الفزعة مشروع ب 400ألف تقريبا

[المستثمر الصغير88]

السلام عليكم يا جماعة الخير:

أبي فزعتكم في استشارة ونصيحة لخوكم المستثمر الصغير......


عندي رأس مال بشراكة شخصين حوالي 400 ألف ريال والمشكلة أني احترت وايد حد يقولي تمور واللي يقول بورصة ,حلويات,أزهار جت سكي (ما أدري بالنسبة للترخيص يعطون ولا لاء),الخ...

ياليت مشورتكم أبغي فكرة مشروع وياليت يكون متميز.


جزاكم الله خير الجزاء.

[الجبهان]

هلا اخوي

عندي لك الشئ الطيب ,,

ارسلي رقمك ع الخاص

[qatar-2022]

بالتوفيق..

[قطراوي للأبد]

والله ياخووي

نصيحه

اذا انت ناوي على محل !!

شوف لك نشاط من هالثلاثه

سيارات .. أكل .. مستلزمات نسائيه


شبابنا ماشاء الله اي شي للسيارات يبونه !!

والأكل العالم يمشون وياكلون يامال العافيه p=

والحريم تعرف مشترياتهم انت ;)

بس هالله هالله فالأمانه والأخلاص والأسعار

وان شاء الله ربي بيوفقك

ادرس المشاريع عدل !!! ولاتستعجل بشي

والله يوفقك

[الريتاج]

بورصه لالالالالالالالالالالالالالالالالالالالالالالالالا لالالالالالالالالالالالالالالالالا
انا خسرت فيها فوق المليون ريال

[شموخ دائم]

,

,



مرحبا اخوي


والله الدخول الان بالسوق له مخاطر

وكل الشركات والمحلات تشتكي من انخفاض الارباح

وانا والعالم الله ابي لك الفايده وخايف راس مالك يتناقص لا سمح الله

واحاول ادلك على اقل ضرر ممكن يحصل ومن ثم الفائده لك ان شاء الله

اسعار الاراضي نازله كثير بكل المناطق

انصحك تشتري لك في منطقه عليها طلب

وتنتظر سنه قدام وباذن الله تربح فيها الي الله قاسمه

وفكر زين اخوي الغالي الدخول بمشروع سهل

ونجاح المشروع محتاج جهد كبير وشخص فاهم يديره

راس المال نص الطريق والنص الاخر هو الشخص المناسب الي يدير المشروع

وهذا هو النصف الصعب

والله يبارك لك في حلالك


,

,


اخوك


شموخ دائم

[BigBrother]

,

,



مرحبا اخوي



والله الدخول الان بالسوق له مخاطر


وكل الشركات والمحلات تشتكي من انخفاض الارباح ( والخسائر)

وانا والعالم الله ابي لك الفايده وخايف راس مالك يتناقص لا سمح الله

واحاول ادلك على اقل ضرر ممكن يحصل ومن ثم الفائده لك ان شاء الله

اسعار الاراضي نازله كثير بكل المناطق

انصحك تشتري لك في منطقه عليها طلب

وتنتظر سنه قدام وباذن الله تربح فيها الي الله قاسمه

وفكر زين اخوي الغالي الدخول بمشروع سهل

ونجاح المشروع محتاج جهد كبير وشخص فاهم يديره

راس المال نص الطريق والنص الاخر هو الشخص المناسب الي يدير المشروع

وهذا هو النصف الصعب

والله يبارك لك في حلالك


,

,


اخوك


شموخ دائم



هذه النصيحة
والانتظار افضل حتى تتحسن اوضاع السوق

بالتوفيق

[بـن عدوان]

المشكلة اذا دخلت في العقارات لازم تنتظر، وانت تبي شي يكون فيه مدخول شهريا ..

فكرت في مغسلة سيارات ؟

[Dana’1]

بورصه لالالالالالالالالالالالالالالالالالالالالالالالالا لالالالالالالالالالالالالالالالالا
ومن قلب بعد

[المستثمر الصغير88]

جزاكم الله خير يا جماعة بس ودي اسمع ردود أكثر.....

[درة الكون]

ربنا يوفقك وييسر أمورك ويفتح عليك ابواب رزقه يارب العالمين

[المستثمر الصغير88]

للرفع بارك الله فيكم وين اهل الفزعات ؟؟؟

صدقوني اني في حيرة من أمري !!!! وعشان اكون صريح عندي سيولة 70 ألف والباقي 330 ألف ممكن أمولها عن طريق المصرف

[الخفوق]

الله يكتب لك الخير

[tawareq]

ايش رايك في معرض سيارات على طريق سلوى اذا لك خاطر


او كراج تريلات في الصناعية

والله يوفقك

[المليونير الفقير]

عندي مشروع حلو وراس ماله مب وايد واذا الله وفق يدخل ذهب

[فلفل حار]

ماقدر آفيدكـ بشي معيـن بس عندي لك نصيحيتين ...


حاول قدر الامكان آنكـ تبتعد عن سوالف الشيكـات (ياما ناس آنسجنو عليها)
طبعاً الشيكات بالتجاره بتكون موجوده بس حط ضمانات عليها ولاتضغط على نفسكـ ...

يعني بالعربي لاتطمــع ... :tease:
ثاني شي فكـر بمشروع جيـد وسو له دراسة جدوى لتعرف التكاليف كامله من وإلى ...
وآذكـر في موضوع بقسم السوق شايفه من زمان بشخص يسويلكـ هالدراسات بـآسعار رمزيه ...
(بشوفه لكـ)





وآهم نقطه خل تجارتكـ بغرض حلال وربي يباركـ لك ويتسهل دربكـ ...
والله يوفقكـ ياخووي ... :)

[قطرٍي]

تبي نصيحتي ابتعد عن الرباالربا حرام بالقران والسنة ، أما القران فقوله : ( الَّذِينَ يَأْكُلُونَ الرِّبَا لا يَقُومُونَ إِلا كَمَا يَقُومُ الَّذِي يَتَخَبَّطُهُ الشَّيْطَانُ مِنْ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا فَمَنْ جَاءَهُ مَوْعِظَةٌ مِنْ رَبِّهِ فَانتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُوْلَئِكَ أَصْحَابُ النَّارِ هُمْ فِيهَا خَالِدُونَ (275) يَمْحَقُ اللَّهُ الرِّبَا وَيُرْبِي الصَّدَقَاتِ وَاللَّهُ لا يُحِبُّ كُلَّ كَفَّارٍ أَثِيمٍ) ، وثبت عن جابر رضي الله عنهما أنه قال : ( لعن رسول الله صلى الله عليه وسلم آكل الربا وموكله وكاتبه وشاهديه ، وقال هم سواء )

وماعليك مافي شي اسمه اسلامي وغير اسلامي اخر شي كلهم بياخذون عليك فايده والطرق الاسلاميه
الي يتبعونها اشدراك انها صحيحه بالاصح يلف ويدور عشان يصحح شي حرمه ربك ورسوله
صدقني شوف لك تجاره بالسبعين الف الي عندك وفيها بركه ان شاء الله
وماتدري يمكن السبعين الف هاذي ربي يبارك لك فيها عشانك خليت الربا عشان ماتعصي امره
وتصير ابرك من مليون وتكسب شي ماكنت بتكسبه بالسلف

صدقني اسأل واحد كانت عليه سلف من البنك وماكان متوفق ويوم سددها ولله الحمد توفق

[ساعي الخير]

أنا عندي لك رأي ... والله يوفقك
أدرس سوق الخضار والفواكه..ب 70 ألف ولا تزيد ( يعني تورّد من بلاد الشام ومن السعودية ) وتبيع في الشبرة ( بالحراج) وتحت إشراف البلدية , وإن شاء الله ستربح وتدعوا لي..

أخوك / ساعي الخير.

[limoOoOony]

بسم الله الرحمن الرحيم
اقول افضل طريقة انك تتحرى للحلال ولو كان مدخوله يسير مثل ماتفضل اخوي قبلي
واتمنى من الله عز وجل ان يفتح لك باب رزق من حيث لا تحتسب انت واخواني المسلمين ان شاء الله..
بس على فكرة ان حبيت تدبر ال 330 .. تقدر تشتري اسهم عن طريق البنك وهاذا حلال
وبعدها بيع هالاسهم في يومها او بعدها بيوم...وبذلك باذن الله تكون تجنب الربا والتمويل عن طريق هالبنك والصدعه
وانا صراحة انصحك تتجنب الاسهم لانها الكبارية هم الي يشغلونها .. صحيح انها تتأثر بالاخبار الخليجية والبورصات العالمية بس مش بكثر ما تتأثر بمضاربة الهوامير..
فابتعد عنها
ثانيا: العقارات يبي لها علاقات وتداخل مع الناس وتعرف القاضي والداني وتكون لك شعبية ومصداقية وهاذا راح يتطلب منك بعض الوقت لين تبني سمعة فالسوق وتصير مرغوب وموثوق من قبل أهل العقارات والأراضي ..
ثالثا: المشاريع الصغيرة صاحبة الدخل المتوسط والي عليها اقبال من الشعب سواء كانت البلاد في ازمة اقتصادية او عاصفة استوائية : المطعم , غسيل وتلميع السيارات , أو مغسلة للملابس ,,, وحاول انك تسوى دراسة جدوى لا تدخل على عماك في أي شي
واستشير اصحاب الخبرة في المجال ,, وتجنب الاراء الهدامة واصحاب الاشوار الضعيفة
يقول الشاعر : لا صار مالك راي يدلــــك,,,,,,خــذ من أشـــوار الرجال دليــــل
أتمنى لك ولاخواني واخواتي التوفيق ولا يحلى لك الربا أو الحلال مهما كثر
وعليك بالحلال وتحريه..
سبحانك اللهم وبحمدك اشهد ان لا اله الا انت استغفرك واتوب اليك

[المستثمر الصغير88]

جزاكم الله خير على التعليقات والنصائح واعذورني على الانقطاع لاسباب خارجة عن الارادة ,,

الصراحة الاسبوع الماضي كنت عند بعض الاهل في الامارات ونصحوني بفكرة محل ضيافة وتجهيزات ما اعرف صرت في حيرة من امري للأسف واتمنى اني القى الحلول في اقرب فرصة ان شاء الله.

[النهار]

جزاكم الله خير على التعليقات والنصائح واعذورني على الانقطاع لاسباب خارجة عن الارادة ,,

الصراحة الاسبوع الماضي كنت عند بعض الاهل في الامارات ونصحوني بفكرة محل ضيافة وتجهيزات ما اعرف صرت في حيرة من امري للأسف واتمنى اني القى الحلول في اقرب فرصة ان شاء الله.

تحمل هذالمشروع مامنه فايده محلات الضيافه والتجهيزات يكشون ذبان من اكثر من سنه
نصيحه مني لك لاني متابع هذالسوق عن قرب

[بروق QTR]

البركه في الحلال وفي رضى رب العالمين..ومثل ما قالوا الاخوان ابتعد عن الربا على اكثر ما تقدر

وربي يوفقك ويسعدك في الدارين.....

[S A L M A N]

الله يوفقك ويعينك على التفكير

ويبيلها شجاعة القرار الي بتاخذه

[بوحمد111]

اخوي المستثمر الصغير وعقبال ما نشوفك مستثمر كبير وعن نفسي انا انصحك بصالون نسائي بموقع متميز مع اني مب تاجر ولا لي بالتجاره حتى الآن وهذه مجرد فكره وانا حاطها بعين الاعتبار بعد التقاعد ان شاء الله ان ادخل في موضوع الصالون النسائي وأهم شي تحصل لك شخص تثق فيه 100% ويفضل امرأه من الأهل والأقارب وتجيب لك حنايات من الهند وخبيرات تجميل من الدول الشرقيه والسبب ان الصالون النسائي له خصوصياته لدخول الصالون وعلى هذا الأساس يفضل ان يكون شريكك حرمه مثل ما قلت لك من الأهل والله يرزقك الربح الحلال

هذا مجرد اقتراح وفالك التوفيق