سوال للاخوات الفاضلات

[الوجبه]

السلام عليكم

اللي منكن دخلن مراكز دعويه نسائيه ... ايش المطلوب فيها .. يعني هل تحتاج غرفه

او استقبال او مكتبه ..

للعلم .. عندي مكان جاهز قبل رمضان

المساحه : 55 طول * 40 عرض .. امكانيه الزياده

امكانيه وضع 4 غرف

حمام وانتم بكرامه

على طريق رئيسي



مطوع موجود لتدريس الاطفال نهارا وعمل حلقات ذكر وزوجته ايضا موجوده لنظافه المسجد

واستقبال النساء ليلا في حال استقبال احد الداعيات ..

المركز خاص .. ولا يتبع اي جهه

السوال ...

فيه اشياء مطلوبه من الداخل .. لاني ما دخلت مراكز دعويه للنساء ..

ارجو من عندها افاده تخبرني .. وشكرا مقدما

[هتـان قطر]

جزاك الله خير اخوي الوجبة على ما فكرت به وان شالله يتحقق الهدف اللي تسعى له

بس ممكن توضيح اكثر..

المركز بيكون مبنى خاص والا غرفة في مسجد..؟

ثانيا انت تبي مركز للتحفيظ او فقط مكان يتم فيه عمل ندوات ومحاضرات..؟

ثالثا هل انت محتاج داعيات او محفظات وموظفات استقبال..؟

اتمنى توضح اكثر لان الامر محتاج عمل وبحث وخطة

[ولد الخال]

هل هدفك دعوي

أم هدفك ربحي وتجاري

يرجى التوضيح كي نتمكن من الرد

[الوجبه]

مبنى خاص اختي هتان .. مساحه جيده ..

مش مشكله عندي الداعيات اختي لانهم بيجون بدعوه وانا برتي هذي الامور ..

بس ابغي اعرف من الداخل شلوووووون ايش المواصفات المطلوبه .. يعني الحريم مثل المساجد عندنا

ولا لهم مثل الجلسه او المساند للظهر .. ابغي من دخل يعطيني الاشياء الموجوده

وشكرا هتان

دعوي اخوي ..

[غزلان]

جزاك الله خير

اظن تقصد الديكور من الداخل؟

يعني تجهيز المكان من شنو يتكون؟

[الوجبه]

لالا .. اقصد المداخل وطريقتها .. يعني مداخل الباب .. و ويين مكان وانتم بكرامه النعل او الملابس مثلا

يعني تفاصيل

هل فيه امور خاصه لهم بالداخل نوفرهاااا

[..الاميرة..]

الله يجزاك خير اخوي وفي ميزان حسناتك ..

للأسف ما اقدر افيدك لكن البركه في البقيه ..

[اهل قطر]

عند الكثير من الناس يسوون المكان داير ما يدوره جلسه
الناس تتعب من جلسة الارض
ويكون طبعا مفروش
لو وقت صلاة يصلون في الوسط
الله يكتب اجركم

[تحداني]

.. ان كان المركز للنساء فقط .. فهو من الأفضل ان يكون على الشكل التالي ..


.
.
بوابه المركز يجب ان تكون مزوده بسماعه خارجيه بحيت من يستفسر عن اي شئ
من الرجال وأولياء الامور خاصه اوقات الانصراف فيكون ذلك كله عن طريق السماعه الخارجيه ..

.
.
بدايه المدخل من الضروري ان يكون هناك استقبال ..
ومن الافضل ان تجيد اللغه الانجليزيه ايضا ..


بعد الاستقبال يمكنك تقسيم المكان على عدد غرفتين .. غرفه لدرورس التجويد والترتيل
وغرفه للحفظ



غرفه ايضا خاصه لأطفالهم لان البعض من النساء لا تجد احدا يهتم بأبنائها
ولا يمنع من توفير مدرسه مختصه برياض الأطفال

.
.

ان كانت هناك صاله كبيره فجميل ان تستغلها للمحاضرات
او اي نشاط خيري ..


لا ادري هل استطعت فهم المطلوب ام لا


جملك الله برضى الرحمن
وكتبه في ميزان حسناتك

[ولد الخال]

هل هدفك دعوي

أم هدفك ربحي وتجاري

يرجى التوضيح كي نتمكن من الرد

[صمت 1]

السلام عليكم

اللي منكن دخلن مراكز دعويه نسائيه ... ايش المطلوب فيها .. يعني هل تحتاج غرفه

او استقبال او مكتبه ..

للعلم .. عندي مكان جاهز قبل رمضان

المساحه : 55 طول * 40 عرض .. امكانيه الزياده

امكانيه وضع 4 غرف

حمام وانتم بكرامه

على طريق رئيسي



مطوع موجود لتدريس الاطفال نهارا وعمل حلقات ذكر وزوجته ايضا موجوده لنظافه المسجد

واستقبال النساء ليلا في حال استقبال احد الداعيات ..

المركز خاص .. ولا يتبع اي جهه

السوال ...

فيه اشياء مطلوبه من الداخل .. لاني ما دخلت مراكز دعويه للنساء ..

ارجو من عندها افاده تخبرني .. وشكرا مقدما

جزاك الله خير وفي ميزان حسناتك

بس لو تكرمت في اي منطقه اذا المكان قريب

انشاالله الاهل والعيال اول المشاركين اذا الله راد

[الوجبه]

قبل رمضان باذن الله بيكون جاهز ..

اخوي ولد الخال .. دعوي .. بس ما يمنع مساهمه الاخوات

تحداني .. هذي الملاحظات المطلوبه .. ما قصرتي

صمت .. بيكون فيه اعلان في الصحف اختي .. الحين جالسين نجهز المكان ,,

[الغيداء]

الله يجزاك كل خير أخوى الوجبه
أرّبه حذانا علشان نشارك فيه:nice:

[هدهد سليمان]

بميزان حسناتك بإذن الله اخوي الوجبه وتقبل الله سلفا .. ولو بغيت كتب الاوقاف يمدونك بكل شي .. وناطرين بعد الوعد بكسر الاسعار :)

[الوجبه]

ما اعنقد .. انا متعمد اسسته لان المكان اصلا يحتاج

[هتـان قطر]

مبنى خاص اختي هتان .. مساحه جيده ..

مش مشكله عندي الداعيات اختي لانهم بيجون بدعوه وانا برتي هذي الامور ..

بس ابغي اعرف من الداخل شلوووووون ايش المواصفات المطلوبه .. يعني الحريم مثل المساجد عندنا

ولا لهم مثل الجلسه او المساند للظهر .. ابغي من دخل يعطيني الاشياء الموجوده

وشكرا هتان

دعوي اخوي ..


شوف اخوي الوجبة ان كان الهدف من المبنى هو اقامة محاضرات فالافضل

انه يكون استقبال وصالة كبيرة وحمام الله يعزك..طبعا الاستقبال في الواجهة

ويكون مقابل لها الحمام الله يعز القراء..وبعدين تكون القاعة وتكون ماخذه

المساحة الاكبر من المبنى..وتكون مفروشة وتحتوي على كراسي على جوانبها

للي ما يقدرون على جلسة الارض..وطبعا بتكون المحاضرات على شكل حلقة..


اما ان كان الهدف هو فصول دراسية ..فيقسم المبنى الى اربع فصول واستقبال

وحمام وانتوا بكرامة..مجهزة الفصول بكراسي للدارسات وطاولة للمدرسة

وسبورة..

وياليت تحط لنا المخطط ومساحته علشان نقدر نحط التقسيمة المناسبة<< تحولت الى مهندسة مباني..:)

[Northman]

اسال الاهل اكيد بفيدونك

[Toomy]

ولا تنسى تمد جهاز الداتا شو و شاشات كبيرة للعرض و جهاز ديفيدي و تليفزيون مثبتين لو حد حاب يعرض شي بدون ما يستخدم الكمبيوتر و ستاندات للعرض و ستاند خشب مثل اللي يوقف وراه الخطيب مع مايك مكتبة للكتب الدينية و الكتيبات الدعوية , في المدخل ممكن مكان لوضع الاحذية وانت بكرامة و ما يمنع وجود كافيه صغير بس خفايف سندويتشات و مشروبات فقط علشان ما حد يخيس المكان و مغاسل للوضؤ في الحمامات .

[الوجبه]

انا حتى الان اختي عندي في يدي 44 طقل ..

اما النساء حتى الان اعدادهن كبيره ..

شاكر للجميع المشاركه

[منهم وفيهم]

بارك الله فيك

[أوراق]

غرف الحفظ أوالتجويد كلها
بكراسي بو طاوله على شكل حلقة
+المدرسة لها طاولة
+ سبورة

اما قاعة المحاضرات
كراسي صفوف صفوف
+منصه عليها طاولة للداعية ومايكرفون وسماعات
+واللوحة البيضة للعرض اذا حد يبي يعرض شي
+وداتا شو
+وحاجز اذا بتيبون شيخ للنساء يحاضرهم موجود في ( الرونق ):secret:


كفتريا صغيرة فيها كافيات وجبسات.. والخ
ممكن وضع براد ماء


في الاستقبال
الطاولة الكبيرة المدورة للاستقبال
اله تصوير(اذا المحاضِرة حبت تصور شي وتوزعه او طباعة اعلانات الخ)
+ بعض الكراسي للاستراحة او اللي تبي تنتظر سيارتها ..


ولا ننسى المصاحف في الصفوف


هذا اللي يحضرني
جزاك الله خير
والله يبارك فيك

[الأصيلة]

اولا المركز يحتاج إلى مديرة ذات خبرة وميزانية خاصة ومدرسات تقوم المديرة باختيارهن حسب مواصفات معينة ويتم اختبارهن من قبل الوقاف...
ومكان خاص للإدارة
ووضع خطة استراتيجية واهداف واضحة ورؤية خاصة بالمركز يتم من خلالها تحقيق هذه الأهداف...
كما يحتاج إلى عاملة للتنظيف
حبذا لو قسمته على مجموعة الأميات ومجموعة المتعلمات ومجموعة للأطفال
حسب إمكانياتكم...والدراسة تكون برسوم رمزية لا تزيد عن الـ 200 ريال للشخص طول الدورة 3 شهور
لأن المجاني يساعد على التغييب والإستهتار...
وياليت تاخذ لفة على المراكز لأخذ الأفكار...
الله يجازيكم خير يارب

[واحد ثقة]

لا حاجة للسؤال هنا ومن المفترض التنسيق مع وزارة الأوقاف - إدارة الدعوة -

ولديهم قسم نسائي بحت وهم أهل خبرة في مثل هذه الأمور ومتعاونون جداً ،،