كيوتل ما عمرها بتطور ( من أسوء إلى سيئ )

[الكاسر99]

السلام عليكم ورحمة الله وبركاته

كيوتل ما عمرها بتطور :

كانت عندي على هاتفي الجوال خدمة رناتي وكانت


عبارة عن دعاء للشيخ سعد الغامدي حفظه الله

ورسوم الأشتراك في الشهر خمس ريالات

وكان يجيني مسج من كيوتل مرتين في الشهر أنهم ياخذون مني عشر ريالات

ومره بالصدفه أتصل على هاتفي الجوال أحصل رنه الهاتف العادية لا دعاء ولا شي


أتصلت كيوتل أستفسرت قالوا لي في حسابك لا توجد هذه الرنه قلت لهم لو ما كانت عندي الرنه


ليش تاخذون مني رسوم الرنه قلت لهو ودي أقدم على شكوى ضد كيوتل وفعلاً قدمت شكوى

وقالوا أن الرد على الشكوى من المكتب الفني بعد مرور 48 ساعة أي يومين

وبعد مرور 72 ساعه أي ثلاث أيام لم يتصل فيني أحد وأنا أتصلت فيهم

قالوا لي أن مدة الرنه أنتهت وعلي التقديم من جديد للحصول على رنه جديده

فإلى متى كيوتل ستظل هكذا ................؟؟؟؟؟

[The Blade]

نفس الحاله مرتين اكنسل الخدمة وتوصلني رسالة شهريا انهم يسحبون مبلغ ٥ ريال ..
يعني السالفة بالغصب

[كــرت احمــر]

اقولك سر ردد يالليل مطولك يبطي لا تنظر منهم رد نعرفهم ونعرف سوالفهم عندهم شي اهم من رنات ونغمات خدمة البلاك بيري كفا ووفا .

[مثير للجدل]

لهم حركات كيوتل مايخلونها عنهم

خصوصا الموظفين لما نطلب منهم خدمه يصعبونها............................... ليش؟؟

ياليت في خطوط ارضيه ونت ارضي فودافون
انا اول واحد بطلع من كيوتل

[أبو طلحه]

انا بعد كنسلت الخدمة وينخصم مني ليش مدري

بس في ذمتهم

[كمال عكود]

والله يا أخوي كيوتل سالفتهم سالفة أنا لي سنتين وزيادة ما عندي ارسال زي الناس في شقتي وفي غالب البناية التي أسكن فيها وأنا وين أسكن تدري ؟؟؟؟ أسكن في السد ما بيني وبين كيوتل إلا خمسائة متر وهذه المشكلة العويصة شكيت منها لهم لما قلت بس ولا حد اشتغل بي يرسل شركة من الشركات التي هم يشغلوها ويجوا ويرجعوا يقولوا الامور كلها تمام ويعلم الله لا تمام ولا يحزنون وما اذكر مرة كملت مكالمة بالموبايل إلى الآخر لازم امشي اكمل من تلفون البيت ولذلك تطلع علي فاتورة البيت فاتورة محترمة وكذلك الموبايل طبعا
وما تعرف تشكي لمن؟؟؟؟؟!!!!!!!!!!!!!

[Gh2o]

وفي سالفه وايد اضحك !! الحين انا مب بقطر مسافر وابي اقطع خدمه البلاك البري كلمتهم وعطيتهم كل المعلومات الي يبونها قال لازم تكلمني من نفس الجوال !! قلت له مبند وانا ماستخدمه ولو دقيت بتطلع علي المكالمه غاااااليه وايد قال مب مشكله احنا بنتصلك على رقمك القطري !! انزين ياااااذكي ترى بكل الحالات المكالمه علي انا ! وليش اساسا لازم اكلمهم من نفس التلفون عشان اقطع الخدمه

[الكونت]

كيوتل لنتواصل هههههه

[بوحسن2009]

الله يهديهم .. :anger1::anger1::anger1:

[بوسلمان 2010]

والله لاسف دوم خدمات الله با الخير والفلوس مقدما حتى لو الخدمه مقطوعه ولا يبون ايطورون انفوسهم وان اشتكيت انت الغلطان طبعا مافي كلام

[مجلان]

فودفون سعي للكمال لايعرف الكلل كيوتل سعي للاستغلال لايعرف الملل

[تحداني]

همسه عتاب وود لكيوتل


.. مشكله كبيره لما تكون " كيوتل " أفضل الموجودين على الساحه القطريه ..
ولا تستطيع ان تصل الى رضى الجميع


والأصعب ان تستمر وسط ناس يكرهونك :)
اما تثبت نفسك بالقوه وهذا ماهو حاصل
وإما تكن اذن من طيب ومن عجين وهذا ايضا ما يحصل من اجل المضي في تحقق النجاح
.
.
ساعات ما احب كيوتل
ولكن مجرد ان ينقطع الخط 10 مرات من الشركه الاخرى احبها كثيرا



جملك الله برضى الرحمن
صاحب الموضوع والقراء الكرام .. وموظفين كيوتل