كلام من الخاطر .... فضفضه لا اكثر :(

[شموع قطريه]

السلام عليكم ..

.
.
.
.
.

في خاطري كلام وحبيت اقوله لكم لأني حاسه بحزن مهب طبيعي وهالشي والله مسبب لي الضيق لأن المفروض يكون العكس ..

في السابق من كم سنه كانت الوطنيه عندي ضاربة التوب وكانت كل حياتي لونها عنابي .. صج ان قطر في قلبي وفي دمي بس صرت ماحس بشعور الوطنيه مثل الماضي .. كنت في السابق اذا سألني احد وش جنسيتج اقولها بكل فخر قطريه .. الحين صرت اقولها بحزن وأسى وتوجس .. مادري اشصار فيني .. او اتصنع اني مادري شصاير فيني مع اني في الحقيقه عارفه ايش سبب هالشعور لكن ماقدر اطلع اللي في قلبي .. حاسه ان بلادي مب هي بلادي ..ووطنيتي اليوم مب مثل وطنيتي أمس .. آآآه ياقطر ..

اعذروني على هالمشاركه بس حسيت بضيقه وحبيت افضفض لكم ..

[الأصيلة]

السلام عليكم ..

.
.
.
.
.

في خاطري كلام وحبيت اقوله لكم لأني حاسه بحزن مهب طبيعي وهالشي والله مسبب لي الضيق لأن المفروض يكون العكس ..

في السابق من كم سنه كانت الوطنيه عندي ضاربة التوب وكانت كل حياتي لونها عنابي .. صج ان قطر في قلبي وفي دمي بس صرت ماحس بشعور الوطنيه مثل الماضي .. كنت في السابق اذا سألني احد وش جنسيتج اقولها بكل فخر قطريه .. الحين صرت اقولها بحزن وأسى وتوجس .. مادري اشصار فيني .. او اتصنع اني مادري شصاير فيني مع اني في الحقيقه عارفه ايش سبب هالشعور لكن ماقدر اطلع اللي في قلبي .. حاسه ان بلادي مب هي بلادي ..ووطنيتي اليوم مب مثل وطنيتي أمس .. آآآه ياقطر ..

اعذروني على هالمشاركه بس حسيت بضيقه وحبيت افضفض لكم ..

هذه ضيقة من الشيطان ووساوس..
ليش اش صاير حتى مانفخر بـ قطر ويفخر بها كل ما يعيش على أرضها...
الوطنية الحقيقية ماتتغير ابدا مهما صار وكان
الا الوطنية المزيفة....
وبنبقى نقول جنسيتنا قطري واغلى وأحلى جنسية في الوجود
رضي من رضي وأبى من أبى...
لا مجال للمزايدة...

[نمر بن عدوان]

الوطنيه ماتتغير مهما كانت الاسباب والضروف . ومادري ليش اليوم تحزنين اذا قلتي قطريه . بس اتمنى مايكون السبب مادي لانا للاسف في الفتره الاخيره صرنا ماديين وصرنا نقيس الوطنيه بالماده . ليش ماتعوطنا وليش نقصتوا علينا وليش هذا عنده وانا ماعندي . الوطنيه اكبر من الماديات وحب الوطن لايغيره شيء مهما كان هذا الشي.

[مستوى الدعم]

السلام عليكم ..

.
.
.
.
.

في خاطري كلام وحبيت اقوله لكم لأني حاسه بحزن مهب طبيعي وهالشي والله مسبب لي الضيق لأن المفروض يكون العكس ..

في السابق من كم سنه كانت الوطنيه عندي ضاربة التوب وكانت كل حياتي لونها عنابي .. صج ان قطر في قلبي وفي دمي بس صرت ماحس بشعور الوطنيه مثل الماضي .. كنت في السابق اذا سألني احد وش جنسيتج اقولها بكل فخر قطريه .. الحين صرت اقولها بحزن وأسى وتوجس .. مادري اشصار فيني .. او اتصنع اني مادري شصاير فيني مع اني في الحقيقه عارفه ايش سبب هالشعور لكن ماقدر اطلع اللي في قلبي .. حاسه ان بلادي مب هي بلادي ..ووطنيتي اليوم مب مثل وطنيتي أمس .. آآآه ياقطر ..

اعذروني على هالمشاركه بس حسيت بضيقه وحبيت افضفض لكم ..


عزيزتي

كل القمندة في التوجس هذا..

لأنج ان قلتي انا قطرية فمعناه

لازم تتوقعين معاملة تمييزية ضدج

عكس الأمس لما كانت هالكلمة تفتح الابواب المسكرة

ونصيحة من أخت لج

صلي ركعتين واقري اذكار ما قبل النوم

عشان تطردين هالحزن والأفكار

[روح الاطلس]

عمر الفخر ماكان بالجنسية

الفخر بالاسلام بالعروبه اوكيه

بس فخر باني قطري او بحريني او اوغندي ما احس له معنى

[بوحارب]

فضفضي وكلنا اذان صاغية

انتي دام قلتي هالكلام فهذا يدل على ان حب الوطن في قلبج كبيييييييييييييير

تحياتي

[هاب الريح]

عمر الفخر ماكان بالجنسية

الفخر بالاسلام بالعروبه اوكيه

بس فخر باني قطري او بحريني او اوغندي ما احس له معنى


بأفتخر أني قطري وهذا أحساس في روحي و قلبي و كياني وفخري بقَطريتي
لايقلل بشيء للاسلام والعروبة .

[شعنونة قطر]

افتخر اني مسلمه والحمدلله

[بوخالد2]

حاس فيج يابنت

عجبني توقيع كنت اشوفه قبل بالمنتدى

(( قطر لغير القطرين ))

وصحيح غريب في ديرتي :weeping:

[هاب الريح]

افتخر اني مسلمه والحمدلله


أختي ألآسلام لا يّحرم الولاء للوطن وقيادتة بل ينّبذ الخونة والخائنين

[رحال]

ماكل من يضحك بدنياه مسرور

لوضحكته دايم تحرك حجاجة

وماكل من يبكي من الناس مقهور

بعض الدموع رخاص من شان حاجة

وماكل بيت أنصك مهجور

كم بيت أطفأ الشح واهج سراجة

وماكل من يخطي من الناس معذور

البعض يخطي من علوم العواجة

وماكل من يسكت على الظيم مجبور

لجل الغلا ساكت ويدعي أنفراجة

وماكل من شاور حكيم خذ الشور

بعض البشر مايقتنع الا بمزاجة


أخيرا : الخبز في الوطن خير من بسكويت الأجانب

[كــرت احمــر]

والله مالومج مسكينه مظيومه قبل كنتي ترفعين الحصاه تلاقين قطري من كثرنا واللحين العكس صحيح ترفعين الحصاه تلاقين نيكول وجورج ومدحت وشوكت وديفد وستيفن وجابيكسون وبابا يارو وكبمارو والله يحزززز في نفسي وانا واقف عند احد الاشارات اطالع يمين اجنبي ايسار اجنبي قدامي اجنبي وراي اجنبي اللي ورى وراي اجنبي يه شسالفه وين ؟ هل قطر ماقول الا الله يستر ترى قلبي على قلبج

[شموع قطريه]

الوطنيه ماتتغير مهما كانت الاسباب والضروف . ومادري ليش اليوم تحزنين اذا قلتي قطريه . بس اتمنى مايكون السبب مادي لانا للاسف في الفتره الاخيره صرنا ماديين وصرنا نقيس الوطنيه بالماده . ليش ماتعوطنا وليش نقصتوا علينا وليش هذا عنده وانا ماعندي . الوطنيه اكبر من الماديات وحب الوطن لايغيره شيء مهما كان هذا الشي.

افا عليك ياخوي .. من قال لك ان القطري كل همه الفلوس !! ومن قال لك ان القطري همه الطراره وطلب المساعدات ؟؟؟ بالعكس اخوي القطري الأصيل واللي قلبه على بلاده عمره مايبدي الفلوس على راحته واستقراره بالعكس الا يشتريه ومستعد يدفع علشان يوفره لنفسه .. القطري الاصيل يعوره قلبه اذا شاف نفسه وشاف غيره من المواطنين مستضيقين من امور ومب بيده يغير هالامور او انه يتجرأ ويفتح حلجه ويحتج .. لأنه عارف انه محد بيسمعه .. محد بياخذ اللي في خاطره .. محد بيسمع وجهة نظره .. حتى مصيرنا صرنا مانملك التصرف فيه صرنا مسيرين مب مخيرين .. هذا كل اللي اقدر اقوله لأني ماقدر اكتب اكثر من جذيه .. دمعت عيوني والله .. الله المستعان

[شموع قطريه]

أشكر كل تفضل وكتب رد على مشاركتي ..
ماقصرتوا اخواني وخواتي عالاقل حسستوني اني مب بروحي اللي احس بهالشعور وان فيه ناس معاي قلبا وقالبا .. يعطيكم العافيه جميعا ..

[ام السعف]

المفروض نفخر اننا ما زلنا كما كنا ،، لأن ليس بأيدينا المحافظة على تصرفات الآخرين

فلا تزعلين من كون انج ما اتحسين بالفرح من كونج قطرية
بينما تقدرين تفرحين لأنج ما تغيرت مثل ما تغيرت قطر،،

[بو خليفه 123]

شعور جميل أختي و العين اوسع من المكان .. فضفضي خذي راحتك .

اتوقع هذي ردة فعل بسبب غيرتك على وطنك و وطنيتك الزائده مما يحصل في قطرنا الحبيبه من توافد جنسيات من بلدان اخرى و ذلك في طور توسعة منشآت البلد و مشاريعها الكبيره التي تصب في مصلحتنا ان شاء الله و هم الرابح الاكبر في بعض المناصب العليا والتي يسعى عليه المواطن الذي يكد و يتعب .

من وجهة نظري هذا هو افضل وقت بأن ننعم بوطنيتنا و نفتخر بها رغم مايحصل حتى تثبت هويتنا ولا تتلاشى و ليعلم الكل من هو القطري صاحب الجنسيه فقط و من هو القطري صاحب الوطنيه


و اهديك هالبيتين يطيبون الخاطر و اهديه ايضاً لكل مواطن قطري :)


رجال الى اسمعوا نداه اجمعوا لبيه ... تطيح الغتر والروس بس العلم ما طاح

سواعد الامير وفي المحافل فخر ووجيه ... ونارد حياض الموت كنحن خرز مسباح

[هتـان قطر]

البنت ما تكلمت الا بعد التغير الكبييير اللي حاصل في البلد

الطفرة الهائلة اللي نمر فيها الحين,, خلت الكثيرين محتارين

ومهب عارفين شاللي قاعد يصير حواليهم..

قطر اليوم غير عن قطر بالامس..اكييييد قطر في قلوبنا غير

لكن فعلا امور كثيرة تغيرت..في كل شي

حتى احنا انفسنا ..تغيرنا


ما ادري شاللي اقوله.. لكن فعلا انا حاسه فيها

وحاسين فيه شي وفيه احد مشاركنا في بلادنا

مع فرق كبير.. هو اختلاف حبنا لقطر

[سحابة]

كليتو البنت اكل ماقالت شي عادي انها تفضفض :(
والعتب من المحبه .. اي انسان يحب ويقدر شخص بيعاتبه وبيزعل منه لانه يعني له شي كبير بحياته ولو هو شي عادي عنده ماضرب له اي حساب ولا اهتم فهذا دليل على حبها الكبير لبلدها
لان الكل مب بس هي يحسون هالاحساس .
وبخصوص الوطنيه والولاء مب بالكلام بالفعل :)

[مطيع الله]

يعيش الإنسان أربع مراحل
في بطن أمه
في الحياة
حياة البرزخ في القبر
الآخرة

الله موجود في كل المراحل
والوطن موجود في واحدة

وحجة الله بالغة.

[غابت الشمس~]

فعلا قطر اصبحت مو للقطرييين

مره كنت بمشوار بالسياره وانا بالسياره لاحظت اني مااشوف قطريين
الشوارع والمحلات والاماكن كلها جاليات<<< وياليت عرب :rolleyes2:
فقلت خليني احسب مرت ساعه كامله وانا ابي اشوف غتره وعقال وثوب ابيض ماحصلت
شي يحز بالخاطر :(

بس شنسوي خلاص صار اللي صار وهذا شر لابد منه
وصعب ترجع قطر كما في السابق :weeping:

هونيها وتهون ومالعيشُ إلا عيشُ الآخــــــــــــــــــــره :)