حديقة المنزل

[سالي 123]

عندنا حديقه اصغيره فى البيت موكبيره وايد ابي اخذ لها احواض الى تجي مستطيله وابي احسن محل يبيع شتلات اقريب من الريان واسعاره زينه :)

[وهم قطر]

مرحبا سوال الحديقه مساحتها حشيش ولا بلاط ؟
كم متر مربع مساحتها ؟
هل كانت من قبل قديمه ولا توكم عاملينها ؟

على فكره مافي اي مشتل قريب من الريان لو تروحين قريب من السوق العماني في مشاتل كثيره وفيها الاحواض الي تبينها بجميع الاحجام والاشكال

[السد]

اعتقد ان هناك شركة على ما اتذكر قريبة من دوار الفروسية
الشركة العربية الزراعية

[النهار]

مشاتل عندك سوق المركزي اسعارهم رخيصه الي تبونه موجود وفي سوق عمان بعد

[sulai6i]

الأحواض المستطيلة سعرها غاااالي

اتذكر كانت الحبة تنباع على 400 ريال


اذا لقيتي شي رخيص قولي لنا من وين شريتيه

وبالتوفيق

[المـــــ$$$ـــــتثمر]

بالنسبة للشتلات والنخيل
أخبر فية مكان خاص حق البلدية والزراعة موب متأكد بالضبط (( المهم هو مكان تدعمة الحكومة ))
ويوزع الشتلات والنخيل بأسعار رمزية للغاية ,, إنطلاقاً من مبداء (قطر خظراء)
حتى كيفية التوزيع أو البيع ما عندي علم فيها
((المهم أني شفت بيت واحد من الربع وحاط حديقة فيها نخيل وأشجار ,, ماخذها من نفس المكان ,, بس بصراحة ما دشيت وياه في التفاصيل))


المهم راح تحصلين أنواع كثير مثل الورود أو الشتلات الصغيرة والنخيل وبعض أنواع الأشجار

آسف لأني موب عارف المكان بالضبط أو اسم المكان
لو تسألين عنة أكيد فية أحد يعرف عن هذا المكان ,, تأكدي وروحي وشوفي الأنواع الموجودة عندهم
أكيد راح تعجبج أشياء كثيرة عندهم

أما الأحواض كما ذكر الأخوان ,, خلف السوق العماني جهة الشرق
كل ما يخص الزراعة ستجدينه هناك (حتى عملية تأسيس الحداق وأنظمة الري هناك)

[q6ryah]

اختي من باب المساعده وعلى حسب خبرتي سنه كامله وانا الف بالدوحه على احواض للزراعه


احلى شي في مشاتل اللي بالسوق المركزي لو كانت غاليه بس شغل عدل متانه وجوده

وبعد في كبيره بس ماجربت جودتها في محلات هوم ار اس اللي بحياه بلازا


وكذلك تحصلين في دوحه ستي كبار بس اغلبها بلاستيك


وانا اشوف ادفع بالزين مره وحده احسن من اشتري رخيص وردئ

ونصيحه اخت


لاتشترين احواض لحد ماتقررين شكل تصميم الحديقه ونوع الشتله


لانه كل نوع وله حوض مناسب

وخذيت من الرونق احواض خشب خيال شكلها

تصلح لنباتات الزينه الداخليه

والسوق العماني ارخص بوااايد للشتلات عن تجربه

اما بالنسبه للمشتال القريبه ماعندي خبره الا بمنطقه ازغوى في مشتل


وفي منطقه الدحيل خوش مشتل توه فاتح حتى الاصايص عنده روعه

هو ق يب من مجمع الواحه اعتقد جذيه اسمه