:::...ممكن تعطيني ايميلك..."المسن"...:::...احم [الأرشيف]

مشاهدة النسخة كاملة : :::...ممكن تعطيني ايميلك..."المسن"...:::...احم

The Master

21-05-2010, 10:44 PM

احم احم...ثم احم...

لفت انتباهي هالمشهد...

وحدة نزلت موضوع عن نوع من انواع التلفونات...

ماشاء الله الموضوع جدا جدا رائع وراقي...ومفيد...تصدقين هالتلفون عندي اول مانزل...وعجيب...

شكرا اخوي عالمشاركه...

اذا واجهتك اي مشكله في التلفون ترا اعجبك...

شكرا اخوي...

ها كيف التلفون...ان شاء الله ترتيب...

مادري اشفيه قام يعلق...

سوي كذا وكذا وكذا...

طيب...سويت اللي قلت لي عليه بس مانفع...هل في حركه ثانيه...

رساله خاصه...السموحه على الازعاج اختي...سوي كذا وكذا وكذا...وقولي لي اذا مانفع...

سويت ما استوى...

السموحه عالتاخير في الرد...خبرك قليل ادخل المنتدى...اذا بغيتي عطيني المسنجر حقك...عشان اكون متواصل معاك واعلمك اول ب اول...

طيب هذا اسم مسنجري...

في المسنجر...
ها اخبار التلفون الحين عقب ماتصلح؟؟؟

الحمدلله شغال...شكرا لك...

شفتي موضوعي اللي نزلته اليوم...

اي اي شفته...كان جميل...

شفتي العضو فلان...كيف حكرت له...ترا دايما اسكر عليه وما اخليه يتنسم...

اها مادري انا توني جديده...بس بغيت اسالك عن العضوه فلانه...كم عمرها؟؟...

اي فلانه...35 سنه...على فكره تراها في علاقه مع العضو فلتان...

اشدعوه؟؟...هذي؟؟؟...مايبين عليها...مع انها تنصح العالم واتوجهم...

اي اي عادي سهالات...يقولون مالا يفعلون...واجد في المنتدى كذا...

اها...وانت مالك اي علاقه مع حد؟؟...

لا وييين...انا في حالي...انتي اول وحده اضيفها في المسنجر...ولا الباقي كلهم الربع...وانتي مافي من الاعضاء كلمك او شي؟؟...

اي في كم واحد...بس انا ماعطيتهم وجه...مايعجبوني...وماضيف الا الناس اللي ارتاح لهم...

ماقدر اكمل..."عندنا قصر...وعشان ماننشر بعض التصرفات"...

طبعا انتوا عارفين التكمله...وتطور العلاقه...قد تنتهي ب مشكله وكلن يروح في حال سبيله...وقد تنتهي ب فضيحه...

ماراح اطول في هالموضوع...وانا ذكرت مثال واحد عشان ما امللكم...وهالمثال نموذجي للي ابغي اوصل له...واللي صاير...في المنتديات بشكل عام...

لكن تقدرون تلاحظون اني من خلال هالمشهد عرضت لكم نقطتين...

الاولى... سالفة الاعضاء والغيبه اللي تصير بينهم عن باقي الاعضاء...وذكر اشيا عن حياتهم الخاصه...والكلام فيها ونشرها بينهم...ومب شرط يكون الكلام بين رجال ومره...قد يكون بين شباب او بين نسوان...
ونقلهم سوالف وعقار...
وهالشي يجلب الاثم الكبير عليكم...
وهالاشيا قد تكون صحيحه وقد تكون كذب...فا انتوا بهالشي تفضحون ناس بشي هم ماسووه...
وايضا بهالطريقه تتكون الشلل او المجموعات...اللي تكون بنفس الراي...وتهاجم شخص معين...وهذا ضد الرأي والرأي الاخر...فا فيه ظلم...

الثانيه...
التضبيط...طبعا هذا شي منذو قديم الازل...لكن يتطور مع الايام...
لكن اللي حبيت انبه عنه...هو ان تحاسبون من سالفة المسنجر...لان قد يكون قصدكم شريف...اللهم مجرد "اخوة او صداقه في تفكيركم"...ومب قاصدين شي...لكن الشيطان بينكم...وشي يجر وراه شي...وهذي هي خطوات الشيطان...
انا هنا مب اني اعلمكم...لكن انبهكم لهالنقطه...يمكن تتغافلون عنها...وانكم يابالفيت تعرفون انتوا وش تسوون...واذا في اي تعدي راح توقفون عن الحد...لكن لاتنسون ان الشيطان معاكم...

ومن مقصد برئ...نيه صافيه وصادقه...الى فضيحه وعار...فا ان الله يمهل ولا يهمل...

كل اللي ابغي اوصله لكم...

اولا اتركوا عنكم القيل والقال...ونقل سوالف الاعضاء وفضحهم وذكر اشيا عن حياتهم الخاصه فا هذا غلط...والكل لازم يستر على اخوه المسلم...

وثانيا...حاسبوا من سالفة المسنجر...يمكن تعتقدون انه شي هين...وسهل التحكم فيه...لكنه كمين...لاتقولون والله حنا متزوجين او عندنا اعيال...وكبرنا على هالشي...ترا الشيطان غرامه كل ماكانت الضحيه اكبر واعقل...يزيد شغله زياده...

وثالثا...يا اولياء الامور...راقبوا اعيالكم...وشوفوا تحركاتهم...بالعقل طبعا...والحنكه...والذكاء...وزرع الثقه فيهم...

وعسى ربي يستر علينا وعلى جميع المسلمين...
ويجيرنا من الفتن...ويعينا على ذكره وحسن عبادته...

وان شاء الله الرساله اوصلت...

ويامرحبا بكم...
اخوكم...علي...

نعيمه علي

21-05-2010, 11:00 PM

كركم

21-05-2010, 11:03 PM

The Master

21-05-2010, 11:15 PM

الانسان اصبح حذر بعدما مر عليه سنوات في النت
وعرف طرق البعض للوصول الى ماهو ابعد من المفيد

والخوف على الذين مازالوا جدد في النت

اما من مر عليه سنوات ومازال غير حذر
فهذا ربما يعود لعيب به هو شخصيا

الله يستر على الجميع ويحفظنا جميعا

اطيب تحياتي
اختك نبض

.

هلا ومرحب اختي نبض...

اشكر لك مداخلتك الطيبه صراحه...واللي تلخص النقطه الثانيه من المقال...
واحييك عليه...
وكلنا نتفق ان الدنيا تعلمك...لكن المشكله انك تحاول تكذب عمرك احيانا او تروح من بالك...نفس ما انا ذكرت في اخر المقال...اني مب هنا اعلمكم...لكن انبهكم واصحيكم اشوي...ومنها اتركزون...لما ذكرت ان هالشي اتغافلون عنه...
واعرفوا اني ماذكرت هالمشهد كذا من وحي خيال...وانما شي واقعي وحاصل...

امين يارب...

ويامرحبا بك...
ولاهنتي عالمشاركه...

فلتة زمانها

21-05-2010, 11:25 PM

يعطيك العافيه اخوي الماستر
عجبني موضوعك بس الحين قاموا يطلبون البن كود !!

The Master

21-05-2010, 11:26 PM

اللي بقوله اقتباس لفكرة أنا ضدها تماما : -

ياخي انت معقد ..تحسب كل الشباب والبنات نيتهم شينة...ياخي ترى اصابعك مب سوى في شباب وبنات نيتهم شريفة...تدري انا اعرف اكثر من علاقة بدت في المنتدى وأنتهت بزواج ...!!!

ابي رد ماستري على هذي الفكرة

هلا ومرحب ب كركم...
ابشر...نقول لكم راينا...

الاقتباس فيه كم جزئيه...فا نرد عليهم وحده وحده...

الاولى انت معقد...وطبعا يقصد ابها هو التشديد بالدين...وعدم الانفتاح...وهذا غلط...على باله لما تقول متحضر...يعني كل شي فري...التحضر هو في العمران والثقافه والفكر...مش في الدين...

الثانيه...ظن السوء...وهذا عذر كل واحد مايدري هو وش يبغي...تلقاه يبغي يلعب...لكن في نفس الوقت انه شريف...وانه هو اللي مسوي البنات كلهم خواته او اصدقاء...
وهذا طبعا يكذب على نفسه...لان مافي شي في الدنيا من وجهة نظري اسمه صداقه بين رجل وامرأه...

الثالثه...سالفة العلاقه اللي تنتهي بالزواج...
طبعا هذا موضوع طويل...واراء اكثيره فيه...لكن من وجهة نظري...هذا حل لأفضل السيئين...
طبعا في اشيا اكثيره مرتبطه بهالموضوع...وانا مجرد قلت لك رايي عالسريع...كا فكره من الاساس...لكن لازم تشوف المعطيات وجوانبها...
واكيد اجتنابها افضل باكثييييييير...

وبس...

هذا رأيي بالنسبه للاقتباس...

لكن ممكن اعرف سبب هالطلب؟؟؟...

The Master

21-05-2010, 11:33 PM

يعطيك العافيه اخوي الماستر
عجبني موضوعك بس الحين قاموا يطلبون البن كود !!

هلا ومرحب اختي فلتة زمانها...

ويعافيك يارب...تشكرين عالاطراء...

البن كود...اوب اوب...
يعني اتصال 24/7
يعني 24 ساعه خلال 7 ايام في الاسبوع...

لا بالله كدينا خير...
يعني بدال لا تكون المحاولات خلال شهر...راح تقصر المده الى 10 ايام او اقل...عشان التضبيط...

الله المستعان...

هذا هو حال التطور والتكنلوجيا...
اذا عرفت كيف تستخدمه وكان في شي مفيد...يكون من صالحك...
واذا عرفت كيف تستخدمه وكان في شر...يكون ذنبك...وذنبك على جنبك...

وهنا حسن واساءه استخدام الاجهزه اللي بيدنا...وحنا اللي نقرر...كان في الخير او الشر...

والله يبعدنا عن هالبلاوي...والفتن...

ويامرحبا بك...
ولاهنتي على ذكر هالمعلومه الخطيره...

بـــــــنت النوخـّــــذه

21-05-2010, 11:54 PM

كركم

21-05-2010, 11:56 PM

شمس المغيب

22-05-2010, 12:12 AM

The Master

22-05-2010, 12:17 AM

اسمحلي بختصر الاجوبه بكمن مثل 000 لان اذا بسهب بالتعليق والشرح مابخلص :omen2:

بالنسبه لأولا" للقيل والقال اقول:

من راقب الناس مات هما
وكلن يطل في جيبه ويشوف عيبه

وبالنسبه للجزء الثاني من موضوعك الماسنجر اقول:

كل واحد عقله في راسه ويعرف خلاصه
وبالنسبه لثالثا" لاولياء الامور اقول:

كلكم راع وكلكم مسئول عن رعيته
لي فات الفوت ماينفع الصوت

وشاكره لك الموضوع المفيد والسلام عليكم :)

Good to see u back
هلا ومرحب اختي بنت النوخذه...

استخدام الامثال فكره طيبه...ومفيده وسريعه...لكن دائما تحتاج لشرح في بعض المواضيع...

وطبعا هذا رايك...مانقدر نجبرك على شي ثاني...
"بس الغريب مب من عادتك ماتترسين الصفحه بكم لون وبكم جمله تحتها خط..."الظاهر مستعجله...

والعفو اختي...
وعليكم السلام والرحمه...

ويامرحبا بك...
ولاهنتي عالطله...والامثال الواقعيه...

The Master

22-05-2010, 12:22 AM

السبب الله يسلمك ان هذي الفكرة هي مفتاح أبليس الرئيسي للدخول بين الشباب والبنات في المنتديات وحبيت انك تركز عليها شوي...

مثال :

في طريقين لمدينة السعادة ..طريق طوووووويل ومظلم وملئ بالعقارب والثعابيين وقلة قليلة من يصلون من خلاله لهذه المدينة..

وطريق قصيييييييير ومضئ وأمن والنسبة الأكبر ممن يسيرون فيه يصلون لمدينة السعادة...

في أعتقادك الإنسان العاقل ...أي الطريقيين سوف يختار؟؟

قيسوا على ذلك منيختار الدخول في علاقه من خلال المنتدى بهدف الزواج؟

اها الحين اوصلت الفكره...احييك عليها اخوي...والله يجزاك خير...واحسنت في المثال...عن مدينة السعاده...شي طيب وجميل...

بس تصدق ما اخطرت علي بالي فكرة ان في ناس تجي المنتديات او النت ويكون في بالها ان بتعين شريك حياتها...
خاصه عندنا في الخليج...
هو هالشي موجود في الغرب...وطبعا قليل من يسوي هالشي...واللي يسوون اغلبهم كبار في السن او اشكالهم مييح او امتان "زياده في الوزن"...

اشكرك على اظهار هالنقطه...ومنكم نستفيد اخوي...

ويامرحبا بك...نورت
ولاهنت على المشاركه المثريه اخوي...

alrheeb2020

22-05-2010, 01:17 AM

موضوع في محله ..

الله يجزيك خير اخوي ويرحم والديك ان شاء الله

Q-tr

22-05-2010, 01:34 AM

بختصار والله انك جبتها....وكلام سليم!!!!!! وشكرا ع الموضووووع!!!!!

المرحب

22-05-2010, 01:43 AM

The Master

أحســــن الظـــن جــزاك الله خيــــر

ولا شعرفـــك إن الأعضــــاء بينهــم لقيــل والقــال

والغيبــــه والنميمــــــــــــه

الله يستـــر على خلقـــه

وأعتقـــد الموضوع مكرر ومشكور على النصائــح

والكل عقلــه في راســـه

• النشبهـ •

22-05-2010, 05:57 AM

احييك اخوي الماستر
وحتى لو الموضوع مكرر >> مثل ماقال المرحب :nice:
فالتنبيه مهم مره ومرتين وعشر
فالذكرى تنفع المؤمنين

جزاك الله خير

الوحداني

22-05-2010, 06:09 AM

احم احم...ثم احم...

لفت انتباهي هالمشهد...

رساله خاصه...السموحه على الازعاج اختي...سوي كذا وكذا وكذا...وقولي لي اذا مانفع...

سويت ما استوى...

السموحه عالتاخير في الرد...خبرك قليل ادخل المنتدى...اذا بغيتي عطيني المسنجر حقك...عشان اكون متواصل معاك واعلمك اول ب اول...

طيب هذا اسم مسنجري...

في المسنجر...
ها اخبار التلفون الحين عقب ماتصلح؟؟؟

الحمدلله شغال...شكرا لك...

شفتي موضوعي اللي نزلته اليوم...

اي اي شفته...كان جميل...

شفتي العضو فلان...كيف حكرت له...ترا دايما اسكر عليه وما اخليه يتنسم...

اها مادري انا توني جديده...بس بغيت اسالك عن العضوه فلانه...كم عمرها؟؟...

اي فلانه...35 سنه...على فكره تراها في علاقه مع العضو فلتان...

اشدعوه؟؟...هذي؟؟؟...مايبين عليها...مع انها تنصح العالم واتوجهم...

اي اي عادي سهالات...يقولون مالا يفعلون...واجد في المنتدى كذا...

اها...وانت مالك اي علاقه مع حد؟؟...

لا وييين...انا في حالي...انتي اول وحده اضيفها في المسنجر...ولا الباقي كلهم الربع...وانتي مافي من الاعضاء كلمك او شي؟؟...

اي في كم واحد...بس انا ماعطيتهم وجه...مايعجبوني...وماضيف الا الناس اللي ارتاح لهم...

...

ماشالله اسلوب من هذا الحلو !!!
اللحين انت الله يجزاك خير علمت بعض الشباب طريقه للوصول الى الفريسه والتضبيط يمكن اي واحد يقرى كلامك الي اغتبسته فوق ويطبقه بمنتدى ثاني جديد او اي مكان لان كلامك معسول وحلو
تحياتي

• النشبهـ •

22-05-2010, 06:17 AM

ماشالله اسلوب من هذا الحلو !!!
اللحين انت الله يجزاك خير علمت بعض الشباب طريقه للوصول الى الفريسه والتضبيط يمكن اي واحد يقرى كلامك الي اغتبسته فوق ويطبقه بمنتدى ثاني جديد او اي مكان لان كلامك معسول وحلو
تحياتي

عند طرح الموضوع من الماستر نيته واضحه وهي التنبيه
مش تعليم الشباب اساليب جديده اهم عارفينها
لان هالاسلوب مستعمل وقديم جدا جدا جدا :secret:
كل شخص بيقرا الموضوع من وجهة نظره وبياخذ النقطه اللي تعجبه
وبالاخير الموضوع طرح للفائدة
فكل واحد يستفيد بطريقته :nice:

السموحه ع المدآخلهـ
تحيآتي

حليتان*

22-05-2010, 06:52 AM

هههههههههههه

عليان شرايك بالغزل العلني الي يصير في بعض المواضيع ..وخاصه من يومين خذ واحد الله يستر عليه بااند بهالسبه !!

The Master

22-05-2010, 12:26 PM

جزاك الله خير على الطرح
موضوع رائع تشكر عليه

ويصراحة هذا الطرح تذكير لقدامى النت
وتحذير للجدد في النت وصغار السن

وهذا بعد ينطبق على الـ pin مثل ماتفضلت الأخت فلتة زمانها

والله يهدي الجميع

هلا ومرحب ب شمس المغيب...

ويجزاك خير يارب...تشكر عالاطراء والمرور...

اكيد...وهذا اللي نبيغه التذكير...والتنبيه كذلك...احيان كثيره الانسان يعرف هالاشيا لكن ينساها او ماتجي علي باله...فا انا هنا اذكرهم بهالشي...ومنها تنبيه وتوعيه لاولياء الامور...

امين يارب...

ويامرحبا بك...
ولاهنت...

The Master

22-05-2010, 12:28 PM

موضوع في محله ..

الله يجزيك خير اخوي ويرحم والديك ان شاء الله

ويجزاك يارب كل خير...ووالديك يارب...

تشكر عالدعوه الطيبه...يالرياني...

يامرحبا بك...

The Master

22-05-2010, 12:29 PM

بختصار والله انك جبتها....وكلام سليم!!!!!! وشكرا ع الموضووووع!!!!!

العفو اخوي ولد الخور...

وان شاء الله هالنصيحه والتنبيه ينفع الناس ويصحييهم...

ويامرحبا بك...

بوحارب

22-05-2010, 12:33 PM

اهم شي النية والنية مطية :unsure::eek2::funny:

The Master

22-05-2010, 12:39 PM

the master

أحســــن الظـــن جــزاك الله خيــــر

ولا شعرفـــك إن الأعضــــاء بينهــم لقيــل والقــال

والغيبــــه والنميمــــــــــــه

الله يستـــر على خلقـــه

وأعتقـــد الموضوع مكرر ومشكور على النصائــح

والكل عقلــه في راســـه

الظن دائما وابدا حسن...لاتحاتي...
لكن كلامي موجه لفئات معينه...واعرف اني ما تكلمت الا لما شفت تزايد عددها وتفهي اصحابها...مع معرفتي ب ان نيتهم سليمه...لكن الشيطان ساحب...

على طاري الموضوع مكرر...خلني اسالك سؤال...انت قريت الموضوع على اساس انه فكره ومشروع ولا قريته على اساس انه نصيحه؟؟؟

هل عمرك شفت شيخ دين ينصح الناس...والناس يقولون له يا شيخ نصيحتك مكرره سمعناها كثير؟؟؟...

هل تضمن لي...ان لما انا طرحت موضوعي هذا...مافي حد اهتدى او انبه ضميره ورجع للحق؟؟؟

اتوقع لما تجاوب على هالاسأله بتوصلك الفكره...
واعرف ان ربي سبحانه قال..."وذكر فإن الذكرى تنفع المؤمنين"

واخر شي...انا كا شخص...مش غرور...لكن من طبعي اني اذا باطرح شي...احب يكون مميز...ومش تكرار او تقليد لحد...
فا اذا بتلاحظ...اني في هالموضوع طرحت ب اسلوب مختلف...وما اعتقد ان في حد طرح هالنوعيه من المواضيع او النصايح بهالطريقه...لاني اذا بانزل موضوع...اتعب عشان توصل الفكره...مش كوبي وبيست وانتهى...

طولت بالرد عليك...لكن شي في الخاطر وذكرته...

وحياك الله...

The Master

22-05-2010, 12:43 PM

احييك اخوي الماستر
وحتى لو الموضوع مكرر >> مثل ماقال المرحب :nice:
فالتنبيه مهم مره ومرتين وعشر
فالذكرى تنفع المؤمنين

جزاك الله خير

هلا ومرحب اخوي النشبه...

يالله تحييه...كلك نظر الله يسلمك...والزين مايشوف الا الزين...احم

اكيد اخوي...مافي شك...والمرحب قال رايه...وفي نهايه رده هو ذكر كلن عقله في راسه...وهذا ايضا ينطبق عليه هو...يعني لما هو قال مكرر...فا هو يعبر عن شخصه هو...مش عن الناس كلها...

ويجزاك يارب...
ولاتحاتي...ترا اخوك شعاره دوم...واثق الخطوه يمشي ملك...واللي يبغي الخير لاخوانه...يتحمل اي شي...

ويامرحبا بك...
تشكر عالمرور الطيب...والمشجع اخوي...

The Master

22-05-2010, 12:46 PM

ماشالله اسلوب من هذا الحلو !!!
اللحين انت الله يجزاك خير علمت بعض الشباب طريقه للوصول الى الفريسه والتضبيط يمكن اي واحد يقرى كلامك الي اغتبسته فوق ويطبقه بمنتدى ثاني جديد او اي مكان لان كلامك معسول وحلو
تحياتي

احم...الله يسلمك...اعجبك...

هذا وانا ماكملت لك باقي المشهد...اجل لو كملته لك وش راح تقول؟؟؟...احم

ياخوي الناس افهم مني ومنك...ومن يبغي الشر بيلقاه...
لكن في ناس مفهيين...ومضيعيين...ومب عارفين اذا هذا غزل ولا كلام عادي...
فا عسانا نفتح اعيونهم على الواقع...وينتبهون لما هم فيه...عل وعسى...

وحياك الله...

The Master

22-05-2010, 12:50 PM

هههههههههههه

عليان شرايك بالغزل العلني الي يصير في بعض المواضيع ..وخاصه من يومين خذ واحد الله يستر عليه بااند بهالسبه !!

:secret: احم

هذا الله يسلمك التطور والانفتاح ومايسوي...لدرجه ان الناس ماقامت تفرق بين الغزل والكلام العادي...
فا تلقاه غزل لكن الناس تقول كلام عادي...من كثر ما جاهم اكتفاء...وصار هالكلام شي عادي ويومي يسمعونه...

والله يستر عالجميع يارب...

طبعا انت اذا ما اتشمت مب اماف...

The Master

26-05-2010, 10:37 PM

اهم شي النية والنية مطية :unsure::eek2::funny:

هلا بوحارب...

تصدق النيه مطيه...سمعتها او قريتها في مكان...بس مب متذكر وين...

لكن الله ينور على التصريح الجامد خيو...

حياك الله...

Doha Sun

27-05-2010, 08:49 AM

كل زمن وله طريقته ..

قطرية7

27-05-2010, 09:13 AM

:telephone::telephone::telephone:

The Master

28-05-2010, 09:04 PM

كل زمن وله طريقته ..

اكيد اكيد...
ومنها نوصل للي ما اوصلت له او طافها وما لحق عليها

qatari 111

28-05-2010, 10:46 PM

المفروض من ادارة المنتدى تحجب الاميلات والارقام وغيره من وسائل الارسال
واذا كان شي للضروره فيكون التواصل عن طريق ادارة المنتدى
وهذا اعتقد حل من الحلول

بوخالد911

28-05-2010, 11:38 PM

تسلموو

لا هنت

The Master

01-06-2010, 11:39 PM

:telephone::telephone::telephone:

:rolleyes2::rolleyes2:

الحجاجي

02-06-2010, 10:02 AM

حركات قديمه

وما زالت موجودة

لكن بوجود البلاك بيري
اصبح المسنجر مهجور

الله العالم في الأيام الجايه شنو راح يصير

ماذا بعـد البلاك بيري ؟؟

نور اعيوني

02-06-2010, 11:26 AM

اول مره في حياتي ادري ان تصير هالاشياء وتوصل للمسن بعد بس مب لهالدرجه البنت تكون مغفله وما تعرف الصح من الغلط وين الرقابه وبعدين المفروض من البدايه تحط حدود ما تخلي حد يتمادى معاها وين احنا قاعدين..بس ما نقول الا الله يستر على امة محمد ويحفظهم من كل شر..