شاركوني حملة اطفالنا فلذات اكبادنا لن نتركهم تحت رحمة الشغالات

[عنفوان بدوية]

مساااااااااااااء الخير

جئتكم اليوم تحت شعار حمله جديده ادعوكم جميعاا للمشاركه فيهاا

لنتكاتف ونتعاضد جميعا ونحارب ارهااب الشغالات 000اخواني لنبدا

اليوم حملة اطفالنا فلذات اكبادنا لن نتركهم تحت الرحمة الشغالات

كيف؟؟تسالوني كيف؟؟ كيف؟؟؟

اذا كانت الام موظفه 000 ساخبركم ونتشارك جميعا في البحث

عن حلول 00 انهم فلذات اكبادنا يستحققون ان نجتهد من اجلهم

اولا ابدا بنفسي انا ام وكنت موظفه سابقا الى ان طلعت بند مركزي

كنت يوميااصطحب اطفالي صباحا مع الشغاله الى بيت جدتهم

كان المشوار بعيد عن عملي ولكني تحملت لانهم يستحقون

الى ان ادخلهم الروضه00 طيب تتسالون والي ماعندها جده

او خاله تنتبه لاطفالها؟؟ 00 اتوقع ياخوان الحضانه اكثر

امانا 00لكن القضيه ليست في وقت العمل فقط 0000لااااا

تذهب الام الى السوق وتتركهم000 تذهب للاعراس وتتركهم

تذهب زيارات وتتركهم 000لمااااذا؟؟هل تتوقعون ان انسانه

غريبه عليهم تتحملهم ؟؟ 00اذا كنا كامهات احيانا نضيق ذرعا

باطفالنا00 فما بالكم بتكلك الاجنبيه؟؟000 اصحو ياخوان

الا نتعض من القصص التي تطالعنا بها الاخبار يوميا؟؟؟

اذا0000لنطلقها حمله ونتكاتف ونسعى لحماية اطفالنا

ايها الاباء 00000ايهاء الاباء 000ايها الاباء 000

مارسو قوامتكم التي كفلها الشرع والزموا زوجاتكم

التفرغ لرعايه اطفالكم

ايتها الامهات 000ايتها الامهات 000ايتها الامهات

كيف تسلمين من نازعتي عليه اقسى درجات الالم الى

شغاله اجنبيه؟؟؟

اخيرااا00تحية اجلال وتقدير الى امهات اعرفهن شخصيا

حرمن انفسهن من ملذات كثيره وسهرات جميله لاجلهن البقاء

الى جوار اطفالهن 000انها الجنه تنادي الامهاااااااااات

ولكن اي الامهاااااااااااااااااااااااات

[excited]

عن نفسي تركت شغلي وجلست بالبيت وانا سعيدة جدا بقراري


الاعراس والمناسبات عادة اوديهم عند خالتهم واروح المناسبة لمدة ساعة وحدة ومايهمني اشوف عروس ولا معرس ولا اتعشى اادي الواجب واطلع عرس حماي مع ان عيالي كانو معاي طلعت من وهل لان وقت نوم عيالي وما حبيت اتعبهم


والسفر والطلعات دوم هم معاي وقليل ما اطلع بدونهم الا اذا بروح موعد مستشفى ويكون خاص حتى ما اتأخر



لين التقي بصديقاتي يقولون لي والله زمااااااااااااااااااااااااااااااان اقولهم عندي عيال ومااقدر اطلع وايد


على فكرة انعزم على مناسبات كثيرة بس اروح للي يكون فيه مجال آخذ عيالي معاي واصلا ما اكون مرتاحة بدونهم

[عنفوان بدوية]

اختي الغاااليه 000 انتي نموذج مشرف للام 000 لاتتحسفين على عرس طاف ومارحتي له 000والا سفره

عدت وماقدرتي تسافرين عشان عيالك صغااار 000 انتي زرعتي وابشري بثماار زرعك

تقبلي ارقى تحيااتي ودعوااتي لك بان يصلح الله لك ابنائك

[ماريسا]

جزاج الله خير ع الموضوع الهادف
انا ضد ان اي وحدة تخلي عيالها عند حد !! عن نفسي حتى أختي ماخلّيها تمسكهم
الموظفة ممكن تترك عيالها بالحضانة أضمن من الخدامة أو المربية اللي أغلبهم محترّين و متعقدين لأنهم بعاد عن عيالهم و أهاليهم
غير وقت الشغل لازم الاطفال يلازمون الام و الاب معاً
و اللي مب قد المسؤولية لا ييبون عيال أحسن!

[نعيمه علي]

في بيتنا الشغالات للغسيل والطبخ والتنظيف
اما الامور الشخصية والاطفال فهم للأم فقط

معكم بهذه الحملة اكيد

.

[شاهيناز]

الامهات تعبو من مطالبوهم بحضانه في اماكن عملهم
ليش مايكون في كل برج حضانه للاطفال وبسعر رمزي
تدفعه الام حتى تفتك من المعانه اليوميه

الخدمات مايعتمد عليهم جرايمهم في تزايد
حسبي عليهم

[قطرية7]

عن نفسي اذا الله رزقني بالعيال ماراح اخليهم عند الخدامة لأني شايفة بعيني اشياء تصير بهالمساكين وسالفه اثرت فيني يمكن سمعتوا عنها لانها صارت بالدوحه من كمن سنه وحده اعرفها راحت عرس واتركت ولدها عمره اقل من شهرين عند الخدامه وجاها اتصال في نهايه العرس ان الخدامة رضعت ولدها بالغلط واختنق ومات تخيلوا الموقف كان يسوى عليها تتركه وبهالعمر وولدها الوحيد عند وحده غريبه واجنبيه عشان تحضر عرس وتستانس خلاص مااقدر اكمل عسى العالم بس تتعظ من هالسالفه

[شموع قطريه]

انا معاكم .. ما أؤيد ان الخادمات ينفردون باليهال لان اعرف يهال صارت فيهم هوايل يقشعر منها البدن من خداماتهم .. واللي مضطره وماعندها حد يمسك عيالها توديهم حضانه ثقه .. معليش تاخري شوي عن دوامج او طلعي بدري علشان توصلين طفلج الحضانه لكن لاتتركينه تحت يد الخادمات اللي مافيهم ذرة حنان على اليهال ..

[أجودية]

السلام عليكم ورحمة الله وبركاتة .....
اضم صوتي لصوتك اختي الفاضلة لحملة انقاذ اطفالنا من براثن الشغالات وما ادراك ما الشغالات . .....
بارك الله فيك وجزاك الله خير ....وتقبلي تحياتي .

[Q-tr]

والله انا اشوف الحل الوحيد!!!!! هو وضع كيمرات وبختصار انتهت السالفة واهني حتى لو تفكر تسوي شي ماتقدر.......


وشكرا ع الموضوع

[ماريسا]

^
فكرة الكاميرات مفيدة .. بس ليش نتركهم بيد الخدم أصلا! و ايش نسوي لما يطيح الفاس بالراس و يصير شي !!!!!!!!

[amal qatar]

انا مافكر أترك بنتي ولو عشر دقايق مع الخدامه .. لأن مستحيل الخدامه تحبها وتحن عليها كثري .. اذا الأم بنفسها أحيانا تتنرفز وتعصب ع الياهل .. فما بالج بالخدم ؟
بالنسبة للزيارات والأعراس وجمعات الحريم .. الوحده منا مب مجبورة تترك عيالها عشان قعدة .. فلاته سوت وفلانه قالت ..
مب معناته انج ماتوجبين الناس .. توجبين وتروحين الأعراس لكن مب على حساب الياهل .. وبالذات البنت ماتنترك بروحها .. حتى لو كانت صغيره .. وماتعدت السنه .. في الأخير هي بنت .. وممكن الخدامه تسوي فيها اي شي !!

في حريم أعوذ بالله .. تفخ لج ارقاد طووول الليل وترقد الياهل عند الخدامه .. يبلفيت وراها دوام .. أي قلب اللي عليها يمال العافيه ..

وبالنسبة للكاميرات ماعتقد منها فايدة .. افرضي الخدامه اخنقت الياهل بعيد الشر ومات .. حزتها وش بتنفعج فيه الكيمره ؟؟

[الوعد2016]

للاسف البعض معتمد على الخادمه والسائق وهم مكملين النووووووووووووم او شغل
وللاسف من يومين في احد المراكز الصحيه طفله عمرها لا يتجاوز 3شهور واخرى لا تتجاوز ال2سنتينمع الخادمه والسائق في المستشفى اين الام او الاب على الاقل
واذا شفت السائق او الخادمه تقوم بضرب الاطفال عند باب المدرسه او في سوق او مستشفى

[ضوى]

الحمد لله بالنسبة لي عيالي كبار ولله الحمد

بس كفكرة مقبولة نوعا ما ، مع وضع استثناءات وحلول اخرى للمضطرين

شاكرة لج اختي الغالية عالموضوع الطيب