رواتب قطر فونديشن [الأرشيف] - منتديات شبكة الأسهم القطرية

_QTR_

20-05-2010, 11:35 AM

بسم الله الرحمن الرحيم

سمعت عن رواتب قطر فونديشن أنها رواتب عالية وأنها خيالة من بعض الناس

ويقلون أن الجامعي المتزوج قبل تثبيت يوصل 22 ألف وبعد التثبيت يزيد عن 25 ألف

سوال كم راتب الموظف الذي معه ثانوية عامة ومتزوج؟

اعتقد في خطأ

لان المعدل للرواتب في قطر فاونديشن وشركات البترول للجامعي المتزوج كم 24 الى 28 الف

وما تفرق اذا تثبت والا لا في الرواتب

$hamad$

20-05-2010, 12:34 PM

الثانوي كم يأخذ في قطر فانديشن

$hamad$

20-05-2010, 12:36 PM

سمعت أنا الثانوي المتزوج يستلم حوالي 15 أو 16 هل هذا الكلام صحيح

$hamad$

20-05-2010, 12:36 PM

سمعت أن التوظيف صعب في قطر فاونديشن؟

qatari1

20-05-2010, 12:39 PM

يا كثر ما تسمع!

محمد افندي

20-05-2010, 01:07 PM

حول الـ 15

ماريسا

20-05-2010, 01:09 PM

اتمنى اللي يعرفون الجواب يفيدونك

بالتوفيق

Grnas

20-05-2010, 02:23 PM

يا كثر ما تسمع!

يا كثر ما تسمع!

فقط للراغبين في العمل أي وظيفة يجب أن تحدد كل من:
١- ساعات العمل
٢- العمل الاضافي
٣- طبيعة العمل او مكان العمل
٤- المؤهل
٥- الراتب الأساسي

ففي ناس يشتغلون وزارة ويروحون شركة لكن يتفاجأون بأوقات العمل الطويلة ... لكن الراتب خيالي!

نيساني

21-05-2010, 01:44 PM

ثانويه ومتزوج على كلام واحد من الربع توضف عندهم بعد خبره 6سنين راتبه 18000

وبالتوفبق

theeb_qatar

21-05-2010, 01:53 PM

انا سمعت
اذا عندك واسطه قويه راح تشتغل
اذا ماعندك مش بوزك

سيف العشق

21-05-2010, 02:21 PM

اتمنى من الاخوان اللي عندهم فكره انهم يفيدونك

Northman

21-05-2010, 02:35 PM

اخوي يعتمد على سنوات الخبره الي عندك وعلى حسب خبرتك في وين

يعني يعني الي عنده خبره في القسم الهندسي مو مثل الي عنده خبره في العلاقات العامه ...فهمت علي

ثاني شي يختلف الراتب اذا كنت موظف جديد متدرب او صاحب خبر..

يختلف الراتيب على حسب الاداره والمراكز
يعني شخصص متخصص في اللابحاث العلميه متوظف على نفس درجه شخص اخر متوظف على نفس الدرجه ولكن متخصص في الاي تي هنيه يتخلف الراتب مع نفس الدرجه الوظيفيه

وثاني شي اقوله لك ترى قبل الرواتب في قطر فاونديشن عاليه جدا جدا

الحين مقارنه مع بروه والديار رواتبهم اعلى بكثير من قطر فاونديشن لان السسياسه الحاليه الي ماشيه في التوظيف انها قطر فاونديشن مؤسسه غير ربحيه

بويوسف

21-05-2010, 02:42 PM

طيب من بعد ماسمعت ؟

اسعي ياعبد وانا اسعى معاك .. قدم اخوي او اختي الكريمة واذا لك نصيب بتحصله .. رواتب قطر فاونديشن افضل من رواتب الجهات الحكومية عدا عن الامتيازات الاخرى .. والخبرة الافضل ..

بالتوفيق للجميع ..

حقيقه

21-05-2010, 02:46 PM

سمعت انه مب اي حد يتوظف فيها
لازم واسطه

bo-ibrahem

21-05-2010, 02:49 PM

واسطة واسطة واسطة

والله زهقنا

مايبون قسم الامن او الاطفاء او الفاير ؟

بعيد النظر

21-05-2010, 02:55 PM

مثل ما قلتو ..
يا واسطة يا لا تعب نفسك !

cristal

21-05-2010, 02:56 PM

من 11 الف الى 13 الف للثانوية العامه
الجامعيين من 15 الى 18 الف
المدراء ورؤساء الاقسام من 22 الف الى 25 الف

تختلف على حسب طبيعه العمل والقسم

فلتة زمانها

21-05-2010, 07:42 PM

حبوبه بقولج اعرف وحده تشتغل اهناك ثانويه
تاخذ 13 الف اهم شيء يكون الانجليزي مب اقل مِنْ ليفل 4
انَُتِيٍَْ كلمي د. الحجري شخصيا والله بيوظفونج على طول
تراه وايد طيب ويساعد
بالتوفيق ان شاءالله

$hamad$

22-05-2010, 01:29 AM

يعني لزم واسطة

فلتة زمانها

22-05-2010, 01:49 AM

لا مب لازم واسطه انَُتِيٍَْ قدمي اوراقج واذا لج نصيب بتاخذينه
بس اهم شيء تابعينهم وان شاءالله يقبلونج يكفي انج بتصيرين
ستاف في قطر فاونديشن

$hamad$

22-05-2010, 03:18 AM

فتلة قطر زمانها أنا واحد مب وحده

يعني انتي تمدحين الشغل عندهم ؟

بس انا سامع هم يبون ناس عندهم خبرة وشهادات جامعية

وأنا معي ثانوية

$hamad$

22-05-2010, 03:22 AM

فلتة زمانها انا واحد مب وحده

يعني أنتي تنصحين بشغل معاهم

بس أنا سمعت انهم يبون ناس عندهم خبرة وشهادات عالية جامعية

أنا معي ثانوية

خيال شمر

22-05-2010, 05:34 AM

الله يزيدهم ويزيدنا

@فهد@

22-05-2010, 09:23 AM

يشغلون الخليجين :) عندهم .. عندي كم واحد محتاجين وشهادات وخبره

بو ملاك

22-05-2010, 12:44 PM

مب لازم شهاده جامعيه حتى الثانويه ياخذونهم...
بالتوفيق...

بواردي

22-05-2010, 01:08 PM

لا تتفاءلون وايد

الموارد البشرية عندهم اجانب

وابشركم مافي رواتب خيالية مثل قبل

جامعية اول تعيين لها حول 14 الف

لا اكثر

والثانوية ما اتصور انه فوق 9

دلوليانوز

22-05-2010, 02:32 PM

لنا الله

نايم سهران

22-05-2010, 02:35 PM

امنية حياتي لو اتوظف عندهم يالله :shy:

محمد افندي

22-05-2010, 02:35 PM

الي يقول ما يبي لها واسطة ماعنده سالفة :)

انا نسبتني خريج علمي 93% قدمت عليهم ولا خذوني

و انا طالع شايف ناس اعرفهم مقبولين و مبسوطين و نسبهم في الـ 80% و الـ 70%

البدع

22-05-2010, 05:21 PM

انا لا سمعت ولا ام حمار

انا شفت خريج جامعة 22 الف

وماعندهم تصنف رواتب مثل الدولة

يعني الراتب يختلق من شخص لاخر

pachage

فلتة زمانها

22-05-2010, 05:45 PM

فلتة زمانها انا واحد مب وحده

يعني أنتي تنصحين بشغل معاهم

بس أنا سمعت انهم يبون ناس عندهم خبرة وشهادات عالية جامعية

أنا معي ثانوية

سوري والله ما انتبهت ههههههههه
اخوي أَنْت قدم هناك فالكباين مالتهم وقدم فالنت والله في ناس
توظفوا بدون واسطه وشهادتهم ثانويه مادري بس البنات وايد مرتاحين
ويمدحون المكان دوامهم لين 3 أَنْت قدم وتابع مب خسران شيء
بالتوفيق يااااارب

roma27

22-05-2010, 06:10 PM

فلته زماني يعجبني تفائلها وتفائلوا بالخير تجدوه انت قدم والباقي على الله.:nice:

$hamad$

23-05-2010, 01:37 AM

ونعم بالله

بس صدقوني لي ماعندة واسطه في هذا الوقت
نصيحتي مايقدم ويرز وجة على الفاضي
وبالواسطة كل شي يمشي وتفتحلك البواب المغلقة

koketa

23-05-2010, 04:08 PM

الجامعي البنت حديثه التخرج 15 الف

بدون

23-05-2010, 11:40 PM

يا أخس اعقلها و توكل
و اللي الله رايده بيصير ، يمكن يجي طلبك في حزة ما هم محتاجين تخصصك أو خبرتك
لا تسمع اللي يقول واسطة واسطة.

خل واسطتك الله سبحانه و تعالى و لا تسمع الآراء السلبية.

بو ناصـ ـر

23-05-2010, 11:56 PM

اللي خاطره يشتغل في أي مكان في العالم .. لازم ياخذ خطوة تجاه هذا المكان الذي يرغب العمل به

1- تكون مؤهلاته تناسب الوظيفه اللي راح يقدم عليها
2- يقدم أوراقه لهم وليكن متفائل ..
فالرسول الكريم يقول ( تفائلوا خيرا ً تجدوه )
والله سبحانه وتعالى في الحديث القدسي يقول ( أنا عند ظن عبدي بي , فلظن بي ما شاء )

والعلوم الإنسانية الحديثة .. مثل البرمجة اللغوية العصبية .. وقانون الجذب .. يؤكدون ما جاء به ديننا الحنيف .. فكن إيجابيا ً ومفتائلا ً وساعيا ً إلى هدفك .. تحققه ..
أما جلوسك على قارعة الطريق تنتظر أن يأتيك هدفك إلى مكانك , فلن تصل إليه ولن يصل إليك يوما ً ..!

ملاحظة / قطر فاونديشن مؤخرا ً أصدرت الــ Policy الموحدة واللي فيها توضيح الإمتيازات والبدلات وكل تفاصيل الوظائف ورواتبها والمؤهلات إلخ..

وبالمناسبة رواتبهم محترمة .. وإن كان في الوقت الحالي مهما بلغ راتبك .. يطير من أول الشهر .. لأن الأسعار تبارك الرحمن كل يوم تزيد ..

( كوب بلاستيك من الشاي يصل سعره إلى 15 ريال في كشك عادي في فيلاجيو مثلا ً ) على أيش .. ؟!! حزمة الأكواب ( 100 ) حبه لا يتجاوز سعرها الــ 5 ريالات
وعلبة لبتون سعرها بسعر كوب الشاي .. فلماذا كوب مضاف له ماء ولبتنه .. يساوي سعر الأدوات قاطبة ً ..!!

يعني لو قلنا في فندق .. لزوم المكان ورومانسيته ..! بس في كشك في مجمع تجاري .. ليه المبالغة في السعر .. وقس على ذلك ..!

ولكن الحمدلله على كل حال
والله الموفق ..

سلطان_قطر

24-05-2010, 09:02 AM

واحد من الربع ثانويه تجارة ومتزوج

19 الف او 20 الف تقريبا

هذا على كلامه

$hamad$

24-05-2010, 09:07 AM

سلطان قطر هو من متى متوظف عندهم ؟ يمكن عند خبرة ومشتغل قبل في مكان ثاني؟

عشان كذا عطوة راتب قوي

راعي الحصان

24-05-2010, 10:45 PM

اظن ان اللي ياخذون رواتب عاليه هم اصحاب الخبرات والبروفسورات بس الموظفين رواتبهم وسط على العموم الله يرزق ويوسع على الجميع

qatari1

24-05-2010, 11:11 PM

حديثي التخرج سواءً ثانوية عامة أو جامعيين يتم قبولهم كمتدربين Trainees، ويتم متدرب لمدة سنتين فإذا أثبت كفاءة يتم تثبيته على الكادر الوظيفي كموظف دائم.

رواتب كبار الموظفين الأساسية تبدأ من 12 ألف ريال تقريباً إلى 24 ألف ريال تقريباً.
الـ Managers والـ Directors أعلى طبعاً في الأساسي، والعلاوات.

العلاوات الأخرى:
3250 علاوة اجتماعية متزوج
1200 علاوة تنقل
7000 علاوة سكن (أساسية)+ 3500 علاوة سكن(إضافية)
8% من الراتب الأساسي علاوة خاصة للقطريين.(Retention)
علاوة هاتف جوال لبعض الوظائف: 500 ريال.

الامتيازات الأخرى:-
بدل تذاكر بقيمة 2,5 ضعف الراتب الأساسي.
تأمين صحي.
تعليم 4 أولاد حتى سن الثامنة عشرة.

الإجازات الأساسية:-
1) 37 يوم عمل سنوياً
2)إجازة مرضية: حتى 14 يوماً في السنة.
3) إجازة أمومة: 60 يوماً.
4) إجازة أبوة: 3 أيام عمل، ولمرة واحدة في السنة.

ميمي 88

25-05-2010, 01:08 AM

صراحه :)

تمنيت لو اني لبنانيه عشان اتعين عندهم !

الله المستعان

qatari1

25-05-2010, 07:21 AM

صراحه :)

تمنيت لو اني لبنانيه عشان اتعين عندهم !

الله المستعان

أما في هذي صدقتي:omen2:

$hamad$

25-05-2010, 12:08 PM

قطري مشكور على المعلومات القيمة

بس السوال لي معة ثانوية........المتدرب كم ياخذ المتزوج ممكن تكتب جميع العلاوات

وراتب الأساسي

روح الاطلس

25-05-2010, 09:19 PM

Northman

25-05-2010, 09:51 PM

حديثي التخرج سواءً ثانوية عامة أو جامعيين يتم قبولهم كمتدربين trainees، ويتم متدرب لمدة سنتين فإذا أثبت كفاءة يتم تثبيته على الكادر الوظيفي كموظف دائم.

رواتب كبار الموظفين الأساسية تبدأ من 12 ألف ريال تقريباً إلى 24 ألف ريال تقريباً.
الـ managers والـ directors أعلى طبعاً في الأساسي، والعلاوات.

العلاوات الأخرى:

3250 علاوة اجتماعية متزوج
1200 علاوة تنقل
7000 علاوة سكن (أساسية)+ 3500 علاوة سكن(إضافية)8% من الراتب الأساسي علاوة خاصة للقطريين.(retention)
علاوة هاتف جوال لبعض الوظائف: 500 ريال.

الامتيازات الأخرى:-
بدل تذاكر بقيمة 2,5 ضعف الراتب الأساسي.
تأمين صحي.
تعليم 4 أولاد حتى سن الثامنة عشرة.الإجازات الأساسية:-
1) 37 يوم عمل سنوياً
2)إجازة مرضية: حتى 14 يوماً في السنة.
3) إجازة أمومة: 60 يوماً.
4) إجازة أبوة: 3 أيام عمل، ولمرة واحدة في السنة.

اخوي بخصوص السنتين هي اطول مده واقصرها 6 شهور انا عندي موظفين حد تثبت في سنه وحد سنه ونص وحد سنتين

رواتب كبار الموظفين تبتدي من 10000

بخصوص العلاوات تختلف حسب الدرجه الوظيفيه والنساء عن الرجال

علاوه التلفون لين رئيس القسم 250 ريال مدير واعلى 500 ريال

بخصوص التامين الصحي للقطريات لايوجد للزوج والابناء وكذللك منح التعليم ولكن لهم 25% خصم

اجازه ابوه مافي توه موظف عندي زوجته مربي مافي اجازه ابوه خذ من اجازته السنويه

روح الاطلس

25-05-2010, 09:56 PM

اخوي بخصوص السنتين هي اطول مده واقصرها 6 شهور انا عندي موظفين حد تثبت في سنه وحد سنه ونص وحد سنتين

رواتب كبار الموظفين تبتدي من 10000

بخصوص العلاوات تختلف حسب الدرجه الوظيفيه والنساء عن الرجال

علاوه التلفون لين رئيس القسم 250 ريال مدير واعلى 500 ريال

بخصوص التامين الصحي للقطريات لايوجد للزوج والابناء وكذللك منح التعليم ولكن لهم 25% خصم

اجازه ابوه مافي توه موظف عندي زوجته مربي مافي اجازه ابوه خذ من اجازته السنويه

طيب لو قلنا شاب توه متخرج تخصص محاسبة ماعنده خبرة كم يوصل راتبه تقريبا؟
بحدود عشرين اقل اكثر ؟

Northman

25-05-2010, 10:09 PM

طيب لو قلنا شاب توه متخرج تخصص محاسبة ماعنده خبرة كم يوصل راتبه تقريبا؟
بحدود عشرين اقل اكثر ؟

عزوبي راح يستلم مابين 16000 وال 18000
وبيكون متدرب

Gh2o

25-05-2010, 10:46 PM

الاجازات رهيبة صج فخفخه ما اظن فيه مكان يعطي هالكثر اجازات

قطر للبترول نفس الاجازات اخوي

twilight

26-05-2010, 06:57 PM

متابعة

المغروره

28-05-2010, 10:22 PM

انا سويت مقابله قالوا 8و000ريال بس

$hamad$

29-05-2010, 04:26 PM

المغرورة 8 الأف

شوي

qatari1

30-05-2010, 11:46 PM

اخوي بخصوص السنتين هي اطول مده واقصرها 6 شهور انا عندي موظفين حد تثبت في سنه وحد سنه ونص وحد سنتين

رواتب كبار الموظفين تبتدي من 10000

بخصوص العلاوات تختلف حسب الدرجه الوظيفيه والنساء عن الرجال

علاوه التلفون لين رئيس القسم 250 ريال مدير واعلى 500 ريال

بخصوص التامين الصحي للقطريات لايوجد للزوج والابناء وكذللك منح التعليم ولكن لهم 25% خصم

اجازه ابوه مافي توه موظف عندي زوجته مربي مافي اجازه ابوه خذ من اجازته السنويه

أخي الكريم...

يبدو أنك لم تراجع دليل الموارد البشرية الجديد الذي تم إقراره في يناير من هذا العام.

هناك إجازة أبوة، وتسمى paternity leave، ومدتها 3 ايام عمل.

أحياناً يجهل الموظفون بعض حقوقهم!

بوسلمان 2010

31-05-2010, 08:43 AM

احسن شي في قطر الاشعات والبهرات ورى الاشعات

asadfg

31-05-2010, 09:03 AM

: ( لين متى يا قطر فاونديشن تعبت وانا اقدم عندكم فقدت الامل

Qatarianes

31-05-2010, 09:16 AM

25 الف متزوج وتقول رواتب عاليه
قطر للبترول الي تعتبر مطنزه لباقي معاشات الشركات البتروليه تعطي للجامعي فور التحاقه وهو متزوج 32 الف وفوق

qatari1

31-05-2010, 02:22 PM

25 الف متزوج وتقول رواتب عاليه
قطر للبترول الي تعتبر مطنزه لباقي معاشات الشركات البتروليه تعطي للجامعي فور التحاقه وهو متزوج 32 الف وفوق

شيء طبيعي،، لأن قطر للبترول مؤسسة ربحية.

وقطر فاونديشن مؤسسة غير ربحية.

والمقارنة كانت بينها، وبين الوزارات والهيئات، وهي أعلى منهم بكثير.

الألماسي

31-05-2010, 02:30 PM

انا اعرف شخص " مهندس كمبيوتر " من جنسيّه عربيّه " دائمه الإقامه " في قطر موظف في قطر فاونديشن و راتبه مع " العلاوات "

29 الف ريال قطري شهرياً . . و هـ الشخص خريج " جامعه عربيّه " غير معترف فيها . .

في الجهه الأخرى صديق لـي في قطر للبترول خريج امريكا " هندسه " خبره 10 سنوات قدم عليهم من باب الفضول و وافقوا عليه و عطوه الـ " Offer " :
32 الف ريال قطري شهرياً " مع العلم انه متزوج "

:)

yousef545

31-05-2010, 02:51 PM

يالربع احس الموضوع صار فيه نوع من الحسد

انا اقول القناعه كنز لايفنى كل واحد يرضى بالمقسوم و المكتوب

و ملاحظ شي غريب في الشباب والبنات

مستحيل حد ايكمل سنه في نفس الشغله لازم ايغير ليش ؟

الواحد اول مايتوظف ايكون نظرته بعيده بعد عشر سنوات ولا 15 سنه ايكون وصل منصب محترم

ولا كل سنتين بتغير شغلك و بتدى من الصفر ماسويت شي و بيضيع عمرك وانت للحين موظف جديد

و الحمدلله على كل حال ( لحد ايروح ابعيد و ايشوف الدول المجاره ولا ربع رواتبا يستلمون )

البوررصة

31-05-2010, 03:47 PM

الحين في الوزارات كلها 15 الى فوق للمتزوجين ثانوية

أم جود

26-06-2010, 07:40 PM

اخوي البورصة انا ما اتفق معاك
انا قالولي الأساسي 6400 في هيئة المتاحف
ومع البدلات بيصير راتبي 12 الف
ولأن زوجي يشتغل فمكان خاص قالولي بيعطوني فوقها 3000 علاوة متزوج
يعني 15 الف
وانا خريجة قسم المالية
ومعاي بكالوريوس
شلون ثانوية متزوج15 الف؟؟؟؟؟؟

أم جود

26-06-2010, 07:42 PM

بالنسبة لقطر فاونديشن انا متأكدة من معلوماتي
اول شي الجامعي المتدرب غير المتزوج يبدا من 15 الف
والمتزوج 18 الف
اما عن بعد التثبيت ماعندي فكرة

UM.Rashid

26-06-2010, 07:58 PM

شلون اذا بغيت اقدم عندهم علي وظيفه

عند من ولا وين

BURBERRY

26-06-2010, 10:41 PM

التوظيف في قطر فاونديشن يعتمد على معرفة اللغه الانجليزيه بطلاقه سوا عنده ثانوية ولا عند ماجستير اذا مايعرف انجليزي بطلاقه يقبض الباب ... :)

UM.Rashid

26-06-2010, 10:45 PM

واذا بيرفكت انجلش جايبه بالتوفل فوق ال 580 وجامعيه

:)

Abdullah_89

26-06-2010, 11:01 PM

أقول اغسل يدك اخوي

هاي الرواتب مو للقطريين

هاي حق تأبرلي ألف وthanks dear

احنا ماناخذ هالرواتب

واذا تبي تتوظف في قطر فاونديشن اغسل يدك واذا اتصلت وردوا عليك تكفى قولي عشان اسوي عشى واعزم اعضاء المنتدى كله على حسابي خخخخخخخخخخخ

بالتوفيق اخوي بس الرواتب ماتتعدى 18 هاي اذا عندك خبره بعد