المساعد الشخصي الرقمي

مشاهدة النسخة كاملة : :::...قطر...ملجأ للفاشلين...والمحتالين...الاجانب...:::...رايكم


The Master
25-05-2010, 04:03 AM
احم احم...ثم احم...

من كم سنه جاتني اعلوم ان مؤسسه قطرية تعرضت لعملية نصب من خلال خبير اجنبي وصل البلاد...ونهب ما نهب ولما صادوه...وحاكموه...طلع منها ولا خسر شي...

ومن فترة...هنا في استراليا تحديدا...ومن المدينة اللي انا فيها...المحاضر...اجنبي...يقول لي ان قطر والخليج...معروفين ب ان الفاشلين الاجانب والمحتالين...ملجأ ومفر لهم...
يعني الفاشل او المحتال في ابلاده...يزور له كم شهاده ويجي الدوحه...او الخليج...ويعيش حياته...ولما يصيدونه...كل اللي يتم تغريمه هو شهادته...اما الفلوس اللي اندفعت له...فا القانون لا يحمي المغفلين...


الوكاد من هذا كله...

من باب حرصي علي ابلادي...وافلوس ابلادي...وسمعة ابلادي...قررت اوقف هالمهزله...والحد منها...بطرق قانونيه...وحلول سهله...
خاصه اني في موقع اقدر من خلاله الوصول لاغلب الدوائر والمؤسسات في الدولة...
وايضا...لفتح باب الفرص...لعيال ابلادي...وارجاع الثقه لهم...والحذر من الاجانب...


فا
انا ناوي لي على مشروع...وابغي اطبقه...

لكن محتاج معاونتكم...وخبرتكم...وتجاربكم...

اللي ابغيه منكم ولا تهونون هو كالتالي...

انكم يا اعضاء...تعطوني الاشيا اللي صارت لكم...او سمعتوها...او شفتوها...
بخصوص النصب من الاجانب في الشهادات...التخصصات...اللي صادوهم واللي تشكون فيهم...

وابغيكم تذكرون في وشو كان التخصص اللي امسكوه فيه...ان قدرتوا...مثلا اداري...مهني...ميكانيكي...كذا يعني...

وان قدرتوا تذكرون الجهات اللي وظفته...
وان قدرتوا تذكرون من اي دولة هو جاي...او شهادته من اي دولة ماخذها...مثلا هو اصله امريكي...وشهادته من الفلبين...

هذي المعلومات ان شاء ربي بتكون كافيه...لعمل اللازم...


فا همتكم يا عيال ابلادي...وانتظر تجاوبكم...

ربع(ن) تعاونوا ماذلوا...


ادري فيكم من بيقول...اذا هم ماسوو شي...احنا اشدخلنه...
اقول لكم...كون انت البادي...وكون انت المغير...والاهم سو اللي عليك...والباقي على ربك...
هتـان قطر
25-05-2010, 07:23 AM
انا سمعت عن قصة طبيب في طوارئ حمد يقال انه كان

طبيب بيطري في الريس..والعهدة على الراوي :rolleyes2:
Sharshooooor
25-05-2010, 07:35 AM
خذ وخل على موضوع تزوير الشهادات والجماعة عندنا يغترون بالقدلة الصفرة وفالحين على القطري

الا مافي انتساب والا هالجامعة مومعترف فيها

اما بالنسبة للنصابين والمحتالين

فحدث ولا حرج

قصة صغيرة واقعية وانا شاهد عليها

مدير شؤون مالية عربي بعد 3 سنيين من توليه منصبة سفروه ابعاد

مسوي بلاوي بهالهيئة وللحين آخر ميزانية عملوها سنه 2007

وجايبين 3 شركات ينجمون عشان يحلون مشكلة هالهيئة

وهم فالحين بالاعلام احنا تقدمنا واحنا معترفين عالميا ومادري شنو

ماقولهم الا : اللي مايطيع يضيع
G0LD
25-05-2010, 07:36 AM
لاشك الكثير يعلم بأن حصلوا شهادات مزوره وياريت من ميكانيكي او كهربائي المشكله طبيب !!

والمشكله عندنا في قطر من يجي واحد لابس اللبسه السحريه خلاص فكروا هذا يعرف كل شي

وهو مايعرف وين الله قاطه _ واللبسه السحريه هي ( البدله مع الكرفته ) :)

يجيب الشهادات على الربع عندنا وبدون رقابه يوظفونه ويعطونه امتيازات مايحلم بها عقب ضرب البيدر

والمشي من مكان لين مكان في بلاده أو يركض ورى باصات المواصلات والحق لاتلحق وأوقات إذا لحق

وتعلق في الباب تحصل واحد متعلق يدزه حتى مايركب من الزحمه الي في الباص !! لاتقولون محد شاف

هذه المواقف - وأزيدك من الشعر بيت الربع عندنا يبلغون السفاره شوفوا لنا مهندسين وأطباء عاد اهني

شوف السياكل طوابير عند سفارتنا :)


ومن يقبلونه ويجي عندنا يقعد يتفلسف ولابس هذي اللبسه السحريه ويقول أنا في بلادي كنت في معمل

ومصنع سيارات وطائرات وهو يدور وظيفه في بلاده لو ينظف الشوارع !! ومب عيب لكن اذا جا عندنا

وعطوه وظيفه وذاك الراتب السنع ولايشكر النعمه ويشكر البلد الي كسته وتحصله حاقد على أهل البلد



وبالنسبه للإحتيال حدث ولاحرج اصلا هو جاي محتال ونصاب جاهز !! ( البعض )

- للعلم البعض من الأجانب !!!!

شكرا على الطرح المميز والطيب


تحياتي
Sharshooooor
25-05-2010, 07:42 AM
وهو مايعرف وين الله قاطه _ واللبسه السحريه هي ( البدله مع الكرفته ) :)


تحياتي

وصدقني اكثرهم مايعرف يلبسها او قدر يشتريها غير يوم يوصل قطر
rashid-1
25-05-2010, 07:43 AM
السلام عليكم

والله بعض الأجانب وأنا هنا أقول البعض عايثين في البلد فساد وللأسف لاأحد يوقفهم عند حدهم وكل يوم نسمع عن عملية نصب

أتمنى أن يصدر قانون يشد الوثاق عليهم
بلوتنيوم
25-05-2010, 07:45 AM
اذا وجد المال
بينوجد النصابين والمحتالين والدجالين
وانا في انتظار كشف هؤلاء وخصوصا ان في موضوع سابق
كانت نسبة كبيرة من الاعضاء تؤكد وجودهم واستغربت عدم تبليغهم السلطات المختصة ؟؟!
المها قطر
25-05-2010, 07:56 AM
اية الله يرحمنا برحمتة الواسعة
مثل ماتفضلت الدولة صارت مرتع وفساد لكل الاجانب والفاشلين والحرامية اللي ماكانوا يسوون بيزة في بلادهم جاءوا الى قطر بشهادات وخبرات كلها تزوير ونصب واحتيال وانتوا عارفين ان هنا يموتون على العيايرة ويعطونهم مناصب ورواتب عمر رئيسهم ماحلم فيها....
يعني البلاد صارت مسخرة للي يشرد عن كفيلة وينخش في الصناعية اللي هي مرتع لكل شي ممنوع
The Master
25-05-2010, 08:01 AM
اشكر لكم تجاوبكم...واحييكم عليه

انا هناابغي احل هالمشكله ومن هالمنطلق الحل عندي...
لكن ابغي تكون طريقه الحل تناسب اغلب المؤسسات والحكومات...
وايضا ابغي اسوي بحث للاماكن اللي يتواجد فيها هالمحتالين ونعرف الاسباب والمبررات...وطريقتهم وكيف اوصلوا...

وكل هذا علي...انتوا ماعليكم الا تذكرون لي احداث او عينات...من وين هم ووين يشتغلون وتخصصهم واذا قدرتوا من وين جابوا شهادتهم...
واذا في تحقيقات هذا لايمنع ترسلونها لي عالخاص واوعدكم بالسريه التامه...

واذا ربي شاء وتمم على خير...بتلقون تعميم جايكم بهالخصوص...
فا همتكم ولا تهونون...
الرويـس
25-05-2010, 08:03 AM
بالتوفيق
تميم بن خالد
25-05-2010, 08:09 AM
كلامك صحيح مئة بالمئة.. حتى على مستوى المهن الصغيره مكانيكي او كهربائي ..
مايطلع من بلاده ويجي الدوحة الا الفاشل ببلادة .. لذلك يجب ان تشكل لجنة من جميع التخصصات وهم الي يمنحون اقامة العمل ... نفس الدول المتقدمة الي عنده شهادة سهلة فيزته والي ماعنده مايعطونه الا بعذر قوي دراسة او عنده راس مال الخ
مطيع الله
25-05-2010, 08:13 AM
أول خطوة قائمة بالجامعات الفشنق ثم نشوف من هم خريجيها عندنا


ثم نحصرهم واحد واحد ولا يفلت واح إلا بتصديق شهادتهم من وزارة التعليم من البلد اللي خذ الشهادة منها ثم اعتماد وزارة الخارجية من تلك البلد ثم اعتماد سفارتنا في ذلك البلد على اعتماد الخارجية.
الأصيلة
25-05-2010, 08:19 AM
إحدى المدارس المستقلة تعاقدت مع مدرسة أجنبية كما اعتقد استرالية او روسية
عن طريق النت لمادة العلوم
ومع الوقت اكتشفوا انها ليست مدرسة حقيقية وإنما مدربة يوجا...
فتم الإستغناء عنها...
بـــــــنت النوخـّــــذه
25-05-2010, 08:48 AM
كلمه انصاف وحق !!!!!!!!!!!!!

الاجانب فيهم الزين وفيهم الشين مثل اي مواطن قطري00اتمنى نبتعد اشوي عن لغه التعميم 000ويالماستر الاخ الاجنبي الي في اوصطراليا (استراليا) الي قالك الخليج للمرتزقه قول له بنت النوخذه تقولك طالع من عينين ولا تطالع من عين وحده مهب زين النظر من عين وحده لان يسبب ارتفاع ضغط العين وبتتأثر الشبكيه:)

من الاخر القصص كثير منهم من عندهم ذمه وضمير ومنهم لاذمه ولاضمير ودوم المجتمع يلتفت للسلبيات وينشر القصص السلبيه ويترك الايجابيات وبهذا تعم النظره السوداويه 000 اي نعم الاجانب بعض منهم مكوش على كل شي بديرتنا لكن نظره الانصاف والعقل ياجماعه وين راحت من عندنا لاتعممون بعد الواحد يقول كلمه الحق:nice:

وكلمه حق قطر عمرها ماكانت ملجأ للفاشلين عيب علينا نصدق كلام بدون مانسوي احصائيه اذا سمحنا لهم بهذا الكلام معناته احنا بعد فاشلين المواطن والاجنبي000

واذا كان فيه اجنبي فاشل بديرتنا فهذا راجع لكفيله الفاشل او جهة عمله الي اساءت الاختيار مهب قطر بكبرها
وماذا بعد سرد القصص ياقوم؟^_^

يعني هل يعقل نقول اوستراليا ملجأ للطلبه الفاشلين؟؟؟؟؟؟؟؟؟؟؟؟؟:eek5:؟؟

ملاحظه : كلامي مهب دفاعا" للاجانب انا فقط ضد لغه التعميم خصوصا العنوان ^_^
The End Qtr
25-05-2010, 08:50 AM
تنفخ في قربه مشقوقه

ما حولك احد .. انا وصلت المعلومه لشخصيه كبيره جدا في قطر .. بأن الاجنبي ماكل الاخضر واليابس .. وحنا مالنا الا اللي يتكرمون فيه علينا .. عصب وسكت .. وطلعت جمله من عيونه : مالكم شغل في االاجانب هذي سياستنا
الاستثمار
25-05-2010, 08:52 AM
الله كريم
كازانوفا
25-05-2010, 08:53 AM
حسبنا الله ونعم الوكيل
متابعه لكم ...
G0LD
25-05-2010, 08:57 AM
وصدقني اكثرهم مايعرف يلبسها او قدر يشتريها غير يوم يوصل قطر



صدقت والله :)
bo_hamad
25-05-2010, 09:01 AM
اخوي تبغي تعرف المشاكل روح النيابة العامة

رايح تتعب وانت تدور القضايا


والله يعينك يا صاحب الموضوع
بومحمد
25-05-2010, 09:04 AM
ممكن أخوي نعرف كيف راح تتعامل معهم ؟؟
hamoor4ever
25-05-2010, 09:06 AM
سمعت 3 قصص حدثت في قطر للبترول ومتأكد منها بس تم التستر عليها
roma27
25-05-2010, 09:27 AM
من ثلاثه اشهر تم كشف 60 طبيب مزيف من قبل التدقيق من لجنه التراخيص الطبيه عدد منهم كان يعمل في مستشفى حمد العام يعني اذا الدوله تريد التدقيق كان بتنظف البلد من المزورين في كل الوزارات المسئله مش صعبه كلها مراجعه والجامعات اللي تخرج منها المرتزقه اقصد الاجانب مثل الهنود وعواجيز الانجليز ،،وتسلم يا صاحب الموضوع ولكن اشرايك نسوي جمعيه لا للاجانب المزورين في قطر تقدر من خلالهاتسجيل البلاغات عن حالات التزوير او التاكد من الشهادات المشكوك في تزوريها والبركه في شباب قطر اللي مثلك وشرواك:nice:[/COLOR][/SIZE].
AL-Jood
25-05-2010, 09:56 AM
لو بنكون صادقين مع انفسنا بنعترف في من الاجانب اللي مايستحق منصبه ومستحيل يحصله في بلاده ومن سواء بشهادة او بغيرها ينهب الهيئة او المؤسسة حتى لو بالقانون


بينما في من الاجانب اللي عطو البلاد او بالاحرى عيال البلاد اللي درسونا في الجامعات واحيانا عطونا اكثر من القطري اللي للحين يفتخر بانه يعرف ويعرف
N7eEeS
25-05-2010, 10:11 AM
اخوي الحل بسيط في شركات عالميه تستعلم عن الموظفين
employee background screening
واعتقد لو جميع الجهات في الدوله اطبق هذا الشرط فبأذن الله ماراح يكون في مشاكل الشركات تستعلم عن التاريخ الوظيفي ،المؤهلات العلميه، وحتى عن الجرائم واذا عنده ليسن او لا واشياء اخرى حسب حجم الشركه نفسها والعمليه ذي مطبقه في بعض الجهات في الدوله ومنا إلى اصحاب القرار بجعل هذا الموضوع الزامي عند توظيف كل أجنبي.
فمان الله
The Master
25-05-2010, 11:53 AM
بصراحه تجاوبكم اسعدني...وبينتوا لي مدى اهتمامكم للرقي وصلاح البلاد...

ماعليكم امر...اتركوا عنكم الانتقاد...ومن الزين ومن الشين...

ابغي امثله واشيا صارت من خلال معرفتكم...او سمعتوا ابها...واذا عن مصداقيتها خلوه علي...اللهم ابغي اسمع منكم...الحوادث اللي صارت والملابسات للتحقيقات...

وللتوضيح...

طبعا مهما كان الحل او الطريقه اللي راح اقدمها...ماراح تكون محظ تجربه او تأليف...اشيا قانونيه...ومعتمده في الدول...وطبعا اذا باسوي هالشي...لازم اسوي آليه لهالخطوات لاتباعها...وكذلك لازم تكون شموليه...

فا ماراح تكون بين يوم وليله...او حتى خلال شهر...لانها تحتاج بحث ومتابعه...واحصائيات...ودراسه كامله...وكذلك النظر للطريقه اللي يتم ابها التوظيف...وبحثها كذلك...

وعن اللي يسأل عن الحل...بيكون شي قانوني...وبه براهين لنجاحه على المستوى الدولي...ويكون مطبق في بعض من الدول...

وعن اللي يقول لا اتعب حالك...وانه حاول وكلم ناس...
اخوي الكلام بدون ادله وبراهين...ومعطيات...وحلول...
كنك ماسويت شي...كلام يدخل الاذن ويطلع من الثانيه...
فا لازم تكون عندك حجه جامده...وبحث دقيق...وان شاء ربي يوفقنا ويسهل دربنا...

فا همتكم يا جماعه...وانتظر منكم التجاوب...

صحيح اني في استراليا...لكن من يبغي يساعد في هالمشروع ومهتم...وبه حيل وهمه...يكلمني عالخاص...على قولة المثل..."ربع(ن) تعانوا ماذلوا"
وكله في سبيل المصلحه العامه...

وفي انتظاركم...
@فهد@
25-05-2010, 12:01 PM
الوكاد من هذا كله...

من باب حرصي علي ابلادي...وافلوس ابلادي...وسمعة ابلادي...قررت اوقف هالمهزله...والحد منها...بطرق قانونيه...وحلول سهله...
خاصه اني في موقع اقدر من خلاله الوصول لاغلب الدوائر والمؤسسات في الدولة...
وايضا...لفتح باب الفرص...لعيال ابلادي...وارجاع الثقه لهم...والحذر من الاجانب...

وضح اكثر .............. قصدك انك في موقع ؟؟؟؟

.


ادري فيكم من بيقول...اذا هم ماسوو شي...احنا اشدخلنه...
اقول لكم...كون انت البادي...وكون انت المغير...والاهم سو اللي عليك...والباقي على ربك...[/color]

كل بلاد العالم حتي امريكا .. فيها ناس شهادتهم مزوره وفاشلين

توهم مكتشفين سويدي طيار مزور له سنين يشتغل طيار في شركة سويديه ..

يعني مهوب في قطر ولا في الخليج

في السعوديه كل فتره بالكوم يكتشفون مثل هؤلاء ..

عندنا عامل عادي راح الهند رجع لي بشهادة مهندس ...

منتظر جوابك علي الكلام الي بالاحمر ...
The Master
25-05-2010, 12:08 PM
كل بلاد العالم حتي امريكا .. فيها ناس شهادتهم مزوره وفاشلين

توهم مكتشفين سويدي طيار مزور له سنين يشتغل طيار في شركة سويديه ..

يعني مهوب في قطر ولا في الخليج

في السعوديه كل فتره بالكوم يكتشفون مثل هؤلاء ..

عندنا عامل عادي راح الهند رجع لي بشهادة مهندس ...

منتظر جوابك علي الكلام الي بالاحمر ...




اقصد به...
الوصول للمسؤولين...

وهل اذا موجود في امريكا سالفة النصب يعني حنا نرتاح ونقول شوفوا ترا امريكا فيها نصب ياجماعه مب حنا وبس...؟؟!!

فا خل امريكا تصلح عمرها وبعدها تعالوا غيرونا؟؟؟

مايصح الا الصحيح يا اخوي...

وانا نظريتي في الحياة...ما اقارن بين الدول...كلن مختلف بطريقته...وكلن له ظروفه...

خلك ايجابي وانا اخوك...وتطلع للاعلى...حط لك هدف...واسعى له...
ارين
25-05-2010, 12:36 PM
بادرة طيبة .. وأحيي فيك غيرتك على الوطن واهتمامك ..
الله يعينك ويعين أمثالك من الطيبين
شكري وتقديري لك


.
الامل القديم
25-05-2010, 01:41 PM
مسؤول القسم الطبي بقطر للبترول سايس احصنه وحطوه مدير القسم الطبي بس صراحه ما عرف الان اذا شالوه ولا لا لانه وايد جات عليه شكاوي
عزووز قطر
25-05-2010, 01:51 PM
انا اللي سمعته ان اللعبة والتزوير والواسطات في شبكة الجزيرة الفضائية
بس ماعندي أي خبر في الموضوع وتقدرون تتأكدون
قطر دزاين
25-05-2010, 03:19 PM
بقول لكم اكبر دلليل في مستشفى الخور اللي مو مصدقني يروح يشوف بعينه الشخص هندي عنده جواز بريطاني
وهو مدير الممرضات

ولا يعرف شي حتى مسكه الابره او اي شي عن مكونات صندوق الاسعافات

واللي مو مصدق من الجهات المختصه يروح هناك ويقابل المدير واتحداه يقول اني اكذب

وبس
ROSE
25-05-2010, 03:26 PM
الكلام اللي وصلك صحيح وعن تجربه

اشتغلت في مؤسسة كبيره من مؤسسات الدولة وفي شؤون الموظفين بالتحديد

عينوا مدير ادارة قطري جديد ورئيس للعمليات بعد جديد والادارة كانت بحاجة لموظفين

فكان تفضيلهم للاجانب وانهم يجيبونهم من لندن بالضروره يعني

المهم الاثنين خذوا بعض وسافروا سووا انتفريو

وجابوا لنا وحده لبسها كاجوال ساعات تجي الدوام ببيجامه

او بنطلون اللو ويست ههههههههه ومادري على اي اساس اختاروها

وطبعا بيت لها وللبوي فريند مالها ومساكين القطريات اللي في الادارة على كفائتهم ماشفت حد والله

ولما جاوا يطالبون بزياده وقفوا لهم مثل العظم وشردوا اغلبهم


المهم نكمل السالفة


يوم جينا نبي نخلص اجراءاتها يافلانه جيبي شهاداتج تقول اوكي اوكي بشوف بطرش لندن يجيبونها لي

شهر وشهرين سته سبعه ثمانيه سنه وهي متمرده على الجميع وكأنها مديره وفي الاخير هي HR Analyst

لين ما الاخ مسؤول التوظيف تكرم وسوى Reference Check عليها طلعت

بدون شهادات والاوراق اللي قدمتها لنا مزوره


وهذي كان دليل على فشل الادارة في هالمؤسسة
دلة الرسلان
25-05-2010, 03:38 PM
انا سمعت عن قصة طبيب في طوارئ حمد يقال انه كان

طبيب بيطري في الريس..والعهدة على الراوي :rolleyes2:


الله يهداه لو هو مركز على الريس كان بيحصل فلوس اكثر يتنقل من عزبة لثانية :(
The Master
25-05-2010, 07:42 PM
شي جميل هالتجواب...وجمع المعلومات...

اتمنى الابتعاد عن ذكر الاسماء للخصوصيه...وكذلك لشروط المنتدى...

واحييك اختي روز على المثال المثري...
وزد صدودك...كذلك..بس ياريت بدون التفاصيل...عشان الخصوصيه...

قريت بعض الحلول من الاعضاء...وهذا شي يثلج الصدر صراحه...خاصه مقدار الثقافه والوعي الموجود...وهذا العشم فيكم يا عيال ابلادي...

والله لا يهينكم يارب...
بدون
26-05-2010, 12:02 AM
عساك على القوة أخوي

و الله يوفقك في مسعاك
abn qatar
26-05-2010, 05:45 AM
ماتقدر تسوي شي اخوي طالما الشخص دخل البلد بموافقه اشخاص اخرين ويحمونه

ويسهلون له مهمته واكبر دليل اللبناني اللي كان عنده شركه للاستثمار جمع الملايين

من الناس وكان عليه حكم محكمه ممنوع خروجه من البلد بين يوم وليله تسفر وراح

والافلوس راحت وراه اللي مستفيدين منه حصلو اللي يبغونه الناس مساكين فلوسهم

راحت
abn qatar
26-05-2010, 05:48 AM
الكلام اللي وصلك صحيح وعن تجربه

اشتغلت في مؤسسة كبيره من مؤسسات الدولة وفي شؤون الموظفين بالتحديد

عينوا مدير ادارة قطري جديد ورئيس للعمليات بعد جديد والادارة كانت بحاجة لموظفين

فكان تفضيلهم للاجانب وانهم يجيبونهم من لندن بالضروره يعني

المهم الاثنين خذوا بعض وسافروا سووا انتفريو

وجابوا لنا وحده لبسها كاجوال ساعات تجي الدوام ببيجامه

او بنطلون اللو ويست ههههههههه ومادري على اي اساس اختاروها

وطبعا بيت لها وللبوي فريند مالها ومساكين القطريات اللي في الادارة على كفائتهم ماشفت حد والله

ولما جاوا يطالبون بزياده وقفوا لهم مثل العظم وشردوا اغلبهم


المهم نكمل السالفة


يوم جينا نبي نخلص اجراءاتها يافلانه جيبي شهاداتج تقول اوكي اوكي بشوف بطرش لندن يجيبونها لي

شهر وشهرين سته سبعه ثمانيه سنه وهي متمرده على الجميع وكأنها مديره وفي الاخير هي hr analyst

لين ما الاخ مسؤول التوظيف تكرم وسوى reference check عليها طلعت

بدون شهادات والاوراق اللي قدمتها لنا مزوره


وهذي كان دليل على فشل الادارة في هالمؤسسة

عادي اختي طالما العيون زرقاء والشعر اشقر عادي تتوظف في اعلى

الوظائف وتاخذ اللي تبيه حتى لو عندها شهاده ابتدائيه يتنازلون ولايهتمون

اما بعض القطريين والقطريات يقعدون لهم عظم في البلعوم لازم شهاده لازم

تخصص لازم خبره لازم الشكل لازم العمر لازم معرفه عده لغات
(الفيصل)
26-05-2010, 05:54 AM
هذا الكلام غير صحيح !!، وخصوصاً بأخر هذه السنوات فكل الوزارات والإدارات أصبحت تتوخى الحذر في هذا الجانب وتعمل له الف حساب .
(فلاتبالغون) !!!!!
ســـهم
26-05-2010, 05:58 AM
هذا الكلام غير صحيح !!، وخصوصاً بأخر هذه السنوات فكل الوزارات والإدارات أصبحت تتوخى الحذر في هذا الجانب وتعمل له الف حساب .
(فلاتبالغون) !!!!!



احلف يالفيصل ارجوك


اخي الكريم انا كنت اعمل في مكتب لايوجد من الذكور القطريين سوى انا والمدير وواحد قطري

والباقي 3 لبنانيين 1 فلبيني 6 هنود 2 باكستانيين

وللعم مهنتي حكوميه وتتبع ....... الدوله .. :)

مع العلم انه عندما يتم طلب توظيف لدينا يقال انه ليس هناك مكان شاغر !
(الفيصل)
26-05-2010, 06:02 AM
احلف يالفيصل ارجوك


اخي الكريم انا كنت اعمل في مكتب لايوجد من الذكور القطريين سوى انا والمدير وواحد قطري

والباقي 3 لبنانيين 1 فلبيني 6 هنود 2 باكستانيين

وللعم مهنتي حكوميه وتتبع ....... الدوله .. :)

مع العلم انه عندما يتم طلب توظيف لدينا يقال انه ليس هناك مكان شاغر

سو وات !! بالعربي... ومااذا بعد.... ياسهم !!!
مالذي يخالف هذا بما قلنا !!! بارك الله فيك ؟؟!!!
(الفيصل)
26-05-2010, 06:04 AM
اسف الإضافة التي ضفتها الأن فقط وصلت لي

لم تكن في مشاركتك السابقه
ســـهم
26-05-2010, 06:06 AM
سو وات !! بالعربي... ومااذا بعد.... ياسهم !!!
مالذي يخالف هذا بما قلنا !!! بارك الله فيك ؟؟!!!

أعلم ان أسلوبك تهكمي

ولكن لماذا لاتكون واضح في الردود

هل هنا خوف ؟

او يضيرك هذا

لتكن مثل القطن يالفيصل .
(الفيصل)
26-05-2010, 06:15 AM
أعلم ان أسلوبك تهكمي

ولكن لماذا لاتكون واضح في الردود

هل هنا خوف ؟

او يضيرك هذا

لتكن مثل القطن يالفيصل .


الخوف من الله ولا غيره ولاسواه.
انا واضح بارك فيك ، ولو أن(موسم القطن ) ليس هذا موسمه
والله أعلم:)
بوسلمان 2010
26-05-2010, 08:09 AM
الموضوع طيب والاجانب في ابلادنا حدث ولا حرج والعمليه النصبيه تعدت الحدود ولا احد يردع النصابين وعارفين النهايه سجن كم سنه وبيطلع وبيلعب لعبه في الفلوس والخوف من ان ولد البلاد بكره يقلدهم وينهب من اموال الدوله والله المستعان
The Master
26-05-2010, 12:09 PM
لازلت انتظر المزيد من المشاركات المثريه للموضوع واللي تخدمني في المشروع...

اما اللي طالع لي ب لا تعمم ولا اللي يقول لا تبالغ

خلني افهمكم شي بدال المعاياه اللي شاطرين ابها...
ترا في كل الاحوال هالحالات موجوده...وبوجودها يحتم علينا في التصدي لها...ومحاولة ازالتها من ابلادنا...
واحد يقول لا تعمم...يعني هالفئه موجوده
والثاني يقول لا تبالغ...يعني الفئه اللي تكلمنا عنها موجوده...

فا ليه شاطين اعماركم واتحندون؟؟؟

انتظر تثرون الموضوع بشي مفيد يساعدنا في البحث...ابرك من الاهتمام بالقشور وترك اللب...
koketa
26-05-2010, 01:01 PM
ممن توضح اكثر شلون راح تتعامل معاهم

لان اعرف ان في جهات مختصه بهاي الشي
لاجل QT
26-05-2010, 03:37 PM
اهم شي هالمحتال مايكون دكتور.. يلعب بارواح الناس
The Master
26-05-2010, 11:42 PM
ممن توضح اكثر شلون راح تتعامل معاهم

لان اعرف ان في جهات مختصه بهاي الشي

اقدر اوضح لك...واقول واقول واقول...لكن انا اللي يهمني المحصله وش هي...

القصد...اشيا اكثيره يمكن اتغير من الاشيا اللي باسويها...لان عندي خطوات لازم اتبعها وابحث فيها...وادقق فيها...
فا بعدها اقدر احط لك ولباقي الاعضاء اذا ربي سهل...الاشيا اللي صارت قبل...واللي كيف اكتشفوها...وايش صار بعد اكتشافها...وايش الخطوات اللي اتخذوها عشان هاللي صار...

واشيا ثانيه لازم اشيك عليها...لرجعت الدوحه ان شاء الله...خلال هالايام...

ونقطه ان في جهات مختصه في هالشي...
سؤال بسيط...ويوضح لك نقطه مهمه في حياتنا...

العالم غاليليو...هو اللي اكتشف ان الكواكب تدور حول الشمس...
شي جميل...واكتشاف مبهر...
طيب هل الناس اللي وراه...وقفوا عند هالحد؟؟؟...وقالوا مافي شي ابهر و اعظم من هالاكتشاف؟؟...
لا طبعا...
جا وراه عالم اسمه كيلبر...
وخذ هالمعلومات اللي اكتشفها غاليليو...ومنها اكتشف سبب تغير المناخ والفصول الاربع...واختلاف المناخ في النصف الشمالي والجنوبي...

وهكذا...تستمر...

فا اللي بغيت اوصله...
اذا في مجال للتطوير...والافضليه بعقول جديده وتفكير متطور...ليش لا؟؟...وش اللي يمنع...

اتمنى الفكره اوصلت...

واعيد واكرر...
لازلت انتظر المزيد من المعلومات ولا تهونون...
وانتظار الاعضاء...
نعيمه علي
26-05-2010, 11:48 PM
ما أعرف حالات بعينها
ولكني سمعت كثيراً عن حالات في المستشفيات
مثل أطباء وصيادلة

اتمنى تقدر فعلا تسوي شيء لما تجمع كل المعلومات التي تريدها

بس لو في مواطنين قطريين تدري انهم شاريين شهاداتهم خاصة الماجستير
والدكتوراه
هذولي كيف نقدر نتعامل معهم

وهل اللي مزور الشهادة مثل اللي شاري الشهادة

مع اطيب وأصدق تحياتي


.
شموخ وبس
26-05-2010, 11:57 PM
الله يوفقك ياماستر مميز
The Master
27-05-2010, 12:20 AM
ما أعرف حالات بعينها
ولكني سمعت كثيراً عن حالات في المستشفيات
مثل أطباء وصيادلة

اتمنى تقدر فعلا تسوي شيء لما تجمع كل المعلومات التي تريدها

بس لو في مواطنين قطريين تدري انهم شاريين شهاداتهم خاصة الماجستير
والدكتوراه
هذولي كيف نقدر نتعامل معهم

وهل اللي مزور الشهادة مثل اللي شاري الشهادة

مع اطيب وأصدق تحياتي


.

هلا اختي نبض...
ذكرك للمستشفى...طبعا يبين لي هم بعد كم عضو قبلك ذكر الدكاتره كذلك...وهذا يبين لي العينه الموجوده هنا في المنتدى...ومجالهم...وهذا شي طيب ان يكون اهتمام لمكان...وقد يكون لان المستشفيات مكان عام الكل يقدر يعرف اخباره...

لكن هم بعد تهمني الشركات والمؤسسات والدوائر الحكوميه...

اذا ربي شاء...بنغير...بيده الامر كله...

اما اللي يشتري الماجستير والدكتوراه...هذا موضوع ثاني...لان اغلب الاحيان يكون في مجال تخصصه الاكاديمي...لكن ليش لا...لما ذكرتي هالنقطه...باحطها انا في عين الاعتبار ونحقق فيها...الله ينور اختي...

اي فرق اكبييير بين المزور واللي شاري...

المزور بدون علم الجهة المختصه...
اما الشراء فا بعلم الجهة المختصه لمبلغ من المال...

فا في الاولى العقاب اردع واقوى...
الثانيه...السالفه اطول في المحاكمه والتحقيقات...عشان يطلع الصدق...لكن في لسته جامعات البيضه والسوده...وموضوع طويل...

يامرحبا بك...واشكرك على التنبيه لنقطه حساسه كذلك...عن اللي يشترون شهادات الماجستير والدكتوراه...

الله ينور اختي...
بوخالد911
27-05-2010, 12:50 AM
متااابع
...............
بوخالد2
27-05-2010, 12:54 AM
اتذكر في برنامج في قناة الجزيزه

كان نقاش حاد وقوي من قبل معارضين اعتقد كان برنامج الاتجاه المعاكس

قال واحد من المودعوين للبرنامج في كلمه قويه

(( ما قطر الا فندق للاجئين ))

كل من هب ودب دسوه عندهم وعطوه منصب و بيت و راتب
ولد شرق
27-05-2010, 06:46 AM
كلمه انصاف وحق !!!!!!!!!!!!!

الاجانب فيهم الزين وفيهم الشين مثل اي مواطن قطري00اتمنى نبتعد اشوي عن لغه التعميم 000ويالماستر الاخ الاجنبي الي في اوصطراليا (استراليا) الي قالك الخليج للمرتزقه قول له بنت النوخذه تقولك طالع من عينين ولا تطالع من عين وحده مهب زين النظر من عين وحده لان يسبب ارتفاع ضغط العين وبتتأثر الشبكيه:)

من الاخر القصص كثير منهم من عندهم ذمه وضمير ومنهم لاذمه ولاضمير ودوم المجتمع يلتفت للسلبيات وينشر القصص السلبيه ويترك الايجابيات وبهذا تعم النظره السوداويه 000 اي نعم الاجانب بعض منهم مكوش على كل شي بديرتنا لكن نظره الانصاف والعقل ياجماعه وين راحت من عندنا لاتعممون بعد الواحد يقول كلمه الحق:nice:

وكلمه حق قطر عمرها ماكانت ملجأ للفاشلين عيب علينا نصدق كلام بدون مانسوي احصائيه اذا سمحنا لهم بهذا الكلام معناته احنا بعد فاشلين المواطن والاجنبي000

واذا كان فيه اجنبي فاشل بديرتنا فهذا راجع لكفيله الفاشل او جهة عمله الي اساءت الاختيار مهب قطر بكبرها
وماذا بعد سرد القصص ياقوم؟^_^

يعني هل يعقل نقول اوستراليا ملجأ للطلبه الفاشلين؟؟؟؟؟؟؟؟؟؟؟؟؟:eek5:؟؟

ملاحظه : كلامي مهب دفاعا" للاجانب انا فقط ضد لغه التعميم خصوصا العنوان ^_^



طحتى في هل قطر وبعد اتقولين ما ادافع عن الاجاتب هههه والله تناقض

الحين طلع الاجنبي زين؟ وفيه منه الزين والشين نفس القطري؟ اشدخل القطري في السالفه الحين؟ احنا نتكلم عن الاجنبي لازم اتزجّون بالقطري في كل مكان؟
صار القطري عندج طوفه هبيطه الحين
وبعدين الاجنبي زين و اذا طلع فاشل فمعناه كفيله القطري من شي رجعنا لانتقاد القطري مره ثانيه؟
سبحان الله هالقطري المسكين حتى ولد بلاده ماكل عليه حصى
لكن ان شاء الله بطيحين في موقف وبتعرفين قيمة القطري...
The Master
29-05-2010, 07:24 PM
الشكر موصول للجميع على المرور والتواجد...وهذا من طيبكم واهتمامكم للحق والمصلحه العامه...

وارفع الموضوع طلبا للمزيد من المعلومات من اهل الخبره والمعرفه...لا يبخلون علينا...ويقولون ياعمي مالنا شغل...

في الانتظار...
koketa
29-05-2010, 09:51 PM
في جهه حكوميه سوت نظام تدقيق على الشهادات

وفي موظفه اجنبيه زورت شهاده ماستر

واكشفوها

بعدها خذت تقييم عالي

ولازالت قائمه على رأس عملها

وكل اللي جاها ورقه بعدم استخدام لقب الماستر
المغروره
29-05-2010, 10:16 PM
اشكر لكم تجاوبكم...واحييكم عليه

انا هناابغي احل هالمشكله ومن هالمنطلق الحل عندي...
لكن ابغي تكون طريقه الحل تناسب اغلب المؤسسات والحكومات...
وايضا ابغي اسوي بحث للاماكن اللي يتواجد فيها هالمحتالين ونعرف الاسباب والمبررات...وطريقتهم وكيف اوصلوا...

وكل هذا علي...انتوا ماعليكم الا تذكرون لي احداث او عينات...من وين هم ووين يشتغلون وتخصصهم واذا قدرتوا من وين جابوا شهادتهم...
واذا في تحقيقات هذا لايمنع ترسلونها لي عالخاص واوعدكم بالسريه التامه...

واذا ربي شاء وتمم على خير...بتلقون تعميم جايكم بهالخصوص...
فا همتكم ولا تهونون...
ادورهاااااااااااا من الله انا
ابد ولاتفتكر بتصيد لهم وبقولك اجانب ووجع قلبي
باطيين جبدي
لا ومخلينهم علينااااااااا
فالك طيب
تحياتي لموضوعك
بـــــــنت النوخـّــــذه
29-05-2010, 11:23 PM
طحتى في هل قطر وبعد اتقولين ما ادافع عن الاجاتب هههه والله تناقض

الحين طلع الاجنبي زين؟ وفيه منه الزين والشين نفس القطري؟ اشدخل القطري في السالفه الحين؟ احنا نتكلم عن الاجنبي لازم اتزجّون بالقطري في كل مكان؟
صار القطري عندج طوفه هبيطه الحين
وبعدين الاجنبي زين و اذا طلع فاشل فمعناه كفيله القطري من شي رجعنا لانتقاد القطري مره ثانيه؟
سبحان الله هالقطري المسكين حتى ولد بلاده ماكل عليه حصى
لكن ان شاء الله بطيحين في موقف وبتعرفين قيمة القطري...

اتمنى تقرى وتفهم ردي عدل ^______^ عاذرتك قريت واقتبست على عجاله انا اقصد نظره الانصاف فقط 00اشلون اطيح باهل ديرتي وانكر جميل (بعض) الاجانب الي درسوني ودرسو غيري :)00واقول ملجأ للفاشلين ؟؟؟0

اذا بنتكلم عن (فئه) اهنيه بقول اي نعم اما انقول (قطر بكبرها ملجأ للفاشلين ) ويصدر هالكلام من شخص اجنبي خارج قطر (الي اهو رفيج الماستر على ما اعتقد ) اهنيه اسمحلي لازم ننظر نظره انصاف للامر ولا تاخذنا الحميه 000<<< وجب التنويه ^_^

ولكن حلو نناقش القضايا بتحديد فئه مهب نعمم ونناقش ان قطر بكبرها ملجأ اشدعوه عاد ^_^
انا مع المناقشه والحلول في حاله توجيه الفوكس على عينه محدده فقط واخذ الحيطه والحذر منها وذكر الاسباب والحلول


واتمنى التوفيق لاخونا الماستر في نهايه احصائيته والنتائج والحلول الي بيتوصل لها وبالتوفيق للجميع
الشقيان
31-05-2010, 12:34 AM
انا اللي سمعته ان اللعبة والتزوير والواسطات في شبكة الجزيرة الفضائية
بس ماعندي أي خبر في الموضوع وتقدرون تتأكدون

:eek5::eek5::eek5::eek5:
The Master
02-06-2010, 12:04 AM
هلا ومرحب بالجميع...

ننتظر مشاركاتكم...

ويامرحبا بكم...
The Master
30-07-2010, 11:31 PM
هلا ومرحب بالجميع...

حبيت اضيف اضافه سريعه لهالموضوع...وكذلك لرفع الموضوع وانتظار مشاركات باقي الاعضاء...او من لديه معلومات اتفيدنا في التحري...


اللي اباذكره الحين صار من شهر...ولانشغالي واسباب اخرى ماقدرت احط هالمشاركه...

من شهر...قدرت اقابل احد مديري الموارد البشريه لجهة عمل تعتبر كبيره جدا...
والحوار راح اذكره بعدين...

اللي ابغي اتعرفونه...

ان تم ذكر ان هناك بحث ومتابعه للاجانب اللي يتم توظيفهم من جانب "جهة العمل"
ولما يصيدون اي شخص مزور...كل اللي يسوونه...انهم يسفرونه...وينهون خدماته...
وهل يتم الاشهار بهالشي...طبعا لا...كل شي يتم بالخش...وممنوع ذكر اي شي للعام...


هذا مختصر الحوار...والمقابله...وكان رجال صريح...واخلاق وامرحب..."واقطري"...وهذا العشم من هل ابلادي...

وفي مقابله قادمه ب اذن الله...خلال هالاسبوع...وان شاء الله اذا كانت تنفعكم انوافيكم ب المعلومات...

ومن عنده شي يضيفه...يامرحبا بك...يفيد ونستفيد...
عليان قطر
30-07-2010, 11:35 PM
في مدرب جي الدوحة وودرب
والنهاية طلع مزارع وهرب يوم كان الفريق معسكر في دولته
والشهادات كلها مزروه على ما سمعنا
هبوب الكوس
30-07-2010, 11:49 PM
في مدرب جي الدوحة وودرب
والنهاية طلع مزارع وهرب يوم كان الفريق معسكر في دولته
والشهادات كلها مزروه على ما سمعنا

الله يغربل ابليسك يالعليان

هذي نكته
عليان قطر
30-07-2010, 11:59 PM
الله يغربل ابليسك يالعليان

هذي نكته

صحيح يا الغالي

انا اجاد
صارت

عن الفضايع بس
خل الطبف مستور :nice:
nouar
31-07-2010, 12:19 AM
اخوتي انه اخبركم ...

الحين صاير تروح جهه حكومية تلاقي ما بعينوا غير بنات لابسات استغفر الله بلاطين وبلايز قصيره يعني مفصخه بالعربي لمه تجي تسأل المدير القطري ليش كدا تعين ناس بقول والله ما اقدر اعيين .. يعني الكذب على الميتين حرام ،، يجي بقول انه القطريين والقطريات بطلبوا راتب عالي .. مع انه في الدوام عندنا رواتبهم في حدود 6 لين العشره بعضهم .. وبعدين تجي تقوله لو ما في قطريين في مواليد البلد ماشاء الله حكومه قطر ما قصرت بتعليمهم على مستوى عالي وما طالبين شي غير انهم يخدموا البلد يعني راضين بالقليل زين لهم ،،،

للاسف ثم للاسف صايرين يعينوا سكرتاريه مفسخات بعقود خارجيه برواتب مهندسين .. ليه الافترا ..
وفوق هدا كله ما تقول الحين كيف راح تتطلع بالجسم الفتان وانته صايم ...

طولت عليكم اللهم بلغنا رمضان ومبروك عليكم الشهر
eXpert*
31-07-2010, 01:05 AM
الأستراليين وما أدراك ما الأستراليين .

سابقاً كان يتم تعيين الأجانب كبار السن فتجده يأتي ليؤمن مستقبل أولاده .
حالياً أغلب الموظفين يافعين وكلٍ يبحث عن الثراء السريع .

وشتان بين الأثنين :)
مـــــنــاف
31-07-2010, 01:50 AM
مــــــن أمــِــن الــعقوبـــه أســــاء الأدب
مطيع الله
31-07-2010, 10:56 PM
المواطن غالي على الدولة،
فلذلك جعلته بين أسنانها،
حيناً بين الثنية والرباعية،
وحيناً بين الرباعية والناب،
وحيناً على الأضراس:secret::secret::secret:

تشرب الدولة، فيغرق:secret:
تأكل، فيصاب بزلزال:secret:
تعطس، فيضطرب، ويرتعش:anger1:
تبتسم، فيتدلى، يمين، شمال، يمين، شمال:rolleyes2:

أما الأجنبي، وبعيداً عن مؤهلاته أو شهاداته، فهو لا يشكل أهمية، أو مصدر إزعاج للدولة،
فقد حملته الدولة على العاتق، وأعطته خطاطيف يختطف بها الرزق،
ودلواً يغرف به الماء من الثروة الوطنية، المحروم منها المواطن،

وليس المواطن إلا التشجيع والتصفيق، وعاش ريال مجريط، عاش عاش عاش،،،



حدثني من أثق بحديثه عن أحد هؤلاء فقال:
الخطر منه على المجتمع، والأمن أشد من خطر عوام النصارى واليهود، ولكن مع ذلك، فقد جعل من كل المسؤولين القطريين في العمل خواتم في إصبعه، حتى أنهم يقدمونه في مجالسهم، ولا يترك لهم سؤالاً أو استفساراً، إلا وأجابه، ودائماً لا يقول الحق، ولا يقول غير الكذب، ورغم ذلك يصدقونه!!!

إن خرجو للبحر، فهو الغيص، وهو من يعرف الهيرات،
وإن خرجو للبر، فهو البدوي، جني الصحراء، جنوب وشمال وغرب وشرق وقبله وعلوى لعوى وولعى!!! يستطيع إقناعك بجهات غير ما ذكر أيضاً!!!
وإن تحدثوا في باريس وميونخ ولندن وفيينا، فهو من قد وقف بها كلها!!!
وإن قنصوا فهو القناص الذي لا يشق له غبار،
رغم أنه لا يعرف حمل الطير على يده:omg:
،،،،،،،
التفسير الوحيد، هو الرزق المكتوب، ومكانه، وأوانه...
:anger1::anger1:
باسكن روبنز
01-08-2010, 12:50 AM
موضوع ممتاز اخوي الماستر ،

لكن هنا دور الجهات الامنيه في تحري مصداقية الشهادات قبل عملية التوظيف ،

والمفروض تعاونهم مشترك مابينهم وبين الجهه الي تبي توظف الخبراء الاجانب قبل تعيينهم رسمياً ،

انت تطلب مساعدة العيون الداخليه وهم الموظفين وغيرهم حتي لو كان ال ،

انا معاك ولو شفت شي من الاساس راح ابلغ الجهات الرسميه مب اجي اتكلم بمنتدى وبس مع احترامي لك ،

فيها ذمه ياخوي وانت تدري وانا ادري انه مافيها مضره لنا لكن فيه ناس يخافون من وشو مادري! ،





ومن فترة...هنا في استراليا تحديدا...ومن المدينة اللي انا فيها...المحاضر...اجنبي...يقول لي ان قطر والخليج...معروفين ب ان الفاشلين الاجانب والمحتالين...ملجأ ومفر لهم...


شكله هالمحاضر محتر من قطر ومقدم اوراقه عندنا ومحد عبره ،:tease:
طارق
01-08-2010, 05:36 AM
اخي العزيز الأجنبي لا يحقق في شهادته ولو توه متخرج من الجامعه يثبت على انه صاحب خبره في قطر

اخي العزيز
لازم قانون من الدوله صريح هذه أدارتين لازم مايستلمهما الى قطري و قطريين
الموارد البشريه
والتوظيف
meme~qatar
01-08-2010, 08:43 AM
المثل المصري يقول
المال السايب يعلم السرقة
The Master
04-08-2010, 11:43 PM
تمت مقابلة احد التجار الكبار في البلد...وصاحب اكبر الشركات في البلد...

وبنعطيكم التفاصيل فيما بعد... "بخصوص كل شوي قلنا بعدين...احم"

صادوا مدير في شركته يسرق...وشهادته مضروبه...
بلغوا الموضوع له...ووصل له هالكلام...قال كان صدق ولا كذب...
دام المدير يجيب لي الربح اللي ابغيه... "خله يسرق"...

بصراحه رده كان غريب...وهذا اللي لفت انتباهي...لكن كلامه نوعا ما فيه ذكاء...

اما باقي المقابله كانت اجوبه متوقعه...واشيا خاصه...

وانتظرونا ب مقابله الشخصيه المهمه جدا...جدا...جدا..."في نظري"...

واشكر كل من تفاعل في الموضوع وشارك...ولاهنتوا على الاثراء...

لكن الله لايهينكم ياريت تعطونا اشيا صارت بوجودكم وانتوا شواهد...عشان انعرف كيف واشلون...ونطلع بنتيجه...من هالموضوع...

ويامرحبا بكم...