ابو محمد7
24-05-2010, 09:20 AM
بسم الله الرحمن الرحيم
عندي وجهة نظر حول 3 من مواضيع المنتدى اللي تتكرر بكثرة واستغرب من اراء بعض الناس فيها , انا بحاول اطرح وجهة نظر اكثر من رأي واتوقع ممكن الغالبية تتفق معاي
لازم نحاول نوصل لرأي مشترك لا افراط ولا تفريط والتشدد في اي جانب بالغالب مايوصل للنتيجة المطلوبة , في بعض الاحيان نحتاج الى اللون الرمادي مب يا ابيض يا اسود حسب طبيعة الموضوع طبعا
الموضوع الاول : المخالفات المرورية
الرأي الاول من الناس تشتكي من الحملة اللي صايرة من رجال المرور ومن بعض القوانين
الرأي الثاني يؤيد ويطالب بمزيد من التشدد
انا اشوف ان احنا محتاجين رأي متوسط معتدل في الموضوع مب معقول نطالب بالتراخي في تطبيق قوانين المرور
ومن غير المعقول تأييد اللي صاير ونطالب بزيادة التشديد فهذا شي غريب عجيب ,
كل المطلوب تعديل بسيط بالقوانين
يعني مب معقولة توقف عند دوامك بمنطقة الابراج بالدفنة في مكان دوامك بدون ماتصكر طريق ولاتضايق احد والمكان مافيه شي يبين انه ممنوع الوقوف وتاخذ مخالفة 500 ريال و3 نقاط !
ومب معقولة ان مخالفة الحزام توصل 500 ريال !
ومب معقولة ان بين كل شرطي وشرطي واقف لك شرطي لدرجة انك ممكن تتخالف على الحزام مرتين في نفس المشوار !
ايضا الرادارات الثابتة كافية وتغني عن المتحركة او المخفية يعني مثلا طريق 22 فبراير اللي تم افتتاحه مؤخرا فيه حوالي 6 رادارات او شي جذي تقريبا ومافي مجال كبير للسرعه
ايضا الردارات لازم تكون 100 و120 مب رادارات 60 و 80 !
هذي مجرد امثلة المهم في الموضوع ان احنا نحاول من خلال طرح المواضيع في المنتدى الوصول الى رأي مشترك ومنطقة وسط بين الرأيين
التهاون مرفوض والتشدد مرفوض في المخالفات المرورية
الموضوع الثالث : القروض والديون
الرأي الاول : المطالبة بتسديد الديون
الرأي الثاني : رفض تسديد الديون
ايضا انا ارى ان المطلوب مثلا دراسة حالة حق كل انسان محتاج ونشوف وين سافر اخر 5 سنوات وشنو كان سبب السفر ! نشوف شنو السيارات اللي شراها اخر 5 سنوات ! شنو مصاريفه ومشترياته في هذي الفترة !
وطبعا اهم شي يتم البحث والتدقيق في سبب لجؤئه للديون سفرة علاج مالها بديل مناسب في قطر او بيت للسكن او زواج بسيط غير مبالغ فيه ام سفر سياحي وسيارة فارهة وماركات وكشخة وعرس ب 500 وفوق
على الاقل قبل لانطالب بتسديد الديون والقروض نشوف نتايج هالدراسة
واعتقد لو كانت النتايج تقول (وهذا اللي اتوقعه) ان عدد المحتاجين فعلا مب كبير وايد والمبالغ ايض مجموعها مب كبير وايد هالشي بيدعم موقفهم
الموضوع الثالث : مجرد تحذير وانا ادري ان الاخوان ماقصروا بس حسيت من واجبي اشارك
في التحذير من بعض الاعضاء اللي يحاولون يطرحون افكار واراء خبيثة واحذر حتى من الرد والتحاور معهم لان بعضهم متمكن ومنطقهم في التلبيس والتشكيك فن يتقنه البعض ويمكن بعض الناس اللي على قدهم يتأثرون من هذه النقاشات
اما ان ادارة المنتدى توقف هالحوارات وهالمواضيع فورا بالطرد والاغلاق والا تفتح لها باب خاص وقسم خاص ويكون واضح شنو اللي قاعد يصير يعني تنقل مواضيعهم الى قسم خاص ويتم دعوة متخصصين في الرد على مثل هذا الفكر للرد عليهم الرد المناسب واقامة الحجة عليهم واذكر هنا شخص كمثال فقط واكيد هناك امثلة كثيرة الشيخ محمد العوضي
عندي وجهة نظر حول 3 من مواضيع المنتدى اللي تتكرر بكثرة واستغرب من اراء بعض الناس فيها , انا بحاول اطرح وجهة نظر اكثر من رأي واتوقع ممكن الغالبية تتفق معاي
لازم نحاول نوصل لرأي مشترك لا افراط ولا تفريط والتشدد في اي جانب بالغالب مايوصل للنتيجة المطلوبة , في بعض الاحيان نحتاج الى اللون الرمادي مب يا ابيض يا اسود حسب طبيعة الموضوع طبعا
الموضوع الاول : المخالفات المرورية
الرأي الاول من الناس تشتكي من الحملة اللي صايرة من رجال المرور ومن بعض القوانين
الرأي الثاني يؤيد ويطالب بمزيد من التشدد
انا اشوف ان احنا محتاجين رأي متوسط معتدل في الموضوع مب معقول نطالب بالتراخي في تطبيق قوانين المرور
ومن غير المعقول تأييد اللي صاير ونطالب بزيادة التشديد فهذا شي غريب عجيب ,
كل المطلوب تعديل بسيط بالقوانين
يعني مب معقولة توقف عند دوامك بمنطقة الابراج بالدفنة في مكان دوامك بدون ماتصكر طريق ولاتضايق احد والمكان مافيه شي يبين انه ممنوع الوقوف وتاخذ مخالفة 500 ريال و3 نقاط !
ومب معقولة ان مخالفة الحزام توصل 500 ريال !
ومب معقولة ان بين كل شرطي وشرطي واقف لك شرطي لدرجة انك ممكن تتخالف على الحزام مرتين في نفس المشوار !
ايضا الرادارات الثابتة كافية وتغني عن المتحركة او المخفية يعني مثلا طريق 22 فبراير اللي تم افتتاحه مؤخرا فيه حوالي 6 رادارات او شي جذي تقريبا ومافي مجال كبير للسرعه
ايضا الردارات لازم تكون 100 و120 مب رادارات 60 و 80 !
هذي مجرد امثلة المهم في الموضوع ان احنا نحاول من خلال طرح المواضيع في المنتدى الوصول الى رأي مشترك ومنطقة وسط بين الرأيين
التهاون مرفوض والتشدد مرفوض في المخالفات المرورية
الموضوع الثالث : القروض والديون
الرأي الاول : المطالبة بتسديد الديون
الرأي الثاني : رفض تسديد الديون
ايضا انا ارى ان المطلوب مثلا دراسة حالة حق كل انسان محتاج ونشوف وين سافر اخر 5 سنوات وشنو كان سبب السفر ! نشوف شنو السيارات اللي شراها اخر 5 سنوات ! شنو مصاريفه ومشترياته في هذي الفترة !
وطبعا اهم شي يتم البحث والتدقيق في سبب لجؤئه للديون سفرة علاج مالها بديل مناسب في قطر او بيت للسكن او زواج بسيط غير مبالغ فيه ام سفر سياحي وسيارة فارهة وماركات وكشخة وعرس ب 500 وفوق
على الاقل قبل لانطالب بتسديد الديون والقروض نشوف نتايج هالدراسة
واعتقد لو كانت النتايج تقول (وهذا اللي اتوقعه) ان عدد المحتاجين فعلا مب كبير وايد والمبالغ ايض مجموعها مب كبير وايد هالشي بيدعم موقفهم
الموضوع الثالث : مجرد تحذير وانا ادري ان الاخوان ماقصروا بس حسيت من واجبي اشارك
في التحذير من بعض الاعضاء اللي يحاولون يطرحون افكار واراء خبيثة واحذر حتى من الرد والتحاور معهم لان بعضهم متمكن ومنطقهم في التلبيس والتشكيك فن يتقنه البعض ويمكن بعض الناس اللي على قدهم يتأثرون من هذه النقاشات
اما ان ادارة المنتدى توقف هالحوارات وهالمواضيع فورا بالطرد والاغلاق والا تفتح لها باب خاص وقسم خاص ويكون واضح شنو اللي قاعد يصير يعني تنقل مواضيعهم الى قسم خاص ويتم دعوة متخصصين في الرد على مثل هذا الفكر للرد عليهم الرد المناسب واقامة الحجة عليهم واذكر هنا شخص كمثال فقط واكيد هناك امثلة كثيرة الشيخ محمد العوضي