أفضل قرض إسلامي :.. من وين ــــــــــــــــــــــــــــــــــــــــــــــــــ ــــ !!

[بو الجوري]

السلام عليكم ورحمة الله وبركاته :..

كيف حالكم جميعاً :.. :)

بغيت أستفسر :.. عن أفضل بنك إسلامي أحول راتبي عليه :.. وآخذ قرض شخصي :..
:(
أنا حالياً فالبنك التجاري :.. و ماعليّ قرض والحمد لله :.. :nice:
فقلت باحول راتبي على بنك إسلامي :.. عشان آخذ قرض :.. والله يبعدنا عن الربا :.. :victory:

يا ريت تفيدوني عن الأفضل :.. من ناحية نسبة الربح :.. والمعامله :..

الـمصرف :.. أو الــريان :.. أو الدولي الإسلامي :..

و ماتقصروون مقدما :.. :)





للعلم :.. القرض بيكون من 200 إلى 300 ألف :.. لــتأثيث بيت العمر إن شاء الله :.. :)

[قطري33]

اخوي بو الجوري الله يوفقك ويكتب لك الخير وين ماكان
على خبري كان المصرف الاسلامي هو افضل واحد في القروض في قطر طبعا مب حيث نسبة الفائدة أقــل واللي هي تهمك بالدرجة الاولى
ولكني سمعت قبل فتره قريبه انه البنك الدولي الاسلامي منزل اقل فائدة في قطر على القروض .. هاذا والله اعلم اذا كان هالكلام صج أو لا لاني ماتأكدت .
اتمنى اني تكون افدتك ..

اخوك / قطري33

[Lipton]

اخوي تقدر تتصل للبنوك الثلاثة وتعرف نسب الربح لانها متغيرة اما عن المعاملة فهم افضل من البنوك الربوية وخصوصاا المصرف
وان شاء الله مايقصرون معاك الشباب

[البدع]

البنك الإسلامي لا يعطي (قروض)

هو يشتري لك سيارة

بيت

الخ

اما قرض فلايعطي

وافضل من يعطي هو الدولي الاسلامي بنسبة 2.8%

وهي الاقل في تاريخ قطر

ولكن اذا كنت تبحث عن الخدمة فعليك بالوطني الاسلامي او الصفا الاسلامي

لان الدولي الاسلامي خدمته تعيسه

[بو الجوري]

يعطيكم العافيه جميعاً :.. وما قصرتوا :.. :nice:

لكن أخوي البدع :.. ما فهمت المقصود :.. إن البنوك الإسلاميه ما تعطي قرض شخصي :.. :rolleyes2:

ولا بنك إسلامي يعطي كاش !!! حتى الصفا والوطني الإسلامي ؟:eek5:

[عابر سبيل]

السلام عليكم ورحمة الله وبركاته :..

يا ريت تفيدوني عن الأفضل :.. من ناحية نسبة الربح :.. والمعامله :..

الـمصرف :.. أو الــريان :.. أو الدولي الإسلامي :..

و ماتقصروون مقدما :.. :)





للعلم :.. القرض بيكون من 200 إلى 300 ألف :.. لــتأثيث بيت العمر إن شاء الله :.. :)


و عليكم السلام و رحمة الله وبركاته..
اول شي..قبل ما نبارك لك ع البيت
و الاثاث الفاخر انشاء الله..
نشد على يدك..انك تطلع من البنك التجاري
باسرع ما يمكن...خاصة انك منت بمتدبس معاهم...
و اذا عندك (بطاقات ) ائتمانية معهم..شوف
(بيفكونك) ولا هم بيعطلونك بسبتها
لما تجي تبي تنقل راتبك منهم!
*
*
،،

المهم...
المسألة..بسيطة يا خوي..
و شكلك..انت بتتوهق معانا بسبة موضوعك:omg:

يعني..احسن وسيلة..انك...
اما ..بالتلفون...(الكول سنتر)...
او الاضمن..انك
تروح لكل بنك من البنوك
اللي انت حاب تتعامل معها...
و تاخذ منهم....الحسبة..

لان..المسألة..بتفرق في كل الاحوال..
حسب..الدفعة الاولى اللي بتقدمها
او بيشرطها عليك كل بنك...

و بعدين..المدة..سنه او 5 سنين (زايد قاصر)!

يعني...انت..لازم تكون محدد ..
قبل ماتروح لاي مكان..
كم..ممكن تدفع (دفعه اولى)..
او ما تبي تدفع اي دفعه اولى...
و مدة سداد هالتمويل!

وبعد..ان كنت..تبي تاخذ فترة سماح..
ولا بتدفع على طول...
و اذا انك..يتاخذ الاثاث من مان واحد..
اكثر من مكان...و لا حتى من خارج قطر!!

و و وو..كثيير من الامور اللي هي
لها دور الحسم..في معرفة
اي شروط او تسهيلات...هي الافضل
عند هالبنك او ذاك..

اغلبهم..انهم..بيقولون لك..
خذ تورق..يعني
تشتري..اسهم او سيارة بتمويل منهم..
و اتبيع الغرض.و تاخذ انت الكاش
و تشتري فيه الاثاث..على راحتك!
*
*
،،
في الاخير..انت..بارك الله فيك
كرما منك-لا امرا-

انك..تجينا هنا في المنتدى..
بملخص لهاللفة
او..اذا تحب..تعرض علينا
شروط كل بنك و الاختلافات اللي فيها
و يمكن تبقى محيرتك...
و احنا..هناك..نقدر انفيدك باذن الله!

الريان..ما عندي فكره عنه..
لكن..الدولي و المصرف..
جربتهم اكثر من مره..
هم..متقاربين في كثيير من اجراءاتهم
و حتى نسب ارباحهم...

لكن..اللي يفرق معاك..
اذا تقدر ما تخليهم يجبرونك على دفع
(رسوم) تأمين ع التمويل..
او حتى..بعض مدراء الفروع
يلغون عمولتهم الادارية (فتح ملف)
او شي من هالقبيل!

بالتوفيق يا بو الجوري...

وعساه اثاث جميل و
منزل سعيد و بيت الهنا!

[بو الجوري]

مشكور أخوي عابر سبيل على وقتك :.. :) والله يبارك فيك :..

وبخصوص التمويل :.. يعني اللي فهمته إنهم ما يعطون كاش فاليد :.. :(
لازم أسهم أو سياره :.. أو :... الخ

أنا الصراحه أبي كاش :.. للأثاث والمكيفات واجهزة المطبخ :..

عالعموم :.. إن شاء الله بستفسر من كذا بنك :..
وأنا ما فتحت الموضوع هني إلا عشان آخذ خبرة الأعضاء :.. مثلك وشرواك :..

طيب سؤال :.. شرايكم بالصفا !! :shy:

[Gentleman]

مشكور أخوي عابر سبيل على وقتك :.. :) والله يبارك فيك :..

وبخصوص التمويل :.. يعني اللي فهمته إنهم ما يعطون كاش فاليد :.. :(
لازم أسهم أو سياره :.. أو :... الخ

أنا الصراحه أبي كاش :.. للأثاث والمكيفات واجهزة المطبخ :..

عالعموم :.. إن شاء الله بستفسر من كذا بنك :..
وأنا ما فتحت الموضوع هني إلا عشان آخذ خبرة الأعضاء :.. مثلك وشرواك :..

طيب سؤال :.. شرايكم بالصفا !! :shy:

ممكن كاش باليد عن طريق بنك إسلامي.
يشترون لك أسهم بالمبلغ اللي تحتاجه ويبيعونها عليك وإنت تبيعها في البورصة في نفس اللحظة ويكون الكاش في حسابك في المجموعة. العملية تستغرق دقائق قصيرة.
أعتقد العملية اسمها مرابحة.

[البدع]

مشكور أخوي عابر سبيل على وقتك :.. :) والله يبارك فيك :..

وبخصوص التمويل :.. يعني اللي فهمته إنهم ما يعطون كاش فاليد :.. :(
لازم أسهم أو سياره :.. أو :... الخ

أنا الصراحه أبي كاش :.. للأثاث والمكيفات واجهزة المطبخ :..

عالعموم :.. إن شاء الله بستفسر من كذا بنك :..
وأنا ما فتحت الموضوع هني إلا عشان آخذ خبرة الأعضاء :.. مثلك وشرواك :..

طيب سؤال :.. شرايكم بالصفا !! :shy:

في شيء اسمه تورق

يعطونك فلوس باليد

يشترون لك معدن (المنيوم)

وبعدها يعطونك كاش

بس فيه كلام عليه

[عابر سبيل]

مشكور أخوي عابر سبيل على وقتك :.. :) والله يبارك فيك :..



طيب سؤال :.. شرايكم بالصفا !! :shy:




حياك الله يا (بو فهد):omg::omg:

بالنسبة لاخذ (كاش) جاوبوك اخوانننا الكريمين
البدع و جنتلمان

و انا لمحت لها بشكل سريع في مشاركتي الاولى
و العملية
اسمها (التورق)!
اما عن الفرع الاسلامي للبنك التجاري..
واللي هو (الصفا)
حقيقة...
مالي اي تعامل معهم..
فما اقدر
افيدك عنهم..
انشاء الله..البقية يفيدونك و يفيدونا معاك!

عموما..لا يخليك هالامر..
انه ما فيه اعطاء (سلفة شخصية)
في البنك الاسلامي..
لا يخليك هالامر تتراجع
عن عزمك للتحول من البنك العادي
الى بنك اسلامي..

انت..توكل على الله..و اشتر راحتك..
و راحتك..
الجوري..
و العنود
و اخوهم (فهودي)!


يسالوني..
من وين عرفت
عنه كل هالاشيا..
و اسماء بناته و و "ليده"...


من توقيعه!:secret:

لا حد ايعلم
*
*
،،
و احنا في الخدمة
و في انتظار الاخبار اللي
بتجي منك!

[بو نايف]

انتبه اذا بتروح اي بنك على نسبة الفائده

يقولك 2.8 اخر شي تطلع بس على السنه الاولى بس

ورسوم المعامله لانها متغيره

[حمد 2002]

افضل شي للقروض الاسلاميه بنك الرياان

[Most Wanted]

في نقطه حاسب منها لما تاخذ قرض من بنك اسلامي والكل غافل عنها حاليا الا وهي

لما تاخذ القرض لازم يكون مساومه او مرابحه هني الارباح بتكون ثابته من البدايه راح تعرف اللي لك واللي عليك

حاسب من نظام الاجاره المنتهيه بالتملك هذي العمليه تصير فيها لعبه الارباح ما تكون ثابته وتتغير مع الوقت

وسلامتك والله بوفقك في ما يرضيه

[بو الجوري]

الله يجزيكم خير :.. وما قصرتوا :.

وإن شاء الله بنتبه على النقاط اللي قلتوها :..

[ورقــة أمــل]

انا ماخذه من المصرف الاسلامي

بس يقولون الدولي اقل

[بو خليفه 123]

أخي العزيز ابو الجوري

اولاً ألف مبروك و جعله الله منزلاً مبارك ان شاء الله :)

من وجهة نظر بنكيه :

معظم البنوك متشابهه من ناحية تسعير الفائده و رسوم تسجيل القرض .

بنك بروه مثلاُ فائدته تصاعديه ..

يبتدي ب مثلاص 2% و من ثمن تتفاجىء أن القسط اصبح من 2000 الى 3000 من دون اخطار .

فـ لذلك يفضل اختيار البنوك الثابته من ناحية تسعير الفائده مثل المصرف الاسلامي و الدولي الاسلامي والوطني الاسلامي . و حتى لو اختلفت اسعار الفائده تختلف بـ 500 ريال اكثر او اقل و على المدى البعيد تكون الفائده زياده بـ 5000رق اكثر او اقل . و هنا ايضاً انت تبحث عن جودة الخدمه و شبكة الافرع كـ عدد افرع و ساعات عمل اطول .

بالتوفيق ان شاء الله

[حمد]

في نقطه حاسب منها لما تاخذ قرض من بنك اسلامي والكل غافل عنها حاليا الا وهي

لما تاخذ القرض لازم يكون مساومه او مرابحه هني الارباح بتكون ثابته من البدايه راح تعرف اللي لك واللي عليك

حاسب من نظام الاجاره المنتهيه بالتملك هذي العمليه تصير فيها لعبه الارباح ما تكون ثابته وتتغير مع الوقت

وسلامتك والله بوفقك في ما يرضيه

اشكرك اخوي على هالاضافة المهمه والي يغفل عنها الكثير

الي ذكرته صح 100% وتفسير هذه الزياده كما يذكر مسؤولين البنوك الاسلاميه .... ان البنك شرى بيت ... واجره عليك كعميل للبنك .... وبالتالي ... فأنت تدفع الاجار للبنك ...حتى تمتلك البيت .... وبما ان البنك هو صاحب البيت ... اي انه هو المؤجر .... وانت المستأجر .... فللبنك الحق في رفع الايجار عليك كمؤجر .... وهو يلجا لعملية رفع الايجار ... عند ارتفاع سعر الفائده من قبل مصرف قطر المركزي
اتمنى اني اكون فصلت وفسرت مفهوم الاجاره باسلوب سهل وعامي

[حمد]

بالنسبة لرايي في تعاملات البنوك الاسلامية .... فانا اميل صراحه للصفا الاسلامي .... وذلك لاعجابي بالبنك التجاري كخدمة عملاء ... ولو ان ماعندي احساب في اياهم ... لكن فروعه وخدماته ... اعتقد انها الافضل في قطر .... وان شاء الله في الايام الجايه ... راح انتقل للصفا الاسلامي .... وابتعد عن مايسمى بالدولي الاسلامي .

[السلفي]

شركة الجزيرة للإستثمار جيدة جداً من وجهة نظري للتأثيث .

[ANONYMOUS]

عندك المصرف .. يشتري لك اسهم ونت بيعهم على طول وخذ الكاش وافرش بيتك فيه العافيه

الدولي 2.8 كان عالسيارات مب على اي شي والله اعلم

وترى النسب تتغير بتغير المده في عوامل كثيره .. ولازم تسأل عنها لاتتركها حظ ونصيب


قرض بوسنه غير عن سنتين وهكذا

عشان كذا تسمع النسبه ابتداءا من ... يعني مثلا.. 3% وطالع


والتامين ترى يفرق .. على حسب العمر.. كل ماكنت اصغر كان التامين اقل


في امور كثيره تحكم هذي المعاملات.. لازم تسال عنها

روح كل بنك.. واقعد معاهم نص ساعه اقل شي اسال عن كل شي

وتحمل تخرج عن دائرة المصرف او الدولي

وموفق

[البدع]

للعلم

الودلي الاسلامي حاط نسبة متدنية لفترة محددة

اظن تنتهي في يوليو

وبالتوفيق