات والمؤسسات الحكومية

شاكر لك مرورك يالعضو المميز :shy:

مادري متى يرقوني لعضو مميز وتدافعون عني :nice:

ان شاء الله نشوفك معانا عضو مميز ، وصدقني اللي ملاحظة في المنتدى ان لايتم النظر الى درجة العضو وانما الكلام اللي يقوله العضو...

عالعموم اذا بغيت تستفسر عن اي شي عن كيوتل او اي معلومة ارسل لي عالخاص وان شاء الله مايصير خاطرك الا طيب...

[معيذر جنوب]

انت عندك لبس في المسميات
مافي شئ اسمه جوال فاتوره
جوال الفاتورة اسمه الشهري
وهناك الباقات الشهريه
وخدمة اظهار الرقم وتحويل المكالمات مجانيه سواء بجوال الشهري (الفاتوره) او الباقه الشهريه
مع تحفظي على موضوع الباقه الشهريه خصوصا في ترحيل الدقائق الزائده للشهر الي بعده

نصيحه اخويه الي ما يخلص دقائق الباقه الشهريه يتم على الشهري العادي

خدمة إظهار الرقم للجوال ( الفاتورة ) رسومها 15 ريال قطري مب مجانا .

[almaf1a]

خدمة إظهار الرقم للجوال ( الفاتورة ) رسومها 15 ريال قطري مب مجانا .

رسوم شهريه ام رسوم تفعيل الخدمة؟

[معيذر جنوب]

رسوم شهريه ام رسوم تفعيل الخدمة؟

شهرية.

[مستثمر مبتدئ]

ياجماعة خدمة اظهار الرقم في الجوال مجانية والدليل شوفوا فاتورتي والجوال اشتراك عادي بدون باقة دوروا الـ15 مالت اظهار الرقم


http://www.qatarshares.com/vb/attachment.php?attachmentid=63478&stc=1&d=1274362707

[السامـي]

أخوي/أحب قطر،لم تجب على هذين السؤالين،يا رعاك الله.!!!



سؤال لأخوي "أحب قطر"،ليش لم أجري مكالمة للخارج
ويرد الـ voice mail،تحتسب مكالمة وتندفع فلوس..؟!.
وسؤال ثاني لو سمحت:
ليش خدمة تحويل المكالمات لرقم ثاني يوم يتصل المتصل ينحسب على المتصل وصاحب رقم المحول الية
يعني يخصمون من الصوبين..؟.

[Navigator 85]

الحمد لله اني نظام هلا تعبئة ومرتاح

وخذت لي فودافون تعبئه للمكالمات الخارجية والنت اللي يعطوني ببلاش يوم اعبي رصيدي

ومرتاااح

[MoTeC]

15 ريال للهاتف الارضي يالربع واحد يغير العنوان لأن كل واحد افتر على الشهري واخر شي طلع ارضي :s

[عزتي سمو ذاتي]

عن تجربـة كـيـــوتــــل وبـــــــس خدماتها ولاأروع منها بصراحـة

وبالذات خدمه الشهري خطيــــــــرة بمعنى الكلمة

[Sharshooooor]

15 ريال للهاتف الارضي يالربع واحد يغير العنوان لأن كل واحد افتر على الشهري واخر شي طلع ارضي :s

صح كلامك بس باقي الخدمات تعتقد شلون بتحجب اخطاء كيوتل فيها؟؟

[حيهور]

تبون

كل

شي
مجانا

ادفعوا مادام تبون الخدمة

[Sharshooooor]

تبون

كل

شي
مجانا

ادفعوا مادام تبون الخدمة

اكيد نبي كل شي مجانا

على قولة القايل

مال بلاش كثر منه :nice: