وين ارخص قطع غيار الجمس

[Thamer_Qat]

الوكالة المناعي ولا الجيده
ولا الحسا او دبي

واذا الحسا ارخص هل بيكون ذاك الفرق اللي يسوى والأضمن الوكالة ولا فيه محلات معينة تبيع اصلي بالحسا

انشالله القى اجابة من نشمي عنده خبره في هلأمور

[غـريب الدار 911]

السلام عليكم

أخوي ما عليك منهم لا جيده ولا مناعي

الفرق في الأحساء 10% - على ما أظن أسمه شارع الملك

و الشارقه ( مب دبي ) 15% بس بعضهم يبيعون قطع تقليد

و أن شاء الله أكون أفدتك

[صغيرون قطر]

مرحبا

اخوي الحسا

في المحل باوزير حق جميع السيارات بعد اشارات سوق القيصيره مباشره شارع الزينه

ارخص واضمن وتستاهل تروح روحه ورجعه

وافر ووووووووووووووايد من الدوحه واقرب من صناعية الشارقه

روح الحسا

تحياتي

[عاشق الشهادة]

بدون تفكيير الاحساء ارخص من قطر بحدود 55% من فترة واحد من اصدقائي طلب مني اجيب له شبك دينالي مع القطعه الي تحتة طلعت علي الاثنتين 860 ريال سعودي وهذا الكلام من شهريين تقريباً , اسئل عن الشارع الملكي واذا وصلت هناك ابيك تدعيلي يالغالي وبالتوفيق اخوي .

[الكواري 1972]

بالنسبه للبدي الفرق بسيط جداً بين دول مجلس التعون ويمكن عندنا بعد ارخص

اسئل مجرب اللي هو انا و لاتسئل طبيب

السعوديه والامارات مانصحك فيهم
انا اتكلم عن الاصلييييييييي

الله يوفقك

[Thamer_Qat]

مشكورين جميع على المعلومات الطيبة
انا مشكلتي في البدي والصدام الخلفي مع ربلاته
شكلي باصلح في الوكالة لأنهم يعطون خصم زين اوقات

مشكورين عموما