@@@@@ iPad from Apple ~~~~~ اي باد الجديد حمع الطلبات من شركة ابل مباشره @@@@@

[jealous]

السلام عليكم ورحمة الله وبركاته....وبعد

اليوم بنتكلم عن الجهاز الاسطوره من شركة ابل, iPad اي باد

هذا الجهاز يعتبر كالابتوب او النت بوك نقدر نتصفح عن طريقه النت بكل سهوله بواسطة الواير لس او خدمة ال 3جي يعني عن طريق وضع شريحة التلفون السيم كارد... سرعه عاليه جدا والافضل من هذا كله حجمه الصغير والخفيف جدا يصل وزنه الى اقل من كيلو بكثير (0.7 كيلو تقريبا) ويبلغ حجم الشاشه 9 انش وشوي

الي يبي يعرف اكثر عن هالجهاز يروح اليوتيوب او يعمل سيرش عنه فالقوقل....

مثل ماشفنا فالمنتدى كثير من العروض المرتفعه والمبالغ فيها... انا اليوم نويت اسوي لكم خدمه بسيطه باذن الله...

63648

انا على استعداد لتوفير الجهاز من موقع الشركه الرسمي مباشره وبالسعر الاصلي الموجود فالموقع ادناه... جوفوا الرابط لمعرفة الاسعار والانواع من موقع ابل الرسمي..

http://store.apple.com/uk/browse/home/shop_ipad/family/ipad

اي جهاز يعجبكم نضرب سعره في 6 = ريال قطري

مثلا اول جهاز واي فاي 16 جيجا = 429 باوند = 2575 ريال

طبعا بتسألون انا شنهي مصلحتي من هالخدمه !!!!

انا راح اخذ على كل جهاز 150 ريال فقط تكلفة التوصيل للدوحه و هذي فايدتي.!

واي استفسارات انا حاضر لكم..

ارجوا منكم رفع الموضوع بدعاء طيب عسى ربي يرزقنا وياكم من فضله

[ask_and_get]

يعطيك العافيه اخوي على الخدمه الحلوه

ولكن للأسف .. اسعار ستور البريطاني اكثر من الامريكي بوايد بصراحه !!

[jealous]

فعلا معاك حق اخوي بس يظل ارخص من اسعارنا الي في قطر ... شاكر لك مرورك

[الجوكر90]

بالتوفيق ان شاء الله




.:. الجوكر90 .:.

[Miss AlThani]

فكرتج حلوة مشاالله .. انا خاطري في واحد بس ابي اخذه من اي سبوت بس للاسف لين الحين مانزل رسمي في قطر ولو ان في مشاالله واجد شباب ومحلات يبيعونه ..
اممم بغيت انا 64 GB Wi-Fi + 3G
اسال اذا في ضمان والا لا؟ .. وكم يوم ياخذ لين يوصل؟ وطريقة الدفع شلون؟ والسعر كامل مع الشحن لاهنتي اختي

وبالتوفيق :)

[آلصآحب آلجديد]

بالتوفيق .. ان شاء الله

[AMER H]

بالتوفيق ،،

[bo-ibrahem]

السلام عليكم ورحمة الله وبركاته....وبعد






اي جهاز يعجبكم نضرب سعره في 6 = ريال قطري

مثلا اول جهاز واي فاي 16 جيجا = 429 باوند = 2575 ريال



ارجوا منكم رفع الموضوع بدعاء طيب عسى ربي يرزقنا وياكم من فضله


عليكم السلام

اخوي انا امس شاري اي باد 16 جيجا ب 2550

واذا تبي المحل بخليك تروح له بدون معارف واول ماتدخل بيقول لك 2550


يعطيك العافيه وجزاك الله خير على النيه الصافية

وتأكد ان ردي مب القصد منه اي شي بس للتوضيح

[jealous]

مشكورين عالمرور جميع ... على فكره فيمجال اذا تبغون اي شي من نفس الموقع ترون حاضر

[jealous]

فكرتج حلوة مشاالله .. انا خاطري في واحد بس ابي اخذه من اي سبوت بس للاسف لين الحين مانزل رسمي في قطر ولو ان في مشاالله واجد شباب ومحلات يبيعونه ..
اممم بغيت انا 64 gb wi-fi + 3g
اسال اذا في ضمان والا لا؟ .. وكم يوم ياخذ لين يوصل؟ وطريقة الدفع شلون؟ والسعر كامل مع الشحن لاهنتي اختي

وبالتوفيق :)

مرحبا الشيخه اشكرج على مرورج .... اكيد فيه ضمان لاني بشتريه من الشركه نفسها وراح تكون الفاتوره مع الجهاز عند التسليم.
الله يسلمج التوصيل راح يكون بالكثير اسبوعين او اقل

وبخصوص الدفع ابغي نص المبلغ مقدم والياقي عند التسليم و تقدرين تدفعين لي عن طريق البي بال او تحويل لحساب البنك.

المبلغ كامل 699 باوند + 150 ريال رسوم التوصيل= 4350 ريال

اذا موافقه ارسلج البيانات كامله عالخاص..شكرا

[jealous]

مرحبا اخوي بوابراهم والي يسلمك دش عاللنك الي انا حاطه فوق وبتشوف اسعار الشركه مب اسعار من راسي!

على فكره فايدتي فالعمليه 150 ريال عالتوصيل فقط ومستعد استغني عنها اذا هالشي يرضيك

[قطر77]

فكرتج حلوة مشاالله .. انا خاطري في واحد بس ابي اخذه من اي سبوت بس للاسف لين الحين مانزل رسمي في قطر ولو ان في مشاالله واجد شباب ومحلات يبيعونه ..
اممم بغيت انا 64 gb wi-fi + 3g
اسال اذا في ضمان والا لا؟ .. وكم يوم ياخذ لين يوصل؟ وطريقة الدفع شلون؟ والسعر كامل مع الشحن لاهنتي اختي

وبالتوفيق :)


كفايه انه ابل يعني مضمون

[Msh3l]

اخوي البآوند نزل وايد ترى ~ طآح طيحه ~!!!

http://www.sptechs.com/ucc.asp?tabcc=153 ..

هذا موقع ~ متجدد ~ واشهر موقع عملات

وشووف لما تضرب تضرب في سته ~ ولا

الموقع يضرب ويسوي كل شي ~ انزل تحت بالرابط وشووف


يطلع الناتج

699.00 £ جنيه سترليني = 3,643.52 ر.ق.‏ ريال قطرى

يعني نقول 3650 !!

D= !

سعر البآوند .. 5.21 !!! تفررررررررررق وايد والله


يعني سعرك النهائي المفروض يكون 3800


=) ~

[bo-ibrahem]

مرحبا اخوي بوابراهم والي يسلمك دش عاللنك الي انا حاطه فوق وبتشوف اسعار الشركه مب اسعار من راسي!

على فكره فايدتي فالعمليه 150 ريال عالتوصيل فقط ومستعد استغني عنها اذا هالشي يرضيك

ادري ..

بس مستغرب ليش انهم يبيعون اغلى من المحلات الي عندنا !!

[سحر السوق]

بليز بغيت رقمج للطلب

بالتوفيق

[بــوعــوف]

مرحبا الشيخ ..

ممكن رقمك عالخاص ..

[jealous]

شيكو عالخاص يالاخوان

[LiL iNVe$ToR]

ماظن تقدر تطلب اكثر من جهازين من الموقع الرسمي ..اذا ماعندك خبر عن هالشي ..شوف الموقع نفسه .

كاتبين لكل شخص يقدر يطلب بس جهازين فقط .

[Qatarianes]

ممكن رقمك ع الخاص اخوي d:

[السهم البلاتيني]

بالتوفيق ان شاء الله

[alhaddad]

اخوي البآوند نزل وايد ترى ~ طآح طيحه ~!!!

http://www.sptechs.com/ucc.asp?tabcc=153 ..

هذا موقع ~ متجدد ~ واشهر موقع عملات

وشووف لما تضرب تضرب في سته ~ ولا

الموقع يضرب ويسوي كل شي ~ انزل تحت بالرابط وشووف


يطلع الناتج

699.00 £ جنيه سترليني = 3,643.52 ر.ق.‏ ريال قطرى

يعني نقول 3650 !!

D= !

سعر البآوند .. 5.21 !!! تفررررررررررق وايد والله


يعني سعرك النهائي المفروض يكون 3800


=) ~

صحيح اخوي سعر الباوند مثل ما قلت 5.21 ريال قطري .

['Des]

اخوي اللي اعرفه انه على حسب سعر الدولار .. مو في 6 !! مستحيل
آخر مرة سألت في 3,75

[Abdulla86]

عليكم السلام

اخوي انا امس شاري اي باد 16 جيجا ب 2550

واذا تبي المحل بخليك تروح له بدون معارف واول ماتدخل بيقول لك 2550


يعطيك العافيه وجزاك الله خير على النيه الصافية

وتأكد ان ردي مب القصد منه اي شي بس للتوضيح

ممكن اسم المحل

[Gh2o]

حسبتك مب مضبوطه البوند 5,2 وينزل بعد !!!

[Gh2o]

وليش ماتاخذه من امريكا ارخص :d

[jealous]

يالاخوان انا حسبت الباوند على 6 للأسباب التاليه

انا استعمل بطاقة إئتمان قطريه ودايما يحسبون علي البنك سعر الباوند باكثر من السعر الي نشوفه في مواقع تحويل العملات وبالاضافه الى العموله الي ياخذها البنك مع كل عملية سحب فحسبت 6 ريال للباوند عشان مااظلم نفسي ويكون رقم تقريبي.

انا اتحدى اي احد منكم يجزم لي ان البنك ماياخذ منه عمولة على كل عملية دفع بالبطاقه الاتمانيه او اذا كان البنك يحسب لكم الباوند كما تفضل احد الاخوان وقال 5.2 !!! هالارقام نشوفها فالمواقع فعلا لكن وقت الصج مايعطونك هالنسبه وانا مستعد اعطيكم صوره من كشف حسابي. واخر سحبه كانت عندي من كم يوم حاسبين لي الباوند على 5.32 وماخذين عموله 60 ريال ولو نحسب ابكم طلع الباوند على بنلقى انه راح حول 6 ريال.

عالعموم السالفه ماتسوى انا ملاحظ ان سعر الجهاز من بريطانيا يساوي سعره بالدوحه ممكن امريكا ارخص لكن لازم يكون عندي حساب وعنوان امريكي عشان اطلب من موقع امريكا.

شكرا لكل الي شارك فالموضوع والي اطلبوا مني رديت عليكم عالخاص وتم الغاء جميع الطلبات لمصلحتكم.

دمتم بود

اتمنى اغلاق الموضوع