من صادف الخليجي الي ايدور في قطر ايجمع فلوس..@@@

[Qt.1]

ياجماعه في واحد خليجي مافي داعي اذكر من اي بلد ايدور في سيارته معاه زوجته ماتدري هي وحده والاا واحد مغطيه بالكامل وبنت اصغيره رازها قدام الصغيره علشان تكسر خاطرك.. وايوقفك ويقعد يمدح فيك وايقولك انا منحرج منك وانتو اهل ابلد الطيب فيكم الخير وماتقصرون يعني بالعربي يقعد ايمدح فيك ويرفعك فوق...وعقب ايقولك كل الي ابيه افلوس بس للبترول ارجع ابلادي...!!
مشكلة هالشخص انه غبي ومايذكر الااشخاص الي قابلهم من قبل وقالهم نفس الحكايه لااني لااقيه من قبل وشكله نساني ونسى شكلي واليوم لقيته وقالي نفس الكلام بالظبط رد عاده...اول ماتكلم قاطعته وقلت له معلي ربك كريم وبيفرجها وحركت عنه..
يعني لهدرجه هذي مايستحي جاي من ابلاده وايدور وايقص على خلق الله وايطلع له كم بيزه وايرد يقبض الخط ويرجع..!!
فعلاا شي غريب..!!

[بوطويشم]

السلام عليكم

نفس الشي واحد بتاني فالشمال مسوي نفس الحركة

و في الكويت بعد

شكلها موضة السنة

الله يغربلهم على هالنصب

مشكور على الموضوع

[محمد افندي]

الفقر شين

[الـمـحـنـك]

الصراحه هاي صاارت لي في السعوديه وانا راد الدوحه .. وقفت في محطه علشان اعبي بترول الا واحد ياييني على سياره وصج من دوله خليجيه .. ونفس الحاله زوجته وبنت صغيره ...وقاام يمدح وقالي ابي فلوس للبترول عطيته والله وعطيته فلوس توصله للمكان الي هو يبي وزود بعد الا الاخ يقولي مافيه زود بعد كنت بسطره ههههه صج الله لايبلنا تحصلهم بيدخلون ملايييين من هاي الحركه الله لايبلنا ونااس ماتقتنع بالخير الي عندها طمااعه بزوود الله يهديهم بس

وتحياتي لك ووصج في هاي ازمن ماتدري من رااعي الحاجه صج .....

[• النشبهـ •]

بما اني ما الف الشوارع فما صارت لي :nice:

لكن تجيك وحده من الحريم كاشخه تقول عروس وتدخل البيت وتسلم وتقهى وانا لحالي معها :eek5: >> احسبها جايه تخطب :nice:
بالأخير تقولي الله يجزاك خير لو تساعديني :secret:
طيب قولي من الأول ليه السوالف والخربطه :waiting:

وفي بأحد دول الخليج يحدك الواحد ع الطريق قريب ويقلب موترك :eek5:
لين تصفط وتعطيه المقسوم ومايرضى بأقل من الالف :mad:

احين وش هالصدقه الاجباااريه :eek5:

الله يهديهم ويصلحهم

[رجل الجزيرة]

شوف بعيني وحدة طرارة في جامع من جوامع مدينة ال مرة عند باب الجامع وحن مخلصين من الصلاة إلا وهي تطرمن عند الناس وفي يدها معاضد ذهب، فضحكت وأنا طالع لسيارتي.

[ماريسا]

شدراك إنه خليجي؟ شفت بطاقته ؟

[بوناصر1]

سبحان الله
والله انه جاني اكثر من 3 مرات واخر مره والمشكله في الدوحه اول ماوقفني وعرفته قلت له تبيني اقول لك الموال الي بتقوله , المشكله ولا كاني قيل له شي
بس ابي اتاكد الشيخ:
مسوي نفسه مطوع يعني بدون عقال وبلحيه
وقصير القامه,ضعيف مب مليان الجسم, وكله يتعذر بلبترول وانه يبي يرجع ابلاده

[حبر سري]

يالربع , حد فيكم سمع عن هالرقم قبل او شافه او جرب يتصل به:
999

[بن موسى]

هذول مب خليجيين معروفة بلادهم ومنتشرين في كل دول الخليج وسياراتهم مؤجرة
واحد منهم كنت مع عيالي في محطة في سلوى وجاني وكانت سيارتة لكزس قطرية ومعة حرمة وعطاني من ذا الكلام الطيب وبعدين قال انة مسافر لبلادة وقام علية القير ومابقي معة حق البترول ويطلب المساعدة 0اعتذرت منة بكل ادب ورجيتة ان يعذرني لاني جد ماعندي اعطية والله اني مابغيت افتك منه كانه يبيني اعطية بالقوة والله العظيم اني اشوف الحقد بعيونة ويمكن لو ماكان المكان مليان ناس انها تكون عملية سلب

[بتال]

شوف عيني وحدة في جامع من مدينة المرة عند باب الجامع وحن مخلصين من الصلاة إلا وهي تطرمن عند الناس وفي يدها معاضد ذهب، فضحكت وأنا طالع لسيارتي.


الله لايبلانا ولا يبتلينا

الحمدلله على ماتمم علينا من نعم

الاخ رجل الجزيره اعتقد عندك خطاء من مدينة ال مره ولا في مدينة ال مره هنا اختلاف الله يحييك للعلم ان مدينة ال مره مختلط ولاكن لاتكاد تجزم انها من سكان المنطقه وشكرا

[@فهد@]

من تجارب كثيره معاهم وفي اكثر من مكان .. هؤلاء مش من الخليج نهائي وفي واحد في محطة سلوي شايب يتكلم وياك بدوي في البدايه .. وهو من ................. شغل النصب الله فاضحه بس الواحد يحتاط

اصحاب الحاجات ينعرفون

وعلي فكره اذا كنت في السعوديه وشاف سيارتك يفكر صيدة ثمينه ...

[كازانوفا]

للاسف ان في منهم محتاج لكن اللى مش محتاجين خربو عليهم
الله المستعان

[المجروح81]

انا صادفت شخص خليجي مع زوجته وعياله وكان يبي فلوس بس حق بترول يرجع لديرته وانا ادري لو عطيته فلوس وبعد في البحرين ماراح يرده الا البار لشرب الخمر الله لايبلانا
وصرفته لان ادري انه نصاب

[لاجل QT]

واااايد شفتهم ...بس لاتعطونهم وجهة..بالذات احنا الحريم ..لان في منهم نظراتهم تخوف ..تخز..لين احصلهم في وجهى اقولهم انا بعد ماعندي حق بترول..:anger1:

[BURBERRY]

حسبي الله و نعم الوكيل

نفس الموقف بالضبط صار لي قبل شهر او شهرييين

[رجل الجزيرة]

الله لايبلانا ولا يبتلينا

الحمدلله على ماتمم علينا من نعم

الاخ رجل الجزيره اعتقد عندك خطاء من مدينة ال مره ولا في مدينة ال مره هنا اختلاف الله يحييك للعلم ان مدينة ال مره مختلط ولاكن لاتكاد تجزم انها من سكان المنطقه وشكرا

كلامك صحيح فالمفروض إن يكون في وليس من وبارك الله فيك.

[أميرااالذوق]

السلام عليكم..

هالمواقف بصراحه مامرت علي الا بالاحسااااء والطائف

وفي البحرين ساعات..

والله الواحد معاد يعرف الصادق من الكاذب..نسأل الله العفوو والعافيه في الدنيا والاخره!

[الساهر 17]

على طول اخذ رقم سيارته وبلغ عنه 999 لا تترد لانك اذا سكت بتساعد غيره وجزاك الله خير لنشر هذا الموضوع

[saranay1]

هذي ارقام القبض على المتسولين

4714222

4714220

4823812


او كلموا 999 وعطوهم رقم السيارة
الله يجزاكم خير

[ممنوع اللمس]

هالانسان جاني على كروزر سعودي في الكويت ومعاه مرته وطفله صغيره
قالي انا امام مسجد كبير فالسعوديه وماعرف شنو وقير سيارتي خربان وصلحته وما باقي فلوس معاي وابي منك فلوس ارجع فيها لبلادي
عقب تم يمدح ويمدح ويقولي الله يتقبل منك زيارتك للكويت؟؟ قلت له انا جاي صياعه الله يتقبل صياعتي؟
سكت وجلس يمدح عطيته المقسوم ووقف فوق راسي يبي زود اخر شي حركت عنه
الرجال ملتحي شوي وبدون عقال
الأخ وصل قطر الله يحييه اتمنى من الله اني اشوفه والله ما يطلع سالم منها...

[شموع قطريه]

هالانسان جاني على كروزر سعودي في الكويت ومعاه مرته وطفله صغيره
قالي انا امام مسجد كبير فالسعوديه وماعرف شنو وقير سيارتي خربان وصلحته وما باقي فلوس معاي وابي منك فلوس ارجع فيها لبلادي
عقب تم يمدح ويمدح ويقولي الله يتقبل منك زيارتك للكويت؟؟ قلت له انا جاي صياعه الله يتقبل صياعتي؟
سكت وجلس يمدح عطيته المقسوم ووقف فوق راسي يبي زود اخر شي حركت عنه
الرجال ملتحي شوي وبدون عقال
الأخ وصل قطر الله يحييه اتمنى من الله اني اشوفه والله ما يطلع سالم منها...

ماشاءالله عليه الاخ مسوي جوله خليجيه علشان الطراره .. عالاقل يغير البنت يحط بدالها ولد علشان مايعرفونه :nice:

الله يهديهم .. انا عن نفسي اذا شفت حد يطر اقول لهم لحظه شوي وافتح جوالي واقول ( الو شرطة مكافحة المتسولين ) وماشوف غير غبرتهم .. ماينفع معاهم الا جذيه لازم نقوي الوجه معاهم

[ضوى]

صادفناه انا وزوجي في حياة بلازا ، وقف له زوجي وحنا نمشي على رجولنا راح له وتركني بعيد شوي فكرته يبي يدل مكان والا مضيع طلع قايل لزوجي نفس الكلام اللي فوق طبعا زوجي عطاه المقسوم بس الحركة ماعجبتني ابدااااااا

[Qt.1]

شدراك إنه خليجي؟ شفت بطاقته ؟

لهجته وثوبه وكلامه وسيارته اتدل على انه خليجي 99%...فهمتيني والاا اوضح اكثر...!!

[Qt.1]

سبحان الله
والله انه جاني اكثر من 3 مرات واخر مره والمشكله في الدوحه اول ماوقفني وعرفته قلت له تبيني اقول لك الموال الي بتقوله , المشكله ولا كاني قيل له شي
بس ابي اتاكد الشيخ:
مسوي نفسه مطوع يعني بدون عقال وبلحيه
وقصير القامه,ضعيف مب مليان الجسم, وكله يتعذر بلبترول وانه يبي يرجع ابلاده

بالظبط ويقعد يعطيك محاضرة الرفق بالنصابين

[Qt.1]

حسبي الله و نعم الوكيل

نفس الموقف بالضبط صار لي قبل شهر او شهرييين

الشخص دايما ايتردد على قطر لانه يدري هل قطر فيهم الخير..وكل مره ايدور له فريج ومكان ثاني ينصب فيه.

[وطن]

هالموقف صادني من قبل 10 سنين في الاردن
مثلت دور اماراتيه تمثيل محترف وما اعطيتها ويه لاني حسيت انها كذابه
بعدها بيومين اشوفها واقفه مع وحده اعرفها

ناديتها اقول لها شتقول لج هذي
لا تصدقينها
تقول قالت لي انها من قطر
وتتكلم قطري !!!




يا جماعة اللي يصادف حد جذي ياخذ رقم السيارة ويكلم العضيد
مب صعبه كلش

[بواردي]

انزين سوال

لو انا سافرت لاقدر الله وصار لي موقف " سرقوني او ضيعت البوك او اي شي"

وطلبت من حد يساعدني
تهقون حد بيساعدني

اكيد لا

لانه عيال ... ما خلو لعيال الحلال شي


والله يكفينا ويكفيكم شر الحاجة
ولا يحط مسلم في هالموقف

وانا عني احكرله لين اعرف انه صاج ولا نصاب

وعقب يمكن اعطيه او ازفه

[بن رومي]

انزين سوال

لو انا سافرت لاقدر الله وصار لي موقف " سرقوني او ضيعت البوك او اي شي"

وطلبت من حد يساعدني
تهقون حد بيساعدني

اكيد لا

لانه عيال ... ما خلو لعيال الحلال شي


والله يكفينا ويكفيكم شر الحاجة
ولا يحط مسلم في هالموقف

وانا عني احكرله لين اعرف انه صاج ولا نصاب

وعقب يمكن اعطيه او ازفه

الله يغنيك من السوال


روح السفارة القطرية

وهم بيسنعونك





بن رومي

[عبدالمحسن]

قال تعالي ( وَأَمَّا السَّائِلَ فَلا تَنْهَرْ )


ادعوا نفسي وادعوكم إذا وجدتوا سائل ( يا تعطونه واحتسبوا الاجر من الله ) والله يعلم النوايا


أو اعتذروا باللتي هي احسن





إحتـرامي

[رياني qtr]

قال تعالي ( وَأَمَّا السَّائِلَ فَلا تَنْهَرْ )


ادعوا نفسي وادعوكم إذا وجدتوا سائل ( يا تعطونه واحتسبوا الاجر من الله ) والله يعلم النوايا


أو اعتذروا باللتي هي احسن





إحتـرامي



جزاك الله خير اخوي هذه هي اخلاقنا

[بو فهد]

اصادفهم في الحساء وفي محطة بترول سلوى كلت مقلب من اول واحد وبعدها عرفت لعبتهم

صرت اطنشهم

[بواردي]

الله يغنيك من السوال


روح السفارة القطرية

وهم بيسنعونك





بن رومي

هلا اخوي

اذا انا في سلوى وباقي امية كيلوا على الدوحة تبيني ارد للرياض .....؟


مجرد تعليق

والله يبعدنا عن السوال

وعلى طاري السفارة
امورك طيبة بس ترى عندهم اسهل شي ما ندري ما في تعليمات
والطاااااااااااااف شغال

[alwaheed55]

يااخواني انتم والحمد لله لستم بحاجه للاكل ولا للشرب ومعكم خير ونعمه.....ولكن هناك من لايجد قوت يومه...ارجو من الاخوه عدم التشمت بالناس سواء كان خليجي او اجنبي.....ليس هناك بلده لايوجد بها ناس فقراء ومحتاجه....قال تعالي ( وَأَمَّا السَّائِلَ فَلا تَنْهَرْ )....ارحموا من في الارض يرحمكم من ف السماء...لااعتقد ان هناك فرق بين دول الخليج كلنا خليجيون مسلمون.....بغض النظر عن الغنى....انا قابلت عدة اشخاص من النوع اللذي انتم تقولونه...ولكن يجب ان تستر على اخيك المسلم...ان سترت على اخيك ستر الله عليك....قال تعالى:{وإذ تأذن ربكم لئن شكرتم لأزيدنكم ولئن كفرتم إن عذابي لشديد "7" } (سورة إبراهيم)

[@north_star@]

سبحان الله فعلا حتى انا جاني واحد بالسعودية صوب القيصومه كنت بعبي بترول والا الحبيب باكستانى ومعاه مرته وطفلين وقالي قصة حياته وموترة لوحات بو ظبي وتراهم منتشرين بكل مكان

[هدهد سليمان]

يا جماعه يمكن ما يشتغل او يمكن ما عنده يمكن بالفعل .. الرجال محتاج عطوه المقسوم وانتهى .. لا تمنون على العالم .. يمكن عنده ظروف قهريه ولجأ للحيله .. عندي لكم نصيحه للجميع .. اللي يشوفه ويحصله لا يتصل بالشرطه ولا شي ..لكن ياخذ رقمه ويقوله اخوي شللي تقدر تشتغله انت خبرتك في شنو .. وانحاول اندور له وظيفه ..

[جلمود]

هالموقف صادني من قبل 10 سنين في الاردن
مثلت دور اماراتيه تمثيل محترف وما اعطيتها ويه لاني حسيت انها كذابه
بعدها بيومين اشوفها واقفه مع وحده اعرفها

ناديتها اقول لها شتقول لج هذي
لا تصدقينها
تقول قالت لي انها من قطر
وتتكلم قطري !!!




يا جماعة اللي يصادف حد جذي ياخذ رقم السيارة ويكلم العضيد
مب صعبه كلش


عجيب طلع هذا العضيد طلع بتاع كلوا :telephone:

[كاشف الغطاء]

حسبي الله عليهم

المشكلة الاغلبية يعطونهم الحمدلله اني كل مرة اكشف كذبهم ولا اعطيهم شي

[جوال 11]

لازم الواحد يكون حذره من هذه الأشكال وحصل لي موقف في الحرم المكي في رمضان وقت الأفطار آسيوي يطلب وقال أنا أشتغل في قطر عند أحد وجهاء قطر والحين مع عائلتي والسيارة متعطلة وأحتاج مبلغ من المال وسأرده لك في قطر وأنا أمام مسجد عند ذلك الوجيه وعرفني من لبس العقال القطري وبعد صلاة المغرب أخذ المطلوب والحمد لله وبعد رمضان صدفة صليت المغرب في ذلك المسجد وبعد الصلاة سلمت على أمام المسجد وسألته عن الشخص وقال لي هذا كذاب كثير من الناس أتوا يبحثون عنه .
فحذاري منهم بعضهم محتاج ولكن كيف التحقق من ذلك وبعضم متعاطي مخدرات وبعضهم متسول والمسلم كيس فطن يأخذ الحذر منهم .

[سويسرا]

قال تعالي ( وَأَمَّا السَّائِلَ فَلا تَنْهَرْ )

[البدع]

قال تعالي ( وَأَمَّا السَّائِلَ فَلا تَنْهَرْ )

السائل مش النصاب

هذيله فيهم جشع للمزيد من المال

وتلاقيه في الشهر يجمع 10 الاف وفوق

فيه جمعيات خيرية وفيه قوانين

بس مايردعهم شيء

[لاجئ عاطفي]

انا اي حد يطلب مني مساعدة اقوله روح صندوق الزكاة لسبب .. لان صندوق الزكاة فيه باحثيين يعرفون ان كان الشخص فعلا محتاج مساعدة ولا لا .. وبهطريقة ما اسمح لاحد يضحك علي ولو ابي الاجر الحمدالله مكاتب التبرعات منتشرة بكل مكان اقدر من خلالهم احصل على الاجر وان تذهب صدقتي لمكانها الصحيح

[دانة الدنيا]

مره صارت لنا فالسعوديه ع الخط واحنا راجعين
بس يوم وقف جنب زوجي
زوجي مافتح الدريشه لانه عارف شبيقول ويوم شافه طول اول مافتح له الباب زوجي
الا يقوله اسف بس كنت مشبهه عليك
شدعوه مشبهه عليه بتوقف فويهه ربع ساعه تدقق:rolleyes2:

[Gh2o]

السلام عليكم

نفس الشي واحد بتاني فالشمال مسوي نفس الحركة

و في الكويت بعد

شكلها موضة السنة

الله يغربلهم على هالنصب

مشكور على الموضوع

شفته مرتين مره في بوظبي ومره في دبي والوالد شافه بمكه
والله مشكله ماودك ترد حد محتاج بس الواحد مايعرف المحتاج من الحرامي
الافضل في هالحاله تقوله انا بعبي لك الموتر فل شوفه بيشرد ويقول مابي خلاص

[Gentleman]

لهجته وثوبه وكلامه وسيارته اتدل على انه خليجي 99%...فهمتيني والاا اوضح اكثر...!!

فيه بدو من سوريا منتشرين في قطر يتكلمون بلهجة بدوية خليجية متقنة ويلبسون اللبس الخليجي..

[وطن]

[/COLOR]


عجيب طلع هذا العضيد طلع بتاع كلوا :telephone:

http://www.moi.gov.qa/aladeid/arabic/index.html

العضيد يقدم خدمة التواصل بين أفراد المجتمع بكافة شرائحه بهدف الحفاظ على امن المجتمع واستقراره لننعم بحياة آمنه

من موقعهم :)

مو بس للآداب يعني :victory:

[N7eEeS]

يا اخوان بلغوا عليهم وخلكم من العطف الزايد ذول غالبيتهم عصابات منظمه ماشفتوا من فتره حاطينهم في الجرايد وصلوا لمرحله انهم يسوون جروح وهميه في اياديهم ورجليهم حتى تعطفون عليهم.

[بدون]

اليوم احنا واقفين عند السوبر ماركت في الوكرة و تو محركين السيارة ألا شخص يصفر لنا وينادي يبغي أوقف له السيارة . تنطبق عليه الأوصاف ،،بس طبعا ما وقفت لأن معاي الأهل في السيارة.

[نمر بن عدوان]

العشرين او الخمسين لاراح تزيد فيني ولاتنقص اعطي على نيتي وهو على نيته ولاتنسون سالفة الي تصدق على زانيه وغني وحرامي..


1355 حدثنا أبو اليمان أخبرنا شعيب حدثنا أبو الزناد عن الأعرج عن أبي هريرة رضي الله عنه أن رسول الله صلى الله عليه وسلم قال قال رجل لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد لأتصدقن بصدقة فخرج بصدقته فوضعها في يدي زانية فأصبحوا يتحدثون تصدق الليلة على زانية فقال اللهم لك الحمد على زانية لأتصدقن بصدقة فخرج بصدقته فوضعها في يدي غني فأصبحوا يتحدثون تصدق على غني فقال اللهم لك الحمد على سارق وعلى زانية وعلى غني فأتي فقيل له أما صدقتك على سارق فلعله أن يستعف عن سرقته وأما الزانية فلعلها أن تستعف عن زناها وأما الغني فلعله يعتبر فينفق مما أعطاه الله .


توكلوا على الله تصدقوا واعطوا والنيات الله اعلم بها الا ان كنت متأكد 100% ان الي امامك مش محتاج وتحط في ذمتك فالامر يختلف .

[منهم وفيهم]

سؤال اللحين اللي ينصبون بالسياره بنسجل رقم سيارتهم بس اللي ينصب بدون سياره شلون ابلغ عنه!!
أنا تعرضت لموقف ولا عرفت لمن اتوجه:
واحد من جنسيه عربيه دق علي دريشة السياره وانا في باركنات سباير مع اختي يقول انه متواعد مع ربعه ولا جاو وهو ماعنده فلوس يرجع الصناعيه(هالكلام في يوم العائلات)و يبي فلوس للتاكسي ؛حسيت انه يكذب تعذرت انه ماعندي كاش..بعدها بإسبوعين نفس الشخص عند حياة بلازا يأشر وانا بحرك لما شفته انتبه انه شايفني فتراجع وهو يبتسم ...الريال شكله بس يروح للحريم لأن الرييايل يمكن يعرضون انهم يوصلونه..

[FHN]

العشرين او الخمسين لاراح تزيد فيني ولاتنقص اعطي على نيتي وهو على نيته ولاتنسون سالفة الي تصدق على زانيه وغني وحرامي..


1355 حدثنا أبو اليمان أخبرنا شعيب حدثنا أبو الزناد عن الأعرج عن أبي هريرة رضي الله عنه أن رسول الله صلى الله عليه وسلم قال قال رجل لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد لأتصدقن بصدقة فخرج بصدقته فوضعها في يدي زانية فأصبحوا يتحدثون تصدق الليلة على زانية فقال اللهم لك الحمد على زانية لأتصدقن بصدقة فخرج بصدقته فوضعها في يدي غني فأصبحوا يتحدثون تصدق على غني فقال اللهم لك الحمد على سارق وعلى زانية وعلى غني فأتي فقيل له أما صدقتك على سارق فلعله أن يستعف عن سرقته وأما الزانية فلعلها أن تستعف عن زناها وأما الغني فلعله يعتبر فينفق مما أعطاه الله .



توكلوا على الله تصدقوا واعطوا والنيات الله اعلم بها الا ان كنت متأكد 100% ان الي امامك مش محتاج وتحط في ذمتك فالامر يختلف .

كلام من ذهب بصراحة

[راعي ال VXR]

العشرين او الخمسين لاراح تزيد فيني ولاتنقص اعطي على نيتي وهو على نيته ولاتنسون سالفة الي تصدق على زانيه وغني وحرامي..


1355 حدثنا أبو اليمان أخبرنا شعيب حدثنا أبو الزناد عن الأعرج عن أبي هريرة رضي الله عنه أن رسول الله صلى الله عليه وسلم قال قال رجل لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد لأتصدقن بصدقة فخرج بصدقته فوضعها في يدي زانية فأصبحوا يتحدثون تصدق الليلة على زانية فقال اللهم لك الحمد على زانية لأتصدقن بصدقة فخرج بصدقته فوضعها في يدي غني فأصبحوا يتحدثون تصدق على غني فقال اللهم لك الحمد على سارق وعلى زانية وعلى غني فأتي فقيل له أما صدقتك على سارق فلعله أن يستعف عن سرقته وأما الزانية فلعلها أن تستعف عن زناها وأما الغني فلعله يعتبر فينفق مما أعطاه الله .


توكلوا على الله تصدقوا واعطوا والنيات الله اعلم بها الا ان كنت متأكد 100% ان الي امامك مش محتاج وتحط في ذمتك فالامر يختلف .



بارك الله فيك اخوي نمر بن عدوان .. كفيت ووفيت....وجزيت خيراا

[المرحب]

الله يهديهم ويصلحهم

[بوخالد911]

ما أعطييه مجال كللش

اقوول رووح راجع سفارة بلادك


شبعنا بوووق وقصص وتأليف وضحك ع الذقوون


لو حبيت أتبرع ؛ بروح للجمعيات الخيرية
أو أروح لناس أعرف وضعهم عدل

[سهم الصناعات]

انا صادفت 2 وكلهم من جنسية مختلفه بس باين انهم من جنسية شاميه متنكرين بجنسيه خليجيه

[بـــــــنت النوخـّــــذه]

ياجماعه في واحد خليجي مافي داعي اذكر من اي بلد ايدور في سيارته معاه زوجته ماتدري هي وحده والاا واحد مغطيه بالكامل وبنت اصغيره رازها قدام الصغيره علشان تكسر خاطرك.. وايوقفك ويقعد يمدح فيك وايقولك انا منحرج منك وانتو اهل ابلد الطيب فيكم الخير وماتقصرون يعني بالعربي يقعد ايمدح فيك ويرفعك فوق...وعقب ايقولك كل الي ابيه افلوس بس للبترول ارجع ابلادي...!!
مشكلة هالشخص انه غبي ومايذكر الااشخاص الي قابلهم من قبل وقالهم نفس الحكايه لااني لااقيه من قبل وشكله نساني ونسى شكلي واليوم لقيته وقالي نفس الكلام بالظبط رد عاده...اول ماتكلم قاطعته وقلت له معلي ربك كريم وبيفرجها وحركت عنه..
يعني لهدرجه هذي مايستحي جاي من ابلاده وايدور وايقص على خلق الله وايطلع له كم بيزه وايرد يقبض الخط ويرجع..!!
فعلاا شي غريب..!!

من دوله مجاوره وسيارته جمس اسود وضعيف وجالسه جدام احذاه وحده اشوي بعافيه بس مغطيه عمرها ()وقال لنا جاي لواحد من هلي مدعوم وامرقد بمستشفى حمد واحنا ماعندنا مكان نرقد فيه ولا نقدر نشتري شي

وكنا نسمع له وكسر خاطرنااااااااااااا و من زود غباء البنات وعطف الام ورحمه الاب حتى الدريول انكسر خاطره عليهم :( عطيناهم المقسوم:shy:

بس سؤال معقوله يكذبون الريال كان صادق واشوي بيبكي علينا بس زوجته الي كانت جالسه احذاه شكينا قلنا معقوله فيه مره جذيه كنها حطبه مرتزه مايبين عليها انها مره من بنيتها وطريقه جلستها 000عموما الله اعلم بالخفايا ويلا دفع بلا

[fhd4]

ما عندك مشكلة ... قوله حياك أخوي أقرب محطة وأنا اصب لك بترول بنفسي ... بعدين خلينا نسمع عذره ...

[fhd4]

العشرين او الخمسين لاراح تزيد فيني ولاتنقص اعطي على نيتي وهو على نيته ولاتنسون سالفة الي تصدق على زانيه وغني وحرامي..


1355 حدثنا أبو اليمان أخبرنا شعيب حدثنا أبو الزناد عن الأعرج عن أبي هريرة رضي الله عنه أن رسول الله صلى الله عليه وسلم قال قال رجل لأتصدقن بصدقة فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد لأتصدقن بصدقة فخرج بصدقته فوضعها في يدي زانية فأصبحوا يتحدثون تصدق الليلة على زانية فقال اللهم لك الحمد على زانية لأتصدقن بصدقة فخرج بصدقته فوضعها في يدي غني فأصبحوا يتحدثون تصدق على غني فقال اللهم لك الحمد على سارق وعلى زانية وعلى غني فأتي فقيل له أما صدقتك على سارق فلعله أن يستعف عن سرقته وأما الزانية فلعلها أن تستعف عن زناها وأما الغني فلعله يعتبر فينفق مما أعطاه الله .


توكلوا على الله تصدقوا واعطوا والنيات الله اعلم بها الا ان كنت متأكد 100% ان الي امامك مش محتاج وتحط في ذمتك فالامر يختلف .

جزاك الله خيـــر ... الصراحة كلام ولا أروع ... والحديث أول مرة أسمعه ...