تسجيل الدخول

مشاهدة النسخة كاملة : نوكيا 9300 الي يعرف كيف اشبك منه على الانترنت تكفووووووون


عالي الغيم
08-03-2006, 08:01 PM
السلام عليكم ورحمة الله وبركاته :(
امس شريت نوكيا 9300 على اساس ادخل منه على المجموعه

مارضى يشبك حتى على كيوتل حاولت ادور ضبط الويب زي التلفون الي قبل كنت اختار كيوتل في التهيئه وخلاص يروح اي عنوان ويب احط له,,, هذا ابدآ ما عرفت له وماسك دليل الاستخدام واسوي زي ما كاتبين بدون فايده
ماعرفت ارسى على بر .يطلع لي
(GPRS requested service option has not been subscribed to)

انا مشترك في خدمة كيوتل GPRS وكانت شغاله على التلفون الي قبل.
الحين ابي حد يرشدني طريقة اعدادت ضبط الويب ايش اسوي ولا اذا حد يعرف محل تلفونات او كمبيوتر احسن واسرع اطرشه لهم يظبطونه واذا ممنوع وضع اسامي محلات ممكن حد يرسل لي على الخاص تكفون,, :looking: ولا اوديه كيوتل او الوكيل مب عارف وين اطق براسي ابيهم :con2: يضبطونه لي بحيث الانترنت يكون شغال فيه على طول احط اي عنوان واكبس Go وويشبك طوالي
:deal:
المحل الي شريت منه الجوال مايعرف يضبط الاعدادات وقالي شوف الكتالوج قص علي . :anger2:
ومشكورين احسنتم وجزاكم الله الف الف الف خير.
قطري مغامر
08-03-2006, 08:19 PM
اللي اعرفه الله يسلمك ان كل جوال له رسالة تكوين يعني كلم كيوتل يطرشون لك مسج ثاني وبعدين راسل المجموعة هذا اللي اعرفه ان الخدمة على رقم الهاتف والتلفون نفسه ونوعه
Qatari 1980
08-03-2006, 09:22 PM
أخوي اتصل 125 وراح يفيدونك

عطهم نوع التلفون وموديله وانشاء الله راح يعطونك الاجراءات كامله

بس ترى راح تصيد الخط بصعوبه
عالي الغيم
08-03-2006, 09:25 PM
مشكورين ماقصرتوا جزاكم الله خير
آخر حبه
08-03-2006, 10:45 PM
مرحبا اخوى اشحالك

بخصوص دش على خيار اعدادات النت جيبي ار اس

واكتب عنوان كيوتل www.qtel.com

وعطه نكست لين يعطيك اوكى وبعدها سو ريستارت لتلفون

وراح يشبك عندك واى استفسار انا حاظر
عالي الغيم
09-03-2006, 06:02 AM
هلا والله يالغالي جعل ربي يسلمك والحين بحاول اسوي الي قلتلي عليه انا كنت احط قطرنت مب كيوتل دوت كوم :eek2: بس المشكله اعدادات ويب ما تطلع بسهوله نفس الموديلات الثانيه
كان هو يعرض عليك اسامي الشركات الخليجيه وكان من بينهم كيوتل اختاره وخلاص يشتغل تمام التمام زي العسل تحط اي عنوان ويب ويروح :nice:
لكن هذا شوي فيه تعقيدات بسيطه وان شاء الله تتيسر ويمشي الحال شورك وهداية الله .

مشكور ماقصرت يالغالي جزاك الله خير . :)
bo_hamad
09-03-2006, 06:04 AM
الله يوفقك اخوي
عالي الغيم
09-03-2006, 06:06 AM
جعلك تسلم يا بوحمد ويوفقك ويوفق الجميع يارب .
Qa6ar
09-03-2006, 07:47 AM
صباح الخير

اذا ضبط التلفون ولا باقولك شتسوي

<<عنده نفس التلفون
عالي الغيم
09-03-2006, 11:12 AM
Qa6ar هلا بك تسلم يالغالي
لا والله ماظبط معي مع اني كلمت 125 كيوتل

وقالو لي بعد ما ادخل على اعدادات المتصفح احط جديد واكتب

اسم اعدادات الانترنت qtel
بعدين نيكست واحط web.qtel في اسم نقطة الوصول الى الخدمه

سويت مثل ما دلوني وجربت اروح عنوان ويب :anger1: ياخي يقولي تم قطع الاتصال :court:

بس واحد من الربع كلمهم يقول الخدمه اليوم شغاله عند ناس وناس يعني ممكن المشكله من عندهم مدري اعداداتي غلط بصبر لين بكره وبشوف.

اخي العزيزQa6ar على كل حال اذا تقدر تساعدني جزاك الله خير واذا ماتقدر بعد جزاك الله خير وشاكر مرروك وردك وشاكر جميع المشاركات ماقصرتو جزاكم الله ألف خير
Qa6ar
09-03-2006, 11:41 AM
يمكن الخدمه ماشتغلت عندك

على العموم انا حاضر باللي تبي انت وغيرك وتأكد ان اي احد يقدر يساعد مايقصر

وهذي اميلي اخوي

Qa6ar@hotmail.com
عالي الغيم
09-03-2006, 01:33 PM
مشكور كفيت وفيت وكلكم ماتقصرون تسلم
BURBERRY
10-03-2006, 09:58 PM
يا الربع انا عندي نفس المشكله و ابي مساعدتكم
عالي الغيم
11-03-2006, 03:08 PM
هلا اخوي العاشق المحروم
انا مشى الحال اشتغل عندي
اذا عندك 9300 نوكيا

ادخل على اعدادات المتصفح حط جديد واكتب

اسم اعدادات الانترنت qtel
بعدين التالي واحط web.qtel في اسم نقطة الوصول الى الخدمه
وباقي الاشياء خلها زي ما هي لا تغير بها
واذا ما مشى الحال اتصل 125 وبيحلونها لك في ثواني بس طبعآ بعد ما ترن على الخط لين يردون عليك :funny: .
BURBERRY
11-03-2006, 03:20 PM
سويت مثل ما قلت .. بس يقول تم قطع الاتصال

شكلي لازم اتصل 125

يعطيييك العافيه
عالي الغيم
11-03-2006, 03:54 PM
هلا الغالي انا اول يوم كان يقولي تم قطع الاتصال وكانت المشكله من كيوتل
ويوم الجمعه مشى معي وشغال الان من احسن ما يكون
الله يعينك.
سلام :nice:
BURBERRY
11-03-2006, 07:17 PM
اتصلت لهم اليوم و قلت لهم عن المشكله قالو لي انت مب مشترك في خدمة جي بي ار اس مع اني كنت مشترك و كنت اشغل النت على جوالي القديم .. مادري شفيهم هالكيوتل .. :court:

المهم ان شاء الله بيشتغل بعد 24 ساعه .. :app:
عالي الغيم
11-03-2006, 09:24 PM
:app: :app: مبروووووووووك :app: :app:

كيوتل والاجر على الله (كيوتل يقرب كل بعيد):funny:
falconer69qa
14-03-2006, 12:07 PM
السلام عليكم جميعا
انشاء الله اقدر اساعدكم
كل شخص يملك تلفون نوع نوكيا ايان كان الموديل ممكن يشفلة من غير الرجوع لكيوتل او كتاب المساعدة

1 يدخل موقع نوكيا على هاى اللنك http://europe.nokia.com/nokia/0,,71993,00.html
2 يختار من الصفحة الاختيار الاول Mobile browsing (WAP/GPRS settings)
Multimedia messaging (MMS settings)
Internet access point (Internet settings
بتفتح لة صفحة جديدة صغيرة الحجم يختار موافق
3 هنا يختار نوع موديل تلفونة الى من النوكيا مثلا فى 9300
4 يختار البلد الى هوة فيها اى قطر
5 بيطلع لة رقم مكتوب بطريقة مائلة يحط فى المربع الاعلى رقم السيكورتى الى طلع لة هوة رقم من اربعة اعداد وفى الاسفل مربع اخر فى +بس يطبع رقم تلفونة مع فتح خط قطر مثلا 9745xxxxxxويغط نكست
5 بيطلع لة رقم من ربع خانات يكتبة على ورقة وخلال اقل من 30ثانية بتوصلة رسالتين على تلفونة من يفتحهم بيطلب رقم الكود الى كتبة على الورقة يحطة فى الرسالة وخلاص الجهاز بيضبط نفسة بطريقة اتوماتيكية
اتمنى واضحة الفكرة تحياتى للجميع ويوم سعيد
ام وجدان
14-03-2006, 08:54 PM
شكرا على المساعده . . .

عندي استفسار . .

كل خمس ثواني تطلعلي رساله مكتوبه

( السماح لتطبيق المجموعه باستخدام الشبكه وارسال او استلام البيانات )

لا . . . . . . . . نعم

اذا حطيت لا . . . يكون الأتصال مقطوع

واذا نعم . . .يكون الأتصال مفتوح

في كل الحالتين تطلعلي هاي الرساله

وشو الطريقه ازالتها على طــول .
غشيم121
14-03-2006, 08:59 PM
اعتقد الاخوان افادوك في الرد بس نسوا الله هدهم يقولون لك
مبروووووووووووووووك عليك الجوال الجديد





:eek3: :eek3: جوالي قد يم :eek3: :eek3:
falconer69qa
15-03-2006, 12:59 PM
السلام عليكم
بالنسبة لتطبيق المجموعة ما عندى اى فكرة اختى الرجاء سؤالهم فى المجموعة
المعلومات الى حطيتها هية لضبط كل انواع النوكيا بشكل عام
اسف ما قدرت افيدك
موفقة
عالي الغيم
16-03-2006, 01:31 AM
falconer69qa :app:
مشكوووووووور جزاك الله الف خير معلومات مهمه وقيمه ومريحه :) مشكور مره ثانيه.
عالي الغيم
16-03-2006, 01:38 AM
روابط لمواضيع مهمه بخصوص التداول عن طريق النت والجوال (المجموعه)

قلت احطهم لكم هنا علشان ما تتعبون وانتم ادورون. :nice:

الموضوع الاول مهم جدآ وله صله بل استفسارات الي في هذا الموضوع وانصح الكل يطلع عليه (http://www.qatarshares.com/vb/showthread.php?t=35776)


الموضوع الثاني شرح تفصيلي لتعامل مع المجموعه برسايل القصيرهsms (http://www.qatarshares.com/vb/showthread.php?t=34669)
blackjacket
16-03-2006, 01:52 AM
كم تكلفه الساعتين و نص ؟
falconer69qa
16-03-2006, 08:32 AM
السلام عليكم
تسلم اخوى عالى الغيم هاى من لطفك وانشاء الله دوم عالى
يوم سعيد
عالي الغيم
16-03-2006, 10:11 AM
هلا والله وعليكم السلام ورحمة الله وبركاته تسلم يا عزيزي falconer69qa
الله يعزك ويحفظك دنيا وأخره مشكور على الدعاء الجميل . :)
to7a
19-03-2006, 12:10 PM
شكرا على المساعده . . .

عندي استفسار . .

كل خمس ثواني تطلعلي رساله مكتوبه

( السماح لتطبيق المجموعه باستخدام الشبكه وارسال او استلام البيانات )

لا . . . . . . . . نعم

اذا حطيت لا . . . يكون الأتصال مقطوع

واذا نعم . . .يكون الأتصال مفتوح

في كل الحالتين تطلعلي هاي الرساله

وشو الطريقه ازالتها على طــول .


من القائمة الرئيسية للجوال:
1- ادوات
2- لوحة التحكم
3- ادارة البيانات
4- مدير التطبيق
5- برامج مثبتة
6- اختيار تفاصيل المجموعة
7- تراخيص الشبكة
8 - دخول الاى الانترنت قومي بالتعديل عليها واختيار جلسة
9- كذلك تنفيذ التطبيق اليا والاتصال المحلي كلاهما يجب ان يكون جلسه
**************وبالله التوفيق ***************