أرجوا نصيحتكم في بعض البنود في عقد العضم (( محتاجكم ))

[المـــــ$$$ـــــتثمر]

السلام عليكم ورحمة الله وبركاتة


مالكم في الطويلة ,, الزبدة

بسوي عقد مع مقاول وحبيت أسأل عن هذة الأمور

1 - هل يمكن أن يكون عقد العضم يشمل أعمال كهرباء وسباكة
أم أن ((أعمال الكهرباء والسباكة)) لها عقد منفصل عن عقد العظم

2 - هل يفضل أن تكون أعمال كهرباء وسباكة على المقاول الرئيسي
أم أتعاقد مع مقاول آخر من الشركات المتخصصة في هذة الأعمال .. وهل بيكون أرخص ,, وهل سيكون هناك تضارب في أوقات العمل مثلاً بين المقاولين ,,
أي سلبيات أو إيجابيات عن هذا الموضوع





لاتحرمونا من خبراتكم ,,



تحياتي لكم ,,

[ذكي جدااا]

لازم تذكر بالتفصيل الشي اللي تبيه يعني مثلا بنااء عظم شامل اعمال الكهرباء والصرف الصحي والسباكه لازم تذكر انواع البيباات انواع الاسلاك الكهربائيه وووو كل شي بالتفصيل .... واذا تبقى بلستر بعد تذكر انه عظم شامل البلستر الداخلي والخارجي وهكذاااا

انا انصحك عطه مقاااول وااحد شامل الكهرباء والسباكه والصرف والبلستر وفي حال انك بتسوي حجر خارجي تقدر تسوي بلستر داخلي بس واللي بيركب لك الحجر خله هو يسوي بلستر خارجي ويمكن ما يحتااج بلستر خاارجي بعد على حسب طريقة التركيب في حال ما تبي تسوي حجر من الخاارج اذكر انه شامل بلستر داخلي وخاارجي وهكذاااااا انصحك اي شي اذكره بالعقد لانه بعدين تستوي مشاااكل

[شموخ دائم]

,

,


مرحبا اخوي

على المقاول احسن واريح لك

والعظم تشمل امور بالاتفاق مافي شي معين للعظم

نصيحتي لك

* خل الكهرباء كامله على المقاول مع ( كرت الكهرباء )

* السباكه

* المنهولات بالحوش

* بلاستر داخلي وخارجي ( اذا ماراح تركب حجر )

ولاتنسى اذا مافي خدمات بالمنطقه خل المقاول يحفر ( البالوعه ) الله يعز الجميع

اذكر التفاصيل بالعقد

بند الكهرباء ( حط مواصفات الوايرات والمجمع ) النوع والصناعه

بند السباكه ( حدد نوع البيبات والفتنج ) مع عمل ضغط اختبار 24 ساعه

بند المنهولات (وحدد النوع والصناعه للبيبات والغطاء ) وعمق وعرض البالوعه

كل ما كان البند واضح ما يحصل مشاكل ان شاء الله

* حدد فتره العقد سنه كامله مثلا تبتدي من استلام الدفعه الاولى

* حط شرط جزائي وغرامه تأخير 500 ريال في اليوم ( ضروري هذا الشرط )


بالنسبه للدفعات

خلها 10%

والدفعه الاولى مافي مانع تكون 12 %

والله يوفقك يارب

,

,


اخوك


شموخ دائم

[المـــــ$$$ـــــتثمر]

شكراً للجميع ,,

أي مشاركات أخرى ,,,,,,,,,,,,,,,,,,,,,,,,,,,,,,,,, ياليت ,, في إنتظاركم ,,

[تـاجر الـذهب]

1 - هل يمكن أن يكون عقد العضم يشمل أعمال كهرباء وسباكة
أم أن ((أعمال الكهرباء والسباكة)) لها عقد منفصل عن عقد العظم

2 - هل يفضل أن تكون أعمال كهرباء وسباكة على المقاول الرئيسي
أم أتعاقد مع مقاول آخر من الشركات المتخصصة في هذة الأعمال .. وهل بيكون أرخص ,, وهل سيكون هناك تضارب في أوقات العمل مثلاً بين المقاولين ,,
أي سلبيات أو إيجابيات عن هذا الموضوع


1. لا مش شرط يكون عقد العظم يشمل الكهرباء , تقدر تسوي عقد كهرب بروحه
والعادة يكون بروحه

2. تضارب الوقت مش مشكله ابداء المقاولين يتفاهمون ويدقون على بعض اول
باول ,,, لاتحاتي هالشي,,, الا اذا لاسمح الله طحت في مقاولين مش مضبوطين
مايمشون الا بالدف,,

عن نفسي المشكله الوحيدة الي صادفتني في مقاول كهرب بروحه ومقاول رئيسي بروحه
انه يصير اخطاء مثلا يركب الكهربائي تمديداته في طوفة المقاول اصلا ناوي يشيلها
فلو كانو نفس المهندس والمقاول كان تفاديت هالشي,,, الشي الثاني انه البناي اذا ما حط
الطوف الداخلية على حسب الخريطة بالسانتيميتر يجيك راعي الكهرب يركب التمديدات اثناء
الصب والبنيان بدقة نفس دقة الخريطة,,, وهنيه تلاقي تمديدلات طالعه في نص الغرف او الصالة,,, هذة بعض السبليات وهي بسيطة ولكن بالاخير الواحد يبي الزين حق بيت العمر